कता हराए राजु परियार ? लम्जुङ्ग घर भएका उनी कहां छन् र के गर्दैछन् ?

फाल्गुन १४
सी पी जैसी, कैलाली

rrनेपाली लोकसंगीतका सर्वाधिक सफल गायक राजु परियारबारे धेरैलाई अत्तोपत्तो छैन । नेपाली गीतसंगीतको इतिहासमा सवै भन्दा धेरै गीत गाएका परियार अहिले सांगीतिक क्षेत्रमा गुमनाम जस्तै छन् । राजु परियारले झण्डै दश हजार लोक तथा दोहोरी गीत गाएका छन् । उनले गाएका धेरै गीतले बाजी मारेका छन् । ‘गड गिफ्ट’ स्वरले परिचित राजु परियार पछिल्लो तीन चार बर्षदेखि सांगीतिक क्षेत्रमा त्यति सक्रिय छैनन् । लम्जुङ्ग स्थायी घर भएका परियारको अहिले बसोबास कहां छ र के गर्दै छन् र किन गाउने छाडे गीत भन्ने प्रश्न उनका शुभेच्छुक र स्वयं कलाकारले गर्न थालेका छन् । काठमाण्डूमा झण्डै आधा दर्जन रेकडिङ्ग स्टुडियोले लोकगीत धेरै रेकर्ड गर्छन् । तर ती स्टुडियोमा राजु परियार नपुगेको धेरै भयो । लोक दोहारीलाई व्यवसायीक बनाउनमा राजुको स्वरलाई पनि ‘जस’ दिने गरिएको छ । बरिष्ठ गायिका बिमाकुमारी दुरा भन्छिन् ‘मैले त राजु भाईको मुख देख्न नपाएको जुगौं भयो ।’ परियार र दुराको rपुरानो घर लम्जुङ्ग नै हो । दुरा थप्छिन् ‘ पोखरा बस्छ भन्ने सुनेकी छु, कहिले कांही फोन गरेर आउंछु त भन्छ तर कता जान्छ कता ’ तीज ताका एक दुईवटा गीतमा स्वर दिएका थिए राजुले । संकलक एकनारायण भण्डारीले केही दिन अघि राजुलाई काठमाण्डुमा भेटेको सुनाए । भण्डारी भन्छन् ‘ राजुको स्वर बिस्थापित हैन, गायकीमा समस्या छैन तर स्टुडियोमा समय नदिने समस्या ठूलो हो ।’ एकनारायणले राजुको स्वरमा केही दिन अघि गीत पनि रकेर्ड गराएको बताए । मोवाइल नम्बर फेरिरहने र स्थायी बसोबासको थाहा नहुंदा धेरैले राजुको स्वरमा गीत रेकर्ड गराउन पाएका छैनन् । गीतको मर्म नबिग्रने गरि गीत गाउने सफल गायकको कोटीमा राजु पर्छन् ।

पछिल्लो समयमा घरायशी समस्याले बिछिप्त भएका राजु अहिले पोखरा बस्ने हल्ला छ । प्रिज्म रेकर्डिङ्ग स्टुडियोका प्रमुख तथा म्यूजिक एरेन्जर बिबि अनुरागीले राजु परियारको जत्तिको अझै सम्म कसैको स्वर नभएको बताए । अद्भूत जादू छ राजुको स्वरमा तर चाहिएका बेला सम्पर्कमा नै हुन्नन् अनुरागी भन्छन् ‘ फाट्टफुट्ट गीत रेकर्ड भाको छ, मैले पनि राजुलाई गीत बनाइदिएको छु ।’ देश विदेशमा हुने सांगीतिक कार्यक्रममा उनको माग निक्कै बढ्दो छ । तर उनी सम्पर्कमा छैनन् । बिबी अनुरागीका अनुसार विदेशमा कार्यक्रममा लैजान पटक पटक फोन आइरहन्छ तर उनको पत्तो हुंदैन ।raju pariyar०६२ सालतिर राजुले एकै दिनमा झण्डै ५। ६ वटा गीत रेकर्ड गर्थे । एउटा गीत गाएको पांच हजार पारिश्रमिक लिने राजुको माग अहिले पनि उस्तै छ । उनले गाएका फूलमा मौरी, डुल्ने बेलामा, धोका दिनेलाई के भनौं र खोई, भैंसी पालेर, रुमाल धोको छु, सुनपानी, लालुपाते नुग्यो भूंइतिरलगायत हजारौं गीत सफल छ ।

Namaste Filmy

Read Previous

फुटबलको बिषयमा नेपाली फिल्म 'वल्र्ड कप इन नेपाल' । (ट्रेलर हेर्नुहोस)

Read Next

सुपरहिरो ऋतिकको निधन भएको समाचार गलत भएको पुष्टि ।