Friday , 19 October 2018
News update
Home >> kollywood (page 5)

kollywood

चलचित्र ‘प्रेमलीला’को फस्टलुक पोष्टर सार्वजनिक, माघ २५ मा रिलिज हुने

बुधबार राजधानीमा एक कार्यक्रमकाबीच चलचित्र प्रेमलिलाको फस्टलुक पोस्टर सार्वजनिक गरिएको छ । पोष्टर सार्वजनिकसगै चलचित्रको रिलिज मिति पनि घोषणा गरिएको छ । चलचित्र माघ २५ गतेबाट देशभरिका सिनेमा घरहरुबाट प्रदर्शनमा आउने भएको छ ।

‘प्रेमलीला’को पोस्टरमा नायिका दिपशिखा खड्काको फरक गेटअप देखाइएको छ । उनले यसअगाडिका आफ्ना सिनेमाले आफूलाई नचिनाएको भन्दै यो डेब्यू भएको बताइन् । जनक पाण्डेको निर्देशनमा तयार भएको सिनेमामा दीपशिखाले कपाल मुन्डन गरेकी छिन् । उनले यो गेटअपका कारणले पनि सिनेमा भित्र केही छ भन्ने थाहा हुने बताईन् । कपाल मुण्डन गर्दा साह्रै दुःख लाग्यो । तर, कथाले मागेपछि गर्नैपर्यो ।’ उनले सिनेमाको छायांकन सकिएपछि निर्देशकले वास्ता गर्न छाडेको गुनासो समेत गरिन् ।

सिनेमामा उनको साथमा दुबइमा रहेर मोडलिङ गर्दै आएका भारतीय मोडल अली खान र नव(कलाकार मौसम खड्काको मुख्य भूमिका छ ।भारतबाट नेपाल आएको यूवा र नेपालमा रहँदै आएकी यूवतीविचको प्रेमकथालाई सिनेमाले उठान गरेको दीपशिखाले जानकारी दिइन् ।यस्तै, कलाकार अली खानले दीपशिखासँग दुबइमा भेट भएपछि आफू नेपाल आएको र कथावस्तु सुनेपछि काम गर्न उत्साहित भएको सुनाए ।

चलचित्र ‘न यता न उता’को टिजर रिलिज (भिडियो )

चलचित्र ‘न यता न उता’को टिजर रिलिज भएको छ ।चलचित्रको सार्वजनिक ट्रेलरमा विदेशबाट नेपाल फर्किएको दुई साथी बिचको कथालाई कमेडी तरिकाले प्रस्तुत गरिएको छ ।

चलचित्रमा मिराज रोशन, समीर मणि दीक्षित, रीचा शर्मा, चुलथीम गुरुङ्ग, रविन्द्र झा, बुद्धि तामाङ्ग, नम्रता सापकोटा, सिल्शा जिरेल, बिशारद बस्नेत, कमल मणि नेपाल, किशोर भण्डारी, राजा राम पौड्याल, किरण चामलिंग, नमिता घिसिंग, जीवन भट्टराई गयात्को कलाकारको अभिनय रहेको छ ।

तन्त्रालय फिल्म्स्को ब्यानरमा निर्माण भएको चलचित्र ‘न यता न उता’लाई विशारद बस्नेत र मिराज रोशले संयुक्त निर्देशन गरेका हुन् ।बिशारद बस्नेतले यो भन्दा पहिला ‘मिस्टर भर्जिन’ नामको चलचित्र निर्देशन गरि सकेका छन् ।

यस चलचित्रलाई मिराज रोश र अभिमन्यू निरबिले लेखेका हुन् । भारतमा यस चलचित्रको मिडिया पार्टनर सन्जना सिनेग्लोबल हो ।यो एउटा एन्टरटेनिङ्ग चलचित्र हो ।चलचित्रलाई रिना लामाले निर्माण गरेकी हुन ।

‘छक्का पञ्जा ३’ को प्रमोसनल गीतमा दीपाश्री , केदार, दीपक र जितुको र्याप (भिडियो)

यो बर्षको बहुप्रतिक्षीत चलचित्र ‘छक्का पञ्जा ३’ यहि असोज २४ गते बाट प्रदर्शनमा आउदै छ ।निर्माण युनिट यति बेला चलचित्रको प्रचार प्रसारमा लागि रहेको छ ।चलचित्रको केहि समय अघि सार्वजनिक सुपर हिट गीत ‘पहिलो नम्बरमा…’को संगीतमा दसैँ गीत (जिङ्गल ) तयार पारेको छ ।

घटस्थापनामा रिलिज हुने यो चलचित्रको प्रचार गीतको रुपमा तयार भएको यसको लम्बाई १ मिनेटको रहेको छ । निर्माण पक्षले ‘फनफनी घुमेको रोटे पिङ्ग, छक्का पञ्जा ३ घटस्थापना कै दिन…’ बोल राखेर प्रमोसनल गीत (जिङ्गल ) तयार पारेको हो ।

जसमा डेविड शंकरको स्वर रहेको छ भने दीपाश्री निरौला, केदार घिमिरे, दीपकराज गिरी र जितु नेपालले र्याप हानेका छन् । भिडियोमा दसैँको माहौलसँगै दीपाश्री, दीपक, जितु र केदार र्याप हान्दै गरेको देखिनेछन् ।

दीपाश्री निरौलाको निर्देशक रहेको ‘छक्का पञ्जा ३’मा दीपकराज गिरी, जितु नेपाल, केदार घिमिरे, बुद्धि तमाङ, दीपिका प्रसाईं, नीर शाह, किरण केसी, शिवहरि पौडेल, जयनन्द लामा, अनुरागमान सिंह कुँवर, शिशिर राणा, शिशिर वाग्देल, लक्ष्मी गिरी, शारदा गिरी, वसन्त भट्ट, संजोग कोइरालालगायतको अभिनय रहेको छ।नायिका प्रियंका कार्की विशेष अतिथिको भूमिकामा देखिने छिन् ।

दीपकराज गिरीको कथा रहेको फिल्ममा दीपक, जितु, केदार र यामन श्रेष्ठको संवाद, अर्जुन पोखरेल र दीपक शर्माको संगीत रहेको छ । पुरुषोत्तम प्रधानले फिल्मको छायांकन गरेका हुन् ।आमा सरस्वती मुभिज प्रा.लि तथा आइ एम ईको प्रस्तुतिमा निर्माण भएको चलचित्रमा जीतु नेपाल र केदार घिमिरे कार्यकारी निर्माता रहेको छन् भने सुमन गिरी ‘भान्जा’, किरण केसी, शिवहरी पौडेल, पुरुषोत्तम प्रधान, ताराचन्द्र बजगाई, दीपेन्द्र खनिया र केशव न्यौपाने निर्माताको रुपमा रहेका छन् ।

ओस्कार यात्रामा नेपाली चलचित्र

नेपाली चलचित्रको ओस्कार यात्रा: हल्ला बढी, उपलब्धि शून्य

काठमाडौं । भारतीय भूमिबाट नेपाली चलचित्र ‘सत्यहरिषचन्द्र’ बनेपछि नेपालमा नेपाली चलचित्र निर्माण शुरु भएको इतिहास छ । डिबि परियारले कोलकतामा २००७ सालमा बनाएको ‘सत्यहरिषचन्द्र’ २००८ सालमा काठमाडौंमा देखाइएको थियो । वि.सं. २०२० सालमा हिरासिंह खत्रीले बनाएको चलचित्र ‘आमा’ नेपालमा बनेको पहिलो चलचित्र हो ।
नेपाली भाषामा चलचित्र बन्न थालेको ६७ वर्ष भइसकेको छ । नेपाली भूमिमै चलचित्र निर्माण हुन थालेका ५५ वर्ष पुगे पनिनेपाली चलचित्रले अपेक्षित सफलता हात पर्न सकेका छैनन् । विश्व सिने जगतमा नेपाली चलचित्रले आफूलाई परिचित पनि गराउन सकेको छैन ।

नेपाली चलचित्रको उत्कृष्टता मापन गर्ने बलियो आधार ओस्कार अवार्डलाई मानिन्छ । यो अवार्डमा विश्वभरका चलचित्र सहभागी हुन पाउँछन् । नेपाली चलचित्र पनि ओस्कार अवार्डमा सहभागी हुँदै आएका छन्, तर अहिलेसम्म कुनै पनि सफलता हात पार्न सकेका छैनन् ।

‘क्याराभान’
पहिलोपटक सन् १९९९ मा ७२ औं ओस्कार अवार्डमा सहभागी भएको ‘क्याराभान’ विदेशी भाषाको उत्कृष्ठ ५ चलचित्रको सूचीमा परेको थियो । यो नै अहिलेसम्म ओस्कारमा नेपाली चलचित्रले पाएको सबैभन्दा ठूलो उपलब्धि हो । त्यसयता ओस्कारमा सिफारिस भएका कुनै पनि नेपाली चलचित्रले सहभागिता जनाउने अवसरभन्दा ठूलो उपलब्धि हासिल गर्न सकेका छैनन् । यो चलचित्र पनि नेपाली निर्देशकले निर्देशन गरेका थिएनन् । फ्रेन्च निर्देशक एरिक भ्यालीले निर्देशन गरेको यो चलचित्रमा थिन्ले लोन्डुप लामा नायकका रुपमा थिए । भीरबाट लडेर वि.सं. २०७३ वैशाखमा लामाको मृत्यु भइसकेको छ ।

‘मुकुण्डो’ 
विश्वका चलचित्रकर्मीको सपनाका रुपमा रहेको ओस्कार अवार्डमा सहभागी हुने अर्को नेपाली चलचित्र ‘मुकुण्डो’ हो ।७३ औं ओस्कारमा सहभागी सन् २००० मा सहभागिता जनाएको यो चलचित्रले पनि सहभागी हुनेभन्दा ठूलो उपलब्धि हासिल गर्न सकेन ।

छिरिङ रितार शेर्पाको निर्माण एवं निर्देशन रहेको यो चलचित्रको कथा तथा पटकथा केसाङ छेतेनले लेखेका थिए । बोक्सीप्रथामा आधारित चलचित्र ‘मुकुण्डो’ मा गौरी मल्ल, मिथिला शर्मा,रतन सुवेदीलगायतका कलाकार मुख्य भूमिकामा रहेका थिए ।

‘मुनामदन’
महाकवि लक्ष्मिप्रािद देवकोटाको खण्डकाव्य ‘मुनामदन’ ले पनि ७६ औं ओस्कार अवार्डमा सहभागिता जनाउने मौका पायो । सन् २००३ मा ओस्कारका लागि नेपालबाट सिफारिस भएको यो चलचित्रले पनि कमाल देखाउन सकेन । ज्ञानेन्द्र देउजाले निर्देशन गरेको ‘मुनामदन’मा मिथिला शर्मा, शुभद्रा अधिकारी, नीर शाह, दीपक त्रिपाठी, उषा पौड्याललगायत कलाकारले अभिनय गरेका थिए ।

‘बसाईं’
७९ औं ओस्कार अवार्डमा नेपाली चलचित्र ‘बसाईं’ले सहभागिता जनाउने अवसर पायो । सन् २००६ मा भएको यो ओस्कार अवार्ड पनि नेपाली चलचित्र उद्योगलाई खुसी दिलाउन सकेन ।

‘बसाईं’ प्रवासी साहित्यकार लीलबहादुर क्षेत्रीको उपन्यासमा आधारित चलचित्र हो । यसलाई सुभास गजुरेलले निर्देशन गरेका थिए ।

‘सुनगाभा’
ओस्कार अवार्डको ८६ औं संस्करणमा सहभागी हुने मौका नेपाली चलचित्र ‘सुनगाभा’ ले पनि पायो । २०१३ मा भएको यो अवार्ड पनि नेपालीका लागि खुसी लिएर आउन सकेन । निशा अधिकारी, दिया मास्के र सौगात मल्ल मुख्य भूमिकामा रहेको यो चलचित्र सुवर्ण थापाले निर्देशन गरेका थिए । यो चलचित्र समलिंगी महिलाको विषयलाई लिएर बनाइएको थियो ।

‘झोला’
यादव भट्टराईले निर्देशन गरेको चलचित्र ‘झोला’ ले ८७ औं ओस्कार अवार्डमा सहभागी हुने अवसर पायो । २०१४ मा सहभागी भएको यो चलचित्रले पनि कुनै पनि उपलब्धि हासिल गर्न सकेन । कृष्ण धरावासीको कथामा आधारित चलचित्र ‘झोला’मा गरिमा पन्त, दीपक क्षेत्री, देशभक्त खनाललगायतका कलाकारलेअभिनय गरेका थिए ।

‘टलकजंग भर्सेज टुल्के’
‘टलकजंग भर्सेज टुल्के’ ओस्कार अवार्डको ८८औं संस्करणमा सहभागी भएको नेपाली चलचित्र हो ।

माओवादी–सरकार द्वन्द्वमा प्रभावित पात्रको विषयलाई उठान गरेको निश्चल बस्नेत निर्देशित चलचित्र ‘टलकजंग भर्सेज टुल्के’ले पनि सहभागिता जनाउने बाहेक अन्य उपलब्धि हासिल गर्न सकेन । सन् २०१५ मा ओस्कारमा सहभागी चलचित्रमा दयाहाङ राई, ऋचा शर्मा, खगेन्द्र लामिछानेलगायतले अभिनय गरेका थिए ।

‘कालो पोथी’ 
विश्वभरका चलचित्रकर्मीको महाकुम्भ ओस्कार अवार्डमा सहभागी हुने अवसर चलचित्र ‘कालो पोथी’ले पनि पायो । ओस्कारको ८९ औं श्रृखंलामा सन् २०१६ मा सहभागी भएको यो चलचित्रले अन्य विभिन्न अन्तर्राष्ट्रिय अवार्ड हात पारे पनि ओस्कारमा भने कुनै पनि सफलता हात पार्न सकेन ।

मीन भामले निर्देशन गरेको चलचित्रमा खड्गराज नेपाली र शुक्रराज रोकाय मुख्य कलाकार थिए ।

‘सेतो सूर्य’
ओस्कार अवार्डको ९० औं श्रृंखलामा नेपाली चलचित्र ‘सेतो सूर्य’ नेपालबाट सिफारिस भयो । सन् २०१७मा उक्त अवार्डमा सहभागिता जनाएको यो चलचित्रले पनि अन्य विभिन्न अन्तर्राष्ट्रिय अवार्ड जिते पनि र दर्जनौं अन्तर्राष्ट्रिय फिल्म फेष्टिबलमा सहभागिता भएर विभिन्न विधामा अवार्ड जिते पनि ओस्कारले भने यसलाई पनि पत्याएन ।
दीपक रौनियारले निर्देशन गरेको चलचित्रमा दयाहाङ राई र रवीन्द्रसिंह बानियाँ मुख्य कलाकारका रुपमा रहेका थिए ।

‘पञ्चायत’
नेपाली कथानक चलचित्र ‘पञ्चायत’ ले ओस्कारको ९१ औं संस्करणमा सहभागिता जनाउँदैछ । सन् २०१९ फेब्रुअरी २४ तारिखमा अमेरिकाको लसएन्जलसमा हुने अवार्डमा ‘पञ्चायत’ सहभागि हुनेछ ।

यो चलचित्रले सन् २०१७ मा सन् फ्रान्सिस्को इन्टरनेशनल न्यू कन्सेप्ट फिल्म फेष्टिवलमा वेस्ट फरेन ल्यांग्वेज फिचर र वेष्ट एक्ट्रेस अवार्ड जितेको थियो ।  ‘पञ्चायत’ ५ दशक अगाडिको पञ्चायती व्यवस्थाभित्रको सामाजिक संरचना र उक्त समयका किशोरीहरुको यौन मनोविज्ञानलाई समाजले हेर्ने दृष्टिकोणलाई केन्द्रीय कथानक बनाएर निर्माण गरिएको चलचित्र हो ।

शिवम् अधिकारीले निर्देशन गरेको ‘पञ्चायत’ मा निता ढुङ्गाना र सरोज खनाल मुख्य कलाकारका रुपमा रहेका छन् ।

वि.सं. २०३४ सालमा प्रेमबहादुर बस्नेतले निर्देशन गरेको पहिलो नेपाली रंगीन चलचित्र ‘कुमारी’ अन्तर्राष्ट्रिय चलचित्र महोत्सवमा सहभागि हुने पहिलो नेपाली चलचित्र हो । ‘कुमारी’ले तत्कालीन सोभियत संघको तासकन्द (अहिलेको उज्वेकिस्तान) मा आयोजित अन्तर्राष्ट्रिय चलचित्र महोत्सवमा सहभागिता जनाएको थियो । यो चलचित्रमा चैत्यदेवी र शैल्यान केसी मुख्य भूमिकामा छन् ।

‘कालो पोथी’, ‘सेतो सूर्य’ लगायतका थुप्रै चलचित्र विभिन्न अन्तर्राष्ट्रिय चलचित्र महोत्सवमा सहभागिता जनाएर विभिन्न विधामा अवार्डसमेत हात पारेका छन् । तर, ओस्कार अवार्डमा भने अहिलेसम्म कुनै पनि अवार्ड हात पार्न सकेका छैनन् ।

अमेरिकाको एकेडेमी अफ मोसन पिक्चर आट्र्स एन्ड साइन्सेस (अम्पास) द्वारा मान्यताप्राप्त नेपाल छनोट समितिमा विमल पौडेलअध्यक्ष छन् भने लक्ष्मीनाथ शर्मा, प्रदीपकुमार उपाध्याय, राजेन्द्र शलभ, राजुविक्रम थापा, लोकेन्द्र पराजुली र सामीप्यराज तिमल्सेना सदस्य छन् । चिरञ्जीवी गुरागाईं सदस्यसचिव छन् । यो समितिले ओस्कारका लागि चलचित्र छनोट गरेर सिफारिस गर्छ ।

साभार:नरेश फुयाँल,बाह्रखरी

चलचित्र ‘ड्रिम गर्ल’ को अफिसियल ट्रेलर सार्वजनिक (भिडियो)

मंसीर ७ गते प्रदर्शनमा आउने चलचित्र ‘ड्रिम गर्ल’ को अफिसियल ट्रेलर सार्वजनिक भएको छ ।मंगलबार राजधानीमा एक कार्यक्रमको बिच चलचित्रको ट्रेलर सार्वजनिक गरिएको हो ।नेपाल र थाइल्याण्डमा खिचिएको फिल्मको ट्रेलरमा बिशेष गरेर प्रेम, द्वन्द्व, रोमान्स, विछोड देखाउन खोजिएको छ ।

चलचित्रमा आकाश श्रेष्ठ र नव-नायिका आश्मा गिरीको मुख्य भूमिका रहेको छ । आकाश र आश्मा सगै ‘ड्रिम गर्ल’ मा सरोज खनाल, विल्सन बिक्रम राई,शिशिर भण्डारी,अर्जुन श्रेष्ठ, पूजा पराजुली, निर्मल शर्मा, लक्ष्मी गिरी,रश्मी भट्ट, सुरवीर पण्डित लगायतले पनि अभिनय गरेका छन् ।

आरबि मुभिजको ब्यानरमा निर्माण भएको चलचित्र ‘ड्रिम गर्ल’ लाई ऋषिराज आचार्य निर्देशन गरेका हुन् ।चलचित्रमा ऋषिराजसँगै अर्जुन शर्मा, रामेश्वर धितालको लगानी रहेको छ । यस चलचित्रमा सह-निर्मातामा दक्षिण भारतको रिल एण्ड रियल सिनेमा कम्पनी छ ।

राहुल राईको छायांकन रहेको यस चलचित्रमा अर्जुन पोखरेलको संगीत, गम्भीर विष्टको कोरियोग्राफी र नविन निरौलाको सम्पादन रहेको छ ।ट्रेलर रिलिज कार्यक्रममा निर्देशक ऋषिराजले निर्देशन गर्ने नयाँ दुई चलचित्रको पनि घोषणा गरिएको छ । ‘चुरीफुरी’ र ‘द्रोपदी’ नामको दुई चलचित्र निर्देशक ऋषिराजले बनाउने छन् ।

कलेज कलेजमा ‘जय भोले’को पब्लिसिटी

यसपालीको बडादशैंको अबसरमा ३० असोज फुलपातीका दिनबाट सिनेमा ‘जय भोले’ प्रदर्शन हुँदैछ । आफ्नो प्रचारलाई तिब्र बनाउँदै सिनेमा ‘जय भोले’ टिम केही दिन यताबाट स्कुल तथा कलेज यात्रामा छ । स्कुल कलेजका विद्यार्थीहरुसँग सिनेमाका कलाकारहरुले प्रत्यक्ष भेटघाटसँगै साक्षात्कार गर्दै आएका छन् ।सिनेमाका अभिनता खगेन्द्र लामिछाने, सौगात मल्ल, सलोन बस्नेत, अभिनेत्री स्वस्तिमा खड्का, निर्माता तथा निर्देशक अशोक शर्मा लगायतको टिम अहिले स्कुल तथा कलेजमा पुगेर विद्यार्थीहरुसँग साक्षात्कार गर्दै आएको छ । यसै क्रममा ‘जय भोले’ टिमले तीन दिनमा लिटिल एञ्जल कलेज हात्तिबन, ग्रान्ड एकेडेमी लगनखेल, प्रिमियर स्कुल सातदोबाटो, युनिक एकेडेमी कुमारीपाटी, ओमेघा कलेज कुमारीपाटी, नेशनल कलेज बालकुमारी, हिमालय कलेज कोटेश्वर, भिएस निकेतन मिनभवन, एसएम कलेज घट्टेकुलो, इपिएस स्कुल मिन भवन, एसिई हाइयर सेकेन्डरी मिन भवन लगायत विभिन्न कलेज तथा स्कुलमा विद्यार्थीहरुसँग साक्षात्कार गरिसकेका छ ।यस्तै आईतबारबाट तीन दिनसम्म काठमाडौं उपत्यकाका एक दर्जन भन्दा बढी स्कुल तथा कलेजमा सिनेमा ‘जय भोले’ युनिटले विद्यार्थीहरुसँग साक्षात्कार कार्यक्रम रहेको पनि निर्माता तथा निर्देशक अशोक शर्माले जानकारी दिए । स्कुल कलेज यात्राका क्रममा सिनेमाबारे विद्यार्थीहरु हाजिर जवाफ कार्यक्रम तथा विभिन्न खेल मार्फत पुरस्कार पनि प्रदान गरिँदै आएको छ ।

विद्यार्थीहरुसँग स्कुल कलेजमा ‘जय भोले’ सेल्फी पनि त्यत्तिकै लोकप्रिय हुँदै अएको निर्देशक शर्माले जानकारी गराए । यो सिनेमाका निर्माता तथा निर्देशक शर्माले दशैंमा सबै स्कुल तथा कलेज विदा हुने भएकाले विद्यार्थीहरुले आफुहरुसँग यो सिनेमा हेर्ने प्रतिवद्धता जनाएको बताएका छन् ।

‘गुनगुन’को पोस्टर रिलिज,कार्तिक ३० मा रिलिज हुने

कार्तिक ३० मा रिलिज हुने ‘गुनगुन’को पोस्टर सार्वजनिक गरिएको छ । सार्वजनिक पोस्टरमा सिनेमाको मुख्य पात्रहरुलाई समेटिएको छ भने यसको कथासारलाई पनि झल्काउने प्रयास गरिएको छ । पोस्टर सार्वजनिक गर्दै सिनेमाले आफ्नो प्रचार प्रसारलाई अगाडी बढाएको छ ।सिनेमामा प्रेमसँगै सामाजिक कथालाई पनि समेटिएको निर्देशक पुकार भट्टाराईले बताए । पुराना कलाकार पुकारले यसै सिनेमा मार्फत निर्देशनमा डेब्यु गर्दैछन् । प्राथना फिल्म्सको प्रस्तुतिमा तयार भएको सिनेमामा संचिता लुइँटेल , रविन्द्र प्रताप सेन , सुवास मेचे , नविन श्रेष्ठ , गणेश जिसी , देशभक्त खनाल , अनु भण्डारी , सुमेश श्रेष्ठ , राधा दाहाल , भिम मैनाली , बाल्दिप राई , विपिन प्रसाई र स्वयम् निर्देशक भट्टराईको अभिनय रहेको छ ।

सिनेमामा हिमाल केसीको द्वन्द , अर्जुन जिसीको सम्पादन र सौरभ लामाको छायाँकन रहेको छ । प्रेम कथामा आधारित यस सिनेमालाई उपत्यका बाहिर आर आर फिल्म्स र उपत्यका सुनिल मानन्धरले वितरण गर्नेछन ।

चलचित्र ‘निर्जला’को शिर्ष गीत रिलिज (भिडियो)

यहि असोज १९ गतेबाट प्रदर्शनमा आउन लागेको चलचित्र निर्जलाको शिर्ष गीत रिलिज गरिएको छ ।सबैकी प्यारी निर्जला बोलको गीतमा मेलिना राईको स्वर छ । गीतमा बबुल गिरीको संगीत र राम रुवालीको शब्द रहेको छ ।

चलचित्रलाई राजु गिरीको निर्देशन गरेका हुन् । फिल्ममा शुभेच्छासँगै नायक किशोर खतिवडा लगायतको अभिनय छ । फिल्मलाई प्रकाशचन्द्र न्यौपानेले निर्माण गरेका हुन् ।

कसलाई भन्दैछिन रेखा थापा- डर सँग आँखा जुधाएर हेर? (भिडियो)

लामो समय देखि नेपाली सिने क्षेत्रमा एक क्षत्र राज गरेकी अभिनेत्री रेखा थापाले निर्देशन गरेकी बहुप्रतिक्षित चलचित्र ‘मालिका’को ट्रेलर सार्वजनिक गरिएको छ ।’हिम्मतवाली’ पछि पुनः निर्देशनमा हात हालेकी रेखा गएको वर्ष प्रदर्शनमा आएको फिल्म ‘रुद्रप्रिया’ पछि पर्दामा देखिन लागेकी हुन्। चलचित्र ‘मालिका’ कार्तिक १६ गते देखी देश भरी प्रदर्शनमा आउदैछ।

सामाजिक रुपान्तरण र मुलुकको समसामयिक चासोको मुद्दा मुखरित गर्न निर्माण गरिएको मालिका रेखाको पाचौ फिल्म हो । रेखा थापाको अग्रणी अभिनय रहेको मालिकामा उनलाई साथ दिनेछिन कर्णाली कि छोरी कमला ओलीले । कमला त्यस अघी फिल्म क्षेत्रमा नितान्त अनिभिग्य किशोरि हुन I अक्सर महिला र सामाजिक मुद्दामा फिल्म निर्माण गर्ने रेखा फिल्मसले यस अघी एसिड आतंक बिरुद्द ‘रुद्रप्रिया’, अपाङ्गताको बिषयमा ‘हिम्मतवाली’, श्रमिक महिलाको बिषयमा ‘रामप्या रि’ ब्यबसायिक क्षेत्रमा महिला माथिजस्ता बिषय हुने असमानता र आत्मासम्मान बारे ‘काली’ बनाएकी रेखा यस पाली अझ गहन रुपमा प्रस्तुत भएकी सहजै बुझ्न सकिन्छ ।

शहर र ग्रामीण क्षेत्रमा ब्याप्त सामाजिक बिसँगति र प्रब्रितिलाई खल्-पात्रको रुपमा गहन लडाईं देखाउने छ जो सामाजिक, मनोबैज्ञानीक र भौतिक सबै तहमा पर्दामा देखिने छ । परम्परागत सम्बाद शैली भन्दा एक कदम अगाडि बढेर, देहाती, पश्चिमर कर्णाली क्षेत्रको खस शैली को भाषिक सुन्दरता र समिश्रण भएको यो फिल्ममा १०० भन्दा बढी कोरस भएको निर्त्य तथा पाँच भिन्न लोक सन्स्क्रिती झल्काउने कलात्मकता देखिन्छ ।

छोरीको निम्ती स्वर्णिम नेपाल महा अभियानको अभी यन्ता पनि रहेकी रेखा थापा र अभीयन्ता नर बहादुर कार्कीको दावी छ, मालिका एउटा फिल्म मात्रा होइन, यो एउटा अत्यावश्यक अभियानको हिस्सा हो । ‘तिमी भित्र पनि एउटा नायक छ’ भन्ने नारा रहेको मालिका फिल्मले देश भरिका छोरी हरुमा एउटा जागरण ल्याउन खोजेको देखिन्छ । यहाँ डर निर्धा र निर्धन को होइन, डर त शिक्षित र सम्पन्नता को खोल ओडेका हरुको छ’ भन्ने सम्बाद बाट शुरु भएको ट्रेलर ले छोरी हरुमाथि को बर्तमान प्रतिकुलता लाई कडा ब्यङ्य गरेको झल्किन्छ ।

शिवम अधिकारीको लेखन रहेको यस चलचित्रमा रामशरण उप्रेतीको छायांकन र सुरेश अधिकारीको संगीत रहेको छ ।चलचित्रमा बनिश शाहको सम्पादन तथा सरस्वति थापा निर्माता र नर कार्की कार्यकारी निर्माताको रुपमा रहेका छन् । यसअघि सार्वजनिक भएको ‘मालिका’ को ‘हल्का माया’ बोलको गीत अहिले चर्चामा छ ।

फ्राइडे रिलिज ‘छिरिङ’,’कथा काठमाण्डौ’ र ‘अनुराग’को भिडन्त

फ्राइडे रिलिजअन्तर्गत यो शुक्रबार अर्थात् आज बाट नेपाली कथानक चलचित्र ‘छिरिङ’, ‘कथा काठमाण्डौ’र ‘अनुराग’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र ‘छिरिङ’, ‘कथा काठमाण्डौ’र ‘अनुराग’को बारे बिस्तृत जानकारी प्रकाशन गरेका छौ ।

‘कथा काठमाण्डौ’

फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘कथा काठमाण्डौ’प्रदर्शनमा आएको छ।चलचित्रलाई संगीता श्रेष्ठले निर्देशन गर्नु भएको हो ।

काठमाण्डौलाई आफ्नो कर्मभुमि बनाएर रहिरहेका भिन्न भिन्न पात्रको कथालाई फिल्ममा चित्रण गरिएको छ ।चलचितमा प्रियंका कार्की, आयुष्मान डिएस जोशी, संजोग कोइराला, सन्ध्या केसी, प्रेक्षा अधिकारी, प्रमोद अग्रहरीको मुख्य भूमिका छ ।फिल्ममा गायिका इन्दिरा जोशी पनि विशेष भूमिकामा देखिदैछिन ।

आहाना फिल्मःको ब्यानरमा निर्माण भएको फिल्ममा विजय राइको लगानी छ । फिल्मलाई लुजा सिंहले खिचेका हुने भने यसलाई मित्र गुरुङले सम्पादन गरिरहेका छन् । भारत रेग्मीको कलर र भीएफएक्स रहेको फिल्मको पटकथा भने निर्देशक श्रेष्ठले नै लेखेकी हुन् ।

‘अनुराग’

फ्राइडे रिलिज अन्तर्गत आज बाट देशका प्रमुख सिनेमा घर बाट चलचित्र ‘अनुराग’पनि प्रदर्शनमा आएको छ।चर्चित पत्रकार ऋषि धमला श्रीमती एलिजा गौतमद्वारा निर्माण तथा अभिनय रहेको चलचित्र ‘अनुराग’लाई सत्यराज चौलागाईले निर्देशन गरेका हुन् ।

चलचित्रमा एलिजा गौतम सगै समुन्द्र पन्डित, ठिलेंन लामा, सरोज खनाल, रुपा राना, राजाराम पौडेल, शिशिर राना, मोहन निरौला, विश्व बस्नेत लगायतका कलाकारहरुको अभिनय रहेको छ ।

सत्यराज चौलागाईं र आगत केसीको पटकथा तथा संवाद रहेको फिल्मका प्रस्तुतकर्ता ऋषिराज धमला हुन् ।एरिका फिल्म्सको ब्यानरमा बनेको अनुरागमा भरत गौतम र गीता भेटवाल फिल्मको निर्माता हुन् । किरण दाहालको कथा, ताराप्रकाश लिम्बु र सरोज पोखरेलको संगीत रहेको फिल्ममा रामकुमार के.सीको छायांकन रहेको छ ।

‘छिरिङ’

यस्तै फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘छिरिङ’ दर्शनमा आएको छ।यसै फिल्मबाट गायक एवं अभिनेता यशकुमारले निर्देशकको रुपमा समेत डेब्यु गरेका छन् ।

चलचित्रमा यशकुमार,रुम्बा रुम्बा र कामना भुजेलको मुख्य भूमिका रहेको छ। सुनिल माथेमा प्रधान, आइबी दर्नाल र नवीन बुढाथोकीको निर्माण रहेको फिल्मलाई यश र याम थापासँग मिलेर लेखेका हुन् । मानकृष्ण महर्जनको छायांकन, मिलन श्रेष्ठ र साहिल खानको सम्पादन छ ।

दुई पति भएकी एक युवतीले गर्नुपरेको भौतिक, मानसिक, सामाजिक र सांस्कृतिक द्धन्द्ध फिल्मको कथावस्तु हो । उपल्लो मुस्ताङको सेट खडा गरिएको फिल्मले त्यहाँ चल्तीमा रहेको बहुपतिप्रथाको कथा पेश गर्छ ।