Friday , 19 April 2019
News update
Home >> Namaste news

Namaste news

आशिफ शाह र रेश्मा घिमिरेको ‘हेरन कान्छी’ सार्वजनिक (भिडियो)

गायिका मेलिना राई र राज खम्बुको आवाज रहेको गीत ‘हेरन कान्छी’ बोलको गीतको भिडियोसार्वजनिक भएको छ । दिपक शर्माको संगीत रहेको गीतलाई दिनेश सुबेदिले लेखेका हुन् ।

इन्स्टाको फोटोु गीतबाट दर्शकले औधी रुचाएका आशिफ शाह र रेश्मा घिमिरेलाई गीतमा फिचर गरिएको छ । गीतको भिडियोलाई राजिव समर र शिशिर खातीले कोरियोग्राफी गरेका हुन् भने गीतलाई शान थापाले निर्देशन गरेका हुन् ।

कमेडी र रोमान्सलाई मिसाएर बनाइएको गीतको भिडियोले दुइ प्रेमीले जवानीको लहर, प्रेम र बाचा कसमलाई देखाएको छ । जवानीमा चिटिक्क पर्ने र आफुले मन पराएको मान्छेको नजिक जाने रहरलाई साङ्गीतिक रुप दिइएको छ ।

सन्नी लियोनीले आफ्नो पोर्न भिडियो हटाउन चाहन्छिन्

पुर्व पोनस्टार एवम् बलिउडकी अभिनेत्री सन्नी लियोनीको छुट्टै पहिचान बनिसकेको छ । सन्नी अहिले भारतमा जमेकी पनि छिन् । बलिउडमा उनलाई विशेषगरि आइटम नृत्यमा बढी अवसर मिल्ने गरेको छ ।
तर, नायिका सन्नी लियोनी यो कुराले मात्र खुशी छैनन् । उनी आफ्नो जिन्दगीको एउटा यस्तो कुरा हटाउन चाहन्छिन् जुन कुराले उनलाई लामो समयदेखि पोलिरहेको छ । सन्नीले भारतीय मिडियासँग कुराकानी गर्दै भनेकी छिन्, ‘म जिन्दगीमा आफूले बनाएका केही खराब चलचित्र हटाउन चाहन्छु । विगतमा मैले बनाएका वा खेलेका खराब चलचित्रले अहिले पनि मलाई तनाव दिन्छ । म यसमा केही मिठा पलहरु राख्न चाहन्छु ।’

सबैलाई थाहा नै छ, सन्नीले आफ्नो करिअरको सुरुवात पोर्न दुनियाँबाट गरेकी हुन् । तर, बलिउडमा प्रवेश गरेपछि उनले यो दुनियाँ छाडिसकेकी छिन् । सन्नीले सायद हटाउन चाहन्छु भनेर पोर्न चलचित्रलाई भन्ने खोजेको बुझ्न सकिन्छ ।

‘यात्रा’को ’फ्लाइङ्ग’ गीतमा सलिनमान बनिया र मलिका महत रोमान्टिक अवतारमा (भिडियो)

चैत्र २९ बाट प्रदर्शनरत फिल्म ‘यात्रा स् अ म्युजिकल भ्लग’ को लभ गीत सार्वजनिक भएको छ । सार्वजनिक ’फ्लाइङ्ग’ बोलको गीतमा डेब्यु गर्ल मलिका महतसँग सलिनमान बनिया रोमान्टिक अवतारमा देखिएका छन् ।

गीतलाई पोखराको रमणीय स्थलमा छायाँकन गरिएको छ भने यसमा प्रविन सिंहको कोरियोग्राफी रहेको छ । गीतमा सुगम पोखरेल र मेलिना राईको स्वर रहेको छ भने यसमा शब्द र संगीत प्रतिक पौडेलको रहेको छ । गीतलाई निर्माण पक्षले फिल्म रिलिजपछि सार्वजनिक गरेको हो । ’हामीले प्लनिङ्ग अनुसार नै यसलाई रिलिजपछि सार्वजनिक गरेका हौ’ निर्देशक सम्राट शाक्य भन्छन् ’फिल्मले प्राप्त गरेको प्रतिक्रियाले निकै उत्साहित छौ ।

फिल्ममा सलिनसंगै सलोन बस्नेत , जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , देशभक्त खनाल , कमल मैनाली , सौगात शर्मा लगायतको अभिनय रहनेछ ।

कोटकी कालिका देवीफिल्म्स प्राइभेट लिमिटेड , क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण हुने फिल्ममा कलाकार केशव भट्टराईसँगै चिज कुमार श्रेष्ठ पनि प्रस्तुतकर्ता रहेको फिल्ममा बिक्रम पराजुली , मुक्ति तिम्सिना र राम शरण घिमिरे सह( निर्माता रहेका छन् । फिल्मका निर्माता सुशील पोखरेल हुन् भने यसको कार्यकारी निर्माता सर्जुमान लिगल रहेका छन् । फिल्ममा कथापनि सम्राटकै रहेको छ भने यसलाई उनिसँगै सुरेश न्यौपाने , प्रतिक पौडेल र शिशिर खातीले मिलेर लेखेका हुन् । फिल्मको मुख्य सहायक निर्देशक सुरेशनै रहेका छन् भने यसलाई संजय लामाले खिचेका हुन् । फिल्ममा प्रविन सिंहको कोरियोग्राफी , हिमाल केसीको द्वन्द , बनिश शाहको सम्पादन  रहेकोछ । फिल्ममा वरिष्ठ संगीतकार शम्भुजित बास्कोटाकोसँगै प्रतिक पौडेल र कोविद बज्रको संगीत रहेकोछ ।

बलिउड अभिनेता अर्जुन कपूर र अभिनेत्री मलाईका अरोडाको विवाह ‘पोस्टपोन’

बलिउड अभिनेता अर्जुन कपूर र अभिनेत्री मलाईका अरोडाले आफ्नो विवाह ‘पोस्टपोन’ गरेका छन् । उनीहरु १९ अप्रिलमा विवाह गर्ने कुरा थियो । तर विवाहको मिति सर्नुको कारण भने बाहिर आएको छैन । स्रोतले जनाए अनुसार अर्जुनको परिवारले यस सम्बन्धलाई स्वीकार गरिरहेका छैनन् । बुबा बोनी कपूर, बहिनी अंशुला र कजिन सोनमले अर्जुनसँग कुरा गर्ने कोशिश गरे तर यसको कुनै पनि फाइदा भएन ।

अर्जुन अभिनित फिल्म ‘इन्डियाज मोस्ट वान्टेड’ आउँदो मेमा रिलिज हुँदै छ । फिल्मको प्रचारको समयमा अर्जुन आफ्नो व्यक्तिगत काम गर्न चाहँदैनन् भन्ने खबर पनि छ । जसकारण उनले विवाह पोस्टपोन गरेको भन्नेबारे चर्चा छ ।

मलाईका अरोडाले पनि पछिल्लो दिनहरुमा अर्जुनसँगको विवाहको खबरलाई खण्डन गर्दै आएकी छिन् । विवाहको कुरामा कुनै सच्चाइ नभएको उनले जनाएकी थिइन् । अरबाज खानसँग विवाह टुटेपछि ४५ वर्षिया मलाईका र ३३ वर्षीया अर्जुन प्रेम सम्बन्धमा भएको खबर बाहिरिएको हो । दुवैजना केही दिन पहिला मालदिभ्समा छुट्टी मनाएर फर्किएका थिए ।

 गौरव पहारी र अनु शाहको चलचित्र ‘पसिना’को ट्रेलर सार्वजनिक (भिडियो)

चलचित्र ‘पसिना’को ट्रेलर सार्वजनिक भएको छ । बुधबार राजधानीमा एक कार्यक्रमको आयोजना गर्दै ट्रेलर सार्वजनिक गरेको हो । ट्रेलरमा मजदुरको संघर्ष कथा प्रस्तसत गरेको अनुमान लगाउन सकिन्छ । केही दिन अगाडि नयाँ बर्षको अवसर पारेर फष्टलुक सार्वजनिक गरेको थियो ।

आर. बि खत्री ‘शरद’ निर्देशित चलचित्र ‘पसिना’मा  गौरव पहारी, अनु शाह,सरोज खनाल, सरोज अर्याल, रवि गिरी, धुर्ब कोइराला, शारदा गिरी, सुरजनी केसी लगायतका कलाकारको मुख्य भूमिका रहेको छ ।

चलचित्रमा राम केसीको छायांकन, राजनराज सिवाकोटी, दिपक शर्मा र थिरज राइको संगीत,नबिन निरौलाको सम्पादन,शिब बिक र राजीब समरको नृत्य र देव महर्जनको द्वन्द रहेको छ ।‘गरौ सत्कर्म, बगाउ पसिना’ भन्ने नारा बोकेको फिल्मले पसिना बगाएर मात्र नहुने भन्दै सत्कर्म गर्न पनि आवश्यक रहेको सन्देश चलचित्रले दिने निर्देशकले बताए ।

बैशाख २७ गते बाट प्रदर्शनमा आउने चलचित्रका कार्यकारी निर्माता संजय महतो रहेका छन् । आर.बी. खत्री ‘शरद’ को कथा रहेको ‘पसिना’ को निर्माता शान्ता ढकाल हुन् ।

सलमान खानले ‘किक २’ मा ज्याक्लिन र दिशासग रोमान्स गर्ने

सलमान खान स्टारर फिल्म ‘किक’ को सिक्वेल निर्माण हुने घोषणा अघिल्लो वर्ष नै भएको थियो । यसको स्क्रिप्टको कारण फिल्मको काममा ढिलाई भइरहेको छ । यस्तो पनि चर्चा छ कि, यसको सिक्वेलमा दुई हिरोइनहरुलाई कास्ट गर्न सकिने छ । ‘किक’मा  ज्याक्लिन फर्नान्डेजले पहिलो पटक सलमान खानसँग काम गरेकी थिइन् ।

ज्याक्लीन फिल्मको सिक्वेलमा पनि काम गर्न सकिने बताइएको छ । ज्याक्लीनसँगै फिल्मका मेकर्स अर्की नायिका दिशा पटानीलाई पनि कास्ट गर्ने मन गरिरहेका छन् । फिल्मसँग जोडिएका एक स्रोतले जनाएअनुसार ज्याक्लीनको नाम सुरुबाट नै यस फिल्मको लागि पक्का भइसकेको थियो । तर ‘रेस २’ को असफलता पछि फिल्ममेकर्सले यसमा दिशालाई पनि कास्ट गर्ने निर्णय गरे ।

फिल्ममा दुवैजना एकसाथ देखिने सम्भावना रहेको छ । तर मेकर्सहरुले यसबारे औपचारिक घोषणा भने गरिसकेका छैनन् । सलमान पनि दिशालाई फिल्ममा कास्टिङ गर्ने पक्षमा छन् । यतिबेला सलमान ‘दबंग ३’ को सुटिङमा व्यस्त छन् । त्यसपछि उनी यस प्रोजेक्टसँग जोडिने बलिउड भास्करले जनाएको छ । फिल्मलाई सजिद नाडियाडवालाले निर्माण गर्नेछन् ।

अनमोल केसी र सुहाना थापाको ‘ए मेरो हजुर ३’ले चार दिनमा ४ करोड कमायो

शुक्रबारबाट  प्रदर्शनमा आएको अनमोल केसी अभिनित चलचित्र ‘ए मेरो हजुर ३’ले अहिले हलमा बम्पर व्यापार गरिरहेको छ । मंगलबार ‘ए मेरो हजुर ३’को चार दिने रिपोर्ट सार्वजनिक गरिएको छ । तर, वितरक मनोज राठीका अनुसार ‘ए मेरो हजुर ३’को विकेण्ड कलेक्सन ३ करोड ३९ लाख रहेको छ । भने, सिनेमाले सोमबार मात्रै ६२ लाखको कारोबार गरेको छ । यही सिनेमाबाट अभिनेत्री तथा निर्देशक झरना थापा र निर्माता सुनिल कुमार थापाकी छोरी सुहाना थापाले धमकेदार इन्ट्री गरेकी छन् । वर्ष २०७५ मा प्रदर्शनमा आएका सिनेमाले राम्रो व्यापार नगरेर निराश भएका सिनेमाकर्मीको अनुहारमा ‘ए मेरो हजुर ३’को व्यापारले खुशी ल्याएका छ ।

‘ए मेरो हजुर ३’को व्यापारले सिनेमा क्षेत्रमा उत्साह मात्र थपेको छैन, चहलपहल पनि बढेको छ । हलमा दर्शकलाई आकर्षित गर्न सकेको खण्डमा लगानी उठ्ने मात्र होइन नाफा पनि राम्रै कमाउन सकिन्छ भन्ने सोच फेरि निर्माता तथा निर्देशकमा पलाउन थालेको छ । हुनत, ‘ए मेरो हजुर ३’ले बम्पर कारोबार गर्दै गर्दा अन्य निर्माता मख्ख पर्न भन्दा पनि राम्रो सिनेमा निर्माण गर्न तिर अग्रसर हुन आवश्यक रहेको सिनेमाकर्मीको बुझाई छ ।

सिनेमाले शुक्रबार, शनिबार र आइबार मात्रै नभई, सोमबार र मंगलबार पनि व्यापारमा कमी आएको छैन । यसकारणले पनि ए मेरो हजुर ३ लामो रेशको घोडा बन्नेमा निर्माता सुनिल कुमार थापा विश्वस्त छन् । शुक्रबार नै बम्पर ओपनिङ गरेको सिनेमाको व्यापार शनिबार र आइतबार आक्रामक थियो । बिदाका कारण इनिसियल व्यापार भएपनि सोमबारबाट कम हुने धेरैको अनुमान थियो । तर, सोमबार र मंगलबार पनि सिनेमाले आफ्नो व्यापारिक रफ्तारलाई कायम गरेपछि निर्देशक तथा अभिनेत्री झरना थापाको मुहारमा खुशी छाएको छ ।

स्टार र फ्यानविचको साँगीतीक प्रेमकथामा निर्माण भएको सिनेमालाई अभिनेत्री झरना थापाले निर्देशन गरेकी हुन् । यो सिनेमालाई सुनिल कुमार थापाले निर्माण गरेका हुन् । ए मेरो हजुर ३ मा अनमोल केसीको डबल रोल रहेको छ । सुहाना इन्टरटेनमेन्टको व्यानरमा निर्माण भएको सिनेमामा अनमोल र सुहानाका अलवा अपर्ण थापा, सलोन बस्नेत, रविन्द्र झा, सरोज खनाल, विशाल पहाडी, रेयर राई, रुपा घिसिङ, रक्षा गौतम लगायतका कलाकारको पनि अभिनय रहेको छ ।

सिनेमामा झरना थापा र सुमन पौडेलको कथा, छेतेन गुरुङ, प्रतिक पौडेल, बाबुराम दाहाल र सुमन पौडेको पटकथा तथा संवाद, सञ्जय लामाको छायांकन, कविराज गहतराज, प्रविन सिंह, राहुल शाह र रामजी लामिछानेको कोरियोग्राफी, हिमाल केसीको द्धन्द्व, दिर्घ खड्काको सम्पादन रहेको छ ।

‘वीरविक्रम २’को ‘वाचा’गीतमा पल शाह र वर्षा सिवाकोटीलाई  रोमान्टिक अवतारमा (भिडियो)

मंगलबार राजधानीमा एक कार्यक्रमको बिच चलचित्र ‘वीरविक्रम २’को दोस्रो गीत सार्वजनिक गरिएको छ।‘वाचा’ बोलको गीत सार्वजनिकमा पल शाह र वर्षा सिवाकोटीलाई  रोमान्टिक अवतारमा प्रस्तुत गरिएको छ ।
गीतमा ताराप्रकाश लिम्बु र दीपा लामाको स्वर रहेको छ भने संगीत पनि गायक लिम्बुको रहेको छ । सञ्चारकर्मी नरेश भट्टराईको  शब्द रहेको गीतलाई कविराज गहतराजको  कोरियोग्राफीगरेका हुन्। गीतको भिडियो विदेशका सुन्दर लोकेसनहरुमा छायांकन गरिएको हो भने गीतलाई सुदीप बरालले छायांकन गरेका हुन्।
जेठ ३ मा आउने प्रदर्शनमा आउने ‘वीरविक्रम २’लाई मिलन चाम्सले  निर्देशन गरेका हुन्। चलचित्रमा पल र  वर्षा सगै नाजिर हुसेनबुद्धि तामाङ, देशभक्त खनाल, विनिशा भण्डारी, विनोद सुवेदी खत्री, मनिष लिम्बुलगायतका कलाकारहरुको अभिनय रहेको छ ।
https://www.youtube.com/watch?v=9XdDoNiAdbU
हिमाल केसीको द्वन्द्व रहेको चलचित्रको कथा प्रदीप भारद्धाजले लेखेका हुन् ।चलचित्रलाई मिलन चाम्स अपर्ण सापकोटाले निर्माण गरेका हुन्
भने रन्जित  सिवाकोटी सहनिर्माताको रुपमा रहेकी  छन् ।नयाँ कथामा निर्माण भएकाले ‘वीरविक्रम २’ सिक्वेल नभएको निर्माण टिमको भनाई छ ।

सलिनमान बनियाको ‘यात्रा’लाई दर्शकले मन पराए

शुक्रबारबाट प्रदर्शनमा आईको फिल्म ‘यात्रा स् अ म्युजिकल भ्लग’ लाई सकारात्मक प्रतिक्रिया प्राप्त भइरहेको छ । रिलिजकै दिन शुक्रबार आयोजित विशेष शो मार्फत सेलिब्रेटीको मन जित्न सफल भएको फिल्मलाई दर्शकले पनि ’उत्कृष्ट’ भनेका छन् ।

नयाँ वर्षको पहिलो दिन वैशाख १ गते विभिन्न हलमा पुगेका सलिनमान बनियाले दर्शकसँग प्रतिक्रिया लिदै शुभकामना आदानप्रदान गरे । नयाँ वर्षको शुभकामना दिदै दर्शकको प्रतिक्रिया लिन हलमा पुग्दा सलिन दंग थिए । ’दर्शकको सकारात्मक प्रतिक्रियाले उत्साहित भएको छु’ उनले भने ’यो न्यु इयरमा दर्शकसंग म छु र म संग दर्शक हुनहुन्छ ।’ उनललाई आफ्नो अगाडी पाउँदा दर्शक पनि दंग थिए । उनले राजधानीका हल मुख्य हल भिजिट गरेका थिए भने गोपीकृष्ण मुभिज चाबहिल र अष्टनारायण पिक्चर्स बालाजु बाइपास रोड मिडियाकर्मी पनि सलिनसंग थिए ।

सलिन सहित यात्रा टिम हलमा आउंदै छ भन्ने थाहा पाएपछि दर्शकहरु सलिनको एक झलक पाउन र छुन तछाडमछाड गरिरहेका थिए । सलिनसंगै सलोनले पनि दर्शकको माया फिल गरे । ’दर्शकले दिनु भएको सकारात्मक प्रतिक्रियाले हिजो दुखलाई भुलेका छौ’ सलोन भन्छन् ’मेरो सहयोगी क्यारेक्टरलाई दर्शकले रुचाउनु भएको छ , नानी कति जाति है भन्ने खालका कमेन्ट पाएको छु ।’ सलिन र सलोनसंगै हल भिजिटमा दर्शकको प्रतिक्रिया लिन डेब्यु गर्ल मलिका महत , रेअर राई , प्रेक्षा बज्राचार्य , जान्वी बस्नेत , निर्देशक सम्राट शाक्य , निर्माता सुशील पोखरेल , कार्यकारी निर्माता सर्जुमान लिगल , प्रस्तुतकर्ता चिजकुमार श्रेष्ठ र वितरक गोपालकाजी कायस्थ पुगेका थिए । वितरक गोपालकाजि कायस्थले सलिनको क्रेज हलमा देखिएको बताए ।

फिल्मले मनोरंजनसंगै सोसल म्यासेज पनि दिएकोले यसको वर्डअफ माउथले आउँदा दिनमा दर्शक तानिनेमा निर्माण पक्ष विश्वस्त छन् । फिल्ममा भ्लगको माध्यमले ल्याउन सक्ने परिवर्तन र गर्न सकिने सकारात्मक कामलाई देखाइएको छ । फिल्ममा सलिनले पाँच पंक्षी समुह लिड गरेका छन् । फिल्ममा जय नन्द लामा , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , देशभक्त खनाल , कमल मैनाली , सौगात शर्मा लगायतको अभिनय रहेको छ भने विशेष भूमिकामा दीपकराज गिरी पनि छन् । यसमा विदेशी कलाकारहरु चाइनाका जुन झाङ र केन्याका बबीको पनि अभिनय रहनेछ । फिल्ममा बालकलाकारको रुपमा पछिल्लो समय युट्युबमा चर्चा रहेका अंकित संग्रौला र एन्जल राई रहेका छन् ।

कोटकी कालिका देवीफिल्म्स प्राइभेट लिमिटेड , क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण हुने फिल्ममा कलाकार केशव भट्टराईसँगै चिज कुमार श्रेष्ठ पनि प्रस्तुतकर्ता रहेको फिल्ममा बिक्रम पराजुली , मुक्ति तिम्सिना र राम शरण घिमिरे सह( निर्माता रहेका छन् । फिल्मका निर्माता सुशील पोखरेल हुन् भने यसको कार्यकारी निर्माता सर्जुमान लिगल रहेका छन् । फिल्ममा कथापनि सम्राटकै रहेको छ भने यसलाई उनिसँगै सुरेश न्यौपाने , प्रतिक पौडेल र शिशिर खातीले मिलेर लेखेका हुन् । फिल्मको मुख्य सहायक निर्देशक सुरेशनै रहेका छन् भने यसलाई संजय लामाले खिचेका हुन् । फिल्ममा प्रविन सिंहको कोरियोग्राफी , हिमाल केसीको द्वन्द , बनिश शाहको सम्पादन , आशिष पौडेलको कस्ट्युम डिजाइन , जटा शंकर गोसाईको आर्ट डिजाइन , निमा लामाको मेकअप र अरुण रेग्मीको प्रोडक्सन डिजाइन रहेकोछ । फिल्ममा वरिष्ठ संगीतकार शम्भुजित बास्कोटाकोसँगै प्रतिक पौडेल र कोविद बज्रको संगीत रहेकोछ ।

शिव परियारको गीतमा सरोज र आस्माको ’ह्याप्पी ह्याप्पी‘

गायक शिव परियारको स्वर रहेको ‘ह्याप्पी ह्याप्पी’ बोलको नयाँ गीत सार्वजनिक भएको छ । नयाँ बर्ष २०७६को उपलक्ष्यमा दर्शक तथा स्रोताहरुमाझ नयाँ साङ्गीतिक कोसेली स्वरुप उक्त गीत सार्वजनिक गरिएको रचनाकार सुरेश वाग्लेले जानकारी दिए ।

गीतमा हरि लम्सालको सङ्गीत तथा गायक शिव परियारको स्वर सुन्न सकिन्छ। चर्चित नृत्य समूह ‘कार्टुन क्रु’ का सरोज अधिकारी र आस्मा विकसहित साथीहरुको अभिनय रहेको गीतका भिडियोमा गायक परियारको समेत अभिनय देख्न सकिन्छ।

सार्वजनिक आधुनिक रोमान्टिक गीतको भिडियोलाई राम केसीले छायांकन गरेका हुन् भने, भिडियोमा राजीभ समरको कोरियोग्राफी तथा टेकेन्द्र शाहको निर्देशन, सम्पादन, कलरिङ तथा, भिएफएक्स रहेको छ।

गायक शिव परियारले आफूले मेहनतका साथ गीतमा न्याय गरेको भन्दै गीतको सफलता प्रति आशा व्यक्त गरे। गायक शिव परियारको गीतमा पहिलो पटक काम गर्न पाएकोमा सरोज र आस्माले खुसी व्यक्त गरे ।गत वर्ष सार्वजनिक एकल एल्वम ‘तिमी साथ भएपछि’ का गजलहरू लोकप्रिय भएपछि उत्साहित भएका वाग्ले यो गीतबाट निकै आशावादी रहेको बताए ।