अन्तत कादर खानको निधनको पुष्टि

भारतीय चर्चित अभिनेता कादर खानको ८१ वर्षको उमेरमा निधन भएको छ। लामो समयदेखि विरामी खानको क्यानडामा उपचारका क्रममा निधन भएको भारतीय सञ्चारमाध्यमहरूले जनाएका छन्।खान उपचारमा रहेकै बेला गएका केही दिन मिडियामा उनको मृत्यु भएको हल्ला चलेको थियो। तर पुष्टि भएको थिएन।

टाइम्स अफ इन्डियाले उनका छोरा सर्फराजलाई उद्‍धृत गर्दै डिसेम्बर ३१ मा उनको निधन भएको उल्लेख गरेको छ। उनको अन्तिम संस्कार क्यानडामै गरिने समाचारमा जनाइएको छ। उनी चार महिनादेखि क्यानडामा उपचाररत थिए।
एनडीटीभीका अनुसार उनी सुप्रान्युक्लियर पाल्सी नामक समस्याबाट पीडित थिए। अफगानिस्तानको काबुलमा जन्मिएका कादर खानले सन् १९७३ मा राजेश खन्नाको फिल्म ‘दाग’ बाट फिल्मी दुनियाँमा डेब्यु गरेका थिए।
उनका ३०० भन्दा बढी फिल्म छन्। उनले २५० भन्दा बढी फिल्ममा सम्वाद लेखेका छन्। अभिनयमा आउनुअघि उनले रवीन्द्र कपुर र जया बच्चनको ‘जवानी दिवानी’ मा सम्वाद लेखेका थिए।

Namaste Filmy

Read Previous

एभरेष्ट सुर्य बोहराको नया चलचित्रमा अनमोल केसीको नायिका

Read Next

दिपक र रोहितको फिल्मलाई दिपेन्द्र लामाले निर्देशन गर्ने