गायिका बुनु श्रेष्ठको ‘तिमी मेरो हुन सकेनौ’को भिडियो सार्वजनिक

गायिका बुनु श्रेष्ठको स्वर रहेको गीत ‘तिमी मेरो हुन सकेनौ’को म्युजिक भिडियो सार्वजनिक भएको छ ।गीतकार नरेश प्रधानको शब्द रहेको सार्वजनिक गीतमा दिपक शर्माको संगीत रहेको छ।केहि समयदेखि सामाजिक जनचेतनाका गीतहरु रचना गर्दै आएका गीतकार नरेश प्रधानले यस गीतमार्फत् मायाप्रेमका गीत रचनामा समेत आफू अब्बल रहेको प्रमाणित गर्ने प्रयास गरेका छन् ।रिदम कंडेलको संगीत संयोजन रहेको उक्त गीतमा साउण्ड इन्जिनियर महेश्वरमान राजभण्डारीको ध्वनी मुद्रण रहेको छ।

मनोज राजभण्डारीको निर्देशन रहेको उक्त वियोगान्त प्रेमकथामा आधारित म्युजिक भिडियोमा मोडल निराजन प्रधान र करुणा श्रेष्ठको अभिनय हेर्न सकिन्छ । भिडियोमा दिपेन बस्नेत र सास्वत श्रेष्ठको छायाँकन तथा मेरोन राजभण्डारीको कथा एवं सम्पादन रहेको छ ।

एनएफडिसीको पोष्ट प्रोडक्सन रहेको म्युजिक भिडियोमा किमत गौतमले प्राविधिक निर्देशन, श्रीकृष्ण श्रेष्ठले भिएफएक्स र मित्र डि. गरुङले कलर करेक्सन गरेका हुन् भने भिडियोमा रहेको ड्रोन शटलाई टार्जन लिम्बुले खिचेका हुन् ।मेल, फिमेल र डुएट गरी ३ संस्करणमा सार्वजनिक हुने उक्त गीत को मेल भर्जनको म्युजिक भिडियोलाई स्टुडियो साउण्ड मिलको अफिसियल युटयुब च्यानलमार्फत सार्वजनिक गरिएको छ ।

Namaste Filmy

Read Previous

निर्देशक सुदर्शन थापाले जन्मदिनमा सुप्रिया कटुवालसँग गरे इन्गेजमेन्ट

Read Next

प्रशान्त ,सुनील र सम्पदाको मुख्य भूमिकामा चलचित्र ‘अस्तित्वको लडाईं’ को शुभ मुहर्त