Monday , 17 December 2018
News update
Home >> Trailer (page 3)

Trailer

चलचित्र ‘ड्रिम गर्ल’ को अफिसियल ट्रेलर सार्वजनिक (भिडियो)

मंसीर ७ गते प्रदर्शनमा आउने चलचित्र ‘ड्रिम गर्ल’ को अफिसियल ट्रेलर सार्वजनिक भएको छ ।मंगलबार राजधानीमा एक कार्यक्रमको बिच चलचित्रको ट्रेलर सार्वजनिक गरिएको हो ।नेपाल र थाइल्याण्डमा खिचिएको फिल्मको ट्रेलरमा बिशेष गरेर प्रेम, द्वन्द्व, रोमान्स, विछोड देखाउन खोजिएको छ ।

चलचित्रमा आकाश श्रेष्ठ र नव-नायिका आश्मा गिरीको मुख्य भूमिका रहेको छ । आकाश र आश्मा सगै ‘ड्रिम गर्ल’ मा सरोज खनाल, विल्सन बिक्रम राई,शिशिर भण्डारी,अर्जुन श्रेष्ठ, पूजा पराजुली, निर्मल शर्मा, लक्ष्मी गिरी,रश्मी भट्ट, सुरवीर पण्डित लगायतले पनि अभिनय गरेका छन् ।

आरबि मुभिजको ब्यानरमा निर्माण भएको चलचित्र ‘ड्रिम गर्ल’ लाई ऋषिराज आचार्य निर्देशन गरेका हुन् ।चलचित्रमा ऋषिराजसँगै अर्जुन शर्मा, रामेश्वर धितालको लगानी रहेको छ । यस चलचित्रमा सह-निर्मातामा दक्षिण भारतको रिल एण्ड रियल सिनेमा कम्पनी छ ।

राहुल राईको छायांकन रहेको यस चलचित्रमा अर्जुन पोखरेलको संगीत, गम्भीर विष्टको कोरियोग्राफी र नविन निरौलाको सम्पादन रहेको छ ।ट्रेलर रिलिज कार्यक्रममा निर्देशक ऋषिराजले निर्देशन गर्ने नयाँ दुई चलचित्रको पनि घोषणा गरिएको छ । ‘चुरीफुरी’ र ‘द्रोपदी’ नामको दुई चलचित्र निर्देशक ऋषिराजले बनाउने छन् ।

कसलाई भन्दैछिन रेखा थापा- डर सँग आँखा जुधाएर हेर? (भिडियो)

लामो समय देखि नेपाली सिने क्षेत्रमा एक क्षत्र राज गरेकी अभिनेत्री रेखा थापाले निर्देशन गरेकी बहुप्रतिक्षित चलचित्र ‘मालिका’को ट्रेलर सार्वजनिक गरिएको छ ।’हिम्मतवाली’ पछि पुनः निर्देशनमा हात हालेकी रेखा गएको वर्ष प्रदर्शनमा आएको फिल्म ‘रुद्रप्रिया’ पछि पर्दामा देखिन लागेकी हुन्। चलचित्र ‘मालिका’ कार्तिक १६ गते देखी देश भरी प्रदर्शनमा आउदैछ।

सामाजिक रुपान्तरण र मुलुकको समसामयिक चासोको मुद्दा मुखरित गर्न निर्माण गरिएको मालिका रेखाको पाचौ फिल्म हो । रेखा थापाको अग्रणी अभिनय रहेको मालिकामा उनलाई साथ दिनेछिन कर्णाली कि छोरी कमला ओलीले । कमला त्यस अघी फिल्म क्षेत्रमा नितान्त अनिभिग्य किशोरि हुन I अक्सर महिला र सामाजिक मुद्दामा फिल्म निर्माण गर्ने रेखा फिल्मसले यस अघी एसिड आतंक बिरुद्द ‘रुद्रप्रिया’, अपाङ्गताको बिषयमा ‘हिम्मतवाली’, श्रमिक महिलाको बिषयमा ‘रामप्या रि’ ब्यबसायिक क्षेत्रमा महिला माथिजस्ता बिषय हुने असमानता र आत्मासम्मान बारे ‘काली’ बनाएकी रेखा यस पाली अझ गहन रुपमा प्रस्तुत भएकी सहजै बुझ्न सकिन्छ ।

शहर र ग्रामीण क्षेत्रमा ब्याप्त सामाजिक बिसँगति र प्रब्रितिलाई खल्-पात्रको रुपमा गहन लडाईं देखाउने छ जो सामाजिक, मनोबैज्ञानीक र भौतिक सबै तहमा पर्दामा देखिने छ । परम्परागत सम्बाद शैली भन्दा एक कदम अगाडि बढेर, देहाती, पश्चिमर कर्णाली क्षेत्रको खस शैली को भाषिक सुन्दरता र समिश्रण भएको यो फिल्ममा १०० भन्दा बढी कोरस भएको निर्त्य तथा पाँच भिन्न लोक सन्स्क्रिती झल्काउने कलात्मकता देखिन्छ ।

छोरीको निम्ती स्वर्णिम नेपाल महा अभियानको अभी यन्ता पनि रहेकी रेखा थापा र अभीयन्ता नर बहादुर कार्कीको दावी छ, मालिका एउटा फिल्म मात्रा होइन, यो एउटा अत्यावश्यक अभियानको हिस्सा हो । ‘तिमी भित्र पनि एउटा नायक छ’ भन्ने नारा रहेको मालिका फिल्मले देश भरिका छोरी हरुमा एउटा जागरण ल्याउन खोजेको देखिन्छ । यहाँ डर निर्धा र निर्धन को होइन, डर त शिक्षित र सम्पन्नता को खोल ओडेका हरुको छ’ भन्ने सम्बाद बाट शुरु भएको ट्रेलर ले छोरी हरुमाथि को बर्तमान प्रतिकुलता लाई कडा ब्यङ्य गरेको झल्किन्छ ।

शिवम अधिकारीको लेखन रहेको यस चलचित्रमा रामशरण उप्रेतीको छायांकन र सुरेश अधिकारीको संगीत रहेको छ ।चलचित्रमा बनिश शाहको सम्पादन तथा सरस्वति थापा निर्माता र नर कार्की कार्यकारी निर्माताको रुपमा रहेका छन् । यसअघि सार्वजनिक भएको ‘मालिका’ को ‘हल्का माया’ बोलको गीत अहिले चर्चामा छ ।

फ्राइडे रिलिज ‘छिरिङ’,’कथा काठमाण्डौ’ र ‘अनुराग’को भिडन्त

फ्राइडे रिलिजअन्तर्गत यो शुक्रबार अर्थात् आज बाट नेपाली कथानक चलचित्र ‘छिरिङ’, ‘कथा काठमाण्डौ’र ‘अनुराग’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र ‘छिरिङ’, ‘कथा काठमाण्डौ’र ‘अनुराग’को बारे बिस्तृत जानकारी प्रकाशन गरेका छौ ।

‘कथा काठमाण्डौ’

फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘कथा काठमाण्डौ’प्रदर्शनमा आएको छ।चलचित्रलाई संगीता श्रेष्ठले निर्देशन गर्नु भएको हो ।

काठमाण्डौलाई आफ्नो कर्मभुमि बनाएर रहिरहेका भिन्न भिन्न पात्रको कथालाई फिल्ममा चित्रण गरिएको छ ।चलचितमा प्रियंका कार्की, आयुष्मान डिएस जोशी, संजोग कोइराला, सन्ध्या केसी, प्रेक्षा अधिकारी, प्रमोद अग्रहरीको मुख्य भूमिका छ ।फिल्ममा गायिका इन्दिरा जोशी पनि विशेष भूमिकामा देखिदैछिन ।

आहाना फिल्मःको ब्यानरमा निर्माण भएको फिल्ममा विजय राइको लगानी छ । फिल्मलाई लुजा सिंहले खिचेका हुने भने यसलाई मित्र गुरुङले सम्पादन गरिरहेका छन् । भारत रेग्मीको कलर र भीएफएक्स रहेको फिल्मको पटकथा भने निर्देशक श्रेष्ठले नै लेखेकी हुन् ।

‘अनुराग’

फ्राइडे रिलिज अन्तर्गत आज बाट देशका प्रमुख सिनेमा घर बाट चलचित्र ‘अनुराग’पनि प्रदर्शनमा आएको छ।चर्चित पत्रकार ऋषि धमला श्रीमती एलिजा गौतमद्वारा निर्माण तथा अभिनय रहेको चलचित्र ‘अनुराग’लाई सत्यराज चौलागाईले निर्देशन गरेका हुन् ।

चलचित्रमा एलिजा गौतम सगै समुन्द्र पन्डित, ठिलेंन लामा, सरोज खनाल, रुपा राना, राजाराम पौडेल, शिशिर राना, मोहन निरौला, विश्व बस्नेत लगायतका कलाकारहरुको अभिनय रहेको छ ।

सत्यराज चौलागाईं र आगत केसीको पटकथा तथा संवाद रहेको फिल्मका प्रस्तुतकर्ता ऋषिराज धमला हुन् ।एरिका फिल्म्सको ब्यानरमा बनेको अनुरागमा भरत गौतम र गीता भेटवाल फिल्मको निर्माता हुन् । किरण दाहालको कथा, ताराप्रकाश लिम्बु र सरोज पोखरेलको संगीत रहेको फिल्ममा रामकुमार के.सीको छायांकन रहेको छ ।

‘छिरिङ’

यस्तै फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘छिरिङ’ दर्शनमा आएको छ।यसै फिल्मबाट गायक एवं अभिनेता यशकुमारले निर्देशकको रुपमा समेत डेब्यु गरेका छन् ।

चलचित्रमा यशकुमार,रुम्बा रुम्बा र कामना भुजेलको मुख्य भूमिका रहेको छ। सुनिल माथेमा प्रधान, आइबी दर्नाल र नवीन बुढाथोकीको निर्माण रहेको फिल्मलाई यश र याम थापासँग मिलेर लेखेका हुन् । मानकृष्ण महर्जनको छायांकन, मिलन श्रेष्ठ र साहिल खानको सम्पादन छ ।

दुई पति भएकी एक युवतीले गर्नुपरेको भौतिक, मानसिक, सामाजिक र सांस्कृतिक द्धन्द्ध फिल्मको कथावस्तु हो । उपल्लो मुस्ताङको सेट खडा गरिएको फिल्मले त्यहाँ चल्तीमा रहेको बहुपतिप्रथाको कथा पेश गर्छ ।

चलचित्र ‘नालापानी’को टिजर सार्वजनिक (भिडियो)

ऐतिहासिक कथामा निर्माण भएको फिल्म ‘नालापानी’को टिजर सार्वजनिक भएको छ। बिहीबार राजधानीमा एक कार्यक्रमको आयोजना गर्दै फिल्मको टिजर सार्वजनिक गरिएको हो।

सार्वजनिक टिजरमा नेपालीले नेपाल भूमि बचाउनका लागि अङ्ग्रेजविरुद्ध लडेको लडाइँ देखाइएको छ। टिजरमा भिएफएक्सको प्रयोग अधिक भएको देखिन्छ। सन् १८१४ मा देहरादुनस्थित नालापानी गढीमा भएको अङ्ग्रेज–नेपाल युद्धमा नेपाली फौजका तर्फबाट कप्तानी गरेका वीर बलभद्र कुँवरले लडेको ऐतिहासिक लडाईंलाई आधार बनाएर यो फिल्म निर्माण भएको हो ।

चलचित्रमा देशभक्त खनाल, अर्जुनजंग शाही, सन्तोष पन्त, मनोज शाक्य, बिशाल पहारी, बिजय बिष्फोट, पुजना प्रधान, गीता अधिकारी, महाविर विश्वकर्मा, ईशान बिजु श्रेष्ठ, हिक्मत थपलिया, जनक बर्तौला, विशाल श्रेष्ठलगायतका कलाकारहरुको अभिनय छ ।

रिमेश अधिकारीको निर्माण तथा निर्देशन रहेको नालापनीमा अङ्ग्रेजविरुद्ध नेपालीले गरेको वीरतापूर्ण लडाइँ नै फिल्मको मुख्य कथा हो।रामशरण उप्रेतीले खिचेको फिल्ममा रोशन श्रेष्ठको द्वन्द्व, कविराज गहतराजको करियोग्राफी तथा विपिन मल्लको सम्पादन रहेको छ।

बहुचर्चित चलचित्र ‘ठग्स अफ हिन्दोस्तान’ को ट्रेलर सार्वजनिक (भिडियो)

बहुचर्चित चलचित्र ‘ठग्स अफ हिन्दोस्तान’ को ट्रेलर सार्वजनिक भएको छ ।सार्वजनिक ट्रेलरमा चलचित्रका मुख्य कलाकार अमिताभ बच्चन, आमिर खान, क्याटरिना कैफ र फतिमा सना शेखलाई प्रस्तुत गरिएको छ ।

देशलाई आजाद बनाउन चाहने अमिताभ, क्याटरिना, फतिमा र ठग्स आमिर बिचको द्धन्द्वको वरिपरि सिनेमाको कथा घुमेको छ ।यशराज फिल्मसको व्यानर निर्माण भएको बहुप्रतिक्षित सिनेमा ‘ठग्स अफ हिन्दोस्तान’को बलिउड सुपरस्टार अमिताभ बच्चन र आम‍िर खान पहिलो पटक एक साथ देखिन लागेका हुन् ।

दिपावलीको अवसर पारेर ८ नोभेम्बरमा रिलिज हुन लागेको यो फिल्म फिलिप टेलर्सको उपन्यास ‘कन्फेशन अफ ठग्स’ मा आधारित छ । फिल्मको निर्देशन विजय कृष्ण आचार्यले गरेका हुन् । उक्त फिल्म तीन भाषामा रिलिज हुनेछ ।

‘ठग्स अफ हिन्दुस्तान’ को सुटिङमा करिब २ सय करोड भारतीय रुपैयाँ खर्च भएको छ । बताइए अनुसार सिनेमाका लागि १८ औं शताब्दीको भारतको पनि सेट बनाइएको छ । सिनेमामा जोडिएका विभिन्न व्यक्तिहरुले यो कुराको पुष्टि गरेका छन् । ‘ठग्स अफ हिन्दुस्तान’को इटलीको माल्टा, थाइल्यान्डको बैंकक र भारतका जोधपुर र गोवाको विभिन्न क्षेत्रमा छायांकन गरिएको हो ।

चलचित्र ‘निर्जला’ को अफिसियल ट्रेलर सार्वजनिक (भिडियो)

यहि असोज १९ गते बाट आउन लागेको चलचित्र ‘निर्जला’ को अफिसियल ट्रेलर सार्वजनिक गरिएको छ ।राजु गिरीको निर्देशक रहेको ‘निर्जला’को ट्रेलरमा वैदेशिक रोजगारी र त्रिकोणात्मक प्रेम देखाइएको छ ।

चलचित्रमा फिल्ममा किशोर खतिवडा, शुभेच्छा थापा, निक शर्मा, श्याम राई, पल्पसा डंगोल, रश्मी भट्ट, राजकुमार थापा लगायतको अभिनय छ ।निर्जलालाई प्रकास चन्द्र न्यौपानेले निर्माण गरेका हुन्, ।

चलचित्रमा रबि कोईरालाको छायांकन ,बाबुल गिरिको संगीत, तारा थापा किम्भेको सम्पादन, अशोक खड्काको द्वन्द्व, कमल राईको नृत्य रहेको छ ।निर्देशक गिरी आफूले निर्देशन गरेका अन्य फिल्मभन्दा ‘निर्जला’ फरक रहेको बताउँछन् ।

बहुप्रतिक्षीत चलचित्र ‘छक्का पञ्जा ३’को ट्रेलर सार्वजनिक, असोज २४ मा रिलिज हुने(भिडियो)

यो बर्षको बहुप्रतिक्षीत चलचित्र ‘छक्का पञ्जा ३’को अफिसियल  ट्रेलर सार्वजनिक गरिएको छ ।शनिबार बिहान राजधानीमा एक कार्यक्रमको बिच चलचित्र ट्रेलर र   अफिसियल  रिलिज मिति घोषणा गरेको छ ।चलचित्र ‘छक्का पञ्जा ३’असोज २४ गते घटस्थापनाको दिन बाट प्रदर्शनमा आउने भएको छ ।

यस अघि सार्वजनिक गरिएको ‘पहिलो नम्बरमा ’ र ‘पछि उमेर ढल्किन्छ’ बोलको गीतलाई दर्शकले निकै मन पराएका छन्।चलचित्रको ट्रेलरमा कमेडी सगै सामाजिक बिषय बस्तुलाई समेत देखाउन खोजिएको छ।यस अघि सार्वजनिक गीतले नै दर्शकको मन जितेको ‘छक्का पञ्जा ३’को ट्रेलर चलचित्रलाई अझै प्रतिक्षीत बनाएको छ। 

दीपाश्री निरौलाको निर्देशक रहेको ‘छक्का पञ्जा ३’मा दीपकराज गिरी, जितु नेपाल, केदार घिमिरे, बुद्धि तमाङ, दीपिका प्रसाईं, नीर शाह, किरण केसी, शिवहरि पौडेल, जयनन्द लामा, अनुरागमान सिंह कुँवर, शिशिर राणा, शिशिर वाग्देल, लक्ष्मी गिरी, शारदा गिरी, वसन्त भट्ट, संजोग कोइरालालगायतको अभिनय रहेको छ।नायिका प्रियंका कार्की विशेष अतिथिको भूमिकामा देखिने छिन् ।

दीपकराज गिरीको कथा रहेको फिल्ममा दीपक, जितु, केदार र यामन श्रेष्ठको संवाद, अर्जुन पोखरेल र दीपक शर्माको संगीत रहेको छ । पुरुषोत्तम प्रधानले फिल्मको छायांकन गरेका हुन् ।आमा सरस्वती मुभिज प्रा.लि तथा आइ एम ईको प्रस्तुतिमा निर्माण भएको चलचित्रमा जीतु नेपाल र केदार घिमिरे कार्यकारी निर्माता रहेको छन् भने सुमन गिरी ‘भान्जा’, किरण केसी, शिवहरी पौडेल, पुरुषोत्तम प्रधान, ताराचन्द्र बजगाई, दीपेन्द्र खनिया र केशव न्यौपाने निर्माताको रुपमा रहेका छन् ।

फ्राइडे रिलिज :‘इन्टु मिन्टु लण्डनमा’, ‘बाँध मायाले’ र ‘धूम ३

फ्राइडे रिलिजअन्तर्गत यो शुक्रबार अर्थात् आज बाट नेपाली कथानक चलचित्र ‘इन्टु मिन्टु लण्डनमा’’, ‘बाँध मायाले’र ‘धूम ३’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र ‘इन्टु मिन्टु लण्डनमा’’, ‘बाँध मायाले’र ‘धूम ३’ को बारे बिस्तृत जानकारी प्रकाशन गरेका छौ ।

‘इन्टु मिन्टु लण्डनमा’

फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘इन्टु मिन्टु लण्डनमा’प्रदर्शनमा आएको छ।यहि चलचित्र बाट चर्चित कोरियोग्राफर रेनेशा वान्तवा राईले निर्देशनमा डेव्यु गर्दैछिन् ।चलचित्रमा ‘इन्टु मिन्टु लण्डनमा’ साम्राज्ञी राज्यलक्ष्मी शाह र नव नायक धिरज मगरका अलवा शारुक ताम्राकार अर्जुन श्रेष्ठ, दिलभुषण पाठक, विजय लामा, रुवी राणालगायतको पनि अभिनय छ ।

आइकोर फिल्मस्को व्यानरमा निर्माण भएको सिनेमालाई प्रभु शमसेर जबरा र प्रज्वल शमसेर जबराले मिलेर निर्माण गरेका हुन् । सिनेमाका सह-निर्माताहरुमा सुलेखा राई, बसन्त तामाङ र सुष्मिता जिरेल रहेका छन् ।

प्रज्ज्वल समशेर जबरा र रेनाशाकै कथा रहेको सिनेमाको लेखकमा अभिमन्यु दिक्षित र रेनाशा रहेका छन् भने, आभास कर्माचार्यको संवाद रहेको छ । शैलेन्द्र धोज कार्कीको छायांकन रहेको फिल्ममा टिसूजिल कर्माचार्य, हर्कुलस बस्नेत, स्वप्न सुमन र बसन्त सापकोटाको संगीत सिनेमामा रहेको छ ।

‘बाँध मायाले’

यस्तै फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘बाँध मायाले’पनि प्रदर्शनमा आएको छ।काइट्स इन्टरटेन्मेन्ट प्रालिको प्रस्तुतीमा तयार भएको ‘बाँध मायाले’लाई सबिर श्रेष्ठको निर्देशन गरेका हुन् ।

चलचित्रमा सृष्टि श्रेष्ठ र आर्यन अधिकारी मुख्य भूमिकामा रहेका छन् ।सृष्टि र आर्यन सगै चलचित्रमा राजाराम पौडेल, रविन्द्र प्रताप सेन र विशाल चाम्लिङको अभिनय छ । ‘बाँध मायाले’ बाट किशोर खड्का नव नायकको रुपमा डेव्यु गर्दैछन् ।

‘बाँध मायाले’मा रामहरी धिताल र विभिषिका श्रेष्ठको संयुक्त लगानीमा बनेको हो भने यस चलचित्रमा सह निर्माताको रुपमा महेन्द्र अधिकारी र केदार धिताल रहेका छन् ।अर्जुन पोखरेलको संगीत रहेको चलचित्रमा कविराज गहतराज र रामजी लामिछानेको कोरियोग्राफी छ । छायाँकन बाबु श्रेष्ठ र द्धन्द्ध निर्देशन रोशन श्रेष्ठको छ ।

‘धूम ३’
यस्तै फ्राइडे रिलिज अन्तर्गत आज बाट चलचित्र ‘धूम ३’ पनि प्रदर्शनमा आएको छ।चलचित्र ‘धूम ३’नायक जय किशन बस्नेतको लेखन, निर्माण, निर्देशन र मुख्य अभिनय समेत रहेको छ ।

चलचित्रमा जयक किशन बस्नेत सहित एलिना रायमाझी, लय संग्रौला, शोभित बस्नेत, उत्तम के.सी., सपना श्रेष्ठ, सुरबिर पण्डित लगायतका कलाकारहरुले अभिनय गरेका छन्।

जय किशन बस्नेत फिल्मस् प्रा.लि.को ब्यानरमा निर्माण भएको चलचित्र धूम ३ को प्रस्तुतकर्तामा जाहन्बी बस्नेत र ब्रबिम बस्नेत रहेका छन् भने टंक बुढाथोकी र ओम सुनारको संगीत, जीवन श्रेष्ठको छायाँकन, हिमाल के.सी.को द्वन्द, तुलसी बाँस्कोटाको सम्पादन एवम जय किशन बस्नेत र शिव बि.क.को नृत्य निर्देशन रहेको छ ।

विश्वकै सर्वाधिक प्रतिष्ठित ओस्कार अवार्डकामा छनौट भयो चलचित्र ‘पंचायत’

विश्वकै सर्वाधिक प्रतिष्ठित ओस्कार अवार्डका लागि नेपाली चलचित्र पंचायतलाई छनौट गरिएको छ ।नेपालस्थित ओस्कर छनोट समितिले ९१ औं ओस्कार फिल्म अवार्डका लागि नेपाली चलचित्र पंचायतलाई ओस्कारका लागि सिफारिस गर्ने निर्णय गरेको हो ।

एकेडेमी अफ मोशन पिक्चर आर्ट एण्ड साइन्सेस्द्वारा सन् २०१९ मा घोषणा गरिने ९१औं एकेडेमी अवार्ड (द अस्कर अवार्ड)मा विदेशी भाषी सर्वोत्कृष्ट चलचित्र विधामा प्रतिस्पर्धी बन्नका निम्ति नेपालबाट सहभागिताका लागि आह्वान गरिएकोमा “तान्द्रो”, “पञ्चायत”, तथा “माइ लभ प्रोमिश फर काठमाडौं दर्ता भएका थिए ।

तीनवटा चलचित्रहरू एकेडेमीका सबै मापदण्ड पुग्ने स्तरीय एवम् अब्बल दर्जाका सिर्जनाहरू रहेकामा प्राविधिक पक्ष, कथ्यको प्रस्तुति पक्ष, चरित्रहरूको भावनात्मक विश्लेषण पक्ष तथा प्रस्तुतिको कलात्मक बुनोट आदि समेतलाई दृष्टिगत गरी उक्त अवार्डमा नेपालको प्रतियोगीका रूपमा सामेल गराउनका निम्ति यस विदेशी भाषी सर्वोत्कृष्ट चलचित्र छनोट समिति (नेपाल)द्वारा चलचित्र “पञ्चायत”लाई छनौट गरेको छनोट समितीले बताएको छ । छनौट समितिमा संयोजक श्री बिमल पौडेल, सदस्यहरूः प्रदीपकुमार उपाध्याय, लक्ष्मीनाथ शर्मा, राजेन्द्र शलभ, सामीप्यराज तीमल्सेना, लोकेन्द्र पराजुली (कपील), चिरञ्जीवी गुरागाइ रहेका थिए ।

‘पन्चायत’ले यतिबेला नेपालमा आयोजना हुने गरेका धेरै अवार्डहरु पनि हात पारिरहेको छ । लेखन तथा निर्देशन शिवम अधिकारीको रहेको ‘पन्चायत’ लाई सुशान्त श्रेष्ठ र शंकर सुवेदीले निर्माण गरेका हुन् । रवि अधिकारी कार्यकारी निर्माता रहेको चलचित्रमा सरोज खनाल, नीता ढुंगाना , रुपा राना, गीता अधिकारी, गणेश गिरी, जाहान्वी बस्नेत, विशाल पहारी, किरण थापा, राजुबाबु श्रेष्ठ लगायतको अभिनय रहेको छ ।

फ्राइडे रिलिज :‘साली कस्को भेनाको’ प्रदर्शनमा

फ्राइडे रिलिजअन्तर्गत यो शुक्रबार अर्थात् आज बाट नेपाली कथानक चलचित्र ‘साली कस्को भेनाको’रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र ‘साली कस्को भेनाको’को बारे बिस्तृत जानकारी प्रकाशन गरेका छौ ।

‘साली कस्को भेनाको’

फ्राइडे रिलिज अन्तर्गत आज बाट देशका प्रमुख सिनेमा घर बाट चलचित्र ‘साली कस्को भेनाको’प्रदर्शनमा आएको छ।चलचित्रलाई भद्र भुजेलले निर्देशक गरेका हुन् ।मानविय संवेदनामाथि निर्माण भएको चलचित्र पूर्ण रुपमा पारिवारिक कमेडी कथामा निर्माण गरिएको छ । मगर जातीको संकृतिमा साली र भेनाको सम्बन्धलाई चलचित्रमा देखाइनेछ ।

चलचित्र ‘साली कस्को भेनाको’मा विल्सन विक्रम राई, सुष्मा कार्की, मरिष्का पोख्रेल, रजनी गुरुङ, बुद्धि तामाङ (हैट),देब सागर बि.सी, रबि गिरी, बिरेन श्रेष्ठ, प्रिया रिजाल, जयनन्द लामा, पुष्प आचार्य,कविता आले, मिन घलान लगायतको अभिनय रहेको छ । देब सागर बि.सी यो चलचिबाट रजतपटमा प्रवेश गर्दैछन् ।

मुभिङ पिक्चर्स प्रा.लि द्धारा निर्मीत चलचित्र साली कस्को भेना प्रसाद श्रेष्ठको प्रस्तुतीमा राम प्रसाद श्रेष्ठ ,सुशील गोपाल न्याछ्यो ,काजी मन श्रेष्ठ ”बिशाल ”, कमला भट्टराई र मुक्ति अधिकारीको मिलेर निर्माण गरेका हुन् ।

चितवन र धम्पुसका विभिन्न स्थानमा छायांकन गरिएको यस चलचित्रमा पुष्प आचार्यको कथा रहको छ भने प्रसाद श्रेष्ठ ,सुरज शाही ठकुरी र मिन घलानको संगीत समावेश छ ।दिर्घ गुरुङको छायांकन रहने चलचित्रमा बसन्त श्रेष्ठ, गम्भिर विष्ट र सुमित लामाको नृत्य रहेनछ । चलचित्रमा द्धन्द्ध निर्देशन रबि बराली र प्रकाश कर्मचार्यको रहको छ ।