Thursday , 20 June 2019
News update
Home >> kollywood (page 4)

kollywood

चलचित्र ‘न यता न उता’ को शिर्ष गीत सार्वजनिक ,श्रावण १७ मा रिलिज हुने

गतवर्षको माघ २५ गतेबाट प्रदर्शनको तयारी गरिएको सिनेमा ‘न यता न उता’को रिलिज प्राविधिक कारणले पोस्टपोण्ड गरिएको थियो । माघ २५ को रिलिजलाई टार्गेट गरेर निर्माण टिमले सिनेमाको गीतसंगीत, ट्रेलर, पोष्टर समेत सार्वजनिक गरिसकेको थियो । तर, अन्तिममा आएर प्राविधिक कारण देखाउँदै रिलिज पोस्टपोण्ड गरेको सिनेमाको निर्माण टिमले शुक्रबार ‘न यता न उता’को नयाँ रिलिज मिति पक्का गरेको हो ।

अब यो सिनेमा आगामी श्रावण १७ गतेबाट प्रदर्शन हुने भएको छ । सिनेमाको प्रर्दशन मिती पक्का गरेसँगै निर्माण ‘न यता न उता’ बोलको शिर्ष गीत पनि गरेको छ । सुरज विक्रम थापा बुलेट फ्लोको कम्पोज तथा शब्द, संगीत रहेको गीतमा उनलाई एक्स प्रिति कौरले स्वरमा साथ दिएकी छन् । सिनेमाको सार्वजनिक गीतमा मुख्य कलाकार मिस्टर प्रिन्स, मिराज रोश, समिर दिक्षित, नम्रता सापकोटा, प्रिति कौरलाई फिचर्ड गरिएको छ । सार्वजनिक गीतको भिडियोलाई शिशिर घर्तिले कोरियोग्राफी गरेका हुन् ।

‘न यता न उता’मा छुल्ठिम गुरुङ, बुद्धि तामाङ, रविन्द्र झा, सिल्सा जिरेल, राजाराम पौडेल, कमलमणी नेपाल, जीवन भट्टराई, किरण राई, नमिता घिसिङ, अनु दाहाल, लुनिभा तुलाधार, अन्ना देउजा, सान्तना भट्टराई, भिमा मैनाली, राजन खतिवडा, सागर ढकाल, पवन ढकाल, विशारद बस्नेत, राजन मुकारुङ र जयनन्द लामाको पनि अभिनय रहेको छ । सिनेमालाई विशारद बस्नेत र मिराज रोशले मिलेर निर्देशन गरेका हुन् ।

‘न यता न उता’को कथा तथा पटकथा मिराज रोशले तयार पारेका हुन् । भने, सिनेमाको संवाद अभिमन्यु निरबीले लेखेका हुन् । रिना लामा कार्यकारी निर्माता रहेको सिनेमामा अमित अर्याल, बेनकण्ठ मकाजु, विजय अवाले, विनिता अधिकारी, डाक्टर निराजन प्रधान, प्रतिक कर्माचार्य लगायतको लगानी रहेको छ । अरोन अशोक कुमारले छायाँकन गरेको सिनेमालाई विपिन मल्लले सम्पादन गरेका हुन् ।

प्रदीप खड्कासग ‘प्रेमगीत ३’ यी २५ जनामा एक जनाले रोमान्स गर्दै

चलचित्र ‘प्रेमगीत ३’ का लागी ‘गीत’ को क्यारेक्टरको खोजी भैरहेको छ। चलचित्रको गीतको अडिसनका लागी निर्माण टिमले केहि समय अगाडी अडिसन आह्वान गरेको थियो। २७१४ युवतीको आवेदनबाट निर्माण टिमले २५ युवतीलाई छनोट गरेको छ। १८-२५ बर्षका युवतीहरुले लिड क्यारेक्टरका लागी अडिसन दिएका थिए।

त्यसमध्येबाट उत्कृष्ट २५ जना युवती अडिसनका लागि छनौट गरिएको निर्माता सन्तोष सेनले जानकारी दिए । २५ जनामध्ये उत्कृष्ट एक जना युवतीले नायक प्रदीप खड्कासँग प्रेमगीत ३ मा अभिनय गर्नेछिन् ।निर्माता सन्तोष सेन, निर्देशक छेतेन गुरुङ, सिनेम्याटोग्राफर राजेश श्रेष्ठ लगायतको टिमले टप २५ छनोट गरेको हो।

अडिसनका लागी शिर्ष २५ छनोट भएका केहि युवति म्युजिक भिडियो र चलचित्रमा काम गरेका परेका छन्। ‘ची मुसी ची’ डेव्यु अभिनेत्री एलिशा शर्मा, मोडल अन्जली लामा, सय कडा दश अभिनेत्री करुणा श्रेष्ठ, बुगी वुगी च्याम्पियन कविता नेपाली, मोडल कृष्टिन थापा, लाक्पा शेर्पा, पुजा तिवारी लगायात ग्ल्यामर फिल्डमा सक्रिय रहेका छन्। धेरै नया मुहार पनि यो लिष्टमा रहेका छन्। छेतन गुरुङ र निर्माता शेनले संयुक्त रुपमा निर्देशन गर्ने चलचित्र चैत्र २८ गतेबाट रिलिज हुनेछ ।

दीपक-दीपा र रोहित अधिकारीको चलचित्र ‘छ माया छपक्कै’को छायांकन शुरू

बिहिबारबाट  चलचित्र ‘छ माया छपक्कै’को छायांकन शुरू भएको छ ।चलचित्रमा दीपकराज गिरी, केदार घिमिरे, दीपाश्री निरौला, केकी अधिकारी मुख्य भूमिकामा छन् ।

कमेडी जनरामा निर्माण हुन लागेको चलचित्र ‘छ माया छपक्कै’ लाई दीपेन्द्र लामाले निर्देशन गर्नेछन् । चलचित्रमा दीपकराज गिरीको पटकथा रहने छ भने संवाद अभिमन्यू निरवी, दीपक, जितु नेपाल र केदार घिमिरेले संयुक्त रुपमा मिलेर लेखेका हुन् । निर्देशन सल्लाहकारको रुपमा दीपाश्री निरौला रहेकी छिन् ।

चलचित्रमा जितु नेपाल र केदार घिमिरे कार्यकारी निर्माताको रुपमा रहेका छन् ।दीपक शर्माको संगीत रहने यस चलचित्रमा कविराज गहतराजको नुत्य,रोशन श्रेष्ठको एक्शन,हरि हुमागाईको छायांकन तथा बिपिन मल्लको सम्पादन रहने छ ।

आगामी बडा दशैलाई रिलिज गरिने चलचित्र ‘छ माया छपक्कै’  निर्माता रोहित अधिकारीले निर्माण गर्न लागेका हुन् । चलचित्रलाई आमा सरस्वती मूभिज, रोहित अधिकारी फिल्मस र आइएमइले मिलेर निर्माण गर्ने भएका हुन्  ।करिब बजेट २ करोड लगानी रहने यस चलचित्रको सबै लगानी रोहित अधिकारी फिल्मसको हुनेछ भने नाफाको  ५० प्रतिशत दीपक–दीपा टिमले  लिनेछन् ।

अनुप विक्रम शाही अभिनित ‘कप्स’को अफिसियल पोष्टर सार्वजनिक

यहि  जेष्ठ १७ गतेबाट प्रदर्शनको तयारीमा रहेको सिनेमा कप्सको अफिसियल पोष्टर सार्वजनिक गरिएको छ । सिनेमाको सार्वजनिक २ पोष्टरमा मुख्य कलाकार अनुप विक्रम शाही, सन्दीपा लिम्बु, अनुपमा भण्डारी, अमित गिरीलगायतका कलाकारलाई स्थान दिइएको छ ।

सत्य सेवा सुरक्षणम्को नारा दिइएको सिनेमाले नेपाल प्रहरी, पोलिटिक्स, पत्रकार र पब्लीकको कथा भन्ने निर्देशक सम्राट सापकोटाले बताए । सिनेमालाई सम्राट सापकोटाले निर्देशन गरेका हुन् । यो उनको डेव्यु निर्देशकिय सिनेमा हो । प्रायः हिरोसँग बदला लिने चरित्रमा मात्र प्रस्तुत हुँदै आएका उनले यसमा एक सच्चा प्रहरी अधिकृतको भूमिका निभाएको बताए । सिनेमालाई सम्राट सापकोटाले निर्देशन गरेका हुन् ।

‘कप्स’मा अनुपविक्रम र संन्दीपाका अलवा अमित गिरी, रामराज क्षेत्री, पुरन जोशी, नन्दु श्रीवास्तब, सुन्दर श्रेष्ठ, बब्लु विक्रम थापा, अनुपमा भण्डारी, रोशन सुवेदीलगायतका कलाकारहरुको पनि अभिनय रहेको छ । ‘आर्या मुभिज’ र ‘सारा श्री मुभिज’को संयुक्त व्यानरमा निर्माण भएको सिनेमालाई राम शाक्यले निर्माण गरेका हुन् । एक्सन र लभस्टोरी जनरामा बनेको सिनेमामा सुशान्त प्रजापतिको छायांकन, कविराज गहतराज र शिशिर खातीको कोरियोग्राफी, विजय घिमिरे र स्वयम्भुराज शाक्यको संगीत, अष्ट महर्जनको द्वन्द्व, विपिन मल्लको सम्पादन रहेको छ ।

चलचित्र ‘रेस’को ट्रेलर सार्वजनिक (भिडियो)

चलचित्र ‘रेस’को ट्रेलर सार्वजनिक गरिएको छ । चलचित्र प्रदर्शन मिति नजिकिदै जादा निर्माण पक्षले ट्रेलर सार्वजनिक गरेको हो । चलचित्र यही जेठ २४ गतेदेखि देशभरका सिनेमाघरमा आउँदै छ ।

माता पाथिभरा फिल्मस् र लिबांग फिल्मस् प्रोडक्सन प्रालि को संयुक्त प्रस्तुति रहेको चलचित्र ‘रेस’मा नीता ढुंगाना, पुष्पा लिम्बु, सुलेमान (ईकु), किरण केसी, जियान र एजेश सैंजुको मुख्य भूमिका छ । चलचित्रलाई नेपाल मात्र नभई विदेशमा पनि सार्वजनिक गर्ने निर्माण टिमले जनाएको छ ।
किशोर सुब्बाको लेखन, निर्माण र निर्देशन रहेको यो चलचित्रमा मौनता श्रेष्ठको पटकथा र संवाद, आनन्द राई र सञ्जित लामाको सङ्गीत, गोविन्द राईको नृत्य, शंकर महर्जनको द्वन्द्व रहेको छ ।

चलचित्रका मुख्य निर्माता हस्त लिबांग हुन भने निर्माताहरुमा बिशाल थेबे, हेमन्त गौतम, चन्द्र लिम्बू, सञ्जिब लिङ्गदेन र राज सेम्बू, कार्यकारी निर्माता किशोर पालुङ्गवा तथा सहनिर्मातामा पासाङ ह्याल्मो, रबी कुमार गुरुङ र पदम चोंगबाङ्ग रहेका छन् ।

यतिवेला चलचित्रका मुख्य निर्माता हस्त लिबांग र किशोर सुब्बा पूर्वाञ्चलका विभिन्न स्थानहरुमा चलचित्र प्रमोशनका लागि पुगेका छन् ।
सुब्बाले यसअघि चलचित्र खुर्पा, खुकुरी, मिसन नेपाललगायतका चलचित्र निर्देशन गरीसकेका छन् ।

आर्यन सिग्देल अभिनित चलचित्र ’च च हुई’ को छायाँकन हङकङमा

चलचित्र  ‘लेटर’ मार्फत  निर्देशनमा हात हालेका साम्तेन भुटियाको निर्देशनमा तयार भइरहेको पछिल्लो चलचित्र ’च च हुई’ को छायाँकन गत साता देखि हङकङमा भईरहेको छ । एक साताको सेड्युल लिएर गत शुक्रबार त्यसतर्फ टोलि प्रस्थान गरेको थियो । तान्द्रो ,अनागत , सुस्केरा र साढे सात निर्देशन गरिसकेका साम्तेन यसपटक कमर्सियल फिल्म निर्देशन गरिरहेका छन् ।

नर्थ पोइन्ट , जोर्डन , गार्डेन हिल लगायतका रमणीय स्थानमा फिल्मको छायाँकन भइरहेको छ । फिल्मको छायाँकनको लागि अभिनेता आर्यन सिग्देल , माओत्से गुरुङ र भोला राज सापकोटासँगै छायाँकार सुशन प्रजापति , निर्देशक साम्तेन भुटिया , निर्माता अमृत घोले लामा लगायत हङकङमा छन् ।

त्यहाँ आर्यन र भोलाको विभिन्न दृश्यको छायाँकन भइरहेको छ । पुस्कर गुरुङ , मिरुना मगर , बबिता मल्ल लगायतको अभिनय रहेको फिल्मको हिमाली भेगमा शुटिङ सकिएपछी यतिबेला टिम हङकङ पुगेको हो । त्यसपछि नेपाल आएर फिल्मको गीतको छायाँकन गर्ने निर्माता अमृत घोले लामाले बताए । एजीएल इन्टरटेनमेन्टको ब्यानरमा निर्मित यो कमेडी जनरको फिल्म हो भने यसलाई सिजन दाहाल र संदेश अर्यालले लेखेका हुन् । ‘यसपटक कमर्सियल फिल्मको जमर्को गरेको छु’ साम्तेन भन्छन् ‘फिल्म मार्फत दर्शकलाई भरपुर मनोरंजन दिलाउने प्रयास रहनेछ ।’

फिल्ममा पछिल्लो समयका चर्चित संगीतकार राजनराज शिवाकोटी र रोशन थापाको संगीत रहेको छ । रोशनको संगीत रहेका गीतहरुमा लुटको उध्रेको चोली र जात्राको नोट नोटले चर्चा पाएका थिए ।

‘जात्रै जात्रा’लाई नेपालसगै अष्ट्रेलियामा पनि दर्शकको राम्रो साथ

जेष्ठ ३ गते शुक्रबारबाट प्रदर्शन भैरहेको सिनेमा ‘जात्रै जात्रा’ले बक्सअफिसमा राम्रो कारोबार गरिरहेको छ । नेपालमा सफलताको साथ प्रर्दशन भइरहेको सिनेमाले अष्ट्रेलियामा पनि दर्शकको राम्रो साथ पाएको निर्माण टिमले जनाएको छ ।

‘जात्रै जात्रा’ अष्ट्रेलियाको व्रिजवेन, सिड्नी र तासमानिया लगायत सहरमा प्रर्दशन भइरहहेको छ । यो सिनेमालाई दर्शकले रुचाएपछि अष्ट्रेलियामा केही शो थपिएको छ । सिड्नीमा पहिला ४ शो तोकिएको थियो । दर्शकको चाप अत्याधिक बढेपछि ८ शो बनाइएको छ ।

त्यस्तै एडिलेडमा दर्शकको चापलाई व्यवस्थापन गर्न पहिलो पटक एकचोटी तीन वटा हलमा एकै पटक ‘जात्रै जात्रा’ प्रशर्दन गरिने भएको छ । यो सिनेमालाई अष्ट्रेलियामा ‘हो र होइन होला इभेन्ट’ले वितरण जिम्मा लिएको थियो । प्रदिप भट्टराईले निर्देशन गरेको सिनेमामा विपिन कार्की, दयाहाङ राई, वर्षा राउत, रविन्द्र झा, रविन्द्र सिंह बानियाँ, राजाराम पौडेल लगायत कालाकारको अभिनय रहेको छ ।

पाँच पत्रकारलाई सम्मानित र पुरस्कृत गर्दै ‘चलचित्र पत्रकारिता दिवस २०७६’सम्पन्न

जेष्ठ ७ गते मंगलबार चलचित्र पत्रकार संघ, नेपालले आफ्नो २० औं वार्षिक उत्सव तथा ‘चलचित्र पत्रकारिता दिवस २०७६’ एक भव्य कार्यक्रमका वीच मनाएको छ । यस्तै चलचित्र पत्रकारिता दिवसको अवसरमा चलचित्र पत्रकार संघ, नेपालले पाँच सिनेमा पत्रकारलाई सम्मान तथा पुरस्कार गरेको छ । राजधानीमा एक कार्यक्रमका बीच नरेश भट्टराई र श्याम स्मृतलाई ’चलचित्र पत्रकारिता सम्मान २०७६’ र कुवेर गिरी र शारदा थापालाई ’चलचित्र पत्रकारिता पुरस्कार २०७६’ प्रदान गर्यो । भने, फोटो पत्रकार बिनोद पोखरेललाई चलचित्र पत्रकारिता प्रोत्साहन पुरस्कार २०७६ प्रदान गरियो ।

पुरस्कृत गिरी र थापालाई २१ हजार रुपैयाँ समेत प्रदान गरिएको थियो । भने, मेरो फिल्म डटकममा कार्यरत फोटो पत्रकार पोखरेललाई एक थान ल्यापटप, ताम्रपत्र र ट्रफी प्रदान गरिएको थियो । आफ्नो स्थापना दिवस ७ जेठलाई संघले चलचित्र पत्रकारिता दिवसका रूपमा मनाउँदै आएको छ । संघले सम्मान र पुरस्कारसहित विभिन्न कार्यक्रम गरेर चलचित्र पत्रकारिता दिवस यस वर्ष पनि भव्य रुपमा मनाएको हो ।

सञ्चार तथा सूचना प्रविधि राज्यमन्त्री गोकुल प्रसाद बाँस्कोटाले सम्मानित तथा पुरस्कृत पाँच जना सिनेमा पत्रकारलाई सम्मान पत्र हस्तान्तरण गरेका थिए । संघको वार्षिक उत्सवमा बोल्दै राज्यमन्त्री बाँस्कोटाले चलचित्र पत्रकारको हकहितमा काम गर्न राज्य सधैं तयार रहेको बताए । बास्कोटाले अगाडी भने ’ आफ्नो ठाउँमा सम्पुर्ण क्षेत्र राम्रो बनेमात्र देशको विकास हुन्छ । चलचित्र पत्रकारिताको क्षेत्रमा सरकारले गर्न सक्ने सम्पुर्ण सहयोग सरकार तयार रहेको उनले सुनाए ।’

यस्तै चलचित्र पत्रकारिता दिवस कार्यक्रममा संघका पुर्व अध्यक्ष विदुर गिरी, चलचित्र विकास बोर्डका अध्यक्ष केशव भट्टराई, निर्देश समाजकी अध्यक्ष सुचित्रा श्रेष्ठ, निर्देशक दीपाश्री निरौला, निर्माता तथा अभिनेता दीपक राज गिरी, निर्माता संद्धका उपाध्यक्ष माधव वाग्ले, सदावहार अभिनेता भुवन केसी, अभिनेत्री तथा नेत्री करिष्मा मानन्धरलगायतले आफ्नो शुभकामना मन्तव्य राखेका थिए ।

कार्यक्रमको समापनमा बोल्दै चलचित्र पत्रकार संघ, नेपालका अध्यक्ष सन्दीप सापकोटाले नेपाली सिनेमाको विकासमा सिने पत्रकारको योगदानको चर्चा गर्दै संघ सधै पत्रकारहरुको हकहितका लागि लड्न तयार रहेको बताए । चलचित्र पत्रकार संघको वार्षिक उत्सवमा करिश्मा मानन्धर, भुवन केसी, दीपकराज गिरी, केदार घिमिरे, नीता ढुंगाना, रमेश उप्रेती, बेनिशा हमाल, केकी अधिकारी, रिमा विश्वकर्मा, बाल कलाकार अनुभव रेग्मी, निर्माता माधव वाग्ले लगायतका सिनेमाकर्मी र सिनेमा पत्रकारको कार्यक्रममा बाक्लो उपस्थिति रहेको थियो ।

दयाहाङ राईको चलचित्र ‘आप्पा’को प्रचारको नयाँ शैली

असार १३ गतेदेखि प्रदर्शनमा आउन लागेको चलचित्र ‘आप्पा’ले प्रचारको नयाँ शैली अपनाएको छ । चलचित्रले स्टोरी र भिडियो च्यालेन्जको योजना अगाडि सारेको छ ।‘आप्पा’ले भिडियोमार्फत सार्वजनिक गरिएको ‘आप्पा स्टोरी च्यालेन्ज’को बारेमा अभिनेता दयाहाङ राईले जानकारी दिएका छन् । बुवा-छोरोका कथा भन्ने चलचित्रमा दयाहाङ राई आप्पा (बुवा)को भूमिकामा छन् । चलचित्रमा सिद्दार्थराज तामाङले छोराको भूमिका निर्वाह गरेका छन् ।

‘आप्पा स्टोरी च्यालेन्ज’मा दुई माध्यमबाट सहभागिता जनाउन सकिनेछ । फोटो स्टोरी च्यालेन्जमा भाग लिन चाहनेले आफ्नो बुवासँगको फोटो वा बुवाको मात्र फोटोमा क्याप्सन दिँदै ‘आप्पा’लाई भन्न मन लागेको कुरा लेख्नु पर्नेछ । र उक्त पोस्टलाई ‘आप्पा नेपाली मुभी’को फेसबुक वा इन्स्टाग्रामको अफिसियल पेजमा ट्याग गर्नुपर्नेछ । अन्तिममा उक्त पोस्ट आफ्नो तीन  जना साथिलाई ट्याग गरेर च्यालेन्जको लागि आग्रह पनि गर्नु पर्नेछ ।

भिडियो स्टोरी मार्फत सहभागिता जनाउन चाहनेले पनि फोटो च्यालेन्जमा जस्तै बुवा (आप्पा)सँगको भिडियो अपलोड गरेर ‘आप्पा’लाई भन्न मन लागेको कुरा व्यक्त गर्नुपर्नेछ । फोटोमा जस्तै तीन जना साथी र ‘आप्पा’ सिनेमाको फेसबुक र इन्स्टाग्राममा भिडियो ट्याग गरेर ‘आप्पा स्टोरी च्यालेन्ज’को बारेमा बताउनु पर्नेछ ।

च्यालेन्जमा सहभागीमध्ये जसको स्टोरी प्रेरणादायी हुन्छ उसलाई विजेता घोषित गरिनेछ । फोटो स्टोरीको विजेताले २५ हजार नगद र ‘आप्पा’ सिनेमा प्रिमियरको दुईवटा टिकट प्राप्त गर्नेछन् भने भिडियो स्टोरीतर्फको उत्कृष्ट एक जनाले ५० हजार नगद र प्रिमियरको दुई वटा टिकट जित्नेछन् ।

असार ६ गते भित्र च्यालेन्जमा सहभागिता जनाइसक्नु पर्नेछ । अनमोल गुरुङले निर्देशन गरेको चलचित्र ‘आप्पा’मा तुलसी घिमिरे, अरुणा कार्की, अल्लोना कबो लेप्चा, सम्राट विश्वासलगायतको अभिनय छ ।

मदन भण्डारीको मृत्युमा आधारित चलचित्र ’दासढुंगा २’ निर्माण हुने

नेपाल कम्युनिष्ट पार्टी ‘एमाले’का तात्कालिन महासचिव मदन भण्डारीको मृत्युमा आधारित चलचित्र ‘दासढुंगा’को दोस्रो भाग निर्माण हुने भएको छ । सन् २०१० मा निर्देशक मनोज पण्डितले ‘दासढुंगा’ रिलिज गरेका थिए ।

दासढुंगा काण्ड पछि त्यसको प्रत्यक्ष असर परेका क्षेत्रको कथालाई सिनेमाले उठाउने छ । जसको लागि अनुसन्धान भैरहेको निर्माता अपिल विष्टले जानकारी दिए । सोमबार सिनेमाको थिम पोस्टर पनि सार्वजनिक गरिएको छ । जहाँ ‘राष्ट्रपति, प्रधानमन्त्री, राजनीति र दर्घटना’लाई सिनेमाले केलाउने प्रष्ट्याइएको छ । सिनेमाले ‘दासढुंगा’ हत्या हो कि दुर्घटना हो ? भन्ने प्रश्नको चिरफार पनि गर्ने विष्टले बताए ।

कास्ट एण्ड क्रु फाइनल भैसकेका छैनन् । हप्ता दिनमा त्यो पनि फाइनल हुने निर्माता विष्टले जानकारी दिए । चलचित्रमा केहि ‘दासढुंगा’का कलाकार हुनेछन् भने, केहि नयाँको इन्ट्री हुनेछ । ’दासढुंगा २’ चलचित्रको  लेखन र निर्देशन भने कुमार भट्टराईले गर्नेछन् ।

अपिल विष्ट फिल्मसको प्रस्तुति रहने ’दासढुंगा २’ सँग अस सिनेमा र म्याजिक माउन्टेन मुभिजले सहकार्य गरेका छन् । कुशल पाण्डे निर्माता रहने सिनेमामा दीपक ओली र प्रकाश केसीले कार्यकारी निर्माताको भूमिका निर्वाह गर्नेछन् । भने, सह-निर्मातामा प्रदीप आचार्य रहेका छन् ।