‘झोला’लाई साँखुमा दर्शकको राम्रो साथ

काठमाडौंको साँखु स्थित सालिनदीमा जारी ‘स्वस्थानी मेला’को अवसर पारेर विशेष प्रदर्शनको क्रममा रहेको नेपाली मौलिक चलचित्र ‘झोला’ ले दर्शकको राम्रो साथ पाएको छ । स्वस्थानी कथा र चलचित्र दुबै नारीको परिवेशसँग जोडिएकोले मेलाको अवसर पारेर एक महिने प्रदर्शनको क्रममा रहेको यो चलचित्र हेर्ने दर्शकको भीड उल्लेख्य देखिएको छ ।
jhola hallगत पौष २१ बाट मेला सुरु भएसँगै प्रदर्शन सुरु गरिएको चलचित्रको सो मा सुरुवाती दिनमा दर्शक मध्यम रुपमा उपस्थित भए पनि पछिल्लो चार दिन यता हरेक ‘सो’ हाउसफुल बनेको निर्माता राज तिमिल्सिना बताउँछन् । दैनिक ५ सो को हिसावले अहिले चलचित्र प्रदर्शन भईरहँदा दर्शकको बढ्दो चाख र मागले दैनिक रुपमा ७ सो चलाउन पर्ने स्थिती आएको पनि उनले जानकारी दिए । ‘दिन बढ्दै जाँदा सिनेमा प्रति दर्शकको चाहाना तथा उत्सुकता बढ्दै गएको पाएका छौँ अर्का निर्माता सुशिल शाहले भने, ‘नेपाली समाजको सय बर्ष पुरानो कथालाई अहिले पर्दामा देखाउन पाउँदा अनि चलचित्रप्रति दर्शकले दिएको माया र साथले उत्साहित बनाएको छ ।’
jhola team2शनिवार चलचित्रका निर्देशक यादवकुमार भट्टराई, निर्माता द्वय तिमिल्सिना र शाह तथा अर्का निर्माता रामगोपाल थापा तथा केन्द्रिय अभिनयमा रहेका बाल कलाकार सुजल नेपालसँगै दर्शकले चलचित्र हेरेका थिए । जहाँ कलाकार सुजलको अभिनयलाई धेरैले तारिफ गरेको पाईएको थियो भने उनीसँगै तश्विर खिचाउनेको समेत भीड थियो । निर्माण युनिटले माघ १ गते अर्की लिड कलाकार गरिमा पन्त, देशभक्त खनाल लगायतलाई दर्शक समक्ष उपस्थित गराउने कार्यक्रम राखेको छ ।
सो को लागी बाँसबाट कृतिम रुपमा सिनेमा हल निर्माण गरिएको छ । जहाँ एक पटकमा ५ सय जनाले चलचित्र हेर्न सक्ने व्यवस्था छ ।
sujal nepal bhai
मेला आयोजक माधवनारायण स्वस्थानी व्रत तथा शालिनदी सुधार समितिसँगको सहकार्यमा चलचित्र युनिटले एक महिनाको लागी दर्शकमाझ झोलाको सो आयोजना गरेको हो । मेला अवधीभर करिव ६० हजार दर्शकले चलचित्र हेर्ने अपेक्षा निर्माण युनिटको छ । मेलामा हरेक बर्ष करिव ३० लाख श्रद्धालुहरुको उपस्थिती रहने मेला आयोजक समितिले जनाएको छ ।
सति प्रथाको ऐतिहासिक कथामा आधारित मौलिक नेपाली चलचित्र ‘झोला’ लाई कृष्ण धारावासीको कथा ‘झोला’मा आधारित फिल्ममा गरिमा पन्त, देशभक्त खनाल, लक्ष्मी गिरी, सुजल नेपाललगायतको अभिनय रहेको छ ।

Namaste Filmy

Read Previous

निर्माता सुशिल शाहको जन्मदिनमा ‘धुन’ को गीत रिलिज (भिडियो सहित )

Read Next

रेखाको स्टार पावरले चलो ‘तथास्तु’ (भिडियो सहित )