Tuesday , 18 June 2019
News update
Home >> Namaste news

Namaste news

चलचित्र लभ यु हमेशाको फस्टलुक्स पोस्टरसँगै र प्रदर्शन मिति सार्वजनीक

प्रेमकथानक फिल्म लभ यु हमेशाको फस्टलुक्स  पोस्टरसँगै प्रदर्शन मिति सार्वजनीक गरिएको छ । भाष्कर प्रधान निर्देशीत फिल्म ६ भदौमा देशभरका हलमा प्रदर्शन हुदैछ ।

आइडियल डिजाइनर्सले डिजाइन गरेको लभ यु हमेशाका बिभिन्न डिजाइनका पोस्टरमा यशराज गरच, ऋचा थापा र फिजा योन्जनलाई हाइलाइट गरिएको छ । धर्मा क्रिएसनको ब्यानरमा यवन गुरुङको प्रस्तुति र मिलन गुरुङ सहनिर्माता रहेको फिल्ममा यशराज,रिचा र फिजाका साथमा शिसिर राणा, गोपाल ढकाल (छन्दे), पिटी योल्मा,प्रमिला राई,सल्देन तामाङका कलाकारले अभिनय गरेका छन् । भारतको कालेबुङ, सिलगुडी तथा काठमाडौमा सुटिङ गरिएको फिल्मको केही दृश्य सिंगापुर र फिलिपिन्समा खिचिदैछ ।

निर्देशक भास्करकै कथा,शिब ढकालको छायांकन,एनबि महर्जनको द्धन्द्ध निर्देशन,भासुको संगीत, कमल राईको कोरियोग्राफी र मिलन श्रेष्ठको सम्पादन छ । लभ यु हमेशाको बितरण आरआर फिल्मस्ले गर्दैछ ।

आयुष्मान र शिल्पा अभिनित चलचित्र ‘सानो मन’को ट्रेलर सार्वजनिक (भिडियो)

आगामी असार २० गतेबाट रिलिज हुने सिनेमा ‘सानो मन’को ट्रेलर सार्वजनिक गरिएको छ । सिनेमाको ट्रेलर आइतबार सामाजिक सञ्जाल युट्युबमा रिलिज गरिएको हो ।

सुयोग गुरुङको निर्देशनमा निर्माण भएको सिनेमाको सार्वजनिक ट्रेलरमा मुख्य पात्र आयुष्मान देशराज जोशी, शिल्पा मास्के, विशाल पहाडी, गौरी मल्ल, रश्मी भट्ट, लगायतका अन्य कलाकारलाई स्थान दिइएको छ । ‘सानो मन’ असार २० गतेबाट नेपालभरका सिनेमा घरमा प्रदर्शन हुँदैछ ।

ओ.पि.जी फिल्मस्, ए प्लस इन्टरटेन्मेन्ट र हाई टेक इन्टरटेन्मेन्टको संयुक्त ब्यानरमा सानो मन निर्माण भएको हो । सिनेमाको सम्पादन सुयोग गुरुङ र मिलन श्रेष्ठले मिलेर गरिरहेका छन् । सिनेमामा शिशिर बाङ्देल, सक्षक कृष्ण सुवेदी, कृष्ण भक्त महर्जन, लक्ष्मी भुषाल लगायतका कलाकारको पनि अभिनय रहेको छ ।सिनेमाको कथा समिर सुनवार र निर्देशक गुरुङले मिलेर लेखेका हुन् । काठमाडौं, भैरहवा, हङकङ र मकाउमा छायांकन भएको यस सिनेमाका निर्माताहरू योगेश गुरुङ, राजीव श्रेष्ठ, रमेश के. मित्तल र राजेन्द्र मानन्धर हुन् । रित बोहरा मुख्य सहायक निर्देशक रहेको ‘सानो मन’ म्युजिकल लभस्टोरी जनरामा निर्माण भएको निर्देशक गुरुङले बताए । सिनेमालाई आलोक शुक्लाले छायांकन गरेका हुन् ।

अब फिल्म शुक्रवार मात्रै रिलिज ,भारतको लागि दिएको स्टे अर्डर खारेज

ब्याङ्कटेस ईन्टरटेन्मेन्टले फिल्म भारत रिलिज गर्न जिल्ला अदालत काठमाडौंमा मुद्धा दर्ता गरेको थियो।त्यसमाथी कार्वाही गर्दै जिल्ला अदालतले चलचित्र विकास बोर्डलाई विपक्ष बनाउँदै फिल्म भारत सेन्सर प्रक्रियाका लागि नरोक्न स्टे अर्डर दिईएको थियो।

भारत बुधवारनै नेपालभर रिलिज भयो। तर, यसको ब्याख्या गलत रुपमा विकास बोर्ड माथी परेको थियो। चलचित्र विकास बोर्डले नेपाली फिल्मको प्रवद्र्धनको लागि सबै फिल्म शुक्रवार नै रिलिज गर्ने तयारी गरिरहँदा अदालत बाटनै स्टे अर्डर आएपछि फिल्म बुधवार रिलिज भएको बोर्ड अध्यक्ष केशव भट्टराईले बताउँदै आएका छन्।

फिल्म रिलिज हुदै गर्दा चलचित्र विकास बोर्डले काठमाडौं जिल्ला अदालतलाई स्पष्टिकरण पठाईएको थियो। चलचित्र विकास बोर्डले दिएको स्पष्टिकरणको आधारमा काठमाडौं जिल्ला अदालतले उक्त स्टे अर्डर खारेज गरिदिएको छ।भारत रिलिज गर्न स्टे अर्डर दिएको अदालतले उक्त निर्णय खारेज गरेसँगै सोही प्रकृतीका मुद्धाहरु अब अदालतमा नजाने बोर्डले जनाएको छ।

शुरुमा ब्याङ्कटेस ईन्टरटेन्मेन्टले आफ्नो स्वार्थका आधारमा एक पक्षिय तरिकाले काठमाडौं जिल्ला अदालतमा मुद्धा दर्ता गरेको र अदालतले त्यसको पूर्ण कार्वाहीलाई थाति राख्दै स्टे अर्डर दिएको थियो। विकास बोर्डको स्पष्टिकरण पछि उक्त मुद्धालाई पूर्ण रुपमा कार्वाही गर्दै स्टे अर्डर खारेज गरेको हो।

स्टे अर्डर खारेजसँगै अब सबै फिल्म शुक्रवार मात्रै रिलिज हुने बोर्डले जनाएको छ। ‘एउटा घटनाबाट पाठ सबै निर्माता र वितरकले सिक्न जरुरी छ। यो घटना कसैको फाईदा र बेफाईदाको लागि हैन। समग्र नेपाली फिल्मको पक्षमा, नेपाली फिल्मको हितमा भएको हो।हामीले खुल्ला व्यापार नीतिलाई ध्यानमा राखेका छौं। कुनै पनि विदेशी फिल्म हामी रोक्दैनौं। तर, नेपाली फिल्मलाई असर नहुने गरि रिलिज गर्ने प्रक्रिया शुरु गर्ने बोर्डको चाहना हो।’ बोर्ड अध्यक्ष भट्टराईले भने।

नम्रता श्रेष्ठको जन्मदिनमा ‘जाइरा’को पोस्टर सार्वजनिक

अभिनेत्री नम्रता श्रेष्ठ शुक्रबारबाट ३३ बर्षमा प्रवेश गरेकी छन्।उनले शुक्रबार राजधानीमा एक कार्यक्रममा बीच आउँदो भदौ ६ गतेबाट प्रदर्शनमा आउन लागेको चलचित्र ‘जाइरा’ को टिमसँग जन्मदिन सेलिब्रेट गरिन्। यो चलचित्रमा उनले मिक्स मार्शल आर्ट खेलाडीको भूमिका निभाएकी छन्। यसमा उनको होम प्रोडक्सन कम्पनीले पनि निर्माण सहकार्य गरेको छ।

नम्रताको जन्मदिनमा ‘जाइरा’का दुई पोस्टर पनि सार्वजनिक गरिएको छ। पोस्टरमा मुख्यतः उनलाई नै प्रमूख स्थान दिईएको छ। चलचित्रको मुल कथा नै उनको वरिपरि घुमेकाले निर्माण टिमले फिल्मको प्रचार सामाग्रीमा उनलाई नै विशेष स्थान दिँदै आएको छ। सार्वजनिक पोस्टरमा नम्रतालाई मिक्स मार्शल आर्ट खेलाडीको लुक्समा देख्न सकिन्छ। ‘जाइरा’का निर्देशक आशुतोष राज श्रेष्ठ हुन्।

‘लभर गर्ल’ को भूमिकामा निकै रुचाइएकी नम्रताले ‘जाइरा’ आफ्नो लागि विशेष रहेको बताइन्। जन्मदिनको केक काट्दै उनले भनिन्, ‘यो फिल्मको स्क्रिप्टमा आशुतोषले निकै वर्क गरेको छ।स्क्रिप्टमा मात्र उसले तीन बर्ष खर्चेको छ। उसको मेहनत, लगाव र उसप्रति मलाई विश्वास भएर नै ‘जाइरा’ गरेकी हुँ।’ त्यहि सन्दर्भमा उनले आफूले हरेक चलचित्रमा निभाएको क्यारेक्टर आफुलाई चुनौतीपूर्ण लाग्ने पनि बताइन्।

हरेक प्रकृतिका क्यारेक्टरलाई उत्तिकै महत्त्व दिने उनको भनाई छ। उनी भन्छिन्, ‘मैले मेरो क्यारेक्टरलाई शतप्रतिशत दिन सकिन भने दर्शकलाई सजिलै थाहा हुन्छ।दर्शकलाई झुक्याउन सकिन्न। त्यसैले म हरेक क्यारेक्टरलाई शतप्रतिशत दिने प्रयास गर्छु। मलाई हरेक क्यारेक्टर चुनौतीपूर्ण र हरेक फिल्म ड्रिम प्रोजेक्ट लाग्छ।’ उनले ‘जाइरा’ बाट आफूले लभर गर्लको छवि मेट्ने प्रयास गरेको पनि बताइन्।

सम्झनलायक चलचित्र दिएकी नम्रता अभिनीत पछिल्लो चलचित्र प्रसादु गत वर्ष प्रदर्शनमा आएको थियो। यस चलचित्रमा नम्रताको अभिनयको मुक्तकण्ठले प्रशंसा भएको थियो। हरेक फिल्ममा अभिनयमा विविधता पस्किरहेकी नम्रता पहिलो पटक ‘जाइरा’ मार्फत एक्सन अवतारमा प्रस्तुत हुन लागेकी हुन्। चलचित्रमा अनुप बिक्रम शाही, प्रमोद अग्रहरी, रेमन दास श्रेष्ठसहित नव(कलाकारहरु श्रृजना रेग्मी, सुजिता श्रेष्ठ र सम्राट मगरको पनि मूख्य अभिनय छ।

‘जाइरा’ का पटकथाकार निर्देशक श्रेष्ठ र निरोज महर्जन हुन्। यो चलचित्र कटामरी फिल्म्सको सहकार्यमा नम्रता श्रेष्ठ प्रोडक्शन र ट्रेन्डसेटर्स प्रालिको प्रस्तुतीमा बनेको हो। प्रसन्न गोपाली कार्यकारी निर्माता रहेको ‘जाईरा’लाई लोकेश बज्राचार्यले सम्पादन गरेका छन्।कल्याण सिंह, डिजे राजु र टम्ब्लीविडको संगीत रहेको यो फिल्ममा सम्राट बस्नेतको द्वन्द्व निर्देशन रहेको छ भने द्वन्द्व कोरियोग्राफी राउल मोक्तान र मेघवार चेम्जोङको छ। यस चलचित्रमा केशव थापाको नृत्य निर्देशन छ भने डिओपी बाबु श्रेष्ठको रहेको छ।

‘प्रेमगीत ३’ बाट मनिष राउतले मुख्य अभिनेताको रुपमा डेब्यु गर्ने

२०७६ कै बहुप्रतिक्षित चलचित्र ‘प्रेमगीत ३’ को लागि मुख्य अभिनेत्रीका लागि अडिसन चलिरहेका बेला तेश्रो गीत को बन्ने भनेर धेरैमा उत्सुकता छ । यसै सन्र्दभमा निर्माण टिमले चलचित्रको मुख्य अभिनेता दर्शक सामु प्रस्तुत गरेको छ ।

आसुसेन फिल्मस् प्रोडक्सनको ब्यानरमा निर्माण हुन लागेको उक्त चलचित्रमा प्रतिभाशाली युवा मनिष राउतले मुख्य अभिनेताको रुपमा डेब्यु गर्ने भएका छन् । चलचित्र क्षेत्रमा संघर्ष गरिरहेका मनिष राउतले नेपालको चलचित्र कलेज अस्कर इन्टरनेश्नलमा अभिनय अध्ययन गरेका छन् । उनीसँग दर्जनौं लघु चलचित्रमा काम गरेको अनुभब छ ।

दर्शकले अत्याधिक रुचाएको प्रेमगीत सिरिजको तेश्रो श्रृखलामा यी नयाँ अनुहारलाई मुख्य अभिनेताको रुपमा इन्ट्रि गराएको हो । निर्माण टिमले नव अभिनेता राउतका केहि क्यारेक्टर पोस्टर सार्वजनिक गरेको छ । पोस्टरमा उनि पुरानो जमानाको बन्दुक सहित देखिन्छन् भने अर्कोमा बन्चरो सहित देखिएका छन् । ‘अ फर्बिडन लभ स्टोरी’ भनिएको उक्त रोमान्टिक सिरिजको यो चलचित्र नव वर्षको अवसर पारेर यहि चैत्र २८ गते प्रदर्शनमा आउने पक्का भैसकेको छ । फिल्ममा प्रदीप खडका र मनिष दाजु-भाईको भूमिकामा हुनेछन् ।


चलचित्रलाई छेतन गुरुङ्ग र सन्तोष सेनले संयुक्त रुपमा निर्देशन गर्दैछन् । छेतेन गुरुङ्ग र मन्दिप गौतमले लेखेको चलचित्रलाई  स्वयं निर्देशक सन्तोष सेन र विजय चामलिङ मिलेर निर्माण गर्दैछन् ।‘प्रेम गीत ३’ पहिलो र दोश्रो संस्करण भन्दा निकै ठुलो स्केलमा निर्माण हुने र नेपाली चलचित्र क्षेत्रकै एउटा उदाहरण बन्ने निर्माण पक्षको विश्वास छ ।

पत्रकार गिरिजा अधिकारीको गीत ‘ए सरकार-२’ को भिडियो सार्वजनिक

देशमा व्याप्त अभाव, गरिबी र भ्रष्टचार माथि तीखो व्यङ्ग्य प्रहार गरिएको गीत ‘ए सरकार-२’ सार्वजनिक भएको छ। साहित्यकार एवम् पत्रकार गिरिजा अधिकारीको शब्द रहेको गीतमा विकास पाण्डेको संगीत तथा गायक देवेन्द्र कार्कीको आवाज रहेको छ।

सरकार र पहुचमा रहेका व्यक्तिहरुले आफन्त र सालासालीलाई राम्रो स्थानमा जागिर लगाएको भन्दै कटाक्ष प्रहार गरिएको छ। गीतले सरकार प्रतीको चरम वितृष्णा र खबरदारीलाई एकसाथ समेटिएको छ।

भिमफेदी गाइजको अभिनय रहेको भिडियोमा देशको विकृती र विसंगतीलाई कलात्मक शैलीमा देखाइएको छ। निकै आक्रमक शैलिको गीतलाई भिमफेदी गाइजका निर्मलले निर्देशन गरेका हुन्।पवन शुस्लिङको सिनेमेटोग्राफी रहेको गीतको भिडियोमा ऐतिहासिक मकवानपुर गढी दरबारलाई देखाइएको छ।

डा. डीआर उपाध्यायको गीतमा नेपाल आइडलकी अस्मिता अधिकारी र सागर अधिकारीको स्वर (भिडियो)

डा. डीआर उपाध्यायको नयाँ गीत ‘राखिदिए जिन्दगीको हरेक स्वास तिम्रै लागि…’ सार्वजनिक भएको छ । नेपाल आइडलकी अस्मिता अधिकारी र सागर अधिकारी ‘शरद’को स्वर, सागरकै सङ्गीत, चन्द्र चौधरीको मिक्सिङ र प्रकाश मिश्रको माष्टरिङ रहेको गीतको भिडियो सार्वजनिक भएको हो ।प्रहिल कार्कीले निर्देशन गरेको गीतको भिडियोमा अञ्जिता, कविता, प्रहिल र सन्दिपलाई फिचरिङ गरिएको छ । रोसिकले छायाँकन गरेको भिडियोलाई माधव बेल्वासेले सम्पादन गरेका हुन् ।

‘हिरो २०१९’बाट सम्मानित गीतकार डा. डीआर उपाध्यायले एकै साथ ७ गीति एल्बमका ३६ ओटा गीत एकै पटक सार्वजनिक गरेर मिराकल वल्र्ड रेकर्ड, इण्डिया स्टार वल्र्ड रेकर्ड, एक्सकुलुसिभ वल्र्ड रेकर्ड, जीनस वल्र्ड रेकर्ड र एभरेष्ट वल्र्ड रेकर्डको प्रमाण पत्र प्राप्त गरिसकेका छन् ।

त्यस्तै डा. डीआरलाई चार ओटा एभरेष्ट वल्र्ड रेकर्डका साथै ‘हिरो २०१९’बाट सम्मान गरिएको छ । उनले प्राप्त गरेका चार एभेरष्ट वल्र्ड रकेर्डमा राष्ट्र अनि राष्ट्रियतामा ३५ ओटा शब्द र रा रि रु समावेस भएको गीतमा, नेपाली ३७५ लोकबाजा समावेस भएको गीतको वल्र्ड रेकर्ड, एउटा गीति एल्बम जसमा विभिन्न ८ ताल समावेसको एल्वमको वल्र्ड रेकर्ड र एउटै गीतमा आठ विट समावेस गरी तयार परिएको गीतमा रहेका छन् ।

डी. आर उपाध्यायका ‘प्रणय’ ‘जखम’, ‘माउन्टेन मेलोडी’, ‘नसालु नजर’, ‘जोहो’, ‘अन्तराप’, ‘प्रतिनाद’, ‘सहेली’, ‘परिष्कृत’, ‘कृति’ र ‘पृथक’ जस्ता गीति एल्बम स्रोता÷दर्शकमाझ आएका छन् । त्यस्तै उनका ‘अतिरिक्त’, ‘भाग्यचक्र’, ‘स्वार्थी’, ‘त्यागी’, ‘बज्रघात’, ‘अपवित्र छायाँ’, ‘बिटुली’ ‘दगाबाज’ र ‘अधुरो प्रेम’ जस्ता उपन्यास पाठकमाझ आएका छन् ।

आइटम गर्ल सन्नी लियोनी अभिनित चलचित्र ‘पासवर्ड’ को गीत सार्वजनिक (भिडियो)

बलिउड अभिनेत्री तथा आइटम गर्ल सन्नी लियोनीलाई फिचरिङ गरिएको नेपाली चलचित्र ‘पासवर्ड’ को गीत सार्वजनिक गरिएको छ । ‘आजको साम’ बोलको गीतमा सन्नीले थुप्रै कोरसका बीच ठुम्का लगाएकी छन् । गीतमा सन्नीसँग कलाकार विक्रम जोशी र  अनुपबिक्रम शाहीलाई फिचर्ड  गरिएको छ ।

बिहीवार राजधानीमा एक कार्यक्रमका बीच सार्वजनिक गरिएको गीतमा अर्जुन पोखरेलद्वारा संगीत तथा  दुर्गा खरेलको स्वर छ । विक्रम जोशीकै शब्द लेखन रहेको गीतमा बिष्णुदेवाले कोरियोग्राफी गरेका हुन् । निक्कै प्रतिक्षित रहेको गीतमा ५ करोड लागत लागेको बताइएको छ ।

चलचित्र ‘पासवर्ड’ लाई सम्राट बस्नेतले निर्देशन गरेका हुन् ।चलचित्रमा  सन्नीसँगै अनुपबिक्रम शाही, विक्रम जोशी, बुद्दि तामाङ, रविन्द्र झा, प्रविण खतिवडा, धिरेन शाक्य, परी राणा, विक्रम बस्नेत, लिजा सुनार, छुल्ठिम गुरुङ लगायतको अभिनय छ ।

एबी इन्टरनेशनलको ब्यानरमा निर्माण भएको यस चलचित्रलाई हिरल जोशी र अमित बस्नेतले मिलेर निर्माण गरेका हुन् । अकिंत गौतम कार्यकारी निर्माता रहेको फिल्ममा  अजित के थापा सहनिर्माताको रुपमा रहेका छन् ।

एक्सन, कमेडी, थ्रिलर जनरामा निर्माण भएको  ‘पासवर्ड’सौरभ लामाले छायाँकन गरेका हुन् । अर्जुन जिसीले सम्पादन गरेको सिनेमा भदौ २७ मा रिलिज हुँदैछ ।

बाहुबली’ अभिनेता प्रभासको चलचित्र ‘साहो’को धमाकेदार टीजर सार्वजनिक (भिडियो )

बलिउड र टलिउडले मिलेर एक धमाकेदार फिल्म ‘साहो’ बनाएको छ । दर्शकलाई घोषणादेखि नै यस फिल्मको ट्रेलर र टीजरको व्यग्र प्रतिक्षा थियो । बिहीवार फिल्मको अफिसियल टीजर सार्वजनिक भएको छ । टीजरबाट फिल्म एक्सन र रोमान्सले भरिपूर्ण रहेको अनुमान लगाउन गाह्रो पर्दैन । टीजर जबरजस्त बनेको छ ।

‘बाहुबली’ पछि अभिनेता प्रभास एकपटक फेरि ‘साहो’ मा फरक भूमिकामा देखिँदैछन् । यो फिल्मबाट अभिनेत्री श्रद्धा कपूरले तेलुगू इन्डस्ट्रीमा डेब्यू गर्दैछिन् । फिल्मलाई सुजीतले निर्देशन गरेका हुन् । फिल्मको टीजर हिन्दीसँगै अन्य तीन भाषा पनि रिलिज गरिएको छ । टीजरमा श्रद्धा र प्रभासको जोडी रोमान्स गर्दै देखिएको छ ।

केही दिन अगाडि श्रद्धा कपूर र प्रभासको एक फोटो लिक भएको थियो । लिक भएको तश्वीरमा दुई रोमान्टिक सिन सुट गर्दै देखिएका थिए । यो फिल्म तेलुगुसँगै  हिन्दी, तमिल र मलयालम भाषामा रिलिज हुनेछ । फिल्ममा प्रभाससँगै श्रद्धालाई पनि एक्सन गर्दै देखिनेछ । यो फिल्मको ९० प्रतिशत एक्सन पूरै रियल हो ।

प्रभास भन्छन्, ‘दर्शकलाई असली एक्सनको थ्रिल महशुस हुन सकोस् भनेर हामीले फिल्ममा सबैकुरा रियल गर्ने कोशिश गरेका छौँ ।’ फिल्ममा ज्याकी श्राफ, मन्दिरा बेदी र नील नीतिन मुकेशको पनि प्रमुख भूमिका छ । फिल्मको निर्माण यूवी क्रिएशनका वामसी, प्रमोद र विक्रमले गरेका हुन् । ‘साहो’ यस वर्षको १५ अगस्टमा रिलिज हुँदैछ ।

प्रकाश सपुत र शान्ति श्री परियारको गीत ‘गलबन्दी’लाई करोड भ्युज

प्रकाश सपुतको पछिल्लो गीत ‘गलबन्दी’ ले युटुबमा छोटो समयमै करोड भ्युज पाएको छ ।मंगलबारसम्म गलबन्दीको गीतको भ्युज एक करोडभन्दा बढी पुगेको छ । गलबन्दी नेपाली संगीत क्षेत्रमा युट्युबमा अपलोड गरिएका गीतमध्ये सबैभन्दा छोटो अबधिमा एक करोड भ्युज प्राप्त गर्न सफल भएको छ ।

प्रकाश सपूत र शान्ति श्री परियारको स्वर रहेको यो गीत पछिल्लो समयको सर्वाधिक लोकप्रिय गीत बनेको छ । प्रकाश सपुतको निर्देशनमै निर्माण भएको गीतमा प्रकाशसहित अञ्जली अधिकारीलाई फिचरिङ गरिएको छ ।

यो गीत लामो समयसम्म ट्रेन्डिङको नम्बर एकमा पर्न सफल भएको थियो ।प्रकाश सपूतले बजारमा ल्याएको यसअघि ‘बोल माया’ पनि नेपालीमाझ निकै लोकप्रिय भएको थियो ।