Saturday , 20 October 2018
News update
Home >> Trailer (page 4)

Trailer

वरुण धवन र अनुष्का शर्मा अभिनित ‘सुई धागा’को ट्रेलर सार्वजनिक (भिडियो)

वरुण धवन र अनुष्का शर्माको मुख्य भूमिका रहेको चलचित्र ‘सुई धागा : मेड इन इन्डिया’ को ट्रेलर सार्वजनिक गरिएको छ । चलचित्रमा महात्मा गान्धीको ‘मेड इन इन्डिया’ विचारबाट प्रेरित भएर निर्माण गरिएको छ । चलचित्रमा वरुण र अनुष्का पति-पत्नीको भूमिकामा देखिएका छन् ।

सेप्टेम्बरमा २८ मा रिलिज हुने सुई धागालाई यशराज फिल्म्सले निर्माण गरेको हो ।मनीष शर्मा निर्मित फिल्मको रिलिज डेट गान्धी जयन्तीको दिन राखिएको हो । ‘सुई धागा : मेड इन इन्डिया’ लाई शरत कटार‍ियाले निर्देशन गरेका हुन् ।

फ्राइडे रिलिज: ‘कहिँ कतै’ प्रदर्शनमा

फ्राइडे रिलिजअन्तर्गत यो शुक्रबार अर्थात् आज बाट नेपाली कथानक चलचित्र ‘कहिँ कतै’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र ‘कहिँ कतै’ को बारे बिस्तृत जानकारी प्रकाशन गरेका छौ ।

‘कहिँ कतै’

फ्राइडे रिलिज अन्तर्गत आज बाट देशका प्रमुख सिनेमा घर बाट चलचित्र ‘कहिँ कतै’ प्रदर्शनमा आएको छ।चलचित्र ‘कहिँ कतै’ लाई सबिर श्रेष्ठले निर्देशन गरेका हुन् ।

रोमान्टिक र फेमिली ड्रामामा रहेको ‘कहिँ कतै’मा शिवानी गिरी, दिलिप रायमाझी, किशोर खतिवडा, सोनम बरफुङ्पा, उमा बेबी लगायत मुख्य अभिनय रहेको छ । यस फिल्म मार्फत शिवानी र सोनम अभिनयमा डेब्यु भएका छन् । अधिकांश छायांकन सिक्किममा गरिएको फिल्मको केही भाग काठमाडौंमा गरिएको छ ।

बाबु श्रेष्ठको छायांकन, अर्जुन जिसीको सम्पादन, सचिन सिंह र लक्की सिटौलाको संगीत, निर्देशक श्रेष्ठकै लेखन समावेश छन् । डोमेनिक सेभियो डिसुजासँग मिलेर उमाले फिल्म निर्माण गरेकी हुन् ।

चलचित्र ‘शिरफूल’को ट्रेलर सार्वजनिक,मंसिर २१मा रिलिज (भिडियो)

बुधबार राजधानीमा एक कार्यक्रमको बिच चलचित्र ‘शिरफूल’को ट्रेलर र पोस्टर सार्वजनिक गरिएको छ । ट्रेलरमा काठमाडौंका युवा जमातको रहन सहनका साथमा आदिवासी जनजाति संस्कृतिको झलक पनि देख्न सकिन्छ ।

नाइस मिडिया नेटवोर्क र मगर क्रिएसन प्रा.लि.को प्रस्तुती रहेको चलचित्र ‘शिरफूल’ रुपा राना, राज थापा, देवराज आले, बिनिता थापा, सुनिल रोका, राजु युगिन, नमिता तामाङ, पुजा गदल, लिला गुरुङ, बिना थापा, निता पुन, नियोना गुरुङ, किरण मगर लगायतका कलाकारको अभिनय रहेको छ ।

‘शिरफूल’लाई कमल एक्चै मगरले निर्देशन गरेका हुन् । म्युजिक भिडियो निर्देशनमा राम्रै सफलता हासिल गरेका कमलको यो डेब्यु निर्देशन हो । यस अघी नै चलचित्रको दुई गीत ‘आज किन’ र ‘शिरफूल’ टाइटल गीत सार्वजनिक गरिसकिएको छ । चलचित्रमा समाबेश गीतमा शब्द राजु थापा, डिपी खनाल र कृष्ण केसीको रहेको छ भने संगीत हरी लम्साल र देवराज आले मगरको रहेको छ । चलचित्रका गीतमा आवाज भने आर्जन पाण्डे, मेलिना राई, हरी लम्साल, देवराज आले मगर र तारा श्रीशको रहेको छ ।

चलचित्रमा कथा नायक पनि रहेका देवराज आले मगर को रहेको छ ।चलचित्रलाई निरोज श्रेष्ठले खिचेका हुन् भने सम्पादन मिलन श्रेष्ठ गरेका हुन् ।नेपालमा मंसिर २१ गतेलाई चलचित्रको प्रदर्शन मिति तय गरिएको छ भने विदेशका १६ वटा देशका मुख्य मुख्य सहरमा भने चलचित्रको प्रदर्शन हुने पक्का भएको छ । ‘शिरफूल’मा आशिर्वाद पुन मगर को लगानी रहेको छ ।

बिर्तामोड बाट ‘ब्ल्याक’ले सुरु गर्यो मोफसलमा चलचित्रको प्रचार प्रसार

यहि भाद्र १ गते बाट प्रदर्शनमा आउन लागेको चलचित्र ‘ब्ल्याक’ले अहिले प्रचार प्रसारको लागि मोफसलका मुख्य मुख्य सहरको यात्रामा रहेको छ ।आकाश श्रेष्ठ र आँचल शर्मा को मुख्य भूमिका रहेको ‘ब्ल्याक’ले बिर्तामोडमा पत्रकार भेटघाट गर्दै फिल्मले उठाएको बिषयको बारेमा जानकारी गराएको छ ।

स्थानिय पत्रकारबाट अन्य फिल्म भन्दा ‘ब्ल्याक’ के कारणले फरक छ भनि आएको प्रश्नमा निर्देशक प्रदिप श्रेष्ठले सबैजसो फिल्मले उठाउने लभस्टोरी कहिँकतै ठोकिन जाने भएता पनि ‘ब्ल्याक’को प्रस्तुती केहि भिन्न भएको दाबी गरे । ‘फिल्मले जिन्दगीका रङहरुको ब्याख्या गरेको छ, निर्देशक श्रेष्ठले भने ।

बोर्तामोड र दमक सकाएर इटहरी पुगेकी निर्मात्री आश्मा पाण्डेले आफु पुर्बकै चेली भन्दै फिल्म निर्माणमा आफ्नो उपस्थितीलाई दरिलो बनाउन र आफुलाई सफल बनाउनको लागी सबै पुर्बेली दर्शकको साथ र सहयोगको अपेक्षा राखिन् । लगानीमा कुनै कन्जुस्याइँ नगरेको र प्रोडक्ट उत्कृष्ट बनेको भन्दै हल पुग्ने दर्शकलाई आफ्नो फिल्मले निराश नबनाउने तर्क पाण्डेको छ ।

‘मानिसको जीवनमा आइपर्ने उतार चढाव सामना गरेर अघि बढ्न चलचित्रले प्रेरणा दिन्छ । पाण्डेले भनिन्,‘ २ करोड बढी लगानी भएको छ, त्यो लगानी उठ्ने नउठ्ने भन्दा पनि समाजमा भइरहेका घटना वरीपरी फिल्म घुमेकोले सकारात्मक सन्देश फिल्मले दिनेमा आशा छ ।’

अभिनेत्री आँचलले ‘ब्ल्याक’ आफुले यसअघि गरेका फिल्म भन्दा भिन्न रहेको भन्दै आफ्नो पुस्ताका सबै दर्शकको प्रतिनिधित्व फिल्मले गरेको दाबी गरिन् । बच्चादेखि बृद्धसम्म सबैलाई समेट्ने किसिमको कथा फिल्मले बोकेको भन्दै पछिल्लो पुस्ताका युवाहरुको जीवन कसरी अन्धकारमा पर्छ र त्यसलाई उज्यालोतर्फ डोर्याउँदा आइपर्ने अनेकन परिस्थितीको वरीपरी फिल्म घुमेको उनको तर्क छ ।

उता केहि समयको अन्तरमा पर्दामा आउँदै गरेका अभिनेता आकाशले युवाहरुको लभस्टोरीदेखि दैनिक जीवन भोगाइको केहि फरक परिवेश फिल्मले बोल्ने भन्दै पृथक स्वादको प्रेमको आभाष ‘ब्ल्याक’ले दिलाउने बताए ।

मौनता श्रेष्ठको कथामा बनेको फिल्मका कार्यकारी निर्माता चेतनकुमार पाण्डे हुन् । फिल्ममा आकाश र आँचलसँगै सुन्दर श्रेष्ठ, आयुष रिजाल, प्रिया रिजाल, धिरेन शाक्य लगायत लिड रोलमा छन् ।

सोमबार बिर्तामोड र दमक पुगेको टिमले मंगलबार इटहरी र धरान, बुधबार हेटौंडा, बिहिबार चितवन र शुक्रबार बुटवल हुँदै पोखरा पुगेर स्थानिय सञ्चारकर्मी तथा दर्शकसँगको साक्षात्कारपछि आफ्नो यात्रा टुङ्ग्याउने छ ।

सलमान खानको ज्वाँई आयुष शर्मा अभिनित ‘लवरात्री’को ट्रेलर सार्वजनिक (भिडियो)

चलचित्र ‘लवरात्री’को ट्रेलर सार्वजनिक गरिएको छ ।सलमान खानले आफ्नो ब्यानरमा निर्माण भएको ‘लवरात्री’बाट सलमानको बहिनि ज्वाँई आयुष शर्माले बलिउडमा डेव्यु गर्दैछन् ।

रोमान्टिक लभस्टोरीमा गुजरातको कथामा निर्माण गरिएको यस चलचित्रमा वरीना हुसैनले पनि बलिउडमा डेव्यु गर्दै छन् । सार्वजनिक ट्रेलरमा आयुष र वरीनाको केमेष्ट्रि आर्कषक देखाइएको छ ।

चलचित्रमा आयुष र वरीना सगै राम कपुर, रोनित राय,सोहेल खान अरबाज खान लगायतका कलाकारको मुख्य भुमिका रहेको छ । यस चलचित्रलाई अभिराज मीनावालानिर्देशक गरेका हुन् । चलचित्र  ५ अक्टुबर बाट प्रदर्शनमा आउदैछ ।

चलचित्र ‘रेनी’को ट्रेलर र गीत सार्वजनीक(भिडियो )

आइतबार राजधानीमा एक कार्यक्रमको बिच चलचित्र ‘रेनी’ को ट्रेलर र गीत सार्वजनीक गरिएको छ । भाद्र ८ गतेदेखि प्रदर्शनमा आउने त्रिकोणात्मक प्रेमकथानक चलचित्र ‘रेनी’ को मलाई नाइँ नाइँ बोलको गीत सार्वजनिक गीतमा पुस्कर सुनुवारको स्वर र संगीत रहेको उक्त गीतको कोरियोग्राफी मदन खड्काले गरेका हुन् ।

गीतमा नवअभिनेत्री सनम मल्ल र अभिनेता दिपक ढकाललाई रोमान्टिक मुडमा प्रस्तुत गरिएको छ । चलचित्रमा सरोज खनाल, सनम मल्ल, दीपक ढकाल,सुरवीर पण्डित, रमेश लम्साल, बबिता लम्साल,टंक डुम्रे,गुरु भुटिया, बिजय तिखातारिलगायतका कलाकारले अभिनय गरेका छन् ।

कार्यक्रममा निर्मात्री बिमलाले निकै मिहीनेतका साथ राम्रो फिल्म बनाएकाले सफल हुनेमा आफूहरु बिश्वस्त रहेको बताइन् । उनले आफूहरु फिल्म क्षेत्रमा नयां भए तापनि फिल्म चाहिं परिपक्क बनेको उल्लेख गरिन् । चलचित्रलाई गिरिश रिजालको निर्देशन गरेका हुन्।

फिल्मकी स्क्रिप्ट राईटर र गीतकार समेत रहेकी नवअभिनेत्री सनमले ‘रेनी’ मा मायाप्रेम, हासो, रोदन, द्धन्द्धका साथमा सामाजीक बिषयलाई प्रस्तुत गरिएको जानकारी दिइन् । उनले आफू नयाँ भएकाले सबैको माया र साथले नै अघि बढ्न हौसला मिल्ने बताइन् ।

अभिनेता दीपकले रेनीको स्क्रिप्ट निकै मन परेको बताउदै आमदर्शकले फिल्म सफल गराइदिने बिश्वास ब्यस्त गरे । निर्देशक गिरिशले रेनी आफ्ना लागि बिशेष भएको बताउदै दर्शकले पनि मन पराउने दावी गरे । त्यसैगरी, कार्यक्रममा कमेडीयन टंक डुम्रे र बिजय तिखातारिले पनि आफ्नो भूमिकाबारे प्रष्ट्याएका थिए ।



शाही मल्ल फिल्मस्को ब्यानरमा निर्मित फिल्मलाई गोबिन्द शाहीले बितरण गर्दैछन् । जयराम रिजालले खिचेको फिल्मका गीतमा बिनोद खुम्बुको पनि संगीत छ । फिल्मको द्धन्द्ध राजु किराँतीले निर्देशन गरेका हुन् ।

फ्राइडे रिलिजमा आर्यन र साम्राज्ञको प्रतिक्षीत चलचित्र ‘कायरा’ प्रदर्शनमा

फ्राइडे रिलिजअन्तर्गत यो शुक्रबार अर्थात् आज बाट नेपाली कथानक चलचित्र ‘कायरा’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र ‘कायरा’ को बारे बिस्तृत जानकारी प्रकाशन गरेका छौ ।

‘कायरा’

फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘कायरा’ प्रदर्शनमा आएको छ।चलचित्रलाई लक्ष्मण रिजालले निर्देशन गरेका हुन् ।‘कायरा’ लाई फिलिपिन्स र नेपालको रमणीय ठाँउमा छांयाकन गरिएको

चलचित्रमा आर्यन सिग्देल र साम्राज्ञी राज्यलक्ष्मी शाह,शिशिर राणा, हितेश शर्मा, मरिषा श्रेष्ठ ,रोजेट्टे काय पब्लो लगायतका कलाकारहरुको अभिनय छ । फिल्ममा पटकथा तथा संवाद केदार भुषालको छ ।

‘कायरा’मा कोशिष क्षेत्री ,अर्जुन पोखरेल र कल्याण सिंहको संगीत, प्रविन सिंहको कोरियोग्राफी, बनिष शाह र मिलन श्रेष्ठको सम्पादन र शिवराम श्रेष्ठ (आशिकी)को छायाँकन छ । आर्यन सिग्देल इन्टरटेनमेन्टको र आर एण्ड आर प्रोडक्सनको व्यानरमा निर्माण भएको सिनेमाका कार्यकारी निर्माता राजेन्द्र भट्ट हुन् । भने, दिनेश थापा र दिवस पराजुली सहनिर्माता हुन् ।

बहुप्रतिक्षीत चलचित्र ‘रामकहानी’को ट्रेलर सार्वजनिक (भिडियो)

यस बर्षको बहुप्रतिक्षीत चलचित्र ‘रामकहानी’को ट्रेलर सार्वजनिक गरिएको छ । बिहिबार राजधानीमा एक कार्यक्रम बिच चलचित्रको ट्रेलर सार्वजनिक गरिएको हो ।

चलचित्रको यस अघि सार्वजनिक ‘तिम्रो लागि म छु…’ बोलको गीतले राम्रै चर्चा बटुल्दै गर्दै चलचित्रको ट्रेलरमा नायिका पूजा शर्माको ‘भूत’को अवतार देखिएकी छिन् । चलचित्रको प्रेम, मिलन, विछोड, रोदन, कमेडी, थ्रिल सामबेश गरिएको रोमान्टिक प्रेम कथा सहितको ट्रेलर सार्वजनिक गरिएको छ ।

भदौ २२ गतेबाट प्रदर्शनमा आउन लागेको ‘रामकहानी’लाई सुदर्शन थापाले निर्देशन गरेका हुन् ।चलचित्रमा पूजा शर्मा, आकाश श्रेष्ठ, राजाराम पौडेल, केदार घिमिरे, जितु नेपाल, रविन्द्र झा, विल्सन विक्रम राई,शोबित बस्नेतको मुख्य भूमिका रहेको छ ।

सुदर्शन थापाको कथा रहेको यस चलचित्रलाई पूजा र सुदर्शनले संयूक्त रुपमा निर्माण गरेका हुन् ।अर्जुन पोखरेलको संगीत, सौरभ लामाको छायांकन रहेको यो चलचित्रब निश शाह र मिलन श्रेष्ठको सम्पादन रहेको छ । चलचित्रमा महेश दवाडी र दिनेश न्यौपानले संयूक्त रुपमा स्क्रिन प्ले र डाइलग लेखेका छन् ।

‘पंचायत’को अस्ट्रेलिया ,कतार र युएई प्रदर्शनको पैसा सामाजिक सेवामा,भोलि कतारमा सो हुने

चलचित्र विकास बोर्ड बाट २०७४ सालमा प्रदर्शनमा आएको चलचित्रहरु बाट बिशेष चलचित्र सहित नगद २ लाख पुरस्कृत हुन सफल तथा अमेरिकाको क्यालिफोर्निया राज्यको सन्फ्रान्सिस्को शहरमा आयोजित ‘सन फ्रान्सिस्को चलचित्र महोत्सव’मा चलचित्र ‘पंचायत’ले बिदेशी भाषाको उत्कृष्ट चलचित्र विधाको अवार्ड तथा नायिक निता ढुंगानाले उत्कृष्ट नायिकाको अवार्ड जित्न सफल चलचित्र”पंचायत” अब विभिन्न देशमा प्रदर्शन हुदैछ । ‘दशौ डी सिने अवार्ड २०७५’मा नायिका नीता ढुंगानाले ‘पंचायत’बाट नै उत्कृष्ट नायिकको अवार्ड जितेका छन् ।

चलचित्र ‘पंचायत’ यहि शुक्रबार अगस्ट ३ मा मकवानपुर जिल्लामा एम्बुलेन्स सेवा सुचारु गर्ने उद्देश्यले मकवानपुर मिलन केन्द्र कतारको आयोजनामा कतारमा प्रदर्शन हुदैछ ।यस प्रदर्शन बाट उठेको पैसा मकवानपुरमा एम्बुलेन्स सेवा सुचारु गर्न सहयोग गरिने चलचित्रका निर्माता सुसान्त कुमार श्रेष्ठले जानकारी दिनु भयो । ग्रान्ड मल सँगै रहेको एसियन टाउन सिनेमा हलमा शुक्रबार बेलुका ३ चलचित्रको प्रदर्शन गर्न को लागि चलचित्रको निर्माता सुसान्त कुमार श्रेष्ठ कतार पुगेका छन् ।

त्यस्तै अगस्ट १२ मा अस्ट्रेलियाको सिड्नीमा पनि चलचित्र ‘पंचायत’को प्रदर्शन हुदैछ। अस्ट्रेलियाको प्रदर्शन बाट उठेको केहि पैसा सामाजिक कार्यमा लगाउने चलचित्रका प्रस्तुतकर्ता गणेश गिरी जानकारी दिनु भयो। अगस्ट १२ आईतबार बेलुका ६ बजे सिभिक थिएटर हस्र्टभिली (Civic Theatre Hurstville ,Sydney)मा चलचित्रको प्रदर्शन हुदैछ । अस्ट्रेलियामा ‘पंचायत’लाई बिभुसन जोशी र दिनेश पोखरेलले चलचित्र प्रदर्शनको जिम्मा लिएका हुन् ।

चलचित्र ‘पंचायत’ चेपाङ बालबालिकाहरुको सहयोगार्थ युएईको विभिन्न सहरमा पनि प्रदर्शनमा आउदैछ ।चितवन समाज युएईको आयोजनामा सेप्टेम्बर २० ,२१ र २२मा युएईको अल एन ,दुबई र अबुधाबीमा बिशेष प्रदर्शन हुदैछ। युएईको प्रदर्शन बाट उठेको पैसा चितवनमा रहेको चेपाङ बालबालिकाहरुलाई लागि कार्य गर्दै आएको गामबेशीको चेपाङ संरक्षण केन्द्रलाई सहयोग गरिने चितवन समाज युएईका महासचिब तथा संचारकर्मी रमेश क्षितिज बताउनु भयो। युएईमा चलचित्र प्रदर्शनका लागि कलाकार सरोज खनाल र चलचित्रका निर्माता तथा संचारकर्मी रबि अधिकारी उपस्थिति रहने रमेश क्षितिजले जानकारी दिनु भयो ।

नेपालीमा, अमेरिका, जापान लागतका ठाउमा प्रदर्शन गरि सकिएको ‘पंचायत’लाई चलचित्र हेरेका दर्शक बाट निकै राम्रो तारिफ मिलेको छ ।बिशेष गरेर नायिका नीता ढुंगानाको अभिनय भने खुलेरै तारिफ गरिएको छ ।

शिवम अधिकारीको लेखन तथा निर्देशन रहेको चलचित्र ‘पंचायत’मा सरोज खनाल र निता ढुङ्गाना मुख्य भूमिकामा छन् । चलचित्रमा खनाल, ढुंगानाका अलावा रुपा राना, जाहान्वी बस्नेत, गिता अधिकारी, गणेश गिरी, विशाल पहारी, राजुबाबु श्रेष्ठ लगायतको अभिनय छ ।

गणेश गिरीको प्रस्तुती रहेको फिल्मको निर्माण सुशान्त श्रेष्ठ र शंकर सुवेदीले गरेका हुन्। सञ्चारकर्मी रवि अधिकारी फिल्मका कार्यकारी निर्माता हुन्। टंक बुढाथोकीको संगीत र रामेश्वर कार्कीको छायांकन रहेको फिल्मलाई विपिन मल्लले सम्पादन गरेका हुन्

चलचित्र ‘जय शम्भु’को ट्रेलरमा फुल एक्शन (भिडियो)

चलचित्र ‘जय शम्भु’को ट्रेलर सार्वजनिक भएको छ ।भदौं १ गतेबाट प्रदर्शन ‘जय शम्भु’को ट्रेलर पूर्ण एक्शन फ्लेवरमा सार्वजनिक गरिएको छ ।यस अघि फिल्मको टिजर र गीत सार्वजनिक गरिएको थियो । टिजर र गीतबाट फिल्मको प्रचार तिब्र भएको छ । अनुप विक्रम शाही र प्रशान्त ताम्राकार एउटै फिल्ममा देखिएको कारण पनि फिल्मप्रति दर्शकको आशा थपिएको हो । फिल्म ऐश्वर्य पछि प्रशान्तको जय शम्भु दोश्रो फिल्म हो ।ट्रेलरमा प्रशान्त र अनुपको अलवा बर्षा शिवाकोटी पनि फिचरिङ छिन् ।

अनुमानित गरिएको समय र बजेट भन्दा निकै गुणा बढि बजेटमा तयार भएको जय शम्भु एक्शन लभ स्टोरी फिल्म हो । एक्शनको पार्टबाट फिल्मले केही नयाँपन दिन खोजिएको फिल्मका निर्देशक रुपेश तामाङले बताएका छन् ।

दिनेश शाही प्रस्तुतकर्ता रहेको जय शम्भुमा अरविन्द्रमान शाक्य निर्माताको रुपमा रहेका छन् भने चक्र पाख्रिन कार्यकारी निर्माताको रुपमा रहेका छन् । यस्तै सह निर्माताहरु कुशल शर्माा र शिक्षा काफ्ले हुन् । फिल्मलाई रुपेश तामाङले निर्देशन गरेका हुन् ।

फिल्ममा हरि घले लामाको छायाँकन, श्री श्रेष्ठको एक्शन, टंक बुढाथोकीको संगीत, बनिश शाहको सम्पादन, रामजी लामिछानेको नृत्य रहेको छ । फिल्ममा प्रशान्त, अनुप र बर्षासँगै रोशन महर्जन, करुणा पाण्डे, रश्मी भट्ट, बसन्त भट्ट, राज कुमार थापा, कालु राना आदको मूख्य भुमिका रहेको छ ।

फिल्मलाई राजधानीमा बिके फिल्मका गोपाल काजी कायस्थ र काठमाडौं बाहिर एफडि कम्पनीले वितरण गर्ने भएका छन् । ट्रेलर सार्वजनिकसँगै फिल्मका निर्माण टिमले राजधानी र राजधानी बाहिरको लागि फरक फरक प्रचार कार्यक्रम तय गरिएको छ । देशैभर ९० भन्दा बढि हलहरुबाट फिल्म जय शम्भु रिलिज हुन लागिएको वितरक कम्पनिले जनाएको छ ।