Saturday , 23 February 2019
News update
Home >> Nepali Movie Song (page 2)

Nepali Movie Song

ज्योतिष हरिहर अधिकारीको कृष्टिन पौडेल ‘शुभलभ’(भिडियो)

चलचित्र ‘शुभलभ’ को पहिलो गीत सार्वजनिक गरिएको छ । बुधबार काठमाडौंमा एक कार्यक्रमको आयोजना गरि चलचित्रको टाइटल गीत ‘तिमी हुन्छौ भने मेरो शुभ लभ’ सार्वजनिक गरिएको हो ।गीतमा ज्योतिष हरिहर अधिकारी र कृष्टिन पौडेललाई फिचरिंग गरिएको छ ।

पोखरामा छायांकन गरिएको यस गीतमाअहिलेका चर्चित संगीतकार अर्जुन पोखरेलको शब्द तथा संगीत रहेको छ।गीतमा निशान भट्टराईले गीतमा स्वर दिएका छन् भने कोरियोग्राफर रामजी लामिछानेको रहेको छ ।

‘शुभलभ’मा हरिहर अधिकारी र कृष्टिन पौडेलको अलवा डाक्टर सुर्या थापा, सरोज खनाल, राजाराम पौडेल, राजा राजेन्द्र पोखरेल, रविन्द्र झा, प्रदीप बास्तोल, अनुज पाण्डे लगायतका कलाकारको मुख्य भुमिका रहेको छ । भने निर्माता तथा हल सञ्चालक श्री प्रदीप कुमार उदय ‘शुभलभ’मा अतिथी कलाकारको रुपमा देखिनेछन् ।

बुद्ध इन्टरटेनमेन्टको ब्यानरमा निर्माण भएको सिनेमाका प्रस्तुतकर्ता श्री प्रदीप कुमार उदय हुन् । चैत्र १५ गतेबाट प्रदर्शनमा आउने सिनेमालाई पुराना निर्माता तथा निर्देशक सन्तोष बाबु लोहनीले निर्देशन गरेका हुन् । सिनेमामा धर्मराज शर्मा सुवेदीको लगानी रहेको छ ।

सिनेमामा हरिहर अधिकारीको कथा, अभिमन्यु निरवीको पटकथा तथा संवाद, अर्जुन पोखरेलको संगीत, रामेश्वर कार्कीको छायाँकन, रोशन विक्रम भट्टराईको द्धन्द्व, बनिष शाह र भुपेन्द्र अधिकारीको सम्पादन रहेको छ ।

चलचित्र ‘समर लभ’ को दोस्रो गीत सार्वजनिक (भिडियो)

सुबिन भट्टराईको बहुचर्चित उपन्यास ‘समर लभ’ माथि बनेको चलचित्र ‘समर लभ’ को दोस्रो गीत सार्वजनिक भएको छ । यस अघी सार्वजनिक ‘साया’ बोलको गीतबाट निकै राम्रो हाईप पाएको चलचित्रको दोस्रो गीत ‘हेरन बाझो मनभरी’ सोमबार सार्वजनिक भएको हो ।

सार्वजनिक १ मिनेट १८ सेकेन्ड लामो गीतमा ‘समर लभ’ का मुख्य पात्रहरु अतित (आशिश पिया) र साया (रेवती क्षेत्री) बिचको रोमान्स देखाईएको छ । गीतमा पुष्पन प्रधानको शब्द संगीत रहेको छ । गीतमा सुमित विश्वकर्माले आवाज भरेका छन् भने उनकै संगीत संयोजन रहेको छ । गीतमा केही प्रेमिल संवाद पनि रहेको छ ।

‘समर लभ’ प्रेमदिवस (भ्यालेन्टाइन डे) को अबसर पारेर आगामी माघ २५ बाट प्रदर्शनमा आउँदैछ ।चलचित्रमा सुरज सिंह ठकुरी, आशिष पिया, रेवती क्षेत्री, नम्रता सापकोटा, शिशिर भण्डारी, सरोज खनाल, ओम प्रतिक लगायतका कलाकारको मुख्य भुमिका रहेको छ ।

मुस्कान ढकाल निर्देशित ‘समर लभ’ लाई नाइटिङ्गेल इन्टरटेनमेन्टको ब्यानरमा निर्माण गरिएको फिल्ममा खगेन्द्र श्रेष्ठ र इन्दु भण्डारी निर्माता रहेका छन् भने विनोद अधिकारी कार्यकारी निर्माता छन् ।

चर्चित उपन्यास समर लभका लेखक सुविन भट्टराईको कथा, सामिप्यराज तिमिल्सेना र सुविन भट्टराईको पटकथा तथा संवाद, पुष्पन प्रधानको संगीत, कोरियोग्राफी कविराज गहतराज, छायाँकन मानकृष्ण महर्जन, संजय लामाको डिओपी, अर्जुन जिसीको सम्पादन रहेको छ । ‘समर लभ’मा स्वपन सरकार र मनोज बिक सहनिर्माता र एकराज तामाङ लाइन प्रोड्युसर रहेका छन् ।

चलचित्र ‘प्रेम दिवस’मा नायिका प्रियंका कार्की ‘तिम्रो छेउ सरु कि म’ भन्दै (भिडियो)

सोमबार राजधानीमा एक कार्यक्रमको आयोजना गर्दै चलचित्र ‘प्रेम दिवस’को पहिलो गीत सार्वजनिक गरिएको छ । सार्वजनिक ‘तिम्रो छेउ सरु कि म’ बोलको गीतमा गायिका अन्जु पन्तको स्वर छ ।गीतमा शब्द तथा संगीत महाराज थापाको रहेको छ।

गीतको भिडियोमा चलचित्रकी मुख्य नायिका प्रियंका कार्कीलाई फिचरिङ गरिएको छ । चलचित्रको यो गीतमा कुनै एक यूवतीले आफ्नो सपनाको राजकुमारलाई कल्पिएर मनको कुरा व्यक्त गर्न खोजेको देखाइएको छ ।भिडियोलाई कविराज गहतराजले कोरियोग्राफी गरेका हुन् भने मानकृष्ण महर्जनले छायांकन गरेका हुन् ।

योगेश घिमिरेको निर्देशन रहेको चलचित्र ‘प्रेम दिवस’ आउँदो बर्षको जेठ ३ गतेबाट रिलिज हुने छ । लभ स्टोरी यस चलचित्रमा प्रियंका कार्की, आयुषमान देशराज जोशी, हेमन्त बुढाथोकी, शिव शंकर रिजाल, उत्तम केसी, संजय न्यौपाने, श्री कृष्ण लुइटेल लगायतका कलाकारहरुको अभिनय रहेको छ ।

चलचित्रलाई संजय न्यौपानेको निर्माण गरेका हुन् । रेनिश फागोको छायाँकन, मिलन श्रेष्ठ र बनिश शाहको सम्पादन, रोशन श्रेष्ठको द्वन्द्व रहेको छ ।फिल्मको गीतमा महाराज थापा, महेश खडका, दीपक शर्मा, करण राज कार्कीको संगीत, डा. कृष्ण हरी बराल, शान्ती प्रिया, बवि थापा, सन्तोष थापाको शब्द, अन्जु पन्त, निशान भट्टराई, मेलिना राई, किरण राज कार्कीको स्वर रहेको छ । कथा लेखन प्रदीप भारद्वाजको रहेको छ ।

गायक सुनिल गिरिको ‘सोल्टिनी’को भिडियोमा पुष्प खड्का र अन्जली अधिकारी

गायक सुनिल गिरिको नयाँ गीत ‘सोल्टिनी’को भिडियो सार्वजनिक गरिएको छ ।पछिलो समय युवापुस्तामा आफ्ना उत्कृष्ट श्रीजनाहरुद्वारा मन मुटुमा बस्न सफल गायक सुनिल गिरिको ‘सोल्टिनी’मा उनि सगै अपेक्क्षा गिरी स्वर रहेको छ ।

सुनिल गिरिको शब्द तथा संगीत रहेको सार्वजनिक गीतको भिडियोलाई पछील्लो समय आफ्नो निर्देशकिय पक्ष बाट धेरै को मन जित्न सफल निर्देशक दीपेन्द्र तिमील्सिनाको निर्देशनमा तयार गरिएको हो।

म्युजिक भिडियो मा बोल माया गीतबाट ख्याती कमाएकी अन्जली अधिकारि, नायक पुष्प खड्का र हेरुका लामाको अभिनय रहेको छ । चागुनरयण मन्दिर आसपासमा छायांकन गरिएको म्युजिक भिडियोलाई नबराज उप्रेतिले छायांकन गरेका हुन भने सम्पादन मनोज कार्किको रहेको छ ।

चलचित्र ‘रणवीर’ को स्याड गीत सार्वजनिक (भिडियो)

चलचित्र ‘रणवीर’ को नयाँ गीत सार्वजनिक भएको छ । स्याड भर्सनको नयाँ गीतमा फिल्मका रणवीर अर्थात सुशील सिटौलाको प्रेम वियोगलाई देखाइएको छ । नायिका सुपुस्पा भट्टले सुशीलको प्रेमलाई स्वीकार नगर्दाको अवस्थालाई यसमा चित्रण गरिएको छ । ‘मान्न चाहन्न’ बोलको सार्वजनिक गीतमा हर्कुलस बस्नेत र प्रविशा अधिकारीको स्वर रहेको छ भने यसमा शब्द र संगीत हर्कुलसकै रहेको छ ।

यस चलचित्र मार्फत सुबेक्षा खड्का पनि डेब्यु गर्दैछिन् । फिल्ममा सुशील सिटौला शिर्ष भूमिका अर्थात रणवीरको भूमिकामा छन् । यसमा प्रशान्त ताम्राकार टिका पहाडी , नरेश पौडेल , रवी गिरी र हरिहर शर्मा ,जीवन भट्टराई , भोलाराज सापकोटा , शैलेश्वरी सिंह , जगदीश रिजाल , बसन्ती भट्ट लगायतको पनि अभिनय रहेको छ ।

फिल्मलाई प्राची फिल्म्स र डिआर फिल्मको ब्यानरमा गोमा बिस्ट थापा र दिपेन्द्र रेग्मीले संयुक्त रुपमा निर्माण गरेका हुन् । फिल्ममा माया , मित्रता र बदलाको कथालाई प्रस्तुत गरिएको छ । यसमा कथा , पटकथा , संवाद तथा निर्देशन गोविन्द सिंह भण्डारीको रहेको छ ।

रणबीरमा महेश पौडेलको छायाँकन, कृष्ण भण्डारीको सम्पादन, चन्द्र पन्तको द्धन्द्ध निर्देशन, राजनराज शिवाकोटा, हर्कुलेस बस्नेत, अमित श्रेष्ठको संगीत, रामजी लामिछोन, गम्भिर बिष्ट र सुरेन बस्यालको कोरियोग्राफी छ ।चलचित्र माघ १८ गते बाट प्रदर्शनमा आउदैछ ।

भ्रष्टचारले गर्दा प्रेममा असर, ‘१०० कडा १०’ को ट्रेलर सार्वजनिक (भिडियो)

चलचित्र ‘१०० कडा १०’ को अफिसियल ट्रेलर सार्वजनिक गरिएको छ । काठमाडौंको सिभिल मलको आज एक कार्यक्रम बिच चलचित्रको ट्रेलर रिलिज गरिएको हो । सार्वजनिक ट्रेलरमा प्रेम र भ्रष्टचारको कथा देखाईएको छ । चलचित्रको ट्रेलरमा भ्रष्टचारले गर्दा दुई प्रेमीको प्रेममा परेको असरलाई देखाईएको छ । यस्तै भ्रष्टचार गर्दा समाजमा पर्न जाने असर र भ्रष्टचारीले भोग्नु परेको सामाजिक तिरस्कारलाई चलचित्र मार्फत देखाउन खोजिएको छ ।

चलचित्रमा राजाराम पौडेलले भ्रष्टचारी बुवाको भूमिका निभएका छन् भने मनोज गजुरेलले एक ईमान्दार ब्यक्तीको भूमिका निर्वाह गरेका छन् । चर्चित हास्य कलाकार गजुरेलले यही चलचित्रबाट डेब्यु गरेका हुन् । एक भ्रष्टचारी कर्माचारीको छोराले ईमान्दार ब्यक्तीको छोरी सँग प्रेम गर्दा प्रेममा परेको असर ट्रेलरमा देखाईएको छ ।

माघ १८ गतेबाट प्रदर्शनमा आउने तयारीमा रहेको रामशरण पाठक निर्देशित चलचित्र ‘१०० कडा १०’ ले भ्रष्टचार अन्त्य गरौ भन्ने सामाजिक कथा बोकेको छ । दर्शन नेपाल कृयसनको प्रस्तुती रहेको चलचित्र ‘१०० कडा १०’ लाई रज्जु प्रधान उत्तम खत्री, डि आर उपाध्याय र सन्जिव न्यौपानेले संयुक्त रुपमा निर्माण गरेका हुन् ।चलचित्रमा निर्मात्री प्रधानको कथा रहेको छ । चलचित्रमा मनोज गजुरेल, राजाराम पौडेल, रवि डंगोल, अमृत ढुंगाना, करुना श्रेष्ठ, उत्सव न्यौपाने, अमित पोख्रेल, सोनिया राई आदिको मुख्य अभिनय रहेको छ ।अभिनेत्री करुना र अभिनेता उत्सवको पनि यो डेब्यु चलचित्र हो । चलचित्रको लागि सोनिया राई वर्माबाट नेपाल आएकी थिईन् ।

राजाराम पौडेल कार्यकारी निर्माता रहेको चलचित्रको सह निर्माताहरुमा निरौला सँगै बालकृष्ण घिमिरे र साजन थापा रहेका छन् । चलचित्रलाई रमेश्वर कार्कीले छांयाकन गरेका हुन् भने बनिश शाहले सम्पादन गरेका हुन् । चलचित्रमा डि आर उपाध्याय, राम शरण पाठक र रवि मल्लको शब्द, कल्यान सिंहको संगीत, स्वप्न सुमन, त्रिशला गुरुङ, सन्देश पाठक र सागर संसार राईको आवाज तथा दिलिप ओखेडाको कोरियोग्राफी रहेको छ ।

चलचित्र ‘जानी नजानी’को पहिलो गीत सार्वजनिक (भिडियो)

बिहिबार राजधानीमा एक कार्यक्रमको बिच चलचित्र ‘जानी नजानी’को पहिलो गीत सार्वजनिक गरिएको छ । ‘एउटीलाई मुटुमा घर…’ बोलको सार्बजनिक गीतमा अर्जुन पोखरेलको संगीत र अम्बिका शर्माको शब्द रहेको छ ।गीतमा संगीतकार पोखरेल र दुर्गा खरेलको स्वर छ ।

चैत्र १ गतेबाट प्रदर्शनमा आउने चलचित्र ‘जानी नजानी’को यस गीतलाई कविराज गहतराजको कोरियोग्राफी गरेका हुन् ।गीतमा चलचित्रका मुख्य कलाकार मनिष सुन्दर श्रेष्ठ, सुमी मोक्तान र निरिशा बस्नेतलाई फिचर्ड गरिएको छ ।

चलचित्रमा सन्नी सिंह,प्रकाश अधिकारी , कृष्ण भक्त महर्जन , रोशनी केसी लगायतको पनि अभिनय रहेको छ ।आधुनिक प्रेमकथामा निर्माण भएको यस चलचित्रलाई बसन्त अधिकारीले निर्देशन गरेका हुन् । यो उनको डेब्यु निर्देशकीए सिनेमा हो । अधिकारीले यस अघि थुप्रै धेरै सफल फिल्ममा मुख्य सहायक निर्देशकको रुपमा काम गरिसकेका छन् ।

चलचित्रको कथा , पटकथा र संवाद सामिप्यराज तिमिल्सेनाले लेखेका हुन् भने छायाँकन संजय लामाको रहेको छ । फिल्ममा अर्जुन जिसीको सम्पादन , बसन्त घर्ति मगरको भीएफएक्स रहेको छ भने यसको कलरिस्ट रेनिश फागो हुन् ।

रोशनी इन्टरटेनमेन्टको ब्यानरमा निर्माण भएको सिनेमाकी प्रस्तुतकर्ता रोशनी केसी हुन् । ‘जानी नजानी’मा मोदनाथ खनाल र सागर काजी माली निर्माताको रुपमा रहेका छन् ।

चलचित्र ‘रणवीर’को ’तिरिमिरी तिरिमिरी तिन तारा’ गीत सार्वजनिक (भिडियो)

शनिवार राजधानीमा एक पत्रकार भेटघाटको आयोजना गर्दै चलचित्र ‘रणवीर’को पहिलो गीत सार्वजनिक गरिएको छ । चलचित्रमा समावेश ’तिरिमिरी तिरिमिरी तिन तारा’ बोलको गीत सार्वजनिक गरिएको हो ।सार्वजनिक गीतमा राजन राज शिवाकोटी र अन्जु पन्तको स्वर रहेको छ भने यसमा शब्द र संगीत स्वयम् राजनले नै दिएका छन् ।

केहि दिन अगाडी नक्सालको बालमन्दिरमा भव्य सेट लगाएर छायाँकन गरिएको गीतलाई रामजी लामिछानेको कोरियोग्राफी गरेका हुन् । गीतमा फिल्मका तिन मुख्य कलाकार सुशील सिटौला र डेब्यु गर्ल शुभेच्छा खड्का र सुपुसा भट्ट नेपाली पहिरनमा देखिएका छन् ।निर्माण पक्षको अनुसार यस गीतको छायाँकन झन्डै ४ दिन गरिएको हो भने एक सय पचास भन्दा बढी कोरस प्रयोग गरिएको गीतमा २५ लाख लागत रहेको छ ।

माघ १८ मा रिलिज हुने यस लभ स्टोरी चलचित्र सुशील , सुभेच्छा र सुपुस्पासँगै प्रशान्त ताम्राकार , रवि गिरी, हरिहर शर्मा, नरेश पौडेल लगायतका कलाकारको अभिनय रहेको छ ।

चलचित्रमा कथा , पटकथा , संवाद तथा निर्देशन गोविन्द सिंह भण्डारीको रहेको छ । फिल्ममा महेश पौडेलको छायांकन, कृष्ण भण्डारीको सम्पादन, चन्द्र पन्तको द्वन्द, रामजी लामिछाने र सुरेन्द्र बसेलको कोरियोग्राफी छ ।

किशोर खतिवडा र सन्चिता लुइँटेल यसरी रोमान्स गर्दै भेटिए (भिडियो)

दिलासा क्रियसन को ब्यानर मा अमर ओलिको निर्देशनमा बनेको नेपाली चलचित्र “आरोप ”को “ए मन ” गीतको भिडियो सार्वजनिक भएको छ । सार्वजनिक गीतमा र नित्याशिवा र प्रह्लाद तिमिल्सिना को आवाज रहेको छ ।

चलचित्रको कथा लेखन लक्ष्मण सुवेदीले गरेका छन । बिजय पाठक र दिनेश राउतको निर्माण ,बिरेन्द्र भट्ट को छायांकन ,कमल राई को नृत्य ,सानू कुमार महर्जन को द्वन्द एस के अधिकारीको गीत र एस के अधिकारी र गणेश चौधरी को संगीत ,नित्या शिवा, राजेश पायल राई ,प्रह्लाद तिमिल्सिना ,मनिषा पोख्रेल को आवाज साहिल खानको सम्पादन मा किसोर खतिवडा ,सन्चिता लुइँटेल ,रिचा थापा,उद्धव गिरी , प्रेम खड्का को अभिनय रहेको छ ।

आरोपको रिलिज मिती माघ ११ गते नेपाल भरिका सिनेमा हलहरुमा हेर्न सकिने निमार्ण पक्षले बताएको छ र अहिले पोष्ट प्रोडक्सनको काम भै रहेको पनि बताइएको छ । युवा युवतीहरु विचको त्रिकोणात्मक प्रेम कथामा आधारित चलचित्रमा ,युवा अवस्थाको विभिन्न अवस्थालाई चलचित्रमा समेटिएको चलचित्रको निमार्ण पक्षले बताएको छ ।

चर्चामा निसन्तान दम्पतीको कथा रहेको चलचित्र ‘प्रसाद’,शुक्रबार रिलिज हुदै

केतन क्षेत्रीको आवाजमा सजिएको ‘लै लै’ बोलको गीतबाट निकै चर्चा कमाएको चलचित्र ‘प्रसाद’ प्रदर्शनको संघारमा रहेको छ ।‘लै लै’ बोलको गीतको लिरिकल भिडियोबाट नै निकै हाइप पाएको चलचित्रलाई ‘बनकी चरी’ बोलको गीत र ट्रेलरले झनै हाइप मिल्यो । मङ्सिर २१ को प्रदर्शन मिती नजिकिदै गर्दा दर्शकहरु चलचित्र हेर्न निकै उत्सुक रहेका छन् । चलचित्र प्रदर्शन हुन अब दुई दिन मात्र बाँकी रहदा फिल्म युनिट प्रचार प्रसारलाई अन्तिम रुप दिन ब्यस्त रहेका छन् ।

यो महिना बिना प्रचार र साना ब्यानरका फिल्मलाई छोड्ने हो भने दर्शकले प्रतिक्षा गरेको ठुला फिल्महरु रिलिज भएका छैनन् । मङ्सिरमा रिलिज हुने फिल्म भन्ने बित्तिकै दर्शकहरुको मुखमा ‘प्रसाद’ कै नाम रहेको छ । अभिनयमा खारिएका कलाकारहरुको अभिनय रहेको कारण दर्शकहरु चलचित्र राम्रो बनेको छ भन्नेमा ढुक्क रहेका छन् । थोरै तर मन मनमा बस्ने फिल्म निर्देशन गर्न सफल निर्देशक दिनेश राउतले नै ‘प्रसाद’ लाई निर्देशन गरेको कारण पनि यस चलचित्र प्रती दर्शकहरुको आशा धेरै नै रहेको छ । कलाकार र निर्देशक बाहेक चलचित्रको अर्को बलियो पक्ष हो कथा ।

‘लै लै’ बोलको गीत र चलचित्रको ट्रेलर हेरेर नै चलचित्रले सामाजिक कथा बोकेको प्रष्ट हुन्छ । चलचित्र ‘प्रसाद’ले एक निसन्तान दम्पतीको कथा बोकेको छ । सन्तान नहुँदा एक दम्पतीले समाजमा भोग्नु परेको यातना नै चलचित्र ‘प्रसाद’ को कथा हो । विवाह भएर पनि सन्तान नहुँदा एक दम्पतीले समाजमा कस्ता कस्ता यातना भोग्नु पर्छ ? समाजको कस्तो कस्तो कुरा सुन्नु पर्छ ?, यही कारणले श्रीमन श्रीमती बिच कसरी असमझदरी पैदा हुन्छ भन्ने कुरा चलचित्रको माध्यमबाट देखाउन खोजिएको छ । यस्ता घटना सामान्यतया हामीले हाम्रो वरिपरी देखीरहेका हुन्छौ ।

हाम्रै समाज निसन्तान दम्पतीले भोग्नु परेको यातना हामीले देखिरहेका छौ । त्यही कथालाई चलचित्रको माध्यम बाट देखाएर सकारात्मक सन्देश दिन खोजिएको छ । चलचित्रमा निसन्तान दम्पतीको भूमिका बिपिन कार्की र नम्रता श्रेष्ठले निभाएका छन् । बिपिन र नम्रताले बिपन्न परिवारका निसन्तान दम्पतीको भूमिका निर्वाह गरेका छन् । चलचित्रमा निश्चल बस्नेतले पहिलो पटक नेगेटिभ क्यारेक्टर निभाएका छन् । चलचित्रको कथा सुशिल पौडेलले लेखेका हुन् । सुशिलका अनुसार यो कथा उनले कलेज पढ्दा नै सोचेका थिए जसलाई अहिले पर्दामा उतारिएको छ । चलचित्रलाई सुबाश थापाले निर्माण गरेका हुन् ।