Thursday , 20 June 2019
News update
Home >> Trailer (page 22)

Trailer

चलचित्र ‘शेरबहादुर’ को टीजर सार्वजनिक (भिडियो )

चलचित्र ‘शेरबहादुर’ को टीजर रिलिज गरिएको छ। शेर बाहादुर अर्थात सामाजिक मर्यादा बोकेको पात्रमा केन्द्रित छ। उक्त पात्र भने सुनिल थापाले निर्वाह गरेका छन् ।चलचित्रमा सुनिल थापा सगै कर्मा, मेनुका प्रधान, रविन्द्र झा लगायतका कलाकारको अभिनय रहेको छ ।

बिशेषत शेरबहादुर एक अवकास प्राप्त आर्मीको कथामा आधारित थ्रिलर जनराको फिल्म हो । झट्ट नाम सुन्दा राजनीतिको गन्ध आए पनि यो कुनै राजनीतिसंग सम्बन्धित फिल्म नभएको निर्माण टिमले बताईएको छ । पहिलो पटक सेट निर्माण गरेर ८० प्रतिशत फिल्म खिचिएको निर्माण पक्षको दावी छ । जुन सेट तयार गर्न मात्रै २५ लाख बढी खर्च गरिएको बताईएको छ ।

माघ १९ गतेबाट प्रदर्शनमा आउन लागेको ‘शेरबहादुर’लाई आर राजवंशीले निर्देशन गरेका हुन् ।धिराज प्रोडक्सनको व्यानरमा यस चलचित्रमा गौरीशंकर धुनुजु र धिराज राजवंशीको लगानी रहेको छ । प्रमोद क्षेत्रीको कथा रहेको ‘शेरबहादुर’ एक अवकास प्राप्त आर्मीको कथामा आधारित थ्रिलर जनराको चलचित्र हो । ‘जात्रा’ निर्देशक प्रदीप भट्टराईको सह-निर्देशन रहेको फिल्मका सिनेम्याटोग्राफर दीर्घ गुरुङ हुन् ।

‘लाल पुर्जा’मा सौगात र बिपिनको यस्तो छ कमेडी ट्रेलर (भिडियो )

निगम श्रेष्ठ निर्देशित चलचित्र ‘लाल पुर्जा’को ट्रेलर र गीत सार्वजनिक गरिएको छ ।माघ ४ गते प्रदर्शन चलचित्र ‘लाल पुर्जा’विहिबार राजधानीमा एक कार्यक्रम आयोजना गरेर ट्रेलर र गीत सार्वजनिक गरिएको हो । प्रेसमिटमा दुई अलग शैलीमा बनाइएको एउटै ट्रेलर लन्च गरियो । संवाद र संवादरहित ट्रेलरमा कलाकारको पल्टन छ ।

पत्रकार भेटघाटमा निर्देशक श्रेष्ठले जग्गालाई लिएर हुने दाजुभाइको झगडा तथा भौतिकवाद र अध्यात्मवादको लडाइ फिल्मले चित्रण गर्ने बताए । चलचित्रमा सौगात मल्ल, बिपिन कार्की, मिरुना मगर, मेनुका प्रधान, कामेश्वर चौरासिया, हरिहर शर्मा, कुमार नगरकोटी लगायतको अभिनय रहेको छ ।
अतिथि लेखक समेत रहेका उपन्यासकार नगरकोटी यसमा केमियो भूमिकामा छन् ।

नरेन्द्र मैनालीको छायांकन रहेको यस चलचित्र ‘लाल पुर्जा’लाई लोकेश बज्राचार्यले समदन गरेका हुन् । निर्माता विक्रमसिंह थारुले माघ ४ गते कलाकारिताको महाकुम्भ भएको बताए । अभिनेता हरिहर शर्माले अहिलेसम्म आफूले गरेको भूमिकाभन्दा लालपुर्जा चरित्र चित्रणमा भिन्न रहेको बताए । विक्रम सिंह थारु र उमेश श्रेष्ठले यस चलचित्रलाई निर्माण गरेका हुन्।

बहुप्रतिक्षित चलचित्र ‘कृ’को ट्रेलर सार्वजनिक,अनमोल केसी एङ्ग्री अवतारमा (भिडियो)

अनमोल केसीको अभिनय रहेको बहुप्रतिक्षित चलचित्र ‘कृ’को ट्रेलर सार्वजनिक गरिएको छ । यो बर्षकै प्रतिक्षाको रुपमा रहेको चलचित्र ‘कृ’को शुक्रबार राजधानीमा एक कार्यक्रमको बिच सार्वजनिक गरिएको छ। चलचित्रको सार्वजनिक ट्रेलरमा अनमोल केसीलाई लामो कपाल पालेर एङ्ग्री अवतार र लामो कपाल पालेर एङ्ग्री अवतार गरेर दुई भिन्न भिन्न रुपमा देख्न सकिन्छ ।

चलचित्रमा अनमोल सगै नायिका अदिती बुढाथोकी पनि रोमान्टिक अवतारमा देखिएकी छिन् । चलचित्रमा अनमोल केसी, अदिती वुढाथोकी, सरोज खनाल, लक्ष्मी गिरी, रुपा राना, अनुप विक्रम शाही, कामेश्वर चौरासिया लगायतका कलाकारको मुख्य भूमिका छ ।

माघ २६ गतेबाट प्रदर्शनमा आउन लागेको ‘कृ’लाई सुरेन्द्र पौडेलको निर्देशन गरेका हुन् ।चलचित्रमा पुरुषोत्तम प्रधानको छायांकन चन्द्र पन्तको एक्सन रहेको छ । सुवास इन्टरटेन्मेन्ट प्रालिको निर्माणमा बनेको चलचित्रलाई द सुपर काजोल फिल्मस्ले प्रस्तुतिमा । सुवास गिरी र भूवन केसीले निर्माण गरेका हुन्। कमल गिरी कार्यकारी निर्माता रहेको चलचित्रको यस चलचित्रमा श्री पराजुली सह-निर्माताको रुपमा रहेका छन् ।

‘पिंजडा व्याक अगेन’को ट्रेलरमा निखिलको एक्शन सगै कमेडी (भिडियो)

एक्शन स्टार निखिल उप्रेतीको अभिनय रहेको चलचित्र ‘पिंजडा व्याक अगेन’को ट्रेलर सार्वजनिक गरिएको छ । मंगलबार राजधानीमा एक कार्यक्रमका विच चलचित्रको ट्रेलर सार्वजनिक गरिएको हो ।

निखिलको डेब्यू चलचित्र ‘पिंजडा’को नाम सापटी लिएर निर्माण गरिएको ‘पिंजडा व्याक अगेन’को ट्रेलरमा एक्शन सगै पारिवारिक र माया प्रेमको कथा झल्किएको छ ।गीत संगीतले चर्चामा रहेको ‘तिमी नि आधा, म पनि आधा’ बोलको गीत ले निकै चर्चा बटुलेको छ ।

चलचित्रमा निखिल उप्रेती , सारा सिर्पाली स्मिता केसी, पुकार भट्टराई, ज्याक श्रेष्ठ लगायतका कलाकारहरुको अभिनय रहेको छ ।यहि माघ ४ गतेलाई प्रदर्शन आउने ‘पिंजडा व्याक अगेन’लाई द्वन्द्व निर्देशक हिमाल केसीले निर्देशन गरेका हुन् । चलचित्र ‘पिंजडा व्याक अगेन’ लाई मौनता श्रेष्ठले लेखेका हुन् ।

चलचित्र श्रीराम बरालको प्रस्तुतिमा ओम शाही भक्त मुभिज र ओम साइ मौलाकालिका पिक्चर्सले संयुक्त रुपमा निर्माण गरेको हो ।सुशान्त श्रेष्ठ र बसन्त शर्मा चलचित्रका कार्यकारी निर्माता रहेका छन् । सौरभ लामाको छायांकन रहेको यस चलचित्रमा रोहित पुरी, गोविन्द गैरे र चन्द्र बहादुर क्षेत्रीको पनि लगानी रहेको छ ।

 

यस्तो छ ‘मिस्टर झोले’को कमेडी ट्रेलर (भिडियो)

चलचित्र ‘मिस्टर झोले’को ट्रेलर सार्वजनिक गरिएको छ । करिब चार वर्ष अगाडी प्रदर्शनमा आएको सिनेमा ‘झोले’को सिक्वेलको रुपमा यो सिनेमा निर्माण गरेको निर्माता टेकेन खड्काले जानकारी दिए ।

रामबाबु गुरुङ निर्देशितकमेडी जानराको सिनेमामा दयाहाङ राई, वर्षा राउत, दीया पुन, बुद्दी तामाङ, पुष्कर गुरुङ, प्रविन खतिवडा, विजय बराल, अरुणा कार्की लगायतका कलाकारको अभिनय छ । पुष २८ गते प्रदर्शन हुने सिनेमाको यस अघिनै ‘ओखती’ गीत सार्वजनिक भैसकेको छ । जुन गीतको लागि निर्माण टिमले कभर भिडियो प्रतियोगिता पनि आव्हान गरिसकेको छ ।

रामबाबुकै कथा लेखन रहेको सिनेमामा निमेष श्रेष्ठको सम्पादन, कालीप्रसाद बाँस्कोटा/सुजेन कार्कीको संगीत, विक्रम स्वारको कोरियोग्राफी रहेको छ । सिनेमा आर्ट्स र टेकेन खड्का फिल्म प्रोडक्सनको व्यानरमा निर्मित सिनेमाको ‘एक्जीक्युटिभ प्रोड्युसर’मा रौनकविक्रम कँडेल र सहनिर्माताहरुमा ओम चन्द रौनियार, अर्जुन कार्की, मनिराम पोखरेल रहेका छन् ।

प्रियंका र आर्यन अभिनित ‘बटरफ्लाई’को ट्रेलर सार्वजनिक(भिडियो )

पुष २८ गते प्रदर्शनमा आउन लागेको चलचित्र ‘बटरफ्लाई’को ट्रेलर सार्वजनिक गरिएको छ । प्रियंका कार्की र आर्यन अधिकारीको मुख्य भूमिका रहेको ‘बटरफ्लाई’लाई ओम प्रतिक गुरुङले लेखन तथा निर्देशन गरेका हुन् ।

चलचित्रमा आर्यन र प्रियंकाको साथमा अर्पण थापा, रविन्द्र खड्का, सुस्मा कार्की पुरन थापा, मोहन निरौला, सुरबिर पण्डित, राम बुढाथोकी र माधव पण्डितलगायतका कलाकारको अभिनय रहेको छ ।

द फ्रेम क्रियसनको प्रस्तुति ‘बटरफ्लाई – कलर्स अफ लभ’मा पुष्पाञ्जली अधिकारी (सख), रामशरण राना र भुपेन्द्र सुवेदीको लगानी छ। चलचित्रलाई अर्जुन जिसी र मन्दील श्रेष्ठले सम्पादन गरेका छन् भने छायाँकनमा सुरेश बज्राचार्य र द्वन्द निर्देशनमा कुमार महर्जन रहेका छन् ।

चलचित्रमा कार्यकारी निर्मातामा रमेश प्रजापति, सह–निर्माता सरोज शाह र नविन अधिकारी रहेका छन् ।चलचित्रमा अर्जुन पोखरेलको संगीत र कविराज गहतराजको कोरियोग्राफी रहेको छ ।

चलचित्र ‘राज्जा रानी’को ट्रेलर सार्वजनिक(भिडियो)

चलचित्र ‘राज्जा रानी’को ट्रेलर सार्वजनिक भएको छ ।शुक्रवार राजधानीमा एक कार्यक्रमका बीच चलचित्रको ट्रेलर सार्वजनिक गरिएको हो । केकी अधिकारी र नाजीर हुसैनको मुख्य भूमिका रहेको ‘राज्जा रानी’मा मधेशमा हुने गरेको दाइजो प्रथाको कथामा आधारित रहेको छ ।

पुष २१ गतेबाट प्रदर्शनमा आउन लागेको यस चलचित्रलाई याम थापाले निर्देशन गरेका हुन् । चलचित्रमा केकी र नाजीर सगै कामेश्वर चौरासिया, लक्ष्मी बर्देवा, संगीता नापित, अरुण रेग्मी, दीपक क्षेत्री, विनोद निरौला, अनोज पाण्डे, अशोक आचार्य, अनुज थापा लगायतका कलाकारहरुको पनि अभिनय छ ।

आर्यन फिल्म प्रोडक्सनको ब्यानरमा निर्मित ‘राज्जा रानी’लाई रमेश एमके पौडेलले निर्माण गरेका हुन् । चलचित्रमा ताराप्रकाश लिम्बु र दीपक शर्माको संगीत, पुरुषोत्तम प्रधानको छायांकन, कविराज गहतराजको नृत्य निर्देशन रहेको छ । यो चलचित्र मैथिली भाषामा पनि प्रदर्शन हुँदैछ ।

 

चलचित्र ‘फिर्के’को कमेडी ट्रेलर सार्वजनिक (भिडियो)

चलचित्र ‘फिर्के’को कमेडी संवादले भरिएको ट्रेलर सार्वजनिक गरिएको छ ।बुधवार राजधानीमा एक कार्यक्रमको आयोजना गरेर चलचित्रको ट्रेलर र चलचित्रको रिलिज मिति बारे जानकारी दिएको छ । यस अघि पुष १४ प्रदर्शन गरिने भनिएको ‘फिर्के’अब भने पुष २१ गतेबाट प्रदर्शनमा आउने छ ।

तितो सत्य, जिरे खुर्सानी लगायतका टेलिसिरियलमा ‘बेमान’को नामले परिचित रवि डंगोलले यस चलचित्रलाई निर्देशन गरेका हुन् । ‘ईकु’को नामले चर्चित सुलेमान शंकरको प्रस्तुतीमा बनेको यस चलचित्रलाई ओमलाल गुरुङ् र राजेश श्रेष्ठले निर्माण गरेका हुन् ।

चलचित्रमा अर्पण थापा, सुलेमान शंकर, ऋचा शर्मा, क्रिष्टिना पौडेल, बिष्णु सापकोटा, अर्जुन गुरुङ्, उज्ज्वल भण्डारी, पुरन थापा लगायतका कलाकारहरुको अभिनय रहेको छ ।पत्रकार भेटघाटमा बोल्दै सुलेमान शंकरले ‘फिर्के’लाई राम्रो बनाउने प्रयास गरेको बताए । निर्देशक रवि डंगोलले फिल्म राम्रो बनेको दाबी गरेका छन् ।

चलचित्रमा अभिमन्यू निरबीको लेखनअष्ट महर्जनको द्वन्द्व निर्देशन रहेको ‘फिर्के’मा मित्र डि. गुरुङको सम्पादन तथा राम कुमार केसीको छायांकन रहेको छ । बिश्व नेपाली र सुवास भुषालको चलचित्रमा संगीत रहेका छन् ।

अष्ट्रेलियामा छायांकन गरिएको ‘ह्याप्पी न्यू ईयर’ को ट्रेलर सार्वजनिक (भिडियो)

चलचित्र ‘ह्याप्पी न्यू ईयर’ को ट्रेलर सार्वजनिक गरिएको छ ।  बिहिबार राजधानीमा एक पत्रकार भेटघाट कार्यक्रम आयोजना गरेर चलचित्रको ट्रेलर र  लञ्च गरिएको हो । अंगेजी नया बर्षको अबसर परेर पुष १४ गते प्रदर्शनमा आउन लागेको चलचित्र  ‘ह्याप्पी न्यू ईयर’लाई   देवकुमार श्रेष्ठले  निर्देशन गरेका हुन्।

अधिकांश छायांकन अष्ट्रेलियामा गरिएको ‘ह्याप्पी न्यू ईयर’ मा कुशल थापा, पुकार गौतम, सन्ध्या केसी, इश्वर थापा, पदम शाक्य लगायतका कलाकारको अभिनय छ । ट्रेलर सार्वजनिक कार्यक्रममा बोल्दै नायक थापाले ‘ह्याप्पी न्यु ईयर’ले दर्शकलाई खोजे जस्तो मनोरञ्जन दिनेमा दाबी गरे ।

चलचित्रलाई नायक कुशलकी श्रीमतिरति थापाको निर्माण रहेको ‘ह्याप्पी न्यू ईयर’ मा विनोद ढकाल, टंक बुढाथोकी र किरण माईकलको संगीत छ ।चलचित्रलाई  वेञ्जामिन ड्रेले खिचेका हुन् ।

सलमान खानको बहुप्रतिक्षित चलचित्र ‘टाईगर जिंदा है’ को ट्रेलर रिलिज (भिडियो)

बलीउड स्टार सलमान खानको बहुप्रतिक्षित चलचित्र ‘टाईगर जिंदा है’ को ट्रेलर रिलिज भएको छ ।धमाकेदार एक्शनक दृश्य समाबेश ‘टाईगर जिंदा है’ यहि दिसंबर २२ बाट प्रदर्शनमा आउदैछ।

सलमान ख़ान र कटरीना कैफले ५ बर्ष अघि अभिनय गरेको चलचित्र ‘एक था टाइगर’को सिक्वलको रुपमा चलचित्र ‘टाईगर जिंदा है’ निर्माण गरिएको हो । यस चलचित्रलाई अली अब्बास जफरले निर्देशन गरेका हुन् भने ‘एक था टाइगर’लाई भने कबीर ख़ानले निर्देशन गरेका थिए ।

ऑस्ट्रिया, नाक्सोस र ग्रीस लगायतको देशमा छायांकन गरिएको ‘टाईगर जिंदा है’ लाई यशराज ब्यनरले निर्माण गरेको हो ।सलमान खानको ट्यूबलाइट चलचित्र असफल भए पछि यस चलचित्रले फेरी पुन उनले सफलता दिनेको सफाई बक्स अफिसमा ब्लॉकबस्टर समेत हुने अनुमान गरिएको छ।