Tuesday , 18 December 2018
News update
Home >> music & more

music & more

गायिका अन्जु पन्त आफ्नै गीतमा मोडलिंग गर्दै (भिडियो)

चर्चित गायिका अन्जु पन्तको स्वरमा रहेको नयाँ गीत सार्वजनिक भएको छ। अन्जु पन्तकै अफिसियल युट्युबमार्फत् सार्वजनिक गरिएको ‘तिमीलाई माया गर्छु’ बोलको गीतमा टेक तामाङको शब्द तथा अजुर्न पोखरेलको संगीत रहेको छ।

शान थापाको निर्देशनमा तयार भएको भिडियोमा गायिका पन्त आफैँ फिचर भएकी छन्। राजिव समरको कोरियोग्राफी रहेको भिडियोमा अनिल के. मानन्धरको छायांकन तथा सुप्रिम पराजुलीको सम्पादन रहेको छ।

प्रमिका पाउन ‘एक लाख कोशिस’ गर्दै गायक विजय तिवारी (भिडियो)

गायक तथा संगीतकार विजय तिवारीको नया गीतको भिडियो सार्वजनिक गरिएको छ ।’एक लाख कोशिस’बोलको सार्वजनिक गीतमा प्रेमी प्रेमीको मिलन नभएको वियोगान्त कथा रहेको छ ।गीतमा गायक तिवारीको शब्द तथा संगीत रहेको छ। गीतको एरेन्जरमा अमृत लगुन गर्नु भएको हो ।

गीतको भिडियोमा संजय , सबिना र सम्झनाको अभिनय रहेक छ। भिडियोलाई निर्देशन ससन कँडेलले गर्नुभएको हो ।ओम प्रसाईले भिडियोलाई छायांकन तथा सम्पादन गरेका हुन् ।

पशुपति शर्मा र मञ्जु पौडेल को ‘गाह्रो हुन्छ फेरी’को भिडियो सार्वजनिक

चर्चीत लोक दोहोरी गायक पशुपति शर्मा र गायीका मञ्जु पौडेलको स्वर रहेको नया गीतको भिडियो सार्वजनिक गरिएको छ । ‘गाह्रो हुन्छ फेरी’ बोलको गीत डान्सिंग नम्वर सार्वजनिक गीतमा अर्जुन पोखरेलेको संगीत रहेको छ भने गीतको शब्द यादव लम्सालले लेखेका हुन् ।

पशुपति शर्मा पछिल्लो समयका एक बहु चर्चीत गायक हुन,उनी समाजमा घट्ने घटना र बिकृतीलाई समेटेर बढी गीत गाउने गर्दछन,उनका बजारमा आउने हरेक गीतले सफलताको शिखर चुमेका हुन्छन। यस्तै मञ्जु पौडेल पनी एक सफल गायीका हुन बजारमा उनका गीतहरुले पनी राम्रो चर्चा कमाउछन्।

गीतको भिडियोलाई विवेश खड्का निर्देशन तथा कोरियोग्राफी गरेका हुन् ।गीतको भिडियोमा पशुपती शर्मा र मञ्जुनै देखीएका छन भने साथमा अन्य कलाकारहरुलाई पनि देख्न सकिन्छ ।भिडियोमा छायांकन बिबेक बि.क र सम्पादन बिबेक खड्काले गरेका हुन् ।

मेलीना राईको स्वर रहेको ‘मेरी आमा’ गीतको भिडियोमा सेड्रिना शर्मा

गितकार प्रलाद शाहको शब्द रहेको ‘मेरी आमा’ बोलको गितको भिडियो सार्वजनिक गरिएको छ । मेलीना राईको आवाज रहेको गितमा संगीत नबिन कार्कीको रहेको छ ।

पछिल्लो समयमा नेपालमा बतात्कार पछि हत्याका घटना सार्वजनिक भइरहेको अबस्थामा निर्देशक बिकाश सुबेदीले यसै बिषयमा भिडियोलाई केन्द्रित गरेका छन् । कलाकार शान्ती गिरी र ‘नाई न भन्नु ल ५’ बाट डेब्यु गरेकी कलाकार सेड्रिना शर्माले भिडियोमा अभिनय गरेका छन् ।भिडियोले निर्मला पन्तलाई न्याय होस भन्ने माग समेत गरेको छ ।

https://www.youtube.com/watch?v=pYIuZRA6PzA
अनिल के मानन्धरले खिचेको भिडियोलाई सुप्रिम पराजुलीले सम्पादन गरेका हुन् । म्युजिक भिडीयो मनोरन्जनको साधन मात्र होइन समाजको कथा बोल्ने र जनता संग प्रत्यक्ष जोडिने बिषय भएकाले गहन बिषयमा भिडियो तयार गरेको निर्देशक सुबेदीले बताए ।

सि.डि.बिजय अधिकारी भए पहिलो ‘द भ्वाइस अफ नेपाल’

शुक्रबार राती कतारमा सम्पन्न चर्चित गायन रियालिटी शो ‘द भ्वाइस अफ नेपाल’ फाइनलबाट सि.डि.बिजय अधिकारी पहिलो द भ्वाइस अफ नेपाल भएका छन् । कतारको दोहास्थित एमपी थिएटरमा सम्पन्न ग्राण्ड फिनालेमा सर्वाधिक भोटको आधारमा सिडि विजय अधिकारीले उपाधी पाएका हुन् ।

पहिलो द भ्वाइस अफ नेपालको घोषणा लोकप्रिया हाँस्य कलाकार जोडि धुर्मुस सुन्तलीले गर्नुभएको थियो ।पहिलो द भ्वाइसको उपाधीलाई चुम्दै गर्दा सि डि बिजयले सम्पूर्ण कोच तथा ट्यालेन्टहरुलाई धन्यवाद व्यक्त गरे ।

प्रतियोगितामा चारजना कोचको प्रत्येक टिमबाट अन्तिममा एक/एक जना गरि ‘टप ४’ मा पुगेका थिए । भोटिङका आधारमा भ्वाइस अफ नेपाल घोषणा गरिएको हो ।टप ४ मा पर्नेमा सिडि बिजय अधिकारी, कुशल आचार्य, सप्तक दु्रतराज र श्रिजय थपलिया थिए । फाइनलमा पनि उनीहरुले प्रस्तुती दिएका थिए ।

नेपालको पहिलो ‘दि भ्वाइस अफ नेपाल’ बिजेता भएसँगै अधिकारीले २५ लाख रुपैयाँको नगद पुरस्कारका साथै रु १० लाख बराबरको रेकर्डिङ, एउटा कार साथमा वर्ल्ड टुर प्राप्त गर्नेछन् ।सि.डि.बिजय टिम दिपबाट टप ४ मा परेका थिए ।

क्रिस्मसको अवसरमा सांगितिक कार्यक्रमको लागि चितवन आउँदै गायक सुशान्त केसी

युवा पुस्ता माझ लोकप्रिय गायक सुशन्त केसी सांगितिक कार्यक्रमको लागि पहिलो पटक चितवन आउने भएका छन् । डिसेम्बर २५ अर्थात यही पौष १० गते क्रिस्मसको अवसरमा टिएस इभेन्ट्सले आयोजना गर्न लागेको ‘सुशान्त केसी लाईभ चितवन’ का लागि उनी पहिलो पटक चितवन आउन लागेको आज नारायणगढमा आयोजित पत्रकार सम्मेलन मार्फत जानाकारी गराईएको छ । हाल अष्ट्रेलिया बस्दै आएका सुशान्त सौराहको लाइन्स डेनमा हुने आफ्नो संगीतिक कार्यक्रमको लागि पहिलो पटक चितवन आउन लागेको आयोजक टिएस इभेन्ट्सका एभेन्ट म्यानेजर बिबेक घलेले बताउनु भयो ।

अष्ट्रेलिया बस्दै आएका सुशान्तले नेपालमा नै पहिलो पटक सांगितिक प्रस्तुती दिन लागेका हुन् । चितवन अघी काठमाडौं र पोखरामा सुशान्तको कार्यक्रम हुनेछ ।सुशान्तको ‘आमा’ ‘मुस्कुराएर’ ‘मायामा’ बोलको गीत निकै चर्चित रहेको छ ।२५ डिसेम्बर अर्थात क्रिस्मसको दिन हुने उक्त सांगितिक कार्यक्रममा स्थानिय कलाकारहरुको समेत प्रस्तुती रहनेछ ।

कार्यक्रममा सुशान्त सँगै सुलभ श्रेष्ठ, द नेपालय ब्याण्ड, डिजे डिम्यास, डिजे मनसुन र डिजे सैलेशले पनि पर्फम गर्ने आयोजकले जानकारी दिएको छ । पर्यटकिय नगरि सौराहको लाइन्स डेनमा हुने कार्यक्रमको मुख्य प्रायोजक ओेएसिस एजुकेसन कन्सल्टेन्सी लाइन्सचोक रहेको छ । यस्तै सह प्रायोजकहरुमा रत्न स्टोर्स, द जिएमआई, बाग्लुङ सुन चादी पसल, सिम टिभी चितवन, राइनो मल्टी प्रपोज प्रा लि, सम्बन्ध फेन्सी, सेकेण्ड स्कोप फ्राइड आइसक्रिम, केक बजार, बिग क्याफे र पाथ अवे आदी रहेका छन् ।

यस्तै सेन्ट्रल पार्क रिसोर्ट सौराह कार्यक्रमको होटल पार्टनरको रुपमा रहेको छ भने क्रिजोना नेटवर्क, ईसिएन एभेन्ट्स र ट्रोल चितवन सहयोगी संस्थाको रुपमा रहेका छन् । साँझ ६ बजेबाट सुरु हुने कार्यक्रममा १ हजार भन्दा बढी दर्शकहरुको उपस्थिती रहने आयोजकको अनुमान रहेको छ । सांगितिक कार्यक्रम हेर्नको लागि टिकट दर ५ सय रुपैया तोकिएको छ ।

भीमफेदी गाइज र सृष्टि खडकाको रोमान्टिक शैलीको भिडियो सार्वजनिक

लेखु सहयात्री र बबिना किरातीको स्वर रहेको ‘लालटिन बालेर’ बोलको गीतको भिडियो सार्वजनिक गरिएको छ । गीतमा अम्बिका गुरुङको शब्द र कोशिस छेत्रीको संगीत रहेको छ । अम्बिका लामो समय देखि गीत लेखनमा निकै सक्रिय छिन ।

भीमफेदी गाइज र सृष्टि खडका फिचर म्युजिक भिडियो रोमान्टिक शैलीको गीतको म्युजिक भिडियो समेत उतिकै उत्कृस्ट बनेको छ । निसान कस्यप घिमिरेले निर्देशन गरेको भिडीयोलाई कमेडी रोमान्टिक शैलीमा तयार पारिएको छ ।

फर्पिंगमा खिचिएको म्युजिक भिडीयोलाइ उत्सब दाहालले खिचेका हुन् । भिडियोमा भीमफेदी गाइजको करियोग्राफी र बिकास दाहालको सम्पादन देख्न सकिन्छ ।

नेपाल ‘रग्बी फेस्टिभल तथा लाइभ म्युजिक’ कार्यक्रममा सम्पन्न

नेपाल ‘रग्बी फेस्टिभल तथा लाइभ म्युजिक’ कार्यक्रममा सम्पन्न भएको छ । नेपाल रग्बी एसोसियसनले फेम नेपालसँगको सहकार्यमा काठमाडौँ स्थित टुँडिखेलमा आयोजना गरेको कार्यक्रममा रग्बी खेलसंगै बिभिन्न साङ्गितिक प्रस्तुतीहरु प्रस्तुत गरिएको थियो ।

उक्त कार्यक्रममा नायिका स्वस्तिमा खड्काले ‘कुटुमा कुटु’, ‘गैरी खेतको सिरै हान्यो’, ‘नाच फिरिरी’ लागायतका गीतमा नृत्य प्रस्तुत गरिन् । करिब ५ हजार दर्शकको उपस्थिती रहेको उक्त कार्यक्रममा स्वस्तिमासंगै गायक सुगम पोखरेल, आशिष राना ‘लाउरे’, स्वप्न सुमन, डिजे सुरेन, डिजे कुइन् लागायतले आफ्नो प्रस्तुती राखेका थिए ।

कार्यक्रममा बेली डान्सर बिनु शाक्यले बेली डान्स प्रस्तुत गरेकी थिइन् । शो कार्यक्रममा वर्ल्ड रग्बीको ट्रफी सार्वजनिक समेत गरिएको थियो । सम्माननिय उपराष्ट्रपती नन्द बहादुर पुनले उक्त ट्रफी सार्वजनिक गरेका थिए । शुभेक्षा खड्का र रबिन तमाङले संचालन गरेको कार्यक्रम बिहान १० बजे देखी साँझ ७ बजे सम्म चलेको थियो ।

चर्चित गायक शिव परिवारको गीतमा आकाश श्रेष्ठ र सारा सिर्पालीको जोडी (भिडियो)

चर्चित तथा लोकप्रिय गायक शिव परिवारको स्वर रहेको नया गीतको भिडियो सार्वजनिक भएको छ । ‘रात पनि दिन’ बोलको सार्वजनिक गीतमा शिव परिवारको सुमधुर आवाज रहेको छ भने दुर्गा प्रधानको शब्द र बिनोद पछाइको संगीत रहेको छ । गीतको एरेन्ज भने रिदम कडेलले गरेका हुन् ।

निकै राम्रो भिडियो बनेको यस गीतमा अहिलेका चर्चित नायक आकाश श्रेष्ठ र नायिका सारा सिर्पालीलाई फिचरिंग गरिएको छ ।गीतमा यी दुई कलाकारको जोडीलाई निकै सुहाएको छ।

स्याड भर्सनको सार्वजनिक गीतलाइ निर्देशन निशान कश्यपले गरेका हुन् । उत्सब दाहालको छायांकन रहेको यस भिडियोलाई बिकास दाहालले सम्पादन गरेका हुन्। गीत ओन्लि फर यु एल्बममा समाबेश गरिएको छ।

नेपाल आइडल-२ को टप फाइभबाट बुटवलका अमित बराल बाहिरिए

एपीवान टेलिभिजबाट प्रसारण भइरहेको नेपाल आइडल-२ को टप फाइभबाट बुटवलका अमित बराल बाहिरिएका छन्।शुक्रबार प्रसारित कार्यक्रममा उनले मीनराज पौडेलसँगै ‘खुसी छु म आज’ बोलको गीत गाएका थिए। बिहीबारको कार्यक्रममा उनले ‘कहिले आउँछ होला त्यो दिन’ बोलको गीतमा स्वर दिएका थिए।

बरालले नेपाल आइडलका पछिल्ला कार्यक्रममा दमदार प्रस्तुति दिएर सबैको मन जितेका थिए। अघिल्लो इपिसोडमा पुस्पन प्रधानको स्वरमा रहेको ‘पन्छी’ बोलको गीत गाएपछि उनको लोकप्रियता चुलिएको थियो। पुस्पनले आफ्नो गीतको विधाता नै अमित भएको भन्दै कार्यक्रममा उद्घोष गरेपछि उनको चर्चा बढेको थियो।

कार्यक्रमका अतिथिका रूपमा चलचित्र निर्देशक नीर शाह र गीतकार दिनेश अधिकारी उपस्थित थिए। अतिथि कलाकारका रूपमा चलचित्र ‘सु श्री सम्पत्ति’का कलाकार सलोन बस्नेत र सारा सिर्पाइली तथा चलचित्र निर्देशक सुव्रत आचार्य उपस्थित थिए ।

अमितले नेपाल आइडलमा अहिलेसम्म दिएका उत्कृष्ट प्रस्तुतिको छोटो भिडियो क्लिप पर्दामा देखाइएको थियो। भिडियो हेर्दाहेर्दै उनी धेरैपटक भक्कानिए। घरि दुवै हातले आँसु पुछ्दै हुन्थे त घरि जबरजस्ती हाँस्न खोजिरहेका थिए।

जजको आँखामा पनि आँसु छचल्किरहेको थियो। अमितका लागि केही बोल्न उनीहरू एकअर्कालाई आग्रह गरिरहेका थिए। शब्दविहीन थिए सबै। कार्यक्रमकी उद्घोषक रीमा र आसिफ अमितलाई हेर्र्र्र्दै एकोहोरिएका थिए। दर्शकहरू निःशब्द देखिन्थे। मञ्चमा एकखालको शून्यता छाएको थियो।

बुटवल सैनामैनाका अमित बराल पनि नेपाल आइडलमा उत्कृष्ट पाँचमा पुगेर बाहिरिएका हुन्। सानो छँदा संगीतमा खासै चासो नराख्ने अमित दाजुको सपना पूरा गर्न यो क्षेत्रमा आएका हुन्। उनका दाजु भने सानैदेखि अत्यन्तै राम्रो गाउने गर्थे। पढाइमा पनि अत्यन्तै तेज थिए। केही वर्षअगाडि उनका दाजुको दुर्घटनामा मृत्यु भयो। दाजुको मृत्युले अमितलाई गहिरो चोट लाग्यो। उनले मनमनै संकल्प गरे, ‘म संगीतमै केही विशेष गर्छु र दाजुको सपना पूरा गर्छु।’

आइडलबाट बाहिरिँदै गर्दा उनले नेपाल आइडललाई आभार व्यक्त गरे। उनले अब यही क्षेत्रमा संघर्ष गर्ने र त्यसका लागि नेपाल आइडलले धेरै अवसर दिएको बताए। ‘हरेक प्रतियोगी अब्बल हुनुहुन्छ, ममा केही कमजोरी भएरै बाहिरिएको होला, अहिले देखिएका कमजोरी सुधार्ने कोसिस गर्छु’, बाहिरिँदै गर्दा उनले भने।