Sunday , 26 May 2019
News update
Home >> kollywood (page 3)

kollywood

असोज ३ मा आउने भयो चलचित्र ’सरौतो’

चलचित्र ’सरौतो’ को रिलिज मिति तय गरिएको छ। सिनेम्याटोग्राफर हरी हुमागाईले निर्देशन रहेको चलचित्र ’सरौतो’ आउँदो असोज ३ गते रिलिज हुने भएको छ ।

रिभेन्जको कथामा निर्माण भएको एक्सन जनरको निर्माण गरिएको यस चलचित्रको ’प्राविधिकको समय र वितरकसँगको छलफलपछी हामीले रिलिज मिति तय गरेका हौ’ निर्देशक हुमागाईंले भने ’फिल्मलाई राम्रो बनाउने कोसिस गरेका छौ , लेखिएको कुरा पर्दामा उतार्न सफल भएको महसुस भएको छ ।’

विरान्जना इन्टरटेनमेन्ट , स्क्वायर वान क्रिएसन , राइजिङ्ग फिल्म्स एण्ड ग्लिटर फिल्म्स स्टुडियोको ब्यानरमा निर्माण भएको फिल्ममा कार्यकारी निर्माताको रुपमा सिर्जना जोशी र लक्ष्मी कुमारी तामाङ रहेका छन् ।

चलचित्रमा सुमी मोक्तान , सन्नी सिंह , विजय लामा , युवराज लामा , धिरेन शाक्य , आमिर गौतम , अरुणा कार्की , पराकर्म पीजेबी राणा , सम्पदा दाहाल , सुवाङ्गम शाह , लियो ट्यांक , मैषा पुन मगर , प्रतिक दुलाल , मनोज तामांग लगायतको अभिनय रहेको छ ।

यस चलचित्रमा राघव कृष्ण गौतमको लेखन , उत्तम हुमागाईको छायांकन , शंकर महर्जनको एक्सन रहेकोछ । यसमा राजन राज शिवाकोटी , पुष्पन प्रधान , कमल खत्री , कोसिस क्षेत्रीको संगीत रेहेको छ भने राजन , पुष्पन र कमलसँगै मिलन अमात्य , श्रेया सोतांग र केतन क्षेत्रीको स्वर रहेकोछ । यसमा निमेष श्रेष्ठको सम्पादन , निलिशा शाक्यको नृत्य निर्देशन , प्रविन मानन्धरको कलर , भिएफएक्स रहेको छ भने यसको चिफएडी अनिल खड्का हुन् । काठमाडौँ , सिम्रौनगठ लगायतका स्थानमा छायांकन गरिएको फिल्मलाई उपत्यकामा गोपाल काजि कायस्थ र मोफसलमा एफडी कम्पनिले वितरण गर्नेछ ।

चलचित्र ‘जात्रै जात्रा’लाई मल्टिप्लेक्समा राम्रो शो

भोली शुक्रबारदेखि रिलिज हुन लागेको बर्षकै प्रतिक्षित चलचित्र ‘जात्रै जात्रा’को देशभरका मल्टिप्लेक्समा बुधबारदेखि बुकिङ खुल्ला गरिएको छ ।
चलचित्रले सबैजसो मल्टिप्लेक्समा राम्रो शो पाएको छ । काठमाण्डौको जय नेपालमा ४, सिभिलमा ४, कुमारीमा ४ र छाया सेन्टरमा यो चलचित्रले ३ शोज पाएको छ । यस्तै, ललितपुरमा रहेको लबिम मलमा चलचित्रले ४ शो पाएको छ ।

क्यूएफएक्स चेनको ५ पर्दामा मात्र चलचित्रलाई १९ शोज दिइएको छ । यस्तै, चितवनको जलमा हलमा ३ शो, पोखराको सिनेप्लेक्समा चलचित्रले ४ शो पाएको छ ।

यस्तै, काठमाण्डौको बीग मुभिजले यो चलचित्रलाई ४ शो दिएको छ । चलचित्रले ओपनिङ सुखद गर्ने अपेक्षा गरिएको छ । चलचित्रका निर्देशक प्रदिप भट्टराई दर्शकको वर्ड अफ माउथ चलचित्रका लागि सुखद हुनेमा विश्वस्त छन् । विपिन कार्की, बर्षा राउत, रविन्द्र झा, रविन्द्र सिंह बाँनिया, राजाराम पौडेल लगायतका कलाकारको मुख्य भूमिका रहेको चलचित्रले पैसा र सुनको कथालाई रोचक तरिकाले उठाएको छ ।

चलचित्र ‘वीर विक्रम २’को ग्राण्ड प्रिमियर

भोलि शुक्रबार बाट प्रदर्शनमा आउन लागेको चलचित्र ‘वीर विक्रम २’को ग्राण्ड प्रिमियर सम्पन्न भएको छ ।बुधबार राजधानीमा बाजा सगै निलो कार्पेटमा सम्पन्न प्रिमियरमा चलचित्रक्रमिको बाक्लो उपस्थिति रहेको थियो ।

चलचित्रको प्रिमियरमा शिव श्रेष्ठ, भुवन केसी, पूजा शर्मा, सन्दीप क्षेत्री,विजय लामा, अनु शाह, प्रमोद खरेल ,तेरिया मगर लगायतका कलाकारले उपस्थिति रहेको थियो जनाए । प्रिमियरमा नायिका वर्षा सिवाकोटी पिङ्क गाउनमा देखिएकी थिहिन  भने पल शाह, नाजिर हुसेन र बुद्दि तामाङ सुटमा फिट देखिएका थिए ।

रोयल प्रिमियरमा सिनेमाका प्राविधिकहरुलाई सम्मान स्वरुप मायाको चिनो वितरण गरिएको थियो । घोषणा समारोह होस् वा प्रिमियर, निर्देशक मिलन चाम्सले तयारीमा कुनै कसर बाँकी छोडेनन् । तामझामले गर्दा प्रिमियरमा रौनक छाएको थियो ।

चलचित्रको ‘वीर विक्रम २’को ग्राण्ड प्रिमियर हेरेर निस्किएका सबैले चलचित्र राम्रो बनेको प्रतिक्रिया दिएका छन् ।चलचित्र ‘फुलडोज इन्टरटेनमेन्ट’ रहेको प्रतिक्रिया दिँदा निर्मण पक्ष हर्षित बनेको थियो ।

चलचित्रमा देशभक्त खनाल, मनोज केसी, विनिसा भण्डारी, क्षितीज सुवेदी, बाल कलाकार मनिष लिम्बु, कृजन गौतम लगायतका कलाकारको पनि अभिनय छ ।सिनेमामा प्रदीप भारद्धाजको कथा, पटकथा तथा संवाद, कविराज गहतरातको कोरियोग्राफी, हिमाल केसीको द्धन्द्व, रञ्जीत गजमेर, ताराप्रकाश लिम्बु र राजनराज सिवाकोटीको संगीत, सुदीप बरालको डिओपी, नवराज उप्रेतीको छायांकन, बनिष शाहको सम्पादन रहेको छ ।

चलचित्र ‘अप्पन’ सेनाद्वारा आयोजित लघु चलचित्र प्रतियोगितामा उत्कृष्ट चलचित्र घोषित

नेपाली सेनाद्वारा आयोजित २०७५ को लघु चलचित्र प्रतियोगितामा ‘अप्पन’ चलचित्र उत्कृष्ट घोषित भएको छ। प्रधानसेनापति पूर्णचन्द्र थापाले जङ्गी अड्डास्थित सभामण्डपमा मंगलबार साँझ आयोजित समारोहमा उक्त चलचित्रका निर्माता कृष्णकुमार महतोलाई नगद दुई लाखसहित प्रशंसापत्र प्रदान गरे।

प्रतियोगितामा गगनकुमार श्रेष्ठको ‘चाहना’ र प्रद्युम्न मिश्रको ‘हातेमालो’ चलचित्र क्रमशः दोस्रो र तेस्रो घोषित भए। दोस्रो हुने चलचित्रलाई एक लाख ५० हजार तथा तेस्रो हुने चलचित्रलाई एक लाख नगद र प्रशंसापत्र प्रदान गरियो। समारोहमा नेपाली सेनाद्वारा प्रकाशित सिपाही वार्षिक र द शिवपुरी जर्नलका उत्कृष्ट तीन लेखलाई पुरस्कृत गरियो। महासेनानी रञ्जीत थापा, प्रमुख सेनानी शिवराज पन्त र चिरञ्जीवी भण्डारीका लेख उत्कृष्ट घोषित भए। उत्कृष्ट घोषित लेखका सर्जकलाई क्रमशः ५० हजार, ३५ हजार र २५ हजार नगद पुरस्कार र कदरपत्र प्रदान गरियो।


सोही समारोहमा प्रधानसेनापति थापाले नेपाली सेनासम्बन्धी विभिन्न जानकारीमूलक मोबाइल एपकोसमेत शुभारम्भ गर। कार्यक्रममा बलाधिकृत रथी शरदकुमार गिरीले सैनिक रेडियो कार्यक्रम प्रशारण गर्ने छ वटा रेडियो तथा एफएम स्टेशनलाई कदरपत्र प्रदान गरे। ‘नेपाली सेनासम्बन्धी बृहत् प्रदर्शनी २०७५’ मा हुने टुमु कोतखाना डिपो, द्वितीय हुने प्रतिविद्रोह तथा जङ्गल वारफेयर शिक्षालय र तृतीय हुने राष्ट्रिय निकुञ्ज तथा वन्यजन्तु आरक्ष निर्देशनालय लगायतलाई पनि समारोहमा प्रशंसापत्र प्रदान गरियो।

प्रत्येक वर्ष नेपाली सेनाले लघु चलचित्र प्रतियोगिता आयोजना गरी उत्कृष्ट लघु चलचित्रलाई पुरस्कृत गर्दै आएको छ। यस्ता प्रतियोगिताले राष्ट्रप्रति जिम्मेवार र कर्तव्यनिष्ठ रही सन्देशमूलक लघु चलचित्र उत्पादनमा उल्लेखनीय भूमिका खेल्ने सैनिक जनसम्पर्क तथा सूचना निर्देशनालयले जनाएको छ। प्रतियोगितामा ११ चलचित्र सहभागी थिए।

सुशिल श्रेष्ठ र रुविना थापाको ‘लभ डायरिज’को पोस्टर सार्वजनिक, असोज ३ गते रिलिज हुने

नायक सुशिल श्रेष्ठ र नव–नायिका रुविना थापाको मुख्य भूमिका रहेको चलचित्र ‘लभ डायरिज’को फर्स्टलूक पोस्टर र प्रदर्शन मिति घोषणा गरिएको छ । । सार्वजनिक पोस्टरमा अभिनेत्री रुबीना थापासँग सुशील रोमान्टिक देखिएका छन् ।

चलचित्र ‘लभ डायरिज’असोज ३ गते रिलिज हुने भएको छ ।युवायुवती बीचको माया प्रेम र कमेडी धारमा चलचित्र निर्माण भएको ‘लभ डायरिज’लाई सौरभ चौधरीले निर्देशन गरेका हुन् ।

चलचित्रमा सुशिल र रुविनाको अलवा विश्वजित रिमाल, विष्णु सापकोटा, अर्जुनजंग शाही, बिशाल पहारीे लगायतको अभिनय रहेको छ ।‘लभ डायरीज’को छायाँकनमा संजय लामा, कोरियोग्राफीमा कविराज गहतराज र चार गीत समावेश संगीतमा अर्जुन पोखरेल रहेका छन् ।


चलचित्रमा साहिल खान एसोसियट निर्देशकको रुपमा छन् । साहिल र मिलन श्रेष्ठले चलचित्रमा सम्पादनको जिम्मा सम्हालेका छन् । चलचित्रमा विनोद सापकोटाको लगानी रहेको छ ।

विनोद सापकोटाले निर्माण गरेको सिनेमामा सरोज तुलाधरले साझेदारी गरेका छन् । सिनेमामा साहिल खानले एसोसियट निर्देशकको रुपमा पहिलो पटक काम गरेका छन् । सिनेमाको सम्पादन समेत साहिल खान हुन्, जहाँ मिलन श्रेष्ठले पनि सहकार्य गरेका छन् ।

अनमोल केसीकी नायिका उपासना ‘कबड्डी कबड्डी कबड्डी’मा ,चलचित्रको आधिकारिक घोषणा

सुपरहिट चलचित्र ‘कबड्डी’को तेस्रो भाग ‘कबड्डी कबड्डी कबड्डी’को आधिकारिक घोषणा गरिएको छ ।सोमबार राजधानीमा एक कार्यक्रमको बिच चलचित्रको कलाकार सहित ‘कबड्डी कबड्डी कबड्डी’निर्माणको घोषणा गरिएको हो ।चलचित्रको सोमबार विहानै चलचित्रको शुभमुहुर्त पनि भएको छ ।

स्वजातिय विवाह र अन्तरजातीय प्रेम सम्वन्धको अन्तरद्वन्द रहने चलचित्रमा दयाहाङ राई, रिश्मा गुरुङ, उपासना सिंह ठकुरी, कर्मा शाक्य, माओत्से गुरुङ, पुष्कर गुरुङ, कविता आले, विल्सन बिक्रम राई, बुद्दि तामाङ, लुनिभा तुलाधर, विजय बराल फाइनल भएका छन् ।

रामबाबु गुरुङकै निर्देशनमा बन्ने चलचित्र ‘कबड्डी कबड्डी कबड्डी’ यसै वर्षको तिहार अघि नै प्रदर्शनमा आउने छ । चलचित्रको छायांकन जेठ पहिलो हप्ताबाट सुरु गरिने छ ।

बासुरी फिल्मसको निर्माण र सिनेमा आर्टको प्रस्तुति रहने चलचित्रमा माउन्टेन स्टोरिज र नौमती इन्टरटेनमेन्टले सहकार्य गरेका छन् । मणिराम पोखरेल, अर्जुन कार्की र ओम चन्द रौनियार सिनेमाका निर्माता हुन् ।

चलचित्रमा शैलेन्द्र ध्वज कार्कीको छायाँकन, निमेष श्रेष्ठको सम्पादनर रोहित शाक्यको पार्श्वसंगीत रहनेछ । चलचित्रमा रामबाबु र उपेन्द्र सुब्बाको लेखन रहेको छ।चलचित्रको छायांकन पोखरा, मुस्ताङ र अन्नपूर्ण आधार शिविर वरपर गर्ने तयारी गरिएको छ ।

दयाहाङ राई अभिनित चलचित्र ‘आप्पा’को अमला गीत सार्वजनिक (भिडियो)

दयाहाङ राई अभिनित चलचित्र ‘आप्पा’को नयाँ ओएसटी गीत अमला गीत सार्वजनिक गरिएको छ । गीत रिलिजसँगै यो सिनेमाको नयाँ रिलिज मिति पनि सार्वजनिक गरिएको छ ।
यसअघि जेष्ठ २४ गते रिलिज हुने भनिएको आप्पा अब असार १३ गतेबाट नेपालभरका सिनेमा घरमा रिलिज हुनेछ । सिनेमाको सार्वजनिक गीतलाई रेनेशा वान्तवा राईले निर्देशन गरेकी हुन् । सिनेमाको सार्वजनिक गीतमा हर्क साउँदको शब्द, एसडी योगी र सुशान्त गौतमको संगीत तथा मेलिना राई र एसडी योगीको स्वर छ । गीतको भिडियोलाई किरण थापा, बुद्ध लामा र सुरैन राईले कोरियोग्राफी गरेका हुन् । रवी न्यौपानेले छायाँकन गरेको गीतलाई निमेष श्रेष्ठले सम्पादन गरेका हुन् ।
बाबु छोराको सम्बन्धको कथामा निर्माण भएको सिनेमालाई अनमोल गुरुङले निर्देशन गरेका हुन् । यो अनमोलको डेब्यु निर्देशकिय सिनेमा हो । अ माउन्टेन स्टोरीज प्रोडक्सन र सिनेमा आर्टको संयुक्त ब्यानरमा निर्माण भएको सिनेमाका कार्यकारी निर्माता हुन् । ‘आप्पा’मा रुदेन सादा लेप्चाको लगानी रहेको छ ।
https://www.youtube.com/watch?v=V01GTobQVtw
सिनेमामा दयाहाङ राई, सिद्धान्त राज तामाङ र अल्लोना काबो लेप्चाका अलवा बरिष्ठ निर्देशक तथा निर्माता तुलसी घिमिरे, अरुणा कार्की लगायतका कलाकारको समेत मुख्य भुमिका रहेको छ । ‘आप्पा’मा निर्देशक अनमोल गुरुङको कथा, अनमोल गुरुङ र उमेश उपमाको पटकथा तथा संवाद, शैलेन्द्र डि कार्कीको छायाँकन, अनमोल गुरुङ र शैकात देवको संगीत, निमेष श्रेष्ठको सम्पादन सिनेमामा रहेको छ ।

चलचित्र ‘कुम्भ करण’ को ट्रेलर सार्वजनिक (भिडियो)

जेठ १७ गते प्रदर्शनमा आउन लागेको चलचित्र ‘कुम्भ करण’ को ट्रेलर सार्वजनिक भएको छ ।शुक्रबार राजधानीमा एक कार्यक्रम को बिच चलचित्र  ट्रेलर सार्वजनिक  गरिएको हो। ट्रेलरमा गौरव पहरी, भोलाराज सापकोटा र अभय बराल नायिका निशा अधिकारीको पछि परेको देखाइएको छ ।

चलचित्रमा भोला राज सापकोटा, निशा अधिकारी, गौरव पहाडी, अभय बराल, प्रमोद अग्रहरी, आकाश पल, कुलदिप अधिकारी, कमल गाउँले, प्रतिभा क्षेत्री लगायतका कलाकारको अभिनय रहेको छ ।निर्माण भएको लामो समयपछि यो चलचित्र रिलिज हुन लागेको छ ।

चलचित्रलाई दीपक ओलीले  निर्देशन गरेका हुन् ।चलचित्रलाई क्षितिज बस्नेत, चित्र बहादुर घर्ती मगर चुप्निधी रिजालले निमार्ण गरेका हुन् ।  रोम ओली कार्यकारी निर्माताका रहेको ‘कुम्भ करण’ गिरप्रसाद घर्ती मगर र विजय श्रेष्ठ चलचित्रका सह निर्मता हुन् ।

हरि घले लामाले छायांकन गरेको फिल्मलाई मिलन श्रेष्ठले सम्पादन गरेका हुन् । फिल्मको कथा, पटकथा महेश दवाडीले तयार पारेका छन् ।एउटा गाउ“को विद्यालयमा अध्यापन गराउने शिक्षकहरुको बिषय बस्तुमा चलचित्र निर्माण गरिएको हो ।

सबिन श्रेष्ठ अभिनित चलचित्र ‘ काउसो’ को अफिसियल ट्रेलर सार्वजनिक (भिडियो)

नायक सबिन श्रेष्ठको मुख्य भूमिका रहेको चलचित्र’ काउसोको अफिसियल ट्रेलर सार्वजनिक गरेको छ | अर्नभ फिल्मस प्रोडक्सन प्रा.लि’को प्रस्तुतिमा निर्माण भएको चलचित्र’ काउसो’ सार्वजनिक ट्रेलर एक्सन ,कमेडी जनरा रहेको छ| चलचित्र आउदो जेठ १७ गते देखि अल नेपाल प्रदर्शन हुने भएको छ |

चलचित्रमा सबिन श्रेष्ठ, सगै अर्जुन गुरुङ, रमेश बुढाथोकी, अनु पराजुली,रामचन्द्र अधिकारी, नबिन आचार्य ,सुरेन्द्र चापागाई, सन्नी भट्टराई, सोनीका बास्तोला ,उग्रसेन ढुंगाना र बाल कलाकारमा असिम तिमल्सिना आदि को अभिनाय रहेको छ ।

प्रस्तुतकर्ता अर्नभ बस्नेत हुन् भने निर्माता मा राजेन्द्र बस्नेत ,सिताराम तिमल्सिना ज्याक, भगवान खत्री रहेका छन । चलचित्रको कथा तथा निर्देशन मदन घिमिरेको पटकथा/ संबाद भोजराज देवकोटाको चलचित्रमा संगीत बिकास चौधरी, द्न्द् शंकर महर्जन र नृत्यमा बिक्रम स्वार छायाँकन रामेश्वर हुमागाईको सम्पादन नबिन निरौलाको प्रोडक्सन डिजाईनर सुर्य बुढाथोकीको रहेको चलचित्रको कार्यकारी निर्मातामा अन्चिला केसी रहेकी छिन् भने चलचित्र उपत्यका भित्र बिके फिल्मस र उपत्यका बाहिरको लागि एफडी कम्पनीले बितरण गर्ने भएको छ |

प्रथम नायिकाको फिल्म ’साइनो’ को रिलिज डेट घोषणा

नेपालको पहिलो फिल्म’आमा’की नायिका भुवन चन्द थापाले निर्माण गरेको फिल्म ‘साइनो’ले नयाँ रिलिज मिति घोषणा गरेको छ । त्रिकोणात्मक प्रेमकथामा आधारित फिल्म’साइनो’मा डेब्यु ब्वाइ राजकुमारसँग ‘लालपूर्जा’ फेम्ड एक्ट्रेस मिरुना मगरले अनस्क्रिन रोमान्स गरेकी छन् ।

फिल्म ‘साइनो’का कार्यकारी निर्माता शरण थापाका अनुसार फिल्म अब साउन २४ गते रिलिज हुने भएको छ । रमेश थापाले निर्देशन गरेको फिल्ममा नीता ढुंगाना, मिरुना मगर, राजकुमार, भुवन चन्द, मदनदास श्रेष्ठ, राजा राजेन्द्र पोखरेल, बसुन्धरा भुषाल, रोयदीप श्रेष्ठ, धमेन्द्र आचार्य, विशाल पहाडी, वसुकला मैनाली लगायतका कलाकारहरुको अभिनय रहेको छ । फिल्म रामेश्वर कार्कीले खिचेका हुन् भने बनिश शाहले सम्पादन गरेका छन् ।