प्रकृतिलाई माया गर्ने प्रतिवद्धता

फाल्गुन ३ ,शनिबार
फेब्रुअरी १४ मा युवावर्गहरुले धुमधामका साथ भ्यालेन्टाइन डे मनाइरदा सोहिदिन राजधानीको डिल्लीबजारस्थित भोजन गृहमा समाजका लब्ध प्रतिष्ठित व्यक्तिहरु प्रकृतिलाई आफ्नो पे्रमी वा प्रेमीका बनाएर माया गरौँ भनिरहेका थिए । काठमाण्डौँ प्रहरी प्रमुख रमेश खरेल, हास्य कलाकार मनोज गजुरेल, नायिका नन्दीता केसी, नायक जीवन लुईटेल, युएन पार्कका व्यवस्थापन प्रमुख चन्द्रदेव यादव, युनेस्को नेपालका सचिव ध्रुवराज रेग्मी आजको लागि हाम्रो प्रेमी—प्रेमीका भनेकै प्रकृति हो भनिरहेका थिए । “वातावरणलाई संरक्षण गर्नु व्यक्ति एक्लैले सम्भव नहुने र यसमा आजका युवा शक्तिको खाचो छ, जसले नियम कानुनलाई सही रुपमा पालना गर्न र गराउन सक्छन” भन्ने भनाई उनीहरुको रहेको थियो ।1920447_676055462447430_1007909034_nवातावरण संरक्षणमा निरन्तर रुपमा कार्य गर्दै आएको संस्था सेभ द प्लानेट मिसन२०२० नेपालले विगत ५ वर्षदेखि ‘प्रकृतिलाई माया गरौँ‘ अभियानको साथ फेब्रुअरी १४ मा वार्षिक कार्यक्रम मनाउंदै आएको छ । सो कार्यक्रमको उद्घाटन वन तथा भू–संरक्षण मन्त्रालयका कार्यवाहक सचिव डा. अन्नपूर्णानन्द दासको प्रमुख आतिथ्यमा सम्पन्न भएको थियो । विश्वले १४ फेब्रुअरीलाई दुई मुटु विचको मायाका रुपमा मात्र मनाईरहदा यस संस्थाले मुटु र प्रकृतिविचको मायालाई फरक ढंगले परिभाषित गरी बिशेषगरी युवाहरुलाई वातावरण सम्बन्धी जानकारी गराई यसको संरक्षणमा लाग्न अभिप्रेरीत गर्ने उद्देश्य राखेको छ ।
1900126_676055499114093_144980878_n
सोही अवसरमा वातावरण र सामाजिक क्षेत्रका विभिन्न अभियान्ता तथा सचेतकहरुलाई सम्मान गर्नुको साथै हालै सम्पन्न विद्यालय स्तरीय वक्तृत्वकला तथा चित्रकला प्रतियोगिताका विजयी विद्यार्थीहरुलाई पुरस्कार वितरण गर्ने कार्यक्रम समेत रहेको छ । सम्मानित हुनेहरुमा ३३ वर्ष देखि वातावरण क्षेत्रमा कार्यरत आईयूसिएनका राजेन्द्र खनाल, लेखक, समाजसेवी तथा सामाजिक अभियन्ता होमराज आचार्य, वातावरण संरक्षण अभियन्ता तथा मिस नेपाल २००५ सुगारकिा केसी, सेभ द प्लानेटको विभिन्न वातावरणको कार्यक्रमहरुमा सहभागी बैंकर रविना देशराज श्रेष्ठ, पर्यावरण÷पर्यटन नेपालका अभियन्ता र वातावरण संरक्षणकर्मी भरत बस्नेतलाई सम्मान गरीएको छ । साथै वातावरण तथा पर्यावरण सम्बन्धी डकुमेन्ट्री बनाएर जनचेतना जगाउन सफल फिल्म निर्माता तथा निर्देशक सुमन दाहाल, चिडियाखानाका साथीहरु संस्था मार्फत विगत १८ वर्ष देखि निरन्तर वातावरण संरक्षणमा लागि परेका शिक्षक भक्ति घिमिरे र सेभ द प्लानेटले आयोजना गरेका वातावरणीय कार्यक्रममा निरन्तर सहभागी पत्रकार तथा सञ्चारकर्मी रोजिन शाक्यलाई समेत सम्मान गरिएको छ ।
यसै कार्यक्रम मार्फत सेभ द प्लानेट मिसन२०२० नेपालले सहभागीहरु मार्फत वातावरण संरक्षण तथा सचेतनाको लागि प्रतिवद्धता जाहेर गराई ऐक्वबद्धताको घोषणा गराएको थियो । साथै यस संस्थाले सोही कार्यक्रम मार्फत हस्ताक्षर अभियान शुरु गरी १ लाख हस्ताक्षर संकलन गरी संयुक्त राष्ट्र संघ विकास कार्यक्रम (युएनडिपी) र संयुक्त राष्ट्र संघ वातावरण कार्यक्रम (युएनइपी) को महासभामा पेश गर्ने योजना गरेको छ ।

Namaste Filmy

Read Previous

चितवनका युवाहरुसंग साहिमाले मस्ती गरिन । प्रमोद भने जिल्लिए ।

Read Next

यस्तो हुन्छ मानिसको 'कुण्ठा ' । भिडियो हेर्नुहोस ।