Wednesday , 12 December 2018
News update
Home >> Videos

Videos

चलचित्र ‘दाल भात तरकारी’को सुटिंगमा निरुता सिंहको सुन्दर ६ तस्बिर

चलचित्र ‘दाल भात तरकारी’को सुटिंगमा निरुता सिंहको सुन्दर ६ तस्बिर

https://www.youtube.com/watch?v=BLy7RGi_fBs

साम्राज्ञी र पुष्पलले अभिनय रहेने चलचित्रको नाम ‘मारुनी’

अहिलेकी मस्ट डिमाण्डेड अभिनेत्री साम्राज्ञी राज्य लक्ष्मी शाह सँग चक्लेटी नायक पुष्पल खड्काले रोमान्स गर्न लागेको चलचित्रको नाम फाइनल भएको छ । नवल नेपालले निर्देशनमा साम्राज्ञी र पुष्पलले एक एर्का सँग पहिलो पटक रोमान्स गर्न लागेको चलचित्रको नाम ‘मारुनी’ फाइनल भएको छ ।

‘मारुनी’ भन्नाले सामान्यतया ‘मारुनी नाच’ लाई चिनिन्छ तर यसको अर्थ राम्री युवती भन्ने पनि हुन्छ । चलचित्र ‘मारुनी’ ले भने राम्री युवतीलाई जनाउनेछ । चलचित्रमा दुई अभिनेत्रीहरुलाई दुई राम्री ‘मारुनी’ को रुपमा देखाईनेछ । चलचित्रमा साम्राज्ञी र पुष्पल सँगै रेविका गुरुङको पनि अभिनय रहनेछ । चलचित्रको लागि साम्राज्ञी १५ लाख पारीश्रमिक लिएकी छिन् । अन्य कलाकारहरु भने फाइनल हुन बाँकी रहेको निर्देशक नेपालले बताए ।

कास्टिङ लाइन अप फाइनल भए सँगै चलचित्र निर्माणको अधिकारिक घोषणा हुनेछ । त्रिकोणात्मक प्रेम कथामा बन्ने चलचित्र माघको अन्तिम साताबाट फ्लोरमा जाने बताईएको छ । पुनम गौतमको निर्माण रहने चलचित्रलाई सञ्जय लामाले खिच्नेछन् ।चलचित्रमा अर्जुन पोखरेल र कृष्ण काफ्लेको संगीत रहनेछ ।

आँचल शर्मा र पुष्प खड्काको जोडी ८ तस्बिरमा (फोटो र भिडियो)

चलचित्र ‘साइँली’को ‘नाच माया…’गीत सार्वजनिक (भिडियो)

चलचित्र ‘साइँली’को पहिलो गीत सार्वजनिक गरिएको छ । गायक तथा ‘साइँली’का निर्माता हेमन्त रानाको जन्मदिनको अवसर पारेर सिनेमाको पहिलो गीत सार्वजनिक गरिएको हो ।

आइतबार काठमाडौंमा एक कार्यक्रमको आयोजना गरि सिनेमामा समावेश ‘नाच माया…’ बोलको गीत गरिएको थियो ।सार्वजनिक गीतमा सुशान्त गौतमको संगीत, हर्क साउँदको शब्द तथा गायक हेमन्त रानाको स्वर छ । सार्वजनिक गीतमा सिनेमाका मुख्यकलाकार दयाहाङ राई, गौरव पहाडी, मेनुका प्रधान, केनिपा सिंहलाई फिचर्ड गरिएको छ ।

बैदेशीक रोजगारीको कथामा निर्माण भएको सिनेमालाई समाजिक कथावस्तुलाई पर्दामा उतार्न सफल निर्देशक रामबाबु गुरुङले निर्देशन गरेका हुन् । सिनेमालाई गायक हेमन्त राना र गौरव पहारीले मिलेर निर्माण गरेका हुन् । जिएच इन्टरटेनमेन्टको व्यानरमा निर्माण भएको सिनेमामा माओत्से गुरुङ, केनिपा सिंह, प्रकाश घिमिरे, अरुण कार्की, लगायतका कलाकारको पनि मुख्य भुमिका रहेको छ ।

विशाल गुरुङ र मोहन राना मगरको लगानी रहेको सिनेमामा बिजय अवाले, विकाश पुजास, सुवेच्छा केसी सह निर्माताको रुपमा रहेका छन् । भने सिनेमाका कार्यकारी निर्माता मणिराम पोखरेल हुन् । सिनेमामा काली प्रसाद बास्कोटा, सुशान्त गौतमको संगीत, शैलेन्द्र डि कार्कीको छायांकन, निमेष श्रेष्ठको सम्पादन रहेको छ ।चलचित्र चत्रै १५ गते बाट प्रदर्शनमा आउदैछ ।

चलचित्र ‘दाल भात तरकारी’को छायांकनमा निरुता,आँचल र पुष्पले यसरि गरे रमाइलो (भिडियो)

पुष २० मा रिलिज हुने ‘जय श्री दाम’को ट्रेलर सार्वजनिक (भिडियो)

पुष २० गते बाट प्रदर्शनको तयारीमा रहेको चलचित्र ‘जय श्री दाम’को ट्रेलर सार्वजनिक गरिएको छ।धर्मको नाममा धर्मकै बदनाम गर्नेहरुको कथालाई लिएर निर्माण भएको चलचित्र ‘जय श्री दाम’मा धर्मको आडमा विकृतिको जड बनेका धर्मभीरुहरुलाई नै बार्गेनिङ गर्ने युवाको कथा समेटिएको छ ।

चलचित्रमा अमृत ढुङ्गाना, विनोद न्यौपाने, राजन खतिवडा, प्रमोद अग्रहरी, जेविका कार्की र बिष्णु सापकोटा लगायतको मुख्य भुमिका रहेको छ। ग्रामिण परिवेशमा युवा युवतीको माया प्रेम सम्बन्ध र त्यसपछि उत्पन्न जटिल परिस्थितिलाई समेत लयात्मक ढंगले निर्देशक उप्रेतीले प्रस्तुत गरेका छन् ।

मङ्की टेम्पल प्रोडक्सन, क्रेजी ह्याण्डस् प्रोडक्सन र नेशनल मिडिया प्रोडक्सनको संयुक्त ब्यानरमा बनेको ‘जय श्री दाम’मार्फत फिल्म शिक्षा अध्ययन गरिरहेका उप्रेतीले निर्देशनमा डेब्यू गरेका हुन् । फिल्मको कार्यकारी निर्मातामा पृथ्वी उप्रेती र मनोज उप्रेती छन् भने सह- निर्मातामा मित्र डि गुरुङ र रविन आचार्य छन् ।

अमरद्विप सापकोटाको पटकथा रहेको ‘जय श्री दाम’ मा मित्र डि गुरुङको सम्पादन छ भने रविन आचार्य डिओपी रहँदा क्यामेरामेनमा नवराज उप्रेती छन् । यो फिल्ममा संगीत सुशान्त गौतमको छ ।

चर्चित गायक शिव परिवारको गीतमा आकाश श्रेष्ठ र सारा सिर्पालीको जोडी (भिडियो)

चर्चित तथा लोकप्रिय गायक शिव परिवारको स्वर रहेको नया गीतको भिडियो सार्वजनिक भएको छ । ‘रात पनि दिन’ बोलको सार्वजनिक गीतमा शिव परिवारको सुमधुर आवाज रहेको छ भने दुर्गा प्रधानको शब्द र बिनोद पछाइको संगीत रहेको छ । गीतको एरेन्ज भने रिदम कडेलले गरेका हुन् ।

निकै राम्रो भिडियो बनेको यस गीतमा अहिलेका चर्चित नायक आकाश श्रेष्ठ र नायिका सारा सिर्पालीलाई फिचरिंग गरिएको छ ।गीतमा यी दुई कलाकारको जोडीलाई निकै सुहाएको छ।

स्याड भर्सनको सार्वजनिक गीतलाइ निर्देशन निशान कश्यपले गरेका हुन् । उत्सब दाहालको छायांकन रहेको यस भिडियोलाई बिकास दाहालले सम्पादन गरेका हुन्। गीत ओन्लि फर यु एल्बममा समाबेश गरिएको छ।

चलचित्र ‘न यता न उता’ले भाइबर स्टिकर प्याक बाट प्रचार प्रसार गर्दै

माघ २४ गते रिलिज हुने सिनेमा ‘न यता न उता’को भाइबरले स्टिकर प्याक प्रस्तुत गरेको छ । नेपाली सिनेमाको प्रचारमा ‘न यता न उता’ले यस्तो फण्डा पहिलो पटक गरेको हो । हाँस्य प्रधान कथामा निर्माण भएको सिनेमामा दुई युवाको जीवनमा आइपर्ने संकटलाई दर्शाइएको छ । यो सिनेमा अहिले बनेका हाँस्य सिनेमा भन्दा फरक रहेको निर्माण टिमको भनाई छ ।

सिनेमामा ऋचा शर्मा ,समिर दिक्षित, छुल्ठिम गुरुङ्ग, मिराज रोश, राजाराम पौडेल, बुद्धि तामाङ्ग, रविन्द्र झा, कमलमणी नेपाली, जयनन्द लामा, लुनिभा तुलाधर, सिल्सा जिरेल र नम्रता सापकोटा लगायतका कलाकराके मुख्य भुमिका रहेको छ । यो सिनेमालाई मिराज रोश र बिशारद बस्नेतले मिलेर निर्देशन गरेका हुन् ।भाइबरले नेपालमा पहिलो पटक नेपाली सिनेमाको स्टिकर प्याक प्रस्तुत गरेको हो । यसको औपचारिक शुरुवात २०७५ मंसिर २० गतेका दिन सिनेमा ‘न यता न उता’को निर्माण टिमले स्टिकर प्याक उपलब्ध गराएपछि गरिएको छ । ‘न यता न उता’को भाइबरको स्टिकर अब बजारमा सजिलै पाउन सकिने निर्माण टिमले जनाएको छ ।

यसका साथै दर्शकले ‘न यता न उता’को भाइबर स्टिकर प्याक आफ्नो मोवाइलमा डाउनलोड गरेर सिनेमामा कलाकारहरुसँग सिधै च्याटमा कुरा गर्न सक्ने छन् । भने दर्शक कलाकारहरुसँग सिनेमाको प्रमोशनमा जाने र उहाँहरुका साथ डिनर खाने तथा सिनेमाको फ्रि टिकटहरु पाउने ब्यावस्था समेत निर्माण टिमले गरेको छ ।

‘म त पिरिम मा’ को कभर भिडियो बनाउ नगद ५० हजार जिताऊ

चलचित्र गरुढ पुरण युनिटले पछिल्लो समय लोकप्रिय भैरहेको गीत ‘म त पिरिम मा’ को कभर भिडियो प्रतियोगिताको घोषणा गरेको छ । मदानी क्रीएसनको सहकार्यमा गरिएको प्रतियोगिताको उत्कृष्ट नृत्यले नगद ५० हजार जित्नुका साथै एउटा म्युजिक भिडियो र नृत्य समुहका सदस्यहरुको फोटो सेसनको अवसर लगायतका पुरस्कार पाउने चलचित्रका निर्देशक सुवास कोइरालाले बताए ।

प्रतियोगितामा भाग लिन एकल वा युगल वा सामुहिक रुपमा कभर भिडियो बनाएर creationmadani@gmail.com मा पठाउनुपर्ने छ । उपलब्ध भिडियोहरु मदानी क्रीएसनको युटुब च्यानलमा अपलोड गरिने क्रीएसनका सिइओ बिष्णुकान्त घिमिरेले बताए ।

दिनेस राउतको शब्द रहेको गीत ‘म त पितिममा’ मा कोसिस क्षेत्री र मनिशा पोख्रेलको स्वर रहेको छ भने रेनशा बान्तवा राइले कोरियोग्राफी गरेकी छिन । गीतमा उदयराज पौडेलको एरेन्ज र कोसिस क्षेत्रीको सङ्गीत रहेको गीतमा निश्चल बस्नेत, कर्म शाक्य, प्रियङ्का सिंह र अन्जली योन्जनको दमदार नृत्य देख्न सकिन्छ । चलचित्र माघ ४ गते देशब्यापी प्रदर्शनमा आउनेछ ।

चर्चामा निसन्तान दम्पतीको कथा रहेको चलचित्र ‘प्रसाद’,शुक्रबार रिलिज हुदै

केतन क्षेत्रीको आवाजमा सजिएको ‘लै लै’ बोलको गीतबाट निकै चर्चा कमाएको चलचित्र ‘प्रसाद’ प्रदर्शनको संघारमा रहेको छ ।‘लै लै’ बोलको गीतको लिरिकल भिडियोबाट नै निकै हाइप पाएको चलचित्रलाई ‘बनकी चरी’ बोलको गीत र ट्रेलरले झनै हाइप मिल्यो । मङ्सिर २१ को प्रदर्शन मिती नजिकिदै गर्दा दर्शकहरु चलचित्र हेर्न निकै उत्सुक रहेका छन् । चलचित्र प्रदर्शन हुन अब दुई दिन मात्र बाँकी रहदा फिल्म युनिट प्रचार प्रसारलाई अन्तिम रुप दिन ब्यस्त रहेका छन् ।

यो महिना बिना प्रचार र साना ब्यानरका फिल्मलाई छोड्ने हो भने दर्शकले प्रतिक्षा गरेको ठुला फिल्महरु रिलिज भएका छैनन् । मङ्सिरमा रिलिज हुने फिल्म भन्ने बित्तिकै दर्शकहरुको मुखमा ‘प्रसाद’ कै नाम रहेको छ । अभिनयमा खारिएका कलाकारहरुको अभिनय रहेको कारण दर्शकहरु चलचित्र राम्रो बनेको छ भन्नेमा ढुक्क रहेका छन् । थोरै तर मन मनमा बस्ने फिल्म निर्देशन गर्न सफल निर्देशक दिनेश राउतले नै ‘प्रसाद’ लाई निर्देशन गरेको कारण पनि यस चलचित्र प्रती दर्शकहरुको आशा धेरै नै रहेको छ । कलाकार र निर्देशक बाहेक चलचित्रको अर्को बलियो पक्ष हो कथा ।

‘लै लै’ बोलको गीत र चलचित्रको ट्रेलर हेरेर नै चलचित्रले सामाजिक कथा बोकेको प्रष्ट हुन्छ । चलचित्र ‘प्रसाद’ले एक निसन्तान दम्पतीको कथा बोकेको छ । सन्तान नहुँदा एक दम्पतीले समाजमा भोग्नु परेको यातना नै चलचित्र ‘प्रसाद’ को कथा हो । विवाह भएर पनि सन्तान नहुँदा एक दम्पतीले समाजमा कस्ता कस्ता यातना भोग्नु पर्छ ? समाजको कस्तो कस्तो कुरा सुन्नु पर्छ ?, यही कारणले श्रीमन श्रीमती बिच कसरी असमझदरी पैदा हुन्छ भन्ने कुरा चलचित्रको माध्यमबाट देखाउन खोजिएको छ । यस्ता घटना सामान्यतया हामीले हाम्रो वरिपरी देखीरहेका हुन्छौ ।

हाम्रै समाज निसन्तान दम्पतीले भोग्नु परेको यातना हामीले देखिरहेका छौ । त्यही कथालाई चलचित्रको माध्यम बाट देखाएर सकारात्मक सन्देश दिन खोजिएको छ । चलचित्रमा निसन्तान दम्पतीको भूमिका बिपिन कार्की र नम्रता श्रेष्ठले निभाएका छन् । बिपिन र नम्रताले बिपन्न परिवारका निसन्तान दम्पतीको भूमिका निर्वाह गरेका छन् । चलचित्रमा निश्चल बस्नेतले पहिलो पटक नेगेटिभ क्यारेक्टर निभाएका छन् । चलचित्रको कथा सुशिल पौडेलले लेखेका हुन् । सुशिलका अनुसार यो कथा उनले कलेज पढ्दा नै सोचेका थिए जसलाई अहिले पर्दामा उतारिएको छ । चलचित्रलाई सुबाश थापाले निर्माण गरेका हुन् ।