Thursday , 20 June 2019
News update
Home >> Trailer (page 2)

Trailer

चलचित्र ‘कप्स ‘को ट्रेलरमा अनुप बिक्रम शाहीको एक्शन (भिडियो)

अनुप बिक्रम शाही अभिनित चलचित्र ‘कप्स ‘को अफिसियल ट्रेलर सार्वजनिक गरिएको छ । एक्शन तथा लभस्टोरी कथा मिश्रितट्रेलरमा अनुप बिक्रम शाही, सन्दिपा लिम्बु, अमित गिरी, रामराज क्षेत्री, पुरन जोशी, नन्दु श्रीवास्तब, सुन्दर श्रेष्ठ, बब्लु विक्रम थापा, अनुपमा भण्डारी, रोशन सुवेदी लगायतका कलाकारको अभिनय रहेको छ ।

फिल्म आर्या मुभिज र सारा श्री मुभिजको संयुक्त व्यानरमा निर्माण भएको हो । यहि जेठ १७ गते देशव्यापी रुपमा प्रदर्शनमा आउन लागेको यस चलचित्रमा अभिनेता शाहीले डीएसपी अमन सिंहको भूमिका निर्वाह गरेका छन् । अनुप प्राय खल पात्रको भूमिकामा देखिँदै आएका थिए भने यस चलचित्रमा भने एक सच्चा प्रहरी अधिकृतको भूमिका निभाएका छन् ।

चलचित्रलाई सम्राट सापकोटाले निर्देशन गरेका हुन् भने सुसन प्रजापतिको छायाँकन, बिजय घिमिरेको संगीत, कविराज गहतराजको नृत्य , बिपिन मल्लको सम्पादन, साम्राट सापकोटाकै लेखन रहेको छ । चलचित्रलाई राम शाक्यले निर्माण गरेका हुन् । चलचित्रलाई बिके फिल्म्स र जय श्री पाथीभराले वितरण गरिने भएको छ |

‘जात्रै जात्रा’ ट्रेलर रिलिज

प्रदीप भट्टराई निर्देशित नयाँ फिल्म ‘जात्रै जात्रा’ को ट्रेलर सार्वजनिक भएको छ । अभिनेता दयाहाङ राई हराएको सुन खोज्दै देखिएका छन् । भने, विपिन कार्की, रबिन्द्र झा र रबिन्द्र सिंह बाँनिया सुन लुकाउन संघर्ष गरिरहेका छन् । ट्रेलरमा रबिन्द्रले बोलेका संवादहरु रमाइला छन् । निर्देशक भट्टराईले यसअघि ‘जात्रा’ र ‘शत्रु गते’ मार्फत् आफूलाई सफल निर्देशकको रुपमा चिनाएका छन् ।

चलचित्र करीब २ वर्ष अगाडि प्रदर्शनमा आएको ‘जात्रा’ को सिक्वेल हो । पहिलो भागमा भेटाएको पैसा लुकाउन पात्रहरुले गर्ने संघर्षको कथा थियो । ‘जात्रै जात्रा’ मा भेटाएको सुन लुकाउन र धनी बन्ने लोभमा फिल्मका प्रमुख पात्रहरु देखिएका छन् । यद्यपि, ट्रेलर इङ्गेजिङ छ ।


सार्वजनिक ट्रेलरमा अभिनेत्री वर्षा राउत, कलाकार राजाराम पौडेललाई पनि राम्रो ुस्क्रिन स्पेशु मिलेको छ । यो चलचित्रका कार्यकारी निर्माता रविन्द्र सिंह बनियाँ हुन् ।

चलचित्रमा यज्ञश्वर पौडेल र सिंगे लामाको लगानी छ । मित्र डि। गुरुङको सम्पादन रहेको चलचित्रलाई शिवराम श्रेष्ठले खिचेका हुन् । हिट चलचित्र ‘जात्रा’ को सिक्वेल भएका कारण यो फिल्मप्रति दर्शकमा निकै ठूलो अपेक्षा छ ।

चलचित्रमा शंकर महर्जन द्वन्द्व निर्देशन छ । निर्देशक भट्टराई आफैंको कथा रहेको फिल्ममा कालीप्रसाद बाँस्कोटा र कृष्ण भारद्वाजको संगीत छ ।

यस्तो बन्यो बहुप्रतिक्षित चलचित्र ‘बीर बिक्रम २’ को ट्रेलर (भिडियो)

जेष्ठ ३ गतेलाई प्रदर्शन मिती तय गरेको बर्षकै बहुप्रतिक्षित चलचित्र ‘बीर बिक्रम २’ को ट्रेलर सार्वजनिक भएको छ । राजधानीमा बिहीवार एक कार्यक्रमका बिच चलचित्रको ३ मिनेट ५ सेकेन्ड लामो ट्रेलर सार्वजनिक गरिएको हो । चलचित्रको ट्रेलरलाई दर्शकलाई हल सम्म तान्न सक्ने देखिन्छ ।

सार्वजनिक ट्रेलरमा चलचित्रको मुख्य कलाकारहरु पल शाह, नाजिर हुसेन, बर्षा सिवाकोटी, बुद्दी तामाङ फिचर्ड रहेका छन् । ट्रेलर माया प्रेम, मित्रता, द्वन्द र कमेडीले भरिपूर्ण रहेको छ । टेलरले चलचित्र कमर्सियल बनेको स्पष्ट पार्दछ । चलचित्रमा पल (बीर) र नाजिर (बिक्रम) को भूमिकामा रहेका छन् ।

पल र नाजिर मित्रताको भूमिकामा रहेका छन् ।चलचित्रमा बर्षालाई भिलेनको अवतारमा देखाईएको छ । बर्षा पल र नाजिरको मित्रतामा भिलेनको रुपमा रहेकी छिन् । अभिनेत्री बर्षा बादलको भूमिकामा रहेकी छिन् । बुद्दी तामाङलाई भिलेनको भूमिकामा रहेका छन् ।

चाम्स इन्टरटेन्मेन्ट र लन्डन सिने आई प्रोडक्सनको ब्यानरमा निर्माण भएको चलचित्रमा पल, नाजित, बर्षा र बुद्दीको अलावा देशभक्त खनाल, बिनिशा भण्डारी, बिनोद सुवेदी खत्री लयायतको पनि मुख्य अभिनय रहेको छ ।

मिलन चाम्सको निर्माण तथा निर्देशन रहेको चलचित्रमा अर्पर्ण थापा कार्यकारी निर्माताको रुपमा रहेका छन् । चलचित्रको कथा प्रदिप भारद्वाजले लेखेका हुन् । चलचित्रलाई नवराज उप्रेतीले खिचेका हुन् भने बनिश शाहले सम्पादन गरेका हुन् । चलचित्रको ‘पिरतीको मिठो तिर्सना’ र ‘बाचा’ बोलको गीतले चलचित्रलाई राम्रो हाइप प्राप्त भएको छ ।

सलमान खान अभिनित बहुप्रतिक्षित चलचित्र ‘भारत’ को ट्रेलर सार्वजनिक (भिडियो)

सलमान खान अभिनित बहुप्रतिक्षित बलिउड चलचित्र ‘भारत’ को ट्रेलर सार्वजनिक भएको छ ।जून ५ मा रिलिज हुने तयारीमा रहेको सलमान खान स्टारर फिल्म ‘भारत’ को ट्रेलर सोमबार सार्वजनिक भएको हो ।


सार्वजनिक ट्रेलरमा सलमानलाई बिभिन्न अलग अलग लुक्समा देखाईएको छ । ट्रेलरमा देश प्रेमको कथा देखाईएको छ । यस्तै एक्सन रोमान्स र कमेडीले पनि ट्रेलरमा स्पेस पाएको छ ।फिल्ममा सलमानले भारतको भूमिका निभएका छन् ।फिल्ममा भारतको जिन्दगीको ७१ वर्षको यात्रा देखाइएको छ ।

ट्रेलरको शुरुवातमा नै सलमान र दिशा पाटनीलाई देखाईएको छ । दिशालाई सर्कसमा देखाईएको छ भने सलमानमा सोही सर्कसमा मौत का कुवामा कला देखाईरहेको देखाईएको छ । ट्रेलरमा कटरीनालाई सलमानको प्रेमिकाको रुपमा देखाईएको छ भने दिशा ज्याकी श्राफ बुवा र सुनील ग्रोवरलाई साथीको भूमिकामा रहेका छन् ।

अली अब्बास जफरको निर्देशनमा बनेको यो फिल्म ट्रेलरको सुरुवात भारतका पहिला प्रधानमन्त्री जवाहरलाल नेहरूको संवादबाट भएको छ । ट्रेलरमा समावेश सम्बादहरु दमदार रहेका छन् । फिल्मको ट्रेलरलाई निकै मसालेदार बनाईएको छ ।

फिल्मको ट्रेलरले निकै राम्रो रेस्पोन्स पाईरहेको छ । फिल्मको ट्रेलर र सलमानको कामको शहरुख खानले खुलेर तारिफ गरेका छन् । यस्तै अन्य सेलिब्रेटीहरुले पनि ट्रेलर दमदार बनेको प्रतिकृया दिईरहेका छन् ।

 गौरव पहारी र अनु शाहको चलचित्र ‘पसिना’को ट्रेलर सार्वजनिक (भिडियो)

चलचित्र ‘पसिना’को ट्रेलर सार्वजनिक भएको छ । बुधबार राजधानीमा एक कार्यक्रमको आयोजना गर्दै ट्रेलर सार्वजनिक गरेको हो । ट्रेलरमा मजदुरको संघर्ष कथा प्रस्तसत गरेको अनुमान लगाउन सकिन्छ । केही दिन अगाडि नयाँ बर्षको अवसर पारेर फष्टलुक सार्वजनिक गरेको थियो ।

आर. बि खत्री ‘शरद’ निर्देशित चलचित्र ‘पसिना’मा  गौरव पहारी, अनु शाह,सरोज खनाल, सरोज अर्याल, रवि गिरी, धुर्ब कोइराला, शारदा गिरी, सुरजनी केसी लगायतका कलाकारको मुख्य भूमिका रहेको छ ।

चलचित्रमा राम केसीको छायांकन, राजनराज सिवाकोटी, दिपक शर्मा र थिरज राइको संगीत,नबिन निरौलाको सम्पादन,शिब बिक र राजीब समरको नृत्य र देव महर्जनको द्वन्द रहेको छ ।‘गरौ सत्कर्म, बगाउ पसिना’ भन्ने नारा बोकेको फिल्मले पसिना बगाएर मात्र नहुने भन्दै सत्कर्म गर्न पनि आवश्यक रहेको सन्देश चलचित्रले दिने निर्देशकले बताए ।

बैशाख २७ गते बाट प्रदर्शनमा आउने चलचित्रका कार्यकारी निर्माता संजय महतो रहेका छन् । आर.बी. खत्री ‘शरद’ को कथा रहेको ‘पसिना’ को निर्माता शान्ता ढकाल हुन् ।

‘कालो वर्ष’को ट्रेलर सार्वजनिक

बैशाख १३ गते प्रदर्शनमा आउन लागेको चलचित्र ‘कालो वर्ष’ को ट्रेलर सार्वजनिक भएको छ । निर्देशक लक्षु गौतमको निर्देशनमा तयार भएको ‘कालो वर्ष’ २०७२ साल बैशाख १२ गतेको विनाशकारी महाभूकम्पले क्षति पुर्‍याएको एउटा पिडित परिवारको कथामा आधारित छ ।

योगिराम फिलिम्स्को प्रस्तुति रहेको यस चलचित्रमा ओकेस पनेरु, अनुपा खड्का,पबन भट्टराई, सुरेन्द्र बुढा, रस्मी शाह, रविन भुजेलको रमुख्य भूमिका हेको छ । योगेन्द्र प्रसाद पनेरु र राम खड्का,श्याम खड्काकोको सयुक्त लगानीमा चलचित्र निर्माण भएको हो । चलचित्रमा सुवास देवकोटाको सम्पादन रहेको छ ।

वैशाख १५ बाट वेब सिरिज ‘डियर लभ’आउने

नेपालमा पछिल्लो समय वेब सिरिज निर्माणको प्रचलन निकै बढ्दो छ । दशक अगाडी सिरियल टेलिभिजनको लागि मात्र निर्माण गर्ने गरिन्थ्यो तर पछिल्लो समय भने आफुले भन्न खोजेको कथालाई वेबमै रिलिज गर्न सकिन्छ ।

यसै क्रममा आउँदो वैशाख १५ बाट प्रसारणको तयारीमा रहेको वेब सिरिज ‘डियर लभ’को नयाँ वर्षको अवसर पारेर बिहिबार एक कार्यक्रमका बिच ट्रेलर सार्वजनिक गरिएको छ । वेब सिरिज डियर लभको ट्रेलर रिलिज कार्यक्रममा प्रमुख अतिथीको रुपमा निर्माता तथमा कलाकार रमेश उप्रेती उपस्थीत भएका थिए । अभिनेता तथा निर्माता उप्रेती अहिले पहिलेको जस्तो कुनैपनि कलाकारले आफल्नो प्रतिभा देखाउन ठुलो पर्दाको सिनेमा अथावा टेलिभिजन सिरियलका अडिसन दिन नपर्ने भन्दै डियर लभका कलाकार तथा निर्माण टिमलाई सफलताको शुभकामना दिए ।

रुबुशा क्रियटिभ वर्कसको ब्यानरमा निर्माण भएको सिरिज रुबुशा च्यानल मार्फत प्रशारण हुनेछ । रविन बोगटीको पटकथा तथा संवाद लेखन रहेको सिरिजले युवा पुस्ताको माया, प्रेमप्रतिको महत्वलाई दर्शाईएको छ ।

विवेक रसाइलीको लेखन तथा निर्देशन रहेको सिरिजमा दिप्सन भट्टराई, करिना कक्षपति, रबिन बोगटी, रश्मि भट्ट, केदार श्रेष्ठ, किरण चन्द, कल्याण थापा, इशिका लिम्बु लगायतका कलाकारको अभिनय रहेको छ । ‘हामी सबै युवा त्यसैले पनि यो सिरिज खिच्न हामीलाई त्यती सहज थिएन’ यसका निर्माता रुक्माण लिम्बुले भने ‘हामीले कथाको भाव अनुसार प्रस्तुतीकरणमा कुनै पनि कन्जुस्याई गरेका छैनौ ।’ डियर लभमा रुपेश थापाको छायाँकन र राम प्रसाद चौधरीको सम्पादन रहेको छ ।

टाइगर श्राफको चलचित्र ‘स्टुडेन्ट अफ द इयर २’को ट्रेलर सार्वजनिक (भिडियो)

टाइगर श्राफ अभिनित बलिउडको यस बर्षको प्रतिक्षित मध्येको एक फिल्म ‘स्टुडेन्ट अफ द इयरको सिक्वेल फिल्मको ट्रेलर सार्वजनिक गरिएको छ । यस फिल्मबाट तारा सुतारिया र अनन्या पाण्डेले बलिउडमा डेभ्यु गर्दैछन् ।

तारा र अनन्यासहित टाइगर सराफको प्रमुख भूमिका रहेको यो फिल्म सन् २०१२ मा रिलिज भएको स्टुडेन्ट अफ द इयरको सिक्वेल हो । सो फिल्मबाट बलिउडमा डेभ्यु गरेका बरुण धवन, आलिया भट्ट र सिद्धार्थ मल्होत्रा अहिले बलिवुडका टप कलाकार बनेका छन् ।डेब्यु फिल्म हिरोपन्तीमा खिल्ली उडाईएका टाइगरले पहिलो फिल्म देखि नै सबै फिल्म हिट दिएका छन् । जसमा बागी उनको करियर माथि उकास्न महत्वपुर्ण भुमिका खेलेको फिल्म हो । बागी २ पछि टाइगरका कुनै फिल्म रिलिज भएनन् । यसबीचमा उनको अब रिलिज हुने तयारीमा रहेको फिल्म हो ‘स्टुडेन्ट अफ द इयर २’ ।

स्टुडेन्ट अफ द इयर-२ को ट्रेलर हेर्दा फिल्ममा टाइगर श्राफको एक्सन भरपुर रहेको सजिलै अनुमान गर्न सकिन्छ । फिल्ममा टाइगर अभिनेत्री तारासंग लिपलक गरेको दृश्य समेत देखाइएको छ । ट्रेलरले फिल्ममा टाइगर, तारा र अनन्याबीचको त्रिकोणीय प्रेम कहानीको संकेत गर्दछ । पुनित मलहोत्राले निर्देशन गरेको यो फिल्मलाई करण जोहरले निर्माण गरेका हुन् । यो फिल्म आगामी मे १० मा रिलिज हुदैछ ।

प्रतिक्षीत चलचित्र ‘दालभात तरकारी’को ट्रेलर सार्वजनिक (भिडियो)

महसञ्चारले निर्माण गरेको प्रतिक्षीत चलचित्र ‘दालभात तरकारी’ को ट्रेलर सार्वजनिक गरिएको  छ । ट्रेलरमा अमेरिका जानका लागि गरिएको दौडधुपलाई प्रस्तुत गरिएको छ । निरुता सिंह, हरिवंश आचार्यकी श्रीमती हुन्छिन् र उनी कुनै पनि हालतमा अमेरिका जाने पक्षमा हुन्छिन् ।

अमेरिका जान नेपालीहरु के सम्म गर्न सक्छन् भन्ने कुरा चलचित्रले देखाउन खोजेको छ । चलचित्रको ट्रेलरमा कलाकार हरिवंश आचार्य र अभिनेतृ निरुता सिंहलाई विशेषरुपमा प्रस्तुत गरिएको छ ।चलचित्रको यस अघि सार्वजनिक  गीतलाई दर्शकले रुचाएका छन् । चलचित्र प्रचार प्रसारका लागि ‘दालभात तरकारी’ युनिट देश दौडाहामा छ ।

चलचित्रलाई किरण केसीका छोरा सुदन केसीले निर्देशन गरेका हुन् ।चलचित्र ‘दाल भात तरकारी’मा मदनकृष्ण श्रेष्ठ, हरिवंश आचार्य, बसुन्धरा भुषाल, सन्तोष पन्त, शिवहरि पौडेल, निरुता सिंह, किरण केसी, राजाराम पौडेल, बर्षा राउत, पुष्प खड्का, आँचल शर्मा, शिशिर वाङ्देन, विल्सन विक्रम राई लगायतका कलाकारको मुख्य भूमिका रहेको छ ।चलचित्रको आइटम गीत प्रियंका कार्कीलाई देख्न सकिन्छ।

मित्र डि गुरुङको सम्पादन रहने फिल्मलाई दिर्घ गुरुङले खिच्नेछन् ।‘दाल भात तरकारी’ मा प्रमिला आचार्य, यमन श्रेष्ठ, नरेन्द्र कंशाकार, शिवहरी पौडेल, राजाराम पौडेल, दिर्घ गुरुङ, अनुराग कुँवर, विल्सन विक्रम राई, दीपेन्द्र खनियाँ र सुमित मैनाली निर्मातामा रहेका छन् ।शम्भुजित बाँस्कोटाको संगीत, कविराज गहतराज र प्रविण सिंहको कोरियोग्राफी रहेको छ ।चलचित्र बैशाख २० गते प्रदर्शनमा आउदैछ  ।

मासु भातको ट्रीजर: शृष्टीको नियन्त्रणमा सौगात

चलचित्र ‘मासु भात’को ट्रीजर सार्वजनिक भएको छ । ट्रीजरमा सौगात मल्ल एक कैदीको रुपमा देखिएका छन् भने शृष्टी श्रेष्ठ पुलिसको भूमिकामा छिन् । पर्दा पछाडीको प्रेम सम्बन्धले चर्चामा आएका जोडी सौगात मल्ल र शृष्टी श्रेष्ठ अभिनित चलचित्रको टीजरमा कथा वाचनको शैलीबाट सुरु गरिएको छ ।

साहित्यकार कुमार नगरकोटीले कविता वाचन गर्दै कथामा आउने मोडहरुलाई घाट, घर र मन्दिरको बिम्ब दिएका छन् । ट्रीजरमा सौगातले जेलबाट लेखेको पत्र बर्दीमा रहेकी शृष्टिले पढिरहेकी छिन् ।

नोबडी फिल्म्सले प्रस्तुत गरेको मासु भातलाई सन्जिब के न्यौपाने ले लेखन र निर्देशन गरेका छ्न् । सन्जिब सौगात र सिमा जोसीको निर्माणमा बनेको चलचित्रमा सौगात, शृष्टि, पुर्णिमा तामाङ, रेयार राइ, चार्ली बाबा लगायत कलाकारको अभिनय रहेको छ ।