Tuesday , 18 June 2019
News update
Home >> Videos

Videos

चलचित्र ‘आप्पा’को ‘साउने झरी’ गीत सार्वजनिक (भिडियो )

दयाहाङ राई स्टारर सिनेमा ‘आप्पा’को प्रदर्शन मिति नजिकिएसँगै निर्माण टिमले नयाँ गीत सार्वजनिक गरेको छ । सार्वजनिक गीतले बाबु-छोरो रोमान्स र यात्राको कथा बोल्छ । आइतबार इन्टरनेटमा सार्वजनिक गरिएको ‘साउने झरी’ बोलको ओएसटी गीतमा मुख्य कलाकार दयाहाङ राई र बाल कलाकार रोनीत सरकारलाई फिचर्ड गरिएको छ ।

सार्वजनिक गीतमा उमेश उपमाको शब्द रचना, निर्देशक अनमोल गुरुङ र शैकातको संगीत र विज्ञमा बराईलीको स्वर रहेको छ । सिनेमालाई अनमोल गुरुङले निर्देशन गरेका हुन् । लेखक तथा निर्देशक गुरुङ ‘आप्पा’ पुर्ण रुपमा मनोरञ्जनात्मक सिनेमा रहेको बताउँछन् ।

बाबु छोराको सम्बन्धको कथा बोल्ने सिनेमाका कार्यकारी निर्माता माबो चेम्जोङ्ग हुन् । अ माउन्टेन स्टोरीज प्रोडक्सन र सिनेमा आर्टको संयुक्त ब्यानरमा निर्माण भएको सिनेमा ‘आप्पा’मा रुदेन सादा लेप्चाको लगानी रहेको छ । सिनेमा आगामी असार १३ गतेबाट नेपाल तथा भारतमा एकसाथ रिलिज हुँदैछ ।

सिनेमामा दयाहाङ राई, सिद्धान्त राज तामाङ र अल्लोना काबो लेप्चाका अलवा बरिष्ठ निर्देशक तथा निर्माता तुलसी घिमिरे, अरुणा कार्की लगायतका कलाकारको समेत मुख्य भुमिका रहेको छ । ‘आप्पा’मा निर्देशक अनमोल गुरुङको कथा, अनमोल गुरुङ र उमेश उपमाको पटकथा तथा संवाद, शैलेन्द्र डि कार्कीको छायाँकन, अनमोल गुरुङ र शैकात देवको संगीत, निमेष श्रेष्ठको सम्पादन सिनेमामा रहेको छ ।

पत्रकार गिरिजा अधिकारीको गीत ‘ए सरकार-२’ को भिडियो सार्वजनिक

देशमा व्याप्त अभाव, गरिबी र भ्रष्टचार माथि तीखो व्यङ्ग्य प्रहार गरिएको गीत ‘ए सरकार-२’ सार्वजनिक भएको छ। साहित्यकार एवम् पत्रकार गिरिजा अधिकारीको शब्द रहेको गीतमा विकास पाण्डेको संगीत तथा गायक देवेन्द्र कार्कीको आवाज रहेको छ।

सरकार र पहुचमा रहेका व्यक्तिहरुले आफन्त र सालासालीलाई राम्रो स्थानमा जागिर लगाएको भन्दै कटाक्ष प्रहार गरिएको छ। गीतले सरकार प्रतीको चरम वितृष्णा र खबरदारीलाई एकसाथ समेटिएको छ।

भिमफेदी गाइजको अभिनय रहेको भिडियोमा देशको विकृती र विसंगतीलाई कलात्मक शैलीमा देखाइएको छ। निकै आक्रमक शैलिको गीतलाई भिमफेदी गाइजका निर्मलले निर्देशन गरेका हुन्।पवन शुस्लिङको सिनेमेटोग्राफी रहेको गीतको भिडियोमा ऐतिहासिक मकवानपुर गढी दरबारलाई देखाइएको छ।

आइटम गर्ल सन्नी लियोनी अभिनित चलचित्र ‘पासवर्ड’ को गीत सार्वजनिक (भिडियो)

बलिउड अभिनेत्री तथा आइटम गर्ल सन्नी लियोनीलाई फिचरिङ गरिएको नेपाली चलचित्र ‘पासवर्ड’ को गीत सार्वजनिक गरिएको छ । ‘आजको साम’ बोलको गीतमा सन्नीले थुप्रै कोरसका बीच ठुम्का लगाएकी छन् । गीतमा सन्नीसँग कलाकार विक्रम जोशी र  अनुपबिक्रम शाहीलाई फिचर्ड  गरिएको छ ।

बिहीवार राजधानीमा एक कार्यक्रमका बीच सार्वजनिक गरिएको गीतमा अर्जुन पोखरेलद्वारा संगीत तथा  दुर्गा खरेलको स्वर छ । विक्रम जोशीकै शब्द लेखन रहेको गीतमा बिष्णुदेवाले कोरियोग्राफी गरेका हुन् । निक्कै प्रतिक्षित रहेको गीतमा ५ करोड लागत लागेको बताइएको छ ।

चलचित्र ‘पासवर्ड’ लाई सम्राट बस्नेतले निर्देशन गरेका हुन् ।चलचित्रमा  सन्नीसँगै अनुपबिक्रम शाही, विक्रम जोशी, बुद्दि तामाङ, रविन्द्र झा, प्रविण खतिवडा, धिरेन शाक्य, परी राणा, विक्रम बस्नेत, लिजा सुनार, छुल्ठिम गुरुङ लगायतको अभिनय छ ।

एबी इन्टरनेशनलको ब्यानरमा निर्माण भएको यस चलचित्रलाई हिरल जोशी र अमित बस्नेतले मिलेर निर्माण गरेका हुन् । अकिंत गौतम कार्यकारी निर्माता रहेको फिल्ममा  अजित के थापा सहनिर्माताको रुपमा रहेका छन् ।

एक्सन, कमेडी, थ्रिलर जनरामा निर्माण भएको  ‘पासवर्ड’सौरभ लामाले छायाँकन गरेका हुन् । अर्जुन जिसीले सम्पादन गरेको सिनेमा भदौ २७ मा रिलिज हुँदैछ ।

प्रकाश सपुत र शान्ति श्री परियारको गीत ‘गलबन्दी’लाई करोड भ्युज

प्रकाश सपुतको पछिल्लो गीत ‘गलबन्दी’ ले युटुबमा छोटो समयमै करोड भ्युज पाएको छ ।मंगलबारसम्म गलबन्दीको गीतको भ्युज एक करोडभन्दा बढी पुगेको छ । गलबन्दी नेपाली संगीत क्षेत्रमा युट्युबमा अपलोड गरिएका गीतमध्ये सबैभन्दा छोटो अबधिमा एक करोड भ्युज प्राप्त गर्न सफल भएको छ ।

प्रकाश सपूत र शान्ति श्री परियारको स्वर रहेको यो गीत पछिल्लो समयको सर्वाधिक लोकप्रिय गीत बनेको छ । प्रकाश सपुतको निर्देशनमै निर्माण भएको गीतमा प्रकाशसहित अञ्जली अधिकारीलाई फिचरिङ गरिएको छ ।

यो गीत लामो समयसम्म ट्रेन्डिङको नम्बर एकमा पर्न सफल भएको थियो ।प्रकाश सपूतले बजारमा ल्याएको यसअघि ‘बोल माया’ पनि नेपालीमाझ निकै लोकप्रिय भएको थियो ।

अन्जु पन्त र कर्णराज गिरीको‘ जिन्दगी खास भयो’ (भिडियो)

गायक कर्णराज गिरी र गायिका अन्जु पन्तको स्वरमा रहेको नयाँ गीत सार्वजनिक भएको छ । सार्वजनिक ‘जिन्दगी खास भयो’ बोलको गीतमा अर्जुन पोखरेलले संगीत दिएका छन् । गीतको शब्द रचना भने मुक्त उदासले गरेका हुन् ।

शान थापा निर्दे्शित भिडियोमा रोहित थापा र सुपुष्पा भट्ट फिचर छन् । भिडियोमा उनीहरुको प्रेमभावलाई देखाइएको छ । रजिव समरको करियोग्राफी रहेको भिडियोलाई अर्जुन तिवारीले खिचेका हुन् । रोहित थापाले नै निर्माण गरेको भिडियोमा सुरेश काफ्लेले ड्रोन उडाएका छन् भने सम्पादनको जिम्मा सुप्रिम पराजुलीले लिएका हुन् ।

चलचित्र ‘मारुनी’को गीतमा नायक पुष्प खड्का र नायिका साम्राज्ञी ‘जाम्न माया जाम’भन्दै (भिडियो )

मंगलबार राजधानीमा एक कार्यक्रम आयोजन गरेर चलचित्र ‘मारुनी’को गीत सार्वजनिक गरिएको छ ।दिपक बज्रचार्यको स्वर तथा संगीत रहेको यो गीतमा रिक्की शाक्यको शब्द छ । सार्वजनिक गीत ‘जाम्न माया जाम’लाई क्लबमा छायांकन गरिएको छ ।

गीतको भिडियोमा नायक पुष्प र नायिका साम्राज्ञीको साथमा सय बढी कोरस फिचर्ड छन् । गीतको भिडियोलाई प्रविण सिंहले कोरियोग्राफी गरेका हुन् ।नायक पुष्प खड्का र नायिका साम्राज्ञीको डान्स गज्जबको छ । पुष्प र साम्राज्ञीको डान्सले उनीहरुको फ्यानलाई खुशी बनाउन सक्छ ।

कार्यक्रममा बोल्दै नायिका साम्राज्ञी राज्यलक्ष्मी शाहले चलचित्र ‘मारुनी’का केही दृश्य गर्दा आफूलाई डर लागेको बताएकी छिन् ।  गीत रिलिज कार्यक्रममा उनले भनिन्–‘मैले यस्तो खालको डान्स यसअगाडि गरेको थिइनँ । रोमान्टिक गीत मात्र गरेकाले पनि यसमा डान्स गर्दा लाज लागेको थियो ।’साम्राज्ञीले अगाडि भनिन्–‘चलचित्रका कतिपय दृश्य गर्दा मलाई डर पनि लागेको थियो । तर, निर्मात्री पूनम गौतमले राम्रो छ भन्दा काम गर्न हौसला मिल्थ्यो ।’

साम्राज्ञीले नायक पुष्प खड्काको पनि प्रशंसा गरिन् । उनले, आफूसँग काम गर्ने अर्को कलाकारको अभिनय पनि उत्कृष्ट हुँदा रमाइलो हुने भन्दै पुष्पमा त्यो क्षमता भएको सुनाइन् ।यस्तै, चलचित्रका नायक पुष्प खड्काले गीतको बारेमा भने–‘म पहिलेदेखि नै बलिउडका गीत हेरिरहन्थेँ । उनीहरुको फरक खालको डान्स मुभ आफूले पनि गर्न पाए हुन्थ्यो भन्ने लाग्थ्यो । यो गीतको भिडियोमा मैले सानो भएपनि त्यो कोशिश गर्न पाएको छु ।’

गायक दिपक बज्रचार्यले भिडियोले आफ्नो गीतलाई अर्कै ज्यान दिएको बताए । उनले, चलचित्रमा काम गर्ने मौका पाएको भन्दै कुनै कमीकमजोरी हुन नदिएको बताए ।चलचित्रका निर्देशक नवल नेपालले ‘मारुनी’बाट दर्शकलाई सन्तुष्ट बनाउने प्रयास गरेको बताए । उनले भने–‘मलाई थोरै मिठो भएपनि पुग्थ्यो । मेरो टिमलाई धेरै मिठो चाहिएको थियो । यसैले, चलचित्रलाई दर्शकको मन पर्ने अनुसार बनाउन खोजेको छु ।’

चलचित्रकी निर्मात्री पूनम गौतमले ‘मारुनी’ फरक स्वादको चलचित्र भएको भन्दै दर्शकलाई मनपर्ने बताइन् । उनले, चलचित्रको सम्पूर्ण टिमसँग काम गर्दा खुशी लागेको सुनाइन् ।चलचित्रकी अर्की नायिका रेविका गुरुङले आफूले पाएको भूमिकालाई सक्दो न्याय गरेको सुनाइन् । भदौ १३ गतेबाट रिलिज हुने चलचित्रको कथावस्तु भने खुलाइएको छैन ।

पूनम इन्टरटेन्मेन्टको ब्यानरमा निर्माण भएको चलचित्र ‘मारुनी’को पहिलो गीत सार्वजनिक भएको छ । काठमाण्डौमा आयोजित कार्यक्रममा नवल नेपाल निर्देशित चलचित्रको गीत रिलिज गरियो । कार्यक्रममा निर्देशक नवल नेपाल, निर्मात्री पूनम गौतम, नायक पुष्प खड्का, नायिका साम्राज्ञी राज्यलक्ष्मी शाह र रेबिका गुरुङ, गीतका गायक दिपक बज्रचार्य, छायांकार सन्जय लामा लगायत उपस्थित थिए ।चलचित्रमा राजा प्रधान,दर्शना केसी र मिना क्षेत्रीको सह लगानी छ ।

गायक भुवन प्यासी र मेलिना राईको स्वरमा नया गीत “हे बरै’को भिडियो सार्वजनिक

चर्चीत गायक भुवन प्यासीको फरक शैलीको  गीत “हे बरै’को  भिडियो सार्वजनिक भएको छ ।विशेष गरी आधुनिक गीतमा आफ्नै शैलीका कारण लोकप्रिय बनेका गायक प्यासीले लोक, आधुनिक र र्याप मिसाउदै “हे बरै ” को गीत बजारमा लिएर आएका हुन्।

गीतमा शब्द तथा संगीत प्यासीको नै रहेको  छ। उनलाई गीतमा गायिका मेलिना राईको साथ दिएकी छिन् ।मिस्टर आरजेले गीतमा र्याप दिएका हुन् भने पुस्कर सुनुवारले संगीत संयोजन गरेका हुन्  ।ललिपुरको गोदाबरी गार्डेन परिसरमा छायांकन गरिएको यस गीतमा गम्भीर विष्ट र जेविका कार्कीलाई फिचरिंग गरिएको छ  ।गायक प्यासीको पनि गीतमा अभिनय रहेको छ ।

गीतको भिडियोलाई अहिलेका चर्चित तथा व्यस्त निर्देशक शिव विकले निर्देशन तथा कोरियोग्राफी गरेका हुन् ।अर्जुन तिवारीले छायाकंन रहेको भिडियो  सुप्रिम पराजुलीले सम्पादन गरेका हुन् ।केहि समय अघि ‘माईली’ गीत लिएर आएका गायक भुवन प्यासीको ‘हल्का हल्का’ ,ट्राफिक जाम’ जस्ता सफल गीतहरु बजारमा लिएर आईसकेका छन् ।

देवलको शब्दमा रवी र पुष्पाको ‘दिलको फ्रेम’

‘सर्माएर लजाएर’ तथा ‘डार्लीङ’ जस्ता सफल गीतका गीतकार देवल भण्डारीको शब्दमा तयार भएको नयां गीत ‘दिलको फ्रेममा’ सार्वजनिक भएको छ । अष्ट्रेलियाको मेल्बोर्न निवासी भण्डारीको शब्दमा तयार भएको गीत मंगलवार युटुववाट सार्वजनिक गरीएको हो ।

यस्तो छ भिडियो l

नेपाल आइडल सिजन २ का विजेता रवी ओड र गायिका पुष्पा पौडेलको आवाजमा रहेको गीतको संगीत दिपक शर्माले गरेका छन् । साहस शाक्यको संगीत संयोजन रहेकोे भिडियोको निर्देशन सञ्चारकर्मी तथा फिल्म निर्देशक शुभ्रतराज आर्चायले गरेका हुन् ।

गीतमा पछिल्लो समय आपू जोडीको उपनाम पाएका आंचल शर्मा र पुष्प खड्का फिचर्ड छन् । यी दुइसंगै रवि र पुष्पा पनि गीतमा छन् ।

नवराज उप्रेतीको छायांकन रहेको गीतलाई विकास ज्ञवालीले सम्पादन गरेका हुन् । गीतमा सुरेन बसेलको कोरियोग्राफी रहेको छ भने यसको कन्सेप्ट जया शर्माको रहेको छ ।

चलचित्र ‘कीर्तिपुर’असार १३मा प्रदर्शन हुने

तत्कालिन गोर्खाका राजा पृथ्वीनारायण शाहले नेपाल एकिकरणको दौरान अठारौं शताब्दीको पूर्वाद्र्धमा कीर्तिपुरमा गरेको आक्रमण विषयबस्तुमा बनाइएको ऐतिहासिक नेपाली चलचित्र ‘कीर्तिपुरः द लिजेन्ट अफ कीर्तिलक्ष्मी’ असार १३ सार्वजनिक प्रदर्शनमा  आउदै छ ।

प्रदीप खड्गी यो चलचित्रका निर्देशक हुन् ।फोकस पिक्चर्सको ब्यानरमा ५ वर्षअघि देखि नै निर्माण थालिएको यो चलचित्र लामो समयको प्रतिक्षापछि दर्शकमाझ आउन लागेको हो । ‘ऐतिहासिक चलचित्र बनाउने वर्षौंको सपना अब साकार भयो । आफु कीर्तिपुरबासी भएकै नाताले पनि रहस्यको गर्बमा रहेको कीर्तिपुर आक्रमण घटनालाई चलचित्रकरण गर्न सफल भएकोमा उत्साही छु, चलचित्रका युवा निर्देशक प्रदीप खड्गीको भनाइ छ ।साहित्यकार बासु पासाद्वारा लिखित ‘भैरवसिंह’ नामक उपन्यासमा आधारित चलचित्र ‘कीर्तिपुर’ मा विगत ८ वर्ष देखिको अध्ययन र सम्बन्धित व्यक्तित्वस“गको समन्वयमा निर्माण्ँ गरिएको चलचित्र हो । कला निर्देशक केके माननधरका अनुसार चलचित्रमा पुरानै जीवनशैली, भौतिक संरचना तथा परिवेश सन्तुलित गर्नको लागि निर्माण अवधि लामो हुन गएको हो ।
पछिल्लो समयमा उत्कृष्ट ऐतिहासिक चलचित्र निर्माण गर्न भिज्यूअल इफेक्ट अनिवार्य प्रायः छ । तत्कालिन अवस्थाको पुरानै शैली यो चलचित्रमा प्रस्तुत गर्ने काम विदेशी अंग्रेजी चलचित्रमा आवद्ध भएर काम गर्दै आउनु भएका भीएफएक्स सुपरभाइजर सन्तोष केसीले गर्नुभएको छ ।
चलचित्रको मूख्य भूमिकामा हिसिला महर्जन, यशराज गराच, मदनदास श्रेष्ठ, सुशिल राजोपाध्याय, लक्ष्मी गिरी, सूरवीर पण्डित आदि कलाकारहरु प्रस्तुत भएका छन् ।
चलचित्रमा विरेन्द्र ताम्राकार कार्यकारी निर्माता, प्रेम खड्गी तथा अनन्त श्रेष्ठ निर्माता हुन् । शंकर महर्जन र नविन जोशीले चलचित्रको छायाकन गर्नु भएको हो । निर्देशक खड्गीका अनुसार केही वर्षअघि नै प्रदर्शन हुने पर्ने यो चलचित्रलाई राजनीतिक अस्थिरताका कारण विगतमा गृह मन्त्रालयले प्रदर्शनको अनुमति दिएको थिएन ।
https://www.youtube.com/watch?v=_ugB_1QK8NM
राजा पृथ्वीनारायण शाहको नेपाल एकिकरणका क्रममा भएका घटनाक्रमलाई प्रभावशाली ढंगले चित्रण गरिएको यो चलचित्रलाई अहिले आएर गृह मन्त्रालयले पनि प्रदर्शनको अनुमति दिएको निर्देशक खड्गी बताउँछन् ।
सेन्सर बोर्डले यो चलचित्रलाई यूनिभर्सल सर्टिफिकेट दिएको छ ।

ऋतिक रोशनको प्रतिक्षित चलचित्र ‘सुपर ३०’को ट्रेलर सार्वजनिक (भिडियो)

बलिउड अभिनेता ऋतिक रोशनको अभिनय रहेको नया चलचित्र ‘सुपर ३०’को ट्रेलर सार्वजनिक गरिएको छ ।चलचित्रको ट्रेलरमा ऋतिकले ‘सुपर ३०’ लाई उत्पादन गर्न गरेको संघर्ष र त्यागलाई देखाइएको छ । उनले इण्डियाको गरिब परिवारबाट कसरी ३० होनहारलाई विश्व सामु चिनाउछन भन्ने कथामा सिनेमा आधारित छ । ट्रेलर रिलिजसँगै दर्शकले ऋतिकको अभिनय र लुक्सको प्रसंशा गरेका छन् ।

२०१७ मा ‘काबिल’ रिलिज पछि कुनै चलचित्र रिलिज न भएको ऋतिक रोशनको ‘सुपर ३०’लाई प्रतिक्षित चलचित्रको रुपमा हेरिएको छ ।पटक पटक रिलिज मिति पोस्टपोन भएको ‘सुपर ३०’जुलाई १२ मा रिलिज हुदै छ ।केही वर्ष पहिले देखि चल्दै आएको कंगना रनौत र ऋतिक रोशनको कोल्ड वारका कारण पनि निर्माण पक्षले सिनेमालाई अन्य डेटमा सारेको हो ।

चलचित्रमा ऋतिक रोशनका अलवा विरेन्द्र सक्सेना, मनुरल ठाकुर,नन्दीश शर्मा, पंकज त्रिपाठीलगायतका कलाकारहरुको पनि अभिनय छ ।चलचित्रलाई विकास बहलले निर्देशन गरेका हुन् ।