Saturday , 23 February 2019
News update
Home >> kollywood (page 3)

kollywood

विपिन कार्की र श्रृष्टी खड्का लिएर निशानले बनाउने भए चलचित्र ‘परी’

चलचित्र ‘परी : उड्न देऊ’ निर्माण हुने भएको छ। सोमबार काठमाडौमा एक कार्यक्रमको आयोजना गरेर चलचित्र निर्माण घोषणा गरिएको छ ।चलचित्रलाई म्युजिक भिडियो निर्देशन र सम्पादक निशान कश्यप घिमिरेले निर्देशनमा डेव्यु गर्दैछन् ।

चलचित्र ‘परी : उड्न देऊ’ मा विपिन कार्की र श्रृष्टी खड्काको मुख्य भूमिका रहने छ ।म्युजिक भिडियोमा चिनिएकी मोडल श्रृष्टी खड्काले यही चलचित्रबाट ठुलो पर्दामा डेव्यु गर्दैछिन् ।

निर्देशक कश्यपले घोषणा सभामा भने, ‘एउटा उत्कृष्ट सिनेमा बनाउने इमान्दार प्रयास गर्नेछौं । चलचित्रमा रमाइलो, पारिवारिक र सस्पेन्स थ्रिलर हुनेछ ।’

करिब साढे एक करोड बजेटमा निर्माण हुने ‘परी ’आरएन आइकनको ब्यानरमा निर्माण गर्न लागिएको हो । चलचित्रलाई रुपेशमान अमात्यले निर्माण गर्नेछन् । निपिल शर्माको कथा लेखन यस चलचित्रलाई पुरुषोत्तम प्रधानले छायांकन गर्नेछन् ।

नयाँ वर्ष वैशाख पछि छायांकन थालिने चलचित्र का मुख्य दुई कालाकार वाहेक सिनेमाको कथावस्तु वारेमा खुलाएको छैन् । ‘परी’को छायांकन नेपालका साथै भारतको राजीस्तानमा समेत गरिने छ ।

‘यात्रा’को पहिलो गित ‘पञ्च पन्छी’ सार्वजनिक(भिडियो सहित)

बहुप्रतिक्षित फिल्म ‘यात्रा’ को पहिलो गीत सार्वजनिक भएको छ । केही दिन अगाडि सार्वजनिक टिजरले सकारात्मक प्रतिक्रिया बटुल्दै गर्दा निर्माण टिमले ट्राभल गीत सार्वजनिक गरेको हो ।लुक्स, हेयर स्टाइल र आकर्षक ड्रेसअपका कारण अन्य अभिनेताभन्दा आफूलाई फरक रुपमा दर्शकमाझ चिनाएका ‘स्टाइलिस’ अभिनेता सलिनमान बनियाँ गितमा प्रमुख भुमिकामा देखाईएको छ ।

‘पञ्च पन्छी’ बोलको गीतमा शब्द तथा संगीत प्रतिक पौडेलको छ । मेलिना राई, धर्मेन्द्र सेवान, प्रेक्षा बज्राचार्य र उपकार पौडेलले स्वरभरेका छन् । भिडियोमा प्रविण सिंहको कोरियोग्राफी छ । गीतमा सलिनसहितका अन्य चार कलाकारहरु मस्ती मुडमा देखिएका छन् । गीतमा काठमाडौंदेखि सोलुखुम्बुसम्मको यात्रालाई देखाइएको छ ।

जान्वी बस्नेत, प्रेक्षा बज्राचार्य, रेअर राई, विशाल कटुवाल, धिरेन शाक्य, राजाराम पौडेल, समृद्धि राई, योगेशजंग कुँवर, इश्वर पौडेल, नानीकाजी डंगोललगायतको फिल्ममा अभिनय छ । विदेशी कलाकारहरु चाइनाका जुन झाङ र केन्याका बबीको पनि अभिनय रहेको छ । बालकलाकारको रुपमा अंकित संग्रौला र एन्जल राई रहेका छन् ।

चैत २९ गतेबाट प्रदर्शनमा आउने ‘यात्रा’ मा सलिनमान एक भ्लगरको भूमिकामा छन् । यस फिल्मलाई जर्नी लभस्टोरी भनिएको छ भने यसमा यात्राले ल्याउने परिस्थितिलाई देखाइनेछ । फिल्मलाई केशव भट्टराई र सुशील पोखरेलले संयुक्त रुपमा निर्माण गरेका हुन् । यसको कार्यकारी निर्माता सर्जुमान लिगल रहेका छन् ।

फिल्ममा बिक्रम पराजुली, मुक्ति तिमल्सिना र रामशरण घिमिरे सह(निर्माता छन् । फिल्ममा कथा पनि निर्देशक स्वयंको छ । संजय लामाको छायांकन रहेको फिल्ममा हिमाल केसीको द्वन्द र बनिश शाहको सम्पादन छ । कविराज गहतराजको पनि कोरियोग्राफी रहेको यसमा शम्भुजित बाँस्कोटा, प्रतिक पौडेल र कोविद बज्रले संगीत भरेका छन् ।

गीत हेर्नुहोस् :-

२१ दिनमा सकियो चलचित्र ‘घर’को छायांकन

चलचित्र ‘घर’को छायांकन सकिएको छ । काठमाडौंमा छायांकन गरिएको चलचित्रको सुटिङ् २१ दिनमा सकिएको दीपेन्द्र के खनालले जानकारी दिए ।

‘घर’लाई अर्पण थापाले निर्देशन गरेका छन् । चलचित्रको कथा पनि निर्देशक स्वयम्ले लेखेका छन् । ‘घर’ मा मुख्य कलाकारमा अर्पण स्वयम् पनि एक हुन् ।चलचित्रमा अर्पण थापा ,वेनिशा हमाल, सुरक्षा पन्त र कलाकार अस्मिता खनालको मुख्य भूमिका रहनेछ ।

पूर्णतया हरर कथामा निर्माण हुने चलचित्र ‘घर’लाई ई डीएस डिजिटलको ब्यानरमा शर्मिला पाण्डेले निर्माण गरेकी हुन् । यो ब्यानरल वार्षिक चार वटा चलचित्र निर्माण गर्ने घोषणा गरेको छ । डी.एस. डिजिटल ब्यानरको ‘घर’ पहिलो चलचित्र हो ।

डी.एस. डिजिटल ब्यानर निर्देशक दीपेन्द्र के खनाल र नायक सुरज पाण्डेको हो । सुरज ‘लब लब लब’का नायक हुन् । डी.एस. डिजिटल नेपालमा पहिलो पटक रेड एट के क्यामेरा नेपालमा भित्राउने ब्यानर हो ।

चलचित्र क्याप्टेन प्रचारको लागि अनमोल केसी महोत्सवमा

उच्च सुरक्षाका साथ साझको ४ः४५ बजे बाँकेको खजुरा महोत्सवमा झुल्केका नायक अनमोल केसीलाई देख्दा दर्शकको तालीको सिमा नै थिएन । महोत्सवस्थल गुञ्जमान भयो ।

स्टेज चढे सगै क्याप्टेन चलचित्रमा उनले अभिनय गरेको गित ‘रहर छ सँगै’ बोलको गीतमा नाचे । उनको डान्समा खजुरा समेत झुमेको भान हुन्थो । केहि फिल्मका डाइलग सुनाए लगतै यतियति पानी गंगाइरानी बोलको गीतमा पनि नायक केसीले नृत्य गरेका थिए ।नृत्य सगै उनले स्टेजबाटै दर्शकसँग सेल्फी पनि खिचे ।

उनले दर्शकसँग कुरागर्दै अहिले सम्मकै अत्यधिक माया बाँकेको खजुरामा पाएको बताए । झण्डै २४ हजार दर्शकहरुको भिडमा अनमोलले क्याप्टेन चलचित्रको प्रचारको लागि पुनः नेपालगन्ज आउने प्रतिवद्धता जनाए । ‘म नेपालगन्ज आउँछु,’ उनले भने, ‘सँगै बसेर फिल्म् हेर्नुपर्छ है ।’अनमोल सगै गायिका तृप्ती खड्का, भुमिका शाह, मोडल रुविना अधिकारी लगाएतले प्रस्तुति राखेका थिए ।

चलचित्र ‘हजार जुनी सम्म’को छायाँकन सकियो

विकासराज आचार्यको लेखन तथा निर्देशन रहेको चलचित्र ‘हजार जुनी सम्म’को सम्पूर्ण छायाँकन सकिएको छ ।नेपालको राजधानी ,पोखरा लगायत पूर्वको विभिन्न ठाउँ र सिक्किममा छायांकन गरिएको ‘हजार जुनी सम्म’को ५८ दिनमा सबै छायांकन सकिएको हो ।

चलचित्र ‘हजार जुनी सम्म’मा आर्यन सिग्देल, संचिता लुईंटेल, प्रियंका कार्की, स्वस्तिमा खड्का, सलोन बस्नेत, अकिलेश प्रधान,अनुभब रेग्मी लगायतको अभिनय रहेको छ ।किलेश यसै फिल्म मार्फत नायकको रुपमा डेव्यु भएका हुन् ।फिल्मको आइटम गीतमा निर्देशक दिपाश्री निरौलाले पनि कम्मर मर्काएकी छन् ।

विकासराज आचार्य र सामिप्यराज तिमिल्सिनाले संयुक्त रुपमा लेखेको चलचित्र ‘हजार जुनी सम्म’मा पुरुषोत्तम प्रधानको छायांकन बसन्त सापकोटाको संगीत रहेको छ । चलचित्रलाई विशाल चाम्लिङले निर्माण गरेका हुन् ।

लण्डनमा पूजा शर्मा र आकाश श्रेष्ठको ‘सम्हालिन्छ कहिले मन’को छायांकन सुरु

पूजा शर्मा र आकाश श्रेष्ठको मुख्य अभिनय रहने चलचित्र ‘सम्हालिन्छ कहिले मन’को छायांकन बेलायतको राजधानी लण्डनमा सुरु भएको छ । करिब ५० दिनको छायांकन सेड्यूलको साथमा यसका कलाकार र निर्माण टिम केही दिन अघि मात्र लण्डन पुगेको थियो । छायांकन अगाडि चलचित्रका कलाकार र टिमले क्यामेरा पूजा गरेका थिए ।

पूजा सकेर चलचित्रको छायांकन सुरु गरिएको हो । नायिका पूजा शर्मा र नव–नायक सोनम तोप्देनले पहिलो सर्ट दिएका छन् । चलचित्रमा आकाश श्रेष्ठ, सरोज खनाल, गौरी मल्ल, धिरेन शाक्य लगायतका कलाकारको पनि मुख्य भूमिका छ ।

निर्देशक थापाले लण्डन, स्कटल्याण्ड र वेल्समा चलचित्रको छायांकन हुने बताए । एबी इन्टरनेशलको ब्यानरमा निर्माण हुन लागेको चलचित्रको छायांकन बेलायतपछि नेपालको मुस्ताङमा हुनेछ ।

अमित बस्नेतको लगानी रहेको चलचित्रका कार्यकारी निर्माता अंकित गौतम र सनिष खकुरेल हुन् । चलचित्रमा परि राना र अजितकुमार थापाको सह–निर्माण छ ।

अर्जुन पोखरेल, सुगम पोखरेल र ताराप्रकाश लिम्बुको संगीत, सौरभ लामाको छायांकन, कविराज गहतराजको कोरियोग्राफी रहेको चलचित्रमा महेश दवाडीको कथा छ । त्रिकोणात्ममक प्रेमकथामा यो चलचित्र तयार हुनेछ ।

अभिनेत्री खुश्बु खड्काले गरिन ‘मिनी किड्स मन्टेश्वरी’को उद्घाटन

अभिनेत्री खुश्बु खड्काले देशमा सक्षम नागरिक उत्पादनका लागि मन्टेश्वरी शिक्षाको भूमिका महत्वपूर्ण हुने बताएकी छन् । काठमाडौं महानगरपालिका वाड नंं २ लाजिमपाट अवस्थित ‘मिनी किड्स मन्टेश्वरी’ उद्घाटन गर्दै अभिनेत्री खड्काले सो बताएकी हुन् ।

‘मन्टेश्वरीमा बालबालिकाको रुचि र चाहनाअनुसारको शिक्षा हुने भएकोले अबको दिनमा यो अनिवार्य छ’ अभिनेत्री खड्काले भनिन् ‘यसमा उनीहरुले खेल्दा खेल्दै धेरै कुरा सिक्न सक्छन् ।’ घर बलियो बनाउन जसरी त्यसको जग बलियो आवश्यक छ । त्यस्तै सक्षम मानिस उत्पादनका लागि मन्टेश्वरी शिक्षा भएको खड्काको भनाई रहेको थियो ।

सरस्वती पुजाको अवसर पारेर आज आइतबारबाट सञ्चालनमा आएको ‘मिनी किड्स मन्टेश्वरी’ रश्मी गुरुङले सञ्चालनमा ल्याएकी हुन् । जसको उद्घाटन अभिनेत्री खुश्बुसँगै, काठमाडौं महानगरपालिका वाड नंं २ अध्यक्ष राजेन्द्रकुमार श्रेष्ठ, समाजसेवी हिराकाजी श्रेष्ठ, एमपी भुषाल, विक्रम बिष्ट लगायतले रिवन काटेर गरेका थिए ।

कार्यक्रममा वडा अध्यक्ष श्रेष्ठले बालबालिकाको विकासका लागि मन्टेश्वरीले खेल्ने भूमिकाको चर्चा गरे । उनले मन्टेश्वरीको शिक्षा र त्यसको वातावरणले बालबालिकाको भविश्य कता जान्छ भनेर अनुमान गर्न सकिने बताए ।

व्यक्तिगत, पारिवारिक र संस्थागत रुपमा शिक्षा मात्र नभई संरक्षण, पोषण र स्याहार सुसारको वातावरणमा शिक्षा दिनुपर्छ भन्ने उद्धेश्यका साथ आफुले मन्टेश्वरी सञ्चालनमा ल्याएको मन्टेश्वरीका सञ्चालक रश्मी गुरुङले बताइन् । उद्घाटन कार्यक्रममा विभिन्न गीतसंगीतका साथै आकर्षक नृत्यहरु समेत रहेका थिए ।

चलचित्र ’रुमालै छ चिनो’ को मार्मिक ’आमा नबस्नु पर्खेर’ सार्वजनिक (भिडियो)

चलचित्र ’रुमालै छ चिनो’ को ’आमा नबस्नु पर्खेर’ बोलको नयाँ गित सार्वजनिक भएको छ । लोक शैलीको यस गितमा संचिता लुईंटेल, किशोर खतिवडा र शुशान्त कार्की लाई देख्न सकिन्छ । गीतमा सिपाहीले घर परिवारलाई सम्झिदाको पिडा देखाउन खोजिएको छ । गीतमा विरही थापाको स्वर र संगीत छ भने रेशम थापाको शब्द छ ।

नेपाली लाउरेहरुको कथा बोल्ने यस फिल्ममा नायक सुशान्त कार्की इण्डियन लाउरेको भूमिकामा देखिएका छन् भने उनको जोडीको रुपमा नव नायिका अप्सना थापा छिन । फिल्मको कथाको रेशम थापाले नै लेखेका हुन् ।चलचित्र फागुन १० देखि प्रदशनमा आउँदैछ ।

चलचित्रलाई निर्देशन दिनेश सिंह ठकुरी गरेका हुन् ।चलचित्रमा किशोर खतिवडा, संचिता लुइँटेल, सुशान्त कार्की, अफ्शाना थापा, रश्मी भट्ट, मिथिला शर्मा, सुरबीर पण्डित, लक्षमण बिक्रम बस्नेत, सुरज महरा, सन्ध्या खड्का, अमृता पाण्डे, शान्ति श्रेष्ठ लगायतका कलाकारहरुको अभिनय रहेको छ ।

ज्वती फिल्मसको ब्यानरमा बनेको यस चलचित्रलाई चन्द्र ब. खड्का, दिपक ढकाल र राम पाण्डेले संयुक्त रुपमा लगानी गरेका छन् ।

अनमोल केसी र सुहाना थापाको ‘ए मेरो हजुर ३’ को टिजर सार्वजनिक (भिडियो)

अनमोल केसी अभिनित चलचित्र ‘ए मेरो हजुर ३’ को टिजर सार्वजनिक भएको छ ।टिजरमा अनमोल केसी र नव नायिका सुहाना थापालाई प्रस्तुत गरिएको छ । चलचित्र ‘ए मेरो हजुर ३’ मार्फत झरनाकी छोरी सुहानी थापाले डेब्यू गर्दैछिन् ।

सांगीतिक प्रेमकथामा आधारित ‘ए मेरो हजुर ३’ अनमोल र सुहाना सगै सरोज खनाल ,सलोन बस्नते, अर्पण थापा, रबिन्द्र झा लगायतको अभिनय रहेको छ ।

नेपाली नयाँ वर्ष ०७६ को अवसर पारेर चैत २९ गते रिलिज हुने ‘ए मेरो हजुर ३’ लाई झरना थापाले निर्देशन गरेकी हुन् ।यसअघि झरनाको निर्देशनमा बनेको चलचित्र ‘ए मेरो हजुर २’ सुपरहिट भएको थियो । जुन चलचित्रमा अभिनेता सलिनमान बनियाँ र अभिनेत्री साम्राज्ञी राज्यलक्ष्मी शाह मुख्य भूमिकामा थिए ।

यस चलचित्रलाई सुहाना इन्टरटेनमेन्टको प्रस्तुतीमा सुनिल कुमार थापाले निर्माण गरेका हुन् । चलचित्रमा निर्देशक थापा र सुमन पौडेलको कथा, कल्याण सिंह, कोशिश क्षेत्री, प्रतिक पौडेल र आशिश अविरलको संगीत, रोशन श्रेष्ठले द्वन्द्व र सञ्जय लामाको छायांकन छ ।

चलचित्र ‘अदालत’को रोमान्टिक गीत ‘मिठो बोली’ सार्वजनिक (भिडियो)

फाल्गुनन्द लिङ्देन फिल्मस्को व्यानरमा निर्माण भएको फिल्म ‘अदालत’को रोमान्टिक गीत ‘मिठो बोली’ सार्वजनिक भएको छ । फागुन २४ गतेबाट रिलिज हुने फिल्मको यो गीतमा सुसन साम्सोहाङ र मेनुका राईको स्वर छ ।

गीतमा दिनेश लिङ्देनको शब्द र रोशन वान्तवा राईको संगीत छ । गीतमा दिनेश माङ्मुको कोरियोग्राफी छ ।गीतमा एलिना बासकोटा, मदन भुजेललगायत फिचर्ड छन् ।

गीतलाई शुक्रबार राजधानीमा आयोजित एक कार्यक्रममा नेकपा संसदीय दलका नेता देव गुरुङले सार्वजनिक गरे । नेता गुरुङले फिल्मले सकारात्मक कथा बोक्नेमा आफु आशावादी रहेको बताए । कार्यक्रममा नेता गुरुङले मिस नेपाल हङकङ सोसाइटी र बडीबिल्डिङ एसोसिएसन हङकङका अध्यक्ष लोकराज लिम्बुलाई सम्मान गरेका थिए ।

फिल्मका लेखक तथा निर्देशक दिनेश लिङ्देनले समाजमा घटिरहेका हत्या, हिंसा, बलात्कार, अवैध धन्दाजस्ता आपराधिक एवं संवेदनशील घटनाका विरुद्धको न्यायको कथालाई देखाइएको बताए ।

फिल्ममा एलिना बास्कोटा, राजकुमार अधिकारी, मदन भुजेल, रुद्र पाहिम लिम्बु, शान्ति लामा, मेखबहादुर मगर, उदय सुब्बा, प्रेम आले, दिपक क्षेत्री, राजु घिमिरे, दिलिप ठकुरी, पुन्य ओझा, अजय खडकाआदिको मुख्य भुमिका रहेको छ । मदन, राजकुमार, रुद्र र शान्तिले यसै फिल्मबाट डेब्यु गरेका हुन् ।

फिल्ममा डा. डिजन भट्टराईको गीत, रोशन बान्तवा राईको संगीत, दिनेश माङमुको नृत्य, राजु किराँतीको द्वन्द्व, विक्रम डिसिको छायांकन छ । फिल्ममा बसन्त थेवे कार्यकारी निर्माता, मेखबहादुर मगर सह–निर्माता र आरपी दाहाल प्रस्तुतकर्ता छन् । फिल्ममा कविता राई लिङ्देन निर्मात्री छिन् ।