Wednesday , 12 December 2018
News update
Home >> Author Archives: namastefilmy

Author Archives: namastefilmy

चलचित्र ‘गोपी’को पोस्टर रिलिज , विपिन गाई पाल्ने किसानको भूमिका

माघ १८ गते बाट प्रदर्शनमा आउन लागेको विपिन कार्कीको अभिनय रहेको पछिल्लो चलचित्र ‘गोपी’को पोस्टर रिलिज भएको छ । चारवटा पोस्टरमध्ये सबैमा विपिनको उपस्थिति छ । एउटा पोस्टरमा मात्र फिल्मका दुई अभिनेत्री वर्षा राउत र सुरक्षा पन्तलाई समावेश गरिएको छ ।

आरोही केसीको लगानीमा दीपेन्द्र लामाद्वारा निर्देशित ‘गोपी’मा विपिनले गाई पाल्ने किसानको भूमिका निर्वाह गरेका छन् । पोस्टरमा उनको पेशा झल्किने गरी गाई र दूधको क्यानलाई प्राथमिकता दिइएको छ ।

विपिनको सडक दुर्घटनाका कारण फिल्मको पोस्टर निर्धारित समयभन्दा पछाडि रिलिज गरिएको हो । विपिनलाई यसै हप्ता गाईफार्ममा लगेर फोटो सुट गरिएपछि मात्र पोस्टर तयार पार्न सकिएको निर्देशक लामाले बताए । उनले थपे, पोस्टरको कलर कम्बिनेसन र कलाकारहरुको भाव मलाई चित्त बुझेको छ ।

आरोही इन्टरटेनमेन्टको ब्यानरमा बनेको फिल्ममा पटकथा सामिप्यराज तिमल्सिनाले लेखेका छन् । त्यस्तै कार्यकारी निर्माता श्रीधर पौडेल, छायाँकार शैलेन्द्र डि कार्की र सम्पादक निमेष श्रेष्ठ रहेका छन् । फिल्ममा विप्लव प्रतीक र बुद्धिसागरले लेखेका गीतलाई न्ह्यू बज्राचार्य, अर्जुन पोखरेल र कल्याण सिंहले कम्पोज गरेका छन् । पाश्र्व संगीत रोहित शाक्यको सुन्न सकिन्छ ।

फिल्ममा प्रकाश घिमिरे, रमेश अधिकारी, अंकित खड्का, भोला सापकोटा, कमलमणि नेपाल, कुन्ती सिमाली, हिउँबाला गौतम, सरोज अर्याल, केशव राई लगायतले पनि अभिनय गरेका छन् ।

पुनम गौतमको ‘मारूनी’ मा पुष्पले साम्राज्ञी र रेविका सग रोमान्स गर्ने

मंगलबार राजधानीमा एक कार्यक्रमको बिच चलचित्र ‘मारूनी’ निर्माणको औपचारिक घोषणा गरिएको छ। निर्देशकदेखि कलाकारहरुलाई र्‍याम्पमा उतार्दै ‘मारूनी’ घोषणा गरिएको हो ।

चलचित्रमा अभिनेत्री साम्राज्ञी राज्य लक्ष्मी शाह र डेब्यू अभिनेत्री रेविका गुरूङको साथमा अभिनेता पुष्प खड्का मुख्य भूमिकामा देखिनेछन्।चलचित्र लाई नवल नेपालले निर्देशन गर्दैछन्।माघ दोस्रो साताबाट छायांकन आरम्भ हुने फिल्मले दुई सुन्दरी युवतीको कथा भन्ने निर्देशक बताउँछन् ।काठमाडौं र बाँके लगायतका स्थानमा छायांकन हुने फिल्मको टाइटलले कुनै नाचसँग सरोकार नराख्ने निर्देशक नेपालले बताए ।

निर्मात्री पुनम गौतमको निर्माणमा रहेको चलचित्र ‘मारूनी’ मा गोविन्द फुँयालको कथा तथा अर्जुन पोखरेल र कृष्ण काफ्लेको संगीत रहनेछ भने सञ्जय लामाले छायांकन गर्दैछन् ।

पुनम इन्टरटेन्मेन्टको ब्यानरमा निर्माण हुने यस चलचित्रमा अजय पोखरेल र राजा प्रधानले लगानीमा सहकार्य गरेका छन् ।चलचित्रमा सुनिशा क्षेत्री, अरुण राज, आयुष प्रधान, शंखर सेढाइलगायतका कलाकारहरुको पनि अभिनय रहनेछ । सायरा आचार्य, आभाष सिंह, स्वर्णिम पौडेल र सौर्य अधिकारी बाल कलाकारमा रहेका छन्।

चलचित्र ‘दाल भात तरकारी’को सुटिंगमा निरुता सिंहको सुन्दर ६ तस्बिर

चलचित्र ‘दाल भात तरकारी’को सुटिंगमा निरुता सिंहको सुन्दर ६ तस्बिर

https://www.youtube.com/watch?v=BLy7RGi_fBs

सलमान खानसँग अनुष्काले फिल्म नगर्ने

केही दिन यता निर्देशक सञ्जय लीला भन्सालीको फिल्ममा अनुष्का शर्मा अभिनेता सलमान खानको जोडीको रुपमा काम गर्ने खबरहरु अाइरहेका थिए ।

तर अनुष्का शर्माले भने त्यस खबरको खण्डन गर्दै फिल्ममा सलमान खानसँग काम नगर्ने बताएकी छिन् । अनुष्का शर्माले सञ्जय लीला भन्सालीसँग भविष्यमा काम गर्न इच्छुक भए पनि अहिले भने काम नगर्ने बताएकी हुन् ।

अभिनेता सलमान खानले निर्देशक सञ्जय लीला भन्सालीसँग सन् १९९९ मा फिल्म ‘हम दिल दे चुके हे सनम’ मा काम गरेका थिए । वषौंपछि सञ्जय लीला भन्साली उनको अब बन्ने फिल्मका लागि सलमान खान र शाहरुख खानलाई एकसाथ ल्याउन खोजिरहेका छन् ।

यो फिल्मका लागि यसअघि अभिनेत्री दीपिका पादुकोणलाई प्रस्ताव राखिएको थियो तर सलमान खानले दीपिकासँग फिल्म गर्न नमानेपछि अनुष्का शर्मालाई प्रस्ताव राखिएकाे थियाे । अहिले आएर अनुष्का शर्माले सलमान खानसँग यो फिल्ममा काम गर्न नमानेपछि नयाँ अभिनेत्री को हुने भन्ने कुराकाे टुंगो लागेको छैन ।

बलिउडकी चर्चित गायिका नेहा कक्करको ब्रेकअप

बलिउडमा आफ्नो आवाजका साथै प्रेम सम्बन्धका कारण चर्चामा रहेकी बलिउडकी चर्चित गायिका नेहा कक्कर अहिले भने उनका प्रेमी तथा अभिनेता हिमांश कोहलीसँगको सम्बन्ध बिग्रिएको खबर सार्वजनिक भएको छ ।

नेहा र हिमांशले केही महिना अघि एक टेलिभिजन रियालिटी शोमा आफूहरुबीचको सम्बन्धलाई सार्वजनिक रुपमा स्वीकार गरेका थिए । तर यि दुईबीचको सम्बन्ध अगाडि बढ्न सकेन ।

नेहा र हिमांशले इन्स्टाग्राममा एकअर्कालाई अनफलोसमेत गरिदिएका छन् । गायिका नेहा कक्करले उनको इन्स्टा अकाउन्टमा हिमांश कोहलीका साथमा भएका तस्बिर र भिडियोहरु डिलिट गरिदिएकी छिन् । तर हिमांशले भने नेहा र उनको परिवारका तस्बिर उनको अकाउन्टबाट हटाएका छैनन् ।यस वर्षको सुरुवातमा नेहा कक्कर र हिमांश कोहलीले युट्यूबमा ‘ओ हमसफर’ नामको म्यूजिक भिडीयो सार्वजनिक गरेका थिए ।

सलिनमान बनिया चलचित्र ’यात्रा ’ को डबिङमा व्यस्त

डेब्यु फिल्म मार्फत नै राइजिङ स्टारको ट्याग पाएका सलिन मान बनिया पछिल्लो समय फिल्म ’यात्रा ’ को डबिङमा व्यस्त छन् । दोस्रो फिल्म मार्फत आफ्नो स्टारडम झनै बढाउने गरि काम गरिरहेका सलिनको डबिङसँगै काम अन्तिम चरणमा पुगेको छ । चकलेटी फेस अनि कोरियन लुक्स भएका कारण उनका फ्यान स्वदेशसँगै विदेशमा पनि उतिकै छन् ।

फिल्ममा सलिनले गरेको डान्स र फाइटको चर्चा यतिबेला टिममा छ । ‘सलिन निकै मेहेनती छन् , उनले आफुलाई बेस्ट देखाउन मेहनत गरेका छन्’ निर्देशक सम्राट शाक्यले बताए । फिल्मको डबिङ गरिरहेका सलिन पनि खुसि छन् । ’हामीले सोचेकै दृश्यलाई पर्दामा देखिरहेको छु’ उनले भने ’फिल्मको लागि टिमले निकै मेहनत गरेका छौ ।’ उनले डबिङकै क्रममा फिल्म पनि हेरिरहेका छन् । ’रमाइलो भईरहेको छ’ सलिन भन्छन ’दोस्रो फिल्ममा आइपुग्दा आफुलाई झनै परिपक्क बनाउदैछु ।

फिल्ममा सलिनसँगै , सलोन बस्नेत , जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , बिशाल पहाडी , प्रजोल भट्टराई , देशभक्तखनाल , कमल मैनाली , सौगात शर्मा लगायतको अभिनय रहनेछ ।

यसैफिल्म मार्फत मल्लिका महतले डेब्यु गर्दै छिन् भने यसमा विदेशी कलाकारहरु चाइनाका जुन झाङ र केन्याका बबीको पनि अभिनय रहनेछ । फिल्ममा बालकलाकारको रुपमा पछिल्लो समय युट्युबमा चर्चा रहेका अंकित संग्रौला र एन्जल राई रहेका छन् ।

सम्राट शाक्यको कथा तथा निर्देशन रहने फिल्म कोटकी कालिका देवीफिल्म्स प्राइभेट लिमिटेड , क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण भईरहेको छ । केशव भट्टराईसँगै चिज कुमार श्रेष्ठ पनि प्रस्तुतकर्ता रहेको फिल्ममा बिक्रम पराजुली , मुक्ति तिम्सिना र राम शरण घिमिरे सह – निर्माता रहेका छन् ।

फिल्मका निर्माता सुशील पोखरेल हुन् भने यसको कार्यकारी निर्माता सर्जुमान लिगल रहेका छन् । फिल्ममा कथापनि सम्राटकै रहेको छ भने यसलाई उनिसँगै सुरेश न्यौपाने , प्रतिकपौडेल र शिशिर खातीले मिलेर लेखेका हुन् । यसलाई संजय लामाले खिचेका हुन् ।

फिल्ममा कविराज गहतराज र प्रविन सिंहको कोरियोग्राफी , हिमाल केसीको द्वन्द , बनिश शाहको सम्पादन रहेकोछ । फिल्ममा वरिष्ठ संगीतकार शम्भुजित बास्कोटाकोसँगै प्रतिक पौडेल र कोविद बज्रको संगीत रहेको छ भने फिल्म नयाँ वर्षको अवसर पारेर चैत्र २९ मा रिलिज हुनेछ ।

अम्बानीको छोरी बिहेमा सलमानको डान्स

भारतका धनाड्य व्यापारी मुकेश अम्बानीकी छोरी ईशा अम्बानीको विवाह यही डिसेम्बर १२ मा हुँदैछ । अहिले भारतको उदयपुरको होटल उदय विलासमा विवाह अघिका कार्यक्रमहरु चलिरहेका छन ।
डिसेम्बर ९ मा ईशा अम्बानीको संगितको कार्यक्रम भएको थियो । जहाँ अमेरिकन पप स्टार वियोन्सेले एक रातको १५ करोड रुपैयाँ पारिश्रमिक लिएर प्रस्तुती दिएकी थिइन भने बलिउडका स्टार शाहरुख खान उनकी पत्नी गौरी खान, ऐश्वर्या राय बच्चन र अभिषेक बच्चन, आमिर खान जस्ता कलाकार समेत नाचेको थिए ।

यसैबीच सामाजिक संजालमा सलमान खानको एक यस्तो भिडियो सार्वजनिक भयो जुन भिडियोले सलमानका फ्यानहरुलाई आश्चर्य चकित बनाएको छ । यस भिडियोमा अम्बानीका छोरा अनन्त अम्बानीकी प्रेमिका नाचिरकेकी छिन भने उनका साथमा बलिउडका दवंग सलमान खान नाचिरहेका देखिन्छन ।

यसैबीच जब अम्बानीका छोरा अनन्त अम्बानी गितार लिएर स्टेजमा आउँछन । त्यसपछि सलमान खान पछि हट्दै अनन्त र उनकी प्रेमिकाको पछाडी गएर नाच्न थाल्छन ।

भिडियोमा सलमान खानले निलो रंगको शुट लगाएका छन भने स्टेजमा शाहरुख खानको फिल्म ‘कुछ कुछ होता हे’ को गित ‘मुझको क्या हुवा हे’ मा अनन्त अम्बानी अगाडी आएर प्रेमिकाका साथ नाचिरहेका छन भने सलमान खान पछाडी रहेका ब्याकग्राउण्ड डान्सरहरुका साथ नाचिरहेका छन । बलिउडका टाइगर सलमान खान यसरी नाचिरहेको भिडियो सामाजिक संजालमा भाइरल भइरहेको छ ।

दयाह्याङ अभिनित ‘आप्पा’ को फस्टलुक पोष्टर सार्वजनिक

चलचित्र ‘आप्पा’को फस्टलुक पोस्टर सार्वजनिक गरिएको छ ।सोमबार काठमाडौंमा एक कार्यक्रमको आयोजना गर्दै निर्माण युनिटले चलचित्रको पोस्टर तथा कास्ट एण्ड क्रियु सार्वजनिक गरेको हो ।जेष्ठ २४ गतेलाई आफ्नो प्रदर्शन मिती फाइनल गरेको चलचित्र ‘आप्पा’को सार्वजनिक पोस्टरमा चलचित्रका मुख्य पात्र दयाहाङ राई, सिद्धान्त राज तामाङ, अल्लोना काबो लेप्चालाई स्थान दिइएको छ ।

बाबु छोराको सम्बन्धको कथामा निर्माण भएको चलचित्र ‘आप्पा’लाई अनमोल गुरुङले निर्देशन गरेका हुन् । अ माउन्टेन स्टोरीज प्रोडक्सन र सिनेमा आर्टको संयुक्त ब्यानरमा निर्माण भएको सिनेमाका कार्यकारी निर्माता हुन् । ‘आप्पा’मा रुदेन सादा लेप्चाको लगानी रहेको छ ।

चलचित्रमा दयाहाङ राई, सिद्धान्त राज तामाङ र अल्लोना काबो लेप्चाका अलवा बरिष्ठ निर्देशक तथा निर्माता तुलसी घिमिरे, अरुणा कार्की लगायतका कलाकारको समेत मुख्य भुमिका रहेको छ । ‘आप्पा’मा निर्देशक अनमोल गुरुङको कथा, अनमोल गुरुङ र उमेश उपमाको पटकथा तथा संवाद, शैलेन्द्र डि कार्कीको छायाँकन, अनमोल गुरुङ र शैकात देवको संगीत, निमेष श्रेष्ठको सम्पादन रहेको छ ।

साम्राज्ञी र पुष्पलले अभिनय रहेने चलचित्रको नाम ‘मारुनी’

अहिलेकी मस्ट डिमाण्डेड अभिनेत्री साम्राज्ञी राज्य लक्ष्मी शाह सँग चक्लेटी नायक पुष्पल खड्काले रोमान्स गर्न लागेको चलचित्रको नाम फाइनल भएको छ । नवल नेपालले निर्देशनमा साम्राज्ञी र पुष्पलले एक एर्का सँग पहिलो पटक रोमान्स गर्न लागेको चलचित्रको नाम ‘मारुनी’ फाइनल भएको छ ।

‘मारुनी’ भन्नाले सामान्यतया ‘मारुनी नाच’ लाई चिनिन्छ तर यसको अर्थ राम्री युवती भन्ने पनि हुन्छ । चलचित्र ‘मारुनी’ ले भने राम्री युवतीलाई जनाउनेछ । चलचित्रमा दुई अभिनेत्रीहरुलाई दुई राम्री ‘मारुनी’ को रुपमा देखाईनेछ । चलचित्रमा साम्राज्ञी र पुष्पल सँगै रेविका गुरुङको पनि अभिनय रहनेछ । चलचित्रको लागि साम्राज्ञी १५ लाख पारीश्रमिक लिएकी छिन् । अन्य कलाकारहरु भने फाइनल हुन बाँकी रहेको निर्देशक नेपालले बताए ।

कास्टिङ लाइन अप फाइनल भए सँगै चलचित्र निर्माणको अधिकारिक घोषणा हुनेछ । त्रिकोणात्मक प्रेम कथामा बन्ने चलचित्र माघको अन्तिम साताबाट फ्लोरमा जाने बताईएको छ । पुनम गौतमको निर्माण रहने चलचित्रलाई सञ्जय लामाले खिच्नेछन् ।चलचित्रमा अर्जुन पोखरेल र कृष्ण काफ्लेको संगीत रहनेछ ।

कतारमा हुने फाइनलको लागि ‘द भ्वाइस अफ नेपाल’ को ४ प्रतिस्पर्धी छनोट

 चर्चित सिङगिङ रियालिटी शो ‘द भ्वाइस’ को फ्रान्चाईज शो ‘द भ्वाइस अफ नेपाल’ को फाइनलको लागि ४ प्रतिस्पर्धीहरु छनोट भएका छन् । आईतबार राती सम्पन्न एपिसोडबाट ४ फाइनलिस्ट छनोट भएका छन् । सेमिफाइनलमा प्रवेश गरेका ८ प्रतिस्पर्धी मध्य ४ जना फाइनलका लागि छनोट भएका हुन् । सेमिफाइनलमा ‘द भ्वाइस अफ नेपाल’ का ४ कोचहरुको प्रत्यक टिममा २-२ जना प्रतिस्पर्धीहरु रहेका थिए ।

टिम दिपमा बिबेक वाइबा लामा र सिडी बिजय अधिकारी रहेका थिए । जस मध्य टिम दिपबाट सिडी बिजय अधिकारी फाइनलमा प्रवेश गरेका हुन् भने बिबेक वाइबा लामा सेमीफाइनलबाट नै बाहिरिएका हुन् । यस्तै टिम सनुपमा बिद्या तिवारी र सप्तक दुधराज रहेका थिए । बिद्या र सप्तक मध्य टिम सनुपबाट सप्तक फाइनलमा प्रवेश गर्दा बिद्याको यात्रा सेमिफाइनल सम्म मात्र सिमित भएको हो । टिम अभयामा कुशल आचार्य र श्रेया राई रहेका थिए । टिम अभयाबाट कुशल फाइनलमा प्रवेश गरेका छन् भने श्रेया सेमिफाइनलबाटै घर फर्किएकी छिन् । उता टिम प्रमोदमा रहेका सुशिल गर्तौला र श्रिजय थपलिया रहेकोमा श्रिजय फाइनलमा प्रवेश गर्न सफल भएका छन् ।

चार कोचहरुको टिमबाट एक एक जना फाइनलमा प्रवेश गरेक हुन् । बिबेक, बिद्या, श्रेया र सुशिल सेमिफाइनलबाटै बाहिरिए पनि उनिहरुले फाइनलमा आ- आफ्नो प्रस्तुती भने दिन पाउने भएका छन् । फाइनलमा पुगेका ४ प्रस्तिस्पर्धीहरुले हिजो नै आफ्नो प्रस्तुतीहरु दिए सँगै भोटिङ पनि खुल्ला भईसकेको छ । भोटिङ लाईन शुक्रबार राती ८ बजे सम्म खुल्ला हुनेछ ।

‘द भ्वाइस अफ नेपाल’ को फाइनल यही डिसेम्बर १४ तारिखमा हुनेछ । यसको फाइनल कतारको दोहा स्थित एसियन टाउन ग्रान्डमल सनैयामा हुनेछ । कतारमा रहेका दर्शकहरुले त्यही गएर को लाइभ हेर्न पाउनेछन् भने नेपालमा रहेका दर्शकहरुले ‘द भ्वाइस अफ नेपाल’ प्रसारण हुँदै आएको टिभी च्यानल कान्तिपुर एचडीबाट राती १० बजे पछी हेर्न पाउनेछन् । बिगत ४ महिना देखी सन्चालन हुँदै आएको ‘द भ्वाइस अफ नेपाल’ को बिजेताले नगद २५ लाख सँगै एउटा कार, २० लाख बराबरको एल्बम कन्ट्र्याक पाउनेछन् । यस्तै ४ फाईनलिष्टले वर्ल्ड म्युजिक टुरको मौका प्राप्त गर्नेछन् ।