Thursday , 20 June 2019
News update
Home >> bollywood (page 2)

bollywood

ऋतिक रोशनको प्रतिक्षित चलचित्र ‘सुपर ३०’को ट्रेलर सार्वजनिक (भिडियो)

बलिउड अभिनेता ऋतिक रोशनको अभिनय रहेको नया चलचित्र ‘सुपर ३०’को ट्रेलर सार्वजनिक गरिएको छ ।चलचित्रको ट्रेलरमा ऋतिकले ‘सुपर ३०’ लाई उत्पादन गर्न गरेको संघर्ष र त्यागलाई देखाइएको छ । उनले इण्डियाको गरिब परिवारबाट कसरी ३० होनहारलाई विश्व सामु चिनाउछन भन्ने कथामा सिनेमा आधारित छ । ट्रेलर रिलिजसँगै दर्शकले ऋतिकको अभिनय र लुक्सको प्रसंशा गरेका छन् ।

२०१७ मा ‘काबिल’ रिलिज पछि कुनै चलचित्र रिलिज न भएको ऋतिक रोशनको ‘सुपर ३०’लाई प्रतिक्षित चलचित्रको रुपमा हेरिएको छ ।पटक पटक रिलिज मिति पोस्टपोन भएको ‘सुपर ३०’जुलाई १२ मा रिलिज हुदै छ ।केही वर्ष पहिले देखि चल्दै आएको कंगना रनौत र ऋतिक रोशनको कोल्ड वारका कारण पनि निर्माण पक्षले सिनेमालाई अन्य डेटमा सारेको हो ।

चलचित्रमा ऋतिक रोशनका अलवा विरेन्द्र सक्सेना, मनुरल ठाकुर,नन्दीश शर्मा, पंकज त्रिपाठीलगायतका कलाकारहरुको पनि अभिनय छ ।चलचित्रलाई विकास बहलले निर्देशन गरेका हुन् ।

अजय देवगनका पिता तथा बलिउडका चर्चित द्वन्द्व निर्देशक वीरु देवगनको निधन

चर्चित द्वन्द्व निर्देशक तथा अभिनेता अजय देवगनका पिता वीरु देवगनको निधन भएको । केही समयदेखि बिरामी रहेका वीरुलाई सान्ताक्रुजको सूर्या अस्पतालमा भर्ना गरिएको थियो । जहाँ सोमबार उनलाई कार्डिएक एरेस्ट भएको थियो ।

वीरु देवगन अन्तिम संस्कार आज साँझ नै  भिले पार्लेस्थित श्मशान भूमिमा गरिनेछ । वीरु बलिउडका सबैभन्दा पुराना द्वन्द्व निर्देशक तथा स्टन्टम्यान मध्येका थिए । वीरुको परिवारमा पत्नी वीणा, दुई छोराहरु अजय (अभिनेता), र अनिल देवगन (निर्देशक) र एक छोरी छिन् । छोरीको बिहे भइसकेको छ । अनिल देवगन अविवाहित छन् । अजयको बिहे काजोलसँग भएको हो ।

वीरुले सत्ते पे सत्ता, स्वर्ग से सुन्दर, दस नम्बरी, मिस्टर नटवरलाल, क्रान्ति, राम तेरी गंगा मैली, आखिरी रास्ता, मिस्टर इण्डिया, फूल और कांटे । इश्क जस्ता ८० भन्दा बढी फिल्ममा द्वन्द्व निर्देशन गरेका थिए । १९९९ मा उनले निर्माता निर्देशकको रुपमा हिन्दुस्तान की कसम बाएका थिए ।

नरेन्द्र मोदीको बायोपिक फिल्मले पहिलो दिनमै २.८८ करोडको कमाइ गर्‍यो

भारतीय प्रधानमन्त्री नरेन्द्र मोदी बायोपिक फिल्म शुक्रबारबाट रिलिज भयो। फिल्मको ओमंग कुमारले निर्देशन गरेका हुन्। फिल्ममा विवेक ओबराय प्रम मोदीको चरित्रमा छन्। फिल्मको व्यापार फाइदाजनक रहेको छ।

भारतीय लोकसभा निर्वाचनको मतपरिणाम सार्वजनिक ताका फिल्म रिलिज हुनाले फिल्मले अझै राम्रो व्यापार गर्ने निर्माण टिमको बुझाइ छ।  व्यापार विश्लेषक तरण आदर्शका अनुसार फिल्मले पहिलो दिनमै २.८८ करोडको कमाइ गर्‍यो। तरणले भनेका छन्, ‘फिल्म बिहानैदेखि सुरु भयो। तर, साँझमा फिल्मले निकै राम्रो कारोबार गर्‍यो।’

फिल्मलाई लिएरै निकै विवाद समेत भएका छन्। यसको रिलिज मिति धेरैपल्ट बदलिएको थियो। फिल्मको सुरुमा अप्रिलमा रिलिज गरिने बताइएको थियो। तर, विपक्षको विरोधका कारण अप्रिलमा रिलिज हुन पाएन। विपक्षीहरूका अनुसार यस फिल्मले चुनाव आचार संहिता उल्‍लंघन गर्ने थियो।

त्यसकारण चुनावअवधिभर फिल्‍म रिलिज हुन सकेन। त्यसपछी फिल्मलाई २४ मेमा रिलिज गरियो। जुन , लोकसभा चुनावकझ रिजल्टको एकदिन पछि। हालै सम्पन्न भएको लोकसभा चुनावमा पिएम मोदीले ऐतिहासिक जित हासिल गरे।

अक्षय कुमार, सुनिल सेट्ठी र परेश रावलको ‘हेरा फेरी -३’ आउने

अक्षय कुमार, सुनिल सेट्ठी र परेश रावल ‘हेरा फेरी- ३‘ मा आउँदैछन् । सुरुको हेरा फेरी सन् २००० मा अनि ‘फिर हेरा फेरी’ सन् २००६ मा रिलिज भएको थियो । ‘हेरा फेरी -३’ लाई भने प्रियदर्शनले निर्देशन गर्नेछन् ।

फिल्म यही वर्षको डिसेम्बरबाट सुटिङ्ग हुँदैछ । सुनिल सेट्ठीले आफू फिल्म खेल्नलाई निकै नै आँतुर भएको बताएका छन् । फिल्ममा श्यामको रुपमा देखिएका सुनिल सेट्ठीले ‘फिर हेरा फेरी’ भन्दा ‘हेरा फेरी’ निकै राम्रो रहेको बताए । मानिसहरुले इमान्दार र सङ्घर्षशील क्यारेक्टरलाई बढी रुचाउने उनले बताए ।

अमिर खानका भान्जा तथा अभिनेता इमरान खानले गरे सम्बन्ध विच्छेद

बलिउड चर्चित अभिनेता अमिर खानका भान्जा इमरान खान आफ्नी पत्नी अवंतिकासँग छुट्टिएका छन्। भारतीय संचारमाध्यमका अनुसार यी दुवै केही समयदेखि छुट्टा छुट्टै बस्थे। इमरान र अवंतिकाले आठ वर्ष पहिला विवाह गरेका थिए। यी दुवैकी एक छोरी छन्।

संचारमाध्यमका अनुसार अवंतिकाले २४ मे मा पालीहित स्थित इमरानको घर छोडेकी हुन्। उनी आफ्नी छोरीलाई लिएर आमा बुवाको घरमा बस्दै आएकी छन्। दुवै परिवारले इमरान र अवंतिकाबीचको विवाद सुल्झाउने कोशिश गरिरहेका छन्। इमरान र अवंतिकाबीच २०११ मा विवाह भएको थियो। विवाह अगाडि उनीहरुले लामो समयसम्म डेट गरेका थिए।

इमरानले २००८ मा  फिल्म जाने तु या जाने ना बाट बलिउडमा डेब्यू गरेका थिए। यसअघि उनी अमिरको फिल्म कयामत से कयामततक मा उनले बाल कलाकारको भूमिका निर्वाह गरेका थिए।  अहिले उनी फिल्ममा अभियन छोडेर फिल्म निर्माणमा लागेका छन्।

बाहुबली अभिनेता प्रभासको फिल्म ‘साहो’ अगष्ट १५ मा रिलिज हुने

बाहुबली फेम प्रभासको नयाँ फिल्म साहो आगामी अगष्ट १५ मा रिलिज हुने भएको छ । साहो हिन्दी भाषासहित तमिल र तेलेगुमा पनि बनेको छ भने फिल्मलाई सुजिथले निर्देशन गर्दैछन् । फिल्ममा प्रभासको अपोजिट श्रद्धा कपुरले अभिनय गरेकी छन् ।

फिल्मको भारतका अलावा आबुधाबी र रोमानियामा पनि सुटिंग गरिएको छ । फिल्ममा शंकर एहसान लोयले संगीत दिएका छन् । फिल्मको लागत साढे २ सय करोड रहेको छ भने फिल्मलाई टी-सिरिज, धर्मा प्रोडक्सनले निर्माण गरेका हुन् ।

प्रभासको बाहुबलीको दुई सिरिजपछि पहिलो फिल्म भएकाले यो फिल्मको राम्रो हाइप रहेको फिल्म विश्लेषकहरुले बताएका छन् । फिल्ममा प्रभास र श्रद्धाका अलावा निल नितिन मुकेश, जैकी श्राफ, चंकी पाण्डे, महेश मंजेरकर, अरुण विजयलगायतका कलाकारको अभिनय रहेको छ ।

बलिउडकी गायिका नेहा कक्कड जेठ २५मा ,काठमाडौं ‘नेहा कक्कड लाइभ’ हुने

बलिउडकी प्रख्यात गायिका नेहा कक्कड पहिलो पटक काठमाडौंका दर्शकमाझ प्रत्यक्ष रुपमा प्रस्तुत हुने भएकी छिन् ।२५ सय दर्शक क्षमताको ठमेलस्थित लर्ड अफ ड्रिङ्क्स (एलओडी) मा आगामी जेठ २५ गते शनिवार आयोजना हुने ‘नेहा कक्कड लाइभ’ शीर्षकको कार्यक्रममा गायिका नेहा कक्कडले आफ्ना लोकप्रिय गीत–संगीत प्रस्तुत गर्दैछिन् । पारामाउन्ट ईन्टरटेन्मेन्टले नेहा कक्कडलाई काठमाडौंमा प्रस्तुत गर्न लागेको हो ।

आयोजक संस्थाका प्रमुख दिपक घिमिरे तथा जनार्दन ढुंगेलद्वारा जारी विज्ञप्तीमा जनाइएअनुसार गायिका ‘नेहा कक्कड लाइभ’ कार्यक्रम जेठ २५ गते शनिवार राती ८ बजेपछि प्रारम्भ हुनेछ । कन्सर्टमा सहभागिता जनाउनका लागि गायिका कक्कड जेठ २४ गते शुक्रवार नै आफ्ना ब्याण्डका संगीतकर्मीसहित काठमाडौं आउने छिन् ।

आयोजक संस्थाका सञ्चालक जनार्दन ढुंगेलका अनुसार कन्सर्टमा कक्कडको ब्याण्डका संगीतकर्मी तथा यसै सिजनको ईन्डियन आईडलका टप टेन प्रतिस्पर्धिहरु समेत कुल १८ जना संगीतकर्मीहरुको समुहले नेहा कक्कड लाइभमा आफ्नो शानदार प्रस्तुती दिनेछन् । ढुंगेलका अनुसार नेहा कक्कड लाइभमा नेपाली गायक–गायिकाहरुको पनि सहभागिता रहने छ ।

कन्सर्टका आयोजक दीपक घिमिरेका अनुसार कार्यक्रमका लागि अग्रिम बुकिङ प्रारम्भ भैसकेको छ । यसअघि दीपक घिमिरेले बलिउडका लोकप्रिय गायक कुमार सानुलाई नेपाल ल्याएर भव्य सांगीतिक कार्यक्रममार्फत प्रस्तुत गरिसकेका छन् ।

को हुन् नेहा कक्कड ?

ईन्डियन आईडल सिजन–२ मार्फत प्रतिस्पर्धिको रुपमा सांगीतिक यात्रा  प्रारम्भ गर्ने गायिका हुने नेहा कक्कड । उक्त प्रतियोगिताको सहभागितासंगै कक्कडका बलिउड यात्रा समेत प्रारम्भ भएको थियो । सांगीतिक परिवारमा हुर्किएकी कक्कडले पछि ईन्डियन आईडल सिजन–१० मा निर्णायकको रुपमा समेत रहिन् । त्यसबाहेक उनले सारेगमपसहित विभिन्न सांगीतिक रियालिटी शोहरुमा निर्णायकको रुपमा सहभागिता जनाइसकेकी छिन् ।

सन् २००८ मै पहिलो एल्बम रक स्टार सार्वजनिक गरेकी नेहाले हालसम्म दर्जनौं लोकप्रिय गीतहरु गाइसकेकी छ्न् ि। उनका लोकप्रिय गीतहरुमा इस्मे तेरा घाटा, मिले हो तुम हमको, काला चस्मा, आँख मारे, कोकाकोला, नैना, गल्ली गल्ली, दिलवर दिलवर, सावान आया है, धटिङ नाच, लण्डन थुमक्डा, दो पेग मार, मैं तेरा ब्वाइफ्रेण्ड आदि छन् ।

कंगना रनौत र आदित्य पंचोलीको मामला एकपटक पुन चर्चामा

कंगना रनौत र आदित्य पंचोलीको मामला एकपटक पुनः चर्चामा छ । आदित्य पंचोलीले कंगनाका वकिल रिजवान सिद्दिकीमाथि उनलाई बलात्कारको झुटो मुद्दामा फसाउने धम्की दिएको जानकारी दिएका छन् । अब पुलिस कंगनासँग यही मामलामा चाँडै नै सोधपुछ गर्नेछन् ।

मुम्बई पुलिस कंगना स्वदेश फर्किने प्रतिक्षामा छ । भारत फर्कने बित्तिकै मुम्बई पुलिस कंगनाको बयान दर्ता गर्नेछ । स्मरण रहोस्, कंगना रनौत अहिले कान्स फिल्म फेस्टिबलमा सरिक हुनका लागि फ्रान्समा छिन् । यस्तै, पुलिस यो मामलामा अनुसन्धान गरिरहेको छ ।

आदित्य पंचोलीले सन् २०१७ मा कंगना रनौतविरुद्ध मानहानीको मुद्दा दर्ता गरेका थिए । आदित्यका अनुसार आफूले मुद्दा दर्ता गरेपछि कंगनाका वकिलले उनलाई बलात्कारको झुटो मुद्दामा फसाउने धम्की दिएका छन् । आदित्यले पुलिसलाई प्रमाणका लागि यसको भिडियो पनि दिएका छन् ।

मिस वर्ल्ड मानुषी छिल्लरले अक्षयकुमारसग रोमान्स गर्ने पक्का

सन् २०१७ की मिस वर्ल्ड मानुषी छिल्लरले बलिवुडमा डेभ्युको तयारी गरेकी छन् । फिल्म फेयरका अनुसार मानुषीले सुपरस्टार अक्षयकुमारसँग बलिवुडमा डेभ्यु गर्न लागेकी हुन् ।

मानुषीले यस राज फिल्म्सले निर्माण गर्न लागेको पिरियेडीक ड्रामाबाट डेभ्यु गर्ने भएकी छन् । पृथ्वीराज चौहानको जीवनीमा बन्न लागेको यस फिल्ममा डेभ्यु गर्दै यस अघिका भारतीय मिस वर्ल्ड ऐश्वर्या राय र प्रियंका चोपडाको बाटोमै बलिवुडमा आफ्नो क्यारियर बनाउन थालेकी हुन् ।फिल्ममा मानुषीले अक्षयकुमारको श्रीमतीको भूमिका निभाउने बताइएको छ । यसराज फिल्म्सले फिल्मको घोषणा छिट्टै गर्ने बताइएको छ ।

मानुषीले यस अघि साजिद नाडियावालाले निर्माण गर्न लागेको तेलेगुको सुपरहिट फिल्म आरएक्स १०० को रिमेकमा आयान शेट्टीसँग डेभ्यु गर्ने तयारी गरेकी थिइन् । तर डेभ्यु कलाकारसँग क्यारियर शुरु गर्दा बढी प्रेसर हुने भएकाले मानुषीले स्थापित कलाकारसँग डेभ्यु गर्ने निर्णय गरेको बताइएको छ ।

बलिउड अभिनेत्री अनुष्का शर्माले आवश्यकता पूरा गर्नका लागि मात्र चलचित्रमा सम्झौता नगर्ने

बलिउड अभिनेत्री अनुष्का शर्माले आवश्यकता पूरा गर्नका लागि मात्र चलचित्रमा सम्झौता नगर्ने बताएकी छिन् । ‘म त्यो स्थानमा पुगिसकेकी छु, जहाँ केवल आवश्यकता पूरा गर्नका लागि मात्रै फिल्महरु साइन गर्न चाहँदिन,’ उनले भनिन् ।

सन् २०१८ मा ‘परी’, ‘सुई धागा’ र ‘जिरो’ लगायत तीन वटा चलचित्रमा मुख्य अभिनेत्रीको रुपमा काम गरिसकेकी अभिनेत्री अनुष्काले पछिल्लो तीन वर्ष आफ्ना लागि निकै व्यस्त भैरहेको बताएकी छिन् । मिडियासँगको अन्तरक्रियामा उनले यो अवधिमा कैयौ राम्रा चलचित्रहरु समेत छोड्नु परेको बताएकी छिन् ।

अनुष्काले भनेकी छिन्, ‘पछिल्लो तीन वर्षदेखि म फेशनमा पनि काम गरिहेकी छु र म निकै नै व्यस्त छु । मलाई जति पनि भूमिकाहरु मिलिरहेका थिए ती सबै निकै डिमाण्डिङ थिए । एक वर्ष मै ‘परी’, ‘सुई धागा’ र ‘जिरो’ जस्ता चलचित्रमा अभिनय गर्नु सजिलो काम थिएन । सबै भूमिका फक फरक थिए जसका लागि निकै नै तयारी गर्नु आवश्यक थियो । अहिले म त्यो स्थानमा छु, जहाँ बसेर म मेरो आवश्यकता पूरा गर्नका लागि मात्रै चलचित्रहरु साइन गर्न सक्दिनँ ।’

अनुष्काले सन् २०१८ मा चलचित्र ‘सञ्जु’ मा पनि विशेष भूमिका निर्वाह गरेकी थिइन् । अनुष्काले सन् २०१७ मा ‘एनएच १०’ जस्तो हिट फिल्म निर्माण गरेकी थिइन् । साथै उनी आफ्नो हाउस प्रोडक्शन ‘क्लीन स्लेट फिल्म्स’ बाट कैयाैं विषयमा काम गरिरहेकी छिन् । उनले भनिन्, ‘हामी डिजिटल प्लेटफर्मका लागि केही शोहरु निर्माण गरिरहेका छौं ।

एउटा फिल्ममा पनि काम चलिरहेको छ । यी कामको लागि पनि मैले समय दिनु जरुरी छ । मानिसहलाई त्यो कामका बारेमा केही थाहा हुँदैन होला, जुन काम म पर्दा पछाडि गरिरहेकी हुन्छु ।’

अनुष्का शर्मा बलिउडकी स्थापित अभिनेत्री मात्रै नभई एक फेशन डिजाइनर र फिल्म निर्माता पनि हुन् । उनका अनुसार, कलाकारका लागि एकै समयमा दुई किसिमका भूमिकाको लागि समय दिनु जरुरी हुन्छ ।