Thursday , 20 June 2019
News update
Home >> kollywood (page 5)

kollywood

निर्माता संघ र लुम्बिनी जेनेरल इन्सुरेन्स बीच ‘चलचित्र प्रोजेक्ट बिमा’को सम्झौता

निर्माता संघ र लुम्बिनी जेनेरल इन्सुरेन्स बीच ‘चलचित्र प्रोजेक्ट बिमा’को औपचारीक सम्झौता भएको छ। चलचित्र निर्माणका क्रममा आइ पर्ने भैपरीलाइ मध्यनजर गर्दै निर्माता संघ र इन्सुरेन्स कम्पनि बीच सम्झौता भएको हो। सोमबार राजधानीमा एक कार्यक्रमका बीच निर्माता संघका अध्यक्ष आकाश अधिकारी र लुम्बिनी इन्सुरेन्सका सिइओ एन.पि प्रधानले सम्झौता पत्रमा हस्ताक्षर गरॆका छन्।

निर्माता संघले स्वीकृति दिएपछि मात्र निर्माताले चलाचित्रको इन्सुरेन्स गर्न पाउनेछन। निर्माताले चलचित्र विकास वोर्डमा आफ्नो चलचित्र दर्ता गर्दा भरेको लगानी विवरणको एक प्रतिसत रकम बिमा कम्पनीलाई बुझाउनु पर्ने हुन्छ। उक्त एक प्रतिशत रकमको पाँच प्रतिशत रकम इन्सुरेन्स कम्पनीले निर्माता संघमा बुझाउने छ।

चलचित्र छायांकनका क्रममा हुने हानिको इन्सुरेन्स कम्पनीले एक महिना भित्र भुक्तानी गर्ने सीइओ प्रधानले बताए। भ्यालुएटर र सर्वेक्षकले निर्धारण गरेको रकम बिमा कम्पनीले भुक्तानी गर्ने उनले जानकारी दिए। यो सम्पूर्ण प्रक्रियाको लागि निर्माता संघले निर्मातालाई सहयोग गर्नेछ।

यो बिमा स्वेच्छाले गर्ने हो। यदि कसैले दुर्घटना बिमा मात्र गर्छु भन्न पनि पाउने र कसैले प्रोजेक्ट बिमा गर्छु भन्यो भने दुर्घटना बिमा गर्नु नपर्ने संघका अध्यक्ष अधिकारीले बताए। यस प्रोजेक्ट बिमाले निर्माता लगायत फिल्म क्षेत्रलाइ सुरक्षित गर्ने सम्पूर्ण निर्माताको ठम्याई छ।

कार्यक्रममा नेपाल चलचित्र निर्माता संघका तर्फबाट अध्यक्ष आकाश अधिकारी सहित बरीष्ठ उपाध्यक्ष उदय सुब्बा, उपाध्यक्ष बिमल पौडेल, महासचिव रोज राणा तथा अन्य सदस्य हरुको उपस्थिति थियो भने लुम्बिनी जेनेरल इन्स्योरेन्सको तर्फबाट सिइओ एन पि प्रधान सहित बि.के श्रेष्ठ र अन्य कर्मचारीहरुको उपस्थिति थियो ।

पूजा शर्मा,आकाश श्रेष्ठ सौगात मल्ल र सृष्टि श्रेष्ठको ‘पोइ पर्यो काले’को मुर्हूत

सोमबार राजधानीमा एक कार्यक्रमको बिच चलचित्र ‘पोइ पर्यो काले’को शुभ मुर्हूत गरिएको छ । चलचित्र बिकास बोर्डका अध्यक्ष केशव भट्टराईले निर्देशकको भूमिका निर्वाह गर्दा चलचित्र पत्रकार संघका अध्यक्ष सन्दिप सापकोटाले क्ल्याप ठोके । भने , निर्देशक सम्झना उप्रेती रौनियारले क्यामरा अन गरिन । वितरक गोपालकाजी कायस्थले नरिवल फूटाउँदै सबैले सफलताको शुभकामना व्यक्त गरे ।

‘तिमि सँग’ निर्देशक गरेका हुने शिशिर राणाले चलचित्र ‘पोइ पर्यो काले’ लाई निर्देशन गर्दैछन्। चलचित्रमा  सौगात मल्ल, पूजा शर्मा, सृष्टि श्रेष्ठ, आकाश श्रेष्ठ, सुरक्षा पन्त , सोहित मानन्धर,राजाराम पौडेल, बिन्दा खतिवडा, जयनन्द लामा, गोपाल ढकाल (छन्दे)लगायतका कलाकारको पनि अभिनय रहनेछ ।

जेठ १३ बाट छायाँकनमा जाने  कमेडी जनराको यस चलचित्रको कथा निर्देशक स्वयम्ले लेखेका हुन् ।चलचित्रमा सुवास भुसाल र  पुरुषोत्तम न्यौपानेको संगीत , शिव ढकालको छायाँकन, तारा थापा ‘किम्भे’को सम्पादन तथा कविराज गहतराज,रामजी लामिछाने ,रविन शाहको कोरियोग्राफी रहनेछ ।

श्याम बहादुर थापा प्रस्तुतकर्ता रहने चलचित्र ‘पोइ पर्यो काले’लाई दिपक मनाङ्गे र अ.देवी राईले निर्माण गर्नेछन् । चलचित्रको कार्यकारी निर्मातामा किरण नेपाली र रघु परियार छन् । भने, अर्जुन खनिया र देव तामाङको सह-निर्माण रहनेछ । कार्तिक ८ दिपावलीको दिनलाई सिनेमाको रिलिज डेट तय गरिएको छ ।

‘रातो टिका निधारमा’ साम्राज्ञीले नव नायक अंकित शर्मासग रोमान्स गर्ने

अशोक शर्माले निर्देशन गर्ने चलचित्र ‘रातो टिका निधारमा’ घोषणा गरिएको थियो । आइतबार राजधानीमा एक कार्यक्रमको बिच चलचित्रको घोषणा गरिएको हो ।अशोक शर्माले यस चलचित्र बाट छोरा अंकित शर्मालाई लिड रोलमा डेब्यु गराउदै छन् ।अंकितले मलेसियाबाट डिजिटल फिल्म एण्ड टेलिभिजनको कोर्षमा ब्याचलर सकाएका छन् ।

चलचित्र ‘रातो टिका निधारमा’ अंकित सगै साम्राज्ञी राज्यलक्ष्मी शाह,निता ढुंगानाले रविन्द्र झा,बुद्दि तामाङ ,खुश्बु खड्का , बसुन्धरा भुषाल, लक्ष्मी गिरी, अरुणा कार्की, राजाराम पौडेल, शिवहरि पौडेल, जयनन्द लामा, अर्जुन श्रेष्ठलगायतको पनि अभिनय रहनेछ ।

आगामी दशैँमा रिलिज गरिने यस चलचित्रको छायाँकन जेठ १० गतेबाट सुरु हुनेछ ।  छायाँकनको सुरुवातमा चलचित्रको शिर्ष गीतलाई भव्य सेटमा खिचिने निर्देशक शर्माले जानकारी दिए । जसमा साम्राज्ञी र अंकितलाई फिचर्ड गरिनेछ । यसको ओर्जिनल भर्सनमा राजेश हमाल र करिश्मा मानन्धरले सिग्नेचर ठुम्का लगाएका थिए ।

ए.ए ग्रुप अफ कम्पनीजबाट निर्माण हुने सिनेमामा किरण शर्मा र कृति शर्मा निर्माताको रुपमा रहने छन । चलचित्रमा  शम्भुजित बाँस्कोटा र कल्याण सिंहको संगीत, बसन्त श्रेष्ठको कोरियोग्राफी, पुरुषोत्तम प्रधानको छायाँकन, मित्र देव गुरुङको सम्पादन रहनेछ ।

‘माया बस्छ कि के हो’मा सोनाल तामाङ र कस्मता निरौलाले डेब्यु गर्दै

निर्देशक राजु अधिकारीको निर्देशनमा ‘माया बस्छ कि के हो’ नामक फिल्म निर्माण हुने भएको छ । जनपुकार मिडिया हाउसको ब्यानरमा शरद अधिकारी प्रस्तुकर्ता रहेको फिल्मको आइतबार राजधानीमा प्रेसमिट गरि घोषणा गरियो । प्रेमकथानक फिल्मबाट सोनाल तामाङ र कस्मता निरौलाले डेब्यु गर्दैछन् । फिल्ममा सोनाल र कस्मताका साथमा बेलायत निवास ध्रुव दत्त र बेल्जियमका बेनी ढुंगाना प्रमुख भूमिकामा रहने छन् भने केही कलाकारको छनौट कार्य बाँकी छ ।

बेलायत, स्कटल्यान्डलगायतका युरोपका बिभिन्न देशमा खिचिने फिल्मको कार्यकारी निर्मातामा बहादुरसिंह तामाङ (लामा) र कृष्ण गिरी छन् । रबिन्द्र बरालले खिच्ने फिल्मको सुटिङ असार दोश्रो सातादेखि सुटिङ थालीने निर्देशक अधिकारीले जानकारी दिए । अर्जुन पोखरेलको संगीत, आरती अधिकारीको कथा, अनि मौनता श्रेष्ठको पटकथा, सम्वाद रहेको फिल्मको मुख्य सहायक निर्देशकमा दीपक अधिकारी छन् ।

आफूहरु उच्चकोटीको फिल्म बनाउने प्रयासमा रहेको प्रस्तुतकर्ता शरद अधिकारीले बताए । उनले कथाको मागअनुसार नै बिदेशमा सुटिङ राखिएको दावी गरे । डेब्यु हिरो सोनाल र डेब्यु हिरोइन कस्मताले पहिलो फिल्मबाटै दर्शकले आफूहरुलाई मन पराउने बिश्वास ब्यक्त गरे । कार्यक्रममा चलचित्र निर्देशक समाजकी अध्यक्ष सुचित्रा श्रेष्ठ, चलचित्र निर्माता संघका महासचिव रोज राणा, अभिनेता सुन्दर श्रेष्ठलगायतले फिल्मलाई सफलताको शुभकामना ब्यक्त गरेका थिए ।

चलचित्र ‘प्रेम दिवस’को ट्रेलरमा प्रियंका ,आयुषमान र विशालको त्रिकोणात्मक प्रेम (भिडियो)

त्रिकोणात्मक प्रेमकथामा निर्माण गरिएको चलचित्र ‘प्रेम दिवस’को ट्रेलर सार्वजनिक गरिएको छ ।चलचित्रको ट्रेलरमा प्रियंका कार्की, आयुषमान देशराज जोशी र विशाल खरेल विचको प्रेमलाई देखाउन  खोजिएको छ ।विशाल खरेलले यसै चलचित्र मार्फत नेपाली रजतपटमा डेब्यु गर्दैछन् ।

‘प्रेम दिवस’लाई योगेश घिमिरेले निर्देशन गरेका हुन् । चलचित्रमा प्रियंका कार्की, आयुषमान देशराज जोशी, हेमन्त बुढाथोकी, शिव शंकर रिजाल, उत्तम केसी, संजय न्यौपाने, श्री कृष्ण लुइटेल लगायतका कलाकारहरुको अभिनय रहेको छ ।

चलचित्रलाई संजय न्यौपानेको निर्माण गरेका हुन् । रेनिश फागोको छायाँकन, मिलन श्रेष्ठ र बनिश शाहको सम्पादन, रोशन श्रेष्ठको द्वन्द्व रहेको छ ।फिल्मको गीतमा महाराज थापा, महेश खडका, दीपक शर्मा, करण राज कार्कीको संगीत, डा. कृष्ण हरी बराल, शान्ती प्रिया, बवि थापा, सन्तोष थापाको शब्द, अन्जु पन्त, निशान भट्टराई, मेलिना राई, किरण राज कार्कीको स्वर रहेको छ । कथा लेखन प्रदीप भारद्वाजको रहेको छ ।चलचित्र जेष्ठ ३१ गतेबाट प्रदर्शनमा आउदै छ ।

चलचित्र ‘घर’को फस्टलुक्स पोस्टर सार्वजनिक , श्रावण ३ मा प्रदर्शन हुने

चलचित्र ‘घर’को फस्टलुक्स पोस्टर सार्वजनिक गर्दै प्रदर्शन मिति समेत तय गरिएको छ । चलचित्र ‘घर’ यहि श्रावण ३ गते प्रदर्शनमा आउने भएको छ । शुक्रबार चलचित्रकी निर्मात्री शर्मिला पाण्डेले चलचित्रको फस्टलुक्स सगै रिलिज मिति घोषणा गरेकी हुन् ।

‘घर’लाई अर्पण थापाले निर्देशन गरेका हुन् । चलचित्रको कथा पनि निर्देशक स्वयम्ले लेखेका छन् ।चलचित्रमा अर्पण थापा ,वेनिशा हमाल, सुरक्षा पन्त र कलाकार अस्मिता खनालको मुख्य भूमिका रहनेछ ।

पूर्णतया हरर कथामा निर्माण हुने चलचित्र ‘घर’लाई ई डीएस डिजिटलको ब्यानरमा शर्मिला पाण्डेले निर्माण गरेकी हुन् । चलचित्रमा सन्तोष अधिकारीको सह–लगानी रहनेछ । एउटा ‘घर’ भित्र हुने घटनालाई चलचित्रले सस्पेन्स पारामा प्रस्तुत गर्नेछ ।

डी.एस. डिजिटल ब्यानर निर्देशक दीपेन्द्र के खनाल र नायक सुरज पाण्डेको हो ।यो ब्यानरल वार्षिक चार वटा चलचित्र निर्माण गर्ने घोषणा गरेको छ । डी.एस. डिजिटल ब्यानरको ‘घर’ पहिलो चलचित्र हो भने अर्को चलचित्र ” आमा “छायांकनको तयारीमा रहेको छ । सुरज ‘लब लब लब’का नायक हुन् ।

वैशाख महिना बिहे गरिएको चार सेलिब्रिटी जोडी

नयाँ वर्षको आगमनसँगै धेरै मानिसको जीवनमा नयाँ सदस्यको पनि प्रवेश हुने गरेको छ । वैशाख महिना विवाहका लागि पनि शुभ मानिने हुँदा यो महिना धेरैले लगनगाँठो कस्छन् । यस्तै २०७६ सालको वैशाख महिनामा केही सेलिब्रेटीहरुले पनि लगनगाँठो कसेका छन् । यी हुन् वैशाख महिनामा लगनगाँठो कस्ने सेलिब्रेटीहरु:

दिवाकर भट्टराई र दीपिका प्रसाइँ

छ महिना अगाडि इन्गेजमेन्ट गरेका निर्देशक दिवाकर भट्टराई र अभिनेत्री दीपिका प्रसाइँले पनि वैशाख २४ गते नै विवाह गरे । उनीहरुले पाँच वर्षदेखिको प्रेमलाई विवाहमा परिणत गरेका हुन् । दीपिका र दिवाकरले अदालती विवाह भने इन्गेजमेन्ट अगाडि नै गरिसकेका थिए ।

निर्देशक दिवाकरले निर्देशन गरेको चलचित्र ‘ऐश्वर्य’ मा काम गरेपछि दीपिका र दिवाकरको प्रेम रहेको चर्चा चलेको थियो । यहि सिनेमामा काम गर्ने क्रममा उनीहरुको भेट भएको हो ।

रेनशा वान्तवा राई र प्रज्वल शमशेर जबरा

निर्देशक तथा कोरियोग्राफर रेनशा वान्तवा राई र निर्माता प्रज्ज्वल शमशेर जबराले वैशाख २४ मा विवाह गरे । उनीहरु लामो समयदेखि प्रेम सम्बन्धमा रहेका थिए । रेनशाले प्रज्वलकै चलचित्र ‘इन्टु मिन्टु लण्डनमा’ बाट निर्देशनमा डेब्यू गरेकी थिइन् । झण्डै आठ वर्षको प्रेम सम्बन्धलाई उनीहरुले विवाहमा परिणत गरेका हुन् ।

प्रज्वल सुपरहिट नेपाली चलचित्र ‘मेरो एउटा साथी छ’ का निर्माता प्रभु शम्सेर राणाका छोरा हुन् । रेनशाले चलचित्र ‘मेरो एउटा साथी छ’ बाट कोरियोग्राफीको सुरुवात गरेकी थिइन् ।

यतिबेला उनीहरु अर्को चलचित्र ‘आई एम ट्वान्टिवान’ को तयारीमा छन् । ‘आई एम ट्वान्टिवान’ को निर्देशन पनि रेनशाले नै गर्ने पक्का भैसकेको छ । उता प्रज्ज्वलले चलचित्र ‘मेरो एउटा साथी छ २’ निर्माणको समेत घोषणा गरिसकेका छन् ।

स्वरुपपुरुष ढकाल र मुस्कान सुवेदी

 

चलचित्र ‘छक्का पञ्जा २’ का मुख्य कलाकार स्वरुपपुरुष ढकाल पनि यही वैशाख महिनामा नै विवाह बन्धनमा बाँधिएका हुन् । उनले काठमाण्डौको पेप्सीकोला निवासी मुस्कान सुवेदीसँग विवाह गरेका हुन् । स्वरुपपुरुष र मुस्कानको वैशाख २ गते टिकाटालो गरिएको थियो भने दुवै पक्षका परिवारको उपस्थितिमा वैशाख २९ गते विवाह गरियो । स्वरुपपुरुषले मागी बिहे गरेका हुन् ।

‘छक्का पञ्जा २’ पछि अभिनेता ढकालले कुनै पनि चलचित्रमा काम गरेका छैनन् । तर ‘छक्का पञ्जा २’ अगाडि नै उनले काम गरेको सिनेमा ‘सुस्केरा’ प्रदर्शनको तयारीमा छ ।

विक्रम बराल र अनु गहतराज

 

‘नेपाल आइडल’ सिजन २ का उपविजेता विक्रम बरालले पनि पाँच वर्ष लामो प्रेमलाई वैशाख २९ मा विवाहमा परिणत गरे । विक्रमले प्रेमिका अनु गहतराजसँग विवाह गरेका हुन् । उनीहरुले स्थायी घर पोखरामै विवाह गरेका हुन् ।

विक्रमको साङ्गीतिक करियरको उतारचढावहरुमा सँगै रहेकी अनुले विक्रमलाई पोखराकै एक साङ्गीतिक कार्यक्रममा भेटेकी थिइन् । त्यहाँबाट नै उनीहरुको प्रेम सम्बन्ध अगाडि बढेकाे थियो ।

फ्राइडे रिलिज : ‘वीर विक्रम २’ र ‘जात्रै जात्रा’को भिडन्त

फ्राइडे रिलिज अन्तर्गत यो शुक्रबार अर्थात् आज बाट नेपाली कथानक चलचित्र ‘जात्रै जात्रा’ र ‘वीर विक्रम २’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र ‘जात्रै जात्रा’ र ‘वीर विक्रम २’ को बारे बिस्तृत जानकारी प्रकाशन गरेका छौ ।

‘जात्रै जात्रा’
फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘जात्रै जात्रा’ प्रदर्शनमा आएको छ।चलचित्र ‘जात्रै जात्रा’ लाई प्रदीप भट्टराईले निर्देशन गरेका हुन् ।

‘जात्रै जात्रा’ मा विपिन कार्की, रविन्द्र सिंह बानियाँ, रविन्द्र झा, बर्षा राउत, दयाहाङ राई ,प्रकाश घिमिरे, सोहित मानन्धर, अन्जु महर्जन, सुस्मिता कार्की, प्रेम पाण्डे, कालु राना, प्रियंका झा, कविन्द्र त्रिपाठी लगायतको अभिनय रहको छ ।

चलचित्र करीब २ वर्ष अगाडि प्रदर्शनमा आएको ‘जात्रा’ को सिक्वेल हो । पहिलो भागमा भेटाएको पैसा लुकाउन पात्रहरुले गर्ने संघर्षको कथा थियो । ‘जात्रै जात्रा’ मा भेटाएको सुन लुकाउन र धनी बन्ने लोभमा फिल्मका प्रमुख पात्रहरु देखिएका छन् ।

चलचित्रको छायाँकनमा शिवराम श्रेष्ठ, सम्पादनमा मित्र डी गुरुङ रहको छ भने शंकर महर्जनको द्वन्द्व निर्देशन छ । निर्देशक भट्टराई आफैंको कथा रहेको फिल्ममा कालीप्रसाद बाँस्कोटा र कृष्ण भारद्वाजको संगीत छ ।सिंगे लामा र योगेश्वर पौडेलले निर्माण गरेको यस चलचित्रमा रविन्द्रसिंह बानिया कार्यकारी निर्माता रहेको छ ।

‘वीर विक्रम २’

यस्तै फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘वीर विक्रम २’ पनि प्रदर्शनमा आएको छ। ‘वीर विक्रम २’ लाई मिलन चाम्सले चलचित्रको निर्देशन गरेका छन् ।

पल शाह , वर्षा सिवाकोटी नजिर हुसेन ,बुद्धि तामाङ, देशभक्त खनाल, विनिशा भण्डारी, विनोद सुवेदी खत्री, मनिष लिम्बुलगायतका कलाकारहरुको पनि अभिनय छ ।नयाँ कथामा निर्माण भएकाले ‘वीरविक्रम २’ सिक्वेल नभएको निर्माण टिमको भनाई छ ।

हिमाल केसीको द्वन्द्व रहेको चलचित्रको कथा प्रदीप भारद्धाजले लेखेका हुन् ।चलचित्रलाई मिलन चाम्स अपर्ण सापकोटाले निर्माण गरेका हुन् भने रन्जित सिवाकोटी सहनिर्माताको रुपमा रहेकी छन् ।

सबिन श्रेष्ठ र अनु पराजुलीलाई काउसो लागे पछि (भिडियो)

चलचित्र ’काउसो’ चलचित्रको पहिलो टाईटल गीत ’लागो लागो काउसो’ सार्वजनिक गरेको छ | सार्वजनिक गीतमा स्वर जुनु प्रसाई र राम चन्द्र काफ्ले रहेको गीतमा बिकाश चौधरीको संगीत मदन घिमिरेको शब्द ,  बिक्रम स्वार को कोरियोग्राफी रहेको सार्वजनिक गीतमा नायक सबिन श्रेष्ठ अनु पराजुली र अर्जुन गुरुङ लाई देखन सकिन्छ |मदन घिमिरेको निर्देशन रहेको यो चलचित्र आउदो जेठ १७ गते देखि अल नेपाल प्रदर्शन हुने भएको छ  |

चलचित्रमा सबिन श्रेष्ठ, अर्जुन गुरुङ,  रमेश बुढाथोकी, रामचन्द्र अधिकारी,  नबिन आचार्य ,सुरेन्द्र चापागाई,  सन्नी भट्टराई, सोनीका बास्तोला ,उग्रसेन ढुंगाना,  अनु पराजुली र बाल कलाकारमा असिम तिमल्सिना आदि को अभिनाय रहेको छ ।

अर्नभ फिल्मस प्रोडक्सन प्रा.लि’को प्रस्तुतिमा निर्माण भएको यस चलचित्रमा प्रस्तुतकर्ता अर्नभ बस्नेत हुन् भने निर्माता मा  राजेन्द्र बस्नेत ,सिताराम तिमल्सिना ज्याक, भगवान खत्री रहेका छन ।  चलचित्रको कथा तथा निर्देशन मदन घिमिरेको पटकथा/ संबाद भोजराज देवकोटाको चलचित्रमा संगीत बिकास चौधरी, द्न्द् शंकर महर्जन र नृत्यमा बिक्रम स्वार छायाँकन रामेश्वर हुमागाईको सम्पादन नबिन निरौलाको प्रोडक्सन डिजाईनर सुर्य बुढाथोकीको रहेको चलचित्रको कार्यकारी निर्मातामा अन्चिला केसी रहेकी छिन्  भने चलचित्र उपत्यका भित्र बिके फिल्मस र उपत्यका बाहिरको लागि एफडी कम्पनीले बितरण गर्ने भएको छ |

असोज ३ मा आउने भयो चलचित्र ’सरौतो’

चलचित्र ’सरौतो’ को रिलिज मिति तय गरिएको छ। सिनेम्याटोग्राफर हरी हुमागाईले निर्देशन रहेको चलचित्र ’सरौतो’ आउँदो असोज ३ गते रिलिज हुने भएको छ ।

रिभेन्जको कथामा निर्माण भएको एक्सन जनरको निर्माण गरिएको यस चलचित्रको ’प्राविधिकको समय र वितरकसँगको छलफलपछी हामीले रिलिज मिति तय गरेका हौ’ निर्देशक हुमागाईंले भने ’फिल्मलाई राम्रो बनाउने कोसिस गरेका छौ , लेखिएको कुरा पर्दामा उतार्न सफल भएको महसुस भएको छ ।’

विरान्जना इन्टरटेनमेन्ट , स्क्वायर वान क्रिएसन , राइजिङ्ग फिल्म्स एण्ड ग्लिटर फिल्म्स स्टुडियोको ब्यानरमा निर्माण भएको फिल्ममा कार्यकारी निर्माताको रुपमा सिर्जना जोशी र लक्ष्मी कुमारी तामाङ रहेका छन् ।

चलचित्रमा सुमी मोक्तान , सन्नी सिंह , विजय लामा , युवराज लामा , धिरेन शाक्य , आमिर गौतम , अरुणा कार्की , पराकर्म पीजेबी राणा , सम्पदा दाहाल , सुवाङ्गम शाह , लियो ट्यांक , मैषा पुन मगर , प्रतिक दुलाल , मनोज तामांग लगायतको अभिनय रहेको छ ।

यस चलचित्रमा राघव कृष्ण गौतमको लेखन , उत्तम हुमागाईको छायांकन , शंकर महर्जनको एक्सन रहेकोछ । यसमा राजन राज शिवाकोटी , पुष्पन प्रधान , कमल खत्री , कोसिस क्षेत्रीको संगीत रेहेको छ भने राजन , पुष्पन र कमलसँगै मिलन अमात्य , श्रेया सोतांग र केतन क्षेत्रीको स्वर रहेकोछ । यसमा निमेष श्रेष्ठको सम्पादन , निलिशा शाक्यको नृत्य निर्देशन , प्रविन मानन्धरको कलर , भिएफएक्स रहेको छ भने यसको चिफएडी अनिल खड्का हुन् । काठमाडौँ , सिम्रौनगठ लगायतका स्थानमा छायांकन गरिएको फिल्मलाई उपत्यकामा गोपाल काजि कायस्थ र मोफसलमा एफडी कम्पनिले वितरण गर्नेछ ।