Monday , 17 June 2019
News update
Home >> kollywood

kollywood

चलचित्र लभ यु हमेशाको फस्टलुक्स पोस्टरसँगै र प्रदर्शन मिति सार्वजनीक

प्रेमकथानक फिल्म लभ यु हमेशाको फस्टलुक्स  पोस्टरसँगै प्रदर्शन मिति सार्वजनीक गरिएको छ । भाष्कर प्रधान निर्देशीत फिल्म ६ भदौमा देशभरका हलमा प्रदर्शन हुदैछ ।

आइडियल डिजाइनर्सले डिजाइन गरेको लभ यु हमेशाका बिभिन्न डिजाइनका पोस्टरमा यशराज गरच, ऋचा थापा र फिजा योन्जनलाई हाइलाइट गरिएको छ । धर्मा क्रिएसनको ब्यानरमा यवन गुरुङको प्रस्तुति र मिलन गुरुङ सहनिर्माता रहेको फिल्ममा यशराज,रिचा र फिजाका साथमा शिसिर राणा, गोपाल ढकाल (छन्दे), पिटी योल्मा,प्रमिला राई,सल्देन तामाङका कलाकारले अभिनय गरेका छन् । भारतको कालेबुङ, सिलगुडी तथा काठमाडौमा सुटिङ गरिएको फिल्मको केही दृश्य सिंगापुर र फिलिपिन्समा खिचिदैछ ।

निर्देशक भास्करकै कथा,शिब ढकालको छायांकन,एनबि महर्जनको द्धन्द्ध निर्देशन,भासुको संगीत, कमल राईको कोरियोग्राफी र मिलन श्रेष्ठको सम्पादन छ । लभ यु हमेशाको बितरण आरआर फिल्मस्ले गर्दैछ ।

आयुष्मान र शिल्पा अभिनित चलचित्र ‘सानो मन’को ट्रेलर सार्वजनिक (भिडियो)

आगामी असार २० गतेबाट रिलिज हुने सिनेमा ‘सानो मन’को ट्रेलर सार्वजनिक गरिएको छ । सिनेमाको ट्रेलर आइतबार सामाजिक सञ्जाल युट्युबमा रिलिज गरिएको हो ।

सुयोग गुरुङको निर्देशनमा निर्माण भएको सिनेमाको सार्वजनिक ट्रेलरमा मुख्य पात्र आयुष्मान देशराज जोशी, शिल्पा मास्के, विशाल पहाडी, गौरी मल्ल, रश्मी भट्ट, लगायतका अन्य कलाकारलाई स्थान दिइएको छ । ‘सानो मन’ असार २० गतेबाट नेपालभरका सिनेमा घरमा प्रदर्शन हुँदैछ ।

ओ.पि.जी फिल्मस्, ए प्लस इन्टरटेन्मेन्ट र हाई टेक इन्टरटेन्मेन्टको संयुक्त ब्यानरमा सानो मन निर्माण भएको हो । सिनेमाको सम्पादन सुयोग गुरुङ र मिलन श्रेष्ठले मिलेर गरिरहेका छन् । सिनेमामा शिशिर बाङ्देल, सक्षक कृष्ण सुवेदी, कृष्ण भक्त महर्जन, लक्ष्मी भुषाल लगायतका कलाकारको पनि अभिनय रहेको छ ।सिनेमाको कथा समिर सुनवार र निर्देशक गुरुङले मिलेर लेखेका हुन् । काठमाडौं, भैरहवा, हङकङ र मकाउमा छायांकन भएको यस सिनेमाका निर्माताहरू योगेश गुरुङ, राजीव श्रेष्ठ, रमेश के. मित्तल र राजेन्द्र मानन्धर हुन् । रित बोहरा मुख्य सहायक निर्देशक रहेको ‘सानो मन’ म्युजिकल लभस्टोरी जनरामा निर्माण भएको निर्देशक गुरुङले बताए । सिनेमालाई आलोक शुक्लाले छायांकन गरेका हुन् ।

चलचित्र ‘आप्पा’को ‘साउने झरी’ गीत सार्वजनिक (भिडियो )

दयाहाङ राई स्टारर सिनेमा ‘आप्पा’को प्रदर्शन मिति नजिकिएसँगै निर्माण टिमले नयाँ गीत सार्वजनिक गरेको छ । सार्वजनिक गीतले बाबु-छोरो रोमान्स र यात्राको कथा बोल्छ । आइतबार इन्टरनेटमा सार्वजनिक गरिएको ‘साउने झरी’ बोलको ओएसटी गीतमा मुख्य कलाकार दयाहाङ राई र बाल कलाकार रोनीत सरकारलाई फिचर्ड गरिएको छ ।

सार्वजनिक गीतमा उमेश उपमाको शब्द रचना, निर्देशक अनमोल गुरुङ र शैकातको संगीत र विज्ञमा बराईलीको स्वर रहेको छ । सिनेमालाई अनमोल गुरुङले निर्देशन गरेका हुन् । लेखक तथा निर्देशक गुरुङ ‘आप्पा’ पुर्ण रुपमा मनोरञ्जनात्मक सिनेमा रहेको बताउँछन् ।

बाबु छोराको सम्बन्धको कथा बोल्ने सिनेमाका कार्यकारी निर्माता माबो चेम्जोङ्ग हुन् । अ माउन्टेन स्टोरीज प्रोडक्सन र सिनेमा आर्टको संयुक्त ब्यानरमा निर्माण भएको सिनेमा ‘आप्पा’मा रुदेन सादा लेप्चाको लगानी रहेको छ । सिनेमा आगामी असार १३ गतेबाट नेपाल तथा भारतमा एकसाथ रिलिज हुँदैछ ।

सिनेमामा दयाहाङ राई, सिद्धान्त राज तामाङ र अल्लोना काबो लेप्चाका अलवा बरिष्ठ निर्देशक तथा निर्माता तुलसी घिमिरे, अरुणा कार्की लगायतका कलाकारको समेत मुख्य भुमिका रहेको छ । ‘आप्पा’मा निर्देशक अनमोल गुरुङको कथा, अनमोल गुरुङ र उमेश उपमाको पटकथा तथा संवाद, शैलेन्द्र डि कार्कीको छायाँकन, अनमोल गुरुङ र शैकात देवको संगीत, निमेष श्रेष्ठको सम्पादन सिनेमामा रहेको छ ।

अब फिल्म शुक्रवार मात्रै रिलिज ,भारतको लागि दिएको स्टे अर्डर खारेज

ब्याङ्कटेस ईन्टरटेन्मेन्टले फिल्म भारत रिलिज गर्न जिल्ला अदालत काठमाडौंमा मुद्धा दर्ता गरेको थियो।त्यसमाथी कार्वाही गर्दै जिल्ला अदालतले चलचित्र विकास बोर्डलाई विपक्ष बनाउँदै फिल्म भारत सेन्सर प्रक्रियाका लागि नरोक्न स्टे अर्डर दिईएको थियो।

भारत बुधवारनै नेपालभर रिलिज भयो। तर, यसको ब्याख्या गलत रुपमा विकास बोर्ड माथी परेको थियो। चलचित्र विकास बोर्डले नेपाली फिल्मको प्रवद्र्धनको लागि सबै फिल्म शुक्रवार नै रिलिज गर्ने तयारी गरिरहँदा अदालत बाटनै स्टे अर्डर आएपछि फिल्म बुधवार रिलिज भएको बोर्ड अध्यक्ष केशव भट्टराईले बताउँदै आएका छन्।

फिल्म रिलिज हुदै गर्दा चलचित्र विकास बोर्डले काठमाडौं जिल्ला अदालतलाई स्पष्टिकरण पठाईएको थियो। चलचित्र विकास बोर्डले दिएको स्पष्टिकरणको आधारमा काठमाडौं जिल्ला अदालतले उक्त स्टे अर्डर खारेज गरिदिएको छ।भारत रिलिज गर्न स्टे अर्डर दिएको अदालतले उक्त निर्णय खारेज गरेसँगै सोही प्रकृतीका मुद्धाहरु अब अदालतमा नजाने बोर्डले जनाएको छ।

शुरुमा ब्याङ्कटेस ईन्टरटेन्मेन्टले आफ्नो स्वार्थका आधारमा एक पक्षिय तरिकाले काठमाडौं जिल्ला अदालतमा मुद्धा दर्ता गरेको र अदालतले त्यसको पूर्ण कार्वाहीलाई थाति राख्दै स्टे अर्डर दिएको थियो। विकास बोर्डको स्पष्टिकरण पछि उक्त मुद्धालाई पूर्ण रुपमा कार्वाही गर्दै स्टे अर्डर खारेज गरेको हो।

स्टे अर्डर खारेजसँगै अब सबै फिल्म शुक्रवार मात्रै रिलिज हुने बोर्डले जनाएको छ। ‘एउटा घटनाबाट पाठ सबै निर्माता र वितरकले सिक्न जरुरी छ। यो घटना कसैको फाईदा र बेफाईदाको लागि हैन। समग्र नेपाली फिल्मको पक्षमा, नेपाली फिल्मको हितमा भएको हो।हामीले खुल्ला व्यापार नीतिलाई ध्यानमा राखेका छौं। कुनै पनि विदेशी फिल्म हामी रोक्दैनौं। तर, नेपाली फिल्मलाई असर नहुने गरि रिलिज गर्ने प्रक्रिया शुरु गर्ने बोर्डको चाहना हो।’ बोर्ड अध्यक्ष भट्टराईले भने।

नम्रता श्रेष्ठको जन्मदिनमा ‘जाइरा’को पोस्टर सार्वजनिक

अभिनेत्री नम्रता श्रेष्ठ शुक्रबारबाट ३३ बर्षमा प्रवेश गरेकी छन्।उनले शुक्रबार राजधानीमा एक कार्यक्रममा बीच आउँदो भदौ ६ गतेबाट प्रदर्शनमा आउन लागेको चलचित्र ‘जाइरा’ को टिमसँग जन्मदिन सेलिब्रेट गरिन्। यो चलचित्रमा उनले मिक्स मार्शल आर्ट खेलाडीको भूमिका निभाएकी छन्। यसमा उनको होम प्रोडक्सन कम्पनीले पनि निर्माण सहकार्य गरेको छ।

नम्रताको जन्मदिनमा ‘जाइरा’का दुई पोस्टर पनि सार्वजनिक गरिएको छ। पोस्टरमा मुख्यतः उनलाई नै प्रमूख स्थान दिईएको छ। चलचित्रको मुल कथा नै उनको वरिपरि घुमेकाले निर्माण टिमले फिल्मको प्रचार सामाग्रीमा उनलाई नै विशेष स्थान दिँदै आएको छ। सार्वजनिक पोस्टरमा नम्रतालाई मिक्स मार्शल आर्ट खेलाडीको लुक्समा देख्न सकिन्छ। ‘जाइरा’का निर्देशक आशुतोष राज श्रेष्ठ हुन्।

‘लभर गर्ल’ को भूमिकामा निकै रुचाइएकी नम्रताले ‘जाइरा’ आफ्नो लागि विशेष रहेको बताइन्। जन्मदिनको केक काट्दै उनले भनिन्, ‘यो फिल्मको स्क्रिप्टमा आशुतोषले निकै वर्क गरेको छ।स्क्रिप्टमा मात्र उसले तीन बर्ष खर्चेको छ। उसको मेहनत, लगाव र उसप्रति मलाई विश्वास भएर नै ‘जाइरा’ गरेकी हुँ।’ त्यहि सन्दर्भमा उनले आफूले हरेक चलचित्रमा निभाएको क्यारेक्टर आफुलाई चुनौतीपूर्ण लाग्ने पनि बताइन्।

हरेक प्रकृतिका क्यारेक्टरलाई उत्तिकै महत्त्व दिने उनको भनाई छ। उनी भन्छिन्, ‘मैले मेरो क्यारेक्टरलाई शतप्रतिशत दिन सकिन भने दर्शकलाई सजिलै थाहा हुन्छ।दर्शकलाई झुक्याउन सकिन्न। त्यसैले म हरेक क्यारेक्टरलाई शतप्रतिशत दिने प्रयास गर्छु। मलाई हरेक क्यारेक्टर चुनौतीपूर्ण र हरेक फिल्म ड्रिम प्रोजेक्ट लाग्छ।’ उनले ‘जाइरा’ बाट आफूले लभर गर्लको छवि मेट्ने प्रयास गरेको पनि बताइन्।

सम्झनलायक चलचित्र दिएकी नम्रता अभिनीत पछिल्लो चलचित्र प्रसादु गत वर्ष प्रदर्शनमा आएको थियो। यस चलचित्रमा नम्रताको अभिनयको मुक्तकण्ठले प्रशंसा भएको थियो। हरेक फिल्ममा अभिनयमा विविधता पस्किरहेकी नम्रता पहिलो पटक ‘जाइरा’ मार्फत एक्सन अवतारमा प्रस्तुत हुन लागेकी हुन्। चलचित्रमा अनुप बिक्रम शाही, प्रमोद अग्रहरी, रेमन दास श्रेष्ठसहित नव(कलाकारहरु श्रृजना रेग्मी, सुजिता श्रेष्ठ र सम्राट मगरको पनि मूख्य अभिनय छ।

‘जाइरा’ का पटकथाकार निर्देशक श्रेष्ठ र निरोज महर्जन हुन्। यो चलचित्र कटामरी फिल्म्सको सहकार्यमा नम्रता श्रेष्ठ प्रोडक्शन र ट्रेन्डसेटर्स प्रालिको प्रस्तुतीमा बनेको हो। प्रसन्न गोपाली कार्यकारी निर्माता रहेको ‘जाईरा’लाई लोकेश बज्राचार्यले सम्पादन गरेका छन्।कल्याण सिंह, डिजे राजु र टम्ब्लीविडको संगीत रहेको यो फिल्ममा सम्राट बस्नेतको द्वन्द्व निर्देशन रहेको छ भने द्वन्द्व कोरियोग्राफी राउल मोक्तान र मेघवार चेम्जोङको छ। यस चलचित्रमा केशव थापाको नृत्य निर्देशन छ भने डिओपी बाबु श्रेष्ठको रहेको छ।

‘प्रेमगीत ३’ बाट मनिष राउतले मुख्य अभिनेताको रुपमा डेब्यु गर्ने

२०७६ कै बहुप्रतिक्षित चलचित्र ‘प्रेमगीत ३’ को लागि मुख्य अभिनेत्रीका लागि अडिसन चलिरहेका बेला तेश्रो गीत को बन्ने भनेर धेरैमा उत्सुकता छ । यसै सन्र्दभमा निर्माण टिमले चलचित्रको मुख्य अभिनेता दर्शक सामु प्रस्तुत गरेको छ ।

आसुसेन फिल्मस् प्रोडक्सनको ब्यानरमा निर्माण हुन लागेको उक्त चलचित्रमा प्रतिभाशाली युवा मनिष राउतले मुख्य अभिनेताको रुपमा डेब्यु गर्ने भएका छन् । चलचित्र क्षेत्रमा संघर्ष गरिरहेका मनिष राउतले नेपालको चलचित्र कलेज अस्कर इन्टरनेश्नलमा अभिनय अध्ययन गरेका छन् । उनीसँग दर्जनौं लघु चलचित्रमा काम गरेको अनुभब छ ।

दर्शकले अत्याधिक रुचाएको प्रेमगीत सिरिजको तेश्रो श्रृखलामा यी नयाँ अनुहारलाई मुख्य अभिनेताको रुपमा इन्ट्रि गराएको हो । निर्माण टिमले नव अभिनेता राउतका केहि क्यारेक्टर पोस्टर सार्वजनिक गरेको छ । पोस्टरमा उनि पुरानो जमानाको बन्दुक सहित देखिन्छन् भने अर्कोमा बन्चरो सहित देखिएका छन् । ‘अ फर्बिडन लभ स्टोरी’ भनिएको उक्त रोमान्टिक सिरिजको यो चलचित्र नव वर्षको अवसर पारेर यहि चैत्र २८ गते प्रदर्शनमा आउने पक्का भैसकेको छ । फिल्ममा प्रदीप खडका र मनिष दाजु-भाईको भूमिकामा हुनेछन् ।


चलचित्रलाई छेतन गुरुङ्ग र सन्तोष सेनले संयुक्त रुपमा निर्देशन गर्दैछन् । छेतेन गुरुङ्ग र मन्दिप गौतमले लेखेको चलचित्रलाई  स्वयं निर्देशक सन्तोष सेन र विजय चामलिङ मिलेर निर्माण गर्दैछन् ।‘प्रेम गीत ३’ पहिलो र दोश्रो संस्करण भन्दा निकै ठुलो स्केलमा निर्माण हुने र नेपाली चलचित्र क्षेत्रकै एउटा उदाहरण बन्ने निर्माण पक्षको विश्वास छ ।

आइटम गर्ल सन्नी लियोनी अभिनित चलचित्र ‘पासवर्ड’ को गीत सार्वजनिक (भिडियो)

बलिउड अभिनेत्री तथा आइटम गर्ल सन्नी लियोनीलाई फिचरिङ गरिएको नेपाली चलचित्र ‘पासवर्ड’ को गीत सार्वजनिक गरिएको छ । ‘आजको साम’ बोलको गीतमा सन्नीले थुप्रै कोरसका बीच ठुम्का लगाएकी छन् । गीतमा सन्नीसँग कलाकार विक्रम जोशी र  अनुपबिक्रम शाहीलाई फिचर्ड  गरिएको छ ।

बिहीवार राजधानीमा एक कार्यक्रमका बीच सार्वजनिक गरिएको गीतमा अर्जुन पोखरेलद्वारा संगीत तथा  दुर्गा खरेलको स्वर छ । विक्रम जोशीकै शब्द लेखन रहेको गीतमा बिष्णुदेवाले कोरियोग्राफी गरेका हुन् । निक्कै प्रतिक्षित रहेको गीतमा ५ करोड लागत लागेको बताइएको छ ।

चलचित्र ‘पासवर्ड’ लाई सम्राट बस्नेतले निर्देशन गरेका हुन् ।चलचित्रमा  सन्नीसँगै अनुपबिक्रम शाही, विक्रम जोशी, बुद्दि तामाङ, रविन्द्र झा, प्रविण खतिवडा, धिरेन शाक्य, परी राणा, विक्रम बस्नेत, लिजा सुनार, छुल्ठिम गुरुङ लगायतको अभिनय छ ।

एबी इन्टरनेशनलको ब्यानरमा निर्माण भएको यस चलचित्रलाई हिरल जोशी र अमित बस्नेतले मिलेर निर्माण गरेका हुन् । अकिंत गौतम कार्यकारी निर्माता रहेको फिल्ममा  अजित के थापा सहनिर्माताको रुपमा रहेका छन् ।

एक्सन, कमेडी, थ्रिलर जनरामा निर्माण भएको  ‘पासवर्ड’सौरभ लामाले छायाँकन गरेका हुन् । अर्जुन जिसीले सम्पादन गरेको सिनेमा भदौ २७ मा रिलिज हुँदैछ ।

दिनेश लिङ्देनको निर्देशनमा चलचित्र ‘पायल’ को शुभसाइत

फाल्गुनन्द लिङ्देन फिल्म्स्ले निर्माण गर्न लागेको फिल्म ‘पायल’ को शुभसाइत गरिएको छ । आगामी शुक्रबारदेखि छायांकन सुरु हुने फिल्म उपत्यका लगायत पूर्वको केहि ठाउँमा छायांकन गरिनेछ ।

राजधानीमा सोमबार एक कार्यक्रमकाबीच फिल्मको शुभसाइत गरियो । फिल्मका लेखक तथा निर्देशक दिनेश लिङ्देनले समाजमा घटिरहेका विद्यमान आपराधिक घटनाहरूलाई समेटेर थ्रिलर फ्लेभरको फिल्म बनाइने बताए ।

कविता राई लिङ्देनको लगानी रहने फिल्ममा रिया श्रेष्ठ, ध्रुव न्यौपाने, राजकुमार लिङ्देन नरेन्द्र सेन्दाङ, राजु घिमिरे, उदय सुब्बा, हस्त लिवाङ, दिलिप ठकुरी, आर पि दाहाल, अर्मान खान र एन्जिस प्रसाईंको मुख्य भूमिका रहनेछ ।

फिल्मका लागि नवनायक नरेन्द्र सेन्दाङ अमेरिकाबाट नेपाल आएका छन् । सेन्दाङ निजी व्यावसाय गर्दै विगत १५ वर्ष देखि अमेरिकामा बस्दै आएका छन् । उनकै पहलमा नेपालअघि फिल्मलाई हङकङ, अमेरिका, सिंगापुर, बेल्जियम प्रदर्शन गरिनेछ । सुमित लिङ्देन र सुदिता लिङ्देन प्रस्तुतकर्ता रहेको फिल्ममा विकास चौधरीको संगीत, ज्ञानु राईको छायांकन, कुमार श्रेष्ठको द्वन्द्व, दिनेश माङ्मुको नृत्य रहनेछ ।

चलचित्र ‘मारुनी’को गीतमा नायक पुष्प खड्का र नायिका साम्राज्ञी ‘जाम्न माया जाम’भन्दै (भिडियो )

मंगलबार राजधानीमा एक कार्यक्रम आयोजन गरेर चलचित्र ‘मारुनी’को गीत सार्वजनिक गरिएको छ ।दिपक बज्रचार्यको स्वर तथा संगीत रहेको यो गीतमा रिक्की शाक्यको शब्द छ । सार्वजनिक गीत ‘जाम्न माया जाम’लाई क्लबमा छायांकन गरिएको छ ।

गीतको भिडियोमा नायक पुष्प र नायिका साम्राज्ञीको साथमा सय बढी कोरस फिचर्ड छन् । गीतको भिडियोलाई प्रविण सिंहले कोरियोग्राफी गरेका हुन् ।नायक पुष्प खड्का र नायिका साम्राज्ञीको डान्स गज्जबको छ । पुष्प र साम्राज्ञीको डान्सले उनीहरुको फ्यानलाई खुशी बनाउन सक्छ ।

कार्यक्रममा बोल्दै नायिका साम्राज्ञी राज्यलक्ष्मी शाहले चलचित्र ‘मारुनी’का केही दृश्य गर्दा आफूलाई डर लागेको बताएकी छिन् ।  गीत रिलिज कार्यक्रममा उनले भनिन्–‘मैले यस्तो खालको डान्स यसअगाडि गरेको थिइनँ । रोमान्टिक गीत मात्र गरेकाले पनि यसमा डान्स गर्दा लाज लागेको थियो ।’साम्राज्ञीले अगाडि भनिन्–‘चलचित्रका कतिपय दृश्य गर्दा मलाई डर पनि लागेको थियो । तर, निर्मात्री पूनम गौतमले राम्रो छ भन्दा काम गर्न हौसला मिल्थ्यो ।’

साम्राज्ञीले नायक पुष्प खड्काको पनि प्रशंसा गरिन् । उनले, आफूसँग काम गर्ने अर्को कलाकारको अभिनय पनि उत्कृष्ट हुँदा रमाइलो हुने भन्दै पुष्पमा त्यो क्षमता भएको सुनाइन् ।यस्तै, चलचित्रका नायक पुष्प खड्काले गीतको बारेमा भने–‘म पहिलेदेखि नै बलिउडका गीत हेरिरहन्थेँ । उनीहरुको फरक खालको डान्स मुभ आफूले पनि गर्न पाए हुन्थ्यो भन्ने लाग्थ्यो । यो गीतको भिडियोमा मैले सानो भएपनि त्यो कोशिश गर्न पाएको छु ।’

गायक दिपक बज्रचार्यले भिडियोले आफ्नो गीतलाई अर्कै ज्यान दिएको बताए । उनले, चलचित्रमा काम गर्ने मौका पाएको भन्दै कुनै कमीकमजोरी हुन नदिएको बताए ।चलचित्रका निर्देशक नवल नेपालले ‘मारुनी’बाट दर्शकलाई सन्तुष्ट बनाउने प्रयास गरेको बताए । उनले भने–‘मलाई थोरै मिठो भएपनि पुग्थ्यो । मेरो टिमलाई धेरै मिठो चाहिएको थियो । यसैले, चलचित्रलाई दर्शकको मन पर्ने अनुसार बनाउन खोजेको छु ।’

चलचित्रकी निर्मात्री पूनम गौतमले ‘मारुनी’ फरक स्वादको चलचित्र भएको भन्दै दर्शकलाई मनपर्ने बताइन् । उनले, चलचित्रको सम्पूर्ण टिमसँग काम गर्दा खुशी लागेको सुनाइन् ।चलचित्रकी अर्की नायिका रेविका गुरुङले आफूले पाएको भूमिकालाई सक्दो न्याय गरेको सुनाइन् । भदौ १३ गतेबाट रिलिज हुने चलचित्रको कथावस्तु भने खुलाइएको छैन ।

पूनम इन्टरटेन्मेन्टको ब्यानरमा निर्माण भएको चलचित्र ‘मारुनी’को पहिलो गीत सार्वजनिक भएको छ । काठमाण्डौमा आयोजित कार्यक्रममा नवल नेपाल निर्देशित चलचित्रको गीत रिलिज गरियो । कार्यक्रममा निर्देशक नवल नेपाल, निर्मात्री पूनम गौतम, नायक पुष्प खड्का, नायिका साम्राज्ञी राज्यलक्ष्मी शाह र रेबिका गुरुङ, गीतका गायक दिपक बज्रचार्य, छायांकार सन्जय लामा लगायत उपस्थित थिए ।चलचित्रमा राजा प्रधान,दर्शना केसी र मिना क्षेत्रीको सह लगानी छ ।

गायिका आनी छोइङ डोल्माको सम्पत्ति शुद्धीकरणको आशंकामा अनुसन्धान सुरु

स्रोत नखुलेको रकम पटक पटक नेपाल भित्र्याएपछि गायिका आनी छोइङ डोल्माको खाता रोक्का गरी सम्पत्ति शुद्धीकरणको आशंकामा अनुसन्धान सुरु भएको छ। तर, प्रधानमन्त्रीकै सचिवालयले रोक्का रकम खुला गरिदिन चर्को दबाब दिइरहेको स्रोतको दाबी।

‘फूलको आँखामा फूलै संसार’ गीतबाट चर्चित आनीले स्रोत नखुलाई हङकङबाट १६ लाख ४९ हजार ९४० अमेकरिकी डलर (हालको विनिमय दरअनुसार १८ करोड ३१ लाख ४३ हजार ३४० रुपैयाँ) नेपाल भित्र्याएपछि सम्पत्ति शुद्धीकरण अनुसन्धान विभाग र राष्ट्र बैंको वित्तीय जानकारी एकाइले अनुसन्धान थालेका समाचार कान्तिपुर दैनिकमा छ।

‘विदेशबाट रकम भित्र्याउन अनुमति लिनुपर्ने कुनै पनि किनकायलाई जानकारीसमेत नदई करिब २० करोड रुपैयाँ उनले भित्र्याइसकेकी छन्,’ अनुसन्धानमा संलग्न एक उच्च अधिकारीले भनिे, ‘पछि आउन खोजेको १८ करोडभन्दा बढी रुपैयाँ भने राष्ट्र बैंकले रोकिदिएको छ।’