Tuesday , 11 December 2018
News update
Home >> Features >> चलचित्र ‘जात्रै जात्रा’अष्ट्रेलियाकाको लागि ३५ लाखमा बिक्यो

चलचित्र ‘जात्रै जात्रा’अष्ट्रेलियाकाको लागि ३५ लाखमा बिक्यो

बर्ष २०७४ को सुपरहिट चलचित्र ‘जात्रा’ को सिक्वेल ‘जात्रै जात्रा’ ले तयार हुनु भन्दा अघी नै ३५ लाख कमाएको छ । केही दिन अघी मात्रै टिजर सार्वजनिक गरेर फ्लोरमा गएको चलचित्रको अष्ट्रेलियाको राइट्स ३५ लाखमा बिक्री भएको हो । चलचित्र अष्ट्रेलियामा प्रदर्शन गर्नको लागि ३५ लाखको सम्झौता भएको निर्देशक प्रदिप भट्टराईले सामाजिक सन्जाल फेसबुक मार्फत जानकारी दिएका छन् ।

चलचित्रलाई होर होइन होला इभेन्ट र पप अप इन्टरटेन्मेन्टले अष्ट्रेलियामा प्रदर्शन गर्ने अधिकार प्राप्त गरेको छ , जस बापत चलचित्रले ३५ लाख रुपैया प्राप्त गर्नेछ । चलचित्र सन् २०१९ मार्चमा अष्ट्रेलियाको मुख्य शहर सिड्नीमा प्रदर्शन हुने भएको छ । ‘जात्रा’ ले नेपाल सँगै अष्ट्रेलियामा पाएको राम्रो प्रतिकृया र गरेको ब्यापारको कारण त्यसको सिक्वेल ‘जात्रै जात्रा’ बन्नु अघी नै बिक्री भएको बुझिएको छ । चलचित्रका कार्यकारी निर्माता तथा कलाकार रबिन्द्र सिंह बानियाँले चलचित्र अन्य देशमा पनि प्रदर्शन गराउने बारे छलफल भईरहेको जानकारी दिनुभयो ।

फाल्गुन १७ लाई प्रदर्शन मिती तय गरेको ‘जात्रै जात्रा’ लाई यादव पौडेल र सिङगे लामाले निर्माण गरेका हुन् । चलचित्रमा ‘जात्रा’ कै मुख्य कलाकारहरु रबिन्द्र सिंह बानियाँ, बिपिन कार्की, बर्षा राउत र रबिन्द्र झा दोहोरिएका छन् भने दाँयाह्याङ राईको पनि इन्ट्री भएको छ ।

Leave a Reply

Your email address will not be published. Required fields are marked *

*