Saturday , 19 January 2019
News update
Home >> kollywood (page 6)

kollywood

चलचित्र ‘सयकडा दश’औपचारिक पोस्टर सार्वजनिक

माघ १८ गते प्रदर्शनमा आउन लागेको चलचित्र ‘सयकडा दश’औपचारिक पोस्टर सार्वजनिक गरेको छ ।प्रस्तुत पोस्टरमा फिल्मका सबै अभिनेता अटाएका छन् । पोस्टरअनुसार फिल्मको बटम लाइन ‘करप्सन भर्सेस लभ’ हो ।

भ्रष्टाचारले प्रेम, परिवार र समाजमा पारेको प्रभावको कथा फिल्मले पेश गर्छ । मनोज गजुरेल र राजाराम पौडेल समेत मुख्य भूमिकामा छन् । कमेडियन समेत रहेका गजुरेलको यो डेब्यु फिचर हो ।पौडेल र गजुरेलसहित अमृत ढुंगाना, करुणा श्रेष्ठ, अमित पोखरेल, सोनिया राईको अभिनय रहेको छ ।

रामशरण पाठक निर्देशित फिल्मले भ्रष्टाचारले प्रेम, परिवार र समाजमा पारेको प्रभावको कथा भन्छ । निर्देशक रामशरण पाठकले फिल्मले प्रेम र समाजमा आर्थिक भ्रष्टाचारले पर्ने असरको दृश्य चर्चा गर्ने बताए ।

रज्जु प्रधान, उत्तम खत्री, डीआर उपाध्याय, संजीव न्यौपानेले दर्शन नेपाल क्रिएसनको ब्यानरमा फिल्म निर्माण गरेका हुन् । निर्माणका लागि दर्शन नेपालले डीआर म्युजिक एन्ड ट्रेडिङसँग सहकार्य गरेको छ । नेपाल रिलिज अगाडि फिल्मले अंग्रेजी नयाँवर्ष २०१९ छेकोमा थाइल्यान्ड र म्यानमारदेखि प्रदर्शन थालनी गर्ने जनाएको छ ।

चलचित्र ‘द म्यान फ्रम काठमाडौं’को गीत, पोस्टर ,ट्रेलर र रिलिज मिति सार्वजनिक(भिडियो)

बिहिबार राजधानीमा एक कार्यक्रमको बिच चैत १ गतेलाई रिलिज मिति तय गर्दै नेपाली निर्माताले निर्माण गरेको अंग्रेजी चलचित्र ‘द म्यान फ्रम काठमाडौं’को गीत र ट्रेलर सार्वजनिक भएको छ।चलचित्रको गीत, पोस्टर ,ट्रेलर र रिलिज मिति एकसाथ सार्वजनिक गरिएको हो ।

सार्वजनिक गरेको ‘आकाशै घुमेर’ बोलको गीतमा प्रमुख कलाकार आना शर्मा र जोसे म्यानुअल फिचर छन्। जेशन कुँवरले संगीत भरेको यस गीतमा कुँवरको साथमा निकिता श्रेष्ठको स्वर रहेको छ। यसका गीतकार पनि कुँवर नै हुन्।गीतमा विजय मानन्धर र पेमा धोन्डुप कोरियोग्राफी रहेको छ।

चलचित्रलाई निर्देशन पेमा धोन्डुप तिब्बतीले गरेका हुन् ।यस चलचित्रमा अमेरिकी कलाकार जोसे म्यानुअल, बलिउड अभिनेता गुल्सन ग्रोवर, पाकिस्तानी अभिनेता हमिद शेखको साथमा नेपाली कलाकारहरु नीर शाह, आना शर्मा, शिशिर बाङ्देल, कर्म शाक्य, आमिर गौतम लगायतको अभिनय छ ।

कार्लोस मेडिनाको छायांकन, एरिक कारखेकको सम्पादन, हरि पिलाइको ध्वनी, जोसे म्यानुअलको स्टन्ट कोरियोग्राफी फिल्ममा रहेको छ ।पाँच करोड लगानीमा निर्माण भएको यो सिनेमाको छायाँकन लस–एन्जलस र काठमाडौंमा गरिएको छ। सिनेमालाई क्यूएफएक्स सिनेमाज्का प्रमुख नकिम उद्दिनले निर्माण गरेका हुन्।

चलचित्र ‘आरोप’को ट्रेलरमा किशोर खतिवडाको एक्सन अवतार (भिडियो)

किशोर खतिवडा र सञ्चिता लुईटेलको मुख्य भूमिका रहेको चलचित्र ‘आरोप’को ट्रेलर सार्वजनिक भएको छ ।माघ ११ गते रिलिज हुने ‘आरोप’को ट्रेलरमा किशोर खतिवडालाई एक्सन रुपमा देख्न सकिन्छ ।

अमर ओलीले निर्देशन रहेको ‘आरोप’मा किशोर खतिवडा र सञ्चिता लुईटेल सगै राजन गहतराज, राजु राउत, उद्धव गिरी, रिर्चा थापा, रश्मी भट्ट, दीपिका ढकाल, सुशिल पोखरेल, पे्रम खड्का लगायत कलाकारहरुको अभिनय रहेको छ ।

अमर ओलीले निर्देशन गरेको फिल्मलाई दिनेश पाठक र विजय सापकोटाले निर्माण गरेका हुन् । चलचित्रमा संगीत एस के अधिकारी, गणेश चौधरीको रहेको छ । सानु कुमार मर्हजनको कोरियोग्राफी, कमल राईको द्वन्द्व, विरेन्द्र भट्टको छायांकन, शाहिल खान र मिलन श्रेष्ठको सम्पादन रहेको छ ।

प्रदीप खड्का र जसिता गुरुङको चलचित्र ‘लभ स्टेशन’ चैत १ मा रिलिज हुने

चलचित्र लिलीबिलीका लोकप्रिय जोडी अभिनेता प्रदीप खड्का र अभिनेत्री चलचित्र जसिता गुरुङ अभिनित चलचित्र ‘लभ स्टेशन’ अब १ चैतबाट देशव्यापी सिनेमा हलमा रिलिज हुने भएको छ ।

चलचित्रका प्रस्तुतकर्ता एवम् वितरक गोबिन्द शाहीले बुधबार लभ स्टेशनको रिलिज मिति घोषणा गर्दै यसलाई १ चैतमा रिलिज गर्नुको कारणबारे भने,‘मैले वितरण गरेको चलचित्र क्याप्टेन १७ फागुनमा, साईंली १५ चैतमा र ए मेरो हजुर ३ को रिलिज २९ चैतमा गरिने भएपछि यी चलचित्रको प्रदर्शन व्यबस्थित गर्न पनि लभ स्टेशनलाई १ चैतमा रिलिज गर्ने निर्णय गरिएको हो ।’हाल सम्पादनको अन्तिम चरणमा रहेको लभ स्टेशनको अर्को साताबाट स्वराँकन सुरु हुने पनि उनले बताए ।

यो चलचित्रलाई उज्ज्वल घिमिरेले निर्देशन गरेका हुन् । उनका अनुसार चलचित्र लभ स्टेशन सांगीतिक प्रेम कथामा आधारित पारिवारिक सिनेमा हो । चलचित्र भित्र ‘लभ स्टेन’ विशेष ठाउँको नाम हुने निर्देशक घिमिरेले प्रस्ट्याएका छन् ।

हाल अष्ट्रेलियामा रहेका अभिनेता प्रदीप खड्काले यो पारिवारिक प्रेमकथामा आधारित रहेकाले बिगतको सिनेमा भन्दा लभ स्टेशनमा आफ्नो काम केही पृथक रहेको बताएका छन् । अहिलेसम्मको काम प्रसँसनीय भएको यी अभिनेताले जानकारी गराए ।

लभ स्टेशनलाई काफिया फिल्मस्को व्यानरमा काफिया शाही (क्रिसु) र कविरबिक्रम शाहीले निर्माण गरेका हुन् । यो चलचित्रमा प्रदीप र जसितासँगै रमेश बुढाथोकी, प्रकाश शाह, रेशु भट्टराई, बिनोद कुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु रानासहितको अभिनय छ ।आलोक शुक्लाको छायाँकन रहेको लभ स्टेशनमा शम्भुजीत बासकोटा, दीपक शर्मा, राजनराज शिवाकोटी र एलिश कार्कीको संगीत छ ।

चलचित्र ‘न यता न उता’को कमेडी ट्रेलर सार्वजनिक (भिडियो)

बुधबार राजधानीमा एक कार्यक्रमको बिच चलचित्र ‘न यता न उता’को ट्रेलर सार्वजनिक गरिएको छ। कमेडी जनरामा निर्माण भएको फिल्मको ट्रेलर पनि कमेडी फ्लेवरमा तयार पारिएको छ।

माघ २५ गतेबाट रिलिज हुने चलचित्र ‘न यता न उता’को सार्वजनिक गरिएको ट्रेलरमा फिल्मका प्राय: कलाकार फिचरिङ छन्। ४५ देखि ५० वर्ष उमेरका दुई पुरुष पात्रले विवाह गर्नका लागि गरेको संघर्षलाई फिल्मले प्रस्तुत गर्नेछ।

मिराज रोशन र विशारद बस्नेतको निर्देशनमा तयार भएको फिल्ममा ऋचा शर्मा, छुल्ठिम गुरुङ, समिर दिक्षीत र मिराज रोशनको मुख्य भूमिका रहेको छ। फिल्ममा बुद्धी तामाङ, रवीन्द्र झा, राजाराम पौडेल, कमलमणि नेपाल, नम्रता सापकोटा, सेल्सा जिरेल, जीवन भट्टराई लगायतको पनि अभिनय रहेको छ। निर्देशक मिराजकै कथा समावेश फिल्मलाई ओम गुरुङ र रीना लामाको लगानी रहेको छ। फिल्मलाई अरुण अशोककुमारले छायांकन गरेका छन्।

गाई पालक किसानको कथामा आधारित चलचित्र ‘गोपी’ को ट्रेलर रिलिज (भिडियो)

गाई पालक किसानको कथामा आधारित चलचित्र ‘गोपी’ को अफिसियल ट्रेलर रिलिज भएको छ । बिलकु लै फरक कथा बस्तु बोकेको चलचित्रको ट्रेलर आज रिलिज भएको हो । सार्वजनिक ट्रेलरमा नेपालमै बसेर केही गर्छु भनी गाईपालनमा लागेको युवाको कथा रहेको छ । एउटा किसानले कृषि गर्दा आईपर्ने समस्यहरु चलचित्रको माध्यमबाट देखाउन खोजिएको छ ।

चलचित्रले आफ्नै देशमा केही गर्न सकिन्छ भन्ने सन्देश युवाहरुलाई दिन खोजेको छ । सँग सँगै चलचित्रले किसानको मर्का पनि देखाउन खोजेको छ । चलचित्रको आज सार्वजनिक ट्रेलरले कृषिकहरु चलचित्र हेर्नका लागि उत्साहित हुने देखिन्छ । चलचित्रमा बिपिन कार्की गोपीको भूमिकामा रहेका छन् । यस्तै चलचित्रमा बर्षा राउत र सुरक्षा पन्त अपोजिट रोलमा रहेका छन् ।

दिपेन्द्र लामाको निर्देशन रहेको चलचित्रमा लामा कै कथा रहेको छ । आरोही केसीले निर्माण गरेको चलचित्रमा बिपिन, बर्षा र सुरक्षाको अलावा भोला सापकोटा, अन्कित खड्का, प्रकाश घिमिरे, रमेश अधिकारी, कुन्ती सिमली आदिको पनि अभिनय रहेको छ । सामिप्यराज तिमल्सिनाको स्क्रिनप्ले रहेको चलचित्रलाई निमेश श्रेष्ठले सम्पादन गरेका हुन् । श्रीधर पौडेल चलचित्रका कार्यकारी निर्माता हुन् । चलचित्र माघ १८ गतेबाट प्रदर्शनमा आउने तयारीमा रहेको छ ।

चलचित्र ‘दयारानी’ को फस्टुलक सार्वजनिक गर्दै प्रदर्शन मिति घोषणा

मंगलबार राजधानीमा एक कार्यक्रमका बीच निर्माण टिमले माओत्से गुरुङले निर्देशन गर्ने चलचित्र ‘दयारानी’  को प्रदर्शन मिती घोषणा भएको छ । अर्को बर्षको जेष्ठ १० गतेलाई चलचित्रको प्रदर्शन मिती घोषणा गरिएको छ । आज चलचित्रको पोष्टर सँगै प्रदर्शन मिती घोषणा गरिएको हो । चलचित्रको सार्वजनिक पोष्टरमा जेष्ठ १० गतेलाई प्रदर्शन मिती तय गरिएको छ ।चलचित्रको पोष्टरमा मुख्य कलाकारद्द्व दयाह्याङ राई र दिया पुन फिचर्ड रहेका छन् ।  पोष्टरमा दयाह्याङ र दियालाई गाउले परिवेशमा देखाइको छ । पोष्टरमा दयाह्याङलाई रोमान्टिक मुडमा देखाईएको छ भने दिया डोको बोकेर बसेकी छिन् ।
dayarani
माओत्से गुरुङको कथा तथा निर्देशन रहेको ‘दयारानी’ लाई मोहन गुरुङ,न्यु आइटी भेन्चर जापान, किरण गुरुङ र केन्द्र लिम्बुले संयुक्त रुपमा निर्माण गरेका हुन् । चलचित्रमा दयाह्याङ र दियाको अलावा बिजय बराल, प्रमिस गुरुङ, शिरिशा कुँवर, नयन गुरुङ,पुस्कर गुरुङ आदिको पनि अभिनय रहेको छ ।

सिने आर्टको प्रस्तुती रहेको चलचित्र माओत्से गुरुङ फिल्म्सको ब्यानरमा निर्माण भएको हो ।रामबाबु गुरुङ र अपिल बिष्ट चलचित्रका कार्यकारी निर्माता हुन् ।

चलचित्र ‘हजार जुनी सम्म’मा दीपाश्री निरौला आइटम गर्ल

विकासराज आचार्यको निर्देशन रहेको चलचित्र ‘हजार जुनी सम्म’ को छायांकन यति बेला धमाधाम भै रहेको छ ।नेपाली चलचित्र इतिहासमै सबैभन्दा धेरै सिक्वेल चलचित्र निर्माण गरेका निर्देशक विकासराज आचार्यको यस चलचित्रमा गायक उदय सोताङ तथा गायिका मनिला सोताङको गीत ‘हजार जुनी सम्म’बाट सापटी लिएर यो चलचित्रको नाम राखिएको हो ।

चलचित्रको एउटा गीत यतिबेला बालाजुस्थित एनएफ डीसीको हलमा छायांकन समेत गरिएको छ । प्रल्हाद तिमल्सिना र मीना निरौलाको स्वरमा रहेको लोक शैलीको गीत छायांकन गरिएको बताइएको छ ।

वि.सं २०७६ सालको भदौ १३ गतेबाट रिलिज हुन लागेको चलचित्र ‘हजार जुनी सम्म’मा दीपाले ‘भट्टीको साहुनी’को रुपमा आइटम नृत्य गरेकी छिन् । यो गीतमा उनको नाम ‘शर्मिला’ राखिएको छ ।‘आज नगद भोली उधारो’ बोलको गीतमा चलचित्र ‘छक्का पञ्जा ३’ कि निर्देशक समेत रहेकी हास्यकलाकार दीपाश्री निरौला सगै हास्यकलाकार शिवहरी पौडेल, नायक आर्यन सिग्देल र नवनायक अकी प्रधानलाई फिचर गरिएको छ ।

विकासराज आचार्य र सामिप्यराज तिमिल्सिनाले संयुक्त रुपमा लेखेको चलचित्रमा नायिका निरुता सिंह, प्रियंका कार्की, स्वस्तिमा खड्का, सलोन बस्नेत लगायतका कलाकारहरुको समेत अभिनय रहने बताइएको छ ।चलचित्रको छायांकन आइटम गीत सकिएसँगै पोखरामा गरिनेछ । नायिका स्वस्तिमा खड्काले आफू सिक्किमकी यूवतीको भूमिकामा चलचित्रमा देखिएको बताइन् । चलचित्रमा विशाल चाम्लिङको लगानी छ ।

चलचित्र ‘कागजपत्र’ को प्रदर्शन मिति र अफिसियल पोस्टर सार्वजनिक

अपिल विष्टको निर्देशन रहेको चलचित्र ‘कागजपत्र’को प्रदर्शन मिति तय गर्दै अफिसियल पोस्टर सार्वजनिक गरिएको छ ।चैत्र ८ गतेलाई आफ्नो प्रदर्शन मिती तय गरिएको ‘कागजपत्र’को सार्वजनिक ४ पोस्टरमा मुख्य कलाकार नाजिर हुसेन, शिल्पा मास्के, भोलाराज सापकोटा, सरिता गिरी, लोकेन्द्र लेखकलाई स्थान दिइएको छ ।

कमेडी र सोसल ड्रामा जनरामा राखिएको ‘कागजपत्र’मा चलचित्र ‘कागजपत्र’ मा नाजीर हुसैन,भोलाराज सापकोटा, सरिता गिरी, शिल्पा मास्के, निरज सिंह विष्ट, लक्ष्मी वर्देवा लगायतका कलाकारहरुको अभिनय रहनेछ ।

वल्डवाइड फिल्मस् र औस फिल्मस् को प्रस्तुतीमा निर्माण हुने यस चलचित्रमा खिलेन्द्र तिमल्सिना, मुकेश रेग्मी र प्रजापति सिवाकाटीको लगानी रहने छ ।चलचित्रका कार्यकारी निर्माता बिशारद बस्नेत हुन् ।

चलचित्रमा संगीत सापकोटाको संगीत रहने फिल्ममा अष्ट महर्जनको द्वन्द्व र अष्ट्रेलियन सिनेम्याटोग्राफर कासिमिर डिकसनको छायांकन,निमेष श्रेष्ठको सम्पादन रहेको छ ।

फाल्गुन १७मा ‘जात्रै जात्रा’ रिलिज नहुने, अनमोलको ‘क्याप्टेन’सग ‘दि ब्रेकअप’भिड्न तयार

आशिरमान देशराज जोशी र डेब्यु अभिनेत्री शिल्पा मास्के स्टारर सिनेमा ‘दि ब्रेकअप’को रिलिज डेट पोस्टपोन्ड गरिएको छ । यसअघि पौष २७ गते रिलिज हुने तयारीमा रहेको सिनेमा अब फाल्गुन १७ गतेबाट अलनेपाल रिलिज हुने भएको छ ।यो डेटमा पहिल्यै नै सुपरस्टार अभिनेता अनमोल केसीको नयाँ सिनेमा ‘क्याप्टेन’ र विपिक कार्कीको ‘जात्रै जात्रा’ प्रदर्शनमा आउने तय गरिएको थियो ।

‘जात्रै जात्रा’को छायाँकन सुरु भएको केही समय पश्चात सिनेमाका मुख्यपात्र विपिन कार्की दुर्घटनामा परे पश्चात यो सिनेमाको छायाँकन रोकीएको छ । जसले गर्दा पनि अब उक्त डेटमा ‘जात्रै जात्रा’ प्रदर्शन नहुने पक्का भएकाले पनि उक्त डेटमा ‘दि ब्रेकअप’ले अफ्नो पौष २७ को प्रदर्शन मितीलाई फाल्गुन १७ लाई तय गरिएको हो ।

अब यो मितीमा सुपरस्टार अभिनेता अनमोल केसी र उनलाई नेपाली सिनेमामा डेब्यु गराउने निर्देशक हेमराज बिसीको सिनेमा एक आपसमा जुध्ने पक्का भएसँगै यो खबरले नेपली सिनेमा क्षेत्रमा तरङ्ग पैदा गरेको छ ।

‘दि ब्रेकअप’मा आशिरसँगै शिल्पा मास्के, इच्छा कार्की, सरोज खनाल, रेमनदास श्रेष्ठलाई पनि लिड अभिनयमा छन् । निर्देशक बिसीसँगै रुपक थापा, दीपक खतिवडा र रेणु राणाले सिनेमालाई निर्माण गरेका हुन् । सुरेन्द्र पौडेलको सम्पादन रहेको सिनेमाको छायाँकन नरेन्द्र मैनालीले गरेका छन् । नेपाल र अष्ट्रेलियामा छायाँकन गरिएको यो सिनेमाको यसअघि रिलिज ‘आज हाम्रो’ र ‘हरपल’ बोलका दुई गीत सार्वजनिक भैसकेका छन् ।

त्यस्तै, दिवाकर भट्टराईको निर्देशनमा तयार भएको क्याप्टेनमा अनमोलसँगै उपसना सिंह ठकुरी, प्रियंका एमवी, प्रशान्त ताम्राकार, सुनिल थापा, सरोज खनालको पनि मुख्य भूमिका रहेको छ।