Saturday , 23 February 2019
News update
Home >> music & more

music & more

धर्मेन्द्र सेवनको ‘कता हिडेकी’को भिडियोमा नम्रता सापकोटा

गायक धर्मेन्द्र सेवनको स्वरमा नयाँ गीतको म्युजिक भिडियो सार्वजनिक भएको छ ।  राजधानीमा एक कार्यक्रम गर्दै ‘कता हिडेकी’ बोलको गीत सार्वजनिक गरिएको हो । सार्वजनिक उक्त गीतको शब्द तथा संगीत पनि धर्मेन्द्र कै रहेको छ ।

लामो समयदेखि संगीत क्षेत्रमा रहेर काम गरिरहेका धर्मेन्द्र यस गीतबाट निकै आशावादी छन् । उनी भन्छन्, ‘मैले अहिलेसम्म जति गीत गाए त्यो मेरो बुबाको युगको थियो । अहिले यस गीतलाई युवा पुस्तामा लक्षित गरेर तयार गरेको छु । सायद सबैले यसलाई रुचाउनुहुन्छ होला ।’ गायक धर्मेन्द्र ‘रेशम फिलिलि’ जस्तो सफल गीतका सर्जक बुद्धि परियारका छोरा हुन् ।

उमन वाइवाले तयार पारेको उक्त गीतको भिडियोमा नायिका नम्रता सापकोटाले नृत्य प्रस्तुत गरेकी छिन् । भिडियोमा धर्मेन्द्र र टिम चिटिक्क लाई पनि फिचर गरिएको छ । भिडियोलाई केही फरक र रमाइलो बनाइएको निर्देशक वाइवाले बताए ।
https://www.youtube.com/watch?v=lCKRMbMY2Qw&feature=youtu.be
सोना हाङ राईले खिचेको भिडियोलाई रवी लामाले सम्पादन गरेका छन् । रिकेश गुरुङले एरेन्ज गरेको यस गीतलाई फिरोज बज्रचार्यले मिक्सिङ गरेका छन् ।

नेपाल आइडल कृशल कडेलको म्युजिक भिडियोमा ‘कृशल र सेड्रिनाको’ रोमान्स भाइरल हुदै (भिडियो)

नेपाल आइडल सिजन २ बाट चर्चित बनेका कृशल कडेलको पहिलोम्युजिक भिडियो म्युजिक यतिबेला भाइरल बनेको छ। । गायनसंगै किशोरी नायिका सेड्रिना शर्मासंग उनले अभिनय गरेको गीतले युट्युबमा २४ घन्टामा झण्डै ५ लाख पटक हेरिएर नयाँ कीर्तिमान बनाएको छ।

यो समाचार तयार पार्दा सम्म गीत ६ लाख ५० हजार पटक हेरिएको छ र ट्रेण्डिङ पनि परेकोछ। यस अघि यो जोडी संगै अन्तरवार्ता दिएर युट्युबमा भाइरल भइ ट्रेण्डिङ्ग परेको थियो। सेड्रिनाले यस अघि पनि “नाईँ नभन्नु ल ५” अभिनय गरेर चर्चामा आएकी थिइन।

‘ओढेर घूँघट’ बोलको कृशलको यस गीतमा चर्चित संगीतकार अर्जुन पोखरेलको संगीत र नृपेश उप्रेतीको प्रेमिल भावको शब्द रहेको छ। यसमा गोपाल रसाईलीको संगीत संयोजन रहेको छ। म्युजिक भिडियोलाई भद्रगोलका निर्देशक दिपक आर्चायले निर्देशन गरेका हुन् भने कोरियोग्राफी तेन्जु योञ्जनले।

यसैगरी म्युजिक भिडियोलाई अर्जुन तिवारीले छायांकन गरेका हुन भने चन्दन दत्तले सम्पादन गरेका हुन। कृशल नेपाल आइडलको दोस्रो सिजनमा टप ८ मा पुग्न सफल भएका थिए।

गायक विनोद मेखुको गीत‘धन्यवाद’मा नायिका छुल्ठिम गुरुङ ( भिडियो)

हङकङमा बसोबासरत गायक विनोद मेखुको नयाँ गीत ‘धन्यवाद’को भिडियो सार्वजनिक भएको छ । भिडियोमा छुल्ठिम गुरुङ, शैलेन्द्र र डेनियल फिचर्ड छन् ।

गीतमा एउटा सुखी परिवारको कथा देखाइएको छ । भिडियोमा छुल्ठिम आमा बनेकी छन् । परिवारमा सन्तानको आगमन भएपछि आमाबाबुको खुशीलाई भिडियोमा प्रस्तुत गरिएको छ ।

गीतमा अनुशिल श्रेष्ठको शब्द, कल्याण सिंहको संगीत, गोपाल रसाइलीको एरेन्ज र मिना विष्टको मिक्सिङ तथा मास्टरिङ छ । सोनाम पाख्रिनले निर्देशन गरेको भिडियोमा उत्सव दाहालको छायांकन र विकास दाहालको सम्पादन छ ।

माईलीको यादमा भुवन

‘माईली’ गीतको म्युजिक भिडियो सार्वजनिक भएको छ । यसअघि प्रियका कार्कीले अभिनय गरेको ‘हल्का हल्का’ वोलको गीत सर्वाधिक हिट भएको थियो । आज सार्वजनिक भएको माईलीमा गायक भुवन प्यासीको शब्द र संगीत रहेको छ ।गीतमा भुवन प्यासीलाई स्वरमा सुरुचि पन्थीले साथ दिएकी छिन् ।

यता, भिडियोमा भने अन्जली अधिकारी र गायक प्यसीलाई देख्न सकिन्छ । उत्तम हुमागाईको क्यामरा, सन्तोष सुनारको ड्रोन तथा निकेश खड्काको निर्देशनमा तयार भएको भिडियोलाई विकास धमलाले सम्पादन गरेका हुन् । परदेशमा काम गरेका श्रीमानले आफ्नो श्रीमतीको सम्झनामा झारेको आँशु र वेदना भिडियोमा देख्न सकिन्छ ।

युट्युबबाट गीत हटाउदै पशुपती शर्माले भने भ्रष्टाचार र घुसखोरी प्रती आवाज उठाउन पाउने मेरो नैसर्गीक अधिकार हो

सरकारको दबाब पछी गायक पशुपती शर्माको ‘लुट्न सके लुट’ बोलको गीत युट्युबबाट हटाईएको छ । सरकारको काम कारबाही प्रती व्यङ्ग्य प्रहार गरेको गीत भर्खरै मात्र युट्युबबाट हटाईएको हो । गीत सार्वजनिक भए पछी प्रधानमन्त्रीको सरकारी निवास बालुवाटारमा ठुलै बहस चलेको थियो ।

युट्युबबाट गीत हटाए पछी पशुपती शर्माले आफुले कुनै राजनैतीक आग्रह या पुर्वाग्रह पालेर त्यो गीत नबनाएको बताएका छन् । यस्तै उनले गीत केही समयको लागि युट्युबबाट हटाईएको बताएका छन् । उनले गीतको केही शब्दहरुलाई लिएर आपत्ति जनाइएकोले ति शब्दहरु परिमार्जन गरेर फेरी युट्युबमा राखिने उनले बताएका छन् ।

सामाजिक सन्जाल फेसबुकमा स्टाटस लेख्दै उनले यस्तो बताएका हुन् । यस्तै उनले म आफु यही देशको एक सचेत नागरीक साथै कलाकार भएको नाताले देशमा बिद्यमान भ्रष्टाचार, घुसखोरी र जिम्मेवार हरुको अकर्मण्यता बिरुद्द आवाज उठाउन नैसर्गीक अधिकार प्रती सधैं दृढ रहेने समेत बताएका छन् ।

गायक शर्माको फेसबुक स्टाटस जस्ताको त्यस्तै :

आदरणीय श्रोता एवं दर्शकवृन्द साथै मेरा प्यारा शुभचिन्तक ज्यु हरुमा सादर नमस्कार !

हिजो रिलीज भएको मेरो “लुट्न सके लुट कान्छा” भन्ने गीतमा यहाँ हरुले देखाउनु भएको सहभागीताको लागी हार्दिक आभार ब्यक्त गर्न चाहन्छु । तर सोही गीतमा प्रयोग भएका केही शब्दहरुलाई लिएर विरोध सृजना गर्न खोजिएकाले म आफ्नो कुरा यहाँहरु समक्ष राख्न गईरहेको छु ।

सर्वप्रथम त म यहाँ हरुलाई जानकारी गराउन चाहान्छु की म राजनिती लाई त्यती गहिराई बाट बुझ्दिन । तर शुशासन कायम हुनुपर्छ र देशमा विसंगती ब्याप्त हुनु हुदैन भन्ने कुरामा म सचेत छु । मेरो गीतले बिसंगती लाई ब्यंग्य गरोस भन्ने मेरो एकमात्र ध्यय थियो।

मैले कुनै राजनैतीक आग्रह या पुर्वाग्रह पालेर त्यो गीत बनाएको पनि हैन र कुनै राजनैतिक दल या संस्था संग मेरो कुनैकिसीमको पुर्वाग्रह पनि छैन । तर गीतमा समावेश केही शब्दहरुमा मेरा केही शुभचिन्तकहरुको असंतुष्टी रहन गएकोले जुन जुन शब्दमा असंतुष्टी देखीयो म ति शब्दहरु लाई परिमार्जन गर्न गईरहेको छु । केही समय लाग्ला जुन शब्दमा असंतुष्टी देखीयो ति शब्दहरुलाई फेर्नु मेरो पनि दायित्व हो भन्ने संझीएको छु।

सुझाव दिनुहुने राजनैतिक ब्यक्तित्व हरु, मेरा अग्रज एवं समकालीन साथीहरुलाई म धन्यवाद दिन चाहन्छु साथै कुनै शब्दले कुनै संस्था विशेष या कुनै दल अथवा समुदाय विशेषलाई अफ्ट्यारो पारेको खण्डमा म अन्तर हृदय देखी माफी चाहान्छु । मेरो नियत कसैको चित्त दुखाउने नभई केवल विसंगती माथी प्रहार गर्नु र विकृतीको उजागर गर्नु मात्र थियो यसमा म पुन: प्रष्ट पार्न चाहन्छु । अहिले डिजीटल प्लेटफर्म युट्युबमा रहेको गीतलाई परिमार्जन सहीत पुन: लिएर आउने बाचा गर्दै अहिले बजिरहेको गीत युट्युब बाट मैले हटाउने निर्णय गरेको छु ।

र अन्त्यमा म पनि यही देशको एक सचेत नागरीक साथै कलाकार भएको नाताले देशमा बिद्यमान भ्रष्टाचार, घुसखोरी र जिम्मेवार हरुको अकर्मण्यता बिरुद्द आवाज उठाउन पाउने मेरो नैसर्गीक अधिकार हो भन्ने कुरामा म दृढ रहेको कुरा पनि दोहोर्याउन चाहन्छु ।

धन्यवाद ।
पशुपती शर्मा

पल शाहले आँचल शर्मालाई टेन्सन हुन नदिने घरबारमा (भिडियो)

नव गायक कृष्ण कार्की र बिन्दु परियारको आवाजमा ‘घरबारमा’ बोलको गीत सार्वजनिक भएको छ । केहि वर्ष यता गायन सम्बन्धि विभिन्न प्रशिक्षण लिईरहेका कृष्णको डेब्यु गीतमा आप जोडी अर्थात् पल शाह र आँचल शर्मा फिचर्ड छन् । गीतमा मायामा आउने घरबार र खानदानको कुरालाई देखाइएको छ । गीतमा शब्द र संगीत सन्तोष सुनारको रहेको छ ।

‘गीतलाई युवापुस्ताले मन पराउनु हुन्छ भन्नेमा विश्वत छु’ डेब्यु गायक कृष्ण भन्छन् ‘मेरो सपना आजबाट साकार भएको छ , आश छ मैले देखेको सपनाको पथमा म सहि छु भन्ने ।’ कृष्णले आफ्नै क्षमताले यहाँसम्म आएको बताए ।

गीतलाई राजिव समरले कोरियोग्राफ गरेका हुन् , जसलाई रामकुमार केसीले छायाँकन गरेकाछन् भने यसलाई निर्देशनसँगै सम्पादन पनि टेकेन्द्र शाहले गरेका छन् ।

गायिका बुनु श्रेष्ठको ‘मलाई मेरै नेपाली’ बोलको गीतको भिडियो सार्वजनिक

गायिका बुनु श्रेष्ठको नया गीतको भिडियो सार्वजनिक भएको छ ।शुक्रबार राजधानीमा एक कार्यक्रम आयोजना गरेर गीत सार्वजनिक गरिएको हो । मारुनी गीत ‘मलाई मेरै नेपाली’ बोलको सार्वजनिक गीतमा मोद कोईरालाको शब्द तथा संगीत रहेको छ भने गीतलाई महाराज थापाले एरेन्ज गरेका हुन् ।

भिडियोमा नेपाली मौलिकता झल्कने नृत्य तथा दृष्यहरु छायाँकन गरिएको छ । गायिका श्रेष्ठ उक्त गीतबाट लोप हुँदै गएको नेपाली कलासंस्कृतिको जगेर्नामा केहि योगदान पुग्नेमा आशावादी छिन् भने गीतका रचनाकार तथा संगीतकार प्रमोद कोईराला उक्त गीत आफ्नो सांगितिक यात्राका लागि महत्वपूर्ण भएको बताउँछन् ।

गायिका श्रेष्ठ उक्त गीतबाट लोप हुँदै गएको नेपाली कलासंस्कृतिको जगेर्नामा केहि योगदान पुग्नेमा आशावादी छिन् । करिब १२ वर्षको अन्तरालपछि नेपाली संगीत क्षेत्रमा कमब्याक भएकी गायिका श्रेष्ठ पछिल्लो समय एकपछि अर्को गर्दै नयाँ नयाँ गीतहरु सार्वजनिक गर्दैछिन् । उनले यसअघि मात्रै ‘छ कि छैन’, ‘भगवान मेरो (प्रायश्चित)’ लगायतका गीतहरु सार्वजनिक गरिसकेकी छिन् ।

पशुपति श्रेष्ठको छायाँकन तथा निर्देशनमा निर्माण भएको भिडियोमा मोडल साक्षी लम्साल, क्रिस्टिना केसी, गरिमा र आयुष्मान राजभण्डारी फिचरिङ छन् ।बिनोद रञ्जितको कोरियोग्राफी रहेको भिडियोलाई विकास दाहालले सम्पादन गरेका हुन् ।गायिका बुनु श्रेष्ठको आफ्नै स्टुडियो साउण्ड मिलमा रेकर्ड भएको गीतलाई उनकै श्रीमान् महेश्वरमान राजभण्डारीले मिक्सिङ तथा मास्टरिङ गरेका हुन् ।

नायक राहुल केसीलाई सपनामा भए पनि देख्न खोज्दै मोडल रज्जु मानन्धर(भिडियो )

गायिका रिता श्रेष्ठको ‘सपनामा भए पनि ” बोलको गीतको म्युजिक भिडियो सार्वजनिक भएको छ । अमेरिकाको डीसी महानगर क्षेत्रमा बसोबास गर्दै आएकी गायिकाको उक्त गीतको भिडियो पनि अमेरिकामा छायाँकन गरिएको हो ।

गायिका श्रेष्ठको गीति भिडियो भर्जिनियाको आशबर्न शहरको नेपालीहरुद्वारा संचालित एभेरेस्ट किचेन नामांक चमेना गृहमा बिमोचन गरिएको छ । गीतमा शब्द अरुण तिवारीको रहेको छ भने संगीत वरिष्ठ गायक तथा संगीतकार मधु छेत्रीले गर्नु भएको छ ।

गीतको भिडियोमा नायक राहुल केसी तथा रज्जु मानन्धरको अभिनय रहेको छ । राहुल केसी अमेरिकामा रहेर पनि गीत संगीत मार्फत आफुलाई प्रस्तुत गर्दै आउनु भएको छ।भिडियोलाई छायांकन ,सम्पादन तथा निर्देशन लोचन मान श्रेष्ठ गर्नु भएको छ ।

प्रचण्डकी नातिनी र आइजिपी खनालको ‘भुर्र भुर्र भुर्र भुर्र बतासमा’ 

अर्थात्  भ्यालेन्टाइन डे विश्वभर यो दिनलाई सच्चा प्रेमको दिनको रुपमा मनाइन्छ। आजकै दिनलाई नै आधार मानेर पछिल्लो समय संसारभर धेरै साहित्य र संगीतको सिर्जना हुने गरेको छ।

प्रणय दिवसको अवसरमा नेपालमा पनि धेरै गीतहरु सार्वजनिक भए यी  गीतहरु मध्यको एक हो यो मन उड्यो चरा बनी आकाशमा  ‘भुर्र भुर्र भुर्र भुर्र बतासमा’  सशस्त्र प्रहरी बलका महानिरीक्षक एवम गीतकार शैलेन्द्र खनाल शरदको शब्द र संगीतकार गैरे सुरेशको कर्ण प्रिय संगीतमा रहेको गीतको म्युजिक भिडियो भ्यालेन्टाइन डे को पुर्व सन्ध्यामा सार्वजनिक गरिएको छ। शानिन्ध्य खनाल र  स्मिता दाहालको  स्वरमा रहेको गीत भुर्र भुर्रमा कोविद बज्रको संगीत संयोजन रहेको छ।

यो गीतमा अन्य नेपाली लभ सङ्समा बिल्कुलै फरक शैलीको प्रस्तुति गरिएको छ । युवराज वाइबाको निर्देशनमा बनेको भुर्र भुर्रको म्युजिक भिडियोमा श्री पाण्डे र जितेन श्रेष्ठको अभिनय रहेको छ।  उत्सव दाहालको सिनेमटोग्राफी र विकाश दाहालको सम्पादन रहेको  भिडियोलाई ओ एस आर डिजिटलको यु ट्युब च्यानलबाट सार्वजनिक गरिएको हो।

गायक शानिन्ध्य खनाल सशस्त्र प्रहरी महानिरिक्षक शैलेन्द्र खनालका पुत्र हुन् भने गायिका स्मिता  नेपाल कम्युनिष्ट पार्टी नेकपाका अध्यक्ष पुष्पकमल दाहाल  प्रचण्ड की नातिनी हुन्।

भिडियोमा हेर्नुस् ।

प्रेम दिवशमा सार्वजनिक भयो केकी र बिकास को रोमान्स

   

प्रेम जोडीलाई लक्षित गर्दै नयाँ म्युजिक भिडियो धेरै माया बजारमा आएको छ । भिडियोमा केकी अधिकारी र बिकास लामिछाने गहिरो प्रेम सम्वन्धमा फिचर्ड भिडीयोमा दुईको गहिरो प्रेम देखाईएको छ ।

भिडियोमा हेर्नुस् ।

हेमन्त शिशिरको शब्द संगीत रहेको गीतमा संगीतकार शिशिर र चर्चित गायिका अन्जु पन्तले स्वर दिएका छन । सगरमाथा म्युजिक प्रालिले बजारमा ल्याएको भिडियोलाई समन अधिकारीले निर्देशन गरेका छन् । भिडीयोमा निरोज श्रेष्ठको छायाँकन , अरुणा घिमिरेको मेकअफ र बिकास धमलाको सम्पादन गरेका छन् ।