Saturday , 23 February 2019
News update
Home >> Nepali Movie Song

Nepali Movie Song

‘साइँली’को ‘प्याट् प्याटे’ चप्पल (भिडियो)

चलचित्र ’साइँली’को दोस्रो गीत सार्वजनिक गरिएको छ । चत्रै १५ गतेवाट प्रदर्शनमा आउन लागेको चलचित्रमा समावेश प्याट प्याटे बोलको गीत सार्वजनिक गरिएको हो । गीतमा सिनेमाका मुख्य कलाकार दयाहाङ राई, गौरव पहाडी, मेनुका प्रधान, केनिपा सिंह लगायतका कलाकारलाई फिचर्ड गरिएको छ ।
सुशान्त गौतमको संगीत, हर्क साउँदको शब्द तथा संगीतकार गौतमको स्वर छ । बैदेशीक रोजगारीको कथामा निर्माण भएको सिनेमालाई रामबाबु गुरुङले निर्देशन गरेका हुन् । चलचित्रलाई गायक हेमन्त राना र गौरव पहारीले निर्माण गरेका हुन् । जिएच इन्टरटेनमेन्टको व्यानरमा निर्माण भएको सिनेमामा माओत्से गुरुङ, केनिपा सिंह, प्रकाश घिमिरे, अरुण कार्की, लगायतका कलाकारको पनि मुख्य भुमिका रहेको छ ।

विशाल गुरुङ र मोहन राना मगरको लगानी रहेको चलचित्रमा बिजय अवाले, विकाश पुजास, सुवेच्छा केसी सह निर्माताको रुपमा रहेका छन् । कार्यकारी निर्माता मणिराम पोखरेल हुन् । सिनेमामा काली प्रसाद बास्कोटा, सुशान्त गौतमको संगीत, शैलेन्द्र डि कार्कीको छायांकन, निमेष श्रेष्ठको सम्पादन रहेको छ ।

चलचित्र ‘आप्पा’को नयाँ गीत सार्वजनिक

चलचित्र ‘आप्पा’को नयाँ गीत सार्वजनिक गरिएको छ । दयाहाङ राई स्टारर सिनेमाको दोस्रो गीत ‘साँझ परे पछि’ बोलको गीत युट्युबबाट सार्वजनिक गरिएको हो । गीतमा निर्देशक अनमोल गुरुङको शब्द तथा संगीत रहेको गीतमा निर्देशक गुरुङ र स्नेहश्री थापाको स्वर छ ।

आगामी वर्षको जेष्ठ २४ गतेबाट रिलिज चलचित्रको गीतमा मुख्य कलाकार सिद्धान्त राज तामाङ र अल्लोना काबो लेप्चालाई फिचर्ड गरिएको छ ।हुने तय भएको छ । बाबु छोराको सम्बन्धको कथामा निर्माण भएको सिनेमालाई अनमोल गुरुङले निर्देशन गरेका हुन् । यो अनमोलको डेब्यु निर्देशकिय सिनेमा हो । अ माउन्टेन स्टोरीज प्रोडक्सन र सिनेमा आर्टको संयुक्त ब्यानरमा निर्माण भएको सिनेमाका कार्यकारी निर्माता हुन् । ‘आप्पा’मा रुदेन सादा लेप्चाको लगानी रहेको छ ।

सिनेमामा दयाहाङ राई, सिद्धान्त राज तामाङ र अल्लोना काबो लेप्चाका अलवा बरिष्ठ निर्देशक तथा निर्माता तुलसी घिमिरे, अरुणा कार्की लगायतका कलाकारको समेत मुख्य भुमिका रहेको छ । ‘आप्पा’मा निर्देशक अनमोल गुरुङको कथा, अनमोल गुरुङ र उमेश उपमाको पटकथा तथा संवाद, शैलेन्द्र डि कार्कीको छायाँकन, अनमोल गुरुङ र शैकात देवको संगीत, निमेष श्रेष्ठको सम्पादन सिनेमामा रहेको छ ।

‘पुरानो बुलेट’को ट्रेलर सार्वजनिक (भिडियो)

चैत्र १ गतेबाट प्रदर्शनको तयारीमा रहेको  ‘पुरानो बुलेट’को ट्रेलर सार्वजनिक गरिएको छ ।  सिनेमाको सार्वजनिक ट्रेलरमा माया, प्रेम र विछोडलाई फोकस गरिएको छ । निर्माण टिमका अनुसार सिनेमाको कथा अनुप, वर्षा र मालाको बरिपरि घुमेको छ ।

’पुरानो बुलेट’को यहि फेब्रुअरी २३ तारिखमा हङकङमा वर्ल्ड प्रिमियर हुँदैछ । वर्ल्ड प्रिमियरलाई मध्यनजर गर्दै केहीदिन पहिलो पोस्टर सार्वजनिक गरेको निर्माण टिमले आज काठमाडौंमा एक कार्यक्रमको आयोजना गरि सिनेमाको ट्रेलर सार्वजनिक गरेको हो । सिनेमामा अनुप, बर्षा र मालाका अलवा कविता आले, कृष्णभक्त महर्जन, शिरोमणी दवाडी, शिव मुखिया, दिवज राई लगायत लिड अभिनयमा छन् । बादल श्रेष्ठ, करण धिताल, युडी गुप्ता लगायतको अभिनय पनि ‘पुरानो बुलेट’ मा समावेश छ ।

सिनेमाको कथा, पटकथा तथा संवाद लेखनमा निर्देशक भीषणले सन्तोष राईसँग सहकार्य गरेका छन् । सन्तोष राई सिनेमाका कार्यकारी निर्माता पनि हुन् । ‘पुरानो बुलेट’मा अशोककुमार राई ९साम्पाङ०, दिपेन्द्र लिम्बु, विरेन साम्बा र टिकाराम राईले मिलेर निर्माण गरेका हुन् । सिनेमामा उत्तमजङ्ग लिम्बु, जयन जे वाइवा र भिजे घिमिरेको संगीत, हरि घले लामाको छायाँकन, प्रविण सिंह र प्रशान्त तामाङको कोरियोग्राफी, अर्जुन जिसीको सम्पादन रहेका छ ।

अनमोल केसी र भुवन केसीसग ‘कर्ली कर्ली कपाल’मा निरुता सिंहको रोमान्स (भिडियो)

अनमोल केसी अभिनित बहुप्रतिक्षित चलचित्र ‘क्याप्टेन’को ‘कर्ली कर्ली कपाल’ सार्वजनिक भएको छ ।शुक्रबार राजधानीमा एक कार्यक्रमको चलचित्रको नया गीत सार्वजनिक गरिएको हो ।

नेपाली चलचित्र क्षेत्रमा सदाबाहार नायिकाको छबी बनाएकी अभिनेत्री निरुता सिंहले ‘कर्ली कर्ली कपाल’ अहिलेका युवा पुस्ता माझ लोकप्रिय अभिनेता अनमोल केसी सँग ठुम्का मारेकी छिन् ।उक्त गीतमा निरुता र अनमोलले एक अर्का सँग मज्जाले ठुम्का मारेका छन् । गीतमा भुवन केसीले पनि ठुम्का मरेका छन् । भुवन र निरुताले धेरै फिल्ममा जोडीको रुपमा सँगै काम गरेका छन् ।

गीतमा अहिलेकी चर्चित गायिका मेलिना राई र एस डि योगीको आवाज रहेको छ भने हर्क साउद र मनिष ढकालको शब्द रहेको छ । गीतमा गायक योगी र सुशान्त गौतमले संगीत भरेका छन् । गीतको भिडियोलाई सविना शाक्यले कोरियोग्राफी गरेका हुन् ।

यही फाल्गुन १७ गतेबाट देशभर एक साथ प्रदर्शन आउन लागेको चलचित्रको ‘क्याप्टेन’ मा एउटा गाउबाट राष्ट्रिय फुटबल टिमको खेलाडी बन्न एक युवकले गरेको संघर्षको कथा रहेको छ ।भुवन केसी निर्माता रहेको फिल्मका निर्देशक दिवाकर भट्टराई हुन् भने कार्यकारी निर्माता जिया केसी हुन् । फिल्ममा अनमोल सँगै प्रशान्त ताम्राकार, उपासना सिंह ठकुरी, प्रियंका एमभी, सुनिल थापा, सरोज खनाल, राजाराम पौडेल, बुद्धी तामाङ, विल्सन बिक्रम राई, अमित श्रेष्ठ, सुर्य माला खनाल लगायतको अभिनय रहेको छ ।

फिल्ममा निर्देशक दिवाकर भट्टराईसँगै सामिप्यराज तिमल्सेनाको कथा, सुदीप बरालको डिओपी, नवराज उप्रेतीको छायांकन, अर्जुन पोखरेलको संगीत, दिर्घ राज खड्काको सम्पादन, कविराज गहतराजको कोरियोग्राफी रहेको छ ।

भ्यालेन्टाईनमा प्रदीप र जसिताको जुन उपहार (भिडियो)

चलचित्र लिलीबिलीका चर्चित जोडी अभिनेता प्रदीप खड्का र अभिनेत्री जसिता गुरुङको चलचित्र ‘लभ स्टेशन’को नयाँ गीत ‘घाम जुन चाहिँदैन’।को भिडियो प्रणय दिवस (भ्यालेन्टाईन डे) को अबसर पारेर बिहिबार दिउँसो सार्वजनिक गरिएको छ ।
आगामी २२ चैतबाट सिनेमा हलमा रिलिज हुने यो लभ स्टेशनको ‘घाम जुन चाहिँदैन” को भिडियो सार्वजनिक गरिएको छ । गीतमा घाम जुन चाहिँदैन मायाँ भए पुग्छ भन्दै अभिनेता प्रदीप र अभिनेत्री जसिताले आ आफ्नो प्रेमभाव प्रस्तुत गरेका छन् । दीपक शर्माको शब्द संगीत रहेको यो गीतमा सुगम पोखरेल र रेश्मा पुन मगरको स्वर रहेको छ ।


छायाँकनको हिसावले गीतको भिडियो निकै सुन्दर बनेको छ । छायाँकनका लागि भियतनामको विश्वभर चर्चित लोकेशन दानाङ्ग, बाना हिल, ड्राईगन ब्रिज, हालम्बे, हानोई र इन्डोनेशियाको बालीमा यो गीतको छायाँकन गरिएको हो । यो लेकेशनमा दर्जनौं हलिउड मूभिहरु छायाँकन भईसकेको प्रस्तुतकर्ता गोविन्द शाहीले जानकारी गराए । गीतको माग अनुसार नै यो सुन्दर ठाउँमा छायाँकन गरिएको पनि शाहीले जानकारी गराए ।
यसै बिषयमा अभिनेता प्रदीप खड्काले भ्यालेन्टाईन डे र यो गीत पनि लभ सङ भएकाले दर्शकलाई प्रणय दिवसको अबसर पारेर रिलिज गरेको जानकारी गराए । रिलिजको लागि अब ५१ दिन बाँकी भएकाले पनि प्रचारको क्रम यही गीतबाट सुरुवात गरिएको पनि उनले प्रकाश पारे ।

यो पारिवारिकसँगै प्रेम कथासँगै ‘लस्ट एन्ड फाउन्ड’ स्टोरीमा आधारित रहेको अभिनेता प्रदीपले जानकारी गराए । अग्रज निर्देशक उज्ज्जल घिमिरेले बनाएको यो चलचित्र परिपक्क बनेको पनि उनले बताए,‘लिली बिलीबाट दर्शकले साह्रै मायाँ गर्नु भएको जसिता र मेरो जोडीलाई एक पटक पुन उहाँहरुले लभ स्टेशनबाट त्यो भन्दा सार्थक रुपमा पर्दामा यहाँहरुले देख्न पाउनु हुनेछ ।’
यो चलचित्रलाई उज्ज्वल घिमिरेले निर्देशन गरेका हुन् । यो चलचित्रमा प्रदीप र जसितासँगै रमेश बुढाथोकी, प्रकाश शाह, रेशु भट्टराई, बिनोद कुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु रानासहितको अभिनय यसमा छ ।

लभ स्टेशनलाई काफिया फिल्मस्को व्यानरमा काफिया शाही ९क्रिसु० र कविरबिक्रम शाहीले निर्माण गरेका हुन् । यो चलचित्रको निर्माण नियन्त्रकमा राजेन्द्र रावल छन् । आलोक शुक्लाको छायाँकन रहेको लभ स्टेशनमा शम्भुजीत बासकोटा, दीपक शर्मा, राजनराज शिवाकोटी र एलिश कार्कीको संगीत छ ।

 

‘यात्रा’को पहिलो गित ‘पञ्च पन्छी’ सार्वजनिक(भिडियो सहित)

बहुप्रतिक्षित फिल्म ‘यात्रा’ को पहिलो गीत सार्वजनिक भएको छ । केही दिन अगाडि सार्वजनिक टिजरले सकारात्मक प्रतिक्रिया बटुल्दै गर्दा निर्माण टिमले ट्राभल गीत सार्वजनिक गरेको हो ।लुक्स, हेयर स्टाइल र आकर्षक ड्रेसअपका कारण अन्य अभिनेताभन्दा आफूलाई फरक रुपमा दर्शकमाझ चिनाएका ‘स्टाइलिस’ अभिनेता सलिनमान बनियाँ गितमा प्रमुख भुमिकामा देखाईएको छ ।

‘पञ्च पन्छी’ बोलको गीतमा शब्द तथा संगीत प्रतिक पौडेलको छ । मेलिना राई, धर्मेन्द्र सेवान, प्रेक्षा बज्राचार्य र उपकार पौडेलले स्वरभरेका छन् । भिडियोमा प्रविण सिंहको कोरियोग्राफी छ । गीतमा सलिनसहितका अन्य चार कलाकारहरु मस्ती मुडमा देखिएका छन् । गीतमा काठमाडौंदेखि सोलुखुम्बुसम्मको यात्रालाई देखाइएको छ ।

जान्वी बस्नेत, प्रेक्षा बज्राचार्य, रेअर राई, विशाल कटुवाल, धिरेन शाक्य, राजाराम पौडेल, समृद्धि राई, योगेशजंग कुँवर, इश्वर पौडेल, नानीकाजी डंगोललगायतको फिल्ममा अभिनय छ । विदेशी कलाकारहरु चाइनाका जुन झाङ र केन्याका बबीको पनि अभिनय रहेको छ । बालकलाकारको रुपमा अंकित संग्रौला र एन्जल राई रहेका छन् ।

चैत २९ गतेबाट प्रदर्शनमा आउने ‘यात्रा’ मा सलिनमान एक भ्लगरको भूमिकामा छन् । यस फिल्मलाई जर्नी लभस्टोरी भनिएको छ भने यसमा यात्राले ल्याउने परिस्थितिलाई देखाइनेछ । फिल्मलाई केशव भट्टराई र सुशील पोखरेलले संयुक्त रुपमा निर्माण गरेका हुन् । यसको कार्यकारी निर्माता सर्जुमान लिगल रहेका छन् ।

फिल्ममा बिक्रम पराजुली, मुक्ति तिमल्सिना र रामशरण घिमिरे सह(निर्माता छन् । फिल्ममा कथा पनि निर्देशक स्वयंको छ । संजय लामाको छायांकन रहेको फिल्ममा हिमाल केसीको द्वन्द र बनिश शाहको सम्पादन छ । कविराज गहतराजको पनि कोरियोग्राफी रहेको यसमा शम्भुजित बाँस्कोटा, प्रतिक पौडेल र कोविद बज्रले संगीत भरेका छन् ।

गीत हेर्नुहोस् :-

चलचित्र ’रुमालै छ चिनो’ को मार्मिक ’आमा नबस्नु पर्खेर’ सार्वजनिक (भिडियो)

चलचित्र ’रुमालै छ चिनो’ को ’आमा नबस्नु पर्खेर’ बोलको नयाँ गित सार्वजनिक भएको छ । लोक शैलीको यस गितमा संचिता लुईंटेल, किशोर खतिवडा र शुशान्त कार्की लाई देख्न सकिन्छ । गीतमा सिपाहीले घर परिवारलाई सम्झिदाको पिडा देखाउन खोजिएको छ । गीतमा विरही थापाको स्वर र संगीत छ भने रेशम थापाको शब्द छ ।

नेपाली लाउरेहरुको कथा बोल्ने यस फिल्ममा नायक सुशान्त कार्की इण्डियन लाउरेको भूमिकामा देखिएका छन् भने उनको जोडीको रुपमा नव नायिका अप्सना थापा छिन । फिल्मको कथाको रेशम थापाले नै लेखेका हुन् ।चलचित्र फागुन १० देखि प्रदशनमा आउँदैछ ।

चलचित्रलाई निर्देशन दिनेश सिंह ठकुरी गरेका हुन् ।चलचित्रमा किशोर खतिवडा, संचिता लुइँटेल, सुशान्त कार्की, अफ्शाना थापा, रश्मी भट्ट, मिथिला शर्मा, सुरबीर पण्डित, लक्षमण बिक्रम बस्नेत, सुरज महरा, सन्ध्या खड्का, अमृता पाण्डे, शान्ति श्रेष्ठ लगायतका कलाकारहरुको अभिनय रहेको छ ।

ज्वती फिल्मसको ब्यानरमा बनेको यस चलचित्रलाई चन्द्र ब. खड्का, दिपक ढकाल र राम पाण्डेले संयुक्त रुपमा लगानी गरेका छन् ।

अपिल बिष्टको चलचित्र ‘कागजपत्र’ को पहिलो गीत सार्वजनिक (भिडियो)

मंगलवार राजधानीमा एक कार्यक्रमका चलचित्र ‘कागजपत्र’ को गीत सार्वजनिक गरिएको छ । चलचित्रको ‘माया संसार…’ बोलको सार्वजनिक गीतमा हर्कुलस बस्नेतको संगीत,शब्द र स्वर रहेको छ।

कमेडी र सोसल ड्रामा जनरामा राखिएको ‘कागजपत्र’मा चलचित्र ‘कागजपत्र’ मा नाजीर हुसैन,भोलाराज सापकोटा, सरिता गिरी, शिल्पा मास्के, निरज सिंह विष्ट, लक्ष्मी वर्देवा लगायतका कलाकारहरुको अभिनय रहेको छ ।

चलचित्रको निर्देशक तथा लेखक अपिल बिष्टले गरेका हुन् ।चलचित्र चैत ८ गते रिलिज हुदैछ।फिल्मलाई अस्ट्रेलियन सिनेमाटोग्राफर क्यस्मिर डिक्सनले खिचेका हुन् ।फिल्ममा बसन्त सापकोटा र संगीत सापकोटाको संगीत छ भने निमेष श्रेष्ठको सम्पादन रहेको छ ।

इपी एजुकेशन अष्ट्रेलियाको प्रस्तुतीमा तयार भएको फिल्म वल्र्डवाइड फिल्मस् र अस सिनेमाको संयूक्त व्यानरमा निर्माण भएको यस चलचित्रमा खिलेन्द्र तिमल्सिना, मुकेश रेग्मी र प्रजापति सिवाकाटीको लगानी रहने छ । किरण न्यौपाने र सरस्वती श्रेष्ठ चलचित्रका सह-निर्माताको रुपमा रहेका छन् ।

चलचित्र ‘रणवीर’ को रोमान्टिक गीत सार्वजनिक (भिडियो)

प्रदर्शनको अन्तिम तयारीमा रहेको चलचित्र ‘रणवीर’ को रोमान्टिक गीत मायामा सार्वजनिक गरिएको छ । गीतमा फिल्मका दुई कलाकार सुशील सिटौला र सुवेक्षा खड्का फिचर्ड छन् ।

पोखरा तथा आसपासका मनोरम दृश्यमा छायाँकन गरिएको गीतमा हर्कुलस बस्नेतको शब्द तथा संगीत रहेको छ । गीतमा हर्कुलस र प्रविशा अधिकारीले स्वर दिएका छन् । गीतलाई गम्भीर विष्टले कोरियोग्राफ गरेका हुन् ।

माघ १८ गतेबाट प्रदर्शनमा आउने ‘रणवीर’ मा सन् २०१२ कि मिस इन्टरनेशनल हुदै ग्लामर फिल्डमा इन्ट्री गरेकी सुवेक्षाले यसकिसिमको गीतमा पहिलो पटक देखिएको बताइन । ‘मलाइ निकै खुसि लागेको छ र यस किसिमको लभ गीतमा पहिलो पटक देखिएकी हु’ सुवेक्षाले भनिन् ‘गीतले दर्शकलाई रोमान्टिक फिल दिन्छ ।’ सुवेक्षा झैँ सुशील पनि निकै उत्साहित छन् । ‘यो गीत मैले नै गाएको जस्तो लाग्छ’ सुशील भन्छन् ‘गीतमा रणवीरको रोमान्टिक अवतार छ ।
’https://www.youtube.com/watch?v=ICDm22-Pyyw
फिल्ममा सुशील र सुवेक्षासँगै सुपुस्पा भट्ट , प्रशान्त ताम्राकार , टिका पहाडी , नरेश पौडेल , रवी गिरी , भोलाराज सापकोटा , शैलेश्वरी सिंह लगायतको अभिनय रहेको छ । चलचित्रमा लेखन तथा निर्देशक गोविन्द सिंह भण्डारीको रहेको फिछ । चलचित्रलाई प्राची फिल्म्स र डिआर फिल्मको ब्यानरमा गोमा बिस्ट थापा र दिपेन्द्र रेग्मीले संयुक्त रुपमा निर्माण गरेका हुन् ।

चलचित्रमा माया , मित्रता र बदलाको कथालाई प्रस्तुत गरिएको छ । यसमा कथा , पटकथा , संवाद तथा निर्देशन गोविन्द सिंह भण्डारीको रहेको छ । फिल्ममा महेश पौडेलको छायांकन, कृष्ण भण्डारीको सम्पादन, चन्द्र पन्तको द्वन्द, रामजी लामिछाने , गम्भीर विष्ट र सुरेन्द्र बसेलको कोरियोग्राफी छ ।

चलचित्र ‘दाल भात तरकारी’को ‘भिजिट भिषा’ मा गीत सार्वजनिक (भिडियो)

बहुप्रतिक्षित चलचित्र ‘दाल भात तरकारी’ को पहिलो गीत सार्वजनिक भएको छ । शुक्रवार राजधानीमा एक कार्यक्रमका बीच ज्योतिषले दिएको साइत अनुसार दिउँसो १ बजेर २७ मिनेटमा पत्रकारलाई देखाउँदै निर्माण टिमले गीत सार्वजनिक गरेको हो ।

हरिबशं आचार्यको शब्द रहेको गीतमा अन्जु पन्त र निशान भट्टराईको आवाज रहेको छ । गीतमा चर्चित संगीतकार शम्भुजित बास्कोटाको संगीत रहेको छ भने रिकेश गुरुङको संगीत संयोजन रहेको छ । गीतलाई चर्चित कोरियोग्राफर कविराज गहतराजको कोरियोग्राफी गरेका हुन् ।

‘मह संचार’ को प्रस्तुती तथा किरण केसीको निर्माण रहेको चलचित्रको ‘भिजिट भिषा’ मा बोलको गीत सार्वजनिक भएको हो । गीतमा चलचित्रका मुख्य कलाकारहरु हरिबशं आचार्य, निरुता सिंह, बर्षा राउत, आचल शर्मा, पुष्प खड्का, राजाराम पौडेल लगायतको फिचरिङ्ग रहेको छ ।

चलचित्रलाई किरण केसीका छोरा सुदन केसीले निर्देशन गरेका हुन् ।चलचित्र ‘दाल भात तरकारी’मा मदनकृष्ण श्रेष्ठ, हरिवंश आचार्य, बसुन्धरा भुषाल, सन्तोष पन्त, शिवहरि पौडेल, निरुता सिंह, किरण केसी, राजाराम पौडेल, बर्षा राउत, पुष्प खड्का, आँचल शर्मा, शिशिर वाङ्देन, विल्सन विक्रम राई लगायतका कलाकारको मुख्य भूमिका रहेको छ ।चलचित्रको आइटम गीत प्रियंका कार्कीलाई देख्न सकिन्छ।

मित्र डि गुरुङको सम्पादन रहने फिल्मलाई दिर्घ गुरुङले खिच्नेछन् ।‘दाल भात तरकारी’ मा प्रमिला आचार्य, यमन श्रेष्ठ, नरेन्द्र कंशाकार, शिवहरी पौडेल, राजाराम पौडेल, दिर्घ गुरुङ, अनुराग कुँवर, विल्सन विक्रम राई, दीपेन्द्र खनियाँ र सुमित मैनाली निर्मातामा रहेका छन् ।चलचित्र १३ बैशाख प्रदर्शनमा आउदै छ ।चलचित्रको कथा ,पटकथा , संवाद तथा गीत हरिवंश आचार्यले लेखेका हुन् ।चलचित्रको छायांकन चितवन तथा राजधानीको विभिन्न ठाउमा गरिएको हो ।