Tuesday , 18 June 2019
News update
Home >> Other songs and videos

Other songs and videos

पत्रकार गिरिजा अधिकारीको गीत ‘ए सरकार-२’ को भिडियो सार्वजनिक

देशमा व्याप्त अभाव, गरिबी र भ्रष्टचार माथि तीखो व्यङ्ग्य प्रहार गरिएको गीत ‘ए सरकार-२’ सार्वजनिक भएको छ। साहित्यकार एवम् पत्रकार गिरिजा अधिकारीको शब्द रहेको गीतमा विकास पाण्डेको संगीत तथा गायक देवेन्द्र कार्कीको आवाज रहेको छ।

सरकार र पहुचमा रहेका व्यक्तिहरुले आफन्त र सालासालीलाई राम्रो स्थानमा जागिर लगाएको भन्दै कटाक्ष प्रहार गरिएको छ। गीतले सरकार प्रतीको चरम वितृष्णा र खबरदारीलाई एकसाथ समेटिएको छ।

भिमफेदी गाइजको अभिनय रहेको भिडियोमा देशको विकृती र विसंगतीलाई कलात्मक शैलीमा देखाइएको छ। निकै आक्रमक शैलिको गीतलाई भिमफेदी गाइजका निर्मलले निर्देशन गरेका हुन्।पवन शुस्लिङको सिनेमेटोग्राफी रहेको गीतको भिडियोमा ऐतिहासिक मकवानपुर गढी दरबारलाई देखाइएको छ।

डा. डीआर उपाध्यायको गीतमा नेपाल आइडलकी अस्मिता अधिकारी र सागर अधिकारीको स्वर (भिडियो)

डा. डीआर उपाध्यायको नयाँ गीत ‘राखिदिए जिन्दगीको हरेक स्वास तिम्रै लागि…’ सार्वजनिक भएको छ । नेपाल आइडलकी अस्मिता अधिकारी र सागर अधिकारी ‘शरद’को स्वर, सागरकै सङ्गीत, चन्द्र चौधरीको मिक्सिङ र प्रकाश मिश्रको माष्टरिङ रहेको गीतको भिडियो सार्वजनिक भएको हो ।प्रहिल कार्कीले निर्देशन गरेको गीतको भिडियोमा अञ्जिता, कविता, प्रहिल र सन्दिपलाई फिचरिङ गरिएको छ । रोसिकले छायाँकन गरेको भिडियोलाई माधव बेल्वासेले सम्पादन गरेका हुन् ।

‘हिरो २०१९’बाट सम्मानित गीतकार डा. डीआर उपाध्यायले एकै साथ ७ गीति एल्बमका ३६ ओटा गीत एकै पटक सार्वजनिक गरेर मिराकल वल्र्ड रेकर्ड, इण्डिया स्टार वल्र्ड रेकर्ड, एक्सकुलुसिभ वल्र्ड रेकर्ड, जीनस वल्र्ड रेकर्ड र एभरेष्ट वल्र्ड रेकर्डको प्रमाण पत्र प्राप्त गरिसकेका छन् ।

त्यस्तै डा. डीआरलाई चार ओटा एभरेष्ट वल्र्ड रेकर्डका साथै ‘हिरो २०१९’बाट सम्मान गरिएको छ । उनले प्राप्त गरेका चार एभेरष्ट वल्र्ड रकेर्डमा राष्ट्र अनि राष्ट्रियतामा ३५ ओटा शब्द र रा रि रु समावेस भएको गीतमा, नेपाली ३७५ लोकबाजा समावेस भएको गीतको वल्र्ड रेकर्ड, एउटा गीति एल्बम जसमा विभिन्न ८ ताल समावेसको एल्वमको वल्र्ड रेकर्ड र एउटै गीतमा आठ विट समावेस गरी तयार परिएको गीतमा रहेका छन् ।

डी. आर उपाध्यायका ‘प्रणय’ ‘जखम’, ‘माउन्टेन मेलोडी’, ‘नसालु नजर’, ‘जोहो’, ‘अन्तराप’, ‘प्रतिनाद’, ‘सहेली’, ‘परिष्कृत’, ‘कृति’ र ‘पृथक’ जस्ता गीति एल्बम स्रोता÷दर्शकमाझ आएका छन् । त्यस्तै उनका ‘अतिरिक्त’, ‘भाग्यचक्र’, ‘स्वार्थी’, ‘त्यागी’, ‘बज्रघात’, ‘अपवित्र छायाँ’, ‘बिटुली’ ‘दगाबाज’ र ‘अधुरो प्रेम’ जस्ता उपन्यास पाठकमाझ आएका छन् ।

देवलको शब्दमा रवी र पुष्पाको ‘दिलको फ्रेम’

‘सर्माएर लजाएर’ तथा ‘डार्लीङ’ जस्ता सफल गीतका गीतकार देवल भण्डारीको शब्दमा तयार भएको नयां गीत ‘दिलको फ्रेममा’ सार्वजनिक भएको छ । अष्ट्रेलियाको मेल्बोर्न निवासी भण्डारीको शब्दमा तयार भएको गीत मंगलवार युटुववाट सार्वजनिक गरीएको हो ।

यस्तो छ भिडियो l

नेपाल आइडल सिजन २ का विजेता रवी ओड र गायिका पुष्पा पौडेलको आवाजमा रहेको गीतको संगीत दिपक शर्माले गरेका छन् । साहस शाक्यको संगीत संयोजन रहेकोे भिडियोको निर्देशन सञ्चारकर्मी तथा फिल्म निर्देशक शुभ्रतराज आर्चायले गरेका हुन् ।

गीतमा पछिल्लो समय आपू जोडीको उपनाम पाएका आंचल शर्मा र पुष्प खड्का फिचर्ड छन् । यी दुइसंगै रवि र पुष्पा पनि गीतमा छन् ।

नवराज उप्रेतीको छायांकन रहेको गीतलाई विकास ज्ञवालीले सम्पादन गरेका हुन् । गीतमा सुरेन बसेलको कोरियोग्राफी रहेको छ भने यसको कन्सेप्ट जया शर्माको रहेको छ ।

गायक कर्णराज गिरीको ‘मन्जुरी’मा आँचल शर्मा र अर्जुन जिसीको रोमान्स (भिडियो )

गायक कर्णराज गिरीको नयाँ गीत ‘मन्जुरी’ को भिडियो सार्वजनिक भएको छ । पछिल्लो समय गीत संगीतमा आफ्नो भिन्दै स्थान बनाउन सफल गायक गिरीको यस गीतमा संगीत पनि आफुले नै भरेका छन् ।गीतमा शब्द डिपी खनालको रहेको छ भने संगीत संयोजन कर्णराजले नै गरेका हुन् । गीतमा गिरीलाई फिमेल भोकलमा सुनितामी परियारले साथ दिएकी छिन् ।

गीतको भिडियोमा चर्चित नायिका आँचल शर्मा र अर्जुन जिसीको अभिनय रहेको छ । भिडियोमा आँचल र अर्जुनको अनस्क्रिन रोमान्स देखाइएको छ ।गीतलाई कोरियोग्राफर राजिव समरले निर्देशन गरेका हुन् ।अर्जुन तिवारीको छायाँकन रहेको यस भिडियोलाई सुप्रिम पराजुलीले सम्पादन गरेका हुन् ।

गायक गिरी ‘मन्जुरी’ ‘दर्शकको टेस्ट अनुसारकै गीत बनाउने कोसिस गरेको बताए ।उनको यस अघि ‘ह्याङ बनायौ’, ‘भाइरल भयो रे’, ‘फर्क परदेशी’, ‘देश रोइरहेको छ’, मेरी आमा’ जस्ता सफल गीत बजारमा आइसकेका छन् ।

गोविन्द खरालको गीत ‘परदेशीको पीडा’ को भिडियो सार्वजनिक

गुल्मी घर भएर विगत केही वर्षदेखि जापानलाई कर्मभूमि बनाउँदै आएका परदेशी युवा सर्जक गोविन्द खरालले आफ्नो पहिलो सांगीतिक कोसेली स्वरुप ‘परदेशीको पीडा’ सार्वजनिक गरेका छन् ।लोक लयमा आधारित गीतलाई खरालले युट्युब च्यालन मार्फत सार्वजनिक गरेका हुन् ।

बाध्यताले मुग्लान पस्नुपर्ने बाध्यता रहेका आम नेपालीहरुको पीडालाई गीत मार्फत पस्किने प्रयास गरेको खरालले बताए । घरको माया हुँदा–हुँदै समेत बाध्यताले विदेशीएका नेपाली दाजुभाइको पीडा, व्यथा तथा स्वदेशमा रहेका आफन्तलाई सम्झिदै बस्नुपर्ने अवस्था गीत मार्फत पोखिएको खरेलले बताए ।
घरपरिवार, इष्टमित्रहरुको सम्झनालाई गीत मार्फत जीवन्त दिँदै मार्मिक शब्दहरुको संयोजक गरेर गीतमार्फत प्रस्तुत गरिएको हो ।

परदेशीको पीडा गीतको छायांकन जापानका साथै नेपालको नवलपुर र गुल्मी जिल्लामा गरिएको खरालले बताए । गीतको छायांकन नेपालमा राजेश घिमिरे तथा जापानमा संगमप्रकाश कँडेलले गरेका खरालले बताए ।गोविन्द खरालको शब्द तथा लयमा आधारित परदेशीको पीडामा गायक सन्तु थापाको स्वर रहेको छ । कमल सौरागको संगीतमा निर्माण गरिएको गीतमा गोविन्द खराल तथा सारिका केसीको अभियन रहेको छ भने विष्णु शर्माले सम्पादन गरेका हुन् ।

नायिका सुरबिना कार्की र अभिनेता मुकुन भुषाल ‘लुकीछिपी किन मायामा’ (भिडियो )

चलचित्र ‘बुलबुल’का नायक मुकुन भुषाल उर्फ ‘चोपेन्द्र’ले अभिनय गरेको ‘लुकीछिपी किन मायामा’ बोलको गीतको भिडियो सार्वजनिक भएको छ । भिडियोमा मुकुनले नायिका तथा मोडल सुरबिना कार्कीसँगको अव्यक्त प्रेमलाई देख्न सकिन्छ ।

गणेश सेन्चुरीको शब्द, संगीत तथा स्वर रहेको गीत ‘लुकीछिपी किन मायामा’ बोलको गीतमा एकापसमा मनपराउनेको अव्यक्त प्रेम झल्किन्छ । भिडियो निर्देशक नविन चौहानले सामान्य प्रस्तुतिमा निकै राम्रो भिडियो बनाएका छन् । गाउँले परिवेशमा तयार पारिएको भिडियोले हिमाली जनजीवनलाई देखाएको छ ।

भिडियोमा मुकुन र सुरबिनासँगै मनिष तामाङ तथा अनु काफ्ले फिचर्ड छन् । भिडियोमा निशल पौडेलको छायांकन, भीम विश्वकर्माको सम्पादन छ ।गीतमा कोबिद बज्रको म्युजिक एरेन्ज, मिक्सिङ र मास्टरिङ छ भने सार्दुल श्रेष्ठको साउन्ड इन्जिनियरिङको काम गरेका छन् ।

शिव परियारको “एक चुम्बन ‘मा स्वस्तिमा खड्का र सुजन मार्पा तामाङ (भिडियो )

चर्चित गायक शिव परियारको नया गीत “एक चुम्बन ‘को भिडियो सार्वजनिक गरिएको छ। डान्सिङ फ्लेवरको सार्वजनिक गीत “एक चुम्बन ‘लाई गायक शिव परियारले नै संगीत दिएका हुन् भने श्वेता मैनालीको शब्द रहेको छ । बिजेस्वर राज तन्डुकारको संगीत संयोजन रहेको छ ।

गीतको म्युजिक भिडियोमा चर्चित नायिका स्वस्तिमा खड्का र सुजन मार्पा तामाङको अभिनय रहेको छ । इन्डियन रियालिटी सो डान्स प्लसमा आफ्नो अमुक डान्स प्रदर्शन गरेर भारतीय र नेपाली दर्शकहरु माझ अत्यन्त चर्चामा रहेका डान्स प्लसका उप-बिजेता सुजन मार्पा तामाङले कोरियोग्राफी तथा निर्देशन गरेको “एक चुम्बन ‘गीतलाई म्युजिक भिडियो पनि गीत जस्तै निकै रमाइलो र फरक तरिकाले निर्माण गरिएको छ ।

गीतलाई ज्ञानेन्द्र शर्मा हुमागाईंले छायांकन गरेका हुन् । नेपाली म्युजिक भिडियोको दुनियामा फुल क्रोमा सुटिंग गरिएको यस भिडियोलाई विकाश ज्ञवालीले थ्रीडी एनिमेसन सहित ग्राफिक्स गरेका हुन् ।यस गीतको म्युजिक भिडियोलाई बजारमा आइरहेको म्युजिक भिडियो भन्दा फरक तरिकाले निर्माण गरिएको छ । “एक चुम्बन ‘गीत श्वेता मैनालीको एकल शब्द तथा शिव परियारको एकल गायन र संगीत रहने शिव परियारको १२ औ सांगीतिक संग्रह ‘शिवालय भाग २’ मा समाबेश रहने छ ।गीतलाई शिव परियारको अफिसियल युट्युब मार्फत सार्वजनिक गरिएको छ ।

गायक तथा मोडल रोशन अधिकारी र नायिका प्रियंका कार्कीको रोमान्स (भिडियो)

चर्चित  अन्जु पन्त र रोशन अधिकारीको स्वरमा रहेको नयाँ गीत भिडियो सार्वजनिक  गरिएको छ । राजधानी काठमाडौँमा एक कार्यक्रमको आयोजना गर्दै भिडियो सार्वजनिक  गरिएको हो।

‘झ्यालको पर्दा’ अर्जुन पोखरेलको संगीत रहेको गीतमा लोकराज अधिकारीको शब्द रहेको छ । भिडियो सार्वजनिक  कार्यक्रममा गायक तथा मोडल रोशन अधिकारी,संगीतकार अर्जुन पोखरेल,रचनाकार लोकराज अधिकारी उपस्थित थिए । कार्य व्यस्तताले प्रियंका कार्की अनुपस्थित रहिन् ।गीतमा मोहित मुनालको संगीत संयोजन रहेको छ ।

शिब बिकले निर्देशन गरेको भिडियोलाइ रामेश्वर कार्कीले छायांकन तथा सुप्रिम पराजुलीले सम्पादन गरेका हुन् । प्रियंका कार्की र गायक स्वयम् अधिकारी फिचर्ड गीतको भिडियो उत्कृस्ट बनेको छ । रोशन अधिकारी १२ बर्ष देखि अमेरिका बस्दै आएका छन् । २०१५ मा हिमालयन सिङ्गिङ्ग आइडलको बिजेता बनेका उनि संगीतमा पहिले देखि नै रुचि राख्दथे । उनको पारिवारिक बाताबरण पनि सांगीतिक नै रहेको छ ।

अमित बरालको स्वरमा नयाँ गीत ‘यता मेरो रगतले’को भिडियो सार्वजनिक

नेपाल आइडल सिजन–२ का उत्कृष्ट ५ प्रतिस्पर्धी मध्येका एक भएको छ । सार्वजनिक गीतमा मोनी गौतमको शब्द रचना अनि एन के ब्रदरको संगीत संगै फणिन्द्र राईको संगीत संयोजन रहेको छ ।

वैदेशिक रोजगारको लागि गएका युवाले निर्दोष हुदाँ दुस्ख पाएको भावलाई प्रस्तुत गरिएको भिडियो प्रकाश धितालले निर्देशन गरेका छन् ।

भिडियोमा दिलिप रायमाझी, सम्पदा बानियाँ, समिप न्यौपाने अभिनय रहेको गीतलाई उत्सव दाहालले खिचेको हुन् । राम लुइटेलको निर्माणमा बनेको भिडियोलाई विकाश दाहालले सम्पादन गरेका छन् ।

गायक पशुपति शर्मा भन्छन :‘हजुर हाम्रै पाला, जसरी नि बनाउँने हो क्रिकेट रङ्गशाला’ (भिडियो)

चर्चित लोकदोहोरी गायक पशुपति शर्माको नयाँ गीत सार्वजनिक भएको छ ।लुट्न सके लुटको विवाद पछि पशुपतिले धुर्मुस सुन्तली फाउण्डेशनले निर्माण गरिरहेको ‘गौतम बुद्ध अन्तर्राष्ट्रिय क्रिकेट रङ्गशाला’ को बिषयलाई लिएर गीत बनाएका छन् ।

‘हजुर हाम्रै पाला, जसरी नि बनाउँने हो क्रिकेट रङ्गशाला’ बोलको गीतलाई पशुपति शर्मा र देवी घर्ति मगरले स्वर दिएका छन् ।पशुपति शर्माको शब्द संगीतमा तयार भएको उक्त गीतलाई दिवश हुमागाँई र नविन घर्ति मगरले सम्पादन गरेका हुन् भने शंकर बिसीले निर्देशन गरेका हुन् ।गीतको भिडियोलाई धुर्मुस सुन्तली अफिसियल युट्युव च्यानलबाट सार्वजनिक गरिएको छ ।