Monday , 17 June 2019
News update
Home >> Nepali Movie Song (page 5)

Nepali Movie Song

चलचित्र ‘रणवीर’ को स्याड गीत सार्वजनिक (भिडियो)

चलचित्र ‘रणवीर’ को नयाँ गीत सार्वजनिक भएको छ । स्याड भर्सनको नयाँ गीतमा फिल्मका रणवीर अर्थात सुशील सिटौलाको प्रेम वियोगलाई देखाइएको छ । नायिका सुपुस्पा भट्टले सुशीलको प्रेमलाई स्वीकार नगर्दाको अवस्थालाई यसमा चित्रण गरिएको छ । ‘मान्न चाहन्न’ बोलको सार्वजनिक गीतमा हर्कुलस बस्नेत र प्रविशा अधिकारीको स्वर रहेको छ भने यसमा शब्द र संगीत हर्कुलसकै रहेको छ ।

यस चलचित्र मार्फत सुबेक्षा खड्का पनि डेब्यु गर्दैछिन् । फिल्ममा सुशील सिटौला शिर्ष भूमिका अर्थात रणवीरको भूमिकामा छन् । यसमा प्रशान्त ताम्राकार टिका पहाडी , नरेश पौडेल , रवी गिरी र हरिहर शर्मा ,जीवन भट्टराई , भोलाराज सापकोटा , शैलेश्वरी सिंह , जगदीश रिजाल , बसन्ती भट्ट लगायतको पनि अभिनय रहेको छ ।

फिल्मलाई प्राची फिल्म्स र डिआर फिल्मको ब्यानरमा गोमा बिस्ट थापा र दिपेन्द्र रेग्मीले संयुक्त रुपमा निर्माण गरेका हुन् । फिल्ममा माया , मित्रता र बदलाको कथालाई प्रस्तुत गरिएको छ । यसमा कथा , पटकथा , संवाद तथा निर्देशन गोविन्द सिंह भण्डारीको रहेको छ ।

रणबीरमा महेश पौडेलको छायाँकन, कृष्ण भण्डारीको सम्पादन, चन्द्र पन्तको द्धन्द्ध निर्देशन, राजनराज शिवाकोटा, हर्कुलेस बस्नेत, अमित श्रेष्ठको संगीत, रामजी लामिछोन, गम्भिर बिष्ट र सुरेन बस्यालको कोरियोग्राफी छ ।चलचित्र माघ १८ गते बाट प्रदर्शनमा आउदैछ ।

भ्रष्टचारले गर्दा प्रेममा असर, ‘१०० कडा १०’ को ट्रेलर सार्वजनिक (भिडियो)

चलचित्र ‘१०० कडा १०’ को अफिसियल ट्रेलर सार्वजनिक गरिएको छ । काठमाडौंको सिभिल मलको आज एक कार्यक्रम बिच चलचित्रको ट्रेलर रिलिज गरिएको हो । सार्वजनिक ट्रेलरमा प्रेम र भ्रष्टचारको कथा देखाईएको छ । चलचित्रको ट्रेलरमा भ्रष्टचारले गर्दा दुई प्रेमीको प्रेममा परेको असरलाई देखाईएको छ । यस्तै भ्रष्टचार गर्दा समाजमा पर्न जाने असर र भ्रष्टचारीले भोग्नु परेको सामाजिक तिरस्कारलाई चलचित्र मार्फत देखाउन खोजिएको छ ।

चलचित्रमा राजाराम पौडेलले भ्रष्टचारी बुवाको भूमिका निभएका छन् भने मनोज गजुरेलले एक ईमान्दार ब्यक्तीको भूमिका निर्वाह गरेका छन् । चर्चित हास्य कलाकार गजुरेलले यही चलचित्रबाट डेब्यु गरेका हुन् । एक भ्रष्टचारी कर्माचारीको छोराले ईमान्दार ब्यक्तीको छोरी सँग प्रेम गर्दा प्रेममा परेको असर ट्रेलरमा देखाईएको छ ।

माघ १८ गतेबाट प्रदर्शनमा आउने तयारीमा रहेको रामशरण पाठक निर्देशित चलचित्र ‘१०० कडा १०’ ले भ्रष्टचार अन्त्य गरौ भन्ने सामाजिक कथा बोकेको छ । दर्शन नेपाल कृयसनको प्रस्तुती रहेको चलचित्र ‘१०० कडा १०’ लाई रज्जु प्रधान उत्तम खत्री, डि आर उपाध्याय र सन्जिव न्यौपानेले संयुक्त रुपमा निर्माण गरेका हुन् ।चलचित्रमा निर्मात्री प्रधानको कथा रहेको छ । चलचित्रमा मनोज गजुरेल, राजाराम पौडेल, रवि डंगोल, अमृत ढुंगाना, करुना श्रेष्ठ, उत्सव न्यौपाने, अमित पोख्रेल, सोनिया राई आदिको मुख्य अभिनय रहेको छ ।अभिनेत्री करुना र अभिनेता उत्सवको पनि यो डेब्यु चलचित्र हो । चलचित्रको लागि सोनिया राई वर्माबाट नेपाल आएकी थिईन् ।

राजाराम पौडेल कार्यकारी निर्माता रहेको चलचित्रको सह निर्माताहरुमा निरौला सँगै बालकृष्ण घिमिरे र साजन थापा रहेका छन् । चलचित्रलाई रमेश्वर कार्कीले छांयाकन गरेका हुन् भने बनिश शाहले सम्पादन गरेका हुन् । चलचित्रमा डि आर उपाध्याय, राम शरण पाठक र रवि मल्लको शब्द, कल्यान सिंहको संगीत, स्वप्न सुमन, त्रिशला गुरुङ, सन्देश पाठक र सागर संसार राईको आवाज तथा दिलिप ओखेडाको कोरियोग्राफी रहेको छ ।

चलचित्र ‘जानी नजानी’को पहिलो गीत सार्वजनिक (भिडियो)

बिहिबार राजधानीमा एक कार्यक्रमको बिच चलचित्र ‘जानी नजानी’को पहिलो गीत सार्वजनिक गरिएको छ । ‘एउटीलाई मुटुमा घर…’ बोलको सार्बजनिक गीतमा अर्जुन पोखरेलको संगीत र अम्बिका शर्माको शब्द रहेको छ ।गीतमा संगीतकार पोखरेल र दुर्गा खरेलको स्वर छ ।

चैत्र १ गतेबाट प्रदर्शनमा आउने चलचित्र ‘जानी नजानी’को यस गीतलाई कविराज गहतराजको कोरियोग्राफी गरेका हुन् ।गीतमा चलचित्रका मुख्य कलाकार मनिष सुन्दर श्रेष्ठ, सुमी मोक्तान र निरिशा बस्नेतलाई फिचर्ड गरिएको छ ।

चलचित्रमा सन्नी सिंह,प्रकाश अधिकारी , कृष्ण भक्त महर्जन , रोशनी केसी लगायतको पनि अभिनय रहेको छ ।आधुनिक प्रेमकथामा निर्माण भएको यस चलचित्रलाई बसन्त अधिकारीले निर्देशन गरेका हुन् । यो उनको डेब्यु निर्देशकीए सिनेमा हो । अधिकारीले यस अघि थुप्रै धेरै सफल फिल्ममा मुख्य सहायक निर्देशकको रुपमा काम गरिसकेका छन् ।

चलचित्रको कथा , पटकथा र संवाद सामिप्यराज तिमिल्सेनाले लेखेका हुन् भने छायाँकन संजय लामाको रहेको छ । फिल्ममा अर्जुन जिसीको सम्पादन , बसन्त घर्ति मगरको भीएफएक्स रहेको छ भने यसको कलरिस्ट रेनिश फागो हुन् ।

रोशनी इन्टरटेनमेन्टको ब्यानरमा निर्माण भएको सिनेमाकी प्रस्तुतकर्ता रोशनी केसी हुन् । ‘जानी नजानी’मा मोदनाथ खनाल र सागर काजी माली निर्माताको रुपमा रहेका छन् ।

चलचित्र ‘रणवीर’को ’तिरिमिरी तिरिमिरी तिन तारा’ गीत सार्वजनिक (भिडियो)

शनिवार राजधानीमा एक पत्रकार भेटघाटको आयोजना गर्दै चलचित्र ‘रणवीर’को पहिलो गीत सार्वजनिक गरिएको छ । चलचित्रमा समावेश ’तिरिमिरी तिरिमिरी तिन तारा’ बोलको गीत सार्वजनिक गरिएको हो ।सार्वजनिक गीतमा राजन राज शिवाकोटी र अन्जु पन्तको स्वर रहेको छ भने यसमा शब्द र संगीत स्वयम् राजनले नै दिएका छन् ।

केहि दिन अगाडी नक्सालको बालमन्दिरमा भव्य सेट लगाएर छायाँकन गरिएको गीतलाई रामजी लामिछानेको कोरियोग्राफी गरेका हुन् । गीतमा फिल्मका तिन मुख्य कलाकार सुशील सिटौला र डेब्यु गर्ल शुभेच्छा खड्का र सुपुसा भट्ट नेपाली पहिरनमा देखिएका छन् ।निर्माण पक्षको अनुसार यस गीतको छायाँकन झन्डै ४ दिन गरिएको हो भने एक सय पचास भन्दा बढी कोरस प्रयोग गरिएको गीतमा २५ लाख लागत रहेको छ ।

माघ १८ मा रिलिज हुने यस लभ स्टोरी चलचित्र सुशील , सुभेच्छा र सुपुस्पासँगै प्रशान्त ताम्राकार , रवि गिरी, हरिहर शर्मा, नरेश पौडेल लगायतका कलाकारको अभिनय रहेको छ ।

चलचित्रमा कथा , पटकथा , संवाद तथा निर्देशन गोविन्द सिंह भण्डारीको रहेको छ । फिल्ममा महेश पौडेलको छायांकन, कृष्ण भण्डारीको सम्पादन, चन्द्र पन्तको द्वन्द, रामजी लामिछाने र सुरेन्द्र बसेलको कोरियोग्राफी छ ।

किशोर खतिवडा र सन्चिता लुइँटेल यसरी रोमान्स गर्दै भेटिए (भिडियो)

दिलासा क्रियसन को ब्यानर मा अमर ओलिको निर्देशनमा बनेको नेपाली चलचित्र “आरोप ”को “ए मन ” गीतको भिडियो सार्वजनिक भएको छ । सार्वजनिक गीतमा र नित्याशिवा र प्रह्लाद तिमिल्सिना को आवाज रहेको छ ।

चलचित्रको कथा लेखन लक्ष्मण सुवेदीले गरेका छन । बिजय पाठक र दिनेश राउतको निर्माण ,बिरेन्द्र भट्ट को छायांकन ,कमल राई को नृत्य ,सानू कुमार महर्जन को द्वन्द एस के अधिकारीको गीत र एस के अधिकारी र गणेश चौधरी को संगीत ,नित्या शिवा, राजेश पायल राई ,प्रह्लाद तिमिल्सिना ,मनिषा पोख्रेल को आवाज साहिल खानको सम्पादन मा किसोर खतिवडा ,सन्चिता लुइँटेल ,रिचा थापा,उद्धव गिरी , प्रेम खड्का को अभिनय रहेको छ ।

आरोपको रिलिज मिती माघ ११ गते नेपाल भरिका सिनेमा हलहरुमा हेर्न सकिने निमार्ण पक्षले बताएको छ र अहिले पोष्ट प्रोडक्सनको काम भै रहेको पनि बताइएको छ । युवा युवतीहरु विचको त्रिकोणात्मक प्रेम कथामा आधारित चलचित्रमा ,युवा अवस्थाको विभिन्न अवस्थालाई चलचित्रमा समेटिएको चलचित्रको निमार्ण पक्षले बताएको छ ।

चर्चामा निसन्तान दम्पतीको कथा रहेको चलचित्र ‘प्रसाद’,शुक्रबार रिलिज हुदै

केतन क्षेत्रीको आवाजमा सजिएको ‘लै लै’ बोलको गीतबाट निकै चर्चा कमाएको चलचित्र ‘प्रसाद’ प्रदर्शनको संघारमा रहेको छ ।‘लै लै’ बोलको गीतको लिरिकल भिडियोबाट नै निकै हाइप पाएको चलचित्रलाई ‘बनकी चरी’ बोलको गीत र ट्रेलरले झनै हाइप मिल्यो । मङ्सिर २१ को प्रदर्शन मिती नजिकिदै गर्दा दर्शकहरु चलचित्र हेर्न निकै उत्सुक रहेका छन् । चलचित्र प्रदर्शन हुन अब दुई दिन मात्र बाँकी रहदा फिल्म युनिट प्रचार प्रसारलाई अन्तिम रुप दिन ब्यस्त रहेका छन् ।

यो महिना बिना प्रचार र साना ब्यानरका फिल्मलाई छोड्ने हो भने दर्शकले प्रतिक्षा गरेको ठुला फिल्महरु रिलिज भएका छैनन् । मङ्सिरमा रिलिज हुने फिल्म भन्ने बित्तिकै दर्शकहरुको मुखमा ‘प्रसाद’ कै नाम रहेको छ । अभिनयमा खारिएका कलाकारहरुको अभिनय रहेको कारण दर्शकहरु चलचित्र राम्रो बनेको छ भन्नेमा ढुक्क रहेका छन् । थोरै तर मन मनमा बस्ने फिल्म निर्देशन गर्न सफल निर्देशक दिनेश राउतले नै ‘प्रसाद’ लाई निर्देशन गरेको कारण पनि यस चलचित्र प्रती दर्शकहरुको आशा धेरै नै रहेको छ । कलाकार र निर्देशक बाहेक चलचित्रको अर्को बलियो पक्ष हो कथा ।

‘लै लै’ बोलको गीत र चलचित्रको ट्रेलर हेरेर नै चलचित्रले सामाजिक कथा बोकेको प्रष्ट हुन्छ । चलचित्र ‘प्रसाद’ले एक निसन्तान दम्पतीको कथा बोकेको छ । सन्तान नहुँदा एक दम्पतीले समाजमा भोग्नु परेको यातना नै चलचित्र ‘प्रसाद’ को कथा हो । विवाह भएर पनि सन्तान नहुँदा एक दम्पतीले समाजमा कस्ता कस्ता यातना भोग्नु पर्छ ? समाजको कस्तो कस्तो कुरा सुन्नु पर्छ ?, यही कारणले श्रीमन श्रीमती बिच कसरी असमझदरी पैदा हुन्छ भन्ने कुरा चलचित्रको माध्यमबाट देखाउन खोजिएको छ । यस्ता घटना सामान्यतया हामीले हाम्रो वरिपरी देखीरहेका हुन्छौ ।

हाम्रै समाज निसन्तान दम्पतीले भोग्नु परेको यातना हामीले देखिरहेका छौ । त्यही कथालाई चलचित्रको माध्यम बाट देखाएर सकारात्मक सन्देश दिन खोजिएको छ । चलचित्रमा निसन्तान दम्पतीको भूमिका बिपिन कार्की र नम्रता श्रेष्ठले निभाएका छन् । बिपिन र नम्रताले बिपन्न परिवारका निसन्तान दम्पतीको भूमिका निर्वाह गरेका छन् । चलचित्रमा निश्चल बस्नेतले पहिलो पटक नेगेटिभ क्यारेक्टर निभाएका छन् । चलचित्रको कथा सुशिल पौडेलले लेखेका हुन् । सुशिलका अनुसार यो कथा उनले कलेज पढ्दा नै सोचेका थिए जसलाई अहिले पर्दामा उतारिएको छ । चलचित्रलाई सुबाश थापाले निर्माण गरेका हुन् ।

‘समर लभ’ को ‘साया’ बोलको गीत सार्वजनिक ,गीतमा पुष्पन प्रधानको स्वर (भिडियो)

चर्चित तथा अत्याधिक रुचाईएको युवा मनका ढुक ढुकी सुबिन भट्टराईद्वारा लिखित उपन्यास ‘समर लभ’ मा आधारित चलचित्र ‘समर लभ’ को पहिलो गीत सार्वजनिक भएको छ ।। रिलिज मिति नजिकिँदै गर्दा निर्माण टिमले प्रचार प्रसारलाई तिब्र बनाउने हेतुले गीत रिलिज  गरेका छन् ।

सार्वजनिक रोमान्टिक गीतमा विदेशका विभिन्न शहरका मनोरम दृश्यहरु देख्न सकिन्छ । गीतको भिडियोमा कविराज गहतराजले कोरियोग्राफी गरेका छन् । गीतमा स्वर पुष्पन प्रधानको सुन्न सकिन्छ भने उनलाई फिमेल भर्सनमा साथ बानिका प्रधानले दिएकी छिन् । शब्द, संगीत पनि पुष्पनको नै छ ।सार्वजनिक गीतमा लिड कलाकार आशिष पिया र रेवती क्षेत्री फिचर छन् ।

‘समर लभ’ प्रेमदिवस (भ्यालेन्टाइन डे) को अबसर पारेर आगामी माघ २५ बाट प्रदर्शनमा आउँदैछ । फिल्ममा आशिष र रेवतीसँगै सुरज सिंह ठकुरी, सरोज खनाल, ओमप्रतिक, नम्रता सापकोटा, शिशिर भण्डारी लिड अभिनयमा छन् ।

मुस्कान ढकाल निर्देशित ‘समर लभ’ लाई खगेन्द्र श्रेष्ठ र इन्दु भण्डारीले संयुक्त रुपमा निर्माण गरेका हुन् । चलचित्रमा सुबिन भट्टराई र सामिप्यराज तिमल्सिनाको संवाद रहेको छ । मन कृष्ण महर्जनले खिचेको चलचित्रलाई अर्जुन जिसीले सम्पादन गरेका हुन्।

नाइटिङ्गेल इन्टरटेनमेन्टको ब्यानरमा निर्माण गरिएको फिल्ममा खगेन्द्र श्रेष्ठ र इन्दु भण्डारी निर्माता रहेका छन् भने विनोद अधिकारी कार्यकारी निर्माता छन् । अर्जुन जिसीले सम्पादन गरेको ‘समर लभ’मा स्वपन सरकार र मनोज बिक सहनिर्माता र एकराज तामाङ लाइन प्रोड्युसर रहेका छन् ।

पल शाह र अाँचल शर्माको ‘जब जब तिम्रो साथ’गीत करोड क्लबमा (भिडियो)

पल शाह र अाँचल शर्माको मुख्य अभिनय रहेको चलचित्र ‘जोनी जेन्टलम्यान’ मा समावेश ‘जब जब तिम्रो साथ’ बोलको गीत करोड क्लबमा प्रवेश गरेको छ । अन्जु पन्त र सुरेश लामाको समधुर आवाजमा रहेको रोमान्टिक गीत आज करोड क्लबमा प्रवेश गरेको हो ।

गीतलाई १ करोड भन्दा धेरै पटक हेरिएको गीतले ४७ हजार भन्दा धेरै लाइक्स प्राप्त गरेको छ भने करिब ३ हजार १ सय डिस्लाइक्स पाएको छ ।तेस्तै गीतमा ४६ सय ४७ कम्नेट पनि आएको छ ।

अन्जु पन्त र सुरेश लामाको आवाज रहेको गीतमा चर्चित संगीतकार अर्जुन पोख्रेलको शब्द संगीत रहेको छ । गीतमा उदयराज पौडेलको संयोजन रहेको छ । गीतको भिडियोमा प्रविन सिंहको कोरियोग्राफी रहेको छ । चलचित्र एन्ड्रिउ पौडेलको निर्माण तथा नितिन चन्दको निर्देशनमा बनेको थियो ।

रुपेश थापा, रामशरण उप्रेतीको छायाँकन, पारस विक्रम शाह र देव महर्जनको द्धन्द्ध, केशव थापा र प्रविन सिंहको नृत्य निर्देशन, महेश दवाडीको डाइलग, स्टोरी र स्क्रिप्ट छ । अजय मल्ल ठकुरी कार्यकारी निर्माता रहेको यो फिल्ममा सन्जु शाह सह-निर्माताको रुपमा रहेका छन् ।

चलचित्र ‘डोली’ को स्याड सङ सार्वजनिक (भिडियो)

सामाजीक प्रेमकथामा निर्माण गरिएको फिल्म ‘डोली’ मा समाबेश दुरी टाढा भएर पो बोलको गीत शनिबार सार्वजनीक गरिएको छ । राज सरगमको स्वर र शब्द रहेको गीतमा बाबुल गिरीको संगीत छ । गीतमा फिल्ममा सबै प्रमुख कलाकारको अभिनय समेटिएको छ ।

राजबहादुर सानेको लेखन र निर्देशनमा बनेको ‘डोली’ २८ मंसिरमा प्रदर्शन हुदैछ । रेड बर्ड प्रोडक्शनको ब्यानरमा किरण नेपालीको प्रस्तुति ‘डोली’ मा पृथ्वीराज प्रसाईं, किशोर खतिवडा, सानीया खान, संगीता नापीत,अर्जुन गुरुङ, नवीन रेग्मी, प्रशान्त भण्डारी, दामोदर खतिवडा, प्रिया रिजाल, हिउंवाला गौतम,सतिश खत्रीलगायतका कलाकारले अभिनय गरेका छन् ।

सिडी अधिकारी, बाबुल गिरी र पुरुषोत्तम न्यौपानेको संगीत रहेको फिल्म जयराम थापाले खिचेका हुन् । फिल्मका गीत श्रीकृष्ण परियारको कोरियोग्राफी र शंकर महर्जनको द्धन्द्ध निर्देशन छ । आरआर फिल्मस् र जिजिए ग्रुपले बितरण गर्ने डोलीले दर्शकलाई भरपुर मनोरञ्जनका साथै जीवनोपयोगी सन्देशसमेत दिने बिश्वास निर्माता किरणको छ ।

अनुपबिक्रम शाही र वर्षा शिवाकोटी ‘मङसिर १५’मा जाने तयारीमा (भिडियो)

चलचित्र ‘पुरानो बुलेट’ को गीत सार्वजनिक गरिएको छ । ‘मङसिर १५’ बोलको सार्वजनिक गीतमा उत्तम जंग लिम्बु र मेलिना राईको स्वर रहेको छ । राम भट्टराईको शब्द रहेको गीत उत्तम जंग लिम्बुको संगीत रहेको छ ।

मेलाको परिवेशमा छायांकन गरिएको गीतमा अनुपबिक्रम शाही र वर्षा शिवाकोटीले नृत्य प्रस्तुत गरेका छन् ।गीतको कोरियोग्राफी प्रशान्त तामाङको रहेको छ ।

चैत्र १ लाई प्रदर्शन मिति तय गरिएको चलचित्र ‘पुरानो बुलेट’ अनुप र वर्षासँगै माला लिम्बु, कृष्णभक्त खनाल, कविता आले, शिव मुखिया, भरत लिम्बु, शिरोमणी दवाडी, बादल श्रेष्ठ, करण धिताल लगायत कलाकारहरुको अभिनय रहेको छ ।

चलचित्रलाई भिषण राईले निर्देशन गरेका हुन् ।हरी घलेको छायांकन, अर्जुन जिसीको सम्पादन रहेको यस चलचित्रमा कथा तथा पटकथा निर्देशक भिषणसँगै सन्तोष राईले पनि तयार पारेका हुन् ।चलचित्रलाईअशोक कुमार राई, टिकाराम राई, बिरेन साम्बा, दिपेन लिम्बुले संयुक्त लगानीमा निर्माण गरेका हुन् ।