bollywood

भारतको कश्मीरमा भएको आतंवादी आक्रमणछि एक विवादित बयानका कारण द कपिल शर्मा शोबाट हटाइएका भनिएका नवजोज सिहं सिद्धले आफुले विषेश कारण शो छोडेको बताएका छन् ।

सिद्धुले शो छोड्ने आफ्नो निर्णय भएको बताएका छन् । एक कुराकानीमा सिद्धले भने, ‘एक राजीतिक दायित्व पूरा गर्ने भूमिकामा भएकाले मैले द कपिल शर्मा शो को शूट्स छोडेको हुँ । म विधानसभाको बैठकमा सहभागी हुनुपर्ने थियो ।

जसका कारण मैले शूटिंगका लागि समय दिन नसक्ने अवस्था बन्यो । यसै कारण उनीहरुले दुई एपिसोड्सका लागि मेरो रिप्लेसमेन्ट खोजेका हुन् । मलाई शोबाट हटाएको विषयमा कुनै टर्मिेशन लेटर आएको होइन ।’

गएको बिहीबार जम्मू–कश्मीरको श्रीनगर राजमार्गको पुलवामा जिल्लामा भारीय सुरक्षाकर्मी सीआरपीएफको डप्फामा आतंकवादी आक्रमण भएको थियो । जसमा ४० भन्दा धेरै सुरक्षाकर्मी मारिएका थिए ।

यही विषयमा सिद्धुले विवादित बयान दिएका थिए । त्यसपछि सामाजिक सञ्जालमा उनको निकै आलोचना भएको थियो । यहीबीचमा उनले द कपिल शर्मा शो छोडेका थिए ।

पुलवामा आक्रमणपछि भारतीयहरु आक्रोशित भइरहेका बेला सिद्धुले पाकिस्तानप्रति नरम भाव देखाएको भन्दै सामाजिक सञ्जालमा उनको आलोचना भएको थियो । र सिद्धुलाई शोबाट हटाउन पनि चेतावनी दिइएको थियो ।

पछिल्लो समय ‘मणिकर्णिकाः द क्वीन अफ झाँसी’ बाट सफलता चाखेकी कंगना रनावतले एउटा ‘शाही घोषणा’ गरेर सबैलाई चकित तुल्याएकी छन् ।

मनमा कुनै कुरा नलुकाउनेमा चिनिएकी अभिनेत्रीले बिहीबार आफ्नै बायोपिक निर्देशन गर्ने बताएकी छन् । ‘मणिकर्णिका…’ मार्फत निर्देशनमा पनि हात हालेकी उनले भनेकी छन्, ‘मेरो आफ्नै कथा मेरो अर्को निर्देशन हुनेछ । तर यो प्रोपगान्डा फिल्म होइन, मेरो फिल्मी यात्राको इमानदार प्रस्तुति हुनेछ ।’

भारतीय सञ्चार माध्यमहरूका अनुसार, त्यो बायोपिक ‘बाहुबली’ फेम केभी विजयेन्द्रले लेख्नेछन् । ‘मणिकर्णिका…’ पनि उनैले लेखेका थिए । ‘दुई साताअघि विजयेन्द्रजीले आफूलाई मेरोबारे कथा लेख्ने अनुमति दिन भन्नुभयो । यो सुनेर म नर्भस जस्ती भएँ । तर फेरि उहाँको व्यक्तित्व र विश्वनीयताले तत्कालै मेरो धक हटाइदियो र उहाँलाई अघि बढ्न भनिदिएँ ।’

सन् २००६ मा ‘ग्याङस्टर’ मार्फत बलिउडमा छिरेकी कंगनाले कैयौँ सफल फिल्म दिइसकेकी छन् । तीन चोटि त भारतको नेसनल अवार्ड नै पाइसकेकी छन् । तथापि ३१ वर्षीया अभिनेत्री केही वर्षयता अनेक विवादमा पर्दै आएकीछन् ।

बलिउडमा पछिल्लो समय सिक्वेल बन्ने क्रममा तिब्र देखिन्छ । हिट फिल्मको नाम सापटी लिएर सिक्वेल बन्ने र बनाउनेहरुको लाइन लामै देखिन्छ । सिक्वेल बन्ने सँगै अधिकाशले बक्स अफिसमा राम्रो छाप पनि छोडिरहेका छन् ।

यही क्रममा सन् २०११ को सुपरहिट फिल्म ‘जिन्दगी ना मिलेगी दोबारा’ को पनि सिक्वेल बन्ने बताईएको छ । ऋतिक रोशन अभिनित ‘जिन्दगी ना मिलेगी दोबारा’ ले बक्स अफिसमा राम्रो छाप छोडेको थियो । फिल्मलाई जोया अख्तरले निर्देशन गरेकी थिईन् । जोया बलिउडमा फरक किसिमको फिल्म बनाउन माहिर निर्देशकको रुपमा परिचित छिन् ।

एक अन्तर्वाताको क्रममा जोयाले ऋतिक रोशन सँग काम गर्नको लागि आफु एकदमै आतुर रहेको बताएकी छिन् । उनिले ऋतिक सँग फेरी काम गर्ने इच्छा रहेको भन्दै त्यो इच्छा ‘जिन्दगी ना मिलेगी दोबारा २’ पुरा गर्न सक्ने बताएकी हुन् । तर अहिले नि फिल्म नबन्ने बताईन् ।

फिल्मको लागि जुन दिन राम्रो स्क्रिप्ट हात पर्छ त्यही बेला बल्ल फिल्म बनाउने जोयाले बताईन् । जोयाले आफु केबल पैसाको लागि मात्र फिल्म नबनाउने भन्दै राम्रो स्क्रिप्ट भेटेपछी मात्र फिल्म बन्ने बताईन् ।’जिन्दगी ना मिलेगी दोबारा’ मा ऋतिक सँगै फरहान अख्तर, अभय देओल र कटरीना केफको पनि मुख्य अभिनय रहेको छ ।

२०१६ को सुपरहिट फिल्म ‘बाघी’ को जोडी टाइगर श्राफ र श्रद्दा कपुर फेरी एक साथ देखा पर्दैछन् । यो जोडी ३ बर्ष पछी फेरी एक साथ काम गर्न लागेका हुन् । ‘बाघी’ मा सँगै काम गरेका टाइगर र श्रद्दा ‘बाघी’ को सिक्वेल ‘बाघी ३’ मा एक साथ काम गर्न लागेका हुन् ।

यस अघी फिल्मका लिड अभिनेत्रीको लागि सारा अली खानलाई प्रस्तव गरिएको थियो । तर साराले फिल्ममा आफ्नो भूमिका खास्सै बलियो नभएको भन्दै प्रस्तव अस्विकार गरेकी थिईन् ।

स्रोतका अनुसार फिल्मको लागि ज्याक्लिन फर्नान्डेज सँग पनि कुरा भएको थियो । फिल्मका निर्देशक सबिर खान केही समययता नायिकाको खोजीमा रहेका थिए । त्यही क्रममा उनले ‘बाघी’ कि नायिका श्रद्दालाई नै लिने निर्णयमा पुगेका हुन् । ‘बाघी’ मा रुचाईएकी श्रद्दाले पनि फिल्मको प्रस्ताव आउन्र बित्तिकै काम गर्न सहमती जनाईन् ।

अरबाज खान र मलाइका अरोराका छोरा अरहान खानले बलिउड प्रवेश गर्ने भएका छन् । १६ वर्षका अरहानले अभिनय नभइ निर्देशनबाट बलिउड प्रवेश गर्न लागेका हुन् ।

अरहानले फिल्म ‘दबंग ३’ मा निर्देशक प्रभुदेवाको सहायकको रुपमा बलिउड प्रवेश गर्न लागेका हुन् । उनको यो सफलतामा अरबाज र मलाइका दुवैले खुसी व्यक्त गरेका छन् ।

दबंग ३ को सुटिङ आगामी अप्रिलमा सुरु हुँदैछ । दबंगका सुरुका दुई फिल्ममा जस्तै तेस्रो सिक्वेलमा पनि सलमान खानको अपोजिट रोलमा सोनाक्षी सिन्हा नै हुनेछिन् । फिल्मका सुरुका २ भागमा आइटम डान्स गरेकी मलाइका अरोरालाई भने फिल्मको तेस्रो सिक्वेलबाट हटाइएको छ । उनको ठाउँमा दबंगको दोस्रो सिक्वेलमा आइटम डान्स गरेकी करिना कपुरलाई ल्याइने चर्चा छ ।

सन् १९९० को सुपरहिट बलिउड फिल्म ‘दिल’ को सिक्वेल बन्ने भएको छ । आमिर खान र माधुरी दिक्षितको मुख्य अभिनय रहेको ‘दिल’ को सिक्वेल बन्ने कुरा लामो समय देखी चर्चामा रहेको थियो । हालै आएर फिल्मको सिक्वेल बन्ने पक्का भएको हो ।

‘दिल’ का निर्देशक ईन्द्र कुमारले फिल्मको सिक्वेल बन्ने घोषणा गरेका हुन् । प्रदर्शनको तयारीमा रहेको ‘टोटल धमाल’ को प्रचार प्रसारको क्रममा उनले यस्तो घोषणा गरेका हुन् । ‘टोटल धमाल’ लाई ईन्द्र कुमारले नै निर्देशन गरेका हुन् । उनले ‘दिल’ को सिक्वेल बनाउने बारे लामो समय देखी सोचिरहेको तर राम्रो स्क्रिप्ट नपाएको कारण बन्न नसकेको बताए । अब भने फिल्मको लागि स्क्रिप्ट प्राप्त भएको उनले बताएका छन् ।

फिल्म बारे अन्य कुरा भने पछी टुङगो लाग्ने बताईएको छ । ‘दिल’ को सिक्वेलको कसको अभिनय रहने भन्ने कुरा भने अहिले नै भन्न नसकिने उनले बताएका छन् ।

अमिताभ बच्चन अभिनित चलचित्र  ‘बदला’को ट्रेलर रिलिज भएको छ ।सुजोय घोषको निर्देशनमा बनेको फिल्ममा अमिताभ बच्चनसँगै तापसी पन्नु मुख्य भूमिकामा छिन् ।

शाहरुख खानको कम्पनी रेड चिल्ली इन्टरटेनमेन्टको ब्यानरमा निर्माण भएको चलचित्र  ‘बदला’को शाहरुख खानले फिल्मका केही पोस्टरहरु आफ्नो ट्वीटरमा शेयर गर्दै लेखेका छन् ‘अब माहोल केही बदलिएको जस्तो लागेको छ ।’ यो ट्वीटभन्दा अगाडि उनले एक अर्को ट्वीट गर्दै लेखेका थिए ‘बिग बी म तपाइँसँग बदला लिनन आउँदैछु, तयार रहनुहोला ।’ फिल्मलाई शाहरुख र उनकी पत्नी गौरीले रेड चिल्ली इन्टरेटमेन्टमार्फत अजुर इन्टरटेनमेन्टसँग मिलेर निर्माण गरेका हुन् । पिंकपछि यो दोस्रो पटक हो जहाँ अमिताभ बच्चन र तापसी पन्नु एउटै फिल्ममा देखिँदैछन् ।

फिल्म आगामी मार्च ८ मा रिलिज हुनेछ । यो फिल्म स्पेनिश फिल्म कन्ट्राटिएम्पोको अफिशियल रिमेक हो । फिल्ममा तापसी जवान महिलाको भूमिकामा छिन् भने अमिताभ बच्चन वकिलको भूमिकामा छन् । फिल्ममा शाहरुख खान तापसीको पतिको भूमिकामा देखिनेछन् जसको शुटिङ उनले फिल्म जीरोको शुटिङपछि गरेका थिए । कहानी र कहानी २ जस्ता सस्पेन्सले भरिएका फिल्मपछि यो फिल्म पनि उस्तै सस्पेन्स हुनेछ । फिल्मको कहानी हत्याको रहस्यको वरिपरि घुम्नेछ ।

केही समय अघी ॠतिक रोशनको फिल्म ‘सुपर ३०’ र कंगना रनावतको ‘मणिकर्णिका : दि क्विन अफ झाँसी’ एक साथ प्रदर्शन हुने चर्चा चलेको थियो । पानी बराबरको सम्बन्ध रहेको कंगना र ॠतिकको फिल्म सँगै रिलिज हुने खबरले बलिउड बजार तात्तिएको थियो । तर पछी यि दुईको फिल्म एक साथ प्रदर्शन भएन ।

‘मणिकर्णिका’ रिलिज भईसकेको छ भने ॠतिकको फिल्म ‘सुपर ३०’को रिलिज डेटलाई लिएर चर्चा सुरु भएको थियो । मेकर्सले फिल्मको अझै सुट गर्ने निर्णय गरेपछी जनवरीमा रिलिज हुने भनिएको फिल्मको रिलिज डेट पोस्टपोण्ड भएको थियो ।

अब भने ॠतिकको ‘सुपर ३०’ को रिलिज डेट कन्फर्म भएको छ । भारतीय गणितीज्ञ आनन्द कुमारको जीवन कथा बोकेको २६ जुलाईमा रिलिज हुने भएको छ । नयाँ पोस्टर रिलिज गर्दै २६ जुलाई लाई फिल्मको रिलिज डेट लक गरिएको हो । सुपर ३०’ लाई बिकास बहलले निर्देशन गरेका हुन् । अनुराग कास्यप, बिक्रमादित्य मोतवाने, मधु मन्टेना र साजिद नडियडवाला निर्मित फिल्ममा ॠतिक सँगै म्रुनाल ठाकुर, विरेन्द्र सक्सेना र पंकज त्रिपाठीको पनि अभिनय रहेको छ ।

दक्षिण भारतीय फिल्म उद्योगका चर्चित हाँस्यकलाकार हुन् ब्रह्मानन्दम । उनको हालै भारतको मुम्बईमा मुटुको अप्रेशन भएको छ । छाति दुख्ने समस्या देखिएपछि अस्पताल पुगको उनको डाक्टरहरुले अप्रेशन गर्नुपर्ने बताएका थिए । यसपछि उनको अप्रेशन भएको छ ।

भर्खरै अप्रेशन गरिएका ब्रह्मानन्दमलाई अर्का दक्षिण भारतीय अभिनेता अलु अर्जुनले भेटेका छन् । भेटपछिको तस्वीर उनले सामाजिक सञ्जाल ट्वीटरमार्फत सार्वजनिक गर्दै आफू ब्रह्मानन्दमको फ्यान भएको बताएका छन् ।

अलु अर्जुन र ब्रह्मानन्दमले कैयौं फिल्ममा साथै काम गरेका छन् । उनलाई भेटेपछि अलु अर्जुनले लेखेका छन्, ‘वास्ताविक आइरन म्यान, एक बलियो हृदय भएका मानिस । रमाइलो र निडर , मेरा किलबिल पाण्डेलाई देखेर निकै खुशी भएको छु । लभ ब्रामी ।’

ब्रह्मानन्दमको हार्टको सर्जरी एशिय हार्ट सेन्टरका डाक्टर रमाकान्त पांडाले गरेका हुन् । ब्रह्मानन्दमको नाम गिनीज बुक अफ वल्र्ड रेकर्डमा पनि दर्ता छ । यो रेकर्ड २००७ मा एकै भाषामा ७०० भन्दा धेरै फिल्ममा अभिनय गरेकोमा दर्ता गरिएको हो ।उनले तीन दशकको फिल्मी करिअरमा १००० भन्दा धेरै फिल्ममा काम गरेका छन् ।

ब्रह्मानन्दम एक फिल्ममा काम गर्नका लागि एक करोड भारु लिन्छन् । ब्रह्मानन्दम यति चर्चित छन्की साउथका हरेक दुई वा तीन फिल्म मध्ये एकमा उनी देखिन्छन् ।

निर्देशक सुरज बड़जात्या सँग सलमान खानले ४ हिट फिल्ममा काम गरिसकेका छन् । सलमानले सुरज सँग पहिलो हिट फिल्म ‘मैने प्यार क्यु किया’ मा काम गरेका थिए । उक्त फिल्मले बक्स अफिसमा धमान मच्चाएको थियो । उक्त फिल्म पछी सलमानले कहिले पनि पछाडी फर्किनु परेको छैन । ‘मैने प्यार क्यु किया’ पछी सलमानले सुरज सँग ‘हम आपके हैं कौन’ ‘हम साथ साथ हैं’ र ‘प्रेम रतन धन पायो’ जस्ता सुपरहिट फिल्ममा काम गरेका थिए ।

चार हिट फिल्ममा सँगै काम गरेका सलमान र सुरज अब अर्को फिल्ममा काम गर्ने योजनामा रहेका छन् । उक्त फिल्म यि दुईले सँगै काम गर्ने पाचौं फिल्म हुने बताईएको छ । हालै मात्र निर्देशक सुरजले सलमानलाई एउटा फिल्मको कन्सेप्ट सुनाएका छन् र सलमानलाई पनि उक्त कन्सेप्ट मन परेको छ । यि दुई सँगै काम गर्ने तयारी रहेका छन् । उक्त फिल्म एक्सन प्याक्ड फिल्म हुने बताईएको छ । तर निर्देशक सुरजले भने उक्त फिल्म एक्सन प्याक्ड नभई पारिवारिक फिल्म हुने बताएका छन् । फिल्ममा इमोशन र ड्रामा हुने हुने बताईएको छ ।

सलमान र सुरज एक अर्का सँग काम गर्न उत्सुक रहेको बताईएको छ । फिल्मको बारेमा अहिले केही पनि खुलाईएको छैन । सलमान अहिले ‘भारत’ को काममा ब्यस्त रहेका छन् भने निर्देशक सुरज पनि आफ्नो छोरा अविनाशको फिल्म ‘हम चार’ को प्रदर्शनको तयारीमा रहेका छन् ।