Friday , 22 February 2019
News update
Home >> Trailer (page 20)

Trailer

पुष २८ मा ‘रज्जा रानी’ आउँदै, यसरी भयो टिजर सार्वजनिक

आगामी पुष २८ गतेलाई प्रदर्शन मिति घोषणा गर्दै फिल्म ‘रज्जा रानी’को टीजर सार्वजनिक भएको छ । नायक नाजिर हुसेनलाई प्रस्तुत गर्दै रज्जा रानीको टीजर सार्वजनिक गरिएको हो । नायक आर्यन सिग्देलको होम प्रोडक्शन हाउसबाट निर्मित यो फिल्मलाई याम थापाले निर्देशन गरेका हुन् । फिल्मको कथा निर्देशक थापा आफैको हो ।

सानो भेगको जनजाति कथामाथि निर्माण भएको फिल्मलाई रमेश एमके पौडेलले निर्माण गरेका हुन् । फिल्ममा ताराप्रकाश लिम्बु र दीपक शर्माको संगीत, पुरुषोत्तम प्रधानको छायांकन, कविराज गहतराजको नृत्य निर्देशन रहेको छ ।

फिल्ममा केकी अधिकारी, नाजिर हुसेन, कामेश्वर चौरासिया, लक्ष्मी बर्देवा, संगीता नापित, अरुण रेग्मी, दीपक क्षेत्री, विनोद निरौला, अनोज पाण्डे, अशोक आचार्य, अनुज थापा लगायतका कलाकारहरुको अभिनय छ ।

चलचित्र ’ऐश्वर्य’ आज बाट प्रदर्शनमा

फ्राइडे रिलिजअन्तर्गत यो आज नेपाली कथानक चलचित्र ’ऐश्वर्य’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।आज बाट नेपाली बक्स अफिसमा प्रदर्शनमा आएको चलचित्र ’ऐश्वर्य’ को बारे बिस्तृत जानकारी प्रकाशन गरेका छौ ।

’ऐश्वर्य’

फ्राइडे रिलिज अन्तर्गत आज शुक्रबार बाट देशका सिनेमा घर बाट बहुप्रतिक्षित चलचित्र ’ऐश्वर्य’ प्रदर्शनमा आएको छ ।चलचित्रलाई ‘ऐश्वर्य’लाई दिवाकर भट्टराईको निर्देशन गरेका हुन् ।सांगीतिक प्रेम, द्वन्द र प्राप्तिको बिषयलाई उठान गरिएको यस चलचित्रमा रमेश उप्रेती , दीपिका प्रसाई , केकी अधिकारी , प्रशान्त ताम्राकार , अर्जुन श्रेष्ठ , निर्मल शर्मा , तेंजु योन्जन लगायतको अभिनय रहेको छ ।

रमेश उप्रेती प्रस्तुतकर्ता रहेको यस फिल्ममा अर्जुन श्रेष्ठ र किरण राणा उप्रेती निर्माता रहेका छन् ।चलचित्रका कार्यकारी निर्माता कलाकार निर्मल शर्मा हुन् । अमेरिकाको बसाइपछी नेपाल फर्किएका रमेशले यसै फिल्म मार्फत निर्माताको रुपमा पनि डेब्यु गरेका छन् । सुदीप बरालको छायाँकन रहेको यस चलचित्रमा अर्जुन पोखरेलको संगीत र तेंजु योन्जनको कोरियोग्राफी छ ।

भारतीय कमेडियन कपिल शर्माको चलचित्र ‘फिरंगी’ को ट्रेलर सार्वजनिक(भिडियो)

भारतीय चर्चित कमेडियन तथा अभिनेता कपिल शर्माको नया चलचित्र ‘फिरंगी’ को ट्रेलर सार्वजनिक गरिएको छ ।यस अघि ‘किस किसको प्यार करूं’चलचित्रमा अभिनय गरि सकेका कपिल शर्माले यस चलचित्र ‘फिरंगी’लाई निर्माण समेत गरेका हुन् ।

ट्रेलरमा निकै नै कमेडी देखिएको यस चलचित्रलाई राजीव ढींगराले निर्देशन गरेका हुन् ।चलचित्रमा कपिल सगै इशिता दत्ता र मोनिका गिल मुख्य भूमिकामा रहेका छन् ।

निकै चर्चामा रहेको चलचित्र ‘फिरंगी’ १० नवंबर को रिलिज हुदैछ ।चलचित्रको ट्रेलरलाई युटुबमा पनि निकै राम्रो तारिफ गरिएको छ ।पंजाब र राजस्थान छायांकन गरिएको ‘फिरंगी’ लाई बलिउडमा एउटा सम्भावना बोकेको चलचित्रको रुपमा हेरिएको छ ।

गीत संगीत र संवादले ‘फाटेको जुत्ता’दर्शकको नजरमा बहुप्रतिक्षित चलचित्र

यहि कात्तिक १७ गतेबाट प्रदर्शनमा आउन लागेको चलचित्र ‘फाटेको जुत्ता’को गीत संगीत र ट्रेलरमा समावेश संवादहरुले चलचित्रलाई बहुप्रतिक्षित चलचित्रको रुपमा हेरिएको छ । चलचित्रमा समावेश ’आई एम सरी…’र आइटम सङ्गले बजार निकै तताएको बेला चलचित्रको संवादहरुले दर्शकलाई चलचित्र हल सम्म फिल्म हेर्न जाने अबस्थ निर्माण गरेको छ ।

चलचित्रको ट्रेलरमा समावेश. ‘बेगर मुते बेगर थुके कोई फेमस हुँदैन मिन्टु भाईजी, ‘कुखुरा चोर .. तेरो हैसियत यो फाटेको जुत्ताले देखाइरहेको छ’, ‘बाप परेशान बेटा से, देश परेशान नेता से’,‘कुखुरा कहाँ मुत्छ .. इन्सान थोडी हो’,‘का मिन्टु भाईजी । साला लोकल मुर्गा भनेको लोकलै मुर्गा हो यहाँसम्म सेन्ट मारिराछ’ लगायतको डैलोगहरुले अहिले निकै चर्चा पाएको छ ।

तराइका विभिन्न स्थानमा खिचिएको ट्रेलरले अपहरणको कथालाइ कमेडी शैलीमा प्रस्तुत गरेको छ ।चलचित्रलाई ‘जिन्दगी रक्स’का निर्देशक निकेश खड्काले निर्देशन गरेका हुन् ।’फाटेको जुत्ता’लाई अर्जुन कुमारले निर्माण गरेका हुन् ।

यस चलचित्रमा सौगात मल्ल, प्रियंका कार्की र कामेश्वर चौरासिया,रविन्द्र झा, अनोज पाण्डेको मुख्य भूमिका रहेको छ ।नायिका वर्षा राउत केमियो भूमिकामा देखा पर्दैछिन् ।चलचित्रमा प्रवेश मल्लिक र शंकर थापाको संगीत, कविराज गहतराज र राजिव समरको कोरियोग्राफी, अष्ट महर्जनको द्वन्द्व रहेको छ ।

फ्राइडे रिलिज:‘रुद्रप्रिया’र ‘रानी’

फ्राइडे रिलिजअन्तर्गत यो शुक्रबार नेपाली कथानक चलचित्र ‘रुद्रप्रिया’र ‘रानी’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र ‘रुद्रप्रिया’र ‘रानी’ को बारे बिस्तृत जानकारी प्रकाशन गरेका छौ ।

‘रुद्रप्रिया’


फ्राइडे रिलिज अन्तर्गत आज शुक्रबार बाट देशका सिनेमा घर बाट बहुप्रतिक्षित चलचित्र ‘रुद्रप्रिया’प्रदर्शनमा आएको छ ।सुदिप भूपाल सिंहको निर्देशनमा तयार भएको यो चलचित्रलाइ रमेश पौडेल र सरस्वती थापाले निर्माण गरेका हुन् । रेखा फिल्मस्को ब्यानरमा निर्माण भएको यो चलचित्रमा रेखा थापा, आर्यन सिग्देल, टिका पहारी, राजन इशान,विश्व बस्नेतको मुख्य भूमिका छ । ८ वर्षपछि आर्यन र रेखाले यस चलचित्र मार्फत पुन स्क्रिन शेयर गरेका हुन् ।

चलचित्रमा राजनराज सिवाकोटी, सुरेश अधिकारी र अर्जुन पोखरेलको संगीत छ । चलचित्रलाई सञ्जय लामाले छायांकन गरेका हुन् ।सामाजिक कथाबस्तुमा सिनेमा निर्माण गर्ने रेखाले यस सिनेमामा पनि सामाजको वास्तविक कुरालाई उठान गरेकी छिन् ।प्रिमियरमा चलचित्र र रेखाको अभिनयको सबैले तारिफ गरेका छन् ।

‘रानी’


त्यस्तै फ्राइडे रिलिज अन्तर्गत आज शुक्रबार बाट देशका सिनेमा घर बाट चलचित्र ‘रानी’ प्रदर्शनमा आएको छ ।चलचित्रलाई पुराना निर्देशक दयाराम दाहालको निर्देशन गरेका हुन् ।भानु महर्जनको प्रस्तुती रहेको यस चलचित्रका निर्माता विमलमान गुवाजु हुन् ।चलचित्रमा अर्जुन जीसीको सम्पादन, बब्बु थापा र शिशिर खातीको कोरियोग्राफी, यम थापाको लेखन, पुरुषोत्तम प्रधान, मानकृष्ण महर्जन र सिसन बाँनियाको छायांकन छ ।‘रानी’ मा मलिना जोशी,अनुप विक्रम शाही, सारुक ताम्राकार , मनिष सुन्दर श्रेष्ठ,,सुशान खड्काको मुख्य भूमिका छ ।

चलचित्र ‘झ्यानाकुटी’को ट्रेलरमा बेनिशा र सौगात कमेडी (भिडियो)

चलचित्र ‘झ्यानाकुटी’को ट्रेलर रिलिज भएको छ ।मंगलबार राजधानीमा एक कार्यक्रमको आयोजना गर्दै चलचित्रको ट्रेलर सार्वजनिक गरिएको हो । ट्रेलरमा निकै कमेडी चलचित्र ‘झ्यानाकुटी’लाई नायिकाले निशा अधिकारीको निर्माण गरेकी हुन् ।

फस्ट लुक पोष्टरमा नायिका बेनिशाले सौगात मल्ललाई काँधमा बोकेकी थिइन् । पत्रकारको आग्रह स्वीकार गर्दै बेनिशाले पत्रकार सम्मेलनमै सौगातलाई झण्डै १ मिनेट काँधमा बोकिन् । ट्रेलर रिलिज कार्यक्रममा बोल्दै नायिका तथा निर्मात्री निशा अधिकारीले सबैको सहयोगबाट ‘झ्यानाकुटी’लाई राम्रो फिल्म बनाउन सफल भएको बताइन् ।

ती नुडल्ससँग सहकार्यमा प्रेमिकाले प्रेमी काँधमा बोकेको वा श्रीमतिले श्रीमान बोकेको तश्वीर फेसबुकमा अपलोड गरेर सर्वाधिक वर्जिनल लाइक पाउने जोडीलाई ५१ हजार नगद हस्तारण गर्ने निशाले बताइन् ।

सौगात मल्ल र बेनिशा हमालको मुख्य भूमिका रहेको चलचित्र ‘झ्यानाकुटी’मंसिर १ गतेबाट प्रदर्शनमा आउदै छ । चलचित्रलाई लाई सिमोस सुनुवारले निर्देशन गरेका छन् । चलचित्रमा सौगात र बेनिशाका अलावा पुष्कर गुरुङ, अस्टल गुरुङ, सुमी मोक्तान लगायतको अभिनय रहेको छ ।

‘झ्यानाकुटी’मा सनिश गुरुङ र विकाश चौधरीको संगीत, प्रदीप भारद्वाजको लेखन, हरि हुमगईको छायाँकन रहेको छ । चलचित्रको सम्पादन निर्देशक सुनुवारले नै गरेका हुन् ।

चलचित्र मेला’को ट्रेलरमा सलोन बस्नेतको कमेडी नै कमेडी (भिडियो )

चलचित्र ‘मेला’को ट्रेलर सार्वजनिक गरिएको छ ।फेरी एक पटक ए मेरो हजुर २ बाट दर्शकको मन जित्न सफल नायक सलोन बस्नेत ,आमेष भण्डारी र अशिष्मा नकर्मीको मुख्य भूमिका रहेको ‘मेला’कात्तिक २४ गतेबाट रिलिज हुदैछ ।

चलचित्रको सार्वजनिक ट्रेलरमा सलोनको कमेडी अनि आमेष र अशिष्मा माया प्रेम देखन सकिन्छ । चलचित्रमा सामबेश ‘परिचय पाउँ’ बोलको गीतले बजारमा राम्रै चर्चा पाही रहदा चलचित्रको ट्रेलरले पनि दर्शकलाई हल सम्म तान्ने देखिन्छ । चलचित्रलाई बसन्त निरौलाले निर्देशन गरेका हुन् ।

हरी पन्तको प्रस्तुति रहेको यस चलचित्रमा मनोज के मरोडिया निर्माताको रुपमा रहेका छन् । चलचित्रमा अष्ट महर्जनको द्धन्द्ध, दिव्य सुवेदीको छायाँकन, हरी पन्तको स्टोरी, स्क्रिन प्ले र डाइलग रहेको छ ।चलचित्रमा पवित्रा आचार्य कोरियोग्राफि साहिल खान र मिलन श्रेष्ठको सम्पादन रहेको छ ।

‘रोमियो’को ट्रेलर सार्वजनिक(भिडियो)

यहि २४ गतेबाट प्रदर्शनमा आउने लागेको चलचित्र ‘रोमियो’को ट्रेलर सार्वजनिक गरिएको छ ।गीत संगीतले निकै चर्चामा रहेको चलचित्र ‘रोमियो’लाई एचआरके प्रोडक्शनको ब्यानरमा निर्मण गरिएको हो ।चलचित्रको सार्वजनिक ट्रेलरमा चलचित्र त्रिकोणात्मक प्रेम कथाको बिषय बस्तु उठान गरिएको देखन सकिन्छ ।

चलचित्र ‘रोमियो’मा हसनराज खान, मेलिना मानन्धर, नीशा अधिकारी, ओसिमा बनु, विष्णु प्रतापको मुख्य भूमिका रहेको छ । शंकर कार्कीले चलचित्रको निर्देशन गरेका हुन् ।चलचित्रको ‘ल्याङ ल्याङ’ बोलको गीतको अडियो हिट भैसकेको छ ।

चलचिमा रामेश्वर कार्कीको छायांकन, किरण घिमिरे ‘माइकल’को लेखन,साहिल खान र मिलन श्रेष्ठको सम्पादन, अष्ट महर्जन एक्सन, गम्भिर बिष्ट र विपेन गुरुङको कोरियोग्राफी रहेको छ । चलचित्रमा बिष्णु कार्की ,मिलन सापकोटाको लगानी रहेको छ ।​

‘कहिँ कतै’ ट्रेलर रिलिज ,सिक्किममा प्रिमियर हुदै

चलचित्र ‘कहिँ कतै’को ट्रेलर रिलिज गरिएको छ । सविर श्रेष्ठ निर्देशित यस चलचित्र नोभेम्बर ६ मा भारतको पूर्वोत्तर राज्य सिक्किममा विश्व प्रिमियर हुँदैछ ।
नेपाल रिलिज डेट भने तय भएको छैन ।

रोमान्टिक र फेमिली ड्रामामा रहेको ‘कहिँ कतै’मा शिवानी गिरी, दिलिप रायमाझी, किशोर खतिवडा, सोनम बरफुङ्पा, उमा बेबी लगायत मुख्य अभिनय रहेको छ । यस फिल्म मार्फत शिवानी र सोनम अभिनयमा डेब्यु भएका छन् । नेपाल र सिक्किममा छायांकन गरिएको फिल्म ग्लसी लाग्छ ।

बाबु श्रेष्ठको छायांकन, अर्जुन जिसीको सम्पादन, सचिन सिंह र लक्की सिटौलाको संगीत, निर्देशक श्रेष्ठकै लेखन समावेश छन् । डोमेनिक सेभियो डिसुजासँग मिलेर उमाले फिल्म निर्माण गरेकी हुन् ।

रेखा र आर्यनको ‘रुद्रप्रिया’चर्चामा ,स्क्रिप्ट सुन्ने बितिकै राजि भए रेखा (भिडियो )

रेखाले ‘रुद्रप्रिया’को स्क्रिप्ट  सुन्ने बितिकै सिनेमा निर्माणको लागि राजि भएकी थिइन् । ‘म ‘रुद्रप्रिया’को कथामा यति धेरै लठ्ठिए की मैले आफ्नो अर्को सिनेमाको निर्माणलाई पछाडी सारेर निर्देशक सुदीपबबी भुसाल सिंहसँग यो सिनेमा गर्न राजी भएको रेखाले पत्रकार भेटघाटमा बताएकी छिन् ।रेखा भन्छिन ‘कथाबस्तु र मेरो भूमिकाका कारण यो सिनेमालाई डेब्यु जस्तै मानेकी छु । ‘हिरो’ रिलिज हुँदा मेरो अभिनय वा मलाई कसरी लिनुहोला भन्ने थियो।’

आर्यनले भने रेखासँग कुरा गर्ने भन्ने वित्तिकै फोन काटिदिएका थिए । रेखाले भनिन्-‘तर, चलचित्रका निर्माता एमके पौडेलले आर्यनलाइ कन्भिन्स गराएपछि यो संभव भएको हो ।’ नायक आर्यन सिग्देलले पनि नायिका रेखा थापासँग आफ्नो सम्बन्ध कहिल्यै नराम्रो नभएको बताए । उनले एउटा राम्रो टिम अगाडि आएपछि काम गर्न मन लाग्ने सुनाए । चलचित्रको बक्स अफिस कारोबारले आफूलाइ कुनै पनि किसिमको फरक नपार्ने भन्दै आर्यनले दर्शकले चलचित्र हेर्दा आफ्नो कामलाइ रुचाएको खण्डमा पुग्ने बताए ।

निर्देशक सुदिपले ‘रुद्रप्रिया’मा रेखा र आर्यनको जोडीलाइ कलात्मक तरिकाले प्रस्तुत गरेको सुनाए । कात्तिक २ गतेबाट रिलिज हुने यो चलचित्रले महिला हिंसाको विरुद्धमा आवाज उठाएको छ ।

गीत संगीत र ट्रेलरले चर्चा कमाएको चलचित्र ‘रुद्रप्रिया’मा राजनराज सिवाकोटी, सुरेश अधिकारी र अर्जुन पोखरेलको संगीत छ । चलचित्रलाई सञ्जय लामाले छायांकन गरेका हुन् । रेखा थापा प्रस्तुकर्ता रहेको फिल्म ‘रुद्रप्रिया’लाई रेखाकी आमा सरस्वती थापाले निर्माण गरेकी हुन् ।