Saturday , 23 February 2019
News update
Home >> kollywood (page 20)

kollywood

उदय सुब्बाले बनाउने भए चलचित्र ‘आरुसी’

चलचित्र ‘आरुसी’ निर्माण हुने भएको छ । गणपति फिल्मस्का लागि उदय सुब्बाको निर्देशनमा निर्माण हुन लागेको यस चलचित्र यहि मंसिर १५ गते सुटिङ फ्लोर जादैछ ।

त्रिकोणात्मक प्रेमकथामा आधारित भनिएको यस चलचित्रमा इशक राईले हिरोको रुपमा डेव्यु गर्दैछन् । साहारा प्रधान, बिरु गुरुङ र केशव कुमार श्रेष्ठको संयुक्त लगानीमा यो चलचित्र निर्माण हुन लागेको हो ।

१ करोड बजेटमा निर्माण हुने यस चलचित्रको सम्पूर्ण छायांकन ४० दिनमा सक्ने गरी टिम मोफसल निस्कन लागेको निर्देशक उदय सुब्बाले जानकारी दिए । यो फिल्मको झापा, इलाम, तिर्थुङ, ताप्लेजुङ र सङ्खुवासभा लगायतका स्थानमा छायांकन गरिनेछ । फिल्मको शीर्ष रोलमा नयाँ अनुहारलाई राखिने भएको छ । निर्देशक सुब्बाले कलाकारको विषयमा अगाडि थप्दै भने, ‘अहिले फिल्म मार्केटमा पुराना कलाकारको विकल्पको रुपमा नयाँ कलाकार देखिएका छन् ।

चलचित्रमा इशक राई, रमा लिम्बु, सुनिल थापा, सुरविर पण्डित, कला राई, दमन रुपाखेती, बिरु गुरुङ, भूपेन्द्र लिङ्देन लगायतका कलाकारको अभिनय रहनेछ । मौनता श्रेष्ठको पटकथा तथा संवाद रहने यस फिल्मलाई विक्रम डिसीले खिच्नेछन् ।

बिरु गुरुङको कथा, तारा थापा किम्भेको सम्पादन, राजु किरातीको द्धन्द तथा विकास चौधरी र तारा प्रकाश लिम्बुको संगीत चलचित्रमा रहनेछ । कमल राई र दिनेश पाख्रिनको नृत्य निर्देशन रहने यस फिल्मको गीतमा राजेश पायल राई, दिपक लिम्बु, सुशन लिम्बु र सुम्निमा इङ्नामको स्वर सुन्न सकिन्छ । फिल्मको तीन वटा गीत रेकर्ड गरिसकिएको छ । आगामी नयाँ वर्ष अर्थात २०७६ सालको वैशाख १ मा ‘आरुसी’ प्रदर्शन हुने निर्माण पक्षले जनाएको छ ।

नायक प्रदिप खड्काको सुपरहिट चलचित्र ‘प्रेम गीत २’ युट्युबमा सार्वजनिक (भिडियो सहित)

बर्ष २०७४ को सुपरहिट चलचित्र ‘प्रेम गीत २’ युट्युबमा सार्वजनिक भएको छ । हलमा रिलिज भएको १६ महिना पछी आज चलचित्र युट्युबमा सार्वजनिक भएको हो ।

सन्तोष सेन निर्मित चलचित्रले हलमा दर्शकहरुको अपार माया पाएको थियो । ‘प्रेम गीत २’ ले बक्स अफिसमा निकै राम्रो छाप छोड्न सफल भएको थियो ।

चलचित्रलाई वर्ड अफ माउथ पनि निकै राम्रो मिलेको थियो । आज युट्युबमा सार्वजनिक भएको चलचित्रलाई दर्शकहरुले निकै राम्रो प्रतिकृया दिईरहेका छन् ।

रामशरण पाठक निर्देशित चलचित्रमा अहिलेका सुपरस्टार नायक प्रदिप खड्काको मुख्य अभिनय रहेको थियो । यस्तै अभिनेत्री अश्लेषा ठकुरीले ‘प्रेम गीत’ २ बाट नै नेपाली चलचित्रमा डेब्यु गरेकी थिईन् ।

यस्तै चलचित्रमा कैलाश कटुवाल,कबिता रेग्मी, शिशिर भण्डारी, सन्तोष सेन, श्रद्दा प्रसाई आदिको पनि अभिनय रहेको छ । आशुसेन फिल्म्सको ब्यानरमा बनेको चलचित्रका गीत संगीत पनि हिट रहेका छन् ।

चलचित्र ‘घनचक्कर’मा कश्मिराको ‘दाईको सालो’ सलोन बस्नेत कि नरेन खड्का (भिडियो)

चलचित्र ‘घनचक्कर’को दोस्रो गीत सार्वजनिक गरिएको छ ।‘दाईको सालो’बोलको सार्वजनिक गीतमा विपिन आचार्यको शब्द तथा संगीत रहेको छ भने राजेश पायल राई र मान्डवी त्रिपाठीको स्वर रहेको छ । गीतमासलोन बस्नेत र नरेन खड्का सगै नव-अभिनेत्री कश्मिरा लामालाई प्रस्तुत गरिएको छ ।

जितेन्द्र राजोपाध्यायको निर्देशन रहेको पुष १३ गते बाट प्रदर्शनमा आउने चलचित्र ‘घनचक्कर’ मा सौगात मल्ल , सलोन बस्नेत , सरोज खनाल , जेबी डिसी, आशान्त शर्मा, ममता प्रधान, शिशिर भण्डारी, दामोदर पौडेल, जनक घर्तिमगर लगायतका कलाकारहरुको अभिनय रहेको छ ।

भट्ट एण्ड सन्स प्रोडक्सनको ब्यानरमा निर्माण भएको ‘घनचक्कर’ लाई सुशन प्रजापतिले खिचेका हुन् । अष्ट महर्जनको द्वन्द्व, प्रदीप श्रेष्ठ र सिमोन राजबंशीको कोरियोग्राफी, मित्र गुरुङको सम्पादन रहेको फिल्मको कथा अर्जुन सिंहले तयार पारेका हुन् । कागी लिम्बुको स्क्रिनप्ले र डाइलग रहेको छ ।

चुरोट पिउन रुचाउने १५ नेपाली कलाकारहरु

फिल्मको सुरूमै ‘धुम्रपान’ स्वास्थ्यको लागि हानिकारक छ’ भनेर लेखिएको हुन्छ । यतिमात्र हैन प्राय कलाकारहरु खुलेरै धुम्रपानको विरोध गर्ने पनि गर्छन् ।यो स्वास्थ्यको लागि हानिकारक छ भनेर केहीले यसको विज्ञापन गर्न पनि मान्दैनन् । किनभने यसको विज्ञापन गर्दा समाजमा आफ्नो छवि बिग्रने डर धेरै कलाकारलाई हुन्छ ।

फिल्मभित्र त कलाकारले चुरोट पिएको दृश्य दर्शकले प्राय जसो देखिरहेका हुन्छन् । तर वास्तविक जीवनमा भने उनीहरुको वास्तविकता धेरै कमलाई मात्र थाहा हुन्छ । केही नेपाली कलाकारहरु रिल लाइफमा मात्रै होइन रियल लाइफमा पनि उत्तिकै चुरोटप्रेमी छन् ।

सार्वजनिक रुपमै चुरोट पिउने सेलिब्रेटीहरु कम होलान् तर लुकीलुकी चुरोट पिउने कलाकार भने धेरै छन् । आज हामीले यो सामग्रीमा चुरोट पिउने १५ कलाकारको बारेमा चर्चा गर्दैछौँ ।

भुवन केसी

अभिनेता भुवन केसी जति कोशिस गर्दा पनि चुरो तान्न छोड्न नसकेको बताउँछन् । उनले सार्वजनिक रुपमै आफू धूमपानप्रेमी भएको स्वीकार गरेका छन् ।

रेखा थापा

रेखा थापा अर्की लोकप्रिय अभिनेत्री हुन्, जसको चुरोट पिउने नराम्रो बानी छ । उनी साथीभाइसँगको भेटघाटमा मदिरा पिउँदिनन् तर चुरोट नभई हुँदैन ।
सार्वजनिक कार्यक्रममा पुग्दा पनि उनी गोप्य ठाउँ खोजेर चुरोट सल्काउन थालिहाल्छिन् ।

साम्राज्ञीराज्य लक्ष्मी शाह

अहिलेकी हिट अभिनेत्री साम्राज्ञीराज्य लक्ष्मी शाहको पनि चुरोट पिउने लत छ । पत्रकारलाई अन्तरवार्ता दिन पुग्दासमेत उनी चुरोट नलिई बस्न नसक्ने चर्चा फिल्मवृत्तमा छ ।

 सुषमा कार्की 

अभिनेत्री सुषमा कार्की पनि ‘चुरोट प्रेमी’ अभिनेत्री हुन् । उनलाई पनि दिनमा पटक–पटक चुरोट पिउनु पर्छ । उनको यो बानी पनि पत्रकार र उनका साथीभाइहरुबाट लुक्न सकेको छैन ।

ज्योति मगर

लोकगीतमा विकृति भित्र्याएको भन्दै ज्योति मगरले केही वर्ष खुबै गाली खाइन् । उनलाई संस्कृति बिगारेको भन्दै धेरैले नानाभाँती भने । गाली गरे ।
छाडा गायिकाको उनाम पनि दिए । तर उनी आफ्नै पाराले अगाडि बढ्दै गएकी छिन् । ज्योति पनि चुरोट प्रेमी हुन् । उनको यो बानी पनि कसैसँग पनि लुक्न सकेको छैन ।

निश्चल बस्नेत

उता निर्देशक निश्चल बस्नेतलाई पनि चुरोटको सर्कोसँग गहिरो प्रेम छ । उनले यो प्रेमलाई त्यति सहजै छोड्न सक्ने संकेत देखिँदैन ।

आयुष्मान देशराज जोशी श्रेष्ठ

अभिनेता आयुष्मान देशराज जोशी श्रेष्ठ पनि चुरोट एकदमै धेरै सल्काउँछन् । उनको यो काममा उनकी प्रेमी तथा हुनेवाला श्रीमती प्रियंका कार्कीले साथ दिन्छिन् । प्रियंकाले भने खुलेआम अहिलेसम्म चुरोट सल्काएको देखिएको छैन । तर पनि उनी ‘लुकीलुकी’ चुरोट पिउँछिन् ।

सौगात मल्ल

नेपाली फिल्ममा सशक्त अभिनेताका रुपमा चिनिने सौगात मल्ल पनि चुरोट प्रेमी हुन् । उनलाई पनि अन्य खाने कुराजस्तै चुरोट नभई नहुने एउटा खानेकुरा बनेको छ  ।

विपिन कार्की

उता अभिनेता विपिन कार्कीले पनि आफूलाई यो लतबाट टाढा राख्न सकेका छैनन् । विपिन कार्की पनि चुरोट असाध्यै सल्काउँछन् ।

सलोन बस्नेत

अभिनेता सलोन बस्नेत र अभिनेत्री करिष्मा श्रेष्ठ अहिले प्रेममा छन् । यी दुईले एकसाथ काम गरेको सिनेमा ‘बाबु कान्छा’ केही समयअघि प्रदर्शनमा आएको थियो । तर सिनेमाले सोचेजस्तो सफलता हात पार्न भने सकेन । जे होस् यी दुईको सम्बन्ध भने कायमै छ । र, यी दुवै चुरोट पिउन रुचाउँछन् । दुवै सँगै बसेर चुरोटको सर्को तान्छन् ।

अनमोल केसी

युवास्टार अनमोल केसीले सार्वजनिक रुपमै चुरोट पिएको देखिएको छैन । तर उनी निकटस्थ स्रोतका अनुसार उनी चुरोट भने निकै सल्काउँछन् ।

शिल्पा पोखरेल

त्यस्तै सार्वजनिक रुपमै चुरोट पिउने अभिनेत्रीमा पर्छिन् शिल्पा पोखरेल । उनले विभिन्न ठाउँमा पत्रकारहरुकै अगाडि चुरोट पिएको पाइएको छ ।

अनुप विक्रम शाही

अभिनेता अनुप विक्रम शाही पनि अर्का चुरोट प्रेमी कलाकार हुन् । उनले केही पटक सार्वजनिक कार्यक्रममा पत्रकारहरुका अगाडि नै चुरोट पिएका छन् ।

सविन श्रेष्ठ


त्यस्तै अभिनेता सविन श्रेष्ठ पनि ‘सिगरेट लभर’ हुन् । उनी पनि  चुरोटको सर्कोबिना रहन सक्दैनन् ।

माला लिम्बु

अभिनेत्री तथा आईटम गर्ल माला लिम्बु पनि चुरोट प्रेमी हुन् । केही समय अघि मात्रै उनले एक कार्यक्रममा देखाएको चुरोट मोहपछि उनको यो बानीको खुलासा भएको हो । उक्त कार्यक्रममा पत्रकारहरू उनीसँग कुरा गर्न खोज्दा उनले पत्रकार भन्दा पनि चुरोटलाई प्राथमिकता दिएको कुरा चर्चामा छ ।
उज्यालाे बाट साभार

‘विर विक्रम २’मा पल र नाजिर सग रोमान्स गर्दै वर्षा सिवाकोटी

चलचित्र ‘विर विक्रम २’को अहिले मनाङ र मुस्ताङका रमणीय स्थानमा धमाधम छायाँकन भैरहेको छ । निर्देशक चाम्स ‘विर विक्रम २’को जम्बो टिम सहित केहीदिन पहिले मुस्ताङ पुगेका थिए । छायाँकन चलिरहेको गीतमा मुख्य कलाकार पल शाह, वर्षा सिवाकोटी, नाजिर हुसेनलाई फिचर्ड गरिएको छ ।

चाम्स इम्टरटेनमेन्ट र लण्डन सिने आईको सयुक्त ब्यानरमा निर्माण भएको सिनेमामा अपर्ण सापकोटा सह निर्माताको रुपमा रहेका छन् । यो सिनेमाको अहिले मुस्ताङमा गीतको छायाँकन भैरहेको छ । कोरस डान्सरको जम्बो टोली सहित मुस्ताङमा छायाँकन भैरहेको गीत करिब २३ लाख बराबरको बजेटमा तयार हुने निर्देशक मिलन चाम्सले बताए । रञ्जीत गजमेरको संगीत, कुसुम गजमेरको शब्द रहेको गीतमा तारा प्रकाश लिम्बु र मेलिना राईको स्वर छ ।

‘विर विक्रम २’मा पुर्ण रुपमा नयाँ कथामा निर्माण भैरहेकाले यो सिनेमा विर विक्रमको सिक्वेल नभएको निर्माण युनिटले जनाएको छ । सिनेमामा पल शाह, वर्षा सिवाकोटी, नाजिर हुसेन, विनिसा भण्डारीका अलवा, बुद्धि तामाङ, बालकलाकार मनिष लिम्बु, देशभक्त खनाल, शिशिर राणा, मनोज केसी, सन्तोष खनाल, क्षितिज भण्डारी लगायतका कलाकारको मुख्य भुमिका रहेको छ ।

प्रदीप भारद्धाजको कथा, पटकथा तथा संवाद रहेको ‘विर विक्रम २’मा रंजित गजमेर, राजनराज सिवाकोटी, ताराप्रकाश लिम्बुको संगीत, कविराज गहतराजको कोरियोग्राफी, हिमाल केसीको द्धन्द्व, बनिष शाहको सम्पादन सिनेमामा रहेको छ ।

प्रियंका र आयुष्मान चर्चामा आउन ‘फण्डा’गर्दै

नेपाली चलचित्र क्षेत्रका चर्चित जोडीहरुमध्येको एक हो नायिका प्रियंका कार्की र आयुष्मान देशराज जोशीको जोडी । यो जोडी समय समयमा विभिन्न फन्डा गर्दै मिडियामा छाउने गरेको छ । यीनीहरुको सम्बन्ध सुरुवात हुँदा देखि नै समय समयमा मिडियामा छाइरहने जोडी हो यो ।

सुरुवातमा यो जोडी दिदीभाइको नाताले चर्चामा थिए । तर त्यो दिदीभाइको नाता लामो समयसम्म टिक्न सकेन । त्यसको केही समयमा उनीहरु प्रेमीप्रेमिकाका रुपमा प्रस्तुत भए । जसले गर्दा सबैको ध्यान आफूप्रति खिच्नसमेत सफल भए । उनीहरुले टप्काटालो पनि गरिसकेका छन् । अर्को वर्ष विवाह गर्ने तयारीमा यो जोडी रहेको छ ।

यो जोडीले आफूलाई मिडियामा छाउनका लागि विभिन्न क्रियाकलाप गर्दै आएको छ । यसैबीच बेला यो जोडी नयाँ फण्डाका कारण चर्चामा छ । उनीहरुले स्विमिङका समयमा खिचेको तस्बिर सार्वजनिक भएसँगै यो जोडीको चर्चा बढेको हो । तस्बिरमा दुवैजना एक अर्कासँग रमाइरहेका छन् । स्विमिङ पुलमा आयुष्मानले प्रियंकालाई उचालेका तस्बिर अहिले चर्चामा छ ।

यो तस्बिर बाहिरिएसँगै धेरैले उनीहरुको मिडियामा छाउने कलाका रुपमा समेत व्याख्या गरिरहेका छन् । कतिपयले भने चलचित्र प्रचारको नयाँ शैलीका रुपमा उनीहरुको यो पोजलाई लिइरहेका छन् ।

आफूलाई चर्चामा ल्याउनकै लागि उनीहरुले यस्ता उपायहरु अपनाइरहेका छन् भने त्यो चर्चा कति दिनसम्मका लागि रहला ? यो कुरामा सचेत हुने पो हो कि ?

बहुप्रतिक्षित चलचित्र ‘सुश्री सम्पत्ति’ को ट्रेलर रिलिज (भिडियो सहित)

मङ्सिर ७ – मङ्सिर २८ गतेबाट प्रदर्शनमा आउने तयारीमा रहेको चलचित्र ‘सुश्री सम्पत्ति’ को ट्रेलर रिलिज भएको छ । कमेडीले भरिपूर्ण ट्रेलर आज रिलिज भएको हो । चलचित्रको ट्रेलरमा कमेडी सम्बादहरुले राम्रो स्पेस पाएको छ । चलचित्रमा अभिनेता द्वय सलोन बस्नेत र बिनोद न्यौपाने सुश्री सम्पत्तिको खोजीमा लागिपरेको देखाईएको छ ।

ट्रेलरमा अन्य कलाकारहरुको तुलनामा सलोन र बिनोदले बढी स्पेस पाएका छन् । यस्तै ट्रेलरमा अभिनेत्री सारा स्रिपाईली र राजाराम पौडेलको पनि फिचरिङ्ग रहेको छ । सुव्रत आचार्यको निर्देशन रहेको चलचित्रलाई बिज्ञान राई, नुमन सुब्बा र रोमन शिलाकारको निर्माण रहेको छ । चलचित्रमा निर्देशक सुब्रत र अबिमन्यु निरबीको संबाद रहेको छ ।चलचित्रमा प्रमोद आग्रहरी, जयनन्द लामा, सुनिता श्रेष्ठ ठाकुर आदिको पनि मुख्य अभिनय रहेको छ ।

‘हुकुम बक्सियोस’ बोलको गीतबाट निकै हाईप पाएको चलचित्रलाई यो बर्षको बहुप्रतिक्षित चलचित्रको रुपमा हेरिएको छ । चलचित्रमा कबिराज गहतराज र गम्भिर बिष्टको कोरियोग्राफी रहेको छ ।

प्रेमिल संबादहरुले भरिपूर्ण ‘समर लभ’ को टिजर रिलिज (भिडियो)

मङ्सिर ७ – सुबिन भट्टराईद्वारा लिखित सर्वाधिक चर्चित उपन्यास ‘समर लभ’ माथि निर्माण भएको चलचित्र ‘समर लभ’ को अफिसियल टिजर रिलिज भएको छ । प्रेमिल संबादहरुले भरिपूर्ण टिजरमा ‘समर लभ’ का पात्रहरु अतित र सायाको प्रेम, रोदन अनी बिछोडको कथा देखाईएको छ । टिजरले दर्शकहरुको मन जित्ने देखिएको छ भने टिजरमा समावेश संबादहरु मन छुने किसिमका रहेका छन् ।

मुस्कान ढकाल निर्देशित चलचित्रमा सुरज सिंह ठकुरी, अनिश पिया, रेवाती क्षेत्री, नम्रता सापकोटा, शिशिर भण्डारी, सरोज खनाल, ओम प्रतिक आदिको मुख्य अभिनय रहेको छ । चलचित्रलाई खगेन्द्र श्रेष्ठ र इन्दु भण्डारीले संयुक्त रुपमा निर्माण गरेका हुन् । नाइटिंगेल इन्टरटेनमेन्टको ब्यानरमा बनेको चलचित्रलाई मनकृष्ण महर्जनले खिचेका हुन् ।

चलचित्रमा सुबिन भट्टराई र सामिप्यराज तिमल्सिनाको संबाद रहेको छ । चलचित्रमा पुष्पन प्रधानको शब्द संगीत रहेको छ । सर्वाधिक रुचाईएको उपन्यास ‘समर लभ’ माथि चलचित्र निर्माण भएको कारण उपन्यासलाई जस्तै चलचित्रलाई पनि दर्शकहरुले मन पराउने विश्वाश निर्माण टिममा रहेको छ । ‘समर लभ’ माघ २५ गतेबाट प्रदर्शनमा आउने तयारीमा रहेको छ ।

चलचित्र निर्माता संघका अध्यक्ष अधिकारीलाई पितृ शोक

मङ्सिर ७ – चलचित्र निर्माता संघका अध्यक्ष तथा निर्माता एव निर्देशक आकाश अधिकारीलाई पितृ शोक परेको छ । आकाशका छोरा आर्यन अधिकारीका अनुसार उहाको बिहीवार ११ बजे निधन भएको हो । ८२ बर्षिय आकाशका पिताको चक्रपथस्थित टिचिङ अस्पतालमा निधन भएको हो ।

दम रोगबाट पीडित आकाशका पिताको स्वास्थ्यमा समस्या देखिए पछी अस्पताल लगिएको थियो । टिचिङ अस्पतालको इमर्जेन्सि वार्डका राखिएको हजुरबुवाको त्यही निधन भएको आकाशका छोरा आर्यनले बताए । उँहाको शरीरलाई दाहा संस्कारका लागि पशुपति आर्यघाट लैजाने तयारी भईरहेको छ ।

माघ २५मा रिलिज हुने ‘प्रेमलीला’को पोष्टर सार्वजनिक

माघ २५ बाट प्रदर्शनमा आउन लागेको दिपशिखा खड्का र भारतीय मोडल अली खानको मुख्य भूमिका रहेको फिल्म ‘प्रेमलीला’को पोष्टर सार्वजनिक भएको छ । सार्वजनिक फिल्मको पोष्टरमा फिल्मका तीन मुख्य पात्र नायिका दिपशिखा खड्का र नायक द्वय अलि खान र मौसम खड्का अटाएका छन् । सार्वजनिक ४ भिन्न भिन्न पोष्टरमा फिल्म की नायिका दिपशिखा खड्काको दुवै नायकसँगको प्रेम भाव देख्न सकिन्छ ।

अन्तर्देशीय प्रेम सम्बन्धको कथा प्रस्तुत गरिएको फिल्मको फर्स्ट लुक र पहिलो गीत जाने क्या हुवा एु यसअघि सार्वजनिक भइसकेको छ । फिल्ममा पबन गौतमको छायांकन, चन्दन दत्त र सालिक दुलालको सम्पादन, रामजी लामिछानेको कोरियोग्राफी रहेको छ । फिल्ममा महेश खड्का, नबिन कार्की र रबिराज शाहको संगीत, राजेश पायल राइ, शोभा पाण्डे र भारतीय गायक राजा हसनको स्वर रहेको छ ।

फिल्मलाई जनक पाण्डेले निर्देशन गरेका हुन् ।फिल्ममा दीपशिखा अलि र मौसमसँगै सुरज तमु, रेखा शाह, शर्मिला शर्मा, भारतीय कलाकारहरु अर्चना शुक्ला, ट्वीकंल श्रीवास्तव लगायतको अभिनय रहेको छ । नायिका खड्का कै कथा तथा लेखन रहेको फिल्मलाई नानीमैया कार्की र फैजिल फिल्म्सले संयुक्त रुपमा निर्माण गरेका हुन् ।