Tuesday , 18 June 2019
News update
Home >> bollywood

bollywood

दक्षिण भारतीय फिल्म ‘वेदलम’ को रिमेकमा जोन अब्राहम

बलिउड अभिनेता जोन अब्राहम यतिबेला फिल्म ‘बाटला हाउस’ को छायांकनमा व्यस्त छन् । यसका अलावा ‘सत्यमेव जयते २’ र ‘पागलपन्ती’ को तयारीमा छन् । हाल खबर बाहिरिएको छ कि, जोन अब्राहम अब नयाँ प्रोजेक्टको तयारीमा जुटेका छन् ।

खबरका अनुसार दक्षिण भारतीय फिल्म ‘वेदलम’ को रिमेकमा जोन अब्राहमले अभिनय गर्ने भएका छन् । वास्तविक फिल्ममा दक्षिण भारतीय अजित कुमारले अभिनय गरेका थिए ।

भारतीय मिडियाका अनुसार भुषण कुमार निर्माण गर्नेछन् । यो फिल्मको हिन्दी रिमेक बनाउन उनले अनुमति लिइसकेका छन् । यो फिल्ममा काम गर्नमा चासो देखाएका छन् । फिल्मको निर्देशन कसले गर्ने र अन्य कलाकार को को हुने भन्ने भने अझै तय भएको छैन ।दक्षिण भारतीय फिल्म ‘वेदलम’ मा अजितसँगै श्रुति हसन पनि देखिएकी थिइन् । यो फिल्मको बंगला भाषामा पनि रिमेक भइसकेको छ ।

बाहुबली’ अभिनेता प्रभासको चलचित्र ‘साहो’को धमाकेदार टीजर सार्वजनिक (भिडियो )

बलिउड र टलिउडले मिलेर एक धमाकेदार फिल्म ‘साहो’ बनाएको छ । दर्शकलाई घोषणादेखि नै यस फिल्मको ट्रेलर र टीजरको व्यग्र प्रतिक्षा थियो । बिहीवार फिल्मको अफिसियल टीजर सार्वजनिक भएको छ । टीजरबाट फिल्म एक्सन र रोमान्सले भरिपूर्ण रहेको अनुमान लगाउन गाह्रो पर्दैन । टीजर जबरजस्त बनेको छ ।

‘बाहुबली’ पछि अभिनेता प्रभास एकपटक फेरि ‘साहो’ मा फरक भूमिकामा देखिँदैछन् । यो फिल्मबाट अभिनेत्री श्रद्धा कपूरले तेलुगू इन्डस्ट्रीमा डेब्यू गर्दैछिन् । फिल्मलाई सुजीतले निर्देशन गरेका हुन् । फिल्मको टीजर हिन्दीसँगै अन्य तीन भाषा पनि रिलिज गरिएको छ । टीजरमा श्रद्धा र प्रभासको जोडी रोमान्स गर्दै देखिएको छ ।

केही दिन अगाडि श्रद्धा कपूर र प्रभासको एक फोटो लिक भएको थियो । लिक भएको तश्वीरमा दुई रोमान्टिक सिन सुट गर्दै देखिएका थिए । यो फिल्म तेलुगुसँगै  हिन्दी, तमिल र मलयालम भाषामा रिलिज हुनेछ । फिल्ममा प्रभाससँगै श्रद्धालाई पनि एक्सन गर्दै देखिनेछ । यो फिल्मको ९० प्रतिशत एक्सन पूरै रियल हो ।

प्रभास भन्छन्, ‘दर्शकलाई असली एक्सनको थ्रिल महशुस हुन सकोस् भनेर हामीले फिल्ममा सबैकुरा रियल गर्ने कोशिश गरेका छौँ ।’ फिल्ममा ज्याकी श्राफ, मन्दिरा बेदी र नील नीतिन मुकेशको पनि प्रमुख भूमिका छ । फिल्मको निर्माण यूवी क्रिएशनका वामसी, प्रमोद र विक्रमले गरेका हुन् । ‘साहो’ यस वर्षको १५ अगस्टमा रिलिज हुँदैछ ।

सलमान खानको फिल्म ‘भारत’ले पाच दिनमा कमायो डेढ सय करोड

सलमान खानको फिल्म ‘भारत’ भारतीय बक्स अफिलमा छाइरहेको छ। इदको अवसरमा रिलीज भएको फिल्म भारतले  निकै उत्साहपूर्ण व्यापार गरिरहेको छ।  यो फिल्मले सुरुवाती पाच दिनमा डेढ सय करोडको आँकडा पार गरेको थियो। पहिलो हप्तामा यो फिल्मले बम्पर कमाइ गर्न सफल भयो।

बाहुबलीका निर्देशक राजामौलीले चलचित्र ‘आरआरआर’ बाहुबली भन्दा भव्य बनाउदै

दक्षिण भारतीय ब्लकबस्टर फिल्म बाहुबलीका निर्देशक एसएस राजामौलीले बाहुबली भन्दा भव्य फिल्म बनाउँदैछन् । उनको आगामी फिल्म ‘आरआरआर’को एक सिनको सुटिङमा मात्रै ४५ करोड खर्च हुनेछ । बलिउडमा ४५ करोडमा पूरै फिल्म बनाउन सकिन्छ । अहिले बनिरहेका केही फिल्म त यसको पनि आधा बजेटमा बनेका छन् । तर, राजामौलीले एउटै दृश्यको लागि यति भव्य तरिकाले सुटिङ गर्ने तयारी गरेका छन् ।

यो दृश्यको लागि हजारौं फाइटरसँग करिब ६ महिनासम्म प्रि–भिजुअलाइजेशन र तालिम संचालन गरिएको छ । यो विशेष तयारीपछि पूर्ण रुपमा सुनिश्चित भएपछि मात्र निर्देशक राजामौली यसको शुटिङ गर्नको लागि तयार भएका छन् । सूत्रका अनुसार यो दृश्य हैदराबादको एक आल्मुनियम फ्याक्ट्रीमा शुटिङ हुनेछ । दृश्यमा के हुन्छ भन्ने कुरामा निकै गोपनीयता अपनाइएको छ । मानिएको छ कि त्यो फ्याक्ट्रीमा हिरोइनलाई छुटाउन दुई हिरोहरु आउँछन् र भिलेन तथा उसका हजारौं गुण्डाहरुसँग लड्छन् ।

जुलाइ महिनाभरीमा यो दृश्यको सुटिङ पूरा हुने अपेक्षा गरिएको छ । यसअघि पनि फिल्मको पहिलो तालिकामा हैदराबादको आल्मुनियम फ्याक्ट्रीमा यो फिल्मका केही दृश्यको शुटिङ भइसकेको छ । त्यसपछि दिल्ली र पुणेमा सुटिङ भएको थियो । यो फिल्मको कथा लेखनका लागि गरिएको अनुसन्धानमा करिब २ वर्षको समय लागेको बताइएको छ । फिल्म १० भन्दा धेरै भाषामा बन्नेछ । ३० जुलाइ २०२० मा फिल्म रिलिज हुनेछ ।

राजकुमार हिरानीको फिल्ममा शाहरुख खान

बलिउड सुपरस्टार शाहरुख खानले  चर्चित निर्देशक राजकुमार हिरानीको फिल्ममा मुख्य भूमिकामा आउने भएका छन् । फिल्म रोमान्टिक लभ स्टोरी हुने बताइएको छ । राजकुमार हिरानीले अहिलेसम्म निर्देशन गरेका कुनै पनि फिल्म फ्लप भएका छैनन् ।

हिरानीले निर्देशकको रुपमा मुन्ना भाइ एमबीबीएसबाट डेब्यू गरेका थिए । त्यसपछि निर्देशकको रुपमा उनले लगे रहो मुन्ना भाइ, थ्री इडियट्स, पीके र संजू बनाए । यी सबै फिल्म ब्लकबस्टर रहे ।

राजकुमार हिरानी र शाहरुखका बीचमा यही फिल्मलाई लिएर धेरै पटक मिटिङ भइसकेको छ। त्यसपछि किङ खान नयाँ प्रोजेक्टका लागि तयार भएको एजेन्सीहरुले जनाएका छन्। छिट्टै राजकुमार हिरानीसँगको नयाँ फिल्मी यात्राका बारेमा शाहरुखले घोषणा गर्ने छन्।

राजकुमार हिरानीको ब्यानरमा बन्ने यो फिल्मको निर्माण पनि हिरानीले नै गर्ने छन्। फिल्म जिरोको असफलतापछि शाहरुख कुनै प्रकारको जोखिम उठाउन तयार छैनन्। पछिल्लो पटक चीनमा आयोजना भएको एक कार्यक्रममा शाहरुखले आफ्नो अघिल्लो फिल्मको घोषणा जुनमा गर्ने बताएका थिए।

सलमान खानको चलचित्र ‘भारत’ तिन दिनमा सय करोड नजिक

गत बुधबारबाट प्रदर्शनमा आएको बलिउड सुपरस्टार सलमान खानको नाममा रहेको रेकर्ड तोडेको चलचित्र ‘भारतले’ले तीन दिनमा ९५.५० करोडभन्दा माथि कलेक्सन गरेको छ । इदको अवसर पारेर रिलिज भएको चलचित्र ‘भारत’ले पहिलो दिन ४२ करोड ३० लाख कलेक्सन गरेको थियो ।

दोस्रो र तेस्रो दिन क्रमशः ३१ करोड र २२.२० करोड कलेक्सन गरेको भारतीय सञ्चार माध्यमहरुले जनाएका छन् । ‘भारत’ सलमानको करिअरमा पहिलो दिन सबैभन्दा धेरै कलेक्सन गर्ने चलचित्र बनेको छ ।

यसअघि सलमानको ‘प्रेम रतन धन पायो’ले पहिलो दिन ४० करोड ३५ लाख कलेक्सन गरेको ट्रेड एनालिस्ट तरण आदर्शले ट्विट गरेका छन् । बलिउडमा पहिलो दिन सर्वाधिक कमाइ गर्ने चलचित्र आमिर खानको ‘ठग्स अफ हिन्दोस्तान’ हो ।

‘भारत’ लाई समीक्षकले मिश्रित प्रतिक्रिया दिएका छन् । अली अब्बास जफरको निर्देशन रहेको फिल्ममा सलमान सँगै कटरीना कैफ, ज्याकी श्राफ, सुनील ग्रोवर लगायतको पनि अभिनय रहेको छ ।

शाहरुखकी छोरी सुहानाको सेल्फी सामाजिक संजालमा भाइरल

शाहरुख खानकी छोरी सुहाना सधैं चर्चामा रहने स्टारकिड्मा पर्छिन् । उनले सामाजिक संजालमा शेयर गर्ने फोटोहरु भाइरल हुन्छन् । फ्यानहरु अब सुहानाको बलिउड डेब्यूको प्रतिक्षा गरिरहेका छन् । यही बीचमा अहिले सुहानाको एक सेल्फीले सामाजिक संजाल तताएको छ ।

सुहाना सेल्फीमा सुन्दर देखिएकी छिन् । तर यो सेल्फी उनको सुन्दरताको कारण चर्चामा आएको भने होइन । सुहानाले यो सेल्फी ऐनाअगाडि उभिएर खिचेकी छिन् । फोटोमा सुहानाको फोनको पछिल्लो भाग देखिएको छ । सुहानाले आफ्नो फोनको कभरभित्र एटिएम कार्ड राखेकी छिन् । सामाजिक संजालमा धेरैको नजर सुहानामा भन्दा यो एटिएम कार्डमा गएको छ ।

‘भारत’ को पहिलो दिनको ब्यापारले तोड्यो सलमानको सबै रेकर्ड

बुधवारबाट रिलिज भएको सलमान खान अभिनित फिल्म ‘भारत’ ले धमाकेदार ओपनिङ गरेको छ । इदको अवसरमा रिलिज भएको ‘भारत’ ले पहिलो दिनमा उनको अहिले सम्मकै सबै रेकर्ड ब्रेक गरेको छ । फिल्मले पहिलो दिन ४२ करोड ३० लाखको व्यापार गरेको फिल्म ट्रेड एक्सपर्ट तरण आदर्शले जनाएका छन् ।

सलमानको ‘भारत’ ले उनको आफ्नै फिल्म ‘सुल्तान’ को ओपनिङ रेकर्ड ब्रेक गरेको हो । ‘सुल्तान’ ले पहिलो दिन ३६ करोड ५४ लाखको व्यापार गरेको थियो । फिल्मले सलमानको ब्यक्तिगत रेकर्ड मात्र नभई यस बर्षको सबै रेकर्ड ब्रेक गरेको छ । ‘भारत’ यस बर्षकै ठुलो ओपनिङ गर्ने फिल्म बनेको छ । यस अघी ‘केसरी’ ले पहिलो दिन २१ करोड ६० लाखको ब्यापार गरेको थियो । फिल्मले समिक्षकहरुबाट राम्रो प्रतिकृया पाईरहेको छ ।

अली अब्बास जफरको निर्देशन रहेको फिल्ममा सलमान सँगै कटरीना कैफ, ज्याकी श्राफ, सुनील ग्रोवर लगायतको पनि अभिनय रहेको छ । (एजेन्सी)

प्रियंका चोपडालाई सलमान खानले फेरी दिए अर्को झट्का

अभिनेत्री प्रियंका चोपडा फिल्म निर्माता सञ्जयलीला भन्सालीका साथ फिल्म ‘बाजीराव मस्तानी’ पछि एक पटक फेरि काम गर्ने कुराले निकै उत्साहित थिइन् । तर अब भने उनले यस फिल्ममा काम गर्ने अवसर गुमाइसकेकी छिन् ।

प्रियंकाले यस फिल्ममा काम गर्न नपाउनुको पछाडिका कारण सलमान खान हुन् । प्रियंकाले जति उत्साहित भएर सञ्जयलीला भन्सालीको अब आउने फिल्म साइन गरेकी थिइन् त्योभन्दा बढी निरास भएर उनले यस फिल्मबाट बाहिरिनु परेको छ ।

सलमान खान  र प्रियंका चोपडाबीचको मनमुटावको लामो इतिहास नै रहेको छ । केही वर्षअघि डेविड धवनको फिल्म ‘मुझसे सादी करोगे’ मा सलमान खानले प्रियंकाका साथ काम गर्न अस्वीकार गरिदिएका थिए । फिल्मका दोस्रो अभिनेता अक्षयले पनि प्रियंकाका साथ काम नगर्ने भनेका थिए । तर त्यो अर्कै कथा थियो ।

तर सलमान खान र प्रियंकाबीचको मनमुटाब त्यति बेला झनै बढ्यो भयो जुन बेला प्रियंका आफैले निर्देशक अली अब्बास जफरसँग फिल्म ‘भारत’ मा सलमान खानको अपोजिट कास्ट गर्न अनुरोध गरिन् । निर्देशकले सलमानलाई मनाउनका लागि पटक–पटक गरेको कोसिसपछि सलमानले पनि हुन्छ भने तर फेरि अन्त्यमा आएर प्रियंकाले फिल्म छोडिदिइन् । त्यही बेलादेखि सलमान खान र प्रियंका चोपडाबीचको सम्बन्ध बिग्रिएको थियो ।

त्यसपछि सलमान खानका नजिकका साथीहरुले अब सलमान खान र प्रियंका चोपडालाई एकसाथ एउटै फिल्ममा हेर्नका लागि यो जुनीमा सम्भव नरहेको बताएका थिए । अहिले सञ्जयलीला भन्सालीका अगाडि पनि २ वटा अप्सन थिए । र उनले सलमान खानलाई रोज्दै प्रियंका चोपडालाई बाहिरको बाटो देखाइदिए ।

ऋतिक रोशनको प्रतिक्षित चलचित्र ‘सुपर ३०’को ट्रेलर सार्वजनिक (भिडियो)

बलिउड अभिनेता ऋतिक रोशनको अभिनय रहेको नया चलचित्र ‘सुपर ३०’को ट्रेलर सार्वजनिक गरिएको छ ।चलचित्रको ट्रेलरमा ऋतिकले ‘सुपर ३०’ लाई उत्पादन गर्न गरेको संघर्ष र त्यागलाई देखाइएको छ । उनले इण्डियाको गरिब परिवारबाट कसरी ३० होनहारलाई विश्व सामु चिनाउछन भन्ने कथामा सिनेमा आधारित छ । ट्रेलर रिलिजसँगै दर्शकले ऋतिकको अभिनय र लुक्सको प्रसंशा गरेका छन् ।

२०१७ मा ‘काबिल’ रिलिज पछि कुनै चलचित्र रिलिज न भएको ऋतिक रोशनको ‘सुपर ३०’लाई प्रतिक्षित चलचित्रको रुपमा हेरिएको छ ।पटक पटक रिलिज मिति पोस्टपोन भएको ‘सुपर ३०’जुलाई १२ मा रिलिज हुदै छ ।केही वर्ष पहिले देखि चल्दै आएको कंगना रनौत र ऋतिक रोशनको कोल्ड वारका कारण पनि निर्माण पक्षले सिनेमालाई अन्य डेटमा सारेको हो ।

चलचित्रमा ऋतिक रोशनका अलवा विरेन्द्र सक्सेना, मनुरल ठाकुर,नन्दीश शर्मा, पंकज त्रिपाठीलगायतका कलाकारहरुको पनि अभिनय छ ।चलचित्रलाई विकास बहलले निर्देशन गरेका हुन् ।