Thursday , 20 June 2019
News update
Home >> Trailer (page 4)

Trailer

पलको जन्मदिनमा ‘वीरविक्रम २’ रिलिज घोषणा

पल शाह स्टारर चलचित्र ‘वीरविक्रम २’ को प्रदर्शन मिति घोषणा गरिएको छ । ‘पिरतीको मिठो तिर्सना’ बोलको गीतले बजारमा फिल्मको राम्रो हाइप बनाएको अवस्थामा निर्माण टिमले शुक्रवार औपचारिक रुपमा प्रदर्शन मिति घोषणा गरेको हो ।

फ्लोरमा नजाँदैदेखि चर्चामा रहेको ‘वीरविक्रम २’ अर्को वर्षको जेठ ३ गतेबाट देशभर प्रदर्शनमा आउने तय भएको छ । निर्देशक तथा निर्माता मिलन चाम्सले अभिनेता पलको जन्मदिनको अवसर पारेर चलचित्रको प्रदर्शन मिति घोषणा गरेका हुन् । यो डेटमा प्रियंका कार्की र आयुष्मान देशराज जोशी स्टारर फिल्म ुप्रेम दिवसु पनि आउँदैछ ।

यो चलचित्रबाट अभिनेता आकाश श्रेष्ठले अन्तिम समयमा हात झिकेपछि पलले उनको ठाउँ लिएका थिए । चलचित्रमा वर्षा सिवाकोटी र नाजिर हुसेन पनि लिड रोलमा छन् । चलचित्रलाई सुदीप बरालले खिचेका हुन् । हिमाल केसीको द्वन्द्व रहेको चलचित्रको कथा प्रदीप भारद्धाजले लेखेका हुन् ।

यसमा बुद्धि तामाङ, देशभक्त खनाल, विनिशा भण्डारी, विनोद सुवेदी खत्री, मनिष लिम्बुलगायतका कलाकारहरुको पनि अभिनय छ । चलचित्रमा अपर्ण सापकोटा सह(निर्माताको रुपमा रहेका छन् । नयाँ कथामा निर्माण भएकाले ‘वीरविक्रम २’ सिक्वेल नभएको निर्माण टिमको भनाई छ ।

‘जानी नजानी’ को ट्रेलर सार्वजनिक

आगामी चैत्र १ मा रिलिज हुने चलचित्र ‘जानी नजानी’ को ट्रेलर सार्वजानिक भएको छ । सार्वजनिक ट्रेलरमा फिल्मको कथासार र क्यारेक्टरलाई परिचित गराइएको छ । लिडकलाकार मनिष श्रेष्ठ , नम्रता श्रेष्ठ , सन्नी सिंहसँगै डेब्यु गर्ल निरिशा बस्नेतको परिचयसँगै यिनको क्यारेक्टरलाई प्रस्ट्याइएको छ । चलचित्रमा मनिषले देव , निरिशाले मीरा , सन्नीले चिराग र नम्रताले वर्षाको भूमिका निर्वाह गरेका छन् ।

लभ स्टोरी रहेको फिल्म यी चारकै वरपर घुमेको छ ।फिल्म पूर्णतया लभ स्टोरी रहेको डेब्यु निर्देशक बसन्त अधिकारीले बताएका छन् । धेरै चलचित्रमा मुख्य सहायक निर्देशकको रुपमा काम गरिसकेका अधिकारी यसै चलचित्र मार्फत निर्देशनमा डेब्यु गर्दैछन ।

आधुनिक प्रेम कथामा आधारित चलचित्रको कथा , पटकथा र संवाद सामिप्यराज तिमिल्सेनाले लेखेका हुन् । फिल्ममा प्रकाश अधिकारी, कृष्ण भक्त महर्जन , रोशनी केसी लगायतको पनि अभिनय रहेको छ । चलचित्रमा छायाँकन संजय लामाको रहेको छ भने यसमा संगीत अर्जुन पोखरेलले दिएका छन् ।


फिल्ममा कविराज गहतराज , प्रविन सिंह र शिशिर खातीको कोरियोग्राफी रहेको छ भने यसको सार्वजनिक फस्टलुक पोष्टरलाई कलर ब्लाइन्डले तयार परेको हो । फिल्ममा अर्जुन जिसीको सम्पादन , बसन्त घर्ति मगरको भीएफएक्स रहेको छ भने यसको कलरिस्ट रेनिश फागो हुन् । रोशनी इन्टरटेन्मेनटको ब्यानरमा निर्मित फिल्मकी प्रस्तुतकर्ता रोशनी केसी हुन् । फिल्ममा मोदनाथ खनाल र सागर काजी मालीको निर्माण रहेको छ ।

अक्षयको धमाकेदार ‘केसरी’ ट्रेलर (भिडियो सहित)

 

२१ मार्चवाट प्रर्दशनमा आउन लागेको चलचित्र ‘केसरी’ को ट्रेलर सार्वजनिक भएको छ । बलिउड सुपरस्टार अक्षय कुमार अभिनीत चलचित्रमा परिणिती चोपडा, अक्षयको अपोजिट रोलमा छिन् । यो एक पिरियड ड्रामा चलचित्र हो । चलचित्रलाई अनुराग सिंहले निर्देशन गरेका हुन् । ट्रेलरमा अक्षय जबरदस्त एक्सन अवतारमा देखिएका छन् । ३ मिनेट लामो ट्रेलरको ब्याकग्राउण्ड म्यूज‍िक कमालको छ ।

यसको कहानी गिरीश कोहली र अनुराग सिंहले मिलेर लेखेका हुन् । करण जोहरसहित धेरै निर्माताको फिल्ममा लगानी छ । फिल्मको कहानी १९८७ मा सारागढीको लडाइँमा आधारित छ । ‘केसरी’ ले बक्सअफिसमा राम्रो कमाई गर्ने फिल्मपण्डितहरुको आँकलन छ ।

चलचित्र ‘कागजपत्र’ ट्रेलर रिलिज

चैत्र ८ गतेदेखि रिलिजको मिति कुरेर बसेको चलचित्र ‘कागजपत्र’ को ट्रेलर सार्वजनिक भएको छ । नक्कली कागजपत्र र आफ्न्तसँगै नक्कली विवाह गरेर अष्ट्रेलिया जानेरचाहनेहरुको कथामा आधारित भएर निर्माण भएको हो । इपी एजुकेशन अष्ट्रेलियाको प्रस्तुतीमा तयार भएको फिल्म वल्र्डवाइड फिल्मस् र अस सिनेमाको संयूक्त व्यानरमा निर्माण भएको हो । फिल्म सामाजिक तथा कमेडी कथामा निर्माण गरिएको निर्देशक तथा लेखक अपिल बिष्टले बताए ।


बसन्त सापकोटा र संगीत सापकोटाको संगीत छ भने निमेष श्रेष्ठको सम्पादन रहेको छ । फिल्मलाई अस्ट्रेलियन सिनेमाटोग्राफर क्यस्मिर डिक्सनले खिचेका हुन् । लोकेन्द्र लेखक, जीवन भट्टराई, लक्ष्मी वर्देवा, अर्जेस रेग्मीलगायतका कलाकारहरुको पनि चलचित्रमा अभिनय छ । यसको निर्मातामा खिलेन्द्र तिमल्सिना, मुकेश रेग्मी र प्रजापती सिवाकोटी छन् ।

फिल्ममा किरण न्यौपाने र सरस्वती श्रेष्ठ सह(निर्माताको रुपमा रहेका छन् ।अभिनेत्री शिल्पाले आफ्नो डेब्यु फिल्म भएका कारण ‘कागजपत्र’ माथि ठूलो आशा र भरोसा रहेको बताइन् ।

यसमा अभिनेता नाजिर हुसेनसँग अभिनेत्री शिल्पा मास्केको प्रेम देखिइएको छ, तर अष्ट्रेलिया जानका लागि उनले अभिनेत्री सरिता गिरीसँँग बैबाहिक जीवनमा बाँधिएका कलाकार भोलाराज सापकोेटासँग नक्कली विवाह गरेकी छन् ।

चलचित्र ‘अदालत’ को ट्रेलर सार्वजनिक (भिडियो)

फागुन २४ गतेबाट रिलिज हुने चलचित्र ‘अदालत’ को ट्रेलर सार्वजनिक भएको छ । चलचित्रका लेखक तथा निर्देशक दिनेश लिङ्देन रहेका छन् । फाल्गुनन्द लिङ्देन फिल्मस्द्वारा निर्माण गरिएको चलचित्रमा एलिना बास्कोटा, राजकुमार अधिकारी, मदन भुजेल, रुद्र पाहिम लिम्बु, शान्ति लामा, मेखबहादुर मगर, उदय सुब्बा, प्रेम आले, दिपक क्षेत्री, राजु घिमिरे, दिलिप ठकुरी, पुन्य ओझा, अजय खडकाआदिको मुख्य भुमिका रहेको छ ।

मदन, राजकुमार, रुद्र र शान्तिले यसै फिल्मबाट डेब्यु गरेका हुन् । चलचित्रमा डा डा. डिजन भट्टराईको गीत, रोशन बान्तवा राईको संगीत, दिनेश माङमुको नृत्य, राजु किराँतीको द्वन्द्व, विक्रम डिसिको छायांकन छ । बसन्त थेवे कार्यकारी निर्माता, मेखबहादुर मगर सह–निर्माता र आरपी दाहाल प्रस्तुतकर्ता रहेका छन् ।

अमिताभ बच्चन अभिनित चलचित्र ‘बदला’को ट्रेलर रिलिज (भिडियो )

अमिताभ बच्चन अभिनित चलचित्र  ‘बदला’को ट्रेलर रिलिज भएको छ ।सुजोय घोषको निर्देशनमा बनेको फिल्ममा अमिताभ बच्चनसँगै तापसी पन्नु मुख्य भूमिकामा छिन् ।

शाहरुख खानको कम्पनी रेड चिल्ली इन्टरटेनमेन्टको ब्यानरमा निर्माण भएको चलचित्र  ‘बदला’को शाहरुख खानले फिल्मका केही पोस्टरहरु आफ्नो ट्वीटरमा शेयर गर्दै लेखेका छन् ‘अब माहोल केही बदलिएको जस्तो लागेको छ ।’ यो ट्वीटभन्दा अगाडि उनले एक अर्को ट्वीट गर्दै लेखेका थिए ‘बिग बी म तपाइँसँग बदला लिनन आउँदैछु, तयार रहनुहोला ।’ फिल्मलाई शाहरुख र उनकी पत्नी गौरीले रेड चिल्ली इन्टरेटमेन्टमार्फत अजुर इन्टरटेनमेन्टसँग मिलेर निर्माण गरेका हुन् । पिंकपछि यो दोस्रो पटक हो जहाँ अमिताभ बच्चन र तापसी पन्नु एउटै फिल्ममा देखिँदैछन् ।

फिल्म आगामी मार्च ८ मा रिलिज हुनेछ । यो फिल्म स्पेनिश फिल्म कन्ट्राटिएम्पोको अफिशियल रिमेक हो । फिल्ममा तापसी जवान महिलाको भूमिकामा छिन् भने अमिताभ बच्चन वकिलको भूमिकामा छन् । फिल्ममा शाहरुख खान तापसीको पतिको भूमिकामा देखिनेछन् जसको शुटिङ उनले फिल्म जीरोको शुटिङपछि गरेका थिए । कहानी र कहानी २ जस्ता सस्पेन्सले भरिएका फिल्मपछि यो फिल्म पनि उस्तै सस्पेन्स हुनेछ । फिल्मको कहानी हत्याको रहस्यको वरिपरि घुम्नेछ ।

अनमोल केसी र सुहाना थापाको ‘ए मेरो हजुर ३’ को टिजर सार्वजनिक (भिडियो)

अनमोल केसी अभिनित चलचित्र ‘ए मेरो हजुर ३’ को टिजर सार्वजनिक भएको छ ।टिजरमा अनमोल केसी र नव नायिका सुहाना थापालाई प्रस्तुत गरिएको छ । चलचित्र ‘ए मेरो हजुर ३’ मार्फत झरनाकी छोरी सुहानी थापाले डेब्यू गर्दैछिन् ।

सांगीतिक प्रेमकथामा आधारित ‘ए मेरो हजुर ३’ अनमोल र सुहाना सगै सरोज खनाल ,सलोन बस्नते, अर्पण थापा, रबिन्द्र झा लगायतको अभिनय रहेको छ ।

नेपाली नयाँ वर्ष ०७६ को अवसर पारेर चैत २९ गते रिलिज हुने ‘ए मेरो हजुर ३’ लाई झरना थापाले निर्देशन गरेकी हुन् ।यसअघि झरनाको निर्देशनमा बनेको चलचित्र ‘ए मेरो हजुर २’ सुपरहिट भएको थियो । जुन चलचित्रमा अभिनेता सलिनमान बनियाँ र अभिनेत्री साम्राज्ञी राज्यलक्ष्मी शाह मुख्य भूमिकामा थिए ।

यस चलचित्रलाई सुहाना इन्टरटेनमेन्टको प्रस्तुतीमा सुनिल कुमार थापाले निर्माण गरेका हुन् । चलचित्रमा निर्देशक थापा र सुमन पौडेलको कथा, कल्याण सिंह, कोशिश क्षेत्री, प्रतिक पौडेल र आशिश अविरलको संगीत, रोशन श्रेष्ठले द्वन्द्व र सञ्जय लामाको छायांकन छ ।

फ्राइडे रिलिज : ‘समर लभ’

फ्राइडे रिलिजअन्तर्गत यो शुक्रबार अर्थात् आज बाट नेपाली कथानक चलचित्र ‘समर लभ’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र ‘समर लभ’ को बारे बिस्तृत जानकारी प्रकाशन गरेका छौ ।

‘समर लभ’
फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘समर लभ’ प्रदर्शनमा आएको छ।चलचित्र ‘समर लभ’ लाई मुस्कान ढकालले निर्देशन गरेका हुन् ।

चलचित्रमा सुरज सिंह ठकुरी, आशिष पिया, रेवती क्षेत्री, नम्रता सापकोटा, शिशिर भण्डारी, सरोज खनाल, ओम प्रतिक लगायतका कलाकारको मुख्य भुमिका रहेको छ ।

सुविन भट्टराइको कथा रहेको चलचित्रमा सामिप्यराज तिमिल्सिनाले पटकथा लेखेका हुन् ।पुष्पन प्रधानको संगीत सञ्जय लामाको छायांकन रहेको फिल्म अर्जुन जिसीले सम्पादन गरेका हुन् ।

चलचित्रमा भरत शर्मा, सपन सरकार, इन्दु भण्डारी र मनु विकले लगानी रहने छ ।नाइटिंगेल इन्टरटेनमेन्टको ब्यानरमा निर्माण गरिएको फिल्ममा खगेन्द्र श्रेष्ठ र इन्दु भण्डारी निर्माता रहेका छन् भने बिनोद अधिकारी कार्यकारी निर्माता रहेका छन् ।स्वपन सरकार र मनोज बिक सहनिर्माता रहेको फिल्ममा एकराज तामाङ लाइन प्रोड्युसर रहेका छन् ।

चलचित्र ‘व्वाईफ्रेन्ड’ को ट्रेलर र गित सार्वजनिक,फागुन १० मा रिलिज हुदै (भिडियो)

यहि फागुन १० गते बाट प्रदर्शनमा आउन लागेको चलचित्र ‘व्वाईफ्रेन्ड’को एक साथ ट्रेलर र गित सार्वजनिक गरिएको छ । चलचित्रको निर्माण पक्षले शनिबार राजधानीमा एक कार्यक्रमको आयोजना गरि एकै पटक गित र ट्रेलर रिलिज गरेको हो ।

चलचित्रमा सरोज खनाल,पुस्कर रेग्मी ,सोनाम थापा ,महिमा सिलवाल,कृष्ण खनाल,मोहन निरौला,शेखर के.सी ,सोभा भण्डारी, पुजा थापा लगायत कलाकारहरु को अभिनय रहेको छ ।

कार्यक्रममा निर्देशक घिमिरेले ‘हतारमा ग्रलफ्रेन्ड/व्वाईफ्रेन्ड बनाउदा टिनेजमा के कस्ता समस्याहरु आइपर्छ भन्ने बिषय बस्तुलाई चलचित्रमा दर्शाएको बताए ।

चलचित्रको प्रस्तुतकर्ता सुर्य बुढाथोकी हुन् भने निर्माता कृष्ण खनाल रहेका छन । चलचित्रमा कृष्ण चापागाई को लेखन, कृष्ण श्रेष्ठ को छायांकन, शंकर महर्जन को द्न्द , पुनम राइ,राजेन्द्र र कमल राइ को कोरियोग्राफी रहेको छ । चलचित्रलाई संगीत भने टंक बुढाथोकी,सोनाम शेर्पा र के.के सिं ले दिएका छन ।

बहुप्रतिक्षित अनमोल केसी अभिनित फिल्म ‘क्याप्टेन’को ट्रेलर सार्वजनिक

माघ १८, चितवन ।
युवा स्टार अनमोल केसी अभिनित फिल्म ‘क्याप्टेन’को ट्रेलर सार्वजनिक भएको छ । सार्वजनिक ट्रेलरमा अनमोललाई केवल फुटबल प्लेयरको रुपमा मात्र प्रस्तुत गरिएको छैन् ।फुटबललाई आफ्नो जीवन मानेका एक पात्र ९निशान खड्का०को भूमिकामा अनमोल प्रस्तुत भएका छन् ।

जीवनको फरक पाटोमा भरिया, कार वासर देखि पेन्टरसम्म बन्न पुगेका उनी पुन आफ्नो देशका निमित्त साफ फुटबल च्याम्पियनसिपमा गोल्ड मेडल भित्राउने उदेश्य सहित फुटबल मैदानमा फर्किन्छन् । यसैको वरिपरी फिल्मको कथा घुमेको अनुमान सार्वजनिक ट्रेलरबाट गर्न सकिन्छ ।

हाल सम्म नेपालले साफ च्याम्पियनसिप जित्न नसकेको, तर हरेक नेपाली फुटबल खेलाडी र फुटबल प्रेमीको चाहाना साफ च्याम्पियनसिपमा गोल्ड मेडल ल्याउनु हो । त्यसै कारण उक्त विषयलाई फिल्मको मुख्य कथा बनाइएको र फिल्मकै माध्यमबाट भए पनि नेपालले जितेको हेर्ने चाहाना पुरा हुने फिल्म निर्माण टिमको भनाई छ । फिल्ममा अनमोलको फुटबल कोचको भूमिकामा प्रशान्त ताम्राकार देखिएका छन् ।

 

भुवन केसी निर्माता रहेको फिल्मका निर्देशक दिवाकर भट्टराई हुन् भने कार्यकारी निर्माता जिया केसी हुन् । फिल्ममा अनमोल र प्रशान्तसँगै उपासना सिंह ठकुरी, प्रियंका एमभी, सुनिल थापा, सरोज खनाल, राजाराम पौडेल, बुद्धी तामाङ, विल्सन बिक्रम राई, अमित श्रेष्ठ, सुर्य माला खनाल लगायतको अभिनय रहेको छ ।

फिल्ममा निर्देशक दिवाकर भट्टराईसँगै सामिप्यराज तिमल्सेनाको कथा, सुदीप बरालको डिओपी, नवराज उप्रेतीको छायांकन, अर्जुन पोखरेलको संगीत, दिर्घ राज खड्काको सम्पादन, कविराज गहतराजको कोरियोग्राफी रहेको छ । फिल्म फागुन १७ गते देखी प्रदर्शनमा आउने छ ।

यस्तो छ, ट्रेलर l