Monday , 17 June 2019
News update
Home >> Nepali Movie Song (page 3)

Nepali Movie Song

पुष्प रआँचलको चलचित्र ‘दाल भात तरकारी’को शीर्ष गीत सार्वजनिक (भिडियो)

मह सञ्चारको ब्यानरमा किरण केसीको प्रस्तुतिमा निर्माण भएको चलचित्र ‘दाल भात तरकारी’को शीर्ष गीत सार्वजनिक भएको छ ।दाल भात तरकारी’ बोलको गीतमा राजेशपायल राई र स्मिता दाहालको स्वर रहेको छ । हरिवंश आचार्यको शब्द रहेको गीतमा संगीत सम्भुजित बाँस्कोटाको संगीत रहेको छ।

गीतको भिडियोमा चलचित्रको मुख्य कलाकार हरिवंश आचार्य, निरुता सिंह, पुष्प खड्का र आँचल शर्मालाई रमाईलो र आकर्षक कोरियोग्राफीमा प्रविण सिंहले नचाएका छन् ।

आगामी बैशाख १३ गते बाट प्रदर्शनमा आउने भनिएको ‘दाल भात तरकारी’ यो मितिमा हलिउडको बहुप्रतिक्षीत फिल्म ‘एभेन्जरः इन्ड गेम’रिलिज हुने भए पछि एक हप्ता पछाडी सरेको छ ।अब चलचित्र बैशाख २० गते प्रदर्शनमा आउने छ ।

चलचित्रलाई किरण केसीका छोरा सुदन केसीले निर्देशन गरेका हुन् ।चलचित्र ‘दाल भात तरकारी’मा मदनकृष्ण श्रेष्ठ, हरिवंश आचार्य, बसुन्धरा भुषाल, सन्तोष पन्त, शिवहरि पौडेल, निरुता सिंह, किरण केसी, राजाराम पौडेल, बर्षा राउत, पुष्प खड्का, आँचल शर्मा, शिशिर वाङ्देन, विल्सन विक्रम राई लगायतका कलाकारको मुख्य भूमिका रहेको छ ।चलचित्रको आइटम गीत प्रियंका कार्कीलाई देख्न सकिन्छ।

मित्र डि गुरुङको सम्पादन रहने फिल्मलाई दिर्घ गुरुङले खिच्नेछन् ।‘दाल भात तरकारी’ मा प्रमिला आचार्य, यमन श्रेष्ठ, नरेन्द्र कंशाकार, शिवहरी पौडेल, राजाराम पौडेल, दिर्घ गुरुङ, अनुराग कुँवर, विल्सन विक्रम राई, दीपेन्द्र खनियाँ र सुमित मैनाली निर्मातामा रहेका छन् ।

अनमोल केसी र सुहाना थापाको बहुप्रतिक्षित चलचित्र ‘ए मेरो हजुर ३’ को रोमान्टिक गीत सार्वजनिक (भिडियो)

अनमोल केसी र डेब्यू गर्ल सुहाना थापा अभिनित बहुप्रतिक्षित चलचित्र ‘ए मेरो हजुर ३’ को पहिलो रोमान्टिक गीत सार्वजनिक गरिएको  छ । चैत २९ गतेबाट प्रदर्शनमा आउने यस चलचित्रको ‘जिन्दगी नै भन्दिनँ’ बोलको गीत सार्वजनिक गरिएको हो ।

एक नारायण भण्डारीको शब्द रहेको सार्वजनिक गीतमा सुगम पोखरेल र प्रविशा अधिकारीको स्वर रहेको छ भने आकाश अविरलले संगीत दिएका हुन् । नेपाल र अमेरिकाका विभिन्न रमणीय स्थानहरुमा खिचिएको गीतको भिडियोमा अनमोल र सुहानालाई फिचरिंग गरिएको छ ।

‘ए मेरो हजुर ३’ लाई झरना थापाले निर्देशन गरेका हुन् । यसअघि झरनाको निर्देशनमा बनेको चलचित्र ‘ए मेरो हजुर २’ सुपरहिट भएको थियो । जुन चलचित्रमा अभिनेता सलिनमान बनियाँ र अभिनेत्री साम्राज्ञी राज्यलक्ष्मी शाह मुख्य भूमिकामा थिए ।‘ए मेरो हजुर ३’ मा भने अनमोल र सुहानासँगै सरोज खनाल ,सलोन बस्नते, अर्पण थापा, रबिन्द्र झा लगायतको अभिनय रहेको छ ।

सुहाना इन्टरटेनमेन्टको प्रस्तुतीमा सुनिल कुमार थापाले निर्माण गरेका हुन् । चलचित्रमा निर्देशक थापा र सुमन पौडेलको कथा, कल्याण सिंह, कोशिश क्षेत्री, प्रतिक पौडेल र आशिश अविरलको संगीत, रोशन श्रेष्ठले द्वन्द्व र सञ्जय लामाको छायांकन छ ।हिमाल केसीको द्वन्द्व निर्देशन
तथा कविराज गहतराज, रामजी लामिछाने, प्रविन सिंह र राहुल शाहको कोरियोग्राफी रहेको ‘ए मेरो हजुर ३’ लाई दिर्घ खड्काले सम्पादन गरेका छन् ।

चलचित्र ‘जानी नजानी’ को टाइटल सङ सार्वजनिक (भिडियो )

यहि चैत्र १ मा रिलिज हुने चलचित्र ‘जानी नजानी’ को टाइटल सङ सार्वजनिक भएको छ। मोदनाथ खनालको शब्द तथा चर्चित गायिका अन्जु पन्त र गायक प्रताप दासको सुमधुर आवाज रहेको यस गीतमा संगीतकार अर्जुन पोखरेलको संगीत रहेको छ ।प्रविन सिंहले कोरियोग्राफी गरेको रहेको गीतमा चलचित्रको मुख्य कलाकार मनिष श्रेष्ठ र  निरिशा बस्नेतलाई फिचरिंग गरिएको छ।

चलचित्रमा मनिष र निरिशा सगै  रोशनी केसी , सन्नी सिंह, नम्रता श्रेष्ठ, प्रकाश अधिकारी लगायतको पनि मुख्य अभिनय रहेको छ । यसै फिल्म मार्फत पुराना कलाकार तथा निर्देशक विश्व बस्नेतकी छोरी निरिशा फिल्म नगरीमा डेब्यु गर्दैछिन् ।

आधुनिक प्रेमकथामा निर्माण भएको यस चलचित्रलाई बसन्त अधिकारीले निर्देशन गरेका हुन् । यो उनको डेब्यु निर्देशकीए सिनेमा हो । रोशनी इन्टरटेन्मेनटको ब्यानरमा निर्मित फिल्मकी प्रस्तुतकर्ता रोशनी केसी हुन् । फिल्ममा मोदनाथ खनाल र सागर काजी मालीको निर्माण रहेको छ ।

सामिप्यराज तिमिल्सेनाको कथा, पटकथा तथा संवाद रहेको फिल्ममा अर्जुन जिसीको सम्पादन , बसन्त घर्ति मगरको भीएफएक्स रहेको छ ।चलचित्रमा  कविराज गहतराज , प्रविन सिंह र शिशिर खातीको कोरियोग्राफी रहेको छ अर्जुन पोखरेलको सङ्गीत रहेको छ। चलचित्रमा छायाँकन संजय लामाको रहेको छ ।

‘दाल भात तरकारी’ को ‘भिजिट भिसामा’ गीत करोड क्लबमा (भिडियो)

मह सञ्चारको ब्यानरमा किरण केसीको प्रस्तुतिमा निर्माण भएको चलचित्र ‘दाल भात तरकारी’ को ‘भिजिट भिसामा’ गीत युट्युबको करोड क्लबमा प्रवेश गरेको छ । जनवरी २४ मा सार्वजनिक भएको गीतलाई मार्च ९ सम्म आइपुग्दा एक करोड भन्दा बढी पटक हेरिएको छ ।

शम्भुजित बास्कोटाको संगीतमा तयार भएको गीतले ६८ हजार लाइक्स प्राप्त गरेक्को छ भने ४ हजार ७ सय मात्रै डिस्लाइक्स पाएको छ ।गीतलाई ५ हजार २ सय बढी कम्नेट समेत मिलेको छ ।

हरिवंश आचार्यको शब्द रहेको यस गीतमा यसमा निशान भट्टराई र अन्जु पन्तको स्वर रहेको छ ।भिडियोलाई कविराज गहतराजले कोरियोग्राफी गरेका हुन् । गीतमा मुख्य कलाकार हरिवंश आचार्य, नायिका निरुता सिंह, नायक पुष्पल खड्का, नायिका आँचल शर्मा र नायिका बर्षा राउत, कलाकार राजाराम पौडेललाई देख्न सकिनेछ ।


चलचित्रलाई किरण केसीका छोरा सुदन केसीले निर्देशन गरेका हुन् ।चलचित्र ‘दाल भात तरकारी’मा मदनकृष्ण श्रेष्ठ, हरिवंश आचार्य, बसुन्धरा भुषाल, सन्तोष पन्त, शिवहरि पौडेल, निरुता सिंह, किरण केसी, राजाराम पौडेल, बर्षा राउत, पुष्प खड्का, आँचल शर्मा, शिशिर वाङ्देन, विल्सन विक्रम राई लगायतका कलाकारको मुख्य भूमिका रहेको छ ।चलचित्रको आइटम गीत प्रियंका कार्कीलाई देख्न सकिन्छ।

मित्र डि गुरुङको सम्पादन रहने फिल्मलाई दिर्घ गुरुङले खिच्नेछन् ।‘दाल भात तरकारी’ मा प्रमिला आचार्य, यमन श्रेष्ठ, नरेन्द्र कंशाकार, शिवहरी पौडेल, राजाराम पौडेल, दिर्घ गुरुङ, अनुराग कुँवर, विल्सन विक्रम राई, दीपेन्द्र खनियाँ र सुमित मैनाली निर्मातामा रहेका छन् ।चलचित्र १३ बैशाख प्रदर्शनमा आउदैछ ।

’सरौतो’ मा समावेश ’चुलो चौका’ को छायाँकन सकियो

केही समय अगाडी घोषणा गरिएको चलचित्र ’सरौतो’ को राजधानीको सेड्युल सकिएको छ । निर्माण टिमले लोक लयको गीतको छायाँकन ललितपुर स्थित सानेपाको इन्टरनेशनल क्लबमा गरेको हो । छायाँकन भइरहेको गीतमा सुमी मोक्तान र सन्नी सिंह बेहुला तथा बेहुलीको साथीको रुपमा देखिएका थिए । यसगीतमा छायाँकन भईरहेको यसपार्टलाई इम्याजीन सिनको रुपमा डेब्यु निर्देशक हरी हुमागाईले ब्याख्या गरे । छायाँकन भईरहेको गीत ’चुलो चौका’ मा राजनराज शिवाकोटीको र अञ्जु पन्तको स्वर रहेको छ भने यसमा राजनकै शब्द र संगीत रहेको छ । यसै चलचित्र मार्फत कोरियोग्राफीमा डेब्यु गर्ने तयारीमा रहेकी निलिशा शाक्य पनि आशावादी छिन ।’ गीतलाई जसरी तयारी गरेका थियौ त्यसै अनुरुप छायाँकन भईरहेको छ’ उनले भनिन् ’कोरियोग्राफीमा पहिलो भएपनि सबैले कोअपरेट गर्नु भएको छ ।’

गीतबाट सुमी निकै आशावादी छिन । ’मैले यस लोकलयको गीतमा पहिलो पटक डान्स गरिरहेकी छु तर रमाइलो भईरहेको छ’ सुमी भन्छिन् ’गीतमा केहि नयाँ कन्सेप्ट दिने कोसिस गरेका छौ ।’ गीतमा सुमीसँगै सन्नी पनि फिचर्ड छन् । फिल्म डायरी मार्फत डेब्यु गरेका सन्नीले गीतलाई इन्जोय गरिरहेको बताएका छन् । गीतमा बेहुला र बेहुलीको रुपमा क्रमश पराकर्म पीजेबी राणा र सम्पदा दाहाल देखिएका छन् । स्क्वायर वान क्रिएसन , राइजिङ्ग फिल्म्स एण्ड ग्लिटर फिल्म्स स्टुडियोको ब्यानरमा निर्माण भएको फिल्ममा सह (निर्माताको रुपमाश्री महर्जन रहेका छन् । एक्सन र रिभेन्जको कथामा बन्ने फिल्ममा सुमी र सन्नीसँगै विजय लामा , युवराज लामा , आमिर गौतम , अरुणा कार्की , सुवाङ्गम शाह , लियो ट्यांक , मनिषा पुन मगर , प्रतिक दुलाल , मनोज तामांग लगायतको अभिनय रहेको छ ।

फिल्ममा राघव कृष्ण गौतमको लेखन , उत्तम हुमागाईको छायांकन , शंकर महर्जनको एक्सन रहनेछ । यसमा राजन राज शिवाकोटी , पुष्पन प्रधान , कमल खत्री , कोसिस क्षेत्रीको संगीत रहनेछ भने राजन , पुष्पन र कमलसँगै मिलन अमात्य , श्रेया सोतांग र केतन क्षेत्रीको स्वर रहनेछ । काठमाडौँमा तिन हप्तामा पहिलो सेड्युल सकाएपछि टोली सिम्रौनगठ लगायतका तराइको स्थानमा छायांकन गर्न लाग्नेछ । फिल्मलाई उपत्यकामा गोपाल काजि कायस्थ र मोफसलमा एफडी कम्पनिले वितरण गर्नेछ ।

सुपरहिट गीत ’चट्ट रुमाल’ अव नयाँ चलचित्र यात्रामा

चलचित्र ’आफ्नो मान्छे’ मा समावेश गीत ’चट्ट रुमाल’ लाई दर्शकले चलचित्र यात्रामा पनि हेर्न पाउने भएका छन् । चैत्र २९ मा रिलिज हुने चलचित्रमा समावेश गीतको तस्वीर सार्वजनिक गर्दै निर्माण टिमले गीत रहेको प्रस्ट्याएको छ । स्वर्गीय अभिनेता श्रीकृष्ण श्रेष्ठ र नीरुता सिंहको नृत्य रहेको गीतलाई सञ्चारकर्मी बाबुराम दाहालको लेखेका हुन् । गीतमा शम्भुजित बास्कोटाको संगीत रहेको छ भने यसमा शम्भुजित र साधना सरगमले स्वर दिएका थिए । रि(एरेन्ज गरिएको गीतमा भने धर्मेन्द्र सेवान र मेलिना राइले स्वर दिएका छन् भने यसलाई राजन इशानले रि(एरेन्ज गरेका हुन् ।

गीतलाई प्रविन सिंहले कोरियोग्राफ गरेका छन् । गीतमा राइजिङस्टार सलिनमान बनियाँ , सलोन बस्नेत , डेब्यु गर्ल मलिका महत , जान्हवि बस्नेत , रेअर राई , प्रेक्षा बज्राचार्य, विशाल सापकोटा लगायत फिचर्ड छन् । गीत केहि समय अगाडी नै छायाँकन गरिएता पनि निर्माण पक्ष यसबारे केहि जानकारी गराएको थिएँन । फिल्ममा सुहाउदो स्थान भएकाले गीतलाई राखिएको निर्माता केशव भट्टराईले बताएका छन् । उनि फिल्म यात्राका निर्माता मध्यका एक हुन् भने आफ्नो मान्छेमा पनि उनि निर्माता थिए । गीतमा कलाकारहरु रेगुलर भन्दा केहि फरक ड्रेसमा देखिएका छन् । गीतलाई झन्डै ४ दिन लगाएर छायांकन गरिएको थियो ।

फिल्मलाई सम्राट शाक्यले निर्देशन गरेका छन् । दुई दशक अगाडी सहायक निर्देशक भइ यसक्षेत्रमा भित्रिएका सम्राटले मुख्य सहायक निर्देशक भई काम गरेको फिल्महरु के यो मायाहो , मेरो लभ स्टोरी , कोहि मेरो , नोभेम्बर रेन , होमवर्क , छक्का पञ्जा , ऐश्वर्य , कृ लगायत चर्चामा थिए ।

फिल्ममा सलिनसँगै , सलोन बस्नेत , जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , बिशाल पहाडी , प्रजोल भट्टराई , देशभक्तखनाल , कमल मैनाली , सौगात शर्मा लगायतको अभिनय रहनेछ । यसैफिल्म मार्फत मल्लिका महतले डेब्यु गर्दै््िछन भने यसमा विदेशी कलाकारहरु चाइनाका जुन झाङ र केन्याका बबीको पनि अभिनय रहनेछ । फिल्ममा बालकलाकारको रुपमा पछिल्लो समय युट्युबमा चर्चा रहेका अंकित संग्रौला र एन्जल राई रहेका छन् ।

कोटकी कालिका देवीफिल्म्स प्राइभेट लिमिटेड , क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण हुने फिल्ममा केशव भट्टराईसँगै चिज कुमार श्रेष्ठ पनि प्रस्तुतकर्ता रहेको फिल्ममा बिक्रम पराजुली , मुक्ति तिम्सिना र राम शरण घिमिरे सह( निर्माता रहेका छन् । फिल्मका निर्माता सुशील पोखरेल हुन् भने यसको कार्यकारी निर्माता सर्जुमान लिगल रहेका छन् । फिल्ममा कथापनि सम्राटकै रहेको छ भने यसलाई उनिसँगै सुरेश न्यौपाने , प्रतिक पौडेल र शिशिर खातीले मिलेर लेखेका हुन् ।

फिल्मको मुख्य सहायक निर्देशक सुरेशनै रहेका छन् भने यसलाई संजय लामाले खिचेका हुन् । फिल्ममा प्रविन सिंहको कोरियोग्राफी , हिमाल केसीको द्वन्द , बनिश शाहको सम्पादन , आशिष पौडेलको कस्ट्युम डिजाइन , जटा शंकर गोसाईको आर्ट डिजाइन , निमा लामाको मेकअप र अरुण रेग्मीको प्रोडक्सन डिजाइन रहेकोछ । फिल्ममा वरिष्ठ संगीतकार शम्भुजित बास्कोटाकोसँगै प्रतिक पौडेल र कोविद बज्रको संगीत रहेकोछ । फिल्ममा श्रीधर पौडेलको फोटोग्राफी रहेको छ भने यसमा पब्लिसिटी डिजाइनरको भूमिका टौवा क्रिएसनले निर्वाह गरेका छन् ।

‘साइँली’को ‘प्याट् प्याटे’ चप्पल (भिडियो)

चलचित्र ’साइँली’को दोस्रो गीत सार्वजनिक गरिएको छ । चत्रै १५ गतेवाट प्रदर्शनमा आउन लागेको चलचित्रमा समावेश प्याट प्याटे बोलको गीत सार्वजनिक गरिएको हो । गीतमा सिनेमाका मुख्य कलाकार दयाहाङ राई, गौरव पहाडी, मेनुका प्रधान, केनिपा सिंह लगायतका कलाकारलाई फिचर्ड गरिएको छ ।
सुशान्त गौतमको संगीत, हर्क साउँदको शब्द तथा संगीतकार गौतमको स्वर छ । बैदेशीक रोजगारीको कथामा निर्माण भएको सिनेमालाई रामबाबु गुरुङले निर्देशन गरेका हुन् । चलचित्रलाई गायक हेमन्त राना र गौरव पहारीले निर्माण गरेका हुन् । जिएच इन्टरटेनमेन्टको व्यानरमा निर्माण भएको सिनेमामा माओत्से गुरुङ, केनिपा सिंह, प्रकाश घिमिरे, अरुण कार्की, लगायतका कलाकारको पनि मुख्य भुमिका रहेको छ ।

विशाल गुरुङ र मोहन राना मगरको लगानी रहेको चलचित्रमा बिजय अवाले, विकाश पुजास, सुवेच्छा केसी सह निर्माताको रुपमा रहेका छन् । कार्यकारी निर्माता मणिराम पोखरेल हुन् । सिनेमामा काली प्रसाद बास्कोटा, सुशान्त गौतमको संगीत, शैलेन्द्र डि कार्कीको छायांकन, निमेष श्रेष्ठको सम्पादन रहेको छ ।

चलचित्र ‘आप्पा’को नयाँ गीत सार्वजनिक

चलचित्र ‘आप्पा’को नयाँ गीत सार्वजनिक गरिएको छ । दयाहाङ राई स्टारर सिनेमाको दोस्रो गीत ‘साँझ परे पछि’ बोलको गीत युट्युबबाट सार्वजनिक गरिएको हो । गीतमा निर्देशक अनमोल गुरुङको शब्द तथा संगीत रहेको गीतमा निर्देशक गुरुङ र स्नेहश्री थापाको स्वर छ ।

आगामी वर्षको जेष्ठ २४ गतेबाट रिलिज चलचित्रको गीतमा मुख्य कलाकार सिद्धान्त राज तामाङ र अल्लोना काबो लेप्चालाई फिचर्ड गरिएको छ ।हुने तय भएको छ । बाबु छोराको सम्बन्धको कथामा निर्माण भएको सिनेमालाई अनमोल गुरुङले निर्देशन गरेका हुन् । यो अनमोलको डेब्यु निर्देशकिय सिनेमा हो । अ माउन्टेन स्टोरीज प्रोडक्सन र सिनेमा आर्टको संयुक्त ब्यानरमा निर्माण भएको सिनेमाका कार्यकारी निर्माता हुन् । ‘आप्पा’मा रुदेन सादा लेप्चाको लगानी रहेको छ ।

सिनेमामा दयाहाङ राई, सिद्धान्त राज तामाङ र अल्लोना काबो लेप्चाका अलवा बरिष्ठ निर्देशक तथा निर्माता तुलसी घिमिरे, अरुणा कार्की लगायतका कलाकारको समेत मुख्य भुमिका रहेको छ । ‘आप्पा’मा निर्देशक अनमोल गुरुङको कथा, अनमोल गुरुङ र उमेश उपमाको पटकथा तथा संवाद, शैलेन्द्र डि कार्कीको छायाँकन, अनमोल गुरुङ र शैकात देवको संगीत, निमेष श्रेष्ठको सम्पादन सिनेमामा रहेको छ ।

‘पुरानो बुलेट’को ट्रेलर सार्वजनिक (भिडियो)

चैत्र १ गतेबाट प्रदर्शनको तयारीमा रहेको  ‘पुरानो बुलेट’को ट्रेलर सार्वजनिक गरिएको छ ।  सिनेमाको सार्वजनिक ट्रेलरमा माया, प्रेम र विछोडलाई फोकस गरिएको छ । निर्माण टिमका अनुसार सिनेमाको कथा अनुप, वर्षा र मालाको बरिपरि घुमेको छ ।

’पुरानो बुलेट’को यहि फेब्रुअरी २३ तारिखमा हङकङमा वर्ल्ड प्रिमियर हुँदैछ । वर्ल्ड प्रिमियरलाई मध्यनजर गर्दै केहीदिन पहिलो पोस्टर सार्वजनिक गरेको निर्माण टिमले आज काठमाडौंमा एक कार्यक्रमको आयोजना गरि सिनेमाको ट्रेलर सार्वजनिक गरेको हो । सिनेमामा अनुप, बर्षा र मालाका अलवा कविता आले, कृष्णभक्त महर्जन, शिरोमणी दवाडी, शिव मुखिया, दिवज राई लगायत लिड अभिनयमा छन् । बादल श्रेष्ठ, करण धिताल, युडी गुप्ता लगायतको अभिनय पनि ‘पुरानो बुलेट’ मा समावेश छ ।

सिनेमाको कथा, पटकथा तथा संवाद लेखनमा निर्देशक भीषणले सन्तोष राईसँग सहकार्य गरेका छन् । सन्तोष राई सिनेमाका कार्यकारी निर्माता पनि हुन् । ‘पुरानो बुलेट’मा अशोककुमार राई ९साम्पाङ०, दिपेन्द्र लिम्बु, विरेन साम्बा र टिकाराम राईले मिलेर निर्माण गरेका हुन् । सिनेमामा उत्तमजङ्ग लिम्बु, जयन जे वाइवा र भिजे घिमिरेको संगीत, हरि घले लामाको छायाँकन, प्रविण सिंह र प्रशान्त तामाङको कोरियोग्राफी, अर्जुन जिसीको सम्पादन रहेका छ ।

अनमोल केसी र भुवन केसीसग ‘कर्ली कर्ली कपाल’मा निरुता सिंहको रोमान्स (भिडियो)

अनमोल केसी अभिनित बहुप्रतिक्षित चलचित्र ‘क्याप्टेन’को ‘कर्ली कर्ली कपाल’ सार्वजनिक भएको छ ।शुक्रबार राजधानीमा एक कार्यक्रमको चलचित्रको नया गीत सार्वजनिक गरिएको हो ।

नेपाली चलचित्र क्षेत्रमा सदाबाहार नायिकाको छबी बनाएकी अभिनेत्री निरुता सिंहले ‘कर्ली कर्ली कपाल’ अहिलेका युवा पुस्ता माझ लोकप्रिय अभिनेता अनमोल केसी सँग ठुम्का मारेकी छिन् ।उक्त गीतमा निरुता र अनमोलले एक अर्का सँग मज्जाले ठुम्का मारेका छन् । गीतमा भुवन केसीले पनि ठुम्का मरेका छन् । भुवन र निरुताले धेरै फिल्ममा जोडीको रुपमा सँगै काम गरेका छन् ।

गीतमा अहिलेकी चर्चित गायिका मेलिना राई र एस डि योगीको आवाज रहेको छ भने हर्क साउद र मनिष ढकालको शब्द रहेको छ । गीतमा गायक योगी र सुशान्त गौतमले संगीत भरेका छन् । गीतको भिडियोलाई सविना शाक्यले कोरियोग्राफी गरेका हुन् ।

यही फाल्गुन १७ गतेबाट देशभर एक साथ प्रदर्शन आउन लागेको चलचित्रको ‘क्याप्टेन’ मा एउटा गाउबाट राष्ट्रिय फुटबल टिमको खेलाडी बन्न एक युवकले गरेको संघर्षको कथा रहेको छ ।भुवन केसी निर्माता रहेको फिल्मका निर्देशक दिवाकर भट्टराई हुन् भने कार्यकारी निर्माता जिया केसी हुन् । फिल्ममा अनमोल सँगै प्रशान्त ताम्राकार, उपासना सिंह ठकुरी, प्रियंका एमभी, सुनिल थापा, सरोज खनाल, राजाराम पौडेल, बुद्धी तामाङ, विल्सन बिक्रम राई, अमित श्रेष्ठ, सुर्य माला खनाल लगायतको अभिनय रहेको छ ।

फिल्ममा निर्देशक दिवाकर भट्टराईसँगै सामिप्यराज तिमल्सेनाको कथा, सुदीप बरालको डिओपी, नवराज उप्रेतीको छायांकन, अर्जुन पोखरेलको संगीत, दिर्घ राज खड्काको सम्पादन, कविराज गहतराजको कोरियोग्राफी रहेको छ ।