Thursday , 20 June 2019
News update
Home >> Trailer (page 5)

Trailer

फ्राइडे रिलिजमा “रणवीर”,गोपी’ र ‘१०० कडा १०’को भिडन्त

फ्राइडे रिलिजअन्तर्गत यो शुक्रबार अर्थात् आज बाट नेपाली कथानक चलचित्र “रणवीर”,गोपी’ र ‘१०० कडा १०’ रिलिज भएको छ । यति तपाई नया चलचित्र हेर्न सिनेमा घरमा जादै हुनु हुन्छ भने एक पटक यो हप्ता बाट प्रदर्शनमा आएको चलचित्रको बारेमा बुझेर हेर्न जानु होला ।हामी तपाईलाई फ्राइडे रिलिजको बारेमा पूर्ण जानकारी दिदै छौ ।शुक्रबारबाट नेपाली बक्स अफिसमा प्रदर्शनमा आएको चलचित्र “रणवीर”,गोपी’ र ‘१०० कडा १०’ को बारे बिस्तृत जानकारी प्रकाशन गरेका छौ ।

‘गोपी’
फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र गोपी’ प्रदर्शनमा आएको छ।गाई पालक किसानको कथामा आधारित चलचित्र ‘गोपी’ दीपेन्द्र लामाले निर्देशन गरेका हुन् ।

चलचित्रमा विपिन कार्की, वर्षा राउत, सुरक्षा पन्त, रमेश अधिकारी, अंकित खड्का, प्रकाश घिमिरे, भोलाराज सापकोटा, सरोज अर्याललगायतले अभिनय गरेका छन् ।

आरोही इन्टरटेनमेन्टको ब्यानरमा बनेको फिल्ममा पटकथा सामिप्यराज तिमल्सिनाले लेखेका छन् । त्यस्तै कार्यकारी निर्माता श्रीधर पौडेल, छायाँकार शैलेन्द्र डि कार्की र सम्पादक निमेष श्रेष्ठ रहेका छन् । फिल्ममा विप्लव प्रतीक र बुद्धिसागरले लेखेका गीतलाई न्ह्यू बज्राचार्य, अर्जुन पोखरेल र कल्याण सिंहले कम्पोज गरेका छन् । पाश्र्व संगीत रोहित शाक्यको सुन्न सकिन्छ ।

“रणवीर”
फ्राइडे रिलिज अन्तर्गत आज बाट देशका प्रमुख सिनेमा घर बाट चलचित्र “रणवीर”पनि प्रदर्शनमा आएको छ।साउथ इण्डियन फिल्म टिममा समेत काम गरिसकेका गोविन्द सिंह भण्डारीको लेखन तथा निर्देशन रहेको छ ।

चलचित्रमा सुशील सिटौला , सुबेक्षा खड्का र सुपुस्पा भट्ट,नरेश पौडेल, प्रशान्त ताम्राकार , टिका पहाडी , रवी गिरी , शैलेश्वरी सिंह , जगदीश रिजाल , बसन्ती भट्ट लगायतको पनि अभिनय रहेको छ । सन् २०१२ कि मिस इन्टरनेशनल सुबेक्षा खड्का पनि यसैफिल्मबाट डेब्यु गर्दै्छिन् ।

फिल्मलाई प्राची फिल्म्स र डिआर फिल्मको ब्यानरमा गोमा बिस्ट थापा र दिपेन्द्र रेग्मीले संयुक्त रुपमा निर्माण गरेका हुन् । फिल्ममा माया , मित्रता र बदलाको कथालाई प्रस्तुत गरिएको छ । यसमा कथा , पटकथा , संवाद तथा निर्देशन गोविन्द सिंह भण्डारीको रहेको छ । फिल्ममा महेश पौडेलको छायांकन, कृष्ण भण्डारीको सम्पादन, चन्द्र पन्तको द्वन्द, रामजी लामिछाने , गम्भीर विष्ट र सुरेन्द्र बसेलको कोरियोग्राफी रहेको छ ।

‘१०० कडा १०’
यस्तै फ्राइडे रिलिज अन्तर्गत आज बाट देशका प्रमुख सिनेमा घर बाट प्रतिक्षीत चलचित्र ‘१०० कडा १०’ प्रदर्शनमा आएको छ।भ्रष्टचार बिरुद्दको अभियानमा निर्माण भएको चलचित्र ‘१०० कडा १०’लाई रामशरण पाठकले निर्देशन गरेका हुन् ।

चलचित्रमा मनोज गजुरेल, राजाराम पौडेल, रवि डंगोल, अमृत ढुंगाना, करुना श्रेष्ठ, उत्सव न्यौपाने, अमित पोख्रेल, सोनिया राई आदिको मुख्य अभिनय रहेको छ ।

दर्शन नेपाल कृयसनको प्रस्तुती रहेको चलचित्र ‘१०० कडा १०’ लाई रज्जु प्रधान उत्तम खत्री, डि आर उपाध्याय र सन्जिव न्यौपानेले संयुक्त रुपमा निर्माण गरेका हुन् ।चलचित्रमा निर्मात्री प्रधानको कथा रहेको छ ।

राजाराम पौडेल कार्यकारी निर्माता रहेको चलचित्रको सह निर्माताहरुमा निरौला सँगै बालकृष्ण घिमिरे र साजन थापा रहेका छन् । चलचित्रलाई रमेश्वर कार्कीले छांयाकन गरेका हुन् भने बनिश शाहले सम्पादन गरेका हुन् ।

सलिनमान बनिया अभिनित चलचित्र ‘यात्रा ’ को टिजर सार्वजनिक (भिडियो)

बिहिबार राजधानीमा एक कार्यक्रमको बिच चलचित्र ‘यात्रा ’ को टिजर सार्वजनिक गरिएको छ ।चैत्र २९ मा रिलिज गरिने फिल्मको टिजरमा क्यारेटर लुक्ससँगै कथालाई पनि केहि हदसम्म प्रस्ट्याउने प्रयास गरिएको छ ।

डेब्यु फिल्म ‘ए मेरो हजुर २’ मार्फत नै दर्शकको मनमा बस्न सफल राइजिङ स्टार सलिन मान बनिया अभिनित फिल्म यसवर्षको प्रतिक्षित फिल्म मध्य एक हो । झन्डै एक मिनेट लामो टिजरमा उनको रोमान्टिकसँगै एक्सन अवतारलाई पनि समेटिएको छ ।

कार्यक्रममा सलिनमान बनियाले आफुलाई निकै भाग्यमानी ठान्छु किनकी दोस्रो फिल्ममा आइपुग्दा नै यति धेरै माया पाइरहेको छु । यो मायालाइ बढाउने प्रयास रहने नै छ । फिल्ममा मलाइ रोमान्टिकसँगै एक्सन अवतारमा पनि देख्नु हुनेछ ।

यस्तै निर्देशक सम्राट शाक्य यात्राको यात्रा सहज थिएन , त्यसैले यसको हरेक सहयात्री प्रति आभारी छु । निकै खुसि लागेको छ , यत्रो समय बिताएपछि डेब्यु गर्ने मौका अवसर र चुनौतीसँगै पाएको छु । यो फिल्ममा सलिन छ यसैले पनि यसलाई मैले अवसर र चुनौतीको रुपमा लिएको हु । सरल फिल्म बनाउने कोसिस गरेको छु ।

निर्माता केशव भट्टराई यात्राको यात्रा आजबाट सुरु भएको छ । हामीले यात्रालाई सहज र सरल बनाउने कोसिस गरेका छौ । फिल्मलाइ विना सम्झौता तयार गरेका छौ । अहिलेको मेकिङ्ग अनुसार नै फिल्मलाई तयार गरेका छौ । फिल्मले दर्शकको समय र पैसाको सदुपयोग गर्छ ।

चलचित्रमा सलिनसँगै , सलोन बस्नेत , जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , बिशाल पहाडी , प्रजोल भट्टराई , देशभक्तखनाल , लगायतको अभिनय रहनेछ । यसैफिल्म मार्फत मालिका महतले डेब्यु गर्दैछिन् । फिल्ममा बालकलाकारको रुपमा पछिल्लो समय युट्युबमा चर्चा रहेका अंकित संग्रौला र एन्जल राई रहेका छन् ।

सम्राट शाक्यको डेब्यु निर्देशन रहेको फिल्म ‘यात्रा ‘लाई जर्नी लभ स्टोरी भनिएको छ भने यसमा यात्राले ल्याउने परिस्थितिलाई देखाइनेछ ।
सम्राट शाक्यको कथा तथा निर्देशन रहने फिल्मलाई केशव भट्टराई र सुशील पोखरेलले संयुक्त रुपमा निर्माण गर्दैछन ।

कोटकी कालिका देवीफिल्म्स प्राइभेट लिमिटेड , क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण हुने फिल्ममा केशव भट्टराईसँगै चिज कुमार श्रेष्ठ पनि प्रस्तुतकर्ता रहेका छन् भने फिल्ममा बिक्रम पराजुली , मुक्ति तिम्सिना र राम शरण घिमिरे सह – निर्माता रहेका छन् । चलचित्रको कार्यकारी निर्माता सर्जुमान लिगल रहेका छन् ।

चलचित्रमा संजय लामाको छायांकन कविराज गहतराज र प्रविन सिंहको कोरियोग्राफी , हिमाल केसीको द्वन्द , बनिश शाहको सम्पादन , रहेको छ । फिल्ममा वरिष्ठ संगीतकार शम्भुजित बास्कोटाकोसँगै प्रतिक पौडेल र कोविद बज्रको संगीत रहेको छ ।

चलचित्र ‘जोकर जादुगर २’ को कमेडी ट्रेलर सार्वजनिक (भिडियो)

कमेडी जनारामा रहेको चलचित्र ‘जोकर जादुगर २’ को ट्रेलर सार्वजनिक भएको छ । फागुन तीन गते देखि देशभरका सिनेमाघरमा आउन लागेको चलचित्र ‘जोकर जादुगर २’को अफिसियल ट्रेलर सार्वजनिक गरिएको हो ।

सार्वजनिक ट्रेलर कमेडीले भरिपुर्ण रहेको छ भने ट्रेलरमा कलाकर महादेव त्रिपाठी कसरी जोकर बन्नु पर्यो भन्ने बिशेष कथालाई पनि प्रस्तुत गरिएको छ ।याक इन्टरटेनमेन्ट प्रा.लि.को प्रस्तुति रहेको यस चलचित्रमा कलाकार महादेव त्रिपाठीको निर्देशन तथा अभिनय रहेको छ भने विशेष पन्तको लेखन, गणेश श्रेष्ठ, कर्णबहादुर तामाङ , केदारप्रसाद रईला, सामन र रेहान तथा कुमार सिलवालको संयुक्त रुपमा निर्माण रेहको छ ।


चलचित्रमा त्रिपाठीसँगै सिम्पल खरेल, सुरेन्द्र केसी (मुलाको साग), शिव शंकर रिजाल (जोगेन्द्र), अन्जु थापा, विश्वका होचो कलाकार दिपेन शाह, बालकलाकार रिहानराज गिरी, नवराज श्रेष्ठ, मेरी बास्यैकी अप्सरा लक्ष्मी श्रेष्ठ, राजेन्द्र गिरी, विनोद राई, बिशेष पन्त, सरु धिमाल, सञ्चारकर्मी सुर्य चन्द रेशम फिरिरीलागायतका कलाकारहरुको अभिनय रहको छ ।

चलचत्रिलाई मधुर वस्नेतले छायांकन गरेका हुन् । बिशेष पन्तको लेखन रहेको चलचित्रलाई तारा थापा किम्बेले सम्पादन गरेका छन् ।चलचित्रमा सुगम पोखरेल, टंक बुढाथोकी, कमल खत्री, धु्रब्र बिश्को को गीत सङ्गीत, स्रमाट बस्नेतको द्वन्द्व, शिव वि.क, दीपक मदन सिंह, सोम लामाको कोरियोग्राफी रहेको छ ।

सलमान खानको चलचित्र ‘भारत’ को टिजर रिलिज (भिडियो )

बलिउडका स्टार सलमान खानको नया चलचित्र ‘भारत’ को टिजर रिलिज भएको छ । टिजरमा सलमानका भिन्न–भिन्न रुप देखिएको छ, जसमा उनको वृद्ध रुप पनि देखिएको छ ।

टिजरको सुरुवात भारत–पाकिस्तानको विभाजनको दृश्यबाट सुरु भइरहेको छ । आफ्नो पिताले आफ्नो नाम नै भारत राखिदिएकाले यस अगाडि जात, धर्म, बर्ण, देश जोड्न आवश्यक नभएको संवाद उनी बोल्छन् ।

चलचित्रलाई अलीअब्बास जफरले निर्देेशन गरेका हुन् ।चलचित्रमा सलमान सगै तब्बु, कट्रिना कैफ, ज्याकी श्राफ, सोनाली कुलकर्णी, दिशा पटानी, नोरा फातेही लगायतका कलाकारको पनि मुख्य भूमिका छ ।चलचित्र इदमा रिलिज हुदैछ ।

हेमराज विसीको निर्देशन रहेको चलचित्र ‘द ब्रेकअप’ को ट्रेलर सार्वजनिक (भिडियो)

फागुन १७ गते देखि प्रदर्शनमा आउन लागेको चलचित्र ‘द ब्रेकअप’को ट्रेलर सार्वजनिक गरिएको छ ।सोमबार राजधानीमा एक कार्यक्रमको बिच चलचित्रको ट्रेलर सार्वजनिक गरिएको हो ।

चलचित्र ‘दि ब्रेकअप’ लाई हेमराज विसीले निर्देशन गरेका हुन् ।चलचित्रमा आशिरमान देशराज जोशी, शिल्पा मास्के, रेमनदास श्रेष्ठ, इच्छा कार्की, सरोज खनाल लगायतका कलाकारहरुको अभिनय रहेको छ ।

‘दि ब्रेकअप’ लाई नरेन्द्र मैनालीले छायांकन र सुरेन्द्र पौडेलले सम्पादन गरेका हुन् । नेपाल र अष्ट्रेलियामा छायांकन गरिएको फिल्मको कथा पनि निर्देशक बिसीको नै हो ।

चलचित्र ‘द ब्रेकअप’लाई रुपक थापा, दीपक खतिवडा, रेनु राणा र निर्देशक बिसीले संयुक्त लगानीमा निर्माण गरेका हुन् ।चलचित्रको यसअघि ‘आज हाम्रो’ र ‘हरपल’ बोलका दुई गीत सार्वजनिक भैसकेका छन् ।

कमेडी चलचित्र ‘टोटल धमाल’को ट्रेलर सार्वजनिक (भिडियो)

बलिउडको सफल चलचित्र ‘धमाल’को तेस्रो सिक्वेल ‘टोटल धमाल’को ट्रेलर सार्वजनिक गरिएको छ । २००७ मा रिलिज भएको ‘धमाल’ सुपरहिट भए पछि २०११ ‘डबल धमाल’ निर्माण गरिएको थियो ।

कमेडी चलचित्र ‘टोटल धमाल’को ट्रेलरमा चलचित्रका मुख्य कलाकारहरु अजय देवगन, अनिल कपूर , माधुरी दीक्षित , अरशद वारसी , रितेश देशमुख , जावेद जाफरी, जॉनी लीवर र ईशा गुप्तालाई देख्न सकिन्छ ।

यस अघि रिलिज भएको कमेडी चलचित्र ‘धमाल’ सञ्जय दत्त, जावेद जाफरी, रितेश देशमुख र अरशद वारसी मुख्य भूमिका थिए ।त्यस्तै ‘डबल धमाल’मा पनि चलचित्र ‘धमाल’ क कलाकारको नै मुख्य अभिनय रहेको थियो ।यो चलचित्रले पनि बक्स अफिसमा सुपरहिटको व्यापार गरेको थियो ।

‘टोटल धमाल’लाई पनि यस अघिका सिरिज निर्देशन गरेका इन्दर कुमारले निर्देशन गरेका हुन् ।चलचित्र २२ फरवरीमा रिलिज हुदैछ ।चलचित्रको केहि दिन अघि सार्वजनिक पोस्टरलाई सबैले मन पराएका थिए ।

चलचित्र ’प्रेमलीला’को ट्रेलर सार्वजनिक ( भिडियो)

फागुन १० गते बाट प्रदर्शनमा आउन लागेको चलचित्र ’प्रेमलीला’को ट्रेलर सार्वजनिक भएको छ । बिहिबार राजधानीमा एक कार्यक्रमको आयोजना गरी ट्रेलर सार्वजनिक गरिएको हो । प्रेमकथामा आधारित फिल्मको ट्रेलरमा प्रेम भित्रको अनेक लिला समेटिएको छ ।

अन्तर्देशीय प्रेमकथा समेटिएको फिल्मको ट्रेलरमा नायिका दिपशिखा खड्का र नायक अली खान बिचको मिलन बिछोडलाई प्रमुख रुपमा प्रस्तुत गरिएको छ । ट्रेलरमा नायिका खड्काको दुई रुप समेत देख्न सकिन्छ । एकातिर उनी प्रेममा भएको धोकाको बदला लिने युवतीको रुपमा देखिएकी छिन् भने अर्को तिर नायक मौसम खड्कासँग रोमान्टिक बनेकी छिन् ।

कार्यक्रममा बोल्दै फिल्मकी नायिका दिपशिखा खड्काले फिल्म निर्माण गर्नु निकै गाह्रो रहेको बताइन् । ’हरेक कलाकारले एकचोटी फिल्म निर्माण गर्नुपर्छ अनी बल्ल निर्माताको सास्ती बुझिँदो रहेछ’, खड्काको भनाई थियो । आफु महिला निर्मात्री भएकै कारण फिल्म निर्माणको क्रमका निकै सास्ती बेहोर्नु परेको उनले सुनाइन् ।

पबन गौतमको छायांकन, चन्दन दत्त र सालिक दुलालको सम्पादन, रामजी लामिछानेको कोरियोग्राफी रहेको फिल्ममा महेश खड्का, नबिन कार्की र रबिराज शाहको संगीत, राजेश पायल राई, शोभा पाण्डे र भारतीय गायक राजा हसनको स्वर रहेको छ भने शब्द डा. कृष्णहरी बराल र डा. सागरको रहेको छ ।

फिल्ममा दीपशिखा, अलि र मौसमसंगै सुरज तमु, रेखा शाह, शर्मिला शर्मा, प्रभाकर शर्मा, भारतीय कलाकारहरु अर्चना शुक्ला, ट्वीकंल श्रीवास्तव लगायतको अभिनय रहेको छ । नायिका खड्का कै कथा, पटकथा तथा संवाद रहेको फिल्मलाई नानीमैया कार्की र फैजिल फिल्म्सले संयुक्त रुपमा निर्माण गरेका हुन् ।

‘बुलबुल’ को ट्रेलर सार्वजनिक (भिडियो)

चलचित्र ‘बुलबुल’ को ट्रेलर सार्वजनिक भएको छ । अभिनेत्री स्वस्तिमा खड्काले टेम्पो चालकको भूमिका निर्वाह गरेको चलचित्रको ट्रेलरमा उनी नै हाबी भएकी छिन् । ट्रेलरमा स्वस्तिमालाई दुरुस्तै टेम्पो चालक देखिएको छ । स्वस्तिमाको हुलिया र बोल्ने शैलीले टेम्पो चालकको पात्रलाई न्याय दिएको छ । सार्वजनिक ट्रेलरमा नव अभिनेता – मुकुन भुषालले पनि राम्रो स्पेस पाएका छन् । चलचित्र कथा अभिनेत्री स्वस्तिमाको जीवन वरीपरी घुमेको छ ।

बिनोद ढकालको कथा तथा निर्देशक रहेको चलचित्रलाई अबिरल थापा, भिम थापा, राजु पौडेल र पुरुषोत्तम पाण्डेले संयुक्त रुपमा निर्माण गरेका हुन् । चलचित्रमा स्वस्तिमा र मुकुनको अलवा, जोएस पाण्डे, लक्ष्मी बर्देवा, दिपक क्षेत्री, उज्ज्वल अधिकारी, एलिना कार्की लगायतको मुख्य अभिनय रहेको छ । फाल्गुन ३ गतेबाट प्रदर्शनमा आउने चलचित्रलाई सुशन प्रजापतीले खिचेका हुन् । यस अघी चलचित्रले ‘खुद्रा खुद्री माया’ बोलको गीत र २ वटा टिजर सार्वजनिक गरिसकेको छ ।

‘रणवीर’ को ट्रेलरमा सुशिल र प्रशान्त बिचको लडाई (भिडियो)

एक्सन प्याक्ड चलचित्र ‘रणवीर’ को ट्रेलर रिलिज भएको छ । सार्वजनिक ट्रेलर एक्सनले भरिपूर्ण रहेको छ ।सार्वजनिक ट्रेलरमा अभिनेता सुशिल सिटौला र प्रशान्त ताम्राकार बिचको लडाईलाई देखाईएको छ । ट्रेलरमा सबै मुख्य कलाकारहरुले राम्रो स्पेस पाएका छन् । ट्रेलरमा एक्सन सँगै प्रेम र बदलाको भावनालाई पनि देखाईएको छ । ट्रेलरले एक्सन मन पराउने दर्शकहरुलाई चलचित्र प्रती उत्सुकता बढाउने पक्का रहेको छ ।

माघ १८ गते प्रदर्शनमा आउने तयारीमा रहेको चलचित्रलाई गोबिन्द सिंह भण्डारीले निर्देशन गरेका हुन् । चलचित्रमा निर्देशक भण्डारीकै कथा रहेको छ । एक्सन रोमान्स चलचित्र ‘रणवीर’ लाई गोमा बिष्ट थापा र दिपेन्द्र रेग्मीले संयुक्त रुपमा निर्माण गरेका हुन् ।

चलचित्रमा सुशिल र प्रशान्तको अलावा सुबेच्छा खड्का, सुपुष्पा भट्ट, हरिहर शर्मा, टिका पहारी, रवि गिरी लगायतको अभिनय रहेको छ । चन्द्र पन्तको द्वन्द निर्देशन रहेको चलचित्रमा कृष्ण भण्डारीको सम्पादन रहेको छ । चलचित्रमा राजनराज सिवाकोटी, हर्कुलस बस्नेत, अमित श्रेष्ठ र सुशान्त गौतमको संगीत रहेको छ भने रिकेश गुरुङ र राजन इशानको संगीत संयोजन रहेको छ ।

 

चलचित्रमा गम्भिर बिष्ट र सुरेन्द्र बस्नेतको कोरियोग्राफी रहेको छ । चलचित्रको ‘तिरिमिरी तिरिमिरी तीनतारा’ बोलको गीतले अहिले निकै चर्चा बटुलिरहेको छ । यो एउटै गीत तयार पार्न २५ लाख खर्च गरिएको बताईएको छ ।

चलचित्र ‘समर लभ’को अफिसियल ट्रेलर सार्वजनिक (भिडियो)

चलचित्र ‘समर लभ’को अफिसियल ट्रेलर सार्वजनिक गरिएको छ । सोमबार काडमाडौंमा एक कार्यक्रमको आयोजना गरि चलचित्रको ट्रेलर सार्वजनिक गरिएको हो ।सार्वजनिक ट्रेलरमा अतीत र सायाको लभ, रोमान्स विछोडलाई प्रस्तुत गरिएको छ । समर लभ सुविन भट्टराईद्धारा लिखित बेस्ट सेलिङ उपन्यास समर लभमा आधारित रहेर बनेको छ ।

‘समर लभ’ प्रेमदिवस (भ्यालेन्टाइन डे) को अबसर पारेर आगामी माघ २५ बाट प्रदर्शनमा आउँदैछ । चलचित्रमा सुरज सिंह ठकुरी, आशिष पिया, रेवती क्षेत्री, नम्रता सापकोटा, शिशिर भण्डारी, सरोज खनाल, ओम प्रतिक लगायतका कलाकारको मुख्य भुमिका रहेको छ ।

मुस्कान ढकाल निर्देशित ‘समर लभ’ लाई नाइटिङ्गेल इन्टरटेनमेन्टको ब्यानरमा निर्माण गरिएको फिल्ममा खगेन्द्र श्रेष्ठ र इन्दु भण्डारी निर्माता रहेका छन् भने विनोद अधिकारी कार्यकारी निर्माता छन् ।

चर्चित उपन्यास समर लभका लेखक सुविन भट्टराईको कथा, सामिप्यराज तिमिल्सेना र सुविन भट्टराईको पटकथा तथा संवाद, पुष्पन प्रधानको संगीत, कोरियोग्राफी कविराज गहतराज, छायाँकन मानकृष्ण महर्जन, संजय लामाको डिओपी, अर्जुन जिसीको सम्पादन रहेको छ । ‘समर लभ’मा स्वपन सरकार र मनोज बिक सहनिर्माता र एकराज तामाङ लाइन प्रोड्युसर रहेका छन् ।