Saturday , 23 February 2019
News update
Home >> bollywood (page 5)

bollywood

चलचित्र विकास बोर्डकी अध्यक्ष निकिता पौडेल र सञ्चारकर्मी रवि लामिछाने विवाह गर्दै

चलचित्र विकास बोर्डकी अध्यक्ष निकिता पौडेल र सञ्चारकर्मी रवि लामिछाने विवाह बन्धनमा बाँधिने भएका छन् । उनीहरूबीच विगत एक वर्षदेखि प्रेम सम्बन्ध कायम थियो ।

एक साताअघि दुवैले इन्गेजमेन्ट गर्ने आफ्ना साथीभाइलाई जानकारी गराएका थिए । तर, त्यस बीचमा रवि कुनै काममा लागेकाले हाललाई स्थगित भएको स्रोतले बताएको छ ।

निकिता पौडेलले भने आफूले रविसँग बिहे गर्ने निर्णय नै गरिसकेको उनी निकट निर्माता निर्देशकहरूलाई बताउँदै आएकी छन् । निकिता गोपीकृष्ण मुभिजका सञ्चालक उद्धव पौडेलकी छोरी हुन् । उनी श्रीमान्सँग डिभोर्स भएर सात वर्षदेखि एक्लै बस्दै आएकी छन् ।

रवि लामिछाने पनि अहिले सिंगल छन् । गत मंसिरमा मात्र उनको अमेरिका बस्दै आएकी जेठी श्रीमती इशासँग कानुनी रूपमा डिभोर्स भएको थियो ।

रवि र इशाबीच २५ वर्षअघि बिहे भएको थियो । रविको जेठी श्रीमतीसँग दुईवटी छोरी छन् भने अमेरिकी युवतीसँग एक छोरा छन् । अमेरिकी युवतीसँग रवि ६–७ वर्षसँगै बसेका थिए । यो कुरा रवि आफैंले स्वीकारेका छन् ।मिडिया एनपी बाट

‘एबीसीडी ३’ मा बरुण धवन र श्रद्धा कपुरको रोमान्स पक्का

बलिउड नायक बरुण धवन र नायिका श्रद्धा कपुर एक साथ फिल्ममा देखिने भएका छन् ।रेमो डिसोजाको निर्देशनमा तयार हुन लागेको चलचित्र एबीसीडी ३ मा नायक बरुण धवन पक्का भैसकेका छन् भने नायिकामा श्रद्धा कपुर फाइनल भइसकेकी छन् ।

पहिले यस फिल्ममा बरुणसँग क्याट्रीना क्याफ फाइनल भएकी थिइन् तर पछि क्याटले फिल्म छाडेकी हुन् । सलमानको र उनको चलचित्र ‘भारत’को सेड्यूलसँग जुधेपछि यो चलचित्रमा काम गर्न सकेकी थिइन् ।

नायिका कैटले काम नगर्ने भएपछि अब यो चलचित्रमा कुन नायिका होलिन् भन्ने अड्कलबाजी शुरु भएको थियो । ‘एबीसीडी २’मा काम गरिसकेकी श्रद्धा यस चलचित्रमा पनि दोहरिने भएकी हुन् ।

पछिल्लो समय चलचित्र ‘साहोमा काम गरेकी श्रद्धा अब भने बरुणसँग जोडिएकी हुन् । चलचित्रको छायांकन जनवरी २२ बाट शुरु हुने बताइएको छ ।

दीपिकाको विवाहपछि अनस्क्रिन किसिङको बारेमा यस्तो प्रतिक्रिया

बलिउडको नवविवाहित जोडी दीपिका पादुकोण र रणबीर सिंहको भविष्यको योजनाबारे जान्न प्रशंसकहरु उत्सुक छन् । रणबीर सिंहले सन्तानको योजनाबारे हालै कुरा गरेका थिए भने अब दीपिकाले विवाहपछि अनस्क्रिन किसिङमा आफ्नो प्रतिक्रिया दिएकी छिन् ।

फिल्मफेयरलाई दिएको एक अन्तर्वार्तामा जब दीपिका पादुकोणलाई अब फिल्मसँगको कन्ट्र्याक्टमा ‘अनस्क्रिन नो किसिङ क्लज’ (पर्दामा अब चुम्बन नगर्ने शर्त) जोड्नुहुन्छ भन्ने प्रश्न सोधियो । यसको उत्तरमा दीपिकाले ‘छि’ भन्दै प्रतिक्रिया दिएकी छिन् ।

दीपिकाको यस्तो प्रतिक्रियाले स्पष्ट हुन्छ कि विवाहपछि पनि उनी आफ्नो व्यवसायिक जीवनमा कुनै शर्त लागु गर्ने छैनन् । विवाहअघि नेहा धुपियाको टक शोमा दीपिका पादुकोणले रणबीर सिंह बलिउडमा उत्कृष्ट किसर हुन भनेकी थिइन् ।

स्मरण रहोस्, विवाहपछि सेफ अली खानले नो किसिङ क्लज राखेका थिए । सलमान खान पनि अनस्क्रिन चुम्बन गर्न रुचाउँदैनन् ।

सन्तानको योजनामा रणबीरले दिएका थिए यस्तो जवाफः रणबीरले एक कार्यक्रमको क्रममा सन्तानको योजनाबारे खुलेर कुराकानी गरे । उनले भनेका थिए, ‘यो निर्णय मेरो कम र दीपिकाको धेरै हुनेछ । यसबारेको कुनै पनि निर्णय मैले दीपिकामाथि छोडेको छु ।’उनले थपे, ‘दीपिका हरेक मामलामा मभन्दा उत्कृष्ट छिन् । उनी मभन्दा समझदार छिन् भनेर स्विकार्न पनि मलाई कुनै आपत्ति छैन । ’

बलिउडमा स्टार कलाकार नचम्किएको वर्ष भयो २०१८

२०१७ को तुलनामा २०१८ बलिउडका लागि राम्रो रह्यो। सफल फिल्मको ग्राफ बढ्यो। निर्माताले पनि कस्तो फिल्ममा कति बजेट खर्च गर्ने भन्ने सिके। यस कारण फिल्मको बक्स अफिसमा सुधार आयो। यो वर्षको खास कुरा के रह्यो भने स्टार कलाकारका कारणभन्दा पनि कथा र प्रस्तुतीकरणका कारण फिल्म हिट भए। स्टार कलाकारका फिल्म प्लप भए। यसलाई बलिउडमा देखिएको राम्रो संकेतका रूपमा हेरिएको छ। सिंगल स्क्रिन सिनेमा घरको अवस्था खराब छ।

यी सिनेमा घरमा दर्शकको चाहना अनुरूप कम फिल्म प्रदर्शन हुन्छन्। मल्टिप्लेक्समा सालमा केही राम्रा सिनेमा आएर दर्शक जुटाउन सफल हुन्छन्। साथै अहिले फिल्ममा अन्य स्रोतबाट पनि आम्दानी हुन लागेको छ। वेभ सिरिज ठूलो खतरा बनेर देखिएको छ। फिल्म र टीभी सिरियलमा एक निश्चित दायरामा काम गर्दा हुन्छ भने वेभ सिरिजमा यो दायरा विस्तृत हुन्छ। यी सिरिजले रामै्र दर्शक पाइरहेका छन्। सिनेमा घरसम्म दर्शक ल्याउन दिनप्रतिदिन मुस्किल पनि हुँदै गएको छ।

ब्लक बस्टर फिल्म

ब्लक बस्टर फिल्म ती हुन् जसले फिल्म इन्डस्ट्रीसँग जोडिएका सबै वर्गका लागि मनग्गे आम्दानी गराउँछन्। निर्माता, डिस्ट्रिब्युटर्स, सिंगल स्क्रिन सञ्चालक वा मल्टिप्लेक्स सबैले यी फिल्मबाट कमाउन पाउनुपर्छ। फिल्म हेर्न धेरै दर्शक आएपछि क्यान्टिन र साइकल तथा कार स्ट्यान्ड सञ्चालकसम्मले कमाउँछन्।

रणवीर कपुरको फिल्म ‘सञ्जु’ बिना कुनै छुट्टीको दिनमा रिलिज भएर पनि रेकर्ड तोडेर कमाइ गर्‍यो। रणवीरको करिअरको यो सबैभन्दा हिट फिल्म साबित भयो। पद्मावतको अवस्था पनि यस्तै रह्यो। धेरै विरोधका बाबजुद पनि पद्मावत सफल बन्यो। अझै भरतका केही स्थानमा यो फिल्म प्रदर्शन हुन बाँकी छ।

सुपरहिट फिल्म

सुपरहिट फिल्मको सूची हेर्ने हो भने यसमा यस्ता फिल्मका नाम छन् जसमा स्टार कलाकार छैनन्। यी ‘कन्टेन्ट बेस्ड’ फिल्म छन् र यी फिल्मले नसोचेको कमाइ गरेर देखाए। फिल्म सफल हुन राम्रो कथा, स्क्रिप्ट, अभिनय र निर्देशन चाहिन्छ न कि स्टार कलाकार भन्ने कुरा यी फिल्मले पुष्टि गरे।

फिल्म ‘बधाई हो’ ले दर्शकलाई धेरै हँसायो। परिवारसहित यो फिल्म हेर्न दर्शक धेरै आए। ‘स्त्री’ पनि निकै रुचाइयो। ‘राजी’ मा केबल आलिया भट्ट स्टार थिइन्। नायिका प्रधान फिल्म भएर पनि यो फिल्मले सय करोडभन्दा धेरै कलेक्सन गर्न सफल भयो। ‘सोनु के टिटु की स्विटी’ युवा वर्गलाई लक्षित गरेर बनाइएको थियो।

यो फिल्म पनि वितरकले तँछाडमछाड गरेर लिए। टाइगर श्राफ अभिनीत फिल्म ‘बागी-२’ सफल भयो। फर्मुला फिल्म पनि सही तरिकाले बनायो भने आज पनि सफल हुन्छ भन्ने पुष्टि यो फिल्मले गर्‍यो। यो फिल्मको ओपनिङ ऐतिहासिक थियो। सिंगल स्क्रिन सिनेमा घरमा फिल्मले सानदार प्रदर्शन गर्‍यो। डब फिल्म ‘२.०’ को हिन्दी भर्जनले पनि बक्स अफिसमा सानदार प्रदर्शन गर्‍यो।

हिट फिल्म

आयुष्मान खुरानाको थ्रिलर फिल्म ‘अन्धाधुन’ ले रामै्र दर्शक जुटायो। यस्तै जोन अब्राहमको ‘परमाणु’ र ‘सत्यमेव जयते’ फरकफरक जानराका फिल्म भएर पनि हिट भए। वरुण धवन र अनुष्का शर्मा ‘सुई धागा’ मा अफ्नो स्टारडम छोडेर अति साधारण लुकमा देखिए। यो फिल्म सफल भयो। जाह्नवी कपुरको पहिलो फिल्म ‘धडक’ पनि हिट भयो। ‘वीरे दी वेडिङ’ मा सबै महिला कलाकार थिए। यो फिल्मले बक्स अफिसमा रामै्र दर्शक जुटायो। अजय देवगन र अक्षयकुमार जस्ता स्टारका फिल्म ‘रेड’ र ‘प्यामम्न’ हिट त पक्कै भए तर आशा गरेअनुसार चलेनन्।

औसत फिल्म

यो सूचीमा सामेल फिल्मले लागानीभन्दा केही नाफा कमाए। अक्षय कुमारको ‘गोल्ड’ बक्स अफिसमा औसत साबित भयो। सुरमा, १०२ नट आउट, अक्टोबर, परी र हिचकीको बक्स अफिस प्रदर्शन औसत रह्यो। हिचकीको प्रदर्शन सोचे भन्दा ज्यादा भयो।

फ्लप फिल्म

फ्लप फिल्मको सूची निकै लामो छ। निकै आस गरिएका फिल्म पनि असफल भए। यी फिल्ममा लगाइएको लगभग सारा पैसा डब्यो। फ्लप फिल्ममा आमिर खानको ‘ठग्स अफ हिन्दोस्तान’ सबैभन्दा माथि देखियो। करोडौंको लागतमा बनेको यो फिल्मलाई दीपावलीको बिदाले पनि बचाउन सकेन। यस्तै सलमान खानको फिल्म ‘रेस-३’ पनि असफल भयो। सलमान खानको ‘लवयात्री’ का गीत हिट भए तर फिल्म फ्लप भयो। ‘बत्ती गुल मिटर चालू’ बक्स अफिसमा अन्धकार भयो। ‘यमला पगला दिवाना फेरि डुब्यो। कमल हासनको करोडौंको फिल्म ‘विश्वरूप-२’ को हालत पनि यस्तै रह्यो। ‘पलटन’ र ‘लैला मजनु’ ले पनि दर्शकको साथ पाएनन्।

हलिउडको दबदबा

हरेक वर्ष विश्वमा हलिउड फिल्मको दबदबा बढ्दै गएको छ। हिन्दीम डब गरिएका हलिउड फिल्मले पनि राम्रो बजार लिए। एवेन्जर्स : इन्फिनिटी वार ब्लक बस्टर साबित भयो। यो फिल्मले भारतमा मात्र दुई सय २२ करोड रुपैयाँ कलेक्सन गर्‍यो। मिसन इम्पोसिबल-फलआउट, इनक्रेडिबल्स-२ र जुरासिक वल्र्ड : फलन किङ्डम पनि हिट भयो।

वेनम, आन्टम्यान एन्ड द वास्प, डेडपुल-२, रेम्पेज, ब्ल्याक पेन्थर र द ननले बक्स अफिसमा औसत प्रदर्शन गरे। मल्टिप्लेक्स र ठूला सहरमा यी हलिउड फिल्मलाई राम्रो रेस्पोन्स प्राप्त भयो। एजेन्सी

नाना पाटेकरले संजय दत्तसँग फिल्म नखेल्नुको कारण यस्तो

नाना पाटेकर ६८ वर्षका भएका छन्। १ जनवरी १९४१ मा मराद, जंजीरामा जन्मिएका नाना पाटेकरले अनिल कपुर, जोह अब्राहिम, अमिताभ बच्चन, सलमान खान, र शाहरुख खानसहित कयौं स्टार्ससँग काम गरेका छन्। तर चर्चित अभिनेता संजय दत्तसँग स्क्रिनमा उनको भेट कहिल्यै भएन। यसको पछि एक कारण छ।

२६ वर्ष पहिला उनको एक प्रतिज्ञा, जुन उनले १२ मार्च १९९३ मा मुम्बईमा भएको सीरियल बम ब्लास्टपछि लिएका थिए। नानाले भनेका थिए, ‘म अब संजय दत्तसँग काम गर्दिन।’

नानाले एक अन्तर्वातामा भनेका थिए–मैले कहिल्यै आफ्नो करियरमा संजय  दत्तसँग काम गरिन  र भविष्यमा पनि गर्दिन। १९९३ मा जे भयो त्यसलाई सम्झिँदा मलाइ नराम्रो  लाग्छ। मलाइ थाहा छैन की उक्त घटनाकालागि संजय दत्त जिम्मेवार छन्। तर उनको हात नभएपनि म उनीसँग काम गर्न चाहन्न। त्यो किनभने उक्त बम काण्डमा मेरो भाइको निधन भएको थियो। न मेरो भाइको हिन्दु मुश्लिमसँग केही सरोकार थियो। यो कदम मैले उक्त घटनामा परेका सबैकालागि उठाएको हुँ।’

नानाले यस्ता दुई फिल्ममा काम गरेका छन् जसमा संजय दत्तको नाम जोडिएको छ। एक फिल्मको नाम हो ‘दश कहानियाँ’ (२००७) र अर्को फिल्म हो ‘ट्याक्सी नम्बर ९२११’ (२००६)। दुवै जना स्क्रीनमा सँगै देखिएनन्।

मार्च १९९३ मा मुम्बईमा भएको बम विस्फोटमा नाना पाकेकरका भाइका निधन भएको थियो। यो विस्फोट वर्लीमा एक बसमा भएको थियो, जसमा नाना पाटेकरका भाइ सवार थिए। संयोग वस नाना पाटेकरकी पत्नी त्यो भन्दा अगाडिको बसमा चढेकी थिइन्।

नत्र उनीपनि बम विस्फोटको शिकार हुने थिइन्।  श्रंगलाबद्ध रुपमा भएको १२ विस्फोटमा २५७ जनाको मृत्यु भएको थियो भने ७०० जना घाइते भएका थिए। यो घटनामा संजय दत्तको नाम पनि मुछिएको थियो। त्यसपछि नाना पाटेकरले संजय दत्तसँग काम नगर्ने प्रतिबद्धता जनाएका थिए।

अन्तत कादर खानको निधनको पुष्टि

भारतीय चर्चित अभिनेता कादर खानको ८१ वर्षको उमेरमा निधन भएको छ। लामो समयदेखि विरामी खानको क्यानडामा उपचारका क्रममा निधन भएको भारतीय सञ्चारमाध्यमहरूले जनाएका छन्।खान उपचारमा रहेकै बेला गएका केही दिन मिडियामा उनको मृत्यु भएको हल्ला चलेको थियो। तर पुष्टि भएको थिएन।

टाइम्स अफ इन्डियाले उनका छोरा सर्फराजलाई उद्‍धृत गर्दै डिसेम्बर ३१ मा उनको निधन भएको उल्लेख गरेको छ। उनको अन्तिम संस्कार क्यानडामै गरिने समाचारमा जनाइएको छ। उनी चार महिनादेखि क्यानडामा उपचाररत थिए।

एनडीटीभीका अनुसार उनी सुप्रान्युक्लियर पाल्सी नामक समस्याबाट पीडित थिए। अफगानिस्तानको काबुलमा जन्मिएका कादर खानले सन् १९७३ मा राजेश खन्नाको फिल्म ‘दाग’ बाट फिल्मी दुनियाँमा डेब्यु गरेका थिए।

उनका ३०० भन्दा बढी फिल्म छन्। उनले २५० भन्दा बढी फिल्ममा सम्वाद लेखेका छन्। अभिनयमा आउनुअघि उनले रवीन्द्र कपुर र जया बच्चनको ‘जवानी दिवानी’ मा सम्वाद लेखेका थिए।

रणबीर सिंहको अभिनित ‘सिम्बा’को बक्सअफिसमा शानदार कमाई

शुक्रबारबाट प्रदर्शनमा आएको रणबीर सिंहको अभिनय रहेको चलचित्र ‘सिम्बा’ले बलिउड बक्सअफिसमा शानदार कमाई गरेको छ । समिक्षक, सिनेमाकर्मी र मिडियाबाट पाएको वर्ड अफ माउथले सिनेमाले बक्सअफिसमा कमालको व्यापार गरिरहेको छ । रणबीर सिंहको अभिनयले दर्शकबाट उत्कृष्ट प्रतिक्रिया पाइरहेको छ ।

सिक्बाले पहिलो दिन बलिउड बक्सअफिसमा २०.७२ करोड ओपनिङ गरेको थियो । चलचित्रले दोस्रो दिन शनिबार २३.३३ करोड र आइतबार ३१.०६ करोडको कारोबार गरेको छ । चलचित्रले विकेन्डमा ७५.११ करोडको कारोबार गरेको छ । यहि रफ्तारमा कमाई गरे सिनेमाले २०० करोड बढिको कारोबार गर्ने बलिउड पण्डितहरुले जनाएका छन् ।

रोहित सेठ्ठीको निर्देशनमा तयार भएको चलचित्र ‘सिम्बा’रणबीरका अलवा सारा अली खान, सोनु सुद, सिद्धार्थ जाधव, आशुतोष राना लगायतका कलाकारको मुख्य भुमिका रहेको छ । भने अजय देवगण र अक्षय कुमारको केमियो रोल सिनेमामा रहेको छ । ‘केदारनाथ’बाट उत्कृष्ट प्रतिक्रिया बटुलेकी सारा अलि खान ‘सिम्बा’मा रणबीर सिहंको छायाँमा परेको चर्चा बलिउड मिडियाले गरेका छन् ।

कादर खानको निधनको खबर सत्य नभएको छोरा सरफराजको भनाई

आज बिहान नमस्ते फिल्मी डट कम मा हामी प्रकासित गरेको “बलिउडका अभिनेता एवं हास्यकलाकार कादर खानको निधन” गलत भएको छ । भारतका चर्चित अनलाईन देखि भारतीय मिडियामा आएको समाचारलाई स्रोता मान्दै हामीले उक्त समाचार प्रकासित गरेका थियौ ।

यस्तो छ कारण :

बलिउड कलाकार कादर खानको निधनको खबर फैलिएपछि उनका प्रशंसक शोकमा डुबेका थिए। तर कादर खानको निधनको खबर सत्य नभएर अफवाह हो। उनका छोरा सरफराजले बुवाको निधन भएको खबरको खण्डन गर्दै आफ्ना बुवाको अस्पतालमा उपचार भइरहेको जनाएका छन।

खानको क्यानडामा उपचार भइरहेको छ। ‘यो खबरमा सत्यता छैन। यो फर्जी र अफवाह मानै हो, मेरा बुवा अस्पतालमा हुनुहुन्छ।’ ८१ वर्षीय कादर खानलाई श्वास लिन समस्या भएपछि बाइपाइप भेन्टिलेटरमा राखिएको छ। आइतबार राति सामाजिक संजालमा कादर खानको निधन भएको अफवाह फैलिएको थियो।

सामाजिक संजालमा कादर खानको निधन भएको हल्ला मच्चिएपछि भारतको सरकारी रेडियो अल इण्डियाको आधिकारिक ट्विटर ह्याण्डलबाट उनको निधन भएको ट्विट गरिएको थियो। यद्यपी कादर खानको अहिले पनि अस्पतालमा उपचार भइरहेको छ।

बलिउडका अभिनेता एवं हास्यकलाकार कादर खानको निधन

बलिउडका अभिनेता एवं हास्यकलाकार कादर खानको निधन भएको छ ।कादर खानलाई प्रोग्रेसिभ सुप्रान्यूक्लियर पाल्सी (पीएसपी) डिसअर्डर नामक रोग लागेको थियो । केहि समय अघि देखि बिरामी भएर अस्पतालमा भर्ना भएका कादर खानको क्यानडामा निधन भएको हो ।

८१ वर्षीय खान २२ अक्टुबर १९३७ मा काबुलमा जन्मिएका थिए ।कादर खानले ३०० भन्दा बढी चलचित्रमा अभिनय गरेका थिए। कादर खानले सन् १९७३ मा फिल्म ‘दाग’ मार्फत बलिउड डेब्यू गरेका थिए ।

‘बाप नम्बरी बेटा दश नम्बरी, अंगार, हिम्मतवाला, सिक्का, आँखे, मे खिलाडी तु अनाडी, कुली नं १, साजन चले ससुराल, दुल्हे राजा लगातका चर्चित फिल्ममा काम गरिसकेका खानले  हिन्दी र उर्दु गरी २५० फिल्मको डायलग पनि लेखेका छन् ।

सलमान खानको ‘भारत’ का लागि कट्रिनाले छोडिन ‘एबिसीडी ३’

बलिउड अभिनेत्री कट्रिना केफलाई बलिउड फिल्म उद्योगमा सलमान खानले स्थापित गराएका हुन् ।एक समयमा सलमान र कट्रिना पे्रम सम्बन्धमा समेत थिए । तर बीचमा अभिनेता सलमान खानलाई छोडेर रणबिर कपूरको प्रेमिका बनेकी कट्रिना रणबिरसँग ब्रेकअप भएपछि सलमान खानकहाँ फर्किएकी छिन् ।

हिजोआज कट्रिना आफ्ना हरेका निर्णय सलमान खानसँग सल्लाह लिएर मात्रै गर्ने गर्छिन् । 

अहिले सार्बजनिक खबरहरुका अनुसार अभिनेत्री कट्रिना केफले सलमान खानका लागि यसअघि साइन गरिसकेको फिल्म ‘एबिसीडी ३’ बाट हात झिेकेकी छिन् ।चर्चित कोरियोग्राफर तथा निर्देशक रेमो डिसुजाको डान्समा आधारित फिल्म ‘एबिसीडी’को तेस्रो संस्करणमा अभिनेता बरुण धवन मुख्य भूमिकामा हुनेछन् ।


यस फिल्ममा बरुणका साथमा कट्रिनाको समेत प्रमुख भूमिका रहने बताइए पनि यस फिल्मबाट कट्रिना केफ अचानक बाहिरिएपछि यो चर्चाको विषय बनेको छ ।

कट्रिना केफले रेमो डिसुजाको फिल्म ‘एबिसीडी ३’ सलमान खानको ‘भारत’ का लागि छोडेकी हुन् । फिल्म ‘भारत’ को छायाँकनमा व्यस्त भएका कारण कट्रिनाले यो निर्णय लिएको बताइएको छ । कट्रिनाले आफू यस फिल्मलाई समय दिन नसक्ने भन्दै फिल्मबाट बाहिरिने निर्णय लिँदै ‘एबीसीडी ३’ को सफलताको शुभकामना दिएकी छिन् ।

धरुण धवनको मुख्य भूमिका रहने फिल्म ‘एबीसीडी ३’ मा भारतका चर्चित कोरियोग्राफर प्रभु देवा, डान्सर धर्मेश, राघव जुयाल र पुनीत पाठक पनि मुख्य भूमिकामा देखिनेछन ।