Friday , 19 April 2019
News update
Home >> Trailer

Trailer

 गौरव पहारी र अनु शाहको चलचित्र ‘पसिना’को ट्रेलर सार्वजनिक (भिडियो)

चलचित्र ‘पसिना’को ट्रेलर सार्वजनिक भएको छ । बुधबार राजधानीमा एक कार्यक्रमको आयोजना गर्दै ट्रेलर सार्वजनिक गरेको हो । ट्रेलरमा मजदुरको संघर्ष कथा प्रस्तसत गरेको अनुमान लगाउन सकिन्छ । केही दिन अगाडि नयाँ बर्षको अवसर पारेर फष्टलुक सार्वजनिक गरेको थियो ।

आर. बि खत्री ‘शरद’ निर्देशित चलचित्र ‘पसिना’मा  गौरव पहारी, अनु शाह,सरोज खनाल, सरोज अर्याल, रवि गिरी, धुर्ब कोइराला, शारदा गिरी, सुरजनी केसी लगायतका कलाकारको मुख्य भूमिका रहेको छ ।

चलचित्रमा राम केसीको छायांकन, राजनराज सिवाकोटी, दिपक शर्मा र थिरज राइको संगीत,नबिन निरौलाको सम्पादन,शिब बिक र राजीब समरको नृत्य र देव महर्जनको द्वन्द रहेको छ ।‘गरौ सत्कर्म, बगाउ पसिना’ भन्ने नारा बोकेको फिल्मले पसिना बगाएर मात्र नहुने भन्दै सत्कर्म गर्न पनि आवश्यक रहेको सन्देश चलचित्रले दिने निर्देशकले बताए ।

बैशाख २७ गते बाट प्रदर्शनमा आउने चलचित्रका कार्यकारी निर्माता संजय महतो रहेका छन् । आर.बी. खत्री ‘शरद’ को कथा रहेको ‘पसिना’ को निर्माता शान्ता ढकाल हुन् ।

‘कालो वर्ष’को ट्रेलर सार्वजनिक

बैशाख १३ गते प्रदर्शनमा आउन लागेको चलचित्र ‘कालो वर्ष’ को ट्रेलर सार्वजनिक भएको छ । निर्देशक लक्षु गौतमको निर्देशनमा तयार भएको ‘कालो वर्ष’ २०७२ साल बैशाख १२ गतेको विनाशकारी महाभूकम्पले क्षति पुर्‍याएको एउटा पिडित परिवारको कथामा आधारित छ ।

योगिराम फिलिम्स्को प्रस्तुति रहेको यस चलचित्रमा ओकेस पनेरु, अनुपा खड्का,पबन भट्टराई, सुरेन्द्र बुढा, रस्मी शाह, रविन भुजेलको रमुख्य भूमिका हेको छ । योगेन्द्र प्रसाद पनेरु र राम खड्का,श्याम खड्काकोको सयुक्त लगानीमा चलचित्र निर्माण भएको हो । चलचित्रमा सुवास देवकोटाको सम्पादन रहेको छ ।

वैशाख १५ बाट वेब सिरिज ‘डियर लभ’आउने

नेपालमा पछिल्लो समय वेब सिरिज निर्माणको प्रचलन निकै बढ्दो छ । दशक अगाडी सिरियल टेलिभिजनको लागि मात्र निर्माण गर्ने गरिन्थ्यो तर पछिल्लो समय भने आफुले भन्न खोजेको कथालाई वेबमै रिलिज गर्न सकिन्छ ।

यसै क्रममा आउँदो वैशाख १५ बाट प्रसारणको तयारीमा रहेको वेब सिरिज ‘डियर लभ’को नयाँ वर्षको अवसर पारेर बिहिबार एक कार्यक्रमका बिच ट्रेलर सार्वजनिक गरिएको छ । वेब सिरिज डियर लभको ट्रेलर रिलिज कार्यक्रममा प्रमुख अतिथीको रुपमा निर्माता तथमा कलाकार रमेश उप्रेती उपस्थीत भएका थिए । अभिनेता तथा निर्माता उप्रेती अहिले पहिलेको जस्तो कुनैपनि कलाकारले आफल्नो प्रतिभा देखाउन ठुलो पर्दाको सिनेमा अथावा टेलिभिजन सिरियलका अडिसन दिन नपर्ने भन्दै डियर लभका कलाकार तथा निर्माण टिमलाई सफलताको शुभकामना दिए ।

रुबुशा क्रियटिभ वर्कसको ब्यानरमा निर्माण भएको सिरिज रुबुशा च्यानल मार्फत प्रशारण हुनेछ । रविन बोगटीको पटकथा तथा संवाद लेखन रहेको सिरिजले युवा पुस्ताको माया, प्रेमप्रतिको महत्वलाई दर्शाईएको छ ।

विवेक रसाइलीको लेखन तथा निर्देशन रहेको सिरिजमा दिप्सन भट्टराई, करिना कक्षपति, रबिन बोगटी, रश्मि भट्ट, केदार श्रेष्ठ, किरण चन्द, कल्याण थापा, इशिका लिम्बु लगायतका कलाकारको अभिनय रहेको छ । ‘हामी सबै युवा त्यसैले पनि यो सिरिज खिच्न हामीलाई त्यती सहज थिएन’ यसका निर्माता रुक्माण लिम्बुले भने ‘हामीले कथाको भाव अनुसार प्रस्तुतीकरणमा कुनै पनि कन्जुस्याई गरेका छैनौ ।’ डियर लभमा रुपेश थापाको छायाँकन र राम प्रसाद चौधरीको सम्पादन रहेको छ ।

टाइगर श्राफको चलचित्र ‘स्टुडेन्ट अफ द इयर २’को ट्रेलर सार्वजनिक (भिडियो)

टाइगर श्राफ अभिनित बलिउडको यस बर्षको प्रतिक्षित मध्येको एक फिल्म ‘स्टुडेन्ट अफ द इयरको सिक्वेल फिल्मको ट्रेलर सार्वजनिक गरिएको छ । यस फिल्मबाट तारा सुतारिया र अनन्या पाण्डेले बलिउडमा डेभ्यु गर्दैछन् ।

तारा र अनन्यासहित टाइगर सराफको प्रमुख भूमिका रहेको यो फिल्म सन् २०१२ मा रिलिज भएको स्टुडेन्ट अफ द इयरको सिक्वेल हो । सो फिल्मबाट बलिउडमा डेभ्यु गरेका बरुण धवन, आलिया भट्ट र सिद्धार्थ मल्होत्रा अहिले बलिवुडका टप कलाकार बनेका छन् ।डेब्यु फिल्म हिरोपन्तीमा खिल्ली उडाईएका टाइगरले पहिलो फिल्म देखि नै सबै फिल्म हिट दिएका छन् । जसमा बागी उनको करियर माथि उकास्न महत्वपुर्ण भुमिका खेलेको फिल्म हो । बागी २ पछि टाइगरका कुनै फिल्म रिलिज भएनन् । यसबीचमा उनको अब रिलिज हुने तयारीमा रहेको फिल्म हो ‘स्टुडेन्ट अफ द इयर २’ ।

स्टुडेन्ट अफ द इयर-२ को ट्रेलर हेर्दा फिल्ममा टाइगर श्राफको एक्सन भरपुर रहेको सजिलै अनुमान गर्न सकिन्छ । फिल्ममा टाइगर अभिनेत्री तारासंग लिपलक गरेको दृश्य समेत देखाइएको छ । ट्रेलरले फिल्ममा टाइगर, तारा र अनन्याबीचको त्रिकोणीय प्रेम कहानीको संकेत गर्दछ । पुनित मलहोत्राले निर्देशन गरेको यो फिल्मलाई करण जोहरले निर्माण गरेका हुन् । यो फिल्म आगामी मे १० मा रिलिज हुदैछ ।

प्रतिक्षीत चलचित्र ‘दालभात तरकारी’को ट्रेलर सार्वजनिक (भिडियो)

महसञ्चारले निर्माण गरेको प्रतिक्षीत चलचित्र ‘दालभात तरकारी’ को ट्रेलर सार्वजनिक गरिएको  छ । ट्रेलरमा अमेरिका जानका लागि गरिएको दौडधुपलाई प्रस्तुत गरिएको छ । निरुता सिंह, हरिवंश आचार्यकी श्रीमती हुन्छिन् र उनी कुनै पनि हालतमा अमेरिका जाने पक्षमा हुन्छिन् ।

अमेरिका जान नेपालीहरु के सम्म गर्न सक्छन् भन्ने कुरा चलचित्रले देखाउन खोजेको छ । चलचित्रको ट्रेलरमा कलाकार हरिवंश आचार्य र अभिनेतृ निरुता सिंहलाई विशेषरुपमा प्रस्तुत गरिएको छ ।चलचित्रको यस अघि सार्वजनिक  गीतलाई दर्शकले रुचाएका छन् । चलचित्र प्रचार प्रसारका लागि ‘दालभात तरकारी’ युनिट देश दौडाहामा छ ।

चलचित्रलाई किरण केसीका छोरा सुदन केसीले निर्देशन गरेका हुन् ।चलचित्र ‘दाल भात तरकारी’मा मदनकृष्ण श्रेष्ठ, हरिवंश आचार्य, बसुन्धरा भुषाल, सन्तोष पन्त, शिवहरि पौडेल, निरुता सिंह, किरण केसी, राजाराम पौडेल, बर्षा राउत, पुष्प खड्का, आँचल शर्मा, शिशिर वाङ्देन, विल्सन विक्रम राई लगायतका कलाकारको मुख्य भूमिका रहेको छ ।चलचित्रको आइटम गीत प्रियंका कार्कीलाई देख्न सकिन्छ।

मित्र डि गुरुङको सम्पादन रहने फिल्मलाई दिर्घ गुरुङले खिच्नेछन् ।‘दाल भात तरकारी’ मा प्रमिला आचार्य, यमन श्रेष्ठ, नरेन्द्र कंशाकार, शिवहरी पौडेल, राजाराम पौडेल, दिर्घ गुरुङ, अनुराग कुँवर, विल्सन विक्रम राई, दीपेन्द्र खनियाँ र सुमित मैनाली निर्मातामा रहेका छन् ।शम्भुजित बाँस्कोटाको संगीत, कविराज गहतराज र प्रविण सिंहको कोरियोग्राफी रहेको छ ।चलचित्र बैशाख २० गते प्रदर्शनमा आउदैछ  ।

मासु भातको ट्रीजर: शृष्टीको नियन्त्रणमा सौगात

चलचित्र ‘मासु भात’को ट्रीजर सार्वजनिक भएको छ । ट्रीजरमा सौगात मल्ल एक कैदीको रुपमा देखिएका छन् भने शृष्टी श्रेष्ठ पुलिसको भूमिकामा छिन् । पर्दा पछाडीको प्रेम सम्बन्धले चर्चामा आएका जोडी सौगात मल्ल र शृष्टी श्रेष्ठ अभिनित चलचित्रको टीजरमा कथा वाचनको शैलीबाट सुरु गरिएको छ ।

साहित्यकार कुमार नगरकोटीले कविता वाचन गर्दै कथामा आउने मोडहरुलाई घाट, घर र मन्दिरको बिम्ब दिएका छन् । ट्रीजरमा सौगातले जेलबाट लेखेको पत्र बर्दीमा रहेकी शृष्टिले पढिरहेकी छिन् ।

नोबडी फिल्म्सले प्रस्तुत गरेको मासु भातलाई सन्जिब के न्यौपाने ले लेखन र निर्देशन गरेका छ्न् । सन्जिब सौगात र सिमा जोसीको निर्माणमा बनेको चलचित्रमा सौगात, शृष्टि, पुर्णिमा तामाङ, रेयार राइ, चार्ली बाबा लगायत कलाकारको अभिनय रहेको छ ।

अजय देवगण अभिनित ‘दे दे प्यार दे’को अफिसियल ट्रेलर सार्वजनिक (भिडियो)

बलिउड अभिनेता अजय देवगणको मुख्य भुमिका रहेको चलचित्र  ‘दे दे प्यार दे’को अफिसियल ट्रेलर सार्वजनिक गरिएको छ ।मे १७ बाट प्रदर्शनमा आउने ‘दे दे प्यार दे’मा अजय देवगणका सगै  तब्बु, रकुल प्रित सिंहको मुख्य भुमिका रहेको छ ।

लभ रञ्जन फिल्मस् र टि सिरिजको संयुक्त व्यानरमा निर्माण भएको सिोमालाई अकिभ बलीले निर्देशन गरेका हुन् । रोमकोम जनरामा निर्माण भएको चलचित्रको कथा लभ रञ्जनले लेखेका हुन् ।  श्रीमतीसँग डिभोर्स गरेर बसेका अधबैंसे पुरुष टिनएज केटीबिचको लभ, रोमान्सको कथालाई चलचित्रमा देखाउन खोजिएको छ । बलिउडका सफल निर्देशक लभ रञ्जन र गुलसज कुमार, कृष्ण कुमार, लगायतको टिमले चलचित्र निर्माण गरेका हुन् ।

अनमोल केसीको बहुप्रतिक्षीत चलचित्र ‘ए मेरो हजुर ३’को ट्रेलर युट्युब ट्रेन्डिङको शिर्ष स्थानमा (भिडियो)

युवा स्टार नायक  अनमोल केसीको बहुप्रतिक्षीत चलचित्र ‘ए मेरो हजुर ३’को  ट्रेलरले युट्युब ट्रेन्डिङको शिर्ष स्थान कब्जा गर्न सफल भएको छ । ट्रेलर सार्वजनिक भएको चार दिनपछि मात्रै ट्रेन्डिङ्गको शिर्ष स्थानमा उक्लीएको हो । यस अघि चलचित्रको सार्वजनिक सार्वजनिक गीत संगीत र ट्रेलरले दर्शकमाझ निकै राम्रो हाइप बनाएको छ ।

युट्युबको ट्रेन्डिङ वानमा रहेको यस ट्रेलरलाई यो समाचार तयार पर्दा सम्म ६४  हजार भन्दा बढी लाईक मिलेको छ भने २ हजार ३ सय डिसलाईक मिलेको छ ।करिब १५  लाख पटक हेरिएको यस गीतमा करिब ९ हजार ६ सय कमेन्ट आएको छ ।

‘जिन्दगी नै भन्दिनँ’ र ‘परान’ बोलको गीतका कारण निकै चर्चामा रहेको चलचित्र ‘ए मेरो हजुर ३’ बाट झरना थापाकी छोरी सुहानी थापाले डेब्यू गर्दैछिन् ।सांगीतिक प्रेमकथामा आधारित ‘ए मेरो हजुर ३’ अनमोल र सुहाना सगै सरोज खनाल ,सलोन बस्नते, अर्पण थापा, रबिन्द्र झा लगायतको अभिनय रहेको छ ।

चैत २९ गते रिलिज हुने ‘ए मेरो हजुर ३’ लाई झरना थापाले निर्देशन गरेकी हुन् ।यसअघि झरनाको निर्देशनमा बनेको चलचित्र ‘ए मेरो हजुर २’ सुपरहिट भएको थियो ।

यस चलचित्रलाई सुहाना इन्टरटेनमेन्टको प्रस्तुतीमा सुनिल कुमार थापाले निर्माण गरेका हुन् । चलचित्रमा निर्देशक थापा र सुमन पौडेलको कथा, कल्याण सिंह, कोशिश क्षेत्री, प्रतिक पौडेल र आशिश अविरलको संगीत  र सञ्जय लामाको छायांकन रहेको छ ।हिमाल केसीको द्वन्द्व निर्देशन तथा कविराज गहतराज, रामजी लामिछाने, प्रविन सिंह र राहुल शाहको कोरियोग्राफी रहेको ‘ए मेरो हजुर ३’ लाई दिर्घ खड्काले सम्पादन गरेका हुन्  ।

फ्राइडे रिलिजमा ‘शुभलभ’ र ‘साइँली’ को भिडन्त

फ्राइडे रिलिजअन्तर्गत यो शुक्रबार अर्थात् आज बाट नेपाली कथानक चलचित्र ‘शुभलभ’ र ‘साइँली’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र  ‘शुभलभ’ र ‘साईँली’  को बारे बिस्तृत जानकारी प्रकाशन गरेका छौ ।

‘शुभलभ’

फ्राइडे रिलिज अन्तर्गत आज बाट देशका प्रमुख सिनेमा घर बाट  चलचित्र ‘शुभलभ’ प्रदर्शनमा आएको छ। चलचित्र‘शुभलभ’लाई  सन्तोष बाबु लोहनीले निर्देशन गरेका हुन् ।बुद्ध इन्टरटेनमेन्टको व्यानरमा निर्माण भएको सिनेमाका प्रस्तुतकर्ता प्रदीप कुमार उदय हुन् ।चलचित्रमा धर्मराज शर्मा सुवेदीको लगानी रहेको छ ।

‘शुभलभ’मा हरिहर अधिकारी ,कृष्टिन पौडेल, सरोज खनाल, राजाराम पौडेल, राजा राजेन्द्र पोखरेल, रविन्द्र झा, प्रदीप बास्तोल, डाक्टर सुर्या थापा, अनुज पाण्डे लगायतका कलाकारको मुख्य भुमिका रहेको छ । भने निर्माता तथा हल सञ्चालक श्री प्रदीप कुमार उदय ‘शुभलभ’मा अतिथी कलाकारको रुपमा देखिनेछन् ।

चलचित्रमा  हरिहर अधिकारीको कथा, अभिमन्यु निरवीको पटकथा तथा संवाद, अर्जुन पोखरेलको संगीत, रामेश्वर कार्कीको छायाँकन, रोशन विक्रम भट्टराईको द्धन्द्व, बनिष शाह र भुपेन्द्र अधिकारीको सम्पादन रहेको छ ।

‘साइँली’

यस्तै फ्राइडे रिलिज अन्तर्गत आज बाट देशका प्रमुख सिनेमा घर बाट  चलचित्र ‘साइँली’ पनि प्रदर्शनमा आएको छ।रामबाबु गुरुङले चलचित्रको निर्देशन गरेका छन् । कथा पनि गुरुङ स्वयम्ले लेखेका छन् ।

जिएच इन्टरटेनमेन्टको व्यानरमाचलचित्रलाई गायक हेमन्त राना र गौरव पहारीले मिलेर निर्माण गरेका हुन् । चलचित्रमा  गौरव पहारी, मेनुका प्रधान, दयाहाङ राई, माओत्से गुरुङ, केनिपा सिंह, प्रकाश घिमिरे, अरुण कार्की, लगायतका कलाकारको पनि मुख्य भुमिका रहेको छ ।

विशाल गुरुङ र मोहन राना मगरको लगानी रहेको सिनेमामा बिजय अवाले, विकाश पुजास, सुवेच्छा केसी सह निर्माताको रुपमा रहेका छन् । भने सिनेमाका कार्यकारी निर्माता मणिराम पोखरेल हुन् । सिनेमामा काली प्रसाद बास्कोटा, सुशान्त गौतमको संगीत, शैलेन्द्र डि कार्कीको छायांकन, निमेष श्रेष्ठको सम्पादन रहेको छ ।

चलचित्र ‘शुभलभ’ युट्युबमा रिलिज नहुने

भोली शुक्रबारबाट प्रदर्शनको तयारीमा रहेको सिनेमा ‘शुभलभ’ सामाजिक सञ्जाल युट्युबमा रिलिज नहुने भएको छ । निर्देशक सन्तोष बाबु लोहनीका अनुसार पछिल्लो समय नेपाली सिनेमालाई युट्युबमा पर्खेर बस्ने दर्शकको संङख्या अत्याधिक रहेको छ । नेपाली सिनेमा ३/४ महिनामा युट्युबमा आइहाल्छ भन्दै हलसम्म सिनेमा हेर्न दर्शक नजाने गरेको तितो यर्थात बढ्दै गएकाले ‘शुभलभ’ इन्टरनेटमा रिलिज नगर्ने निर्णय गरेको निर्देशक लोहनीले बताए । साथी भाईसँग बसेर हलमा सिनेमा हेरे जस्तो मज्जा युट्युबमा आउँदैन् र पछिल्लो समय सामाजिक सञ्जाल युट्युबमा सिनेमाको ब्याग्राराउण्ड म्युजिक नै बिगारेर हालि दिने गरेकाले पनि ‘शुभलभ’लाई युट्युबमा रिलिज नगर्ने निर्णय गरिएको हो ।

यस्तै ‘शुभलभ’लाई मल्टिपेलेक्सदेखि सिंगल हलले राम्रो शो उपलब्ध गराएकाले पनि सिनेमालाई दर्शकको राम्रो साथ मिल्नेमा निर्माण टिम निकै आशावादी छ । सिनेमाको सार्वजनिक गीतसंगीत र ट्रेलरले दर्शकमाझ राम्रो हाइप बनाएको छ । योसँगै युवा ज्योतिष हरिहर अधिकारका कारण पनिले बक्सअफिसमा राम्रो व्यापार गर्ने अपेक्षा सिनेमाकर्मीको छ । बुद्ध इन्टरटेनमेन्टको व्यानरमा निर्माण भएको सिनेमाका प्रस्तुतकर्ता प्रदीप कुमार उदय हुन् ।

सिनेमालाई पुराना निर्माता तथा निर्देशक सन्तोष बाबु लोहनीले निर्देशन गरेका हुन् । सिनेमामा धर्मराज शर्मा सुवेदीको लगानी रहेको छ । ‘शुभलभ’मा हरिहर अधिकारी र कृष्टिन पौडेलको अलवा सरोज खनाल, राजाराम पौडेल, राजा राजेन्द्र पोखरेल, रविन्द्र झा, प्रदीप बास्तोल, डाक्टर सुर्या थापा, अनुज पाण्डे लगायतका कलाकारको मुख्य भुमिका रहेको छ । भने निर्माता तथा हल सञ्चालक श्री प्रदीप कुमार उदय ‘शुभलभ’मा अतिथी कलाकारको रुपमा देखिनेछन् ।