Saturday , 23 February 2019
News update
Home >> PhotoGallery

PhotoGallery

‘क्याप्टेन’ प्रचारप्रसार गर्न अनमोल र भुवन चितवनमा (फोटोफिचर)

 

फाल्गुन १७ गतेबाट प्रदर्शनमा आउन लागेको चलचित्र ‘क्याप्टेन’ प्रचारप्रसारको लागी चितवन आएको छ । अभिनेता तथा निर्माता भुवन केसीले चलचित्रले राष्ट्रिय फुटबल टिमको कथा बोकेकोले ‘क्याप्टेन’ राष्ट्रले गौरव गर्न लागेको चलचित्र रहेको वताए ।

चलचित्रको प्रचार प्रसारको लागि चितवन आईपुगेका केसीले आज ईन्द्रदेव सिनेमा हलमा आयोजित पत्रकार सम्मेलनमा चलचित्रले राष्ट्रिय भाव झल्काउने बताएका हुन् । यस्तै केसीले चलचित्र अन्य कुनै निर्माता अथवा ब्यानरले निर्माण गरेको भए लगानी ८ करोड हाराहारीमा पुग्ने उनले बताए ।

‘अन्य ब्यानर अथवा कुनै अरु निर्माताले निर्माण गरेको भए लगानी ८ करोड पुग्ने थियो तर हामीले २ करोड हाराहारी सम्पन्न गर्यौ । ३५ बर्षे करियरमा धेरै सँग राम्रो सम्बन्ध भएकोले सबैले सहयोग गर्नु भयो । यसर्थ फिल्म २ करोड आसपासमा सकियो – केसीले भने ।’

यस्तै केसीले चलचित्रको ‘कर्ली कर्ली कपाल’ लाई लागेको चोरीको आरोप बारे पनि मुख खोलेका छन् । पत्रकारहरुले चोरी आरोप बारे राखेको प्रश्नको जवाफ दिदै उनले संयोगबस एक बलिउड फिल्मको गीत सँग यसको कोरियोग्राफी मिल्न गएक बताएका छन् । ‘कहिले काही यसरी मेल खान सक्छ, संसारमा फिल्म बन्ने भनेको रोमान्स र एक्सनको कथामा हो, यसर्थ कहिले काही मेल खान सक्छ यसलाई चोरी नै भन्न मिल्दैन – उनले भने ।’

केसीले चलचित्रमा नेपाली राष्ट्रिय फुटबल टिमको खेलाडीहरुको समेत अभिनय रहेको बताए । यस्तै उनले निर्देशक दिवाकर भट्टराईले निर्देशकिय पाटोमा न्याय गरेको पनि बताए । राष्ट्रिय टिमबाट आफ्नो देशको प्रतिनिधित्व गर्दै खेल्न चाहने एक खेलाडीले के कस्तो संघर्ष गर्नु पर्छ भन्ने कथा नै ‘क्याप्टेन’ भएको निर्माता केसीले बताएका छन् ।

चलचित्रमा नायक अनमोल केसीले ‘क्याप्टेन’ का लागि आफुले निकै मेहनत गरेको बताएका छन् । उनले आफुलाई एउटा फुटबल खेलाडीको रुपमा प्रस्तुत गर्नका लागि ४ महिना बिहान बेलुका नै फुटबलको प्रशिक्षण लिएको बताएका छन् । अनमोलले चलचित्रका लागि राष्ट्रिय टोलीका पुर्व कप्तान, वर्तमान राष्ट्रिय टोलीका कप्तान, पुर्व खेलाडी , वर्तमान राष्ट्रिय टोलीका खेलाडी र प्रशिक्षकहरुबाट पनि ठुलो सहयोग मिलेको बताएका छन् ।

एउटा युवकले राष्ट्रिय टिमबाट खेल्दै देशलाई विश्व माझ चिनाउन के कस्तो संघर्ष गर्छ भन्ने कथा ‘क्याप्टेन’ ले बोकेको उनले बताएका छन् । अनमोलले यस अघीका चलचित्रलाई चितवनका दर्शकहरुले अत्याधिक रुचाएकोले यस पटक पनि चितवनबाट धेरै मायाको अपेक्षा रहेको बताएका छन् । ‘क्याप्टेन’ आफ्नो करियरको फरक फिल्म भएकोले एक पटक हेरेर प्रतिकृया दिन समेत उनले सम्पूर्ण दर्शकहरुलाई आग्रह गरेका छन् ।

फागूण १७ गतेबाट रिलिज हुन लागेको यो चलचित्रमा अनमोलको अलावा सुनिल थापा, उपासना सिंह ठकुरी, प्रियंका एमभी, प्रशान्त ताम्राकार, राजाराम पौडेल, विल्सन विक्रम राई मुख्य भूमिकामा छन् । द सुपर काजोल फिल्म्सको ब्यानरमा निर्माण भएको चलचित्रलाई दिवाकर भट्टराइको निर्देशन गरेका हुन् । फिल्ममा निर्देशक दिवाकर भट्टराईसँगै सामिप्यराज तिमल्सेनाको कथा, सुदीप बरालको डिओपी, नवराज उप्रेतीको छायांकन, अर्जुन पोखरेलको संगीत, दिर्घ राज खड्काको सम्पादन, कविराज गहतराजको कोरियोग्राफी रहेको छ । जिया केसु चलचित्रकी कार्यकारी निर्मात्री हुन् ।

अभिनेत्री बर्षा राउतले प्रेमी संजोग कोइरालासग गरिन इंगेजमेन्ट

यहि  फागुन २ गते भ्यालेनटाइनको दिन विवाहको तयारीमा रहेका प्रेम जोडी अभिनेत्री बर्षा राउत र संजोग कोइरालाले इंगेजमेन्ट गरेका छन् । सोमबार काठमाडौंको रोयल सिङ्गी होटलमा उनीहरुले इंगेजमेन्ट गरेका हुन् । इङ्गेजमेन्ट कार्यक्रममा दुवै परिवारका सदस्यहरु मात्रै उपस्थित थिए ।

पछिल्लो समय निकै व्यस्त नायिका बर्षा र संजोगले आफ्नो अफिसियल फेसबुकमार्फत इंगेजमेन्टको जानकारी दिएका हुन् । फागुन २ गते विवाहको तयारीमा रहेका उनीहरु अहिले विवाहको तयारीमा निकै व्यस्त छन् । तर विवाह कहाँ गर्ने भन्ने स्थान भने सार्वजनिक गरिसकेका छैनन् ।

७ वर्ष अगाडि एक फिल्मको अडिसनको क्रममा संजोग र वर्षाको पहिलो पटक भेट भएको थियो । पहिलो भेटबाटै उनीहरु एकअर्कासँग नजिक भए । उनीहरु ‘भ्यालेनटाइन डे’ को दिन बिहे गर्दैछन् ।अहिले उनीहरुलाई चलचित्रकर्मी तथा शुभचिन्तकहरुको बधाई तथा शुभकामनाको ओहिरो लागेको छ । ‘सन्सा’ जोडीको विवाह २०७५ को सबैभन्दा प्रतिक्षीत वेडिङ हो ।

लण्डनमा पूजा शर्मा र आकाश श्रेष्ठको ‘सम्हालिन्छ कहिले मन’को छायांकन सुरु

पूजा शर्मा र आकाश श्रेष्ठको मुख्य अभिनय रहने चलचित्र ‘सम्हालिन्छ कहिले मन’को छायांकन बेलायतको राजधानी लण्डनमा सुरु भएको छ । करिब ५० दिनको छायांकन सेड्यूलको साथमा यसका कलाकार र निर्माण टिम केही दिन अघि मात्र लण्डन पुगेको थियो । छायांकन अगाडि चलचित्रका कलाकार र टिमले क्यामेरा पूजा गरेका थिए ।

पूजा सकेर चलचित्रको छायांकन सुरु गरिएको हो । नायिका पूजा शर्मा र नव–नायक सोनम तोप्देनले पहिलो सर्ट दिएका छन् । चलचित्रमा आकाश श्रेष्ठ, सरोज खनाल, गौरी मल्ल, धिरेन शाक्य लगायतका कलाकारको पनि मुख्य भूमिका छ ।

निर्देशक थापाले लण्डन, स्कटल्याण्ड र वेल्समा चलचित्रको छायांकन हुने बताए । एबी इन्टरनेशलको ब्यानरमा निर्माण हुन लागेको चलचित्रको छायांकन बेलायतपछि नेपालको मुस्ताङमा हुनेछ ।

अमित बस्नेतको लगानी रहेको चलचित्रका कार्यकारी निर्माता अंकित गौतम र सनिष खकुरेल हुन् । चलचित्रमा परि राना र अजितकुमार थापाको सह–निर्माण छ ।

अर्जुन पोखरेल, सुगम पोखरेल र ताराप्रकाश लिम्बुको संगीत, सौरभ लामाको छायांकन, कविराज गहतराजको कोरियोग्राफी रहेको चलचित्रमा महेश दवाडीको कथा छ । त्रिकोणात्ममक प्रेमकथामा यो चलचित्र तयार हुनेछ ।

सलिनमानको चलचित्र ’यात्रा’को टाइटल गीत पहाडी तथा हिमाली भेगमा छायांकन

यस वर्षको अन्त्य अर्थात् चैत्र अन्तिममा फिल्म ’यात्रा’ रिलिज हुदैछ । जसमा राइजिङ स्टार सलिनमान बनियाको अभिनय रहेको छ । सलिन यसमा यात्रीको भूमिकामा छन् । यात्राको क्रममा आउने आरोह अवरोहलाई यसमा देखाइएको छ । डेब्यु फिल्म ’ए मेरो हजुर २’ मार्फत नै आफ्नो एक किसिमको फ्यान फ्लोअर्स बनाइसकेका सलिन यस फिल्म मार्फत निकै आश्वादी छन् ।

’मैले चाहेकै किसमको भूमिकालाई यसमा निर्वाह गरेको छु’ सलिन भन्छन् ’फिल्मले नेपालको आन्तरिक पर्यटनलाई प्रवद्धन त गर्छन नै दर्शकलाई पनि लोकेशनले आँखामा शितलता दिन्छ ।’ फिल्मको टाइटल गीत यात्रालाई नेपालको पहाडी तथा हिमाली भेगको विभिन्न मनोरम दृश्यमा छायांकन गरिएको छ । अर्को साता रिलिज हुने गीतको केहि तस्वीर निर्माण पक्षले सार्वजनिक गरेको छ । यस गीतमा शब्द र सगीत प्रतिक पौडेलको रहेको छ भने यसलाई धर्मेन्द्र सेवान , मेलिना राई , प्रेक्षा बज्राचार्य र उपकार पाण्डेले स्वर दिएका छन् ।

फिल्मलाई सम्राट शाक्यले निर्देशन गरेका छन् । ’फिल्मको कथावस्तु यात्रामा केन्द्रित छ तर यसले पूर्ण रुपमा मनोरंजन दिन्छ’ निर्देशक शाक्य भन्छन् ’फिल्ममा चाहिने सम्पूर्ण तत्व यात्रामा छ ।’फिल्ममा यात्राको क्रम आउने परिस्थिति , माया र मित्रतालाई देखाइने उनले बताए । यसमा सलिनसँगै , सलोन बस्नेत , जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , बिशाल पहाडी , प्रजोल भट्टराई , देशभक्तखनाल , कमल मैनाली , सौगात शर्मा लगायतको अभिनय रहनेछ ।

यसै फिल्म मार्फत मल्लिका महतले डेब्यु गर्दैछिन् भने यसमा विदेशी कलाकारहरु चाइनाका जुन झाङ र केन्याका बबीको पनि अभिनय रहनेछ । फिल्ममा बालकलाकारको रुपमा पछिल्लो समय युट्युबमा चर्चा रहेका अंकित संग्रौला र एन्जल राई रहेका छन् ।

कोटकी कालिका देवीफिल्म्स प्राइभेट लिमिटेड , क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण हुने फिल्ममा केशव भट्टराईसँगै चिज कुमार श्रेष्ठ पनि प्रस्तुतकर्ता रहेको फिल्ममा बिक्रम पराजुली , मुक्ति तिम्सिना र राम शरण घिमिरे सह( निर्माता रहेका छन् । फिल्मका निर्माता सुशील पोखरेल हुन् भने यसको कार्यकारी निर्माता सर्जुमान लिगल रहेका छन् । फिल्ममा कथापनि सम्राटकै रहेको छ भने यसलाई उनिसँगै सुरेश न्यौपाने , प्रतिकपौडेल र शिशिर खातीले मिलेर लेखेका हुन् ।

फिल्मलाई संजय लामाले खिच्नेछन् । फिल्ममा कविराज गहतराज र प्रविन सिंहको कोरियोग्राफी , हिमाल केसीको द्वन्द , बनिश शाहको सम्पादन रहेको छ । फिल्ममा वरिष्ठ संगीतकार शम्भुजित बास्कोटाकोसँगै प्रतिक पौडेल र कोविद बज्रको संगीत रहेको छ ।

अनमोल केसी ,भुवन केसी र निरुता सिंह ‘क्याप्टेन’को ‘कर्ली कर्ली’ गीतमा (फोटो फिचर)

युवा स्टार अनमोल केसी अभिनित यो बर्षको बहुप्रतिक्षित चलचित्र ‘क्याप्टेन’को गीतको छायांकन सोमबार ललितपुरको एक पार्टी प्यालेसमा गरिएको छ । ‘इशान’ लेखिएको ११ नम्बरको फुटबल ड्रेस लगाएर केही यूवा बलसँग खेल्दै थिए । त्यही विचमा उभिएका थिए, नायक अनमोल केसी उर्फ इशान खड्का । अनमोल केसीको मुख्य भूमिका रहेको चलचित्र ‘क्याप्टेन’मा समावेश एक गीतको छायांकनमा यस्तो माहोल देखिएको हो ।अनमोललाई फुटबलसँग खेलिरहेको देख्दा लाग्थ्यो, उनले हरि खड्काको प्रशिक्षणमा फुटबलसँग अभ्यस्त भएका छन् ।

‘कर्ली कर्ली’ बोलको गीतको छायांकनमा अनमोल केसी मात्र आकर्षणमा थिएनन् । यो गीतमा अनमोलका पिता तथा नायक भूवन केसीलाई पनि आफ्नै स्टाइलमा देख्न पाइनेछ । अनमोल र भूवनको साथमा नायिका निरुता सिंहको स्टाइलले दर्शकलाई मोहित बनाउनेछ ।

मेलिना राई र एसडी योगीको आवाजमा तयार भएको यो गीतमा एसडीकै शब्द तथा संगीत छ । गीतको भिडियोको कोरियोग्राफी रेनशा वान्तवा राइले गरेकी थिइन् । रेनशा भन्दै थिइन्–‘गीत निकै नै मिठो छ । दर्शकले केही नयाँ स्वाद पाउनुहुनेछ ।’

यता, छोरा अनमोल केसीसँग पर्दामा देखिन लागेको भूवन केसी कहिलेकाही छोरातिर हेर्दै भन्थे–‘मैले नाचेपछि अनमोल नर्भस देखिन थाल्यो ।’ भूवनले यसो भन्दा अनमोल मुुसुक्क हाँस्थे मात्र ।

भूवन केसी र अनमोल केसीको जिस्क्याइमा रमाइरहेकी नायिका निरुता सिंहलाई यो गीतमा नृत्य गर्दा बेग्लै आनन्द लागिरहेको थियो । माघ महिनाको जाडोमा रातभर छायांकन गर्दा पनि निरुता थाकेकी थिइनन् । उनी भन्दै थिइन्–‘यो गीत नेपाली चलचित्रका दर्शकका लागि एउटा बेग्लै स्वाद हुनेछ ।’

फागूण १७ गतेबाट रिलिज हुन लागेको यो चलचित्रमा अनमोल केसीको साथमा उपासना सिंह ठकुरी, प्रियंका एमभी, सुनिल थापा, प्रशान्त ताम्राकार, विल्सन विक्रम राई मुख्य भूमिकामा छन् ।

यो गीतको बिषयमा निर्माता समेत रहेका भूवनले भने–‘इशान नाम गरेको पात्रले खेल जितिसकेपछि सेलिव्रेशनको क्रममा यो गीत पर्दामा आउनेछ । दर्शकका लागि अनमोल, म र निरुताको जोडी वेग्लै स्वाद हुने विश्वास लिएको छु ।’

दिवाकर भट्टराइको निर्देशनमा तयार भएको चलचित्रमा सुदिप बरालको छायांकन छ । यो गीत केही दिनमै रिलिज गर्ने तयारी यसको निर्माणपक्षले गरेको छ । कलाकारको पहिरनको डिजाइन स्वर्णिम राइले गरेकी हुन् ।

नेपाली रजतपटमा राजिब जङ बस्नेतले यसरी गर्दैछन् डेब्यु (भिडियो )

शोभित बस्नेतको निर्देशन रहेको चलचित्र ‘बद्री बहादुर’को यति बेला छायांकन भै रहेको छ ।यसै चलचित्र बाट नेपाली रजतपटमा राजिब जङ बस्नेतले नायकको रुपमा डेब्यु गर्दैछन्।

राजिब जङ बस्नेत चलचित्र ‘बद्री बहादुर’ बाट रजतपटमा डेब्यु गर्न करिब छ महिना कडा मेहेनेत गरेका छन् ।चलचित्रमा आफ्नो भूमिकामा फिट हुन राजिबले कडा तयारी गरेका हुन् ।

तेक्वान्दोको ५ औं डन समेत रहेका राजिबले २०१४ मा कोरीयामा सम्पन्न तेक्वान्दोमा ४२ राष्ट्रलाई पछि पर्दै बिजेता बनेर ईन्टरनेशनल स्टार बनेको थिए । राजिबले ईन्टरनेशनल मास्टर टाईटल पनि पाएका थिए ।

सानै देखि चलचित्रमा अभिनय गर्ने रहर बोकेका राजिबले चलचित्रम क्षेत्रमा जम्नको लागि तयारीका साथ ‘बद्री बहादुर’ डेब्यु गर्न लागेका हुन् ।यति बेला उनले अभिनय गर्ने चलचित्रको छायांकन चलिरहदा निर्देशक शोभित बस्नेतले राजिब एकुता राम्रो कलाकार भन्ने पक्का भएको बताए ।

सञ्चारकर्मी रवि अधिकारीको लगानी ‘बद्री बहादुर’ ए बि पिक्चर्स फार्म र सलोन सलिना फिल्मको ब्यानर विजय गोपाल दलि प्रस्तुतकर्ता रहने चलचित्रमा मिथुन भोटे कार्यकारी निर्माता हुन् ।

कमेडी जनराको चलचित्र ‘बद्री बहादुर’मा छुल्ठिम गुरुङ ,जय किसन बस्नेत,धिरेन शाक्य, शोभित बस्नेत ,लय संगौला ,एलिना रायमाझी,उत्तम केसी,अन्जु केसी , वर्षा चौलागाईं , पुरन थापा, राम गौतम , मनोज केसी ,उजन नेम्बाङ र मंगल भोटेको अभिनय रहने छ ।यस चलचित्र बाट राजिब जङ बस्नेत सगै एलिना गुरुङ नेपाली रजतपटमा डेब्यु गर्दैछन्। चलचित्रमा नायिका पुजा शर्मा र सलोन बस्नेतको बिशेष भूमिका रहने छ ।
<iframe width=”854″ height=”480″ src=”https://www.youtube.com/embed/KnL5V1BTIjs” frameborder=”0″ allow=”
चलचित्रमा रामकाजी घिमिरेको लेखन रहेको छ भने शिब बिकको नृत्य निर्देशन रहनेछ । चलचित्रमा टंक बुढाथोकी र उजन नेम्वाङको संगीत रहने छ भने शंकर महर्जनको द्धन्द रहनेछ । ‘बद्री बहादुर’ मा बिनोद सापकोटाले छायांकन तथा समिर मिया सम्पादन रहने छ ।

चलचित्र ‘गीत गजल’को गीतको छायांकन गोवामा (फोटो फिचर)

चलचित्र ‘गीत गजल’को एक गीतको छायांकन यति बेला गोवामा धमाधम भैरहेको छ । निर्देशक नितिन चन्दले गोवाका रमणीय स्थानमा सिनेमाको गीत खिचिएको बताए । छायांकन भैरहेको गीतमा मुख्य कलाकार रुप पोखरेल र आरोही सिंहलाई फिचर्ड गरिदै छ । गीत गजल निर्देशक चन्दको दोस्रो निर्देशकीय सिनेमा हो ।

आरोहण प्रोडक्सनको ब्यानरमा निर्माण भएको सिनेमाको छायांकन भैरहेको गीतमा अहिलेका चर्चित संगीतकार अर्जुन पोखरेलको शब्द तथा संगीत रहेको गीतमा सुरेश लामा र अञ्जु पन्तको स्वर छ । छ कि छैन् थाहा बोलको गीतमा निर्देशक स्वंयमको कोरियोग्राफी रहेको छ ।

आरोहण क्षेत्रीले निर्माण गरेको सिनेमा गीत गजलमा रुप र आरोहीका अलवा रश्मी भट्ट, विशाल पहाडी, ओम प्रतीक, आज्ञा करनजीत, सान्तवना भट्टराई, भिमा मैनाली, नारायण पाण्डे, बालकलाकार योगीशा खत्री, सेजल खान लगायतका कलाकारको पनि अभिनय रहेको छ । निर्देशक नितिन चन्दले आफुले सिनेमाको गीतलाई उत्कृष्ट बनाउन कुनै कसुर बाँकी नछोडेको बताए । छायांकनरत गीतलाई सुरेश काफ्लेले छायांकन गरेका हुन् ।

सिनेमामा अस्मित पोखरेलको कथा, पटकथा तथा संवाद, बाबु श्रेष्ठको छायांकन, अर्जुन पोखरेलको संगीत, उत्तम बनेपाली र तेन्जीन भुटियाको ड्रेस डिजाइन, सुदीप कुँवरको मुख्य सहायक निर्देशन, अर्जुन जिसीको सम्पादन रहेको छ ।

चलचित्र ’यात्रा’को पोस्टरमा सलिन र मालिकाको प्रेम र मित्रता

चलचित्र ’यात्रा अ म्युजिकल भ्लग’ को पोष्टर सार्वजनिक गरिएको छ ।निर्माण पक्षले फिल्को तिन पोष्टर सार्वजनिक गरेको हो , जसमा राइजिङ् स्टार सलिन मान बानियाँ र मालिका महतको प्रेम र मित्रता साथै फिल्मका मुख्य कलाकारहरुको लुक्सलाई देखाइएको छ ।यात्राको क्रममा आउने घटनाक्रमलाई फिल्ममा प्रस्तुत गरिएको छ ।

चलचित्रमा सलोन बस्नेत , जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , बिशाल पहाडी , प्रजोल भट्टराई , देशभक्त खनाल , कमल मैनाली , सौगात शर्मा लगायतको अभिनय रहनेछ । यसमा विदेशी कलाकारहरु चाइनाका जुन झाङ र केन्याका बबीको पनि अभिनय रहनेछ । फिल्ममा बालकलाकारको रुपमा पछिल्लो समय युट्युबमा चर्चा रहेका अंकित संग्रौला र एन्जल राई रहेका छन् ।

सम्राट शाक्यको डेब्यु निर्देशन रहेको चलचित्र ’यात्रा’लाई केशव भट्टराई र सुशील पोखरेलले संयुक्त रुपमा निर्माण गरेका हुन् ।कोटकी कालिका देवीफिल्म्स प्राइभेट लिमिटेड , क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण भएको फिल्ममा केशव भट्टराईसँगै चिज कुमार श्रेष्ठ पनि प्रस्तुतकर्ता रहेको छन् भने बिक्रम पराजुली , मुक्ति तिम्सिना र राम शरण घिमिरे सह- निर्माता रहेका छन् । यस चलचित्रको कार्यकारी निर्माता सर्जुमान लिगल रहेका छन् ।

फिल्ममा कथा पनि सम्राटकै रहेको छ भने यसलाई उनिसँगै सुरेश न्यौपाने , प्रतिकपौडेल र शिशिर खातीले मिलेर लेखेका हुन् । चलचित्रलाई संजय लामाले छायांकन गरेका हुन् भने कविराज गहतराज र प्रविन सिंहको कोरियोग्राफी , हिमाल केसीको द्वन्द , बनिश शाहको सम्पादन रहेको छ । फिल्ममा वरिष्ठ संगीतकार शम्भुजित बास्कोटाकोसँगै प्रतिक पौडेल र कोविद बज्रको संगीत रहनेछ । चलचित्र चैत्र २९ गते बाट प्रदर्शनमा आउदैछ ।

‘१०० कडा १०’ करियरकै उत्कृष्ट चलचित्र :राजाराम पौडेल

माघ १८ गतेबाट प्रदर्शनमा आउने तयारीमा रहेको चलचित्र ‘१०० कडा १०’ ले आज चितवनमा आयोजना गरेको पत्रकार सम्मेलन गरेर चलचित्रको बारेमा जानकारी दिएको छ । ‘१०० कडा १०’ आफ्नो करियरकै उत्कृष्ट चलचित्र भएको कलाकार राजाराम पौडेलले बताएका छन् । उनले २०४९ देखी आफुले चलचित्र करियर सुरु गरेको तर ‘१०० कडा १०’ जस्तो फिल्म अहिले सम्म नगरेको बताएका हुन् । यस्तै उनले यही चलचित्रबाट आफु पहिलो पटक निर्माता बनेको समेत उनले बताएका छन् ।

प्रचार प्रसारको लागि दोस्रो पटक चितवनमा आयोजित पत्रकार सम्मेलनमा बोल्दै निर्मात्री रज्जु प्रधानले ‘१०० कडा १०’ भ्रष्टचार बिरुद्दको अभियानमा निर्माण भएको बताएकी छिन् । प्रधानले यो अभियानलाई महा अभियान बनाउने जिम्मा आम दर्शकहरुको भएको बताईन् । प्रधानले ‘१०० कडा १०’ करप्सन भर्सेज लभ अर्थात भ्रष्टचार र प्रेम बिचको युद्दको कथामा बनेको बताईन । ’ प्रधानले प्रचार प्रसारमा कुनै कमी हुन नदिन आफुहरु दोस्रो पटक चितवन आएको बताईन् । ‘अघिल्लो पटकको पत्रकार सम्मेलनमा खास्सै कलाकारहरु थिएनन्, मैले त्यही बेला अर्को पटक कलाकार लिएर पुन आउछु भन्ने बाचा गरेको थिए । त्यसैले यस पटक कलाकार लिएरै चितवन आयौं प्रधानले भनिन् ।

डेब्यु अभिनेत्री करुना श्रेष्ठले ‘१०० कडा १०’ युवाहरुले हेर्नै पर्ने चलचित्र बनेको बताईन् । यो एक सामाजिक कथा बस्तुमा बनेको चलचित्र भएको र यस्ता बिषयमा युवाहरुले चासो दिनु पर्ने भएकोले पनि बिशेष गरी युवाहरुले यो चलचित्र हेर्नै पर्ने करुनाको भनाई रहेको छ । डेब्यु फिल्म भए पनि राम्रो टिम सँग काम गर्न पाउदा आफुलाई सुटिङको क्रममा सजिलो भएको करुनाले बताईन् ।

चलचित्रका नायक उत्सव न्यौपानेले ‘१०० कडा १०’ ले युवाहरुलाई भ्रष्टचार बिरुद्द आवाज उठाउनु पर्छ भन्ने सकारात्मक सन्देश दिने बताए ।यस्तै उत्सवले डेब्यु फिल्ममा नै एउटा सामाजिक कथामा आधारित फिल्ममा काम गर्न पाएकोमा खुशी लागेको बताए । यो फिल्मले सबैमा सकारात्मक सन्देश दिने उत्सवको विश्वास रहेको छ । उनले पनि ‘१०० कडा १०’ बिशेष गरी युवाहरुले हेर्नै पर्ने चलचित्र बनेको बताएका छन् ।

दर्शन नेपाल कृयसनको प्रस्तुती रहेको चलचित्र ‘१०० कडा १०’ मा निर्मात्री प्रधानको कथा रहेको छ । चलचित्रमा मनोज गजुरेल, राजाराम पौडेल, रवि डंगोल, अमृत ढुंगाना, करुना श्रेष्ठ, उत्सव न्यौपाने, अमित पोख्रेल, सोनिया राई आदिको मुख्य अभिनय रहेको छ । चलचित्रको लागि सोनिया राई वर्माबाट नेपाल आएकी थिईन् । चलचित्रलाई प्रधान सँगै उत्तम खत्री, डि आर उपाध्याय र सन्जिव न्यौपानेले संयुक्त रुपमा निर्माण गरेका हुन् ।

राजाराम पौडेल कार्यकारी निर्माता रहेको चलचित्रको सह निर्माताहरुमा निरौला सँगै बालकृष्ण घिमिरे र साजन थापा रहेका छन् । चलचित्रलाई रमेश्वर कार्कीले छांयाकन गरेका हुन् भने बनिश शाहले सम्पादन गरेका हुन् । चलचित्रमा डि आर उपाध्याय, राम शरण पाठक र रवि मल्लको शब्द, कल्यान सिंहको संगीत, स्वप्न सुमन, त्रिशला गुरुङ, सन्देश पाठक र सागर संसार राईको आवाज तथा दिलिप ओखेडाको कोरियोग्राफी रहेको छ ।

चलचित्र “रणवीर” टोली चितवनमा

यही माघ १८ गतेबाट देशभरिका सिनेमा हलमा एकैसाथ प्रदर्शनमा आउन लागेको चलचित्र “रणवीर”को टोलीले चितवनमा पत्रकारहरुसंग भेटघाट गरेको छ ।आफ्नो चलचित्रको बारेमा जानकारी दिने उद्देश्यले “रणवीर”को टोली चितवन आईपुगेको हो ।

फिल्मका निर्माताद्वय गोमा बिष्ट थापा र दिपेन्द्र रेग्मी , कलाकारहरुमा नरेश पौडेल , सुशील सिटौला , सुबेक्षा खड्का र सुपुस्पा भट्टले सञ्चारकर्मीसँग साक्षात्कार गरेका हुन् । सुशीललाई नै रणवीर बनाउनुको कारण र सुबेक्षाले डेब्यु फिल्म रणवीरनै रोज्नुको कारण बारे स्थानीय सञ्चारकर्मीले जिज्ञाषा राखेका थिए ।

सुशील सिटौला फिल्मको लागि कडा मेहनत गरेको बताए । मैले तौल मात्र बढाईन , रणवीर बन्न कडा मेहनत समेत गरेको छु । फिल्ममा मैले एउटा युवाको भूमिका निर्वाह गरेको छु , जसले माया , मित्रता र परिवारसँगै राष्ट्रको लागि पनि केहि गर्छु । मैले अघिल्ला फिल्ममा गरेको काम भन्दा पनि यसको कामलाई हेरेर मलाइ मुल्यांकन गरिदिनु होला ।

सुबेक्षा खड्का यस फिल्मलाई डेब्यु रोज्नुको कारण कथावस्तु नै हो । यसमा मेरो रोल मात्र होइन , यो सब्जेक्ट नै राम्रो छ । पछिल्लो समय बनिरहेका फिल्मको तुलनामा यो टेक्निकली मात्र होइन कथा वस्तुको हिसाबले पनि राम्रो छ । मेरो क्यारेक्टर पछिल्लो समय आइरहेका फिल्मको तुलनामा फरक नहोला तर फिल्म नै एउटा राम्रो प्याकेज बनेको छ ।

सुपुस्पा भट्टले फिल्ममा आफ्नो क्यारेक्टरले केहि न केहि छाप पक्कै छाड्ने छ । फिल्ममा म अडिसन मार्फत छानिए । एउटा राम्रो टिम पाएपछि मैले मौकाको सदुपयोग गरेकी हु ।

साउथ इण्डियन फिल्म टिममा समेत काम गरिसकेका गोविन्द सिंह भण्डारीको लेखन तथा निर्देशनमा तयार भएको फिल्ममा टिका पहाडी , रवी गिरी , शैलेश्वरी सिंह , जगदीश रिजाल , बसन्ती भट्ट लगायतको पनि अभिनय रहेको छ । सन् २०१२ कि मिस इन्टरनेशनल सुबेक्षा खड्का पनि यसैफिल्मबाट डेब्यु गर्दै्छिन् ।

फिल्मलाई प्राची फिल्म्स र डिआर फिल्मको ब्यानरमा गोमा बिस्ट थापा र दिपेन्द्र रेग्मीले संयुक्त रुपमा निर्माण गरेका हुन् । फिल्ममा माया , मित्रता र बदलाको कथालाई प्रस्तुत गरिएको छ । यसमा कथा , पटकथा , संवाद तथा निर्देशन गोविन्द सिंह भण्डारीको रहेको छ । फिल्ममा महेश पौडेलको छायांकन, कृष्ण भण्डारीको सम्पादन, चन्द्र पन्तको द्वन्द, रामजी लामिछाने , गम्भीर विष्ट र सुरेन्द्र बसेलको कोरियोग्राफी छ ।