Saturday , 23 February 2019
News update
Home >> bollywood

bollywood

अक्षयको धमाकेदार ‘केसरी’ ट्रेलर (भिडियो सहित)

 

२१ मार्चवाट प्रर्दशनमा आउन लागेको चलचित्र ‘केसरी’ को ट्रेलर सार्वजनिक भएको छ । बलिउड सुपरस्टार अक्षय कुमार अभिनीत चलचित्रमा परिणिती चोपडा, अक्षयको अपोजिट रोलमा छिन् । यो एक पिरियड ड्रामा चलचित्र हो । चलचित्रलाई अनुराग सिंहले निर्देशन गरेका हुन् । ट्रेलरमा अक्षय जबरदस्त एक्सन अवतारमा देखिएका छन् । ३ मिनेट लामो ट्रेलरको ब्याकग्राउण्ड म्यूज‍िक कमालको छ ।

यसको कहानी गिरीश कोहली र अनुराग सिंहले मिलेर लेखेका हुन् । करण जोहरसहित धेरै निर्माताको फिल्ममा लगानी छ । फिल्मको कहानी १९८७ मा सारागढीको लडाइँमा आधारित छ । ‘केसरी’ ले बक्सअफिसमा राम्रो कमाई गर्ने फिल्मपण्डितहरुको आँकलन छ ।

मलाइका र अरबाजको डिभोर्सको अघिल्लो रातको खोलिन् मलाइकाले रहस्य

अरबाज खान र मलाइका अरोडाको सम्बन्धविच्छेद बारे अत्यधिक चर्चा थियो । आखिर बलिउडका यी सबैभन्दा सफल भनिएका जोडीले किन सम्बन्धविच्छेद गरे, त्यसबारे मानिसहरु जान्न निकै उत्सुक थिए । अब मलाइकाले आफैंले यसबारे करिनाको रेडियो शो ‘ह्वाट वुमन वान्ट’मा गरेकी छिन् । मलाइकाले सम्बन्धविच्छेदको एक दिनअघिको घटनाबारे जानकारी दिएकी छिन् ।

मलाइकाले सम्बन्धविच्छेदको एक दिन अघि पूरा परिवारसँगै बसेको बताइन् । उनले भनिन्, ‘मलाई परिवारमा ‘के तिमी शतप्रतिशत पक्का छौ ?’ भनेर सोधिँदै थियो । उहाँहरु ती व्यक्ति हुनुहुन्थ्यो जसले मेरो चिन्ता गर्नुहुन्थ्यो र निश्चित रुपमा उहाँहरुले यस्तै गर्नुहुन्छ । ‘सबैजनाले भन्नुभएको थियो कि यदि तिम्रो यही निर्णय छ भने हामीलाई तिमीमा गर्व छ । मलाई उहाँहरुले अलग प्रकारको बल दिनुभयो जसको मलाई आवश्यकता थियो ।’ उनले यति लामो वैवाहिक सम्बन्धलाई समाप्त गर्न त्यति सजिलो नभएको स्वीकार गरिन् ।

‘यो साँचो हो कि कुनै व्यक्तिका लागि सम्बन्धविच्छेद पछि अघि बढ्न सजिलो हुन्छ । तर म खुसीलाई प्राथमिता दिने व्यक्ति हुँ । जब एक जोडी सँगै बसेर खुसी हुन सक्दैनन् भने उनीहरुको बच्चाको लागि यस्तो वातावरण निकै घातक हुन्छ’ उनले बताईन् । अरबाज खान र मलाइका अरोडाको विवाह सन् १९९८ मा भएको थियो । यी दुईका एक छोरा पनि छन् । सन् २०१७ मेमा अरबाज र मलाइकाले सम्बन्धविच्छेद गरेका थिए । सम्बन्धविच्छेदपछि मलाइकाको नाम अर्जुन कपुरसँग जोडिएको छ भने अरबाजलाई जर्जिया एन्ड्रियानीसँग देखिन्छ ।

चर्चित गायक सोनु निगम बिरामी भएर नर्भिक अस्पतालमा भर्ना,आज डिस्चार्ज हुन सक्ने

केही समयअघि मात्र गम्भीर एलर्जीका कारण अस्पतालको आइसीयुा भर्ना भएर उपचार गराइ फर्केका भारतीय चर्चित गायत सोनु निगम पुनः बिरामी भएका छन् । यसपटक भने उनी नेपाल आएका बेला बिरामी भएका हुन् । उनलाई काठमाडौंको नर्भिक अस्पतालमा भर्ना गरिएको छ । उनी पोखरामा रहेका बेला स्वास्थ्यमा समस्या देखिएको थियो । त्यसपछि उनलाई तत्काल काठमाडौं ल्याएर अस्पताल भर्ना गरिएको हो ।

उनी आइतबार नेपाल आएका हुन् । आफ्नो एक म्युजिक भिडियो छायांकनको लागि पोखरा पुगेका निगमको स्वास्थ्यमा समस्या देखिएपछि काठमाडौं ल्याइएको हो । उनी आफ्नो पत्नी र छोरासहित नेपाल आएका हुन् । उनले नेपाल आएको जानकारी इन्स्टाग्राम मार्फत दिएका थिए । यसअघि दुई साता अघिमात्र उनी छालाको एलर्जीका कारण गम्भीर बिरामी भएपछि मुम्बइको एक अस्पतालमा आइसीयुमा भर्ना हुनु परेको थियो ।

पोखरामा रहँदा उनको ढाडको मांशपेसीमा समस्या देखिएपछि मंगलबार दिउँसो १ बजेर १५ मिनेट जाँदा अस्पताल भर्ना भएका हुन्। बुधबार उनलाई डिस्चार्ज गर्न सक्ने सम्भावना रहेको छ । गायक निगमको डा पंकज जलान र डा प्रवीण नेपालको टोलीले उपचार गरिरहेको छ।

द कपिल शर्मा शोबाट हटाइएका होइनन् विषेश कारणले छोडेको :नवजोज सिहं सिद्ध

भारतको कश्मीरमा भएको आतंवादी आक्रमणछि एक विवादित बयानका कारण द कपिल शर्मा शोबाट हटाइएका भनिएका नवजोज सिहं सिद्धले आफुले विषेश कारण शो छोडेको बताएका छन् ।

सिद्धुले शो छोड्ने आफ्नो निर्णय भएको बताएका छन् । एक कुराकानीमा सिद्धले भने, ‘एक राजीतिक दायित्व पूरा गर्ने भूमिकामा भएकाले मैले द कपिल शर्मा शो को शूट्स छोडेको हुँ । म विधानसभाको बैठकमा सहभागी हुनुपर्ने थियो ।

जसका कारण मैले शूटिंगका लागि समय दिन नसक्ने अवस्था बन्यो । यसै कारण उनीहरुले दुई एपिसोड्सका लागि मेरो रिप्लेसमेन्ट खोजेका हुन् । मलाई शोबाट हटाएको विषयमा कुनै टर्मिेशन लेटर आएको होइन ।’

गएको बिहीबार जम्मू–कश्मीरको श्रीनगर राजमार्गको पुलवामा जिल्लामा भारीय सुरक्षाकर्मी सीआरपीएफको डप्फामा आतंकवादी आक्रमण भएको थियो । जसमा ४० भन्दा धेरै सुरक्षाकर्मी मारिएका थिए ।

यही विषयमा सिद्धुले विवादित बयान दिएका थिए । त्यसपछि सामाजिक सञ्जालमा उनको निकै आलोचना भएको थियो । यहीबीचमा उनले द कपिल शर्मा शो छोडेका थिए ।

पुलवामा आक्रमणपछि भारतीयहरु आक्रोशित भइरहेका बेला सिद्धुले पाकिस्तानप्रति नरम भाव देखाएको भन्दै सामाजिक सञ्जालमा उनको आलोचना भएको थियो । र सिद्धुलाई शोबाट हटाउन पनि चेतावनी दिइएको थियो ।

कंगना रनावतले आफ्नै बायोपिक निर्देशन गर्दै

पछिल्लो समय ‘मणिकर्णिकाः द क्वीन अफ झाँसी’ बाट सफलता चाखेकी कंगना रनावतले एउटा ‘शाही घोषणा’ गरेर सबैलाई चकित तुल्याएकी छन् ।

मनमा कुनै कुरा नलुकाउनेमा चिनिएकी अभिनेत्रीले बिहीबार आफ्नै बायोपिक निर्देशन गर्ने बताएकी छन् । ‘मणिकर्णिका…’ मार्फत निर्देशनमा पनि हात हालेकी उनले भनेकी छन्, ‘मेरो आफ्नै कथा मेरो अर्को निर्देशन हुनेछ । तर यो प्रोपगान्डा फिल्म होइन, मेरो फिल्मी यात्राको इमानदार प्रस्तुति हुनेछ ।’

भारतीय सञ्चार माध्यमहरूका अनुसार, त्यो बायोपिक ‘बाहुबली’ फेम केभी विजयेन्द्रले लेख्नेछन् । ‘मणिकर्णिका…’ पनि उनैले लेखेका थिए । ‘दुई साताअघि विजयेन्द्रजीले आफूलाई मेरोबारे कथा लेख्ने अनुमति दिन भन्नुभयो । यो सुनेर म नर्भस जस्ती भएँ । तर फेरि उहाँको व्यक्तित्व र विश्वनीयताले तत्कालै मेरो धक हटाइदियो र उहाँलाई अघि बढ्न भनिदिएँ ।’

सन् २००६ मा ‘ग्याङस्टर’ मार्फत बलिउडमा छिरेकी कंगनाले कैयौँ सफल फिल्म दिइसकेकी छन् । तीन चोटि त भारतको नेसनल अवार्ड नै पाइसकेकी छन् । तथापि ३१ वर्षीया अभिनेत्री केही वर्षयता अनेक विवादमा पर्दै आएकीछन् ।

ऋतिक रोशनको चलचित्र ‘जिन्दगी ना मिलेगी दोबारा’को सिक्वेल बन्ने

बलिउडमा पछिल्लो समय सिक्वेल बन्ने क्रममा तिब्र देखिन्छ । हिट फिल्मको नाम सापटी लिएर सिक्वेल बन्ने र बनाउनेहरुको लाइन लामै देखिन्छ । सिक्वेल बन्ने सँगै अधिकाशले बक्स अफिसमा राम्रो छाप पनि छोडिरहेका छन् ।

यही क्रममा सन् २०११ को सुपरहिट फिल्म ‘जिन्दगी ना मिलेगी दोबारा’ को पनि सिक्वेल बन्ने बताईएको छ । ऋतिक रोशन अभिनित ‘जिन्दगी ना मिलेगी दोबारा’ ले बक्स अफिसमा राम्रो छाप छोडेको थियो । फिल्मलाई जोया अख्तरले निर्देशन गरेकी थिईन् । जोया बलिउडमा फरक किसिमको फिल्म बनाउन माहिर निर्देशकको रुपमा परिचित छिन् ।

एक अन्तर्वाताको क्रममा जोयाले ऋतिक रोशन सँग काम गर्नको लागि आफु एकदमै आतुर रहेको बताएकी छिन् । उनिले ऋतिक सँग फेरी काम गर्ने इच्छा रहेको भन्दै त्यो इच्छा ‘जिन्दगी ना मिलेगी दोबारा २’ पुरा गर्न सक्ने बताएकी हुन् । तर अहिले नि फिल्म नबन्ने बताईन् ।

फिल्मको लागि जुन दिन राम्रो स्क्रिप्ट हात पर्छ त्यही बेला बल्ल फिल्म बनाउने जोयाले बताईन् । जोयाले आफु केबल पैसाको लागि मात्र फिल्म नबनाउने भन्दै राम्रो स्क्रिप्ट भेटेपछी मात्र फिल्म बन्ने बताईन् ।’जिन्दगी ना मिलेगी दोबारा’ मा ऋतिक सँगै फरहान अख्तर, अभय देओल र कटरीना केफको पनि मुख्य अभिनय रहेको छ ।

‘बाघी ३’ मा पनि टाइगर श्राफ र श्रद्दा कपुर

२०१६ को सुपरहिट फिल्म ‘बाघी’ को जोडी टाइगर श्राफ र श्रद्दा कपुर फेरी एक साथ देखा पर्दैछन् । यो जोडी ३ बर्ष पछी फेरी एक साथ काम गर्न लागेका हुन् । ‘बाघी’ मा सँगै काम गरेका टाइगर र श्रद्दा ‘बाघी’ को सिक्वेल ‘बाघी ३’ मा एक साथ काम गर्न लागेका हुन् ।

यस अघी फिल्मका लिड अभिनेत्रीको लागि सारा अली खानलाई प्रस्तव गरिएको थियो । तर साराले फिल्ममा आफ्नो भूमिका खास्सै बलियो नभएको भन्दै प्रस्तव अस्विकार गरेकी थिईन् ।

स्रोतका अनुसार फिल्मको लागि ज्याक्लिन फर्नान्डेज सँग पनि कुरा भएको थियो । फिल्मका निर्देशक सबिर खान केही समययता नायिकाको खोजीमा रहेका थिए । त्यही क्रममा उनले ‘बाघी’ कि नायिका श्रद्दालाई नै लिने निर्णयमा पुगेका हुन् । ‘बाघी’ मा रुचाईएकी श्रद्दाले पनि फिल्मको प्रस्ताव आउन्र बित्तिकै काम गर्न सहमती जनाईन् ।

अरबाज खानको छोराले ‘दबंग ३’ मा सहायक निर्देशक गर्दै बलिउड प्रवेश गर्ने

अरबाज खान र मलाइका अरोराका छोरा अरहान खानले बलिउड प्रवेश गर्ने भएका छन् । १६ वर्षका अरहानले अभिनय नभइ निर्देशनबाट बलिउड प्रवेश गर्न लागेका हुन् ।

अरहानले फिल्म ‘दबंग ३’ मा निर्देशक प्रभुदेवाको सहायकको रुपमा बलिउड प्रवेश गर्न लागेका हुन् । उनको यो सफलतामा अरबाज र मलाइका दुवैले खुसी व्यक्त गरेका छन् ।

दबंग ३ को सुटिङ आगामी अप्रिलमा सुरु हुँदैछ । दबंगका सुरुका दुई फिल्ममा जस्तै तेस्रो सिक्वेलमा पनि सलमान खानको अपोजिट रोलमा सोनाक्षी सिन्हा नै हुनेछिन् । फिल्मका सुरुका २ भागमा आइटम डान्स गरेकी मलाइका अरोरालाई भने फिल्मको तेस्रो सिक्वेलबाट हटाइएको छ । उनको ठाउँमा दबंगको दोस्रो सिक्वेलमा आइटम डान्स गरेकी करिना कपुरलाई ल्याइने चर्चा छ ।

आमिर खान र माधुरी दिक्षितको सुपर हिट फिल्म ‘दिल’ को सिक्वेल बन्ने

सन् १९९० को सुपरहिट बलिउड फिल्म ‘दिल’ को सिक्वेल बन्ने भएको छ । आमिर खान र माधुरी दिक्षितको मुख्य अभिनय रहेको ‘दिल’ को सिक्वेल बन्ने कुरा लामो समय देखी चर्चामा रहेको थियो । हालै आएर फिल्मको सिक्वेल बन्ने पक्का भएको हो ।

‘दिल’ का निर्देशक ईन्द्र कुमारले फिल्मको सिक्वेल बन्ने घोषणा गरेका हुन् । प्रदर्शनको तयारीमा रहेको ‘टोटल धमाल’ को प्रचार प्रसारको क्रममा उनले यस्तो घोषणा गरेका हुन् । ‘टोटल धमाल’ लाई ईन्द्र कुमारले नै निर्देशन गरेका हुन् । उनले ‘दिल’ को सिक्वेल बनाउने बारे लामो समय देखी सोचिरहेको तर राम्रो स्क्रिप्ट नपाएको कारण बन्न नसकेको बताए । अब भने फिल्मको लागि स्क्रिप्ट प्राप्त भएको उनले बताएका छन् ।

फिल्म बारे अन्य कुरा भने पछी टुङगो लाग्ने बताईएको छ । ‘दिल’ को सिक्वेलको कसको अभिनय रहने भन्ने कुरा भने अहिले नै भन्न नसकिने उनले बताएका छन् ।

अमिताभ बच्चन अभिनित चलचित्र ‘बदला’को ट्रेलर रिलिज (भिडियो )

अमिताभ बच्चन अभिनित चलचित्र  ‘बदला’को ट्रेलर रिलिज भएको छ ।सुजोय घोषको निर्देशनमा बनेको फिल्ममा अमिताभ बच्चनसँगै तापसी पन्नु मुख्य भूमिकामा छिन् ।

शाहरुख खानको कम्पनी रेड चिल्ली इन्टरटेनमेन्टको ब्यानरमा निर्माण भएको चलचित्र  ‘बदला’को शाहरुख खानले फिल्मका केही पोस्टरहरु आफ्नो ट्वीटरमा शेयर गर्दै लेखेका छन् ‘अब माहोल केही बदलिएको जस्तो लागेको छ ।’ यो ट्वीटभन्दा अगाडि उनले एक अर्को ट्वीट गर्दै लेखेका थिए ‘बिग बी म तपाइँसँग बदला लिनन आउँदैछु, तयार रहनुहोला ।’ फिल्मलाई शाहरुख र उनकी पत्नी गौरीले रेड चिल्ली इन्टरेटमेन्टमार्फत अजुर इन्टरटेनमेन्टसँग मिलेर निर्माण गरेका हुन् । पिंकपछि यो दोस्रो पटक हो जहाँ अमिताभ बच्चन र तापसी पन्नु एउटै फिल्ममा देखिँदैछन् ।

फिल्म आगामी मार्च ८ मा रिलिज हुनेछ । यो फिल्म स्पेनिश फिल्म कन्ट्राटिएम्पोको अफिशियल रिमेक हो । फिल्ममा तापसी जवान महिलाको भूमिकामा छिन् भने अमिताभ बच्चन वकिलको भूमिकामा छन् । फिल्ममा शाहरुख खान तापसीको पतिको भूमिकामा देखिनेछन् जसको शुटिङ उनले फिल्म जीरोको शुटिङपछि गरेका थिए । कहानी र कहानी २ जस्ता सस्पेन्सले भरिएका फिल्मपछि यो फिल्म पनि उस्तै सस्पेन्स हुनेछ । फिल्मको कहानी हत्याको रहस्यको वरिपरि घुम्नेछ ।