Thursday , 15 November 2018
News update
Home >> kollywood >> बन्ने भयो ‘र्‍यापर लाउरे’ लाउरे कै हुनेछ मुख्य अभिनय

बन्ने भयो ‘र्‍यापर लाउरे’ लाउरे कै हुनेछ मुख्य अभिनय

हिपहप किङको रुपमा चर्चित र्‍यापर लाउरे अर्थात आशिश राणाको मुख्य अभिनय रहने गरी चलचित्र ‘र्‍यापर लाउरे’ निर्माण हुने भएको छ ।र्‍याप ब्याटलबाट एकाएक चर्चामा आएका लाउरे अहिले र्‍यापरको रुपमा निकै चर्चित रहेका छन् । लाउरेकै र्‍यापबाट प्रभावित हुनेहरु पनि टन्नै रहेका छन् । र्‍याप सँगै लाउरेले चलचित्रमा समेत अभिनय गरिसकेका छन् ।

 

केही बर्ष अघी प्रदर्शनमा आएको चलचित्र ‘ताण्डव’ बाट उनले चलचित्रमा पनि अभिनय सुरु गरेका हुन् । अब तिनै लाउरेको मुख्य अभिनय रहने गरी चलचित्र ‘लाउरेको र्‍याप’ बन्ने भएको छ । पासाङ योन्जनले निर्देशन गर्ने चलचित्र ‘लाउरेको र्‍याप’ को लागि लाउरे फाइनल भएका हुन् । चलचित्रमा कथा पनि निर्देशक योन्जनकै रहने छ । चलचित्रको कथा बस्तु र्‍यापर लाउरेकै वरीपरी घुम्ने छ । चलचित्रको कथा लाउरेको जीवन सँग मेल खाने भएकै कारण लाउरेलाई नै लिएर चलचित्र निर्माण गर्न लागिएको निर्देशक योन्जनले बताएका छन् ।

माघबाट फ्लोरमा जाने भनिएको चलचित्रमा लाउरे सँगै सोनाम पाख्रिन पनि अनुबन्धन भईसकेका छन् । सोनामले यस अघी चलचित्र ‘जिन्दगी रक्स’ मा पनि मुख्य अभिनेताको रुपमा काम गरिसकेका छन् । दावा शेर्पा सेट्टीले निर्माण गर्ने चलचित्रमा हरी हुमागाईंको छायांकन रहनेछ । चलचित्रको कास्टिङ लाईनअप छिट्टै फाइनल हुने बताईएको छ ।

Leave a Reply

Your email address will not be published. Required fields are marked *

*