Tuesday , 18 June 2019
News update
Home >> रोचक समाचार

रोचक समाचार

‘सारेगमप लिटिल च्याम्प’मा प्रितम आचार्य तेस्रो र आयुष केसी चौथो भए

चर्चित भारतीय रियालिटी शो ‘सारेगमप लिटिल च्याम्प’मा नेपालका दुई बालगायक तेस्रो र चौथो भएका छन्। आइतबार साँझ भएको जी टीभीको फाइनल कार्यक्रममा प्रतिष्पर्धा गरेका प्रितम आचार्य तेस्रो भए भने आयुष केसी चौथो भए। फाइनलमा ६ जना पुगेका थिए।

कडा प्रतिष्पर्धाबीच फाइनलमा पुगेका प्रितम र आयुषको स्वरको जादूले नेपाली तथा भारतीय दर्शकको मन छोएको छ।आयुषको स्थायी घर सिन्धुपाल्चोकको सुनकोशी गाउँपालिका १ हो। हाल उनी भक्तपुरमा अध्ययनरत छन्। आयुष भक्तपुरको मोर्डन बोर्डिङमा कक्षा ७ मा पढ्छन्।

२०६५ जेठ १० मा इटहरी जन्मिएका प्रितमले ४ वर्षको हुँदादेखि नै गीत गाउन थालेका थिए। उनी  इटहरीको विश्व आदर्श विद्यालयमा कक्षा ६ मा अध्ययनरत छन् । उनी २०७३ मा नेपालमै भएको सुरशाला जुनियर आइडलमा दोस्रो भएका थिए।बलिउडका चर्चित गायक एवं कलाकारहरुले समेत उनीहरुको गायिकीलाई उच्च प्रशंसा गरिरहँदा दुवैजना फाइनलसम्म पुगेका थिए।

सुरशाला म्यूजिक एकेडेमीमार्फत उनीहरुले भिडियो अडिसन पार गरेर सारेगमपमा प्रवेश पाएका थिए। ३ वटा भिडियो पठाएपछि उनीहरुलाई दोस्रो चरणका लागि दिल्ली बोलाइएको थियो।बालबालिका तथा किशोर किशोरीको सांगीतिक रियाल शो सारेगमप लिटल च्याम्प्सलाई प्रतिभा उजागर गर्ने मञ्चको रुपमा लिइन्छ।

 

सलमान खानको चलचित्र ‘भारत’ तिन दिनमा सय करोड नजिक

गत बुधबारबाट प्रदर्शनमा आएको बलिउड सुपरस्टार सलमान खानको नाममा रहेको रेकर्ड तोडेको चलचित्र ‘भारतले’ले तीन दिनमा ९५.५० करोडभन्दा माथि कलेक्सन गरेको छ । इदको अवसर पारेर रिलिज भएको चलचित्र ‘भारत’ले पहिलो दिन ४२ करोड ३० लाख कलेक्सन गरेको थियो ।

दोस्रो र तेस्रो दिन क्रमशः ३१ करोड र २२.२० करोड कलेक्सन गरेको भारतीय सञ्चार माध्यमहरुले जनाएका छन् । ‘भारत’ सलमानको करिअरमा पहिलो दिन सबैभन्दा धेरै कलेक्सन गर्ने चलचित्र बनेको छ ।

यसअघि सलमानको ‘प्रेम रतन धन पायो’ले पहिलो दिन ४० करोड ३५ लाख कलेक्सन गरेको ट्रेड एनालिस्ट तरण आदर्शले ट्विट गरेका छन् । बलिउडमा पहिलो दिन सर्वाधिक कमाइ गर्ने चलचित्र आमिर खानको ‘ठग्स अफ हिन्दोस्तान’ हो ।

‘भारत’ लाई समीक्षकले मिश्रित प्रतिक्रिया दिएका छन् । अली अब्बास जफरको निर्देशन रहेको फिल्ममा सलमान सँगै कटरीना कैफ, ज्याकी श्राफ, सुनील ग्रोवर लगायतको पनि अभिनय रहेको छ ।

शाहरुखकी छोरी सुहानाको सेल्फी सामाजिक संजालमा भाइरल

शाहरुख खानकी छोरी सुहाना सधैं चर्चामा रहने स्टारकिड्मा पर्छिन् । उनले सामाजिक संजालमा शेयर गर्ने फोटोहरु भाइरल हुन्छन् । फ्यानहरु अब सुहानाको बलिउड डेब्यूको प्रतिक्षा गरिरहेका छन् । यही बीचमा अहिले सुहानाको एक सेल्फीले सामाजिक संजाल तताएको छ ।

सुहाना सेल्फीमा सुन्दर देखिएकी छिन् । तर यो सेल्फी उनको सुन्दरताको कारण चर्चामा आएको भने होइन । सुहानाले यो सेल्फी ऐनाअगाडि उभिएर खिचेकी छिन् । फोटोमा सुहानाको फोनको पछिल्लो भाग देखिएको छ । सुहानाले आफ्नो फोनको कभरभित्र एटिएम कार्ड राखेकी छिन् । सामाजिक संजालमा धेरैको नजर सुहानामा भन्दा यो एटिएम कार्डमा गएको छ ।

सारेगमपा लिटल च्याम्प्समा आयुष के सी र प्रितम आचार्य फाइनलमा

भारतीय टेलिभिजन जी टिभीको बालगायन रियालिटी शो सारेगमपा लिटल च्याम्प्समा  संस्करणमा सहभागी नेपाली बाल प्रतिभा आयुष के सी र प्रितम आचार्य फाइनल (टप ६) मा पर्न सफल भएका छन्। टप ९ का अन्य सहभागीलाई उछिन्दै दुबै फाइनलमा पुगेका हुन।

प्रतियोगितामा भारतभरिका २०,००० भन्दा बढि बाल प्रतिभाहरूलाई उछिन्दै उनीहरू यस फाइनलमा पुगेका हुन्। सेमीफाइनल पर्फपमेन्समा प्रितमले सलमान खान र ऐश्वर्या राय अभिनीत फ़िल्म ‘हम दिल दे चुके सनम’ बाट इस्माइल दरबारको संगीत रहेको र केके ले गाएको ‘तड़प तड़प इस दिलमे’ भन्ने गीत गाएका थिए भने आयुष ले ‘क्रिमिनल’ फ़िल्म को कुमार सानुले गाएको ‘तुम मिले दील खिले’ भन्ने गीत गाएका थिए।

कार्यक्रममा जजहरू गायक द्वय शान र अमाल मलिक तथा गायिका रिचा शर्मा एवं अतिथि गायकरसंगीतकार आनन्द राज आनन्द लगायत १२ जुरी मेम्बरले ठूलो प्रशंसा गर्दै दुवैलाई स्टेजमा पुगि उचालेको दृश्य आफैंमा गौरवान्वित हुने खालको थियो।


नेपालमै २ बर्ष अगाडि कान्तिपुर टेलिभिजनबाट प्रशारण भएको पहिलो राष्ट्रव्यापी बालगायन रियालिटी कार्यक्रम सुरशाला जुनियर आइडल पहिलो संस्करणमा फाइनलिस्ट मध्य एक आयुष केसी, सिन्धुपाल्चोक घर भई हाल भक्तपुरको मोर्डन बोर्डिङ्ग स्कुलमा अध्ययनरत सानैबाट संगीतमा रुचि राख्ने गरेको हाल भारतको मुम्बइमा रहेको उनका बुवा रामकृष्ण केसीले बताए।

उनले संगीत सिक्न थालेको ५ वर्ष भयो। आयुषलाई हाल सुरशाला म्यूजिक एकेडेमीमा गायक तथा संगीतकार अमृत क्षेत्रीले संगीत सिकाएका हुन। आयुष घरका कान्छा छोरा हुन्। अहिले उनी भक्तपुरको मोर्डन स्कूलमा कक्षा ७ मा पढ्दैछन्। बाबा टुुर गाइड हुन् भने आमा गृहणी। मध्यम किसिमको उनको परिवारमा आयुषको संगीतप्रतिको मोहलाई पूरा गर्न परिवारले सक्दो सहयोग गर्‍यो। जुनियर आइडल भएपछि उनले गीत पनि रेकर्ड गराईसकेका छन्।

पहिलो राष्ट्रव्यापी बालगायन रियालिटी कार्यक्रम सुरशाला जुनियर आइडल पहिलो संस्करणमा फाइनलिस्ट मध्यका अर्का सुनसरी, इटहरीका बालप्रतिभा प्रितम आचार्य त्यहाँको विश्व आदर्श स्कूलमा अध्ययनरत छन्। इटहरीमा एक निजी कम्पनिमा कार्यरत उनका बुवा कासिराज आचार्य ६ महिना देखी मुम्बईमा नै छन्।

प्रतिकुल आर्थिक अवस्थाका बाबजुद प्रितमको साङ्गेतिक यात्राको लागि उनको परिवारले धेरै ठुलो त्याग गरेको छ। यो यात्रामा पुग्नु अघि आयुष केसी र प्रीतम आचार्यले धेरै चरण पार गरेका हुन। सारेगमपाले पहिलो चरणमा सुरशाला म्यूजिक एकेडेमी मार्फत भिडियोबाट अडिसन लिएको थियो।

सुरशाला म्यूजिक एकेडेमीका कार्यकारी अध्यक्ष तथा गायक अमृत क्षेत्रीका अनुसार ३ वटा भिडियो पठाइसकेपछि उनीहरुलाई सिधै ‘लेभल टू’ को लागि दिल्ली बोलाइएको थियो। दिल्लीमा अडिसन दिन आयुष र प्रितम सँगै अरु ८ जना नेपाली बालबालिका पनि गएका थिए। ‘लेभल टु’मा सेलेक्ट भएका आयुष र प्रितम स्टुडियो राउण्डको लागि मुम्बई गए।त्यसपछी ‘कलिङ्ग राउण्ड’ अनि ‘मेगा अडिसन’राउन्ड हुदै उनीहरु टप ११, टप ९ (सेमिफाइनल) हुँदै अब फाइनल सम्मको यात्रा तय गर्न सफल भएका हुन।

अमेरिकामा कलाकार तथा निर्देशक दिनेश कार्कीले खोले स्पेसल आई ब्रो एण्ड हेयर सेलुन

कलाकार तथा निर्देशक दिनेश कार्की र उहाको श्रीमती मुना गुरुङ द्वारा अमेरिकाको भर्जिनियाको चार्लोट्सभिल शहरमा महिला शृंगार पसल संचालन गरेका छन् ।केही समय अगाडी देखि नै संचालनमा आएको उक्त महिला शृंगार गृह एक बिशेष कार्यक्रमको आयोजना गर्दै सार्वजनिक रुपमा सबैलाई जानकारी होस् भन्ने हेतुले सार्वजनिक गरिएको हो ।

नेपाल भक्तपुर घर भै झन्डै २ दशक सम्म अभिनय गर्दै कैयौ धारावाहिक तथा बिभिन्न अभिनय गरेकाकलाकार दिनेश कार्कीकि पत्नी मुना गुरुङले उक्त पसल खोलेका हुन् ।विदेशमा नेपालीहरु तल्लोस्तर को मात्र काम गर्ने भन्ने आरोप समेत बेला बखतमा लाग्ने गरेको अवस्थामा दम्पत्ति कार्की तथा गुरुङले काम मात्र नभएर ब्यबसाय संचालनमा ल्याएका हुन् । अमेरिका आए देखि धेरै संघर्ष गर्दै पसल खोल्न सफल भएका छन् ।

कार्यक्रमको उद्घाटन भर्जिनिया कै चार्लोट्सभिल मै बसोबास गर्नु हुने डा दुर्गा पोखरेल ( विधा वारिधि ) ले उदघाटन गरेकी थिइन् । डा पोखरेलले शुभकामना दिएकी थिइन् । यसै क्षेत्रमा रहनु हुने स्व गोपाल योञ्जन कि सुपुत्री सृजना सिंह योञ्जन को पनि उपस्थिति रहेको थियो भने उनले पनि शुभकामना दिएकी थिइन् ।कार्यक्रममा उक्त क्षेत्रका नेपाली समुदायहरुको बाक्लो उपस्थिति रहेको थियो भने कार्यक्रम संचालन सबिन छेत्रीले गरेका थिए । भर्जिनियाको चार्लोट्सभिल स्थित उक्त पसलको नाम स्पेसल आई ब्रो एण्ड हेयर सेलुन रहेको छ ।

निर्माता संघ र लुम्बिनी जेनेरल इन्सुरेन्स बीच ‘चलचित्र प्रोजेक्ट बिमा’को सम्झौता

निर्माता संघ र लुम्बिनी जेनेरल इन्सुरेन्स बीच ‘चलचित्र प्रोजेक्ट बिमा’को औपचारीक सम्झौता भएको छ। चलचित्र निर्माणका क्रममा आइ पर्ने भैपरीलाइ मध्यनजर गर्दै निर्माता संघ र इन्सुरेन्स कम्पनि बीच सम्झौता भएको हो। सोमबार राजधानीमा एक कार्यक्रमका बीच निर्माता संघका अध्यक्ष आकाश अधिकारी र लुम्बिनी इन्सुरेन्सका सिइओ एन.पि प्रधानले सम्झौता पत्रमा हस्ताक्षर गरॆका छन्।

निर्माता संघले स्वीकृति दिएपछि मात्र निर्माताले चलाचित्रको इन्सुरेन्स गर्न पाउनेछन। निर्माताले चलचित्र विकास वोर्डमा आफ्नो चलचित्र दर्ता गर्दा भरेको लगानी विवरणको एक प्रतिसत रकम बिमा कम्पनीलाई बुझाउनु पर्ने हुन्छ। उक्त एक प्रतिशत रकमको पाँच प्रतिशत रकम इन्सुरेन्स कम्पनीले निर्माता संघमा बुझाउने छ।

चलचित्र छायांकनका क्रममा हुने हानिको इन्सुरेन्स कम्पनीले एक महिना भित्र भुक्तानी गर्ने सीइओ प्रधानले बताए। भ्यालुएटर र सर्वेक्षकले निर्धारण गरेको रकम बिमा कम्पनीले भुक्तानी गर्ने उनले जानकारी दिए। यो सम्पूर्ण प्रक्रियाको लागि निर्माता संघले निर्मातालाई सहयोग गर्नेछ।

यो बिमा स्वेच्छाले गर्ने हो। यदि कसैले दुर्घटना बिमा मात्र गर्छु भन्न पनि पाउने र कसैले प्रोजेक्ट बिमा गर्छु भन्यो भने दुर्घटना बिमा गर्नु नपर्ने संघका अध्यक्ष अधिकारीले बताए। यस प्रोजेक्ट बिमाले निर्माता लगायत फिल्म क्षेत्रलाइ सुरक्षित गर्ने सम्पूर्ण निर्माताको ठम्याई छ।

कार्यक्रममा नेपाल चलचित्र निर्माता संघका तर्फबाट अध्यक्ष आकाश अधिकारी सहित बरीष्ठ उपाध्यक्ष उदय सुब्बा, उपाध्यक्ष बिमल पौडेल, महासचिव रोज राणा तथा अन्य सदस्य हरुको उपस्थिति थियो भने लुम्बिनी जेनेरल इन्स्योरेन्सको तर्फबाट सिइओ एन पि प्रधान सहित बि.के श्रेष्ठ र अन्य कर्मचारीहरुको उपस्थिति थियो ।

वैशाख महिना बिहे गरिएको चार सेलिब्रिटी जोडी

नयाँ वर्षको आगमनसँगै धेरै मानिसको जीवनमा नयाँ सदस्यको पनि प्रवेश हुने गरेको छ । वैशाख महिना विवाहका लागि पनि शुभ मानिने हुँदा यो महिना धेरैले लगनगाँठो कस्छन् । यस्तै २०७६ सालको वैशाख महिनामा केही सेलिब्रेटीहरुले पनि लगनगाँठो कसेका छन् । यी हुन् वैशाख महिनामा लगनगाँठो कस्ने सेलिब्रेटीहरु:

दिवाकर भट्टराई र दीपिका प्रसाइँ

छ महिना अगाडि इन्गेजमेन्ट गरेका निर्देशक दिवाकर भट्टराई र अभिनेत्री दीपिका प्रसाइँले पनि वैशाख २४ गते नै विवाह गरे । उनीहरुले पाँच वर्षदेखिको प्रेमलाई विवाहमा परिणत गरेका हुन् । दीपिका र दिवाकरले अदालती विवाह भने इन्गेजमेन्ट अगाडि नै गरिसकेका थिए ।

निर्देशक दिवाकरले निर्देशन गरेको चलचित्र ‘ऐश्वर्य’ मा काम गरेपछि दीपिका र दिवाकरको प्रेम रहेको चर्चा चलेको थियो । यहि सिनेमामा काम गर्ने क्रममा उनीहरुको भेट भएको हो ।

रेनशा वान्तवा राई र प्रज्वल शमशेर जबरा

निर्देशक तथा कोरियोग्राफर रेनशा वान्तवा राई र निर्माता प्रज्ज्वल शमशेर जबराले वैशाख २४ मा विवाह गरे । उनीहरु लामो समयदेखि प्रेम सम्बन्धमा रहेका थिए । रेनशाले प्रज्वलकै चलचित्र ‘इन्टु मिन्टु लण्डनमा’ बाट निर्देशनमा डेब्यू गरेकी थिइन् । झण्डै आठ वर्षको प्रेम सम्बन्धलाई उनीहरुले विवाहमा परिणत गरेका हुन् ।

प्रज्वल सुपरहिट नेपाली चलचित्र ‘मेरो एउटा साथी छ’ का निर्माता प्रभु शम्सेर राणाका छोरा हुन् । रेनशाले चलचित्र ‘मेरो एउटा साथी छ’ बाट कोरियोग्राफीको सुरुवात गरेकी थिइन् ।

यतिबेला उनीहरु अर्को चलचित्र ‘आई एम ट्वान्टिवान’ को तयारीमा छन् । ‘आई एम ट्वान्टिवान’ को निर्देशन पनि रेनशाले नै गर्ने पक्का भैसकेको छ । उता प्रज्ज्वलले चलचित्र ‘मेरो एउटा साथी छ २’ निर्माणको समेत घोषणा गरिसकेका छन् ।

स्वरुपपुरुष ढकाल र मुस्कान सुवेदी

 

चलचित्र ‘छक्का पञ्जा २’ का मुख्य कलाकार स्वरुपपुरुष ढकाल पनि यही वैशाख महिनामा नै विवाह बन्धनमा बाँधिएका हुन् । उनले काठमाण्डौको पेप्सीकोला निवासी मुस्कान सुवेदीसँग विवाह गरेका हुन् । स्वरुपपुरुष र मुस्कानको वैशाख २ गते टिकाटालो गरिएको थियो भने दुवै पक्षका परिवारको उपस्थितिमा वैशाख २९ गते विवाह गरियो । स्वरुपपुरुषले मागी बिहे गरेका हुन् ।

‘छक्का पञ्जा २’ पछि अभिनेता ढकालले कुनै पनि चलचित्रमा काम गरेका छैनन् । तर ‘छक्का पञ्जा २’ अगाडि नै उनले काम गरेको सिनेमा ‘सुस्केरा’ प्रदर्शनको तयारीमा छ ।

विक्रम बराल र अनु गहतराज

 

‘नेपाल आइडल’ सिजन २ का उपविजेता विक्रम बरालले पनि पाँच वर्ष लामो प्रेमलाई वैशाख २९ मा विवाहमा परिणत गरे । विक्रमले प्रेमिका अनु गहतराजसँग विवाह गरेका हुन् । उनीहरुले स्थायी घर पोखरामै विवाह गरेका हुन् ।

विक्रमको साङ्गीतिक करियरको उतारचढावहरुमा सँगै रहेकी अनुले विक्रमलाई पोखराकै एक साङ्गीतिक कार्यक्रममा भेटेकी थिइन् । त्यहाँबाट नै उनीहरुको प्रेम सम्बन्ध अगाडि बढेकाे थियो ।

मिस नेपाल वर्ल्ड २०१९ को उपाधि अनुष्का श्रेष्ठलाई

अनुश्का श्रेष्ठले मिस नेपाल २०१९ को उपाधि जितेकी छन् । बिहीबार भएको फाइनलमा २४ प्रतिस्पर्धीलाई पाखा लगाउँदैअनुश्काले मिस नेपालको ताज पहिरिन् ।

अष्ट्रेलियन क्याथोलिक युनिभर्सिटीबाट स्नातक गरेकी २३ वर्षीया अनुश्का कमनवेल्थ बैंक अफ अष्ट्रेलिया कार्यरत थिइन् । मिस नेपाल ओसिआनिया जितेर मिस नेपालमा आएपछि उनले जागिर छाडेकी थिइन् ।

प्रदिप्ता अधिकारी मिस नेपाल युनिभर्स र रिया बस्नेत मिस नेपाल अर्थ बनिन् । यस्तै मिरा कक्षपतिले मिस नेपाल इन्टरनेशनल ररोज लामाले सुपर नेशनलको उपाधि जितेकी छन् ।यो बर्षको ‘मिस नेपाल’मा सहभागी २५ जनाबाट सेमिफाइनलमा १४ जना र फाइनलमा ७ जनाले प्रतिस्पर्धा गरेका थिए । अन्तिम ७ मा अनुष्का श्रेष्ठ, रक्षा उप्रेती, रोज लामा, प्रदिप्ता अधिकारी, सोफिया भुजेल, रिया बस्नेत र मिरा कक्षपति पुगेका थिए ।

हलिउड चलचित्र ‘अवतार २’२०२१ को डिसेम्बरमा रिलिज हुने

जेम्स क्यामरुनद्वारा निर्देशित बलकबल्स्टर हलिउड चलचित्र  ‘अवतार’को सिक्वेल ‘अवतार २’को प्रदर्शन मिति घोषणा गरिएको छ । सन् २०२० को डिसेम्बरमा रिलिज हुने भनिएको चलचित्र सन् २०२१ को डिसेम्बरमा सरेको छ ।

यसैगरी अवतार ३ सन् २०२३ को डिसेम्बर, अवतार ४ सन् २०२५ को डिसेम्बरमा र अवतार ५ सन् २०२७ को डिसेम्बरमा रिलिज हुने आशा गरिएको छ । डिज्ने र फक्स मर्ज हुँदाको शिकार अवतार भएको हो । विश्व प्रतीक्षित सिनेमा अवतारकै सिक्वेल रिलिजमा ढिलाइ भइरहँदा डिज्नेसँग यस्ता कति सिनेमाको सिक्वेल पाइपलाइनमा छन् त भन्ने चासो सुरु भएको हलिउड मिडियाले जनाएका छन् ।

सन २००९ मा रिलिज भएको बलकबल्स्टर हलिउड सिनेमा ‘अवतार’ बक्स अफिसमाअहिले सम्मकै सबै भन्दा बढी कमाई गरेको थियो ।

प्रदिप खड्कासँग ‘प्रेमगीत ३’ खेल्न युवतीको चर्को प्रतिष्पर्धा ,आसुसेन फिल्मसको वेबसाइट सर्भर डाउन

सुपरहिट फिल्म सिरिज ‘प्रेमगीत ३’खेल्न युवतीको चर्को प्रतिष्पर्धा देखिएको छ । आउँदो चैत २८ को रिलिज डेट तोकेर निर्माण हुन लागेको ‘प्रेमगीत ३’मा नयाँ नायिकाको खोजी भइरहेको छ ।

निर्माता सन्तोष सेनले केही दिनअघि ‘प्रेमगीत ३’ निर्माणको घोषणा गर्दै फिल्ममा नयाँ नायिकाका लागि आवेदन खोलिएको बताएका थिए । नायक प्रदिप खड्कासँग ‘स्क्रीन शेयर’ गर्ने युवतीले आसुसेन फिल्मसको वेबसाइट aasusenfilm.com मा आवेदन पठाउनुपर्ने पनि उनले बताएका थिए ।

तर नयाँ नायिकाका लागि आवेदन मागिएको तीन दिनमै आसुसेन फिल्मसको वेबसाइट सर्भर डाउन भएको निर्माता सेनले बताएका छन् । मंगलबार फेसबुकमा स्टाट्स पोष्ट गर्दै सेनले नयाँ नायिकाका लागि इमेलमा आवेदन दिन पनि आग्रह गरेका छन ।प्रेमगीतमा प्रदीप खड्का र पूजा शर्माले अभिनय गरेका थिए । प्रेमगीत २ मा भने प्रदीपसँग अश्लेषा ठकुरीले रोमान्स गरेकी थिइन् ।