Monday , 17 December 2018
News update
Home >> bollywood (page 5)

bollywood

अमिताभ बच्चनले सयौँ किसानको ६ करोड ऋण तिरिदिए

बलिउड अभिनेता अमिताभ बच्चनले सयौँ किसानको ऋण तिरिदिएका छन् । उनले उत्तर प्रदेशका एक हजार तीन सय ९८ जना किसानले लिएको ऋण चुक्ता गरेका बताएका छन् ।

यसका लागि उनले ६ करोड नेपाली रुपैयाँभन्दा बढी खर्चेका छन् । मंगलबार बच्चनले आफ्नो ब्लगमार्फत ऋण चुक्ताबारे जानकारी दिएका हुन् ।

यसबाट आफुलार्य एउटा काम पुरा गरेको महसुस भईरहेको पनि उनले बताए । एक सरकारी बैंकबाट किसानले लिएको ऋण अभिताभले तिरिदिएका हुन् ।

बैंक अफ इन्डियासँग सम्झौता गरेर उनले एकमुस्ट ऋण चुक्ता गरेका हुन् । उनले किसानलाई भेटेरै ऋणमुक्तिको प्रमाणपत्र दिने ईच्छा व्यक्त गरेका छन् ।

चलचित्र २.० मा रजनीकान्त र रोबटको प्रेमकहानी

सुपरस्टार रजनीकान्तको बहुप्रतिक्षित चलचित्र २.० यहि नोभेम्बर २९ मा प्रदर्शन हुँदैछ। चलचित्रको ट्रेलर प्रदर्शन भइसकेको छ। ट्रेलरलाई दर्शकले निकै रुचाएका छन्।

यस फिल्ममा रजनीकान्त र एमी जैक्सनको जोडी देख्न सकिन्छ। रिर्पोटका अनुसार फिल्मको कथा टेक्नो लभ स्टोरीमा आधारित छ। सन् २०१० मा प्रदर्शन भएको रजनीकान्तको फिल्म रोबटमा देखाइएको थियो की रोबटभित्रपनि दिल हुने गर्दछ। योभित्र इमोशन हुने गर्दछ।

फिल्मको निर्देशन एस शंकरले गरेका थिए। अब २०१८ मा एस शंकर २.० लिएर आउन लागेका हुन्। यस फिल्ममा देखाइएको छ की कसरी रोबटले आफ्नो भावना देखाउन सक्छ र प्रेम गर्न सक्छ। फिल्ममा एमी र रजनीकान्तको लभ स्टोरी देखाइएको छ।

सारेगामापामा मेनुका पौडेलको धमाका जारी , टप तेह्रमा पुग्दा प्रीति जिन्टा पनि फ्यान

नेपालकी मेनुका पौडेल अब पहिचानका लागि कुनै विशेषण थप्नु पर्ने अवस्थामा छैनिन् । नेपालको नेपाल आईडलबाट आउट भएपछि भारतीय रियालिटी शो सारेगामापामा प्रवेश गरेकी उनी लगातार दमदार प्रस्तुती दिएर जज र जुरी मेम्बरकोमात्र मन जितिरहेकी छैनन्, दर्शक तथा श्रोता, र कार्यक्रमका अतिथिलाई पनि आफ्नो स्वर र कलाको फ्यान बनाएकी छन् ।

आइतबार उनले आफ्नो फ्यान सूचीमा डिम्पल गर्ल प्रीति जिन्टालाई पनि थपिन् । आइतबार सारेगापामा मेनुकाले ‘पिया बाबरी’ बोलको गीत गाएकी थिइन् । अलि शास्त्रीय जनरको यो गीतमा मेनकुराले जुन सरगम गाएकी थिइन्, त्यसले जजलाई निकै इम्प्रेसिभ गरेको थियो ।

मेनुकाले जारी शो मा आइतबार दिएको प्रस्तुति सबैभन्दा राम्रो थियो । कार्यक्रममा सबै जज र जुरी मेम्बरले उठेर उनलाई हौसला दिएका थिए । टप फिप्टीनको सो प्रतिस्पर्धामा उनले जुरी मेम्बरबाट ९९.३ प्रतिशत अंक प्राप्त गरिन् ।

मेनुकाले प्रस्तुति दिएपछि अभिनेत्री प्रीतिले उनको खुलेरै प्रशंसा गरिन् । जज तथा जुरी मेम्बरको माया त मेनुकाले पाइरहेकै छिन् । आइतबार उनले प्रीतिलाई पनि ‘प्रित’ लगाइन् । प्रीतिले उनलाई मनबाटै गाएको भनेकी थिइन् । उनले मेनुकलाई बधाईसमेत दिइन् । भनेकी थिइन् ।
कार्यक्रममा जुरी मेम्बरबाट ९९.३ अंक पाएकी मेनुका टप १३ मा प्रवेश गरिन् ।

इटालीमा विवाह गरेर अभिनेत्री दीपिका पादुकोण र रणवीर सिंह भारत फर्किए

unn.prixa.net

इटालीको लेक कोमोमा विवाह गरेपछि अभिनेत्री दीपिका पादुकोण र रणवीर सिंह भारत फर्किएका छन् । भारतको मुम्बईमा रहेको रणवीर सिंहको घर भवनानी निवासमा नव दम्पतीलाई भव्य रुपमा स्वागत गरिएको छ ।

भारत फर्किएका नवदम्पतीलाई भारतको एयरपोर्टदेखि नै मिडियाले पछ्याएका थिए । एक अर्काको हात समात्दै एयरपोर्टमा मिडियासामु देखिएका दीपिका रणवीर निकै सुन्दर र खुशी देखिएका थिए । दुवैले मिडियासँग आफ्नो खुशी साटासाट गरेका थिए ।

रणवीर सिंह कुर्ता पाइजामा, रातो ज्याकेट र जुत्तामा ठाँटिएका थिए भने दीपिका पादुकोणले पारम्पारिक कुर्ताका साथ रातो रंगको पछ्यौरा आढेकी थिइन् । साथै सिउँदोमा रातो सिन्दुर, घाँटीमा मंगलसुत्र लगाएकी दीपिका निकै सुन्दर देखिएकी थिइन् ।

दीपिका र रणवीरसँगै रणवीर सिंहका बुवाआमा जगजीत सिंह भवनानी र अन्जु भवनानी पनि साथमै आएका थिए । आज दीपिकालाई रणवीरको घरमा गृह प्रवेश गराइँदैछ ।

भवनानी निवासमा नयाँ दुलाहा–दुलहीलाई भव्य स्वागत गरिएको छ । दीपिकाको नयाँ घर अर्थात रणवीर सिंहको अभिभावकको घर भवनानी निवासबाट दीपिका–रणवीरले मिडिया तथा आफ्ना फ्यानहरुलाई अभिवादन गरेका थिए ।

भारत फर्किएपछि दीपिका–रणवीरले ३ वटा भव्य रिसेप्सन पार्टीको आयोजना गर्नेछन् । यही नोभेम्बर २१ मा दीपिका पादुकोण हुर्किएको स्थान बैंङ्गलोरमा भव्य रिसेप्सन दिइनेछ भने मुम्बईमा रहेको  ग्र्याण्ड हायात होटलमा नोभेम्बर २८ र डिसेम्बर १ मा रिसेप्सन राखिनेछ ।

विवाह गरेको ६ महिनामै छाेरीकी अामा बनिन् अभिनेत्री नेहा धुपिया

unn.prixa.net

बलिउड अभिनेत्री नेहा धुपिया र अंगद बेदीलाई आइतबार बिहान पहिलो सन्तानका रुपमा पुत्रीलाभ भएको छ ।६ महिना अघि मे १० मा यो जोडीले गोप्य रुपमा विवाह गरेको थियो । नेहा र अंगद बेदीले यसरी हतार हतार विवाह गर्नुको पछाडि नेहा गर्भवती भएको खबरहरु आएका थिए ।

तर नेहा र अंगदले यस खबरलाई नकार्दै आएपनि पछि भने उक्त खबर साँचो रहेको स्वीकार गरेका थिए । साथै आफुहरु पहिलो सन्तानको मातापिता बन्न लागेको आधिकारीक जानकारी पनि दिएका थिए ।

अभिनेत्री नेहा धुपियाले आफू गर्भवती भएको खबर लुकाउनुको पछाडि उनको कारण काम रहेको बताएकी थिइन् । साथै गर्भवती भएको खबरले आफूलाई कामका अफरहरु बन्द हुनसक्ने डरका कारण उक्त खबर लुकाएको बताएकी थिइन् ।

नेहाले ६ महिनासम्म गर्भवती भएको कुरा कसैले थाहा नपाएको र पेट ठूलो नदेखिएकाले आफूलाई काम गर्न सजिलो भएको पनि बताएकी थिइन । उनी गर्भावस्थामा समेत सक्रिय भएर काम गर्दै आइरहेकी थिइन् ।

पहिलो सन्तानका मातापिता भएका नेहा धुपिया र अंगद बेदीलाई अहिले बलिउड फिल्म उद्योग र फ्यानहरु बधाई तथा शुभकामना दिइरहेका छन् ।

बलिउडका अभिनेता आमिर खानका यी हुन् फ्लप फिल्महरु

बलिउडका सर्वाधिक सफल अभिनेतामध्ये एक आमिर खान ग्लोबल सेलेब्रिटी हुन् । भारतसहित चीन, पाकिस्तानलगायत विश्वका धेरै देशमा उनका फिल्मले अत्यधिक व्यापार गरेका छन् ।

विश्वभर आमिरका फ्यान धेरै छन् । त्यसैले यसपटक उनी अभिनीत ‘ठग्स अफ हिन्दुस्तान’ले बलिउडमा नयाँ रेकर्ड राख्ने अनुमान गरिएको थियो । तर, यो फिल्म रेकर्ड राख्न त परै जाओस्, लगानी उठाउनै संघर्षरत छ ।आमिरले आफ्नै प्रशंसकहरूबाट आलोचना खेप्नुपरेको छ । ५३ वर्षीय यी अभिनेताले ९ वर्षको उमेरमै ‘यादोँ कि वारात’ फिल्ममार्फत बालकलाकारका रूपमा बलिउडमा डेब्यु गरेका थिए ।

१९८४ मा प्रदर्शनमा आएको ‘होली’ फिल्म उनको मुख्य भूमिका रहेको पहिलो फिल्म हो । सन् १९८८ मा रिलिज भएको ‘कयामत से कयामत तक’ आमिरलाई बलिउडमा सफल अभिनेताका रूपमा स्थापित गर्ने सुरुवाती फिल्म बन्यो । त्यसपछि आमिरले धेरै सफल फिल्म खेलिसकेका छन् । तर, उनका फ्लप फिल्महरूको सूची पनि छोटो छैन ।

ठग्स अफ हिन्दुस्तान
यो आमिरको करिअरकै स्तब्धकारी फिल्ममध्ये एक हो । आमिर र अमिताभ बच्चनजस्ता दिग्गज कलाकारको अभिनयका बाबजुद फिल्मले अत्यधिक नकारात्मक प्रतिक्रिया पाएको छ ।

बलिउडमा करोड क्लबको सुरुवात गर्ने श्रेय पाएका आमिरले ‘गजनी’, ‘थ्री इडियट्स’, ‘धुम थ्री’, ‘पिके’, ‘दंगल’लगायत ब्याक टु ब्याक सफल फिल्म दिइरहेका थिए ।

दंगलले बलिउडमा २ हजार करोडको आँकडा पार गर्दै यसअघिका सबै कीर्तिमान तोड्यो । पर्याप्त प्रचारविनै रिलिज भएको सेक्रेट सुपरस्टार पनि सुपरहिट भयो ।

तर, बहुप्रतीक्षित ‘ठग्स अफ हिन्दुस्तान’ले लगानी उठाउन पनि संघर्ष गर्नुपर्ने अवस्था आएको छ । ३ सय करोड भारतीय रुपैयाँमा तयार भएको यस फिल्मले न समीक्षकबाट राम्रो प्रतिक्रिया पायो, न आमदर्शककै मन जित्यो ।

मंगल पाण्डे– द राइजिङ
सन् २००५ मा रिलिज भएको यो बायोपिक फिल्म व्यापारिक रूपमा असफल फिल्मको सूचीमा पर्छ । ब्रिटिस इस्ट इन्डिया कम्पनीका भारतीय सैनिक मंगल पाण्डेले स्वतन्त्रताका लागि गरेको विद्रोहको कथा यस फिल्ममा समावेश छ ।

सन् १८५७ मा ब्रिटिसविरुद्ध भारतीयले गरेको विद्रोहका विषयमा बनेको फिल्ममा मंगल पाण्डेको भूमिका आमिरले नै निभाएका छन् । ऐतिहासिक पृष्ठभूमिमा बनेको यस फिल्मले समीक्षकहरूबाट राम्रो प्रतिक्रिया पायो, तर विवादमुक्त हुन सकेन ।

मेला
७ जनवरी २००० मा यो फिल्म रिलिज भएको थियो । तर, सहस्राब्दीको सुरुवात आमिरका लागि दुःखद रह्यो । सन् १९९६ को ब्लकबस्टर फिल्म ‘राजा हिन्दुस्तानी’पछि निर्देशक धर्मेश दर्शन र आमिरले यस फिल्ममा एकसाथ काम गरेका थिए ।

त्यसैले दर्शकले व्यघ्रताका साथ रिलिज डेट कुरेका थिए । तर, ‘मेला’ असफल भयो । एक्सन, रोमान्स र ह्युमर मिश्रित यस फिल्ममा ट्विंकल खन्नाको पनि अभिनय थियो ।

अकेले हम अकेले तुम
सन् १९९५ मा रिलिज हुनपूर्व यो फिल्मको चर्चा पनि ठूलै थियो । यस फिल्मलाई मन्सुर खानले निर्देशन गरेका थिए । फिल्ममा स्टार अभिनेत्री मनीषा कोइराला पनि थिइन् र अनु मलिकले मीठो संगीत भरेका थिए । तर, फिल्म फ्लप भयो ।

मन्सुरकै डेब्यु निर्देशनमा बनेको ‘कयामत से कयामत तक’पछि आमिरले बलिउडमा स्टार छवि निर्माण गरेका थिए । ‘जो जिता वो सिकन्दर’ मन्सुरको निर्देशन र आमिरको अभिनय रहेको अर्को चर्चित फिल्म हो ।

बाजी
१९९५ मा आशुतोष गोरिकरको निर्देशनमा बनेको यो एक्सन फिल्ममा आमिर मुख्य भूमिकामा थिए । तर, फिल्म असफल भयो । यस फिल्मको प्रचार पनि निकै कम गरिएको थियो । यद्यपि, केही समयपछि आशुतोषकै निर्देशनमा बनेको फिल्म ‘लगान’ निकै सफल भयो ।

अन्दाज अपना अपना
१९९४ मा रिलिज भएको यो फिल्ममा आमिर खानसँगै सलमान खान, रविना टन्डन, करिस्मा कपुर, परेश रावल र शक्ति कपुरको अभिनय थियो । गोविन्दा अतिथि भूमिकामा देखिएका थिए ।

फिल्मले हलमा राम्रो व्यापार गर्न सकेन र कुनै अवार्ड पनि जितेन । त्यसैले आमिरका फ्लप फिल्महरूको सूचीमा यो पनि पर्छ । तर, यसका बाबजुद यो फिल्मलाई टेलिभिजनमा हेरेपछि धेरै दर्शकले मनपराए । अहिले पनि यस फिल्मले सकारात्मक प्रतिक्रिया पाउने गरेको छ ।

अर्थ
दीपक मेहताको निर्देशनमा बनेको यो फिल्म बक्स अफिसकेन्द्रित थिएन । यो फिल्म सेमी–आर्टहाउस फिल्म अर्थात् निश्चित दर्शकलाई लक्षित गरेर बनाइएको हो ।

आमिर खानले ब्याक टु ब्याक राजा हिन्दुस्तानी, इस्क र गुलामजस्ता सफल फिल्म दिएपछि १९९८ मा यो रिलिज भएको थियो । तर पनि यस फिल्मलाई लिएर दर्शकले कुनै रुचि नै देखाएनन् । फिल्म राम्रो बने पनि व्यापार राम्रो भएन ।

आतंक ही आतंक
हलिउड फिल्म ‘द गडफादर’बाट अत्यधिक प्रभावित यो फिल्म १९९५ मा रिलिज भएको थियो । फिल्ममा आमिरसँगै दक्षिण भारतीय सुपरस्टार रजनिकान्तले समेत अभिनय गरेका छन् । तर, फिल्म असफल भयो । आमिरका बिर्सनलायक फिल्मको सूचीमा यो पनि एक हो ।

परम्परा
१९९३ मा रिलिज भएको यो फिल्ममा आमिरसँगै सुनील दत्त, विनोद खन्ना, रविना टन्डन, सैफ अली खानलगायत स्टार कलाकारको अभिनय छ । यश चोपडाको निर्देशनमा बनेको यस फिल्मलाई उनकै छोरा आदित्य चोपडाले लेखका हुन् । तर, यो रोमान्टिक फिल्म असफल भयो ।

यसबाहेक ‘जवानी जिन्दावाद’, ‘लभ लभ लभ’ ‘दिवाना मुझसा नही’, ‘इसी का नाम जिन्दगी’,‘दौलत की जंग’ पनि आमिरका असफल फिल्मको सूचीमा पर्छन् । नयाँ पत्रिकाबाट साभार

मजदुरलाई पारिश्रमिक नदिएपछि सलमान खानको ‘भारत’को सुटिङ रोकिएको थियो

सलमान खानको ठूलो बजेटको भनिएको फिल्म ‘भारत’को एक तस्वीर बाघा बोर्डरबाट आएको थियो । यो फोटोमा सलमान खान र कटरिना कैफ सँगै उभिएका देखिएका थिए । यो फोटोले सामाजिक संजालमा निकै चर्चा पाएको छ । तर, यो चर्चासँगै फिल्मको विषयमा निकै आश्चर्यजनक खबर बाहिरिएको छ । भारत निर्माण टिमले सुटिङमा काम गर्ने मजदुरको ३५० रुपैयाँ पनि तिर्न नसकेको खबरले तरंग ल्याएको छ ।

भारतीय दैनिक अमर उजालाको अनलाइनले स्रोतको हवाला दिँदै फिल्ममा काम गर्ने सर्पोटिङ एक्टरहरुले दैनिक पारिश्रमिक नपाएकै कारण सुटिङ गर्न अस्वीकार गरेको खबर लेखेको छ । समाचारमा उल्लेख भएअनुसार स्थानीय मिडियामा मजदुरले पारिश्रमिक नपाएको समाचार आएको छ ।

ती मजदुरलाई फिल्मको टिमले दिनको ३५० रुपैयाँ पारिश्रमिकमा ल्याएको थियो । त्यो पारिश्रमिकको भुक्तानीको लागि मजदुरलाई चेक दिइएको थियो जुन चेक बाउन्स भएको छ । चेक बाउन्स भएपछि मजदूरहरुले सुटिङ गर्न अस्वीकार गरेको समाचारमा जनाइएको छ । यद्यपि २ दिनपछि केही मजदुरलाई पारिश्रमिक दिइएको बताइएको छ ।

विवाह अघि नै बलिउडकी नायिका नेहा धुपिया गर्भवती भएको खुलासा

बलिउडकी नायिका नेहा धुपियाका पति अंगद् बेदीले आफ्नाबारे धेरै गोप्य कुराहरुको खुलासा गरेका छन्। बेदीले आफ्नै पत्नी धुपियाको कार्यक्रम नो फिल्टर नेहामा पति अंगलदले पत्नी नेहा धुपिया विवाह अगाडि नै गर्भवती भएको रहस्य खुलाएका हुन्। नेहाले उक्त कार्यक्रम शो आफ्नो इंस्टाग्राममा शेयर गरेकी छन्।

नेहाले सेक्रेटमा पतिबारे पनि एक पोल खोलिन् जसले बेदी लज्जित बने । उनले भनेकी छन्, तपाई आफ्नी गर्लफ्रेण्डसँग फ्ल्याटमा बस्दा उसले तपाईको सामान सडकमा फालेको बिर्सिनु भयो भन्दा बेदीले भने, यो तिमीले कसरी थाहा पायौ ?

नेहा र अंगदले यहि वर्ष मात्रै विवाह गरेका हुन्। उनीहरुको विवाहको खबर सुनेर सबै चकित बनेका थिए। उनीहरुले किन राता रात विवाह गरे रहस्य बल्ल खुलेको छ किनकी नेहा यस अगाडी नै पेगनेन्ट थिईन्।

इटालीमा सुरु भयो बलिउड जोडी रणवीर सिंह र दीपिका पादुकोणको बिहे

बलिउडको सबैभन्दा लोकप्रिय जोडी रणवीर सिंह र दीपिका पादुकोणको बिहे शुरु भएको छ । सोमबार उनहरुबीच टीकाटालो भयो । मंगलबार संगीत समारोह भयो । बुध र बिहीबार शाही बिहे हुनेछ ।

यो जोडी बिहेका लागि इटाली पुगेको छ । इटालीमा केही सिमित आफन्त तथा साथीहरुबीच यो बिहे भइरहेको छ । समाचारअनुसार यो जोडी सोमबारदेखि आधिकारिक रुपमा एकअर्काको भएको छ । परम्परागत प्रचलन कोकणी रितिरिवाजअुसार यो जोडीबीच सोमबार टीकाटालो भएको बताइएको छ । टीकाटालो समारोहलाई भारतीय भाषामा कोकणी फुल मुड्डी भनिन्छ । दीपिकाका बाबु प्रकाश पादुकोणले ज्वाई रणवीरलाई नारिवल दिएर आधिकारिक रुपमा स्वागत गरे ।

यसपछि जोडीले एकअर्कालाई औंठि लगाइदियो । समारोहमा उपस्थित सबैका लागि यो मुभमेन्ट इमोशनल थियो । रणवीरकी स्टाइलिस्ट निताशा गौरवले ट्वीट गर्दै यो क्षण निकै भाभुक रहेको बताएकी छन् । उनले सो क्षणमा आफ्नो आँखाबाट खुसीको आँसु आएकोसमेत बताएकी छन् ।

ठग्स अफ हिन्दोस्तान असफल पछि आमिर खानले सन्यास लिन सक्ने ‘महाभारत’ हुन सक्छ अन्तिम फिल्म

बलिउड अभिनेता आमिर खानका फिल्म पछिल्लो डेढ दशकयता सबैजसो सुपरहिट थिए । रंग दे बसन्तीदेखि पछिल्लो फिल्म दंगलसम्म आइपुग्दा आमिरका फिल्मले बक्स अफिसमा धेरै रेकर्ड तोडे । तर, हालै रिलिज भएको फिल्म ठग्स अफ हिन्दोस्तानले भने दर्शकलाई खुसी पार्न सकेन । फिल्मले पहिलो दिन बक्स अफिसको रेकर्ड तोड्दै ठूलो ओपनिङ गर्यो तर फिल्म हेरिसकेपछि दर्शक र समीक्षकले फिल्मको यति आलोचन गरे कि बक्स अफिसमा फिल्म नराम्रोसँग पछारियो ।

आमिरका नजिकका मानिसहरुका अनुसार यो फिल्ममा केही न केही गलत छ भन्ने आमिरलाई पहिल्यै आभास भइसकेको थियो । त्यसैले उनले फिल्मको प्रमोसनको लागि पनि खासै मेहनत गरेनन् । यति सब भइसकेपछि अहिले अर्को चर्चाले बलिउड तातेको छ । बलिउडमा चर्चा छ कि अब आमिर खानले अभिनयबाट ब्रेक लिन सक्छन् । आमिर निकट स्रोतका अनुसार आमिरले अब अभिनयबाट ब्रेक लिएर फिल्म निर्माणतर्फ सक्रिय हुने तयारी गरेका छन् । आमिर महाभारतमा आधारित फिल्म बनाउँदैछन् ।

हजार करोडको लगानीमा बन्ने यो विशाल पोजेक्ट आमिरको ड्रिम प्रोजेक्ट मानिएको छ । आफ्नो फिल्मी करिअरको सबैभन्दा ठूलो सपना भएकोले आमिर यो प्रोजेक्ट सफल बनाउन लागिपर्ने र यसपछि सम्भवतः अभिनयबाटै सन्यास लिन सक्ने आमिरनिकट स्रोतको हवाला दिँदै भारतीय मिडियाले लेखेका छन् ।