Wednesday , 19 June 2019
News update
Home >> Trailer (page 20)

Trailer

‘गाँजा बाजा’को ट्रेलरमा छाडा शब्द (भिडियो )

लामो समय सम्म नाममै विवादमा रहेको चलचित्र ‘गाँजा बाजा’को ट्रेलर सार्वजनिक गरिएको छ । कुलतमा फसेका युवा पुस्ताको कथामा निर्माण गरिएको ट्रेलरमा छाडा शब्दहरु समेत प्रयोग गरिएको छ ।

चलचित्रमा ‘गाँजा बाजा’ गणेशदेव पाण्डेको लेखन तथा निर्देशनरहेको छ ।चलचित्रमा अनुपम शर्मा, सुशील सिटौला, रविन थापा, उद्दव भट्टराई, अम्बर सुवेदी, वर्षा सिवाकोटी, रक्षा श्रेष्ठ, जीवन भट्टराई, गोपाल अर्याल, कुविर सुब्बा लगायतका कलाकारहरुको मुख्य भूमिका रहेको छ ।

डीआर फिल्मस् र टुका इन्टरटेनमेन्टले संयूक्त निर्मण रहेको ‘गाँजा बाजा’मा दिपेन्द्र रेग्मी र गोमा विष्ट थापा निरमटका रुपमा रहेका छन् ।याकोपो रास्लिकको छायांकन, लोकेश बज्राचार्यको सम्पादन रहेको चलचित्र फागुन २५ गतेदेखि प्रदर्शनमा आउँदैछ ।

चलचित्रलाई ‘गाँजा बाजा’ नामकै कारणले चलचित्र विकास वोर्डले प्रदर्शनमा रोक लगाएको थियो । केहि समय अघि नाम रोक्का फुक्का भएपछि फिल्म प्रदर्शन गर्न लागिएको हो ।चलचित्रको केहि समय अघि गीत समेत रिलिज गरि सकिएको छ ।

अनमोल केसीको बहुप्रतिक्षित चलचित्र ‘कृ’आज बाट देशभरिका हलहरुमा प्रदर्शन

फ्राइडे रिलिजअन्तर्गत यो शुक्रबार बहुप्रतिक्षित नेपाली कथानक चलचित्र ‘कृ’रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।आज बाट नेपाली बक्स अफिसमा प्रदर्शनमा आएको चलचित्र ‘कृ’बारे बिस्तृत जानकारी प्रकाशन गरेका छौ ।

‘कृ’

फ्राइडे रिलिज अन्तर्गत आज बाट देशका सबै जसो सिनेमा घर बाट चलचित्र ‘कृ’ प्रदर्शनमा आएको छ।चलचित्रलाई निर्देशन सुरेन्द्र पौडेलले गरेका हुन् ।प्रतिक्षीत बनेको ‘कृ’ मा अनमोल केसीको रोमान्टिक र एक्सन अवतार देख्न पाइनेछ । सुवास इन्टरटेन्मेन्ट प्रालिको ब्यानरमा निर्माण भएको ‘कृ’ लाई द सुपर काजोल फिल्मस्ले प्रस्तुत गरेको हो ।

अनमोलसँगै चलचित्रमा अदिती बुढाथोकी,सरोज खनाल, रुपा राना, अनुपविक्रम शाही, कामेश्वर चौरासिया लगायतका कलाकारको मुख्य भूमिका छ । सुवास गिरी र भूवन केसीले यो चलचित्रको निर्माण गरेका हुन् ।कमल गिरी कार्यकारी निर्माता रहेको चलचित्रका सह–निर्माता श्री पराजुली हुन् ।

चलचित्र ‘मंगलम’ को ट्रेलर सार्वजनिक,शिल्पा पोखरेल निकै दमदार भूमिकामा (भिडियो)

चलचित्र ‘मंगलम’ को ट्रेलर सार्वजनिक भएको छ ।चलचित्रको यस अघि सार्वजनिक गीत ‘पर्ख पर्ख मायालु’ र ‘बम्पर उपहार’ दर्शक तथा स्रोताले निकै मन पराएका छन् ।

चलचित्रको सार्वजनिक ट्रेलरमा नायिका शिल्पा पोखरेललाई निकै दमदार भूमिकामा देखन सकिन्छ। चलचित्रको ट्रेलरमा बिशेष गरेर पुष्प खड्का र पृथ्वीराज प्रसाइँको शिल्पा सागको प्रेम देखाउना खोजिएको छ। रोदन, एक्सन, प्रेम समाबेश गरिएको कलरफूल ट्रेलरमा अहिलेको निकै चर्चामा रहेकी नायिका साम्राज्ञी राज्यलक्ष्मी शाहलाई पनि देख्न सकिन्छ ।

यसै चलचित्रमार्फत नायिका शिल्पा पोखरेल निर्मात्रीको रुपमा समेत देखा पर्दैछिन् ।चलचित्रलाई विष्णु घिमिरेले छायाँकन दिपक शर्माले संगित, कविराज गहतराजले नृत्व निर्देशन र मित्रदेव गुरुङले सम्पादन गरेका हुन् । गोविन्द फुँयालको कथा रहेको मंगलमम्मा दिजेन्द्र शाक्या, साकार ओझा, र ओम गुरुङको समेत लगानी रहेको छ ।चलचित्रका कार्यकारी निर्माता छविराज ओझा हुन् ।

चलचित्र ‘मंगलम’ लाई नवल नेपालले निर्देशन गरेका हुन् । चलचित्रमा शिल्पा पोख्रेल, पृथ्वीराज प्रसाइ, पुष्पल खड्का , साम्राज्ञी राज्यलक्ष्मी शाह, मिथिला शर्मा, नीर शाहको मुख्य भूमिका रहेको छ । चलचित्र फागुन २५ गतेबाट प्रदर्शनमा आउँदैछ ।

चलचित्र ‘हुर्रे’ को कमेडी ट्रेलर सार्वजनिक (भिडियो)

चलचित्र ‘हुर्रे’ को ट्रेलर सार्वजनिक गरिएको छ । सार्वजनिक ट्रेलरमा दमदार कमेडीको साथै माया, प्रेम, धोका देखन सकिन्छ । फागुन २५ देखि प्रदर्शनमा आउन लागेको ‘हुर्रे’ मा याम थापाको लेखन तथा निर्देशन रहेको छ ।

यस अघि सार्वजनिक चलचित्रको ‘ठेकीमा दहि’ बोलको गीतलाई दर्शकले रुचाएका छन् ।द याक्का इन्टरटेन्मेन्टको प्रस्तुतीमा निर्माण हुने ‘हुर्रे’मा पशुपति परिसर भित्र हुने बिषय बस्तुमा आधारित रहेर निर्माण गरिने छ ।

चलचित्रमा अनुप विक्रम शाही, केकी अधिकारी, राजाराम पौडेल, प्रकाश घिमिरे, विजय बराल, अंकित खड्का, संगीता नापित, उपदेश तिमिल्सिना लगायतका कलाकारको मुख्य भूमिका रहनेछ ।दावा शेर्पा ‘शेट्टी’ को प्रस्तुतिमा तयार भएको फिल्म ‘हुर्रे’ मा सोनाम लामा ‘ब्लोन’ र छिरिङ्ग दोर्जे लामाको लगानी रहेको फिल्ममा सह निर्माताको रुपमा अरुण सेदाई रहेका छन् ।

चलचित्रमा शिव ढकालको छायांकन, कालिप्रसाद बास्कोटा र राजनराज सिवाकोटीको संगीत, राजेन्द्र थापा र कालिप्रसाद बास्कोटाको शब्द, मिलन अमात्य, राजनराज र कालिप्रसादको स्वर रहनेछ । विक्रम स्वार र रोशन भट्टराइको नृत्य निर्देशन, चन्दन दत्तको सम्पादन चलचित्रमा रहेको छ ।

वास्तविक जीवनी माथि निर्मण गरिएको ‘ब्लाइन्ड रक्स’को ट्रेलर सार्वजनिक (भिडियो)

चलचित्र ‘ब्लाइन्ड रक्स’ को ट्रेलर सार्वजनिक गरिएको छ ।दृष्टिविहिन सृष्टि केसीको वास्तविक जीवनी माथि निर्माण गरिएको ‘ब्लाइन्ड रक्स’मा वेनिशा हमाल मुख्य भूमिकामा देखा परेकी छिन् ।

मंगलबार राजधानीमा एक कार्यक्रमको बिच चलचित्रको ट्रेलर सार्वजनिक गरिएको हो ।कार्यक्रममा बोल्दै नायिका बेनिशाले आफ्नो लागि ‘ब्लाइन्ड रक्स’ मा सृष्टिको भूमिका न्यायपूर्वक निर्वाहा गर्नु चुनौतीपूर्ण रहेको बताइन् । निर्देशक मिलन चाम्सले ‘ब्लाइन्ड रक्स’ मा बेनिशाको अभिनय हेरेपछि सबैले तारिफ गर्ने बताए । उनले भने, ‘सायद हाम्रो टिम भाग्यमानी हो । बेनिशा जस्तो अभिनेत्री फिल्मले पायो ।’

चलचित्र ‘ब्लाइन्ड रक्स’फागुन १८गते बाट प्रदर्शनमा आउने भएको छ । निकेश लिम्बुले निर्माण गरेको यस चलचित्रलाई एन फिल्मस क्रिएसन र चाम्स इन्टरटेनमेन्टको ब्यानरमा सिनेमा निर्माण भएको हो ।

मिलन चाम्सले निर्देशन रहेको यस चलचित्रमा वेनिशासँगै अभिनेता अर्पण थापा, वरिष्ठ अभिनेत्री गौरी मल्ल, बैकंर अनिल केशरी शाह, कलाकार बसन्त भट्टको अभिनय रहेको छ । नवराज कृष्ण थापाको छायांकन, अर्जुन जिसीको सम्पादन रहेको फिल्मको कथा यम थापा र सुमन उप्रेतीले तयार पारेका हुन् ।

यो पंचायतले पनि हेरोस् मेरो मृत्युको तमासा..भिडियो

‘आईमाईको ज्याना कुनी के जाती हुन्छ रे है, त्यो अर्नलाई ठिटाहरु जे नी अर्न तयार हुन्छन् रे क्या

नारायण ढुंगाना, काठमाडौ माघ । ‘आखिर पंचायत भित्र्याउनु भो हैन’, वरिष्ठ कलाकार निर शाहले काठमाडौको राईजिङ मल प्रवेश गर्दा आईतबार पञ्चायत टिमको स्वागतमा रोमान्टिक मोडमा भने ।

भित्र पत्रकारहरु टम्म भरिएका थिए । नयाँ पुराना पुस्ताका कलाकारको आउजाउ थियो । फिल्महलबाट दर्शक निस्किए झैं मानिसको उपस्थिती बाक्लो थियो । क्यूएस हलको अगाडी डाईनिङका कुसी भरिएका थिए । समुहसमुहमा छलफल चल्दै थियो ।

जेका लागि आएका थिए कलाकारहरु त्यो केही क्षणमै पर्दाफास हुँदै थियो । निर शाह, नरेन्द्र महर्जन, प्रदिप उदय, गोपाल कायस्थ, सरिता लामिछाने ऋषि लामिछाने, सरोज खनाल लगायत आउने क्रम चल्दै थियो । अन्य चलचित्रका कार्यक्रममा भन्दा बाक्लै पत्रकारहरु सहभागि थिए ।
एकैछिनमा आधुनिक पोषाकमा नायिका निता ढुंगाना भित्रिईन् । फोटो सेल्फीको क्रम चल्यो ।

प्रतिक्षाको घडी समाप्त हुँदै थियो चलचित्र पंचायतको ट्रेलर सार्वजनिक गर्ने । वरिष्ठ कलाकार शाहले हल रोमाञ्चक पार्दै तुलसी गिरीले ल्याएको पंचायत होला भन्ने लागेकाले फिल्म नआईदिए हुन्थ्यो भन्ने लागेको बताएपछि हल गलल हाँसोले गुञ्जियो । निर्देशक सोभित बस्नेतको कमेडी उद्घोषणले हलको घण्टौंको ममय कटेको कसैलाई पत्तै भएन ।
‘।।
‘श्री ५ महाराजधिराज विरेन्द्र विरविक्रम शाहदेश सरकारको शुभराज्यभिषेक भएको छ ।’ दिबंगत प्रविण गिरीको स्वरमा रेडियो नेपालबाट समाचार बजेपछि २०३३ सालताकाको राज्य व्यवस्थामा सबैको मन फर्कन पुग्छ ।

हल चकमन्न हुन्छ । मौलिक पोषाक र भाषाशैली तथा ग्रामिण परिभेषमा पंचायत ट्रेलरमा देखिन्छ । त्यसैले पनि फिल्म पुरानो संस्कार चालचलन भन्दा बाहिर छैन । जुन संस्कार अहिले धेरै हराईसकेको छ ।

‘घाँस कटाउने बेलामा छोरीलाई पढ्न पठाईछेस, नाक काट्टेला नी विचार अरेस’, बाग्लुंग क्षेत्रको भाषा प्रष्ट छ । ‘अब छोरी पढ्न पठार नाकै काटिन्छ भने चाहिएन के रे त्यस्तो नाक ।’ यो सम्बाद आकर्षक छ ।

गाउँले भेषका किशोरीहरु प्रौढ शिक्षा पढेका जस्तै देखिन्छन् । मास्टरलाई उनीहरुले आलोचना गर्दा त्यहाँ केही कुरा लुकाईएको भान हुन्छ । त्यो हेर्न चैत २ नै पर्खनुपर्ने देखिन्छ । ‘आईमाईको ज्याना कुनी के जाती हुन्छ रे है, त्यो अर्नलाई ठिटाहरु जे नी अर्न तयार हुन्छन् रे क्या ।’ खोलामा नुहाउँदै गर्दा किशोरीहरुको गफ समेटिएको छ ।

‘जूनीभर डढेर मर्नु भन्दा एकछिन डढेर मर्दिन्छु म, आखिर यो पंचायतले पनि हेरोस् मेरो मृत्युको तमासा’ एक किशोरीको कारुणिक शव्दले मन छुन्छ । उनी शरिरमा पानी खन्याईरहेकी छिन् । आखिर किन त्यो । चैत २ मै खुल्ने छ ।

पिडा र न्यायका कुराले त्यो बेला बस्ने पञ्च भेलाको झल्को प्रष्ट हुन्छ । जब निताले न्यायका कुरा बोल्छिन्, अनि बगरमा बसेर चर्को आवाजमा चिच्याउँछिन्, एकपटक हेर्ने दर्शकको मन भक्कानिन्छ ।

आखिर उनी किन बगरमा पुगिन । उनको पिडा के थियो । त्यसको कौतुहलता दर्शकको मनमा खुल्दुली भएर बसिररहेको छ । ट्रेलर हेरेपछि निर्माता निर्देशकलाई बधाईको ओईरो आयो । नेपाली सिने जगतमा एउटा इतिहास थपिएको प्रतिक्रिया पनि आयो ।

चैत २ मा रिलिज हुन लागेको चलचित्र पञ्चायत शिवम अधिकारीको लेखन तथा निर्देशनमा बनेको हो । चलचित्र ‘पंचायत’मा सरोज खनाल र निता ढुङ्गाना मुख्य भूमिकामा छन् । गणेश गिरीको प्रस्तुति रहेको पंचायतको निर्माता शुशान्त श्रेष्ठ र शंकर सुवेदी हुन् । कार्यकारी निर्मातामा चलचित्र पत्रकार रवि अधिकारी छन् ।

चलचित्रमा खनाल, ढुंगानाका अलावा रुपा राना, जाहान्वी बस्नेत, गिता अधिकारी, गणेश गिरी, विशाल पहारी, राजुबाबु श्रेष्ठ लगायतको अभिनय छ । निर्माण टिमले उत्कृष्ट फिल्म बनाउने कोशिष गरेको भन्दै दर्शकलाई न्याय गरेको प्रतिक्रिया दिए ।

चैत २ मा पंचायत आउँदै (भिडियो सहित)

नारायण ढुंगाना, काठमाडौ, २३ माघ । पचास वर्ष अघिको सामाजिक संरचना र किशोरीको मनोभावलाई समेटेर बनाएको चलचित्र ‘पंचायत’को ट्रेलर सार्वजनिक गरिएको छ ।

वरिष्ठ कलाकार तथा वितरकहरुको सहभागितामा आईतवार राजधानीमा ट्रेलर सार्वजनिक गरिएको हो । अमेरिकामा उत्कृष्ट अवार्ड लिनसफल चलचित्रको ट्रेलर सार्वजनिक कार्यक्रममा प्रमुख अतिथि प्रहरी नायव महानिरिक्षक ९डिआईजी० छविलाल जोशीले विकट ठाउँमा पुगेर चलचित्र बनाएको र मौलिक विषय समेटिएकाले चलचित्र उत्कृष्ट हुने विस्वास व्यक्त गरे ।


सार्वजनिक ट्रेलरमा एउटा गाउँकी किशोरीको यौनमनोभाव नायिका निता ढुंगाना मार्फत झल्किन्छ । २०३३ सालको तत्कालिन पञ्चायत व्यवस्थाको धानपञ्चको भूमिकामा नायक सरोज खनाल देखिन्छन् ।

किशोरीले भोग्ने पिडा र पञ्चायत बसेर गाउँमा समस्याहरु समाधान गरिएका दृष्य उत्कृष्ट छ । ट्रेलरमा देखिएको मौलिक भाषाशैलीको प्रयोग र लवजलाई सहभागिहरुले तारिफ गरेका छन् ।

वरिष्ठ कलाकार निर शाह, चलचित्र विकास वोर्डका सदस्य नरेन्द्र महर्जन, नेपाल चलचित्र संघका अध्यक्ष प्रदिपकुमार उदय, चलचित्र वितरक गोपाल कायस्थ, कलाकार संघको महासचिव सरिता लामिछाने कार्यक्रममा सहभागि थिए ।

कार्यक्रममा चलचित्र निर्देशक सोभित बस्नेत, मधुसुदन भट्टराई, ऋषि लामिछाने, डव्बु क्षेत्री, लक्ष्मण सुवेदी, निर्मात्री क्रिशा चौलागाई, कलाकारहरु रमित ढुंगाना, सलोन बस्नेत, सुलेमान शंकर ९ईकु० लगायतको पनि सहभागिता थियो ।

अमेरिकाको क्यालिफोर्निया राज्यको सन्फ्रान्सिस्को शहरमा आयोजित ‘सन फ्रान्सिस्को चलचित्र महोत्सव’मा चलचित्र ‘पंचायत’ले बिदेशी भाषाको उत्कृष्ट चलचित्र विधाको अवार्ड जित्न सफल भएको थियो ।

सोही क्रममा नायिक निता ढुंगानाले उत्कृष्ट नायिकाको अवार्ड पाएकी थिईन् । चलचित्र पञ्चायतबारे संक्षिप्त प्रतिक्रिया दिंदै बरिष्ठ कलाकार निर शाहले जीवन्त दस्तावेजको रुपमा अभिनय गर्ने हस्ती पंचायतमा रहेको भन्दै ट्रेलरले नै सफलताको संकेत गरेको प्रतिक्रिया दिए ।

नेपाल चलचित्र संघका अध्यक्ष प्रदिपकुमार उदयले चलचित्रले सफलताको शुभकामना दिए । चलचित्र विकास वोर्डका सदस्य तथा फिल्म वितरक कम्पनी९एफडी०का अध्यक्ष नरेन्द्र महर्जनले राम्रो चलचित्र बनेकोे भन्दै बढीभन्दा बढी हल उपलव्ध गराउने प्रतिबद्धता जनाए ।

चलचित्र वितरक गोपाल कायस्थले यसअघि सेन्सर बोर्डमा हेरिसकेकाले उत्कृष्ट बनेको भन्दै नायिका निताको भूमिका उत्कृष्ट रहेको बताए ।

चलचित्रको बारेमा नायक सरोज खनालले राम्रो चलचित्रमा अभिनय गर्न पाईएको भन्दै अमेरिकाको प्रदर्शनमा उत्कृष्ट तारिफ पाएको जनाए । यो कथाबस्तु निता ढुंगानाकै लागि बनेको भन्दै उनको अभिनयको प्रशंसा गरे । उनले यो फिल्म पञ्चायत शासन व्यवस्थालाई देखाउन खोजेको नभई त्यो बेलाको सामाजिक व्यवस्थालाई देखाउन खोजेको बताए ।

नायिका ढुंगानाले मसानपछिको यती राम्रो तारिफ आएको बताईन् । सात वर्ष अगाडीपनि यस चलचित्रमा अभिनय गर्न अफरको स्मरण गर्दै सातवर्ष पनि पुन त्यही चलचित्रमा अभिनय गर्न पाएकोमा खुसी व्यक्त गरिन् ।

उनले आफू २५ वर्षको केटीले १५÷१६ वर्षको किशोरीको भूमिकामा न्याय गर्न सक्छु की सक्दिन भन्ने आशंका लागेपनि उत्कृष्ट गर्ने कोशिष भएको बताईन् । अर्की नायिका जाहान्वी वस्नेतले अन्तिम समयमा आएर भएपनि चलचित्रमा खेल्न पाउँदा खुसी प्रतिक्रिया दिईन्।

कार्यक्रममा स्वागत गर्दै निर्माता शुशान्त श्रेष्ठले धेरै दुख गरेर चलचित्र बनाएकाले सबैले मन पराउने आशा व्यक्त गरे । चलचित्र लेखक तथा निर्देशक शिवम अधिकारीले सात वर्ष अगाडि नै चलचित्रको स्क्रिप्ट लेखेपनि मौलिक सिनेमा हेर्ने कल्चर भर्खरै शुरु भएकाले अहिले आएर चलचित्र निर्माण गरेको बताए । उनले चलचित्र चैत २मा रिलिज हुने समेत जानकारी दिए । चलचित्र उत्कृष्ट बनाउने कोशिष आफुले गरेको अधिकारी बताउँछन् ।


शिवम अधिकारीको लेखन तथा निर्देशन रहेको चलचित्र ‘पंचायत’मा सरोज खनाल र निता ढुङ्गाना मुख्य भूमिकामा छन् । गणेश गिरीको प्रस्तुति रहेको पंचायतको निर्माता शुशान्त श्रेष्ठ र शंकर सुवेदी हुन् । कार्यकारी निर्मातामा चलचित्र पत्रकार रवि अधिकारी छन् ।
चलचित्रमा खनाल, ढुंगानाका अलावा रुपा राना, जाहान्वी बस्नेत, गिता अधिकारी, गणेश गिरी, विशाल पहारी, राजुबाबु श्रेष्ठ लगायतको अभिनय छ ।

चलचित्र ‘नाका’ को ट्रेलर सार्वजनिक (भिडियो)

चलचित्र ‘नाका’ को ट्रेलर सार्वजनिक भएको छ ।शुक्रवार राजधानीमा एक कार्यक्रमका बीच चलचित्रको ट्रेलर सार्वजनिक गरिएको हो ।ट्रेलरमा अभिनेता विपिन कार्कीको हेयर स्टाइल र शैली निकै भिन्न देख्न सकिन्छ ।

नेपाल र चीन जोड्ने तातोपानी नाकामा हुने अवैध व्यापार र गुण्डागर्दीको बिषय बस्तुमा निर्माण गरिएको ‘नाका’लाई अमित श्रेष्ठको लेखन र निर्देशन गरेका हुन्। प्रविन टक्की कार्कीले निर्माण रहेको यस चलचित्रमा शिशिर गुरुङ र निर्देशक श्रेष्ठ फिल्मको कार्यकारी निर्माताक रुपमा रहेका छन् ।

चलचित्रमा विपिनसँगै रविन तामाङ, थिन्ले लामो, शिव मुखिया, प्रकाश गन्दर्भ, सुजन थापा मगर, राम भजन कमत, अभिषेक सुवेदी, केशव राई लगायतका कलाकारहरुको अभिनय छ ।चलचित्र फागुन १७ गते राजधानी बाहिर र फागुन १८ गते राजधानी भित्र प्रदर्शनमा आउदैछ । ‘नाका’ का छायाँकार चिन्तन राज भण्डारी हुन् ।

चलचित्र ‘पसिना’ को ट्रेलर सार्वजनिक, बैशाख १४ मा रिलिज हुने (भिडियो)

चलचित्र ‘पसिना’ को ट्रेलर सार्वजनिक भएको छ ।चलचित्रको ट्रेलर सार्वजनिक सगै रिलिज मिति पनि घोषणा गरिएको छ । ‘पसिना’ मजदुर दिवसको अवसर पारेर बैशाख १४ गतेबाट प्रदर्शनमा आउने भएको छ ।

आर.वि. खत्री ‘शरद’ को निर्देशनमा तयार भएको ‘पसिना’ मा श्रमिकहरुको पीडाको कथा बस्तु देखाउना खोजिएको छ । चलचित्रमा गौरव पहारी ,अनु शाह ,सरोज खनाल, रबि गिरी, धुव्र कोइराला, जयनन्द लामा, सरोज अर्याल, सृजना अधिकारीको मुख्य भूमिका छ ।

नन स्टप क्रियशनको ब्यानरमा निर्मित ‘पसिना’मा शान्ता ढकाल र इन्जिनियर सञ्जय महत्तोको लगानी रहेको छ भने कार्यकारी निर्मातामा रमेश एम.के.पौडेल रहेका छन् ।चलचित्रमा लक्ष्मी गिरी र रामकाजी बस्नेत सह-निर्माता रहेको छन् ।

राजनराज सिवाकोटी, थिराज राई र दिपक शर्माको संगीत रहेको फिल्मलाई नबिन निरौलाले सम्पादन गरेका हुन् । शिब वि.कको नृत्य निर्देशन ,राम के.सीको छायांकन , देब महर्जनको द्वन्द्व रहेको छ ।

उर्वशी रौतेलाको बोल्ड सीन सहित ‘हेट स्टोरी ४’ को ट्रेलर सार्वजनिक (भिडियो)

बलिउड चलचित्र ‘हेट स्टोरी’ शृंखलाको चौथो भाग ‘हेट स्टोरी ४’ को ट्रेलर सार्वजनिक गरिएको छ ।बोल्ड सीन सहितको सार्वजनिक ट्रेलरमा उर्वशी रौतेलालाई निकै बोल्ड अबतारमा देख्न सकिन्छ।

बोल्ड चलचित्रको रुपमा चिनिएको ‘हेट स्टोरी’ सीरिजको यस चलचित्र यस अघिको चलचित्र भन्दा अझै यसमा बढी बोल्ड सीन देख्न सकिन्छ ।विशाल पान्ड्याको निर्देशन रहेको ‘हेट स्टोरी ४’ मार्च ९ तारिखमा रिलिज हुदैछ ।

थ्रिलर  चलचित्र ‘हेट स्टोरी ४’ मा उर्वशी रौतेला ,करन वाही,विवन भाठेना ,गुलशन ग्रोवरको मुख्य भूमिका रहेको छ । ‘हेट स्टोरी’ २०१२म रिलिज भएको थियो भने चलचित्रलाई विवेक अग्निहोत्रीले निर्देशन गरेका थिए।जम्मा ९ करोडमा निर्माण भएको त्यस चलचित्रमा पाओली दाम मुख्य भूमिका देखा परेकी थिन। चलचित्रले १६.४३ करोड़ कमाएको थियो ।

त्यस्तै विशाल पांड्याको निर्देशनमा २०१४ मा ‘हेट स्टोरी 2’ निर्माण गरिएको थियो ।चलचित्रले बॉक्स ऑफिस मा ३१.०७ करोड कमाएको थियो।विशाल पांड्याले २०१५ मा ‘हेट स्टोरी 3’ निर्देशन गरेका थिए ।चलचित्रमा ज़रीन खान, डेजी शाह, करन सिंह ग्रोवर र शरमन जोशी मुख्य भूमिकामा रहेका थिए ।२० करोड लगानीमा निर्माण गरिएको ‘हेट स्टोरी 3’ले ५५ करोड कमाएको थियो ।