Monday , 17 December 2018
News update
Home >> Nepali Movie Song (page 3)

Nepali Movie Song

‘गोजी दाम छैन’ लाई १ करोड

करिब ५० दिन अघी गोजीमा दाम छैन रिलिज भएको थियो । चलचित्र ‘चङ्गा चेट’ मा समावेश गीत सार्वजनिक भएको ५० दिनमा १ करोड प्राप्त भएको छ । तर यहाँ १ करोड पैसा हैन कि भ्युज को कुरा हो । कार्तिक १६ गतेबाट प्रदर्शनको तयारीमा रहेको चलचित्र ‘चङ्गा चेट’ को ‘गोजीमा दाम छैन’ बोलको गीतले युट्युबमा सार्वजनिक भएको ५० दिनमा १ करोड प्लस भ्यु प्राप्त गरेको हो ।

राजनराज सिवाकोटी, मेलिना राई र ग्रीश्मा सिवाकोटीको आवाज रहेको गीतले सार्वजनिक भए सँगै निकै चर्चा पाएको थियो । गीतले १ करोड भ्युज पार गर्दा ५० हजार प्लस लाईक्स प्राप्त गरेको छ भने ५ हजार भन्दा बढी डिसलाईक्स प्रात्प गरेको छ । गीतमा हरिहर तिमल्सिनाको शब्द रहेको छ भने राजनराज सिवाकोटीको संगीत रहेको छ ।

यस्तै संगीत संयोजन भने राजन इशानले गरेका छन् । गीतमा प्रियंका कार्की, आयुष्मान देशराज जोशी, सन्दिप क्षेत्री, परमिता आरएल राणा, रबिन्द्र झा, सुरक्षा पन्त आदिको फिचरिङ्ग रहेको छ भने प्रविन सिंहको कोरियोग्राफी रहेको छ । कार्तिक १६ गतेबाट प्रदर्शनमा आउने तयारीमा रहेको चलचित्रलाई दीपेन्द्र के खनालले निर्देशन गरेका हुन् भने माधव वाग्ले र शर्मिला पाण्डेको निर्माण रहेको छ । चलचित्रमा अर्पण थापाको पनि अभिनय रहेको छ भने निश्चल बस्नेत, बेनिशा हमाल र ऋचा शर्माको छोटो भूमिका रहेको छ । चलचित्रको ट्रेलर हिजै मात्र रिलिज भएको थियो । ट्रेलरले अहिले सम्म ३ लाख भन्दा बढी भ्यु प्राप्त गरिसएको छ ।

नायिका तथा गायिका सारिका घिमिरेको दिल टुटे पछि (भिडियो)

नायिका बाट गायिका बनेकी सारिका घिमिरेको नया गीतको भिडियो सार्वजनिक भएको छ। सार्वजनिक ‘दिल टुटेयो कसरी भनु म….’को गीतको भिडियोमा सारिकाकै शब्द, स्वर र सङ्गीत रहेको छ।

गतवर्ष मोहनी एल्बम स्रोता/दर्शकमाझ ल्याएर यसक्षेत्रमा औपचारिक रुपमा होमिएकी सारिकाका धेरै गीत स्रोताको रोजाइमा परेका छन् । एक पछि अर्को गीत मार्फत आफ्नो गायनको उचाईलाई अझैँ अग्लाएकी उनले पाश्र्व गायनमा समेत तारिफ बटुलेकी छन् ।

विरेन्द्र भाट ‘विपिन’को निर्देशन रहेको गीतको भिडियोलाई शुसिल डागीले छायाँकन र विरेन्द्रले नै सम्पादन गरेका छन् । गीतको शब्द र स्वर जति राम्रो छ गीतको भिडियो पनि त्यतिकै उत्कृष्ट बनेको छ ।अभिनयसँगसँगै गायनमा पनि व्यस्त रहेकी शारिकाले भनिन्, ‘गायनमा मेरो पहिलो प्राथमिकता यो त्यो भन्ने छैन सबै प्रकारका गीत गाएकी छु र गाउँन सक्छु ।’

डेविड शंकर र सहिमा श्रेष्ठको स्वरमा ‘सलल बगेको पानी’को भिडियो सार्वजनिक

अहिलेका चर्चित र व्यस्त संगीतकार दीपक शर्माको संगीत रहेको नया गीत ‘सलल बगेको पानी’को भिडियो सार्वजनिक भएको छ । गीतमा छक्का पञ्जाको चर्चित गीत पहिलो नम्बरमा र घिनघिन मादल बोलको गीत गाएर चर्चामा गायक डेविड शंकरको स्वर रहेको छ ।गीतमा फिमेल स्वर अर्की चर्चित गायिका सहिमा श्रेष्ठको रहेको छ ।

‘सलल बगेको पानी’को गीतमा शब्द सुमन बैरागी पण्डितको रहेको छ भने एरेन्ज उदयराज पौडेलको रहेको छ ।चितवनका मनोरम दृश्यमा छायांकन गरिएको उक्त गीत निकै लोभलाग्दो बनेको छ ।

राजु अधिकारीको निर्देशन र पछिल्लो पुस्ताका सफल नृत्य निर्देशक कविराज गहतराजको कोरियोग्राफी रहेको गीतमा चलचित्र पञ्चेबाजाकी घिनघिन मादलकी नायिका जस्मिन श्रेष्ठ र प्रतिभाशाली नायक बिनोद न्यौपानेको दमदार अभिनय रहेको छ । जसमा ६० जना कोरस सहित अत्याधुनिक क्यामेराले भिडियो छायांकन गरि चर्चित छायांकार सुदिप बरालले आफ्नो कला कौशल देखाउन सफल भएका छन् ।

चलचित्र सम्पादन गर्दै आएका सम्पादक मिलन श्रेष्ठको सम्पादन रहेको छ भने कलरीगंमा रेनीश फागोले आफ्नो जादु छर्न सफल भएका छन् । भिडियो संगतकार शर्माको आफ्नै युट्युब च्यानलबाट अपलोड गरिएको छ ।

नायक आकाश श्रेष्ठ र निशा श्रेष्ठ ‘शिरीशिरी बतासैले’ को भिडियोमा

चर्चित गायिका मेलिना राई र अर्जुन के मुसाह्याङ्गको स्वरमा रहेको गित ‘शिरीशिरी बतासैले’ सार्वजानिक भएको छ । गितमा स्वयम गायक अर्जुन केको शब्द तथा संगित रहेको छ ।

गितमा अहिलेका व्यस्त एंव चर्चित नायक आकाश श्रेष्ठ को अभिनय रहेको छ । साथमा नवमोडल निशा श्रेष्ठ र के.एल. श्रेष्ठ लाई देख्न सकिन्छ । भिडियोलाई चर्चित निर्देशक क्रान्ति केसीले निर्देशन तथा सम्पादन गरेका हुन ।

सधैजसो फरक र उत्कृष्ट भिडियो निर्माण गर्ने निर्देशक केसीले यसपटक भिडियोमा आकाश र निशाको केमेष्टिलाई गज्जबसंग उतारेका छन । अर्जुन तिवारीको छायाङ्कनमा तयार भिडियोको सम्पुर्ण पोस्टप्रोडक्शन डिकोन पिक्चरमा गरिएको हो ।

चर्चामा गायिका बुनु श्रेष्ठको भगवान मेरो (प्रायश्चित) गीत (भिडियो)

केहि समय अघि सार्वजनिक गरिएको गायिका बुनु श्रेष्ठको नया गीतले बजारमा राम्रै चर्चा पाउन थालेको छ । भगवान मेरो (प्रायश्चित) बोलको सार्वजनिक गीतको म्युजिक भिडियोलाई रोशन कुमारले निर्देशन गरेका हुन् ।

झिमझिम परेलीमा बोलको गीतले चर्चाको शिखरमा पुगेकी गायिका श्रेष्ठ ‘भगवान मेरो’गीतमा विश्वनाथ प्रेमको शब्द तथा किरण कँडेलको सङ्गीत र सङ्गीत संयोजन रहेको छ ।देवेन्द्र पुनको छायांकन र प्रविन श्रेष्ठको सम्पादन रहेको म्युजिक भिडियो स्टुडियो साउन्ड मिलले निर्माण गरेको हो ।

गायिका बुनु श्रेष्ठको मुख्य अभिनय रहेको यस गीतमा ध्रुब श्रेष्ठ, प्रज्वल गिरी, अतीत लिम्बू, प्रकाश श्रेष्ठ, राजकुमार गिरी, अमन सापकोटा आदिको पनि अभिनय रहेको छ गीतको भिडियोमा ।

मानिस अनेक दुष्कर्म गर्छन् । ती दुष्कर्मको परिणाम निकै गम्भीर हुने र त्यसको प्रायश्चित समयमै गर्न सके मानिसले यो भव सागरबाट छुट्कारा मिल्ने सन्देश मुलक गीतमा गुम्बाका भन्टेले पञ्चशीलको ज्ञान प्रवचन दिइएको दृष्य क्यामेरामा प्रत्यक्ष कैद गरिएको छ ।

नीता ढुंगाना र प्रकाश सपुत रोमान्स गर्दै भेटिए पानी तालैमा (भिडियो)

पछिल्लो समय चलचित्र पंचायतमा गरेको अभिनयले चौतर्फी प्रशंसा बटुलेकी नायिका नीता ढुंगानाको अभिनय रहेको नया गीतको म्युजिक भिडियो सार्वजनिक भएको छ ।भिडियोमा नीता सगै अर्का चर्चित मोडल प्रकाश सपुतलाई पनि फिचरिंग गरिएको छ ।

तिर्थ खत्री र सुमित्रा भट्टराईको स्वर रहेको ‘पानी तालैले’बोलको सार्वजनिक गीतमा शब्द शिव हमालको रहेको छ ।तिर्थ खत्रीको संगीत रहेको यस गीतमा कृष्ण बिके भान्जाको संगीत एरेन्ज रहेको छ ।

‘पानी तालैले’को गीतको भिडियोलाई दिपेन्द्र तिमल्सिनाले निर्देशन गरेका हुन्। कारण चैसिरको छायांकन रहेको भिडियोलाई मनोज कार्कीले सम्पादन गरेका हुन् ।

नायिका प्रियंका कार्कीले गरिन् गायक सरोज ओलीसँग रोमान्स (भिडियो सहित)

प्रियंका कार्की र सरोज ओली अभिनित “ए कालु” बोलको म्युजिक भिडियो रिलिज भएको छ। चर्चित गायक ओली म्युजिक भिडियोमा नायिका प्रियंकासँग रोमान्स गर्दै देखा परेका छन् ।

“तिमीलाई देखेपछि आई लभ यु”,“जता जता पिरतीको बाटो”,“माछीले खाने खोलीको लेऊ”,“पानी कुवाको” जस्ता हिट गितका गायक हुन् सरोज ओली । गायनसँगै सरोजले अभिनयको यात्रालाई “ए कालु” म्युजिक भिडियो मार्फत पनि निरन्तरता दिएका छन् ।

मेलिना राईको आवाजमा स्वबद्ध गीतको म्युजिक भिडियोलाई कविराज गहतराजले निर्देशन गरेका छन् । चन्द्र घिमिरेले लेखेको शब्दमा बसन्त सापकोटाले संगीत दिएका छन् । सुदीप बरालले छायांकन गरेको भिडियोलाई टेकेन्द्र शाहले सम्पादन गरेका छन् ।

चर्चामा गायक हेमन्त शर्माको ‘बरिखा’,युट्युब ट्रेण्डिङमा पाचौ नम्बरमा (भिडियो)

आधुनिक गायन क्षेत्रमा आफ्नो भिन्दै पहिचान बनाएका चर्चित गायक हेमन्त शर्माको नया गीत ‘बरिखा’ को म्यूजिक भिडियो सार्वजनिक
भएको छ ।गीतमा हेमन्त शर्माकै शब्द तथा संगीत छ । सांगीतिक कार्यक्रमका सिलसिलामा धेरै पटक सुदूरपश्चिम पुगेका गायक शर्माले यस पटक भने त्यहिँको जनबोलीलाई सम्बोधन गरेर गीत रेकर्ड गराएका छन् ।

भिडियोमा मोडलहरु सारा सिर्पाली, एलिसा राई, अलिसा शर्मा, सुनिल क्षेत्री र भिमफेदी गाइजलाई फिचरिङ गरिएको छ ।गीतको भिडियोलाई राहुल शाहले निर्देशन गरेका हुन् । पवन सुस्लिङको छायांकन रहेको यो भिडियोलाई रोचक शैलीमा तयार पारिएको छ ।

हालै सार्वजनिक गरिएको यस गीत अहिले युट्युबमा ट्रेण्डिङमा समेत आउन सफल भएको छ। पछील्लो समय युट्युब ट्रेण्डिङको एउटा ट्रेन नै चलेको बेला गायक शर्माको ‘बरिखा’ नेपालको युट्युब ट्रेण्डिङमा  पाचौ नम्बर  आउन सफल भएको हो। सार्वजनिक गरेको केही समयमै भिडियो ट्रेण्डिङमा पर्नुभनेको नेपाल बाट धेरै हेरिनु हो। त्यस्तै यो समाचार तयार पार्दा समेत यस गीतलाई ३ लाख ६६ हजार माथिले हेरेका छन् भने १६ हजार लाइक र ३ सय ५२ डिसलाइक छ।

हरिवंश आचार्यको ‘जे भने नि हुन्छ मलाई’ गीत सार्वजनिक(भिडियो)

हास्य अभिनेता हरिवंश आचार्यको नया गीत सार्वजनिक भएको छ । ‘जे भने नि हुन्छ मलाई’ बोलको सार्वजनिक गीतमा समाजका निर्धा नागरिकलाई जसले भने पनि हुने, जे गरे पनि हुने, सक्दो सराप्दा पनि धन खर्च नहुने भन्दै अरूबाट हेपिएकाहरूको भावना गीतमा उठाइएको छ ।

यो गीत कलाकार हरिवंश आफैंले लेखेका हुन् । गीतमा संगीत पनि उनी स्वयंले दिएका छन् । आफूले गाएको गीतलाई प्रत्यक्ष रेकर्डिङ शैलीमा भिडियो बनाएर उनले मह सञ्चारको युट्युबबाट रिलिज गरेका छन् ।भिडियोमा वाद्यवादक कलाकारलाई पनि उनले समेटेका छन् ।

अभिनेता हरिवंश आचार्यको गीतलाई सुदन केसीले म्युजिक भिडियोमा उतारेका छन् । भिडियो दीर्घ गुरुङले खिचेका हुन् । मह संचारले प्रस्तुत गरेको यो म्युजिक भिडियो हालै सार्वजनिक गरिएको हो ।भिडियोको सम्पादन जीवन थापाले गरेका हुन् ।

प्रदीप खड्का अभिनित प्रदर्शनरत चलचित्र ‘रोज’ को नयाँ गीत सार्वजनिक (भिडियो)

गत शुक्रबार बाट प्रदर्शनमा आएको नायक प्रदीप खड्का को चलचित्र ‘रोज’ को नयाँ गीत सार्वजनिक भएको छ । नेपाल आइडलका फस्ट रनरअप निशान भट्टराईको स्वर रहेको ‘तिम्रो पछि-पछि…’बोलको गीतलाई दयाराम पाण्डेलले लेखेका हुन् ।गीतमा अर्जुन पोखरेलको संगीत रहेको छ । गीतमा प्रदीप सगै परमिता आरएल राणालाई फिचरिंग गरिएको छ ।

निरक पौडेलले निर्देशन रहेको यस चलचित्रले बक अफिसमा अपेक्षाकृत व्यापार गर्न सकेन ।तर हिजो तीजको दिनमा चलचित्र देशका सबै सिनेमा हलमा चलचित्रले हाउसफुलको व्यापार गरेको छ ।

चलचित्रमा प्रदीप खड्का , कर्मा शाक्य, परमिता एल आर राणा, मिरुना मगर ,रविन्द्र खड्का, प्रकाश श्रेष्ठ, पल्पसा डंगोल लगायतका कलाकारहरुको अभिनय छ । केदार भुषालको कथामा रहेको यस चलचित्रमा सम्पादन मित्र डि गुरुङले गरेका हुन् ।