Thursday , 21 March 2019
News update
Home >> kollywood (page 6)

kollywood

चलचित्र ‘द म्यान फ्रम काठमाडौं’ युनिट चितवनमा , परम्परागत नेपाली फिल्म भन्दा फरक धारमा

चैत्र १ गतेबाट प्रदर्शनमा आउन लागेको चलचित्र ‘द म्यान फ्रम काठमाडौं’ अहिले चलिरहेको नेपाली चलचित्र भन्दा फरक धारमा बनेको निर्माता नकिम उद्दिनले बताएका छन् । उनले ‘द म्यान फ्रम काठमाडौं’ परम्परागत नेपाली फिल्म भन्दा फरक धारमा बनेको बताएका छन् ।प्रदर्शन मिती नजिकिदै गर्दा प्रचार प्रसारको लागि आज चितवनमा आयोजना गरिएको पत्रकार सम्मेलनमा बोल्दै निर्माता उद्दिनले यस्तो बताएका हुन् ।

उनेल ‘कागबेनी’ र ‘सानो संसार’ पछी आफुहरुले पुन एक पटक फरक किसिमको चलचित्र निर्माण गरेको बताएका छन् । उनले चलचित्रलाई नेपाली बजारमा मात्र सिमित नराखी अन्तरराष्ट्रिय बजार सम्म पुराउने सोचका साथ ‘द म्यन फ्रम काठमाडौं’ निर्माण गरिएको बताएका छन् ।’नेपाली सिनेमालाई नेपाली बजारमा मात्र सिमित गर्न हुँदैन, अब बिस्तारै अन्तरराष्ट्रिय बजार सम्म पुराउनु पर्छ र यही सोचका साथ यो फिल्म बनाएका छौं । हुन सक्छ यही चलचित्रबाट हामी सफल नहुन पनि सकिएला तर प्रयास गरेका छौं – उनले भने ।’

यस्तै उनले फिल्मलाई अन्तरराष्ट्रिय बजार सम्म लैजाने भए पछी त्यहाको फिल्मको स्तर सँग मेल गराउनका लागि पोस्ट प्रोडक्सनको सबै काम अमेरिकामा गरिएको बताएका छन् । उनले यो फिल्मलाई बिदेशी बजार सम्म पुराउनको लागि चलचित्रमा रहेका बिदेशी कलाकारहरुले ठुलो सहयोग पुग्ने विश्वाश ब्यक्त गरेका छन् ।

चलचित्रमा कलिउड सँगै हलिउड, बलिउड र पाकिस्तानी कलाकारहरुको अभिनय रहेको छ । चलचित्रलाई अमेरिकी निर्देशक पेमा धोन्डुपले निर्देशन गरेका हुन् भने प्राविधिक टोलीहरु पनि बिदेशी नै रहेको कारण फिल्मको स्तर बिदेशी फिल्मकै जस्तै बनेको उनले बताएका छन् । चलचित्र नेपाली र अंग्रेजी दुबै भाषालाई प्रदर्शन गरिने उनले बताए । नेपालमा नेपाली भाषामा प्रदर्शन हुनेछ भने अन्य देशहरुमा अंग्रेजी भाषामा प्रदर्शन गरिनेछ । फिल्म नेपालमा चैत्र १ गतेबाट प्रदर्शन हुनेछ भने अन्य देशको प्रदर्शन मिती तय हुन बाँकी रहेको छ ।

कलाकार कर्मा शाक्यले चलचित्रमा आफ्नो नेगेटिभ भूमिका रहेको बताएका छन् । यस्तै कर्माले अहिले सम्म नेपाली चलचित्र नदेखिएको एक्सन दर्शकहरुले ‘द म्यान फ्रम काठमाडौं’ मा देख्न सक्ने बताएका छन् । उनले अन्य चलचित्रको भन्दा यसमा फरक एक्सन रहेको बताएका हुन् ।

उनले फिल्ममा एक्सन सँगै रोमान्स पनि रहेको जानकारी दिएका छन् । कर्माले यो चलचित्रको टिम सँग काम गर्दा धेरै खुशी लागेको बताएका छन् । ‘हुन त मैले यस अघी पनि बिदेशी कलाकारहरु सँग नेपाली फिल्ममा काम गरेको छु । सबै फिल्ममा आ-आफ्नै किसिमको अनुभव छ, यो फिल्मबाट पनि धेरै अनुभव लिएको छु – उनले भने ।’

अभिनेत्री आना शर्माले चलचित्रमा आफुले एउटा सामाजिक अभियन्ताको भूमिका निर्वाह गरेको बताएकी छिन् । ‘चलचित्रमा अमेरिकाबाट नेपाल आएका एक युवा जो सत्यको खोजीमा लागिरहेको हुन्छ उसलाई नेपाली संस्कार र संस्कृती बारे मैले बुझाउने बुझाउन खोजेको छु – आनाले भनिन् । यस्तै आनाले चलचित्रमा एक्सन सँगै मायाको कथा पनि रहेको बताएकी छिन् ।

आनाले यस चलचित्रमा नेपाली सिनियर कलाकारहरु सँगै बिदेशी टिम सँग काम गर्न पाउद धेरै सिक्ने अवसर मिलेको बताएकी छिन् । ‘जेरी’ देखी ‘ग्याङस्टार ब्लुज’ हुँदै ‘द म्यान फ्रम काठमाडौं’ सम्म आइपुग्दा सबैमा फरक अनुभव संगाल्दै धेरै कुरा सिकेको आनाले बताएकी छिन् ।

फिल्ममा कर्मा र आना सँगै अन्य नेपाली कलाकारहरुमा निर शाह, मिथीला शर्माको लगायतको अभिनय रहेको छ । यस्तै बिदेशी कलाकारहरुमा जोस म्यानुएल, गुल्सन ग्रोभर, हामीद शेख लगायतको अभिनय रहेको छ । जोस हलिउड कलाकार हुन् भने ग्रोभर बलिउडमा चर्चित भिलेन हुन् । यस्तै शेख पाकिस्तानका चर्चित कलाकार हुन् ।

चलचित्र ‘मेरो एउटा साथी छ’ को सिक्वेल बन्ने

चलचित्र ‘मेरो एउटा साथी छ’ को सिक्वेल बन्ने भएको छ । १० बर्ष अघीको सुपर हिट चलचित्रको सिक्वेल बन्ने भएको हो । १ दशक अघी निर्माण भएर प्रदर्शनमा आएको चलचित्र ‘मेरो एउटा साथी छ’ को सिक्वेल हेर्न दर्शकहरु निकै आतुर रहेका थिए । हालै मात्र चलचित्रको सिक्वेल बन्ने खबर बाहिरिएको हो ।

आर्यन सिग्देल र नम्रता श्रेष्ठको अभिनय रहेको ‘मेरो एउटा साथी छ’ लाई दर्शकहरुले निकै मन पराएका थिए । यही चलचित्र पछी यो जोडीलाई दर्शकहरुले निकै माया समेत दिने गरेका छन् । चलचित्र ‘मेरो एउटा साथी छ’ को सिक्वेललाई आईकोर सिनेमाले निर्माण गर्ने भएको हो ।

चलचित्रको सिक्वेल बन्ने भएता पनि यस बारे अन्य कुरा भने अहिले केही पनि बताईएको छैन । स्रोतका अनुसार ‘मेरो एउटा साथी छ’ को सिक्वेललाई दिनेश राउतले निर्देशन गर्नेछन् । यद्दपी निर्देशन राउतले भने यस बिषयमा केही बोलेका छैनन् । तर निर्माण पक्ष र निर्देशक राउत बिच कुराकानी भएको र उनले नै चलचित्र निर्देशन गर्ने लगभग पक्का भईसकेको छ ।

निर्माण पक्ष र निर्देशक राउत बिच मौखिक सहमती भइसकेको र छिट्टै कागजी सम्झौता हुने बताईएको छ । यस अघी ‘मेरो एउटा साथी छ’ लाई सुदर्शन थापाले निर्देशन गरेका थिए भने राउत उक्त चलचित्रमा असिस्टेन्ट रहेका थिए । राउत पछील्लो समय लभ स्टोरी जनराको चलचित्र बनाउन माहिर निर्देशकको रुपमा चर्चित रहेका छन् ।

चलचित्रमा ‘मेरो एउटा साथी छ’ कै कलाकार दोहोरिने अथवा कास्टिङ लाइन अप नयाँ रहने भन्ने बिषय पनि टुङगो लाग्न बाँकी रहेको छ । तर फिल्ममा आर्यन र नम्रता नै रहने सम्भावना धेरै रहेको छ । निर्देशक राउतले आर्यन र नम्रता सँग ‘नोभेम्बर रेन’ र ‘क्लासिक’ जस्ता सुपर हिट फिल्ममा काम गरिसकेकोले यही जोडी ‘मेरो एउटा साथी छ’ को सिक्वेलमा पनि रहने सम्भावना बढी रहेको छ ।

राउतले पछील्लो समय नम्रतालाई लिएर ‘पर्व’ र ‘प्रसाद’ निर्देशन गरेका थिए । उक्त फिल्मले पनि बक्स अफिसमा राम्रो छाप छोडेको छ । यो भन्दा पनि ‘मेरो एउटा साथी छ’ मा यो जोडीलाई दर्शकहरुले निकै रोचाएको कारण दर्शकहरु सिक्वेलमा पनि यहि जोडीलाई देख्न चाहन्छन् ।

पलको जन्मदिनमा ‘वीरविक्रम २’ रिलिज घोषणा

पल शाह स्टारर चलचित्र ‘वीरविक्रम २’ को प्रदर्शन मिति घोषणा गरिएको छ । ‘पिरतीको मिठो तिर्सना’ बोलको गीतले बजारमा फिल्मको राम्रो हाइप बनाएको अवस्थामा निर्माण टिमले शुक्रवार औपचारिक रुपमा प्रदर्शन मिति घोषणा गरेको हो ।

फ्लोरमा नजाँदैदेखि चर्चामा रहेको ‘वीरविक्रम २’ अर्को वर्षको जेठ ३ गतेबाट देशभर प्रदर्शनमा आउने तय भएको छ । निर्देशक तथा निर्माता मिलन चाम्सले अभिनेता पलको जन्मदिनको अवसर पारेर चलचित्रको प्रदर्शन मिति घोषणा गरेका हुन् । यो डेटमा प्रियंका कार्की र आयुष्मान देशराज जोशी स्टारर फिल्म ुप्रेम दिवसु पनि आउँदैछ ।

यो चलचित्रबाट अभिनेता आकाश श्रेष्ठले अन्तिम समयमा हात झिकेपछि पलले उनको ठाउँ लिएका थिए । चलचित्रमा वर्षा सिवाकोटी र नाजिर हुसेन पनि लिड रोलमा छन् । चलचित्रलाई सुदीप बरालले खिचेका हुन् । हिमाल केसीको द्वन्द्व रहेको चलचित्रको कथा प्रदीप भारद्धाजले लेखेका हुन् ।

यसमा बुद्धि तामाङ, देशभक्त खनाल, विनिशा भण्डारी, विनोद सुवेदी खत्री, मनिष लिम्बुलगायतका कलाकारहरुको पनि अभिनय छ । चलचित्रमा अपर्ण सापकोटा सह(निर्माताको रुपमा रहेका छन् । नयाँ कथामा निर्माण भएकाले ‘वीरविक्रम २’ सिक्वेल नभएको निर्माण टिमको भनाई छ ।

‘जानी नजानी’ को ट्रेलर सार्वजनिक

आगामी चैत्र १ मा रिलिज हुने चलचित्र ‘जानी नजानी’ को ट्रेलर सार्वजानिक भएको छ । सार्वजनिक ट्रेलरमा फिल्मको कथासार र क्यारेक्टरलाई परिचित गराइएको छ । लिडकलाकार मनिष श्रेष्ठ , नम्रता श्रेष्ठ , सन्नी सिंहसँगै डेब्यु गर्ल निरिशा बस्नेतको परिचयसँगै यिनको क्यारेक्टरलाई प्रस्ट्याइएको छ । चलचित्रमा मनिषले देव , निरिशाले मीरा , सन्नीले चिराग र नम्रताले वर्षाको भूमिका निर्वाह गरेका छन् ।

लभ स्टोरी रहेको फिल्म यी चारकै वरपर घुमेको छ ।फिल्म पूर्णतया लभ स्टोरी रहेको डेब्यु निर्देशक बसन्त अधिकारीले बताएका छन् । धेरै चलचित्रमा मुख्य सहायक निर्देशकको रुपमा काम गरिसकेका अधिकारी यसै चलचित्र मार्फत निर्देशनमा डेब्यु गर्दैछन ।

आधुनिक प्रेम कथामा आधारित चलचित्रको कथा , पटकथा र संवाद सामिप्यराज तिमिल्सेनाले लेखेका हुन् । फिल्ममा प्रकाश अधिकारी, कृष्ण भक्त महर्जन , रोशनी केसी लगायतको पनि अभिनय रहेको छ । चलचित्रमा छायाँकन संजय लामाको रहेको छ भने यसमा संगीत अर्जुन पोखरेलले दिएका छन् ।


फिल्ममा कविराज गहतराज , प्रविन सिंह र शिशिर खातीको कोरियोग्राफी रहेको छ भने यसको सार्वजनिक फस्टलुक पोष्टरलाई कलर ब्लाइन्डले तयार परेको हो । फिल्ममा अर्जुन जिसीको सम्पादन , बसन्त घर्ति मगरको भीएफएक्स रहेको छ भने यसको कलरिस्ट रेनिश फागो हुन् । रोशनी इन्टरटेन्मेनटको ब्यानरमा निर्मित फिल्मकी प्रस्तुतकर्ता रोशनी केसी हुन् । फिल्ममा मोदनाथ खनाल र सागर काजी मालीको निर्माण रहेको छ ।

‘क्याप्टेन’ प्रचारप्रसार गर्न अनमोल र भुवन चितवनमा (फोटोफिचर)

 

फाल्गुन १७ गतेबाट प्रदर्शनमा आउन लागेको चलचित्र ‘क्याप्टेन’ प्रचारप्रसारको लागी चितवन आएको छ । अभिनेता तथा निर्माता भुवन केसीले चलचित्रले राष्ट्रिय फुटबल टिमको कथा बोकेकोले ‘क्याप्टेन’ राष्ट्रले गौरव गर्न लागेको चलचित्र रहेको वताए ।

चलचित्रको प्रचार प्रसारको लागि चितवन आईपुगेका केसीले आज ईन्द्रदेव सिनेमा हलमा आयोजित पत्रकार सम्मेलनमा चलचित्रले राष्ट्रिय भाव झल्काउने बताएका हुन् । यस्तै केसीले चलचित्र अन्य कुनै निर्माता अथवा ब्यानरले निर्माण गरेको भए लगानी ८ करोड हाराहारीमा पुग्ने उनले बताए ।

‘अन्य ब्यानर अथवा कुनै अरु निर्माताले निर्माण गरेको भए लगानी ८ करोड पुग्ने थियो तर हामीले २ करोड हाराहारी सम्पन्न गर्यौ । ३५ बर्षे करियरमा धेरै सँग राम्रो सम्बन्ध भएकोले सबैले सहयोग गर्नु भयो । यसर्थ फिल्म २ करोड आसपासमा सकियो – केसीले भने ।’

यस्तै केसीले चलचित्रको ‘कर्ली कर्ली कपाल’ लाई लागेको चोरीको आरोप बारे पनि मुख खोलेका छन् । पत्रकारहरुले चोरी आरोप बारे राखेको प्रश्नको जवाफ दिदै उनले संयोगबस एक बलिउड फिल्मको गीत सँग यसको कोरियोग्राफी मिल्न गएक बताएका छन् । ‘कहिले काही यसरी मेल खान सक्छ, संसारमा फिल्म बन्ने भनेको रोमान्स र एक्सनको कथामा हो, यसर्थ कहिले काही मेल खान सक्छ यसलाई चोरी नै भन्न मिल्दैन – उनले भने ।’

केसीले चलचित्रमा नेपाली राष्ट्रिय फुटबल टिमको खेलाडीहरुको समेत अभिनय रहेको बताए । यस्तै उनले निर्देशक दिवाकर भट्टराईले निर्देशकिय पाटोमा न्याय गरेको पनि बताए । राष्ट्रिय टिमबाट आफ्नो देशको प्रतिनिधित्व गर्दै खेल्न चाहने एक खेलाडीले के कस्तो संघर्ष गर्नु पर्छ भन्ने कथा नै ‘क्याप्टेन’ भएको निर्माता केसीले बताएका छन् ।

चलचित्रमा नायक अनमोल केसीले ‘क्याप्टेन’ का लागि आफुले निकै मेहनत गरेको बताएका छन् । उनले आफुलाई एउटा फुटबल खेलाडीको रुपमा प्रस्तुत गर्नका लागि ४ महिना बिहान बेलुका नै फुटबलको प्रशिक्षण लिएको बताएका छन् । अनमोलले चलचित्रका लागि राष्ट्रिय टोलीका पुर्व कप्तान, वर्तमान राष्ट्रिय टोलीका कप्तान, पुर्व खेलाडी , वर्तमान राष्ट्रिय टोलीका खेलाडी र प्रशिक्षकहरुबाट पनि ठुलो सहयोग मिलेको बताएका छन् ।

एउटा युवकले राष्ट्रिय टिमबाट खेल्दै देशलाई विश्व माझ चिनाउन के कस्तो संघर्ष गर्छ भन्ने कथा ‘क्याप्टेन’ ले बोकेको उनले बताएका छन् । अनमोलले यस अघीका चलचित्रलाई चितवनका दर्शकहरुले अत्याधिक रुचाएकोले यस पटक पनि चितवनबाट धेरै मायाको अपेक्षा रहेको बताएका छन् । ‘क्याप्टेन’ आफ्नो करियरको फरक फिल्म भएकोले एक पटक हेरेर प्रतिकृया दिन समेत उनले सम्पूर्ण दर्शकहरुलाई आग्रह गरेका छन् ।

फागूण १७ गतेबाट रिलिज हुन लागेको यो चलचित्रमा अनमोलको अलावा सुनिल थापा, उपासना सिंह ठकुरी, प्रियंका एमभी, प्रशान्त ताम्राकार, राजाराम पौडेल, विल्सन विक्रम राई मुख्य भूमिकामा छन् । द सुपर काजोल फिल्म्सको ब्यानरमा निर्माण भएको चलचित्रलाई दिवाकर भट्टराइको निर्देशन गरेका हुन् । फिल्ममा निर्देशक दिवाकर भट्टराईसँगै सामिप्यराज तिमल्सेनाको कथा, सुदीप बरालको डिओपी, नवराज उप्रेतीको छायांकन, अर्जुन पोखरेलको संगीत, दिर्घ राज खड्काको सम्पादन, कविराज गहतराजको कोरियोग्राफी रहेको छ । जिया केसु चलचित्रकी कार्यकारी निर्मात्री हुन् ।

‘कप्स’ को ‘तिमी र म’ बोलको रोमान्टिक गीत सार्वजनिक (भिडियो)

ह्याण्ड्सम भिलेन उपनामले चर्चित अभिनेता अनुप बिक्रम शाही अभिनित चलचित्र ‘कप्स’ को गीत सार्वजनिक भएको छ । चलचित्रको ‘तिमी र म’ बोलको रोमान्टिक गीत आज सार्वजनिक भएको छ । गीतमा अभिनेता अनुप र अभिनेत्री सन्दिपा लिम्बुलाई रोमान्टिक मुडमा देखाईएको छ । मनोरम दृश्यमा अनुप र सन्दिपाको जोडीलाई निकै लोभ लाग्दो देखिएको छ । गीतमा अनुप र सन्दिपा एक अर्काको प्रेममा रहेका छन् ।

गीतमा विजय घिमिरे र नीतु गुरुङको आवाज रहेको छ । गीतमा गायक घिमिरेकै शब्द तथा संगीत रहेको छ । गीतको भिडियोमा शिशिर खातीको कोरियोग्राफी रहेको छ । चलचित्रलाई सम्राट सापकोटाले निर्देशन गरेका हुन् भने राम शाक्यले निर्माण गरेका हुन् ।चलचित्रमा अनुप र सन्दिपाको अलावा अमित गिरी, रामराज क्षेत्री, अनुपमा भण्डारी लगायतको पनि अभिनय रहेको छ । चलचित्रलाई सुशन प्रजापतीले खिचेका हुन् भने बिपिन मल्लले सम्पादन गरेका हुन् ।

चलचित्र ‘कागजपत्र’ ट्रेलर रिलिज

चैत्र ८ गतेदेखि रिलिजको मिति कुरेर बसेको चलचित्र ‘कागजपत्र’ को ट्रेलर सार्वजनिक भएको छ । नक्कली कागजपत्र र आफ्न्तसँगै नक्कली विवाह गरेर अष्ट्रेलिया जानेरचाहनेहरुको कथामा आधारित भएर निर्माण भएको हो । इपी एजुकेशन अष्ट्रेलियाको प्रस्तुतीमा तयार भएको फिल्म वल्र्डवाइड फिल्मस् र अस सिनेमाको संयूक्त व्यानरमा निर्माण भएको हो । फिल्म सामाजिक तथा कमेडी कथामा निर्माण गरिएको निर्देशक तथा लेखक अपिल बिष्टले बताए ।


बसन्त सापकोटा र संगीत सापकोटाको संगीत छ भने निमेष श्रेष्ठको सम्पादन रहेको छ । फिल्मलाई अस्ट्रेलियन सिनेमाटोग्राफर क्यस्मिर डिक्सनले खिचेका हुन् । लोकेन्द्र लेखक, जीवन भट्टराई, लक्ष्मी वर्देवा, अर्जेस रेग्मीलगायतका कलाकारहरुको पनि चलचित्रमा अभिनय छ । यसको निर्मातामा खिलेन्द्र तिमल्सिना, मुकेश रेग्मी र प्रजापती सिवाकोटी छन् ।

फिल्ममा किरण न्यौपाने र सरस्वती श्रेष्ठ सह(निर्माताको रुपमा रहेका छन् ।अभिनेत्री शिल्पाले आफ्नो डेब्यु फिल्म भएका कारण ‘कागजपत्र’ माथि ठूलो आशा र भरोसा रहेको बताइन् ।

यसमा अभिनेता नाजिर हुसेनसँग अभिनेत्री शिल्पा मास्केको प्रेम देखिइएको छ, तर अष्ट्रेलिया जानका लागि उनले अभिनेत्री सरिता गिरीसँँग बैबाहिक जीवनमा बाँधिएका कलाकार भोलाराज सापकोेटासँग नक्कली विवाह गरेकी छन् ।

‘साइँली’को ‘प्याट् प्याटे’ चप्पल (भिडियो)

चलचित्र ’साइँली’को दोस्रो गीत सार्वजनिक गरिएको छ । चत्रै १५ गतेवाट प्रदर्शनमा आउन लागेको चलचित्रमा समावेश प्याट प्याटे बोलको गीत सार्वजनिक गरिएको हो । गीतमा सिनेमाका मुख्य कलाकार दयाहाङ राई, गौरव पहाडी, मेनुका प्रधान, केनिपा सिंह लगायतका कलाकारलाई फिचर्ड गरिएको छ ।
सुशान्त गौतमको संगीत, हर्क साउँदको शब्द तथा संगीतकार गौतमको स्वर छ । बैदेशीक रोजगारीको कथामा निर्माण भएको सिनेमालाई रामबाबु गुरुङले निर्देशन गरेका हुन् । चलचित्रलाई गायक हेमन्त राना र गौरव पहारीले निर्माण गरेका हुन् । जिएच इन्टरटेनमेन्टको व्यानरमा निर्माण भएको सिनेमामा माओत्से गुरुङ, केनिपा सिंह, प्रकाश घिमिरे, अरुण कार्की, लगायतका कलाकारको पनि मुख्य भुमिका रहेको छ ।

विशाल गुरुङ र मोहन राना मगरको लगानी रहेको चलचित्रमा बिजय अवाले, विकाश पुजास, सुवेच्छा केसी सह निर्माताको रुपमा रहेका छन् । कार्यकारी निर्माता मणिराम पोखरेल हुन् । सिनेमामा काली प्रसाद बास्कोटा, सुशान्त गौतमको संगीत, शैलेन्द्र डि कार्कीको छायांकन, निमेष श्रेष्ठको सम्पादन रहेको छ ।

चलचित्र ‘अदालत’ को ट्रेलर सार्वजनिक (भिडियो)

फागुन २४ गतेबाट रिलिज हुने चलचित्र ‘अदालत’ को ट्रेलर सार्वजनिक भएको छ । चलचित्रका लेखक तथा निर्देशक दिनेश लिङ्देन रहेका छन् । फाल्गुनन्द लिङ्देन फिल्मस्द्वारा निर्माण गरिएको चलचित्रमा एलिना बास्कोटा, राजकुमार अधिकारी, मदन भुजेल, रुद्र पाहिम लिम्बु, शान्ति लामा, मेखबहादुर मगर, उदय सुब्बा, प्रेम आले, दिपक क्षेत्री, राजु घिमिरे, दिलिप ठकुरी, पुन्य ओझा, अजय खडकाआदिको मुख्य भुमिका रहेको छ ।

मदन, राजकुमार, रुद्र र शान्तिले यसै फिल्मबाट डेब्यु गरेका हुन् । चलचित्रमा डा डा. डिजन भट्टराईको गीत, रोशन बान्तवा राईको संगीत, दिनेश माङमुको नृत्य, राजु किराँतीको द्वन्द्व, विक्रम डिसिको छायांकन छ । बसन्त थेवे कार्यकारी निर्माता, मेखबहादुर मगर सह–निर्माता र आरपी दाहाल प्रस्तुतकर्ता रहेका छन् ।

´भैरव`को सिक्वेलमा निखिल सगै संचिता पनि देखिने

शिव पुन-,दाङ – करिब २ दशक अगाडि फिल्म ´पिंजडा` मा सात तला माथिबाट हाम फालेर एकाएक चर्चामा आएका नायक निखिल उप्रेतीले नेपाली सिनेमा क्षेत्रका लागि दर्जन बढी सुपरहिट फिल्महरु दिइसकेका छन् । ´पिंजडा`को चर्चा र सफलता संगै एक्सन स्टारको छवि बनाएका नायक निखिलले नेपाली सिनेमा क्षेत्रमा १ दशक बढी एकछत्र राज नै गरे। त्यही बीचमा उनले नायिका संचिता लुइँटेलसंग विवाह गरे र केहि समय नेपाली फिल्मबाट टाढा नै बसे तर करिब ५ वर्षको विश्रामपछि फिल्म ´भैरव` बाट उनीले धमाकेदार कमब्याक गरे। कमब्याक धमाकेदार भएपनि त्यसपछि उनले काम गरेका फिल्मले भने सोचेजस्तो व्यापार गर्न सकेनन् ।

हाल ´भैरव`को सिक्वेलको तयारी गरिरहेका एक्सन स्टार निखिल उप्रेतीले पुराना कलाकारको भोगाइ र नयाँ कलाकारको सिकाइ बीचमा फ्युजन भयो बने उत्कृष्ट फिल्म बन्ने दाबी गरेका छन्। चलचित्र पत्रकार संघ नेपाल,दाङ शाखाले आज तुलसीपुरमा गरेको साक्षात्कार कार्यक्रममा निखिलले पुराना कलाकारसंग नेपाली सिनेमा सम्बन्धि दशकौंको अनुभव र भोगाइ छ अनि नयाँ कलाकारहरुले पनि नेपाली फिल्मको बारेमा धेरै सिकेर र पढेर यो क्षेत्रमा आउनु भएको छ त्यसैले यी दुई पक्षको मिलन भयो भने पक्कैपनी राम्रो फिल्म बन्छ।

चलचित्र पत्रकार संघ नेपाल,दाङ शाखाका अध्यक्ष ध्रुवराज न्यौपानेको अध्यक्षतामा भएको कार्यक्रममा निखिलले ´भैरव`को सिक्वेलको काम अन्तिम चरणमा भएकाले छिट्टै फिल्मको औपचारिक घोषणा हुने र लगत्तै फ्लोरमा जाने बताए।यस्तैमा ´भैरव`मा संचिता लुइँटेल हुने सम्भावना कति छ? भन्ने पत्रकारको जिज्ञासामा निखिलले भने ´भैरव`को सिक्वेलले संचिताको डिमान्ड गर्ने सम्भावना प्रवल रहेको बताए ।

अर्को एक प्रसङ्गमा निखिलले फिल्म ´कमिट्मेन्ट सिक्टी आवर`छायांकन प्राविधिक कारणले केहि समय रोकिएको भएपनि केही महिनापछि फेरि फिल्मको बाकी छायांकन गरिने बताए। निर्माताको लाखौं रुपैयाँ खर्च भैसकेकाले केही समय लागे पनि फिल्म बन्नेमा कुनै शङ्का नभएको निखिलले बताए। चलचित्र पत्रकार संघ दाङका कोषाध्यक्ष शिव पुनको स्वागत मन्तव्यबाट सुरु भएको कार्यक्रमको सहजीकरण संघका सचीव सन्तोष के.सी.ले गरेका थिए ।