दीपक-दीपा र रोहित अधिकारीको चलचित्र ‘छ माया छपक्कै’को छायांकन शुरू

बिहिबारबाट  चलचित्र ‘छ माया छपक्कै’को छायांकन शुरू भएको छ ।चलचित्रमा दीपकराज गिरी, केदार घिमिरे, दीपाश्री निरौला, केकी अधिकारी मुख्य भूमिकामा छन् ।

कमेडी जनरामा निर्माण हुन लागेको चलचित्र ‘छ माया छपक्कै’ लाई दीपेन्द्र लामाले निर्देशन गर्नेछन् । चलचित्रमा दीपकराज गिरीको पटकथा रहने छ भने संवाद अभिमन्यू निरवी, दीपक, जितु नेपाल र केदार घिमिरेले संयुक्त रुपमा मिलेर लेखेका हुन् । निर्देशन सल्लाहकारको रुपमा दीपाश्री निरौला रहेकी छिन् ।

चलचित्रमा जितु नेपाल र केदार घिमिरे कार्यकारी निर्माताको रुपमा रहेका छन् ।दीपक शर्माको संगीत रहने यस चलचित्रमा कविराज गहतराजको नुत्य,रोशन श्रेष्ठको एक्शन,हरि हुमागाईको छायांकन तथा बिपिन मल्लको सम्पादन रहने छ ।

आगामी बडा दशैलाई रिलिज गरिने चलचित्र ‘छ माया छपक्कै’  निर्माता रोहित अधिकारीले निर्माण गर्न लागेका हुन् । चलचित्रलाई आमा सरस्वती मूभिज, रोहित अधिकारी फिल्मस र आइएमइले मिलेर निर्माण गर्ने भएका हुन्  ।करिब बजेट २ करोड लगानी रहने यस चलचित्रको सबै लगानी रोहित अधिकारी फिल्मसको हुनेछ भने नाफाको  ५० प्रतिशत दीपक–दीपा टिमले  लिनेछन् ।

Namaste Filmy

Read Previous

गायक कर्णराज गिरीको ‘मन्जुरी’मा आँचल शर्मा र अर्जुन जिसीको रोमान्स (भिडियो )

Read Next

प्रदीप खड्कासग ‘प्रेमगीत ३’ यी २५ जनामा एक जनाले रोमान्स गर्दै