Tuesday , 16 October 2018
News update
Home >> Features >> तरकारीवाली’ अभिनित चलचित्र ‘लम्फु’को प्रचार युनिट चितवनमा (फोटो फिचर )

तरकारीवाली’ अभिनित चलचित्र ‘लम्फु’को प्रचार युनिट चितवनमा (फोटो फिचर )

नारायण ढुंगाना,
चितवन १९ वैशाख । सामाजिक सञ्जालमा भाईरल भएसँगै ‘तरकारीवाली’का नामले परिचित गोरखाकी कुसुम श्रेष्ठ अभिनित चलचित्र लम्फुको रिलिज डेट नजिकिएसँगै निर्माण यूनिटले प्रचार अभियानलाई तिब्र पारेको छ ।

हेटौडामा प्रचारात्मक कार्यक्रम सकेर आएको निर्माण युनिटले आज चितवनमा पत्रकार सम्मेलन गरी चलचित्रको बारेमा जानकारी दिएको छ ।

कार्यक्रममा कक्षा १२ को परीक्षा दिएर पत्रकार सम्मलेनमा सहभागि भएकी कलाकार कुशुस श्रेष्ठ(तरकारीवाली)ले थोरै रोल भएपनि सुहाउने भूमिकामा अभिनय गरेको भन्दै आएको पारिश्रमिक बालबालिकालाई सहयोग गर्ने बताईन् । उक्त चलचित्र यही यही वैशाख २८ बाट प्रदर्शनमा आउँदै छ ।

पत्रकार सम्मेलनमा उनका काका गोपीलाल श्रेष्ठले पठ्न नपाएका बालबालिकाका लागि सहयोग गरेर सामाजिक दायित्व निर्वाह गर्न छोरीले चलचित्रमा अभिनय गरेको भन्दै खुसी व्यक्ति गरे ।

चलचित्रका निर्देशक गोपालचन्द्र लामिछानेले चलचित्र लम्फु नेपाली माटो सुहाउँदो सामाजिक परिभेषको चलचित्र भएको दावी गर्दै भने, ‘नाम लम्फु भएपनि चलचित्र सम्फु छ ।’

चार वर्ष अघि केही दृष्य छायाँकन भएर रोकिएको चलचित्रमा पुराना केही सिन भएपनि पटकथा भने फरक रहेको निर्माण युनिटले जनाएको छ। चलचित्रका निर्माता शक्तिबल्लभ घोरासैनीले करिव रु १ करोडमा चलचित्र निर्माण गरेको बताए ।

उनले भने, ‘सामान्य विषयवस्तुमा बनेको सामान्य फिल्म हो ‘लम्फ’, स्थानिय विषय समेटेकाले नेपाली चलचित्र उद्योगको विकासमा योगदान दिन्छ ।’ लम्फु, कविर खड्का र कुसुम श्रेष्ठ(तरकारीवाली)को डेब्यू चलचित्र हो ।चलचित्रमा सलोन बस्नेत, मरिष्का पोखरेल, चाँदनी शर्मा, सञ्जित भण्डारी, कुशाग्र भट्टराई लगायतकोपनि अभिनय छ ।

Leave a Reply

Your email address will not be published. Required fields are marked *

*