Saturday , 23 February 2019
News update
Home >> Article (page 3)

Article

‘मंगलम’ले पायो दर्शकको मायाँ

फागुन २७ । शुक्रबार बाट रिलिज भएको फिल्म ‘मंगलम’ हेर्न यतिबेला दर्शकको भिड लागेको छ ।

पारिवारिक कथामा बनेको फिल्मले शुक्रबार बाटै राम्रो व्यापार सुरु गरेको थियो । शनिबार देशभरका अधिशाँक हलहरु हाउसफुल भए । दर्शकहरुलार्इ चलचित्रले भावुक पनि बनायो ।

सिङ्गल थिएटरमा पकड राख्ने छवि ओझाको फिल्मले यसपटक मल्टिप्लेक्समा समेत कब्जा गरेकोदेखियो । फिल्मको कथा र कलाकारको अभिनयको निकै तारिफ आएको छ । विशेष गरि पुस्प खड्का अर्थात ९दिपक० को अभिनयको हाल निकै चर्चा र तारिफ आइरहेको छ ।
फिल्ममा पुष्प खड्का, शिल्पा पोखरेल, पृथ्वीराज प्रसाई, साम्राज्ञी राज्यलक्ष्मी शाह, मिथिला शर्माको अभिनय छ । फिल्मलाई नवल नेपाल ले निर्देशन गरेको हुन । कार्यकारी निर्माता छबिराज ओझा हुन । गोविन्द फुयालले लेखेको फिल्मलाइ कल्पित घिमिरेले खिचेका छन ।

फिल्ममा निर्माताको रुपमा जितेन्द्र साक्य, सकार ओझा, ओम गुरुङ रहेका छन् फिल्ममा सिल्पा पोखरेलको लगानी छ । दिपक शर्माको संगीत , गोविन्द फुयालको कथा र कविराज गहतराजको नृत्य रहेको छ ।

चलचित्र पंचायतको रेडकार्पेट प्रिमियर : प्रचण्ड–झलनाथ लगायत नेताहरुले गरे तारिफ


नारायण ढुंगाना, काठमाडौ २५ फागुन । आगामी चैत २ गते देशैभर प्रदर्शनमा आउन लागेको ऐतिहासिक विषयवस्तुमा आधारित चलचित्र ‘पंचायत’को आज काठमाडौमा शिर्ष नेताहरुको सहभागितमा रेडकार्पेट ‘प्रिमियर ‘सो’ गरिएको छ ।

पुर्व प्रधानमन्त्री, मन्त्री, विभिन्न दलका नेता, विशिष्ठ कलाकार, पत्रकार, चलचित्रकर्मी लगायत ३०० भन्दा बढीको सहभागितमा शुक्रबार साँझ प्रिमियर सो गरिएको थियो ।

चलचित्र हेरेपछि नेताहरुले उत्कृष्ट फिल्म बनेको भन्दै चलचित्रको कथावस्तु र कलाकारको प्रस्तुतिको भव्य तारिफ गरेका छन् । २०३१ सालमा एउटा गाउँमा भएको न्याय प्रणाली, सामाजिक व्यवस्था तथा सँस्कृतिसँग जोडेर चलचित्र निर्माण गरिएको छ ।

चलचित्र पंचायत हेरेपछि पुर्व प्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल, प्रचण्डले भन्नुभयो, ‘चलचित्रले त्यतीबेलाको सामाजिक साँस्कृतिक चित्रण गर्न सफल भएको छ, कलाकारको प्रस्तुति राम्रो र प्रभावकारी छ ।’उहाँले नाम, कथावस्तु र पात्रको प्रस्तुतिमा अलिकति अन्तरविरोध जस्तो देखिएको प्रतिक्रिया दिनुभयो ।


अर्का पुर्व प्रधानमन्त्री तथा नेकपा(एमाले)का वरिष्ठ नेता झलनाथ खनालले फिल्म यथार्थ, रोचक र मार्मिक भएको उल्लेख गनुयभयो । ‘चलचित्रमा समाजको यथार्थ प्रतिबिम्व छ, विकृति विसंगति जुन ढंगले उजागर गरेको छ, बधाई छ ।’ खनालले भन्नुभयो ।

पुर्व अर्थमन्त्री तथा नेकपा(माओवादी केन्द्र)का नेता वर्षमान पुन, अनन्तले पुरानो इतिहास र समाजलाई हेर्न पाउनु महत्वपूर्ण विषय भएको भन्दै नयाँ पुस्ताले त्यो बेलाको राजनीतिक र सामाजिक परिवर्तन हेर्न पाउनु ठुलो कुरा भएको उल्लेख गर्नुभयो ।

पुर्व उर्जामन्त्री एवं माओवादी केन्द्रका अर्का नेता जनार्दन शर्मा, प्रभाकरले पुरानो भएपनि नेपाली समाजले भोगेको कुरा देखाउन खोजेको भन्दै कलाकारको मेहनतको प्रशंसा गर्नुभयो । उहाँले भन्नुभयो, ‘हृदयविदारक दृष्य प्रस्तुत गरेको छ धेरै राम्रो छ ।’

नेकपा एमालेका युवा नेता योगेश भट्टराईले नेपाली समाज त्यसमाथिपनि ग्रामिणभेगको थुप्रै घटना चलचित्रमा उद्घाटीत भएको प्रतिक्रिया दिनुभयो । चलचित्र ससक्त बनेको उल्लेख गर्नुहुँदै भट्टराईले निर्माण समुहलाई बधाई दिनुभयो ।

नेपाली काँग्रेसका नेता तथा पुर्व संचारमन्त्री मिनेन्द्र रिजालले शक्तिशाली विषयबस्तुमा चलचित्र पंचायत बनेको भन्दै तारिफ गर्नुभयो । चलचित्रमा घटेको घटना अब समाजमा नघटुन् भन्ने सन्देश दिन खोजेको आफुले पाएको रिजालको भनाई थियो ।

चलचित्रको ‘प्रिमियर ‘सो’मा उद्योग मन्त्री मातृकाप्रसाद यादव, पुर्व सभामुख ओनसरी घर्ती मगर, माओवादी केन्द्का नेता नारायण दाहाल, काँग्रेस नेतृ उमा रेग्मी, प्रहरी अधिकारीहरु सर्वेन्द्रनाथ खनाल, रमेश खरेल, छविलाल जोशी, चलचित्र निर्माता नरेन्द्र महर्जन र प्रदिप कुमार उदय, आकास अधिकारी, सोभित बस्नेत जयकिशन बस्नेत लगायत कलाकार र पत्रकारहरुको सहभागिता थियो ।

गणेश गिरी, सुसान्त श्रेष्ठ र शंकर सुवेदीको लगानीमा बनेको चलचित्रको कार्यकारी निर्मातामा रवि अधिकारी हुनुहुन्छ ।

शिवम अधिकारीको लेखन तथा निर्देशन रहेको चलचित्रको मुख्य भूमिकामा रहेका नायक सरोज खनाल र नायिका नीता ढुंगानाले शिर्ष नेताहरुबाट तारिफ पाएकाले सहि चलचित्रमा मेहनत गरेको महसुस भएको प्रतिक्रिया दिए ।

खनाल र ढुंगानासँगै उक्त चलचित्रमा रुपा राना, गीता अधिकारी, गणेश गिरी, विशाल पहारी, किरण थापा, राजुबाबु श्रेष्ठ र रवि अधिकारीको समेत अभिनय छ ।

पंचायतले अमेरिकामा भएको फिल्म फेष्टिवलमा २१७ चलचित्र मध्ये उत्कृष्ट अवार्ड समेत पाईसकेको छ ।

चलचित्र ‘भैरे’को ‘सान्नानीलाई भेट्न आउँदा’ गीत रिलिज

काठमाडौं, अभिनेता दयाहाङ राई अभिनित फिल्म ‘भैरे’ को पहिलो अफिसियल गीत सार्वजनिक भएको छ । शुक्रवार राजधानीमा एक कार्यक्रमका बीच कलाकार र निर्माण टिमको उपस्थितिमा ‘सान्नानीलाई भेट्न आउँदा’ बोलको गीत सार्वजनिक गरियो ।

गीतको भिडियोमा अभिनेता द्वय विक्रान्त बस्नेत, बुद्धि तामाङ र अभिनेत्री वर्षा सिवाकोटीको फिचर छ । बसन्त सापकोटाको शब्द र संगीत रहेको गीतमा यम बराल, बसन्त सापकोटा र मेलिना राईले आवाज भरेका छन् ।

कविराज गहतराजको नृत्य निर्देशन गज्जब छ । उनले गीतमा फरक कन्सेप्ट प्रयोग गरेका छन् । छायाँकार पुरुषोत्तम प्रधानले कलात्मक शैलीमा गीत खिचेका छन् । एभरेष्ट सूर्य बोहराको लेखन र निर्देशन रहेको फिल्मको निर्मातामा प्रेम प्रसाद पौडेल र देवीमाया अधिकारी छन् ।

करुणाकर घिमिरे, सविता गुरुङ र कुमार बस्नेत फिल्मका सह(निर्मातामा छन् । सूर्य थोक्करको द्वन्द्व रहेको फिल्ममा सुरक्षा पन्त, सुनिल थापा, अनुभव रेग्मी, कञ्चन ठकुरी, अंकित पौडेल, सयाहाङ राई, जान्वी बोहरा, जयनन्द लामा, सुरविर पण्डित, अर्जुन गुरुङ लगायतका कलाकारहरुको पनि अभिनय छ । बनिष शाहले फिल्मको सम्पादन सम्हालेका छन् ।
लेख बहादुर पुन कार्यकारी निर्माता रहेको ‘भैरे’ मा बसन्त श्रेष्ठ र रामजी लामिछानेको पनि कोरियोग्राफी रहेको छ । फिल्मको गीतमा अञ्जु पन्त र प्रमोद खरेलले पनि स्वर दिएका छन् ।

नेपालय सिनेमा ईन्टरनेशनलद्वारा निर्मित यो फिल्मको प्रदर्शन मिति वर्ष २०७५ को जेठ १८ गतेलाई तय गरिएको छ ।

गीत हेर्नुहोस् :

अर्गानिक र मौलिकपनको चलचित्र ‘पंचायत’ यूनिट चितवनमा, कसले के भने ??

नारायण ढुंगाना, चितवन २३ फागुन : पंचायती शासन व्यवस्थाका बेला एउटा गाउँको सामाजिक विषय र न्याय प्रणालीलाई आधार बनाएर निर्माण गरिएको चलचित्र ‘पंचायत’ मौलिक र अर्गानिक फिल्म भएको निर्माण समुहले बताएको छ।

चलचित्रबारे निर्माण युनिटले आज चितवनको भरतपुरमा पत्रकार सम्मेलन गर्दै ऐतिहासिक र मौलिक खालको चलचित्र बनेकाले दर्शकको मायाँ पाउनेमा विश्वस्त रहेको जनाएको छ।

पत्रकार सम्मेलनमा बोल्दै चलचित्रका मुख्य कलाकार नायक सरोज खनालले वर्षौ–वर्षसम्म अर्काईभ(अभिलेख) गरेर राख्ने खालको चलचित्र बनेको भन्दै चलचित्र हेर्न दर्शकलाइ अनुरोध गरे।

‘चलचित्र ‘प्रेमपिण्ड’ मन पराउने दर्शकले पंचायत झन् हेर्नुपर्छ, खनालले भने, एउटा कालखण्डको छाउपडी प्रथा र न्याय प्रणालीको कस्तो थियो? त्यो यसबाट प्रष्ट हुन्छ ।’

उनका अनुसार पहिले च्यारिटी सोमा देखिएको भन्दा फरक रुपमा पंचायत आउन लागेको छ। नायिका नीता ढुंगानाले उक्त चलचित्रले अमेरिका भएको फिल्म फेष्टिवलमा विश्वका २१६ वटा चलचित्रलाई उछिनेर उत्कृष्ट अवार्ड पाएकोमा खुसी व्यक्त गर्दै कथामा मौलिकपन र आफ्नोपन भएको उल्लेख गरिन्।

नायिका ढुंगानाले उक्त फेष्टिबलमा उत्कृष्ट नायिकाको अवार्ड समेत पाएकी थिईन्। ‘अवार्ड पाउनु मेरा लागि र नेपालकै लागि गौरवको कुरा हो, ढुंगानाले पत्रकारबीच भनिन्, गर्व गर्न लागक फिल्म बनेको छ।’

उक्त फिल्ममा उनी १४ वर्षकी किशोरीको भूमिकामा छिन्। चलचित्रका लेखक तथा निर्देशक शिवम् अधिकारीले निकै लामो समयपछि नेपालमा अर्गानिक चलचित्र ‘पंचायत’ बनेको दावी गरे। सातवर्ष अघि तयार भएको स्क्रिप्टले पूर्णता पाएकोमा उनले खसी व्यक्त गरे । उक्त चलचित्र आगामी चैत २ गतेदेखि देशभरका झण्डै १०० हलमा प्रदर्शन हुँदै छ ।

फिल्मका निर्माता गणेश गिरीले अहिलेसम्म चलचित्र हेरेका दर्शकले मनपराएको उल्लेख गर्दै भने, ‘दर्शकले माया दिनेमा ढुक्क छु।’ गिरीले सबै कलाकारको उत्तिकै मेहनत परेको र मुख्य कलाकारले पैसा समेत नलिएकाले यो चलचित्र सबैको साझा भएको बताए ।

पत्रकार तथा चलचित्रका कार्यकारी निर्माता रवि अधिकारीले चलचित्रको कथाबस्तु उत्कृष्ट लागेकाले लगानी गरेको प्रतिक्रिया दिए । अहिलेको पुस्ताले हेर्नैपर्ने चलचित्र बनेको अर्की नायिका जाहान्वी बस्नेतको प्रतिक्रिया छ ।

चलचित्रका अर्का निर्माता शुसान्त श्रेष्ठका अनुसार उक्त चलचित्रको विहिवार हेटौंडामा च्यारिटी सो हुँदै छ भने फागुन २५ गते काठमाडौको कुमारीहलमा राजनीतिक नेता, बरिष्ठ कलाकार, पत्रकार, उद्योगी तथा विशिष्ट व्यक्तिहरुको सहभागितामा प्रिमियर सो हुँदै छ ।

शंकर सुवेदीको पनि लगानी रहेको चलचित्रमा रुपा राना, गीता अधिकारी, गणेश गिरी, विशाल पहारी, किरण थापा, राजुबाबु श्रेष्ठको समेत अभिनय छ ।

यस्तो छ ‘शत्रु गते’ को ट्रेलर, दुई प्रेमि वीचको पारिवारिक झमेला

दुई प्रेमि विचको पारिवारिक झमेला देखिएको फिल्म ‘शत्रु गते’ को कमेडी ट्रेलर सार्वजनिक भएको छ । चैत ९ गतेबाट प्रदर्शनको तयारीमा रहेको शत्रुगतेको शुक्रबार एक कार्यक्रमका बीच सार्वजनिक गरिएको ट्रेलरमा फिल्मका अधिकांश कलाकारलाई समावेश गरिएको छ ।

प्रदीप भट्टराईको निर्देशन रहेको फिल्मको ट्रेलरमा कमेडी प्रस्तुतत भएको छ ।। ‘रुपै मोहनी’ र ‘पिरतीको बर्को’ गीत रिलिज भएपछि धेरैका लागि ‘शत्रु गते’ को ट्रेलर प्रतिक्षामा थियो । फिल्ममा अभिनेता पल शाहले पहाडिया युवक र अभिनेत्री आँचल शर्माले मधेसी युवतीको भूमिका निर्वाह गरेका छन् ।

पल र आँचलको विवाहमा बाधक बन्ने अरु पात्रहरुको वरिपरि फिल्म घुमेको छ । पहिलो पटक अभिनेत्री प्रियंका कार्की प्रहरी इन्स्पेक्टरको भूमिकामा देखिँदैछिन् । अभिनेता दीपकराज गिरीसँग उनको जोडी बाँधिएको छ ।

यस्तै, हास्यकलाकार हरिवंश आचार्यको श्रीमतीको भूमिकामा हास्यकलाकार तथा निर्देशक दीपाश्री निरौला प्रस्तुत छिन् । छोराको भूमिकामा पल छन् । ट्रेलरमा बरिष्ठ हास्यकलाकार मदनकृष्ण श्रेष्ठलाई केही युवतीहरुसँग रोमान्टिक मूडमा देख्न सकिन्छ ।

ट्रेलर हेर्नुहोस् :

पोखराबाट ‘सुश्री सम्पत्ति’ छायांकन शुरु


फागुन १५, काठमाडौं स् सलोन बस्नेत र सारा शिर्पालीको मुख्य भूमिकामा निर्माण हुन लागेको फिल्म ‘सुश्री सम्पत्ति’को छायांकन सुरु भएको छ। मंगलबार बिहान पोखराको विन्ध्यवासिनी मन्दिरमा शुभमुहूर्त गर्दै फिल्मको छायांकन सुरु गरिएको हो।

कमेडी लभस्टोरी जेनरमा निर्माण भएको फिल्ममा सलोन र सारासँगै विनोद न्यौपाने, प्रमोद अग्रहरि, राजाराम पौडेल, जयानन्द लामालगायतको मुख्य भूमिका रहनेछ। नायिका प्रिइका कार्लाईलाई पनि फिल्ममा अतिथि कलाकारको रूपमा देख्न सकिन्छ।

राहुल इन्टरटेन्मेन्टुको ब्यानरमा निर्माण हुने यस फिल्मलाई संचारकर्मी सुव्रत आचार्यले निर्देशन गर्दै छन्। रमेश त्वयनाको प्रस्तुतिमा बन्ने फिल्ममा विज्ञान राई, नुनम सुब्बा र रोमन शिलाकरको लगानी रहेको छ। फिल्मको सम्पूर्ण छायांकन पोखरामा हुनेछ।

निर्देशक आचार्यकै कथा रहने फिल्ममा सुरेश अधिकारीको शब्द र संगीत, कविराज गहतराजको कोरियोग्राफी रहनेछ। अर्जुन तिवारीले खिच्ने फिल्मलाई भरत रेग्मीले सम्पादन गर्नेछन्।

चितवन आईपुग्यो मंगलम टिम, फिल्म चल्नेमा ढुक्क छन् कलाकार..(भिडियो)

चितवन । पछिल्लो समयकी चर्चित नायिका शिल्पा पोखरेलले निर्माण गरेको पहिलो चलचित्र ‘मंगलम रिलिजको तयारीमा छ ।

चलचित्रको प्रचारका लागि देश दौडाहमा रहेको चलचित्र मंगलम टोलीले मंगलबार भरतपुरमा पत्रकार सम्मेलन गर्दै चलचित्रको बारेमा जानकारी दिएको हो ।

चलचित्र ‘मंगलम फागुन २५ गतेबाट देशभरी प्रर्दशनमा आउने भएको छ । हेटौडाको प्रचार–प्रसार सकेर ‘मंगलम को टिम आज भरतपुर आइपुगेको हो । चलचित्र मंगलमका कार्यकारी निर्माता छविराज ओझाले आफुले निर्माण गरेको २३ औँ चलचित्र ‘मंगलम अन्य चलचित्र भन्दा फरक रहेको बताएका छन् ।

निर्माता ओझाले चलचित्र बनाउनु आफ्नो पेशा भएकोले राम्रो चलचित्र बनाउनु कर्तव्य रहेको बताउदै चलचित्र मंगलम उत्कृष्ट बनेको दावि समेत गरे । छविराज प्रोडक्शनमा निर्माण भएको यस चलचित्रमा द्धन्द्धका दृश्य नभए पनि चलचित्र भित्र अन्तरसम्बन्ध द्धन्द्ध भने रहेको ओझाले बताए ।

चलचित्र ‘मंगलम युवायुवतीको प्रेम भन्दा पनि आमा छोरा र बुबा छोराको प्रेमकथामा आधारित रहेको निर्देशक नवल नेपालले बताए । चलचित्र ‘मंगलम दर्शकले किन हेर्ने भन्ने प्रश्नमा निर्देशक नेपालले पुस्तकालमा राखिएको मुनामदन किन पढ्ने भनेकोजस्तै रहेको बताए ।

पैसाका लागि भन्दा पनि आत्मा सम्मानका चलचित्र निर्माण गरेको बताउदै निर्देशक नेपालले सामाजिक तथा पारिवारिक कथा बस्तु समेटिएकोले दर्शकले मन पराउनेमा ढुक्क रहेको बताए ।

प्रचारको क्रममानै रहेकी नायिका एवम् निर्मात्री शिल्पा पोखरेलल चलचित्रमा माया प्रेमका कुरामा बढि जोड दिएको र आमाबुवा, दिदिवहिनीसंगै बसेर मजाले हेर्न सक्ने खालको चलचित्र बनेको बताउनुभयो ।

समाजमा घटिरहेको विकृति र दुःख, सुखको सन्तुलन रहेको चलचित्र ‘मंगलम प्रर्दशन पछिको दर्शकको प्रतिक्रियाले आफ्नो अभिनय क्षेत्रमा पनि सकारात्मक प्रभावसंगै चुनौति बढ्ने नायक पुष्प खड्काले बताए ।

एक करोड भन्दा बढिको लागतमा निर्माण भएको चलचित्र मंगलम काठमाण्डौ र काठमाण्डौ आसपासको क्षेत्रमा ३३ दिन लगाएर छायाँङकन गरिएको हो ।

चलचित्र ‘मंगलम मा पुष्प खड्का, शिल्पा पोखरेल, मिथिला शर्मा, निर शाह, पृथ्वीराज प्रसाई, साम्रागी राज्यलक्ष्मी शाह लगायतको अभिनय रहेको छ । यस चलचित्रको गीत ‘पर्ख पर्ख मायालु युुटुभमा अत्याधिक रुचाइएको छ ।

अनमोलको ‘कृ’ : एक्सनले जोगाउला साख ??

नारायण ढुगाना, चितवन, २७ माघ : करोडौं लगानीमा बनेको भनेर आक्रामक प्रचार गरिएको चलचित्र ‘कृ’ को शुरुआत सुखत हुन सकेन ।
फ्राईडे रिलिज भएको उक्त चलचित्रको मध्यान्हको प्रदर्शन हेर्ने दर्शक चितवनमा सामान्य देखियो । यसअघिका चलचित्र ऐश्वर्य, प्रेम गित २ र म यस्तो गीत गाउँछु कै हाराहारीमा दर्शक आए ।

सम्वाद र पटकथा जम्न नसक्दा कमजोर देखिन्छ । यद्यपि शनिवार दर्शकको भिड बढ्ने अनुमान छ । अभिनेता अनमोल केसीको शिर्ष भूमिका रहेको चलचित्रको प्रस्तुतिमा फकरशैली अपनाउने प्रयास भएपनि वियोगान्त प्रेम कहानीले युगल जोडीलाई खिन्नपार्छ ।

एक्सन मन पराउने दर्शका लागि भने बदलाको कथा समेटिएको उक्त चलचित्र उत्कृष्ट हुन सक्छ । चन्द्र पन्तद्धारा निर्देशित एक्सनले ‘कृ’को साख जोगाउला ? प्रश्न खडा भएको छ ।

बेलायती लाउरेको कथा जोडिएको उक्त फिल्ममा कुनै बेलायतको फुटेज नदेखिनु दुखद छ । रोमान्टिक भूमिकामा खेल्दै आएका अनमोल ‘कृ’मा भने एक्सन अवतार लिएर प्रस्तुत भएका छन् । द्धन्द्धलाई फिल्मका दर्शकले उत्कृष्ट भनेर प्रतिक्रिया दिएका छन् ।

तर डेब्यू नायिका अदितिको ठाउँमा साम्राज्ञी राज्यलक्ष्मी शाहलाई दिएको भए अझै उत्कृष्ट हुने प्रतिक्रिया दर्शकको छ । कोतुहल जगाउनसक्ने कयौ सिनमा निर्देशक चुकेका छन् ।
‘कृ’कै लागि शरीर बनाउन निक्कै मेहनत गरेकाले अनमोल केही बर्ष मिडियामा नआएको चर्चा थियो । तर फिल्ममा उनको ईन्ट्री प्रतिक्षित नहुँदा शुरु मै दर्शकलाई असहज लाग्छ ।  ‘कृ’मा राखिएका ‘यती यती पानी’ लगायत गीतले फिल्मलाई उत्कृष्ट बनाउन मद्धत गरेको छ ।

नायक अनमोल र नव नायिका अदिति बुढाथोकी मुख्य भूमिकामा छन । सुवास ईन्टरटेनमेन्टको निर्माण र द काजोल फिल्मको प्रस्तुति रहेको ‘कृ’लाई भुवन केसी र सुवास गिरीले निर्माण गरेका हुन् ।

यसमा सरोज खनाल र रुपा राना, अनुपविक्रम शाही, कामेश्वर चौरासिया, लक्ष्मी गिरी, अमित गिरी लगायत कलाकार छन् । दुई रुपमा प्रस्तुत भएका नायक केसी मै फिल्म घुमेको छ ।

सुरेन्द्र पौडेलको कथा तथा निर्देशमा चलचित्र बनेको हो । पुरुषोत्तम प्रधानले छायांकन गरेको उक्त चलचित्रमा प्रदिप भारद्धाज र आशिष रेग्मीको पटकथा तथा रेनशा वान्तवाको नृत्य निर्देशन छ ।

अभिनेत्री श्वेता खड्काको चलचित्र ‘कान्छी’को दुवै गीत युट्युबमा हिट

अभिनेत्री तथा निर्मात्री श्वेता खड्काले निर्माण गरेको चलचित्र ‘कान्छी’ गीत संगीतले गर्दा अहिले निकै चर्चामा रहेको छ । अभिनेता श्रीकृष्ण श्रेष्ठको निधन पछि उनले पहिलो पटक निर्माण गरेको ‘कान्छी’लाई अहिले बहुप्रतिक्षित चलचित्रको रुपमा हेरिएको छ ।

‘कोहिनूर’ पछि फिल्म निर्माण तथा अभिनयमा फर्किएकी श्वेताको चलचित्र ‘कान्छी’को युट्युबमा सार्वजनिक भएको दुई वटै गीतलाई दर्शक तथा स्रोतले निकै मन पराएका छन् ।

कात्तिक १६ गते रिलिज गरिएको पहिलो गीत ‘चरी चट्ट परी भुरुरु’दर्शक तथा स्रोतामाझ यति लोकप्रिय भैसकेको छ युट्युबमा अहिले सम्म ८० लाख भन्दा बढी पटक हेरी सकिएको छ । ‘चरी चट्ट परी भुरुरु’ गीतमा राजनराज सिवाकोटीको शब्द संगीत रहेको छ भने गायिका अन्जु पन्त र सिवाकोटीले स्वर रहेको छ।

त्यस्तै केहि दिन अघि मात्रै ‘कान्छी’ सार्वजनिक गरिएको ‘कान्छी’ को द्रोस्रो गीत ‘यो जीउ दाउमा लाउने मैंले तिमीलाई मात्र हो’बोको गीतलाई पनि पाच दिनमा १० लाख भन्दा बढी पटक हेरिएको छ । अर्जुन पोख्रेलको संगीत तथा दयाराम पाण्डेको शब्द र धमेन्द्र सेवानको स्वर रहेको यस गीतले पनि अहिले बजारमा राम्रै चर्चा पाउन थालेको छ ।

मुस्ताङ, अप्पर मुस्ताङ, जोमसोम र राजधानी लगायतका ठाउँमा खिचिएको चलचित्र ‘कान्छी’आकाश अधिकारीको निर्देशन गरेका हुन् । फागुन ४ गते बाट प्रदर्शनमा रहेको ‘कान्छी’को छायांकन पुरुषोत्तम प्रधानले गरेका हुन् । चलचित्र ‘कान्छी’श्वेता सगै दयाहाङ राई अनु शाह, कामेश्वर चौरासिया, प्रज्जवल सुजल गिरी र तेश्रोलिङ्गी अभियन्ता भूमिका श्रेष्ठको पनि अभिनय रहेको छ।

काया फिल्मस्को ब्यानरमा बनेको यस चलचित्रमा श्वेता खड्का र शैलेस खड्काको लगानी रहेको छ ।चलचित्रको सह–निर्माता रविन खड्का रहेका छन् ।चलचित्रमा बनिश शाह र भूपेन्द्र अधिकारीले सम्पादन,हिमाल केसीको द्वन्द्व तथा लेखन यम थापाको रहेको छ ।

अनमोल केसीको ‘कृ’ र महको ‘शत्रुगते’को युट्युबमा भिडन्त जारी

पछिल्लो समय यता नेपाली चलचित्रका गीतले युट्युबमा राम्रै चर्चा पाउन थालेका छन्।चलचित्रको प्रचार प्रसार गर्ने एउटा राम्रो मध्यम बनेको युट्युब टिजर, ट्रेलर भन्दा पनि अहिले गीत सुरुमा बजारमा पठाउन थालिएको छ ।

केही वर्ष अगाडिसम्म आइटम डान्सलाई चलचित्रको प्रचारको सामग्रीका रुपमा लिइन्थ्यो । तर, अहिले गीतको शैलीमा केही फरक छ । आइटम गीतको ठाउँमा नेपाली लोक लयको गीत प्रयोग गर्न थालिएको छ ।

यो प्रयोग नेपाली चलचित्र उद्योगका प्रायः चलचित्रले गर्न थालेका छन् । पछिल्लो समय दीपकराज गिरी र दीपाश्री निरौलादेखि महसञ्चारले सम्म यही प्रयोग गर्न थालेका छन् । नायक तथा निर्माता भुवन केसी पनि यो नयाँ प्रयोगबाट अछुतो छैनन् । अनमोल केसी स्टारर चलचित्रले पनि यही सूत्रलाई अंगालेका छन् ।

चलचित्रको डिजिटल राइट्स लिएर युट्युबमा गीत अपलोड गर्ने र त्यसको भ्युअर्सका आधारमा चलचित्रको हाइप मापन गर्ने प्रचलन मौलाएको छ । तर यही सूत्र प्रयोग गरिएका र गीत हिट भएका चलचित्रले भने दर्शकको मन त्यति धेरै जित्न सकेका छैनन् भन्दा अत्युक्ति हुँदैन ।

रेशम फिलिलि होस् अथवा ‘पुरानो डुङ्गा’, ‘लुट–२’ होस् या ‘२ रुपैयाँ’ कुनैले पनि राम्रो समीक्षा बटुल्न सकेनन् । भलै निर्माताहरुका अनुसार यी चलचित्रले एनिसियल ब्यापार भने राम्रै गरेका थिए ।

अहिले नेपाली चलचित्रका दुई गीत बजारमा चर्चामा छन्, एउटा अनमोल केसी स्टारर चलचित्र ‘कृ’ को ‘यती यती पानी…’ र अर्को हरिवंश आचार्यसहित दीपक र दीपाले अभिनय गरेको चलचित्र ‘शत्रुगते’ को ‘रुपै मोहनी…’ । अंग्रेजी नयाँ वर्षको छेको पारेर युट्युबमा अपलोड गरिएका दुवै गीतले राम्रै दर्शक पनि पाए । युट्युब ट्रेन्डिङमा यी गीतले तँछाडमछाड गरिरहेका छन् । २४ घण्टामा सर्वाधिक धेरै छिटो हेरिएको रेकर्ड तोेडेको हरिवंशको ‘रुपै मोहनी…’ युट्युबमा ट्रेन्डिङमा एक नम्बरमा पनि आयो ।

तर यसलाई उछिन्दै अनमोल केसीको ‘यती यती पानी…’ एक नम्बरमा आइपुगेको छ । यो डिजिटल प्रतिस्पर्धा हेर्दा हरिवंश र अनमोल केसीबीचको भिडन्त जस्तो देखिएको छ । युट्युब भ्युअर्स पनि यी दुई गीतको त्यति धेरै अन्तर छैन ।यो समाचार तयार पर्दा सम्म ‘यती यती पानी…’ ३० लाख ६० हजार बढी ले हेरेका छन् भने ‘रुपै मोहनी…’ ३० लाख ९५ हजार बढीले हेरेका छन् ।

‘रुपै मोहनी…’ डिसेम्बर २९ मा अपलोड गरिएको हो भने ‘यती यती पानी…’ डिसेम्बर ३१ मा सार्वजनिक गरिएको थियो । यी दुई चलचित्रको गीत सँगसँगै रिलिज गरिए पनि चलचित्र भने सँगै रिलिज हुँदै छैनन् । ‘शत्रुगते’ चैत ९ गते लाग्दैछ भने ‘कृ’ माघ २६ गते रिलिज हुँदैछ ।

अल्मोडा राना उप्रेती र मिस्टर आरजेको स्वर रहेको ‘कृ’ को गीतमा शब्द तथा संगीत राजेन्द्र भट्टको छ । भिडियोको कोरियोग्राफी रेनशा वान्तवा राईले गरेकी छन् । चलचित्रमा अनमोलसँग अदिती बुढाथोकीले अनस्क्रिन रोमान्स गर्दैछिन् । अनमोल र अदितीसँगै अनुप विक्रम शाही लगायतका कलाकारले अभिनय गरेका छन् ।

‘शत्रुगते’ को ‘रुपै मोहनी…’ मा गीतमा टंक बुढाथोकी र मीना निरौलाको स्वर छ । लोकराज अधिकारीको शब्द रहेको गीतमा संगीत पनि टंक बुढाथोकीले नै भरेका छन् । हरिवंश आचार्य, दिपाश्री निरौला, दीपकराज गिरी, प्रियंका कार्की, पल शाह, आँचल शर्मा, शिवहरी पौडेल लगायतका कलाकार गीतमा फिचर छन् । ‘शत्रुगते’ लाई प्रदीप भट्टराईले निर्देशन गरेका हुन् भने ‘कृ’ लाई सुरेन्द्र पौडेलले निर्देशन गरेका हुन् ।