चलचित्र 'सिम्बा'ले गर्दा दीपिका–रणवीरले हनिमुन मनाउन पाएनन्

बलिउडको हट जोडी रणवीर सिंह र दीपिका पादुकोण पछिल्लो समय आफ्नो विवाहलाई लिएर मिडियामा धेरै चर्चामा आए। उनीहरूले इटालीमा विवाह गरेपछि भारतमा रिसेप्सन आयोजना गरेका थिए। दीपिकाले विवाहको एक महिना पूरा भएपछि हनिमुनबारे बोलेकी छन्।

दीपिकाले भनिन्, ‘तत्काल हनिमुनको कुनै योजना छैन। हामी अहिले फिल्म रिलिजतिर नै आफ्नो ध्यान केन्द्रित गरिरहेका छौं।’ फिल्म सिम्बाको ट्रेलरबारे जानकारी दिँदै दीपिकाले भनिन्, ‘यो फिल्म ब्लकबस्टर साबित हुन्छ। म अहिले रणवीरको यही फिल्ममाथि केन्द्रित छु। यसको रिलिजपछि हनिमुन र जन्मदिनबारे सोचौंला।’

दीपिका–रणवीरको विवाहपछिको सेलिब्रेसन डिसेम्बरसम्म चल्यो तर टाइट वर्क सेड्युलका कारण उनीहरू हनिमुन जान सकेका छैनन्। फिल्म सिम्बाको निर्देशन रोहित सेट्टीले गरेका छन्। फिल्म २८ डिसेम्बरमा रिलिज हुँदैछ।

Namaste Filmy

Read Previous

अक्षय कुमार र रजनीकान्तको ‘२.०’ ले कमायो ७०० करोड

Read Next

नेपाल आइडलका बिक्रम बरालको स्वरमा 'प्रसाद'को “बरै क्यारी बाचौँला”गीत सार्वजनिक (भिडियो)