१ करोड १५ लाखमा बिक्यो रंगशाला निर्माणार्थ बनेको ‘सेन्टी भाइरस’ को इन्टरनेशनल राइट्स

चितवनको रामपुरमा निर्माणाधिन गौतमबुद्ध अन्तर्राष्ट्रिय क्रिकेट रंगशालालाई सहयोगार्थ निर्माण गरिएको चलचित्र ‘सेन्टी भाइरस’ को इन्टरनेशनल राइट्स महँगो मुल्यमा बिक्री भएको छ ।

फाल्गुन ९ गतेबाट प्रदर्शनमा आउने तयारीमा रहेको चलचित्र अमेरिकाको एक कम्पनीले एक करोड १५ लाख रुपैयाँमा खरिद गरेको हो । चलचित्रलाई अमेरिकाको नेप्सिने कम्पनीले खरिद गरेको हो ।

रंगशाला स्थलमा आज (सोमबार) सुबिहानी फिल्मस्को तर्फबाट कलाकार सिताराम कट्टेल ( धुर्मुस ) र नेप्सिने कम्पनी नेपालका प्रमुख विधान कार्कीबीच चलचित्रको राइट्स खरिदबारे सम्झौता भएको हो ।

हाँस्यकलाकार तथा सामाजिक अभियन्ता सिताराम कट्टेल ‘धुर्मुस’ र कुञ्जना घिमिरे ‘सुन्तली’ अभिनित बहुप्रतिक्षित चलचित्रको आम्दानीको ५० प्रतिशत रंगशाला निर्माणमा खर्च गरिने बताइएको छ ।

चलचित्रमा धुर्मुस सुन्तलीको अलावा दयाहाङ राई, राजाराम पौडेल, विल्सन विक्रम राई, बुद्धि तामाङ, कमलमणी नेपाल, सूर्यमाला खनाल ,सदिप क्षेत्री , पवन खतिवडा , अलिश राई, सुनिता घिमिरे लगायतका कलाकारहरुको अभिनय छ ।

चलचत्रलाई रामबाबु गुरुङको निर्देशन गरेका हुन् ।२ करोडको लागतमा बनेको यस चलचित्रलाई डिन्डु लामा ह्योल्मोले निर्माण गरेका हुन् । फूर्पा लामा चलचित्रका सह-निर्माता हुन् ।सुबिहानी फिल्मस् प्रा.लीको ब्यानरमा निर्माण भएको ‘सेन्टी भाइरस’ को कथा कुमार कट्टेल र दीपक आचार्यले लेखेका हुन् । राजनराज सिवाकोटी ,शंकर थापा स्माइल र कालीप्रसाद बाँस्कोटाको संगीत रहेको चलचित्रलाई शैलेन्द्र डि. कार्कीले छायांकन गरेका हुन् ।

Namaste Filmy

Read Previous

सौगात मल्ल अभिनित चलचित्र ‘मन्त्र’को फर्स्टलुक सार्वजनिक

Read Next

‘नीरफूल’को पोस्टर सार्वजनिक,फागुन ३०मा रिलिज हुने