Sunday , 16 December 2018
News update
Home >> bollywood (page 2)

bollywood

भारतीय नायिका प्रियंका चोपडा आफ्नो नाम फेरिन्

भारतीय नायिका प्रियंका चोपडा ले बिहीबारदेखि आफ्नो नाम औपचारिक रुपमा फेरेकी छन् । निक जोन्ससँग हालै विवाह बन्धनमा बाँधिएकी उनले आफ्नो इन्स्टाग्राममा नाम प्रियंका  चोपडा जोन्स राखेकी छन् । उनीहरुको हालै ५ दिन लगाएर राजस्थानको जोधपुरस्थित ग्रान्ड उमेद भवन प्यालेसमा विवाह भएको थियो ।

डिसेम्बर १ का दिन दुईबीच विवाह भएको थियो । पहिलो दिन उनीहरुबीच इसाई परम्पराअनुसार बमोजिम विवाह भएको थियो भने दोस्रो दिन हिन्दू पराम्परागत शैलीमा विवाह भएको थियो ।

पहिलो बच्चाका बारेमा राखिएको जिज्ञासामा प्रियंकाले अहिले आफूहरुको भर्खर विवाह भएकोले हनिमुन पिरियडमा रहेको जनाउँदै त्यति ठूलो निर्णय गर्नका लागि समय दिन आग्रह गरेको अन्तर्राष्ट्रिय सञ्चारमाध्यमले जनाएका छन् ।

चर्चित भएकी बलिउड अभिनेत्री माधुरी दीक्षित अब राजनीतिक मञ्चमा

हिन्दी फिल्म ‘बेटा’ मा ‘धक धक करने लगा’ बोलको गीतबाट चर्चित भएकी बलिउड अभिनेत्री माधुरी दीक्षित अब मतदातलाई ‘धक धक’ बनाउने यात्रामा अगाडी बढेकी छन् ।

भारतीय सञ्चारमाध्यमले आगामी वर्ष हुने आम निर्वाचनमा सत्तारुढ दल भारतीय जनता पार्टीले उलाई पूर्णेबाट टिकट दिन सक्ने बताएका छन् । यही वर्ष जूनमा भाजपा अध्यक्ष अमित शाहले माधुरीसँग ‘सम्पर्क फर समर्थन’ अभियानअनुसार भेटवार्ता गरेपछि माधुरी भाजपामा प्रवेश गर्ने अनुमान गरिएको थियो ।

भाजपाका एक वरिष्ठ नेताले माधुरीलाई लोकसभा चुनावमा उम्मेदवार बनाउने विषयमा गम्भीर भएर सोचिरहेको बताएका छन् । उनले माधुरीका लागि पूर्णे सिट सबैभन्दा उचित हुनेसमेत बताएका छन् । उनले पार्टी भित्र आगामी चुनावका उम्मेदवारहरुबारे छलफल चलिरहेकोसमेत उनले बताए ।

२०१४ को चुनावमा पूर्णे सिट भाजपाले जितेको थियो । त्यतिबेला भाजपाका अनिल शिरोले काँग्रेस उम्मेदवार विश्वजीत कदमलाई ३ लाखभन्दा धेरै मतान्तरले पराजित गरेका थिए ।

ती नेताले प्रधानमन्त्री नरेन्द्र मोदी चुनावमा नयाँ अनुहारलाई टिकट दिने विषयमा गम्भीर रहेको बताए । यस्तै रणनीतिअनुसार मोदी पहिलो पटक गुजरातमा मुख्यमन्त्री बनेको भन्दै उनले त्यस बेला स्थानीय चुनावमा मोदीले सबै नयाँ अनुहारलाई उम्मेदवार बनाएकोसमेत बताए । नयाँ अनुहारलाई चुनावी मैदानमा उतार्नु पार्टीका लागि फाइदाजनक भएकोसमेत उनले बताए । बलिउड हस्तीहरु विभिन्न समयमा राजनीतिमा हामफाल्ने गरेका छन् । अब यो सूचीमा माधुरीको नाम पनि थपिने सम्भावना बढेको छ ।

यौन शोषण आरोपमा चर्चित गायक मीका सिंह दुबईमा पक्राउ

भारतीय गायक मीका सिंह दुबईमा यौन शोषण आरोपमा पक्राउ परेका छन् । उनीमाथि १७ वर्षीया ब्राजीलियन किशोरीको यौन शोषण गरेको आरोप लागेको छ ।

ब्राजीलको निवेदनअनुसार मीकालाई पक्राउ गरिएको भारतीय सञ्चारमाध्यमले जनाएका छन् । भारतीय सञ्चारमाध्यमअनुसार ब्राजीलियन मोडल रहेको बताइएको छ ।

मीकालाई बुधबार राती तीन बजे दुबई प्रहरीले पक्राउ गरेको भारतीय सञ्चारमाध्यमले जनाएका छन् । पीडित किशोरीले मीकामाथि अश्लील तस्वीर पठाएको आरोप लगाएकी छन् ।

सांगीतिक कार्यक्रमका लागि मीका दुबई गएका थिए । दुबई प्रहरीले मीकालाई हिरासतमा लिएको पुष्टि गरेको भारतीय सञ्चारमाध्यमले जनाएका छन् । मीकाका साथीहरु उनलाई रिहा गर्न प्रयासमा रहेको बताइएको छ ।

यसै वर्षको मार्चमा पाटियाला कोर्टले मीकाका दाई दलेर मेहंदीलाई मानव तस्करीमा दोषी ठहर गरेको थियो । उनलाई दुई वर्षको सजाय सुनाइएको थियो । तर, उनी जमानतमा छुटेका थिए ।

यो बर्ष पनि सलमान खानले कमाए सबै भन्दा बढी पैसा

‘सुल्तानलाई एकलेमात्र हराउन सक्छ, आफै सुल्तानले।’ सलमान खानले यो आफ्नो भनाई फेरि सावित गरेका छन् । भारतमा सबैभन्दा धेरै कमाउने सेलिब्रिटीजको फोब्र्स लिस्टमा उनी टपमा छन्।

लगातार तेस्रो वर्ष आफ्नो पोजिशनमा यथावत रहेका सलमान पहिलो स्टार हुन् । ब्लकबस्टर फिल्म र बिग बोसका साथै ब्राण्ड इंडोर्समेन्टको कमाइले  अक्टुबर २०१७ देखि सेप्टेम्बर २०८ सम्म उनको कमाई २ अर्ब ५३ करोड २५ लाख भारती रुपैँया पुगेको छ।

दोस्रो स्थानमा रहेका भारतीय क्रिकेट टीमका क्याप्टेन विराट कोहलीले २ अर्ब २८ करोड भारु कमाएका छन् । तेस्रो स्थानमा रहेका अक्षय कुमारले १ अर्ब ८५ करोड कमाई गरेको भारतीय सञ्चारमाध्यमले जनाएका छन् ।

हालै बिहे गरेकी बलिउड अभिनेत्री दीपिका पादुकोण सबैभन्दा धेरै आर्जन गर्ने सेलिब्रिटीजको सूचीमा पाँचौ स्थानमा छिन् ।   पद्मावत र ब्राण्ड इंडोर्समेंटबाट उनले १ अर्ब १२ करोड ८० लाख भारु कमाई गरेकी छन् । टप फाइभमा पर्ने उनी एक्ली महिला हुन् ।

दीपिकापछि धेरै कमाउनेको सूचीमा क्रिकेटर महेन्द्रसिंह धोनी छन् । उनीपछि आमिर खान, अमिताभ बच्चन, रणवीर सिंह, सचित तेन्दुलकर र अजय देवगन छन् । यी सबै टप टेनमा छन् ।

गएको वर्ष कमाईको हिसाबले दोस्रो स्थानमा रहेका शाहरुख खान र प्रियंका चोपडका लागि यो वर्ष सन्तोषजनक रहेन । यो वर्ष शाहरुख १३ औं स्थानमा छन् भन् प्रियंका ७ नम्बरबाट ४९ औं नम्बरमा खस्केकी छन् । शाहरुखले यो वर्ष ५६ करोडमात्र कमाए । यो कमाइ उनले व्यापार र विज्ञापनबाट गरेका हुन् ।

फोब्र्सका अुसार भारतमा सबैभन्दा धेरै आर्जन गर्ने १०० सेलिब्रिटीजको कुल कमाई ३१४०.२४ करोड भारु रहेको छ । यो आँकडा गएको वर्ष भन २६८३ करोड १७ प्रतिशत धेरै हो । यो सूचीमा १८ जना महिला छन् । त्यसमा आलिया भट्ट, अनुष्का शर्मा, तापसी पन्नू, नयनतारा र शटलर सिन्धू समेत छन् । गएको वर्ष यस्तो सूचीमा २१ महिला थिए ।

‘जीरो’को गीतमा सलमान खान र शाहरुख खान (भिडियो)

शाहरुख खानको नया चलचित्र ‘जीरो’को दोस्रो गीत रिलिज भएको छ । यही डिसेम्बर २१ मा रिलिज हुन लागेको फिल्मको दोस्रो गीत इश्कबाजी रिलिज भएको हो । गीतमा एउटै पर्दामा बलिउडका दुई खान सलमान खान, शाहरुख खानसँगै टप कोरियोग्राफरहरु गणेश आचार्य, रेमो डिसुजा पनि देखिएका छन् ।

इरशाद कामिलको शब्दमा अजय अतुलले संगीत भरेको गीतमा सुखविन्दर सिंह र दिव्या कुमारले स्वर दिएका छन् । फिल्ममा शाहरुख पुड्को व्यक्ति बउवा सिंहको भूमिकामा छन् ।

चलचित्र ‘जीरो’मा शाहरुखका सगै अनुष्का शर्मा, कटरीना कैफको मुख्य भूमिका रहेको छ भने अभिनेता सलमान खान र श्रीदेवी अतिथी भूमिकामा देखिदै छन् । चलचित्रमा त्रिकोणात्मक प्रेमकथामा निर्माण गरिएको छ । ‘जीरो’लाई आनन्द एल रायले निर्देशन गरेका हुन् ।चलचित्रलाई गौरी खान निर्माण गरेकी हुन् ।

बलिउड आइटम डान्सर मलाईका अरोरा ४६ वर्षमा पनि टीनएजर देखिदै

बलिउड आइटम डान्सर तथा मोडल मलाईका अरोरा उमेरले ४६ वर्षकी भइन् । उनको उमेरमात्र बढेको होइन २ बच्चाकी आमा पनि हुन् मलाईका । तर, उनको शरीर भने टीनएजरभन्दा कम छैन । उनी हालै एब्समा देखिइन् ।

मलाइकाको फीटनेसको कारण हो, उनको शरीरप्रतिको लगाव र मेहनत । उनी नियमित जिम जान्छिन् । उनी फिटनेसलाई लिएर निकै कन्सस छिन् । हालै उनी एक जीम बाहिर स्पट भइन् । कालो स्पोर्ट्स ड्रेसमा मलाइकाको शरीर निकै आकर्षक देखिएको छ ।

उमेर बढे पनि २ बच्चाकी आमा भए पनि उनी हालका दिनमा चर्चाछिन् प्रेम सम्बन्धका कारण । बलिउड अभिनेता अर्जुन कपूरसँगको सम्बन्धका कारण उनी निकै विवादमा पनि परेकी छन् । त्यसको कारण हो, अर्जुन र मलाईकाको उमेर डिफरेन्स ।

अर्जुन ३४ वर्षका भए भने मलाईका ४६ । उनीहरुबीच १२ वर्षको फरक छ ।तर, अर्जुन र मलाइकाले बिहे गर्ने तयारी गरेको चर्चा निकै भएको छ । निकै विवादमा परेपछि हालै रणवीर सिंह र दीपिका पादूकोणको बिहे रिसेप्सनमा भने यी दुई अलग अलग देखिए । यसअघि उनीहरु जहाँ पनि सँगै देखिने गरेका थिए ।

सोनाली बेन्ड्रे अमेरिकमा क्यान्सरको उपचारपछि भारत फर्किएकी छिन्

बलिउडकी प्रख्यात कलाकार सोनाली बेन्ड्रे अमेरिकमा क्यान्सरको उपचारपछि घर फर्किएकी छिन् । उनी सोमबार विहान सबेरै मुम्बाई फर्किएकी हुन् । सोनालीको स्वास्थ्यमा राम्रो सुधारपछि न्युर्योकबाट मुम्बाई फर्र्र्किएको उनका श्रीमान गोल्डी बहलले बताए ।

सोनालीको स्वास्थ्यमा राम्रो सुधार भएको र अव थप उपचारको लागि न्युर्योक जानु नपर्ने बहलले बताएका छन् । करिब छ महिनादेखि सोनाली राम्रो होस भन्ने चाहाना राख्ने सबैलाई उनी राम्रो भएको खबर गर्न चाहेको बहलले बताए । यस अवधिमा सोनालीप्रति सबैले देखाएको माया र समर्थनको लागि बहलले धन्यवाद दिए ।

अव सोनालीको उपचार पूरा भएको र अव उनी पूर्णरुपमा स्वास्थ्य भएकी बहलले बताएका छन् । न्युर्योकमा सोनालीको उपचारपछि उनलाई घर फर्काउन पाएको आफू अत्यन्त खुशि भएको बेहलले बताए । अरु विरामीले जस्तो उनको पनि नियमित जाँच गराउनु पर्ने बताइएको छ । सोनाली बलियो आत्मबल भएको महिला र उनीप्रति आफूलाई गर्व रहेको बहलले बताए ।

रणवीर सिंहको चलचित्र ‘सिंबा’को एक्सनले भरिपूर्ण ट्रेलर सार्वजनिक (भिडियो)

बलिउड अभिनेता रणवीर सिंह र सारा अली खानको अभिनय रहेको चलचित्र ‘सिंबा’ का ट्रेलर सार्वजनिक गरिएको छ ।चलचित्रको ट्रेलरमा चलचित्र ‘सिंघम’मा शिवगडमा रहेको बच्चाको कथा प्रस्तुत गरिएको छ ।अजय देवगनको ‘सिंघम’ प्रहरी बन्न खोजेको बच्चालाई रणवीरको रोलमा प्रस्तुत गरिएको छ ।

२८ दिसंबर रिलिज हुने चलचित्र ‘सिंबा’ को ट्रेलरमा फुल एक्सन देख्न सकिन्छ। चलचित्रलाई रोहित शेट्टी निर्देशन गरेका हुन्। २०१५ मा रिलिज भएको तेलुगू सुपर हिट चलचित्र ‘टेंपर’को हिन्दी रीमेक चलचित्र हो।

रोहित शेट्टी र करण जौहरको धर्मा प्रोडक्शनले मिलेय्रा निर्माण गरेको यस चलचित्रलाई बलिउडमा बहुप्रतिक्षितको रुपमा हेरिएको छ। चलचित्रमा सोनु सूदको पनि मुख्य भूमिका रहेको छ भने अजय देवगनको कैमियो रोल रहेको छ।

क्यान्सरको उपचार चलिरहदा सोनाली बेन्द्रे भारत फर्किंदै

अमेरिकामा क्यान्सरको उपचार गराइरहेकी बलिउड अभिनेत्री सोनाली बेन्द्रे भारत फर्किंदैछन् । सोनाली जुलाइ २०१८ देखि अमेरिकाको न्यूयोर्कमा छिन् । त्यहाँ बसेर उनले हाइ ग्रेड मेटास्टेटिक क्यान्सरको उपचार गराइरहेकी छिन् । अहिले सोनाली क्यान्सर पूरै ठिक भएर भारत आउन लागेकी भने होइनन् । उनी उपचारको बीचमा केही समय लिएर भारत आउन लागेकी हुन् ।

उनले आफू भारत आउन लागेको कुरा इन्स्टाग्राममा एक पोस्ट गर्दै पुष्टि गरेकी छिन् । उनले पोस्टमा आफू भारत आउन लाग्दा निकै खुसी भएको प्रतिक्रिया दिएकी छिन् । उनले आफूले उपचारको क्रममा केही समयको लागि विश्राम पाएको र आफू यो पलको प्रतिक्षा गरिरहेको बताएकी छिन् ।

सोनालीले पोस्टमा ‘इन्टरभल’ शब्दको प्रयोग गरेकी छिन् जसले उनको उपचार पूरा नभएको तर केही समय पाएकोले त्यो समय उपयोग गर्न घर आउन लागेको संकेत गरेको छ ।

बलिउड अभिनेता सलमान खानका दस प्रेमीकाहरु

५० वर्ष पार गरेका बलिउड अभिनेता सलमान खान अझै अविवाहित र चर्चामा छन् । सलमानसँग विवाह गर्न उनीभन्दा आधा उमेरका युवती पनि मरिहत्ते गर्छन् । सलमानको जीवनमा प्रायः कुनै न कुनै युवती जोडिएकै हुन्छन् । तर, उनले कहिल्यै पनि उनीहरूसँगको आफ्नो सम्बन्ध भने स्वीकारेका छैनन् । संगीता बिजलानीबाट सुरु भएको यो क्रम युलियासम्म जारी छ ।


संगीता बिजलानी

संगीता बिजलानीलाई सलमानकी पहिलो प्रेमिका भनिन्छ । सलमानभन्दा पनि संगीता लोकप्रिय भएका बेला उनीहरू एकआपसमा नजिकिएका थिए । संगीता मोडलिङ गर्दै थिइन् भने सलमान आफ्नो करिअर बनाउन संघर्षरत थिए । दुवैले केही विज्ञापनमा सँगै काम गरे । विस्तारै सलमान हिट बन्दै गए । संगीताले उनीसँग विवाह गर्न चाहिन् तर सलमान तयार थिएनन् । त्यसपछि उनीहरूको ब्रेकअप भयो । ब्रेकअपपछि पनि सलमान र संगीता साथी बनिरहे । संगीताले क्रिकेटर मोहम्मद अजहरुद्दिनसँग विवाह गरिन् ।

 सोमी अली

कराँचीमा जन्मेर फ्लोरिडामा हुर्केकी सोमी अली बलिउड स्टार सलमानकी फ्यान थिइन् । १६ वर्षको उमेरमै अली सलमानप्रति फिदा भइन् । सलमानलाई पछ्याउँदै उनी मुम्बई आइन् । केही मोडलिङ प्रोजेक्ट गरेपछि उनले फिल्ममा इन्ट्री गरिन् र सलमानसम्म पुगिन् । विस्तारै उनीहरू नजिकिए । सलमान सोमीलाई असाध्यै मन पराउँथे । आठ वर्षसम्म दुवै डेटिङमा रहे । सोमी सलमानले आफूसँग विवाह गरेर घरजम गरोस् भन्ने चाहन्थिन् । सलमान भने उनीसँग विवाह गर्ने मुडमा थिएनन् । पछि मदिरा पिउने सलमानको लत र व्यवहारका कारण सोमी फ्लोरिडा नै फर्किन् । सलमानसँग अहिले पनि उनको सम्पर्क हुन्छ ।

ऐश्वर्या राय वच्चन

सञ्जय लीला भन्सालीले सलमान र ऐश्वर्यालाई लिएर ‘हम दिल दे चुके सनम’ बनाउने घोषणा गरे । यसको सुटिङका क्रममा सलमान र ऐश्वर्या एकअर्कासँग नजिक भए । ऐश्वर्यासँग नजिकिएपछि सलमानको व्यवहार अचानक बदलियो । उनले ऐश्वर्यामाथि धेरै अधिकार जमाउन लागे । रोकतोक गर्न थाले । ऐश्वर्या जुन हिरोसँग फिल्म गर्थिन्, सलमान उनीमाथि शंका गर्थे । शाहरुख खानको फिल्म ‘चलते चलते’को सेटमा गएर सलमानले हंगामा नै मच्चाए । शाहरुखले सलमानको कुरा सुनेर ऐश्वर्यालाई फिल्मबाट निकाले । उनकै व्यवहारका कारण उनीहरू साथ रहन सकेनन् ।

कैटरिना कैफ

बुमबाट निराशाजनक सुरुआत गरेपछि कैटरिना कैफ सलमानको सम्पर्कमा आइन् । सलमानसँग उनले ‘मैने प्यार क्युं किया’ फिल्म गरिन् । त्यसपछि उनले सफलताको सिँढी चढिन् । सलमानसँग उनी धेरै नजिक रहिन् । कतिपटक त सलमान र कैटरिनाको विवाहको तारिखसमेत घोषणा भयो तर विवाह हुन सकेन । कैटरिनाले पनि सलमानसँग घर बसाउने सपना देखेकी थिइन् तर सलमानले कुनै निर्णय दिएनन् । त्यसपछि सलमानबाट कैटरिना विस्तारै टाढा हुँदै गइन् । उनी रणवीर कपुरसँग नजिक भइन् । रणवीरसँग ब्रेकअप भएपछि कैटरिना साथीका रूपमा पुनः सलमानको सम्पर्कमा आइन् ।

 युलिया वन्तुर

रोमानियाकी युलिया वन्तुर अहिले सलमानसँग देखिएकी छन् । उनलाई सलमानकी पे्रमिकाका रूपमा लिइन्छ । सलमान अझै पनि विवाहको मुडमा छैनन् ।

यसका साथमा सलमानका प्रेमिकाको लिस्टमा क्लाडिया सिएस्ला, बरुना अब्दुल्ला, जरिन खान, डेजी साह र एमी ज्याक्सन पनि सूचीकृत छन् ।